>Golden Triangle Part 4

November 29, 2008

>


အဆိပ်အတောက် ရွှေတြိဂံ ရှင်းတမ်း

တရုတ် စာနယ်ဇင်းသမားများ ရေးသည်။ ဖြူစင် ဘာသာပြန်သည်။

အခန်းဆက် ဘာသာပြန် မှတ်တမ်း – ၄

နိုဝင်ဘာ ၂၈၊ ၂၀၀၈

အပိုင်း (၃)

ထမြောက်အောင်မြင်မှု သရဖူဆောင်း ရွှေတြိဂံကူမင်တန် အကြွင်းအကျန် ဘိန်းရာဇာများ

ကူမင်တန်အကြွင်းအကျန် လီမိတပ်နဲ့အတူ မြန်မာပြည်မြောက်ပိုင်း ရွှေတြိဂံဘက်ဆီ ဆုတ်ခွာ သွားကြတယ်။ နယ်မြေရပ်ခြား တရပ်တကျေးမှာ အထီးကျန်ဘဝ စစ်တပ်အဖြစ် ‘နိုင်ငံအထဲက နိုင်ငံ’ အသွင်သဏ္ဍာန်ဖြင့် စီမံကွပ်ကဲအုပ်ချုပ်ရပါတယ်။ ဒီတပ်ပျက်အင်အားစုကြီး ရွှေတြိဂံဆီ အတင်း ထိုးဖောက် ဝင်ရောက်လာကြပြီး မြန်မာပြည်မြောက်ပိုင်းရဲ့ တမူထူးခြားတဲ့ လူနေမှုအသွင်သဏ္ဍာန်ကို အတင်းပဲ ပြောင်းလဲပစ်လိုက်ကြတယ်။ ဒါ့အပြင် ဘိန်းအဆိပ်ငွေ့ဖြင့် တပ်ရဲ့အသက်သွေးကြောကို ထောက်ပံ့ရှင်သန်စေခဲ့တယ်။

နိုင်ငံတကာ မူးယစ်ဆေးဝါးတိုက်ဖျက်ရေးအဖွဲ့အစည်းရဲ့ အသစ်လွင်ဆုံး စာရင်းကောက်ယူ ချက်အရ ယနေ့မျက်မှောက်ခေတ်ကာလတွေမှာ ရွှေတြိဂံနယ်မြေကို ဖြတ်သန်းပြီး ရောင်းဝယ်ဖောက် ကားကြတဲ့ ဟီးရိုးအင်း ဘိန်းဖြူအရေအတွက် အလေးချိန်ပမာဏဟာ ကမ္ဘာ့ကိန်းဂဏန်းရဲ့ (၇ဝ%-၈ဝ%) ရှိပါတယ်။ အဲဒီကိန်းဂဏန်းတွေအထဲက မြန်မာနိုင်ငံက မူးယစ်ဆေးဝါးဟာ ရွှေတြိဂံနယ်မြေ ဒေသတစ်ခုလုံးရဲ့ ၈ဝ% ရှိနေပါတယ်။

၉-၃-၁၉၅ဝ –

တရုတ်ပြည်မကြီးက ဆုတ်ခွာလာကြတဲ့ ကူမင်တန် တပ်ဖွဲ့အင်အား ၈ဝဝ ရှိတဲ့ နောက်ဆုံးအသုတ် အကြွင်းအကျန်တပ်ဖွဲ့ကို တရုတ်ပြည်သူ့လွတ်မြောက်ရေးတပ်မတော်က အတင်း လိုက်လံ တိုက်ခိုက်လေတယ်။ စစ်ရှုံးကူမင်တန်တပ်ဟာ တောင်ပိုင်းနယ်စပ်မျဉ်းကို ဖြတ်ကျော်ပြီး မြန်မာနိုင်ငံနယ်နိမိတ်အတွင်းပိုင်းဆီ ထိုးဖောက်ရောက်ရှိလာပါတယ်။

ဒီတပ်ဖွဲ့ရဲ့ ဦးစီးကွပ်ကဲရေးမှူး က အမှတ် ၈ တပ်မဟာ၊ ၂၃၇ တပ်မ၊ တပ်ရင်းတပ်ဖွဲ့ကြီး ၇ဝ၉၊ တပ်ရင်းတပ်ဖွဲ့မှူးကြီး မေဂျာဂျင်နရယ် လီကို့ဟွေး ဖြစ်ပါတယ်။ မြန်မာပြည်အရှေ့ဘက် အရေးပါတဲ့ တာချီလိတ်ရဲ့ မိုင်းပန်ရွာကလေးမှာ ဂျင်နရယ်လီကို့ဟွေးနဲ့ အကြွင်းအကျန် အကြပ်တပ်သား ၆ဝဝ ကျော်တို့ တစုတဝေးထဲ တပ်စခန်းချ ထားကြတယ်။ ဒီတပ်ဖွဲ့ရဲ့ဦးစီး ကွပ်ကဲရေးအရာရှိက အမှတ် ၂၆ တပ်မဟာ၊ ၉၃ တပ်မ၊ ၂၇၈ တပ်ဖွဲ့ တပ်ရင်းမှူးကြီး ထန်ကျုန်း ဖြစ်ပါတယ်။ တပ်နှစ်တပ် ပေါင်းစည်းလိုက်ပြီး ‘ပြန်လည်ဆန်းသစ် စိုးမိုးရေး တပ်ဖွဲ့’ ဆိုပြီး ဖွဲ့လိုက်ကြတယ်။

ဂျင်နရယ် လီကို့ဟွေးက စစ်ဦးစီးချုပ်နှင့် တွဲဘက် ၇ဝ၉ တပ်ဖွဲ့မှူးကြီး အဖြစ် ထမ်းဆောင်ပါတယ်။ ထန်ကျုန်းက ဒုဦးစီးချုပ်နှင့် ၂၇၈ တပ်ဖွဲ့တပ်ရင်းမှူးကြီး တာဝန် ထမ်းဆောင်ကြပါတယ်။ လီထန်တို့ရဲ့ ‘ပြန်လည်ဆန်းသစ်စိုးမိုးရေး တပ်ဖွဲ့’ ဟာ လူသူလက်နက် စုစည်းပြီး တပ်ကို အလုံးအရင်း တိုးချဲ့လေတယ်။ ဝင်ရောက်ကြတဲ့ လူသူတစိတ်တပိုင်းက မြန်မာ၊ ထိုင်း၊ လောနယ်စပ်တလျှောက်က ကျင်လည်ကျက်စားနေကြတဲ့ ကုန်သည်လုပ်ငန်း လားတပ် အဖွဲ့အစည်းတွေဖြစ်ကြပါတယ်။

နောက်ထပ် တခြား တစိတ်တပိုင်းက ဒုတိယကမ္ဘာစစ်ကာလတုန်းက မြန်မာနိုင်ငံအတွင်းဝင်ရောက်ပြီး လက်နက်တပ်ဆင်ပြီး ဂျပန်ကို တွန်းလှန်တိုက်ခိုက်မယ့် တရုတ်ခရီး ရှည်တပ်ဖွဲ့က ပြန့်ကျဲကျန်ရစ်ခဲ့ကြတဲ့ တပ်သားဟောင်းကြီးတွေ ဖြစ်ကြပါတယ်။ ‘ပြန်လည် ဆန်းသစ် စိုးမိုးရေးတပ်ဖွဲ့’ အင်အားဟာ တပ်သား ၁၄ဝဝ ကနေ ၃ဝဝဝ အထိ တိုးပွားလာပါတယ်။ ဒါပေမယ့် ဟိုးတုန်းက ခုခံတွန်းလှန်ရေး တရုတ် ခရီးရှည်ချီတပ်သားတွေနဲ့ ဖွဲ့စည်းထားတဲ့ တပ်ဖွဲ့ဟာ၊ တိုက်ရည် ခိုက်ရည် အတန်အသင့်မြင့်မားတာကြောင့် ရွှေတြိဂံနယ်မြေမှာ သူတို့ကိုယ်သူတို့ ထီမထင်တဲ့ လက်နက်ကိုင် အင်အားစုဆိုပြီး ဝံ့ကြွားကြလေတယ်။

တရုတ်ပြည်ခရီးရှည်ချီတပ်ဖွဲ့ဆိုတာက ဒုတိယကမ္ဘာစစ်ကာလ ၁၉၄၂ ခုနှစ်နောက်ပိုင်း၊ မြန်မာနိုင်ငံထဲဝင်ရောက်ပြီး ဂျပန်ကိုတွန်းလှန်တိုက်ခိုက်မယ့်တပ်ဟာ ကြည်းတပ် တပ်မဟာ အမှတ် ၂၆၊ တပ်မ ၉၃ တပ်ဖွဲ့ တရုတ်မြန်မာနယ်စပ်ရဲ့ ချဲဖုနန်ဒေသမှ အခြေစိုက်တပ်စွဲထားတာမှာ ငါးနှစ်ပင်ရှိ သွားပါပြီ။

ထိုနယ်မြေဒေသမှာ အတော်လေး လိုက်လျောညီထွေနေတတ်ပြီး ရေပန်းစားတဲ့ တပ်လည်း ဖြစ်ပါတယ်။ ခရီးရှည်ချီ တရုတ်တပ် စစ်ရေးရှုံးနိမ့်ပြီးနောက်မှာ တပ်ဖွဲ့အများအပြားကို ပြန်လည် ပေါင်းစည်းလိုက်ပြီး တပ်မ ၉၃ ကို ဖွဲ့စည်းလိုက်ပါတယ်။

ဒ့ါကြောင့်လည်း တရုတ်၊ မြန်မာ၊ ထိုင်း၊ လောနယ်စပ်က အရပ်သူအရပ်သားတိုင်းက တပ်မ ၉၃ ကို လူတိုင်းနီးပါး တရင်းတနှီးသိကျွမ်း နှင့်ပြီးဖြစ်ကြပါတယ်။ ဟိုးယခင် ခရီးရှည်ချီတပ် အကြွင်းအကျန်ပဲဖြစ်ဖြစ်၊ တရုတ်ပြည်လွတ်မြောက်ရေး တိုက်ပွဲပြီးဆုံးပြီးနောက် ရွှေတြိဂံတကြောဆီ ချဉ်းနင်းဝင်ရောက်လာကြတဲ့ ကူမင်တန် အကြွင်းအကျန် တပ်ဖွဲ့ပဲဖြစ်ဖြစ်၊ သူတို့အားလုံးက ကိုယ့်ဘာသာ တပ်မ ၉၃ တပ်ဖွဲ့ရယ်လို့ ခေါ်တွင်ကြပါတယ်။

ဂျင်နရယ် လီကို့ဟွေးတို့ ‘ပြန်လည်ဆန်းသစ်စိုးမိုးရေးတပ်’ ရယ်လို့ အကြိမ်ကြိမ်ကြွေးကြော်နေကြ ပေမယ့်လည်း ဒေသခံတောင်တန်းသားတွေကတော့ သူတို့တပ်ဖွဲ့ကို ၉၃ တပ်မဟာတပ်ဖွဲ့လို့ပဲ ခေါ်ကြပါတယ်။

၁၉၅ဝ ခုနှစ် သြဂုတ်လ။ အမှတ် ၈ တပ်မဟာချုပ်၊ ယူနန်ပြည်နယ်အစိုးရ ဥက္ကဋ္ဌ၊ ပြည်နယ်ငြိမ်ဝပ် ပိပြားရေးဌာန တာဝန်ခံလီမိကတဆင့် ချန်ကေရှိတ်ရဲ့အမိန့်နဲ့ ထိုင်ဝမ်ကနေ ရွှေတြိဂံ ဆီ ရောက်လာတာဖြစ်တယ်။ အထူးတာဝန်တစ်ရပ်အနေနဲ့ ဂျင်နရယ်လီကို့ဟွေး မူလက ဖွဲ့စည်းထား တဲ့ ‘ပြန်လည်ဆန်းသစ် စိုးမိုးရေးတပ်’ ကို အသစ်ပြောင်းလဲဖွဲ့စည်းပေးဖို့ ရောက်လာခြင်းဖြစ်လေ တယ်။ ၇ဝ၉ တပ်ဖွဲ့တပ်ရင်းကြီးကို ၁၉၃ တပ်မ ပြောင်းဖွဲ့လိုက်တယ်။ ဂျင်နရယ် လီကို့ဟွေးက တပ်မ မှူး။ ၂၇၈ တပ်ဖွဲ့တပ်ရင်းကြီး က ၉၃ တပ်မအဖြစ် ပြောင်းလဲပစ်တယ်။ ထိုင်ဝမ်ကနေ အသစ်စေ လွှတ်တဲ့ ဖုန်ချဲက ဒီတပ်မရဲ့ တပ်မမှူး။ ဒီလိုပဲ ထိုင်ဝမ်ကနေ အသစ်စေလွှတ်လိုက်တဲ့ လွေကို့မိန်ကို ၂၆ တပ်မဟာရဲ့ တပ်မဟာမှူး။ တပ်မဟာမှူးလွေက အထက်ပါ တပ်မနှစ်ဖွဲ့ကို ကိုင်တွယ်ရပါတယ်။

အဲဒီကနေ ‘ယူနန်ကွန်မြူနစ် ဆန့်ကျင်ရေး နိုင်ငံတော်ကယ်တင်ရေးတပ်မတော်’ ကို ဖွဲ့စည်းတည် ထောင်လိုက်တယ်။ ၁၉၅၂ ခုနှစ်မှာ ထိုင်ဝမ်ကနေ တပ်ဗိုလ် တပ်သား ၇ဝဝ ကျော် ထပ်မံစေလွှတ်ပြီး မြန်မာပြည်မြောက်ပိုင်းက ကူမင်တန်အကြွင်းအကျန်တပ်ဖွဲ့ကို အင်အားဖြည့်ပေးလိုက်တယ်။ ၁၉၅၃ ခုနှစ်ရောက်လာတော့ တပ်အင်အား ၁၈၅ဝဝ အထိ တောင့်တင်းလာပါတယ်။

၁၉၅၄-၁၉၅၅ ခုနှစ် မြန်မာအစိုးရစစ်တပ်က နယ်စပ်ရှိ ကူမင်တန် အကြွင်းအကျန်တပ်ကို ထိုးစစ်ဆင်တိုက်ခိုက်လေတယ်။ ချန်ကေရှိတ်က လျိုယွမ်လိန်ကိုစေလွှတ်ပြီး ကူမင်တန် အကြွင်း အကျန်တပ်ဖွဲ့ကို ပြန်လည်စုစည်းပြီး တပ်ကို အသစ်တဖန်ဖွဲ့စည်းစေပြန်တယ်။ လျိုယွမ်လိန်ဟာ ချန်ကေရှိတ်အမိန့်နဲ့ ရွှေတြိဂံက ကူမင်တန်အကြွင်းအကျန် တပ်ဗိုလ် တပ်သား ၄၅ဝဝ ကျော်ကို ပြန်လည်စုစည်းနိုင်ခဲ့ပါတယ်။

‘ယူနန် ပြည်သူ့ကွန်မြူနစ်ဆန့်ကျင်ရေး အပျော်တမ်းတပ်မတော်’ ကို ဖွဲ့လိုက်တယ်။ လျိုယွမ်လိန် ဆိုတာက နာမည်ကျော် ဟွမ်ပူစစ်တက္ကသိုလ် အပတ်စဉ် ၄ ကျောင်းဆင်း ဖြစ်တယ်။ မူလက လီမီ ဖွဲ့စည်းခဲ့တဲ့ ‘ယူနန်ကွန်မြူနစ်ဆန့်ကျင်ရေး နိုင်ငံတော်ကယ်တင်ရေး တပ်မတော်’ ဌာနချုပ် ဒုတိယညွှန်ကြားရေးမှူးချုပ်ကနေ ခုတစ်ကြိမ်အပြောင်းအလဲမှာ ညွှန်ကြားရေး မှူးချုပ် တက်ဖြစ်သွားတာပါ။ အဲဒီနောက် သူ့လက်အောက်မှာ ဒုတိယညွှန်ကြားရေးမှူးချုပ် နှစ်ယောက်ကို ခန့်ထားပြန်တယ်။ တစ်ဦးက ဖုန်ချဲန်၊ နောက်တစ်ဦးက ရွှေတြိဂံနယ်မြေမှာ တော်တော်လေးအစွမ်းအစရှိတဲ့ တွမ့်ရှီးဝန် ဖြစ်တယ်။

တွမ့်ရှီးဝန်ဆိုတာက ကူမင်တန်အကြွင်းအကျန် တပ်ဖွဲ့နှောင်းပိုင်းကာလတွေမှာ လီကို့ဟွေးနဲ့အသွင်တူတဲ့ ပုဂ္ဂိုလ်ဖြစ်တယ်။ ယူနန် ကျန်ဝူထန် နယ်သားဖြစ်တယ်။ သူ့ဇနီးက ရွှေတြိဂံဒေသ စော်ဘွားကြီးတောင်း တုန့်ချိုင် တူမ ဖြစ်တယ်။

၁၉၆၁ ခုနှစ် တရုတ်-မြန်မာ ချစ်ကြည်ရေး လမ်းပေါက်သွားပါတယ်။ မြန်မာအစိုးရ စစ်တပ်က တရုတ်ပြည်ဘက်က နယ်မြေဖြတ်ကျော်ဝင်ရောက်လာတဲ့ တရုတ်ပြည်သူ့လွတ်မြောက်ရေး တပ်မတော် လက်ရွေးစင်တပ်သား ၅ဝဝဝ နဲ့ အတူပူးတွဲပြီး လျိုယွမ်လိန် ကူမင်တန်အကြွင်းအကျန် တပ်ဖွဲ့ကို ဒလကြမ်း တိုက်စစ်ဆင်လေတယ်။ လျိုယွမ်လိန်တို့ အကြီးအကျယ် ရှုံးနိမ့်သွားပြီး ကျန်ရှိတဲ့ တပ်ကြွင်းတပ်ကျန်ကို ဦးဆောင်ပြီး လောနိုင်ငံနဲ့ နယ်မြေတွင်းက ထူထပ်နက်နဲတဲ့ တောတောင်တွေထဲ ဝင်ရောက် ပုန်းခိုလိုက်ကြတယ်။

ရွှေတြိဂံနယ်မြေနှင့် လေးနိုင်ငံရဲ့ တောတောင်ရေမြေတွေက တဆက်တည်းဖြစ်နေပါတယ်။ နယ်မြေဖြတ်ကျော်ဝင်ရောက်ပြီး အကြွင်းအကျန် ကူမင်တန်တပ်တွေကို လိုက်တိုက်တဲ့ တရုတ်ပြည်သူ့ လွတ်မြောက်ရေးတပ်မတော်ရဲ့ စစ်ဆင်ရေးဟာ တိုင်းနိုင်ငံ နယ်မြေဒေသအပိုင်းအခြား ကန့်သတ်မှု တွေကြောင့် ၄င်းတို့ရဲ့စစ်ဆင်ရေးဟာ ထင်တိုင်းမပေါက်ချေ။ ဒါကြောင့် ကိုယ့်တိုင်းပြည်နယ်မြေတွင်း ဆီ ပြန်လည်ဆုတ်ပေးရလေတယ်။ ပြည်သူ့လွတ်မြောက်ရေးတပ်မတော် ကိုယ့်တရုတ်ပြည် နယ်မြေ ထဲဆီ ပြန်လည်ဆုတ်ခွာပြီးတဲ့နောက် ထိုစဉ်က တပ်သားအင်အား တစ်သိန်းရှိတဲ့ မြန်မာအစိုးရတပ်ရဲ့ တိုက်ခိုက်ရေးစွမ်းရည်ဟာ ကူမင်တန်ခရီးရှည်ချီတပ်ဖွဲ့ဟောင်းနဲ့ အဓိကဖွဲ့စည်းထားတဲ့ ရန်သူ့တပ်ကို ဘယ်လိုမှ ယှဉ်မရပါ။

အထူးသဖြင့် တောတောင်တိုက်ပွဲတွေမှာ တောသုံးထောင်ကို မင်းမူတဲ့ ကေသရာဇာခြင်္သေ့မင်းတပ်မလို့ နာမည်ကျော်ကြားတဲ့ လီမီရဲ့တပ်ကို မြန်မာအစိုးရစစ်တပ် ဘယ်လိုမှ မယှဉ်သာပါ။ အကြွင်းအကျန် ကူမင်တန်တပ်ဖွဲ့ စစ်ခေါင်းဆောင်တွေက အသံတွေထုတ်လွှင့်ပြီး ပြောပါ တယ်။

‘ကျုပ်တို့ စိတ်လိုစိတ်ရရှိရင်၊ ရန်ကုန်ကို အချိန်မရွေး သိမ်းလို့ရပါတယ်။ မြန်မာနိုင်ငံကို ကျုပ်တို့ တပ်ရဲ့ မိုးအောက် မြေပြင် ဖြစ်သွားစေရမယ်’ အင်အားချိနဲ့ လွန်းလှတဲ့ မြန်မာအစိုးရ အထိတ်အလန့်နဲ့ တုန်လှုပ်ခြောက်ချားနေရှာတယ်။ နိုင်ငံနယ်နိမိတ်ချင်းကပ်လျက် နိုင်ငံကနေ ချဉ်းနင်းဝင်ရောက်လာတဲ့ ခိုင်မာတောင့်တင်းတဲ့ ရန်သူ့တပ်ဖွဲ့ နောက်ထပ်တစ်ကြိမ် အင်အားတိုးချဲ့လာမှာကို မြန်မာအစိုးရ အစိုးရိမ်ကြီး စိုးရိမ်နေပါတယ်။ မြန်မာအစိုးရ စစ်မက်ရေးရာနဲ့ ကိုယ့်နိုင်ငံကိုယ် ဘယ်လိုမှ မကာကွယ် နိုင်တဲ့အတွက် ‘အနုနည်း’ ကို ကျင့်သုံးလိုက်တယ်။ ကမ္ဘာ့ကုလသမဂ္ဂကြီးထံ ရင်ဖွင့်တိုင်တန်းလေတယ်။ ထိုစဉ်က နိုင်ငံတကာ အသိုင်းအဝိုင်းမှာ ဟိုးလေးတကျော် ဂယက်ရိုက်သွားလေတယ်။

ထိုင်ဝမ်ကူမင်တန် အာဏာပိုင်တို့ ထိပ်တိုက်ရင်ဆိုင်လို့ မရတော့ပါ။ ကုလသမဂ္ဂနှင့် နိုင်ငံ တကာအာဘော်တွေက ဝိုင်းဝန်းစောင့်ကြည့်ဖို့ကို တိုက်တွန်းကြလေတယ်။ ၁၉၅၃ ခုနှစ် နိုဝင်ဘာလ ကနေ ၁၉၅၃ ခုနှစ် မတ်လအတွင်း လူပေါင်း ငါးထောင်ကျော် ခြောက်ထောင် လေကြောင်းခရီးနဲ့ ထိုင်ဝမ်ကို ပြန်ပို့လိုက်ပါတယ်။ ၁၉၆၁ ခုနှစ်မှာ ကူမင်တန် အကြွင်းအကျန်တစ်သုတ် ထိုင်ဝမ်ကို ပြန်ပို့ပြန်တယ်။ ဒါပေမယ့် အကြွင်းအကျန်တချို့ ကျန်နေရစ်ခဲ့ပါတယ်။

ကျန်ရစ်ကြတဲ့ တပ်သားတွေက အဓိကကတော့ ၉၃ တပ်မ အစရှိတဲ့ ယူနန်ပြည်နယ်သားတွေဖြစ်ကြပါတယ်။ ဥပမာ – တွမ့်ရှီဝန်နှင့် သူ့ရဲ့ အမှတ် ၅ တပ်မဟာ ကျဲန်ခန်းနယ်သား တပ်သားတွေ ဆုတ်ခွာမသွားကြပါ။ သူတို့တတွေဟာ သူတို့ရဲ့ဇာတိနဲ့ အလှမ်းမဝေးလှတဲ့ ရွှေတြိဂံကိုရွေးပြုပြီး အခြေချနေထိုင်လိုက်ကြတယ်။ ၁၉၆၄ ခုနှစ် မှာ တွမ့်ရှီဝန်ဟာ သူ့တပ်ဖွဲ့ကို ဦးဆောင်ပြီး ထိုင်းအစိုးရထံ လက်နက်ချ အလင်းဝင်လိုက်ကြတယ်။ နောက်ပိုင်းတော့ ‘ထိုင်းမြောက်ပိုင်းဒေသ ပြည်သူ့ကာကွယ်ရေးတပ်’ ရယ်လို့ ပြောင်းလဲခေါ်ဝေါ်လိုက် တယ်။

ထိုင်းနိုင်ငံအစိုးရက အဲဒီ တပ်ကြွင်းတပ်ကျန်တွေ ဘိန်းလုပ်ငန်းနဲ့ မပတ်သက်ရလို့ စည်းကမ်း သတ်မှတ်ထားပါတယ်။ တပ်ဖွဲ့တပ်သားမိသားစုတွေ ကောက်ပဲသီးနှံတွေကိုသာ ထွန်ယက်စိုက်ပျိုးကြ ရပါတယ်။ နေထိုင်မှုအတော်လေးကို ပင်ပန်းဆင်းရဲကြပါတယ်။ ဒါပေမယ့် စိတ်ဝင်စားစရာကောင်းတာ ကတော့ ကူမင်တန် အကြွင်းအကျန်တပ်ဖွဲ့တွေရဲ့ အမည်နာမတွေ၊ တပ်အမှတ်နံပါတ်တွေ အမျိုးမျိုး အဖုံဖုံ ဘယ်လိုပဲ ပြောင်းပြောင်း၊ ဘယ်သူနဲ့ပဲ ပတ်သက် ပတ်သက်၊ ဘယ်သူဘယ်ဝါ ဘယ်အဖွဲ့ အစည်းကပဲ ချုပ်ကိုင် ချုပ်ကိုင် ဒေသခံတိုင်းရင်းသားတွေနှင့် မြန်မာပြည်မြောက်ပိုင်းသားတွေရဲ့ အမြင် ကတော့ ဘယ်တော့မှ ပြောင်းလဲမှုမရှိဘဲ သူတို့ကို ‘အမှတ် ၉၃ တပ်မ’ လို့ပဲ ခေါ်ဝေါ်ကြပါတယ်။

ဒါဟာ ဂျပန်ကို တော်လှန်တိုက်ခိုက်တဲ့ တရုတ် ပြည်ခရီးရှည်ချီတပ်ဖွဲ့ကြီးရဲ့ ဂုဏ်သိက္ခာတွင်ရစ်တဲ့ အမည် နာမကြီးဖြစ်တယ်။

၁၉၈ဝ ခုနှစ်မှာ ကူမင်တန်အကြွင်းအကျန်တပ်ဖွဲ့ ခေါင်းဆောင်ကြီး တွမ်ရှီးဝန် ကွယ်လွန်ပါ တယ်။ မူလ အမှတ် ၅ တပ်မဟာ စစ်ဦးစီးမှူး လေယွီးထျိုင်က ‘ထိုင်းမြောက်ပိုင်းတောင်တန်းဒေသ ပြည်သူ့ကာကွယ်ရေးတပ်’ ဦးစီးမှူးချုပ်တာဝန်ကို လွှဲပြောင်းယူလိုက်ပါတယ်။ လီဝန်ဝမ့်က နဂိုမူလ အတိုင်း ဒုတိယဦးစီးမှူး အရာရှိဖြစ်ပါတယ်။ ဦးစီးမှူးချုပ် လေယွီးထျိုင်ရဲ့ နာမည်အရင်းက ကျန်းပိန်စု ဖြစ်တယ်။ ၁၉၁၈ ခုနှစ်မှာ မွေးဖွားတယ်။ ယူနန်ပြည်နယ် ကျဲန့်စွေနချီးနယ်သားဖြစ်တယ်။ တွမ့်ရှီဝန် အုပ်ချုပ်စဉ်က သူ့လက်အောက်ခံ အကြပ်တပ်ဗိုလ်တပ်သားတွေ၊ ရွာသူရွာသားတွေက သူ့ကို ‘ဗိုလ်ချုပ်လေ’၊ ‘၉၃ တပ်မမှူး’ ရယ်လို့ တလေးတစား ခေါ်ဝေါ်ဆက်ဆံကြပါတယ်။

သူတို့ဟာ ထိုင်းနိုင်ငံနယ်နိမိတ်အတွင်းမှာ ‘ကိုယ်ပိုင် ရပ်တည်ရေးကျေးရွာ’ တည်ထားပါတယ်။ ရွာထဲမှာ အမြဲတမ်းတပ်အင်အား ၆ဝဝ ရှိပါတယ်။ ဟန်တရုတ်စာ၊ ဟန်တရုတ်စကားကို အခြေခံဘာသာ စကား အဖြစ် အသုံးပြုထားပါတယ်။ လူသူအတော်များများက ထိုင်းနိုင်ငံသားအဖြစ် ခံယူထားကြပါတယ်။ ဒါ့အပြင် ဒေသခံတွေနဲ့ အိမ်ထောင် ရက်သားကျတာတွေလည်း များပြားလာပါတယ်။

၁၉၈၅ ခုနှစ်၊ ဂျပန်နိုင်ငံ ‘မျက်မှောက်ခေတ်’ သတင်းဂျာနယ်က အထူးသတင်းထောက် စုန်းပိုင် လိချူးကို ရွှေတြိဂံဆီ အထူးလျှို့ဝှက် စေလွှတ်လိုက်ပါတယ်။ တစ်လကျော်၊ နှစ်လနီးပါး သတင်းရယူ စုဆောင်းခိုင်းလိုက်တယ်။ ဂျပန်သတင်းထောက်ဟာ တပ်မ ၉၃ အခြေစိုက်နယ်မြေ (ထိုင်းနိုင်ငံ၊ ချင်းမိုင်နဲ့ သိပ်မဝေးတဲ့ မေစလော့မြို့ငယ်လေး)မှာ လေယွီထျိုင်နဲ့ တွေ့ဆုံကြပါတယ်။ ဂျပန်သတင်း ထောက် ရေးဖွဲ့ထားတဲ့ သတင်းက ဒီလိုပါ။ ‘ဗိုလ်ချုပ်လေရဲ့ နေအိမ်က ရွာထဲက အေးဆေး တိတ်ဆိတ်တဲ့ တောင်ကုန်းလေးအပေါ်မှာပါ။ နေအိမ်က ကျယ်ဝန်းတယ်လို့ ပြောလို့မရပါ။ ခံတပ် စခန်းအတိုင်း အင်မတန် ခိုင်ခန့်လှတယ်။ အိမ့်လေးဘက်လေးတန်မှာ ကတုတ်ကျင်းတွေ တူးထားပါ တယ်။ ကင်းစောင့်တော့ ချမထားပါ။

ဧည့်ခန်းထဲမှာ ထိုင်ဝမ်ကထုတ်တဲ့ စာအုပ်တွေနဲ့အပြည့်ပါ။ စစ်ရေးနဲ့ပတ်သက်တဲ့ စာအုပ်အရေအတွက်က များပါတယ်။ စာအုပ်စင်မှာ ကူမင်တန်ပါတီရဲ့ အရေးပါ ပုဂ္ဂိုလ်ကြီးတွေရဲ့ ဓာတ်ပုံကြီးတွေ ချိတ်ဆွဲထားပါတယ်။ ဗိုလ်ချုပ်လေဟာ တိုင်းတပါးသားတွေရဲ့ ရှေ့မှောက်မှာ ပေါ်ပေါ်ထင်ထင် ထွက်ပေါ်လေ့မရှိပါ။ ကြားရတဲ့ စကားအရ ‘အနီရောင် အကြမ်းဖက် သမား’ တွေရဲ့ လုပ်ကြံမှုကို ကာကွယ်ထားခြင်းလို့ ပြောကြပါတယ်။

ဂျပန်သတင်းထောက်ကို လေယွီထျိုင်ပြန်လည်ဖြေကြားတဲ့ စကားကတော့

‘ဘိန်းနဲ့ပတ်သက် တဲ့ကိစ္စတွေလား၊ ဒီအရေးကိစ္စတွေထဲ ကျွန်တော်တို့ နည်းနည်းလေးမှ ဝင်မပါပါဘူးခင်ဗျာ။ မျက်မှောက် ကျွန်တော်တို့ လုပ်ရမယ့်အလုပ်တာဝန်တွေက ထိုင်းနိုင်ငံရဲ့ သဘောကို လိုက်နာရမယ်။ ကျွန်တော်တို့ လူတွေ ထိုင်းနိုင်ငံသားတွေအဖြစ် ဝင်ကြရမယ်။ ကျွန်တော်တို့ တရုတ်ပြည်မကြီးက ကိုယ့်ရပ် ကိုယ့်ရွာ ကိုယ့်ဇာတိမြေကို အောက်မေ့ သတိရမှုတွေ တကယ့်ကို ပြင်းပြပါတယ်ဗျာ။ ဒါပေမယ့် ကျွန်တော် ခံစား ရတာက အေးအေးချမ်းချမ်းနဲ့ နေထိုင်သွားနိုင်ရေးပဲလေဗျ။ ဒီတော့ ပိုပြီး လွတ်လပ်တဲ့ ထိုင်းနိုင်ငံမှာပဲ နေလိုတဲ့ဆန္ဒတွေ များနေပါတယ်။ ခုဆို ထိုင်းနိုင်ငံမှာပဲ အခြေတကျနေထိုင်ကြဖို့ ကျွန်တော်တို့အားလုံး ဆုံးဖြတ်ချက် ချထားပြီးပါပြီခင်ဗျာ’

တပ်မ ၉၃ နဲ့ ရွှေတြိဂံမူးယစ်ဆေးဝါး တကယ့်ကိုပဲ ပတ်သက်မှု ကြီးကြီးမားမား မရှိဘူးဆိုတာ ဟုတ်မှဟုတ်ပါလေစ။ ကွပ်ကဲရေးဦးစီးချုပ် လေယွီထျိုင် ပြောစကားအတိုင်း ‘နည်းနည်းလေးမှ ဝင်မပါ ပါဘူး’ ဆိုတာရော ဟုတ်မှဟုတ်ပါလေစ။ ၅ဝ ခုနှစ် အစဦးပိုင်းတုန်းက ကူမင်တန် စစ်ရှုံးတပ်တွေ အနောက်တောင်ဘက်ဆီ ဆင်းချလာပြီး မြန်မာပြည် နယ်နိမိတ်အတွင်းကို ရောက်စဉ်အခါတုန်းက တကယ့်ကိုပဲ မသာအိမ်က အထိတ်တလန့်ဖြစ်နေတဲ့ ခွေးဝဲစားအတိုင်းပါပဲ။ ဒါကြောင့်လည်း ဘိန်း အကြောင်း လုံးဝကို တွေးချိန် စဉ်းစားချိန် မရတာလည်း ဖြစ်ကောင်းဖြစ်နိုင်ပါတယ်။ ဒါ့အပြင် အင်မတန်လှပတဲ့ ရောင်မျိုးစုံတဲ့ ဘိန်းပန်းရဲ့အလှကို မျက်စိလေးတစ်ချက်ဝင့်ကြည့်ချိန်တောင် သူတို့ မကြည့်အားရှာပါ။

ဒါပေမယ့် ရှိရှိသမျှ အပင်စိုက်လို့ရတဲ့နေရာတိုင်းလိုလို၊ တောင်တန်းသား အများ အပြားဟာ ဘိန်းပင်ကို အဓိကထား တခုတ်တရနဲ့ ဘဝရှင်သန်နေကြရပြီး၊ ခြေအစုံ ခိုင်မြဲမြဲ ရပ်တည် နိုင်ရေး၊ ကျောလည်းပူ၊ ဝမ်းလည်း ပူလောင်နေကြတဲ့ တပ်အကြွင်းအကျန်တွေဟာ ဒီတောကိုမှီ၊ ဒီတောင်ကို အားထား၊ ဒီရေမြေကို သောက်သုံးလုပ်စားနေရတဲ့သူတွေပါ။ ပေါ်ပီပင် စိုက်၊ ဘိန်းကိုချက် တာ ဘာများထူးဆန်းအံ့သြစရာလို့ ထင်ရမှာလဲ။ ဟိုးတုန်းက လီကို့ဟွေးတပ်ဖွဲ့ ရွှေတြိဂံမှာ ခြေအစုံချ ရပ်တည်နိုင်ရေးအတွက် အရာအရောက်ဆုံးအချက်က ‘ပြန်လည်ဆန်းသစ်စိုးမိုးရေးတပ်ဖွဲ့’ ဆိုတာမှာ အင်အား ၃ စုခွဲပြီး ဖွဲ့စည်းခဲ့ရပါတယ်။

ပထမအင်အားစုက - မြေလွတ်မြေရိုင်းတွေ ခုတ်ထွင်ရှင်းလင်း၊ သစ်ခုတ် ဝါးခုတ် အိမ်ဆောက် လုပ်၊ စိုက်ပျိုးရေး ဝမ်းစာရှာဖွေပေး။

ဒုတိယအင်အားစုက – တပ်သားသစ်စု၊ တင်းတင်းကြပ်ကြပ် စစ်ရေး လေ့ကျင့်မှုပြု၊ အချိန်အခါ မရွေး ရှောင်တခင်ပေါ်ပေါက်လာမယ့် လိုအပ်ချက်များအတွက် ကြိုတင်ပြင်ဆင်မှုတွေ ရှိထား။

တတိယအင်အားစုက – ကုန်စည်သယ်ယူပို့ဆောင်ရေး မြင်းတပ်၊ လားတပ်ဖွဲ့ထဲကို ဝင်ကာ ထား၊ သို့တည်းမဟုတ် ကိုယ့်ဘာသာ မြင်းတပ်၊ လားတပ် ကုန်စည်သယ်ယူပို့ဆောင်ရေးတပ် ဖွဲ့စည်း ထား၊ ဒါမှမဟုတ် လက်နက်ကိုင်တပ်ဖွဲ့ ဖွဲ့စည်း။ မြင်းတပ် လားတပ်ကုန်စည်ပို့ဆောင်ရေးကို လုံခြုံ စောင့်ကြပ်ပေးတဲ့ လက်နက်ကိုင်တပ်ဖွဲ့စည်းထား။ ဒီအင်အားနဲ့ ထိုင်းနိုင်ငံနယ်စပ်မှာ ဘိန်းသယ်ယူ ပို့ဆောင်ရေးလုပ်ငန်းကို လုပ်၊ ဥစ္စာငွေကြေးတွေနဲ့ လဲလှယ်မှုပြု။

ကူမင်တန်အကြွင်းအကျန်တို့ဟာ ဒီ အစဉ်အလာဓလေ့ထုံးတမ်းအတိုင်း တလျှောက်လုံး ရပ်တည်သွားပါတယ်။ တွမ့်ရှီးဝန်က မေစလော့ကို တပ်မ ၉၃ အခြေစိုက်စခန်းအဖြစ် ရွေးချယ်သမှုပြု တာက ရှေးယခင် လီကို့ဟွေး တာဝန်ယူစဉ်က လုပ်နည်းလုပ်ဟန်ကိုပဲ ဆက်လက်လုပ်ကိုင်နေတာဖြစ် ပါတယ်။

မေစလော့က လားဟူ တိုင်းရင်းသားတို့ စုစည်းနေထိုင်ကြတဲ့ နယ်မြေပါ။ ပေါ်ပီ ဘိန်းပင် စိုက်ပျိုးခြင်းက ၄င်းတို့နယ်မြေဒေသရဲ့ အဓိကကျတဲ့ စီးပွားရေးရင်းမြစ်ဖြစ်ပါတယ်။ သူတို့ မူးယစ်ဆေး ဝါးထဲ ခြေချကြရပါတယ်။ ဘဝရှင်သန်ရေးအတွက် ဒါကလွဲပြီး အခြားနည်းလမ်း မရှိချေ။

နောက်ပြီး တော့လည်း တပ်မ ၉၃ တပ်ဖွဲ့သားတွေဟာ ခေတ်ဟောင်း တရုတ်ပြည်ကြီးရဲ့ ဘိန်းယဉ်ကျေးမှုကြီးနဲ့ တရင်းတနှီးရှိနှင့်ပြီးသား လူတွေဖြစ်ကြတာကြောင့် ပေါ်ပီဘိန်းပင်နဲ့က သိပ်ပြီး သူစိမ်းဆန်ဆန် မရှိလှ ပါ။ ကူမင်တန် အကြွင်းအကျန်တပ်ထဲ ဒွေးရောယှက်တင် ဝင်ရောက်လာကြတဲ့သူတွေထဲမှာ တချို့ဆို ရင် တကယ့်အားကောင်းမောင်းသန် သွက်လက်ဖြတ်လတ်တဲ့ ဒေသခံလူငယ်လူရွယ်လေးတွေလည်း ပါလာကြတယ်။ အဲဒီ အကြမ်းပတမ်း အစမ်းသပ်ခံ လှိမ့်ပိန့်တက်လာကြတဲ့ သူငယ်တွေထဲမှာ နောင် အချိန်ကာလ ရွှေတြိဂံမူးယစ်ဆေးဝါးလောကမှာ ခေတ်နှစ်ခေတ် ဆက်တိုက် ဘိန်းဘုရင်ရယ်လို့ ကမ္ဘာ ကျော် ‘ဘိန်းဗိုလ်ချုပ် လော်စစ်ဟန်’ ‘ဟီးရိုးအင်းဘုရင် ခွန်ဆာ’ တို့ အဲဒီကနေ စတင် သန္ဓေ တည်ခဲ့ပါတယ်။

ကူမင်တန် တပ်ကြွင်းတပ်ကျန် လီမိတပ်ဖွဲ့စစ်ရှုံးပြီး ဆုတ်ခွာလာခဲ့တာ ရွှေတြိဂံဆီ ရောက်လာ ကြတယ်။ နယ်မြေရပ်ခြား တရပ်တကျေးမှာ အထီးကျန်တပ်အသွင်နဲ့ ‘တိုင်းနိုင်ငံထဲက တိုင်းနိုင်ငံ’ တည်ထောင်နေရပါတယ်။ ဒီအင်အားစုကြီး ရွှေတြိဂံထဲ စီးဝင်လာပြီး အတင်းပဲ မြန်မာပြည် မြောက်ပိုင်း မှာ အသွင်အပြင် ထူးထူးခြားခြားနဲ့ ရပ်တည်ရှင်သန်နေကြလေတယ်။ မူးယစ်နဲ့ စစ်တပ်ဖွဲ့ကြီး ရပ်တည် နိုင်ရေးလမ်းကြောင်းကို ဖောက်ထွင်ရလေတယ်။

သံလွင်မြစ်ကမ်းခြေနှစ်ဘက်မှာ လက်နက်အပြည့် တပ်ဆင်ထားပြီး ကုန်စည်သယ်ယူပို့ဆောင်ရေးအဖွဲ့ကို လုံခြုံရေးပေးတဲ့ ဂိတ်စခန်း ၂ဝ လောက်ကို ဖွင့်ထားပါတယ်။ ထိုင်း၊ လောနိုင်ငံတွေဆီပို့မယ့် ဘိန်းတိုင်း သူတို့ဂိတ်စခန်းတွေက ဖြတ်သန်းရ တာကြောင့် စောင့်ရှောက်ရေးကြေး ကောက်ခံကြပါတယ်။ ဒါမှမဟုတ်လည်း သူတို့လက်နက်ကိုင် တပ်ဖွဲ့ကို ငွေကြေးပေး ငှားရမ်းရင် လိုက်ပါပို့ဆောင်ပေးပါတယ်။ သူတို့အင်အားစုဟာ ‘ရွှေတြိဂံ’ မှာ ကျင်လည်ကျက်စားကြတာ နှစ်ပေါင်း ၂၀ ရှိလုပါပြီ။ ဒါကြောင့်လည်း ဒီနယ်မြေဒေသမှာ ဘိန်းစိုက်ပျိုး ထုတ်လုပ်မှုဟာ အမြင့်ဆုံး ဒီရေချိန်ကို ဝင်ရောက်လာလေတယ်။ နှစ်စဉ် ဘိန်းထုတ်လုပ်မှုက ၅ဝ ခုနှစ် ကုန်ဆုံးလုချိန်လောက်က တန် ၁ဝဝ အထက်မှာ ရှိပါတယ်။ ကမ္ဘာ့ တရားမဝင် ဘိန်းထွက်ရှိမှုရဲ့ ၅ဝ% ရှိပါတယ်။

ဟော ၆ဝ ခုနှစ်ပိုင်းတွေမှာ ဘိန်းဟာ ‘ရွှေခေတ်’ ကာလကို ဆိုက်ရောက်သွားပါတယ်။ တန် ၁ဝဝ ကနေ တန် ၂ဝဝ အထက် ခုန်တက်လိုက်တယ်။ ၈ဝ ခုနှစ် အစဦးပိုင်းတွေမှာ တန် ၇ဝဝ ကျော် သွားတယ်။

နှစ်အလိုက်စာရင်းကိုဖော်ပြရရင် ၁၉၈၈ မှာ တန် ၁၂ဝဝ၊ ၁၉၈၉ ခုနှစ်- ဗမာပြည် ကွန်မြူနစ်ပါတီ ပြိုကွဲသွားတယ်။ ဘိန်းထွက်နှုန်း အံ့သြစရာကောင်းလောက်ပါတယ်။ တန်ချိန် ၂၄ဝဝ မြောက် တက်သွားတယ်။ ၁၉၉၁ ခုနှစ်မှာ စံချိန်သစ်ထပ်တင်ပြန်တယ်။ တန်ချိန် ၃ဝဝ တဲ့ (နိုင်ငံတကာ မူးယစ်ဆေးဝါးတိုက်ဖျက်ရေးအဖွဲ့အစည်းရဲ့ ခန့်မှန်း တွက်ဆချက်စာရင်းအရ ဖော်ပြထားတာဖြစ်ပါ တယ်)

x x x

ဟောဒီ ပုံဝတ္ထုပေါ်ပေါက်လာတာက တောင်စွယ်တောင်တန်းတွေ အထပ်ထပ်ထူထပ်လွန်းလှ တဲ့ ကော်လီကုန်းတောင်တန်း၊ မဲနန်ကနေ အလယ်တောင်ပိုင်း ကျွန်းဆွယ်လိုဖြစ်နေတဲ့ ရှမ်းကုန်ပြင် မြင့်နေရာမှာ ဖြစ်ပါတယ်။ ဒါဟာ သမိုင်း အစပ်အဟပ်ကြားလေးထဲမှာ ညှပ်ပြုနေတဲ့ ‘ပျံသန်း မြေပြင်’ ဆိုတဲ့ တကယ့် ဖြစ်ရပ်တွေပါပဲ။ ဒီဖြစ်ရပ်က အကြောင်းပြုပြီး ခေတ်သစ်မြန်မာ့သမိုင်းမှာ အရေးပါ အရာရောက်တဲ့ ပဋိပက္ခတွေ ပေါ်ပေါက်လာရလေတယ်။ ဒီ ပဋိပက္ခဆိုတာက မြန်မာရှုတ်ထွေးပွေလီတဲ့ ပြည်တွင်းရေးနဲ့ တိုင်းရင်းသား ပဋိပက္ခကြီးပဲ ဖြစ်တယ်။

မြန်မာနိုင်ငံမှာ တိုင်းရင်းသားလူမျိုးစုပေါင်း ၁၃ဝ ကျော်ရှိပါတယ်။ တရုတ်ပြည်ကြီးမှာက တိုင်းရင်းသားလူမျိုးစုပေါင်း ၅၆ ခုသာရှိတာကြောင့် မြန်မာက တစ်ဆကျော်တောင် များနေပါတယ်။ ၂ဝ ရာစုခေတ် ၄ဝ ခုနှစ် တွေရဲ့ နောက်ပိုင်းကာလ။

မြန်မာနိုင်ငံတော်ရဲ့ဖခင်ကြီး အောင်ဆန်းက တိုင်းရင်းသားလူမျိုးစုတွေထဲ မပြတ်တမ်း သွားလာလှုပ်ရှားပြီး ဟောပြောစည်းရုံးပါတယ်။ မြန်မာနိုင်ငံ ကို ပြည်ထောင်စုကြီးအသွင်နဲ့ သူ တည်ဆောက်လိုပါတယ်။ ထိုတုန်းက တိုင်းရင်းသားလူမျိုးစုချင်း တန်းတူ ရည်တူ မျှတမှု ဆိုတဲ့ စကားကို မြန်မာ့လူနည်းစုတိုင်းရင်းသားတိုင်းလိုလို ကြားနာခဲ့ရပါတယ်။

အဲဒါကတော့ ‘ဗမာတိုင်းရင်းသားက တစ်ကျပ်ရရင်၊ ခင်ဗျားတို့ကလည်း တစ်ကျပ် ရစေရမယ်’ အောင်ဆန်းရဲ့ စည်းရုံးလှုံ့ဆော်မှုကြောင့် ၁၉၄၇ ခုနှစ်၊ ဖေဖော်ဝါရီလ ၉-၁၂ ရက်နေ့တွေမှာ ရှမ်းပြည် နယ်အရှေ့ပိုင်း ပင်လုံမြို့နယ်လေးမှာ မြန်မာနိုင်ငံတည်ထောင်မှုမှာ သမိုင်းအနှစ်သာရအပြည့်ရှိတဲ့ ပင်လုံညီလာခံကို ကျင်းပခဲ့ပါတယ်။

ညီလာခံကြီးမှာ တိုင်းရင်းသားအသီးသီး သင့်မြတ်ရေး၊ တိုင်းရင်း သားလူမျိုးစု ကိုယ်ပိုင်အုပ်ချုပ်ခွင့် အစရှိတဲ့ သဘောတူစာချုပ် ချုပ်ဆိုနိုင်ခဲ့တယ်။ အနာဂတ်ပေါ် ထွန်းလာတော့မယ့် မြန်မာနိုင်ငံတော်ဖွဲ့စည်းပုံအတွက် စည်းဘောင်တွေကို ချမှတ်နိုင်ခဲ့ပါတယ်။ ဒီ ပင်လုံညီလာခံကြီးကနေ ပြည်ထောင်စုမြန်မာနိုင်ငံတော်ကြီး တည်ဆောက်ဖို့ကို အောင်မြင်တဲ့ မျိုးစေ့ ချနိုင်ခဲ့တယ်။ ညီလာခံပြီးစီးပြီး နောက်မကြာခင်မှာ မြန်မာနိုင်ငံရဲ့ မျက်မှောက်ခေတ် ပထမအကြိမ် အခြေခံ ဥပဒေကြီး မွေးဖွားသန့်စင်လာရလေတယ်။

ပထမဆုံးပေါက်ဖွားလာတဲ့ အခြေခံဥပဒေကြီးက မြန်မာ့မြောက်ပိုင်း တိုင်းရင်းသားများကို ပိုမိုကြီးမားတဲ့ အခွင့်အာဏာတွေကို ပေးအပ်နှင်းလေတယ်။ သူတို့ရဲ့ သားစဉ်မြေးဆက် အရိုက်ရာဆက်ခံခွင့် အခွင့်အာဏာကို ဆက်လက်ထိန်းသိမ်းထားခြင်းဆို တဲ့အချက်ပါ ပါဝင်နေပါတယ်။ ဒါ့အပြင် မြန်မာနိုင်ငံကို ပြည်ထောင်စုစနစ်ဖြင့် နိုင်ငံတည်ထောင်သွား မှာဖြစ်တယ်။

ပင်လုံသဘောတူညီချက်နှင့် ၄င်းရဲ့ နောက်ပိုင်းပေါ်ထွက်လာတဲ့ အခြေခံဥပဒေမှာ သတ်မှတ်ထားချက်က ဆယ်နှစ်ကာလအတွင်း အကယ်၍ တိုင်းရင်းသားလူမျိုးစုအသီးသီးမှာ ဆန္ဒ မရှိတော့ရင် မိမိဘာသာ တိုင်းရင်းသားအားလုံးရဲ့ သဘောတူညီချက်နဲ့ ပြည်ထောင်စုကြီးက ခွဲထွက်ပြီး ကိုယ့်ဘာသာ ရပ်တည်နိုင်ခွင့်ရှိတယ်လို့ ပါထားပါတယ်။

ဒါပေမယ့် ၁၉၅၉ ခုနှစ်ကိုရောက်လာတော့ ပင်လုံညီလာခံက သတ်မှတ်တဲ့ ဆယ်နှစ်ကာလကို ရောက်လာပါပြီ။ တိုင်းရင်းသားလူမျိုးစု အသီးသီးက ပြည်ထောင်စုမြန်မာနိုင်ငံဆိုတာက မြန်မာ (ဗမာ) လူမျိုးကြီးက အုပ်ချုပ်နေတာဖြစ်တယ်လို့ ထင်မြင်ယူဆကြပါတယ်။ သူတို့ဟာ ပြည်ထောင်စုမြန်မာ နိုင်ငံရဲ့ အခွင့်အာဏာဟာ အင်္ဂလိပ်ဘုရင်ခံခေတ်ကာလလောက် အခွင့်အာဏာမကြီးမားဆိုပြီး ယူဆ ကြပါတယ်။

ဒါကြောင့် ပင်လုံညီလာခံက သဘောတူညီချက် စိတ်ဓာတ်ရေးရာအတိုင်း ကိုယ်ပိုင် ရပ်တည်မှုကို တဖွဲဖွဲ တောင်းဆိုကြပါတယ်။ ဒီတောင်းဆိုမှုတွေထဲမှာ ရှမ်းတိုင်းရင်းသား၊ ကချင် တိုင်းရင်းသားအပြင် ပင်လုံညီလာခံမှာ တက်ရောက်လက်မှတ်ထိုးခဲ့ခြင်းမရှိတဲ့ ကရင်တိုင်းရင်းသားတို့ က ဦးဆောင်ဦးရွက် တောင်းဆိုကြပါတယ်။ ဒီတောင်းဆိုမှုတွေရဲ့ နောက်ဆက်တွဲစနက် မီးအစ ကတော့ မြန်မာအစိုးရက ရှမ်းအဆင့်မြင့်အလွှာပိုင်းက တရားစီရင်မှုရေးရာ လက်နက်ကိုင်တပ်ဖွဲ့ ဖွဲ့စည်းမှုတွေကို အစိုးရထံ ပြန်လည်အပ်နှင်းဖို့ တောင်းဆိုပါတယ်။ ဒါ့အပြင် ရှမ်းပြည်နယ်ဆီ စစ်တပ်စေလွှတ်လေတယ်။ မြန်မာနိုင်ငံရဲ့ တိုင်းရင်းသားပဋိပက္ခကြီး မကြုံစဖူး ဆိုးရွားသွားပါတယ်။

၁၉၆၁ ခုနှစ်မှာ နေဝင်းစစ်တပ်အစိုးရ စင်ပေါ်တက်လာပါတယ်။ မြန်မာပြည်မြောက်ပိုင်းက တိုင်းရင်းသားလူမျိုးစုအသီးသီး တောင်းဆိုတဲ့ ကိုယ်ပိုင်ဦးဆောင်၊ ကိုယ်ပိုင်အုပ်ချုပ်ခွင့်ကို ရှေ့တစ် လှမ်းတိုး ဖြည့်ဆည်းမှု မပေးနိုင်တာကြောင့်ရယ်၊ တိုင်းရင်းသား ပဋိပက္ခကို ပြေလည်အောင် မဖြေရှင်း ပေးနိုင်တာကြောင့် အင်အားစတင်သုံးပြီး ‘နှိပ်ကွပ်’ လိုက်လေတယ်။ နေဝင်းက လက်ဦးဆုံး ပင်လုံ သဘောတူညီချက်မှာ အရေးပါအရာရောက်ခဲ့တဲ့ ရှမ်းခေါင်းဆောင် စဝ်ရွှေသိုက် သေတာကြောင့် ရှမ်း တိုင်းရင်းသားတွေ ပေါက်ကွဲကြလေတယ်။

တချို့ရှမ်းတိုင်းရင်းသားတွေဟာ စတင်ပြီး လက်နက်ဆွဲ ကိုင် တပ်ဖွဲ့ပြီး မြန်မာအစိုးရကို ဆန့်ကျင်တဲ့ အဖွဲ့အစည်းကို လူသိရှင်ကြား ဖွဲ့စည်းလိုက်ပါတယ်။ မြန်မာစစ်တပ်အစိုးရက မြန်မာပြည်မြောက်ပိုင်း တိုင်းရင်းသားနယ်မြေဒေသတွေဆီ အဆက်မပြတ် စစ်တပ်ဖွဲ့စေလွှတ်ပြီး နှိမ်နင်းတိုက်ခိုက်လေတယ်။ တိုင်းရင်းသားလူမျိုးစုတွေရဲ့ လက်နက်ချင်း တိုက်ကြခိုက်ကြတဲ့ ပဋိပက္ခ ကန့်လန့်ကာကြီး ဆွဲဖွင့်လိုက်ပြီး ပြည်တွင်းစစ် ဇာတ်လမ်းရှည်ကြီး ခင်းကျင်းလိုက်လေတယ်။

ဒီဖြစ်ပျက်မှုကြီးဟာ မြန်မာပြည်မြောက်ပိုင်းဒေသတွေမှာ ဘယ်လိုနည်းနဲ့မှ ထိန်းသိမ်းလို့မရတဲ့ တိုင်းရင်းသား ပဋိပက္ခအဓိကရေစီးကြောင်းကြီး အဟုန်ပြင်းပြင်းနဲ့ စီးဆင်းချေပြီ။ မြန်မာနိုင်ငံတော်ကြီး တည်ထောင်လာခဲ့ကတည်းက တိုင်းရင်းသား ပဋိပက္ခကြီး ပြေလည်စေရေးနှင့် နိုင်ငံတော်ပြိုကွဲမှု တားဆီးရေးလုပ်ငန်းကြီးတွေက မူးယစ်ဆေးဝါးတိုက်ဖျက်ရေးထက် အဆမတန် အရေးတကြီး ပြဿနာရပ်ကြီးတွေ ဖြစ်လို့နေပါတယ်။

ပြည်တွင်းစစ်ရှောင်လွှားရေးကို ဘက်စုံ လုံးပန်း နေရတဲ့အတွက် မူးယစ်ဆေးဝါးစွက်ဖက်မှုကနေ တိုင်းရင်းသားလူမျိုးစုတွေ မြန်မာနိုင်ငံပြည်ထောင် စုကြီးထဲက အတိအလင်း ခွဲထွက်သွားမှုမျိုးမဖြစ်စေလိုတာကြောင့် မြန်မာစစ်အစိုးရဟာ နှစ်ကာလ ပေါင်းများစွာကတည်းက မြန်မာပြည်မြောက်ပိုင်းက တိုင်းရင်းသားလက်နက်ကိုင် မူးယစ်ဆေးဝါး ပြဿနာတွေကို သည်းခံစောင့်ဆိုင်းတဲ့ အသွင်သဏ္ဍာန်ကို မလွှဲမရှောင်သာ ကျင့်သုံးပြီး ကိုင်တွယ်ဖြေ ရှင်းနေရပါတယ်။ ဒါကြောင့်လည်းပဲ ရှမ်းပြည်နယ်မူးယစ်ဆေးဝါး ဘီလူးသရဲများက ထိန်းချုပ်မှု ကင်းမဲ့နေတဲ့ အနေအထားအောက်မှာ ထင်သလို နိုင်လိုမင်းထက် လုပ်ချင်တိုင်း လုပ်နေကြလေတယ်။

၂ဝ ရာစုခေတ် ၆ဝ နှစ်ကာလတွေမှာ ရွှေတြိဂံနယ်မြေဒေသမှာ ဘိန်း၊ ဟီးရိုးအင်း ဘိန်းဖြူ၊ မော်ဖီးယား အစရှိတဲ့ ဘိန်းအမျိုးအစားမူးယစ် ဆေးဝါးအများအပြား ထုတ်လုပ်ကုန်ကြပါတယ်။ ဒါ့အပြင် တရားမဝင် ဆေးခြောက်ပင်တွေကိုပါ စတင်စိုက်ပျိုးကြပြီး စိတ်အာရုံပိုင်းဆိုင်ရာ ဆေးဝါး ပစ္စည်းတွေ ဥပဒေမဲ့ ထုတ်လုပ်ကုန်ကြပါတယ်။

အထူးသဖြင့် ၉ဝ ခုနှစ် နောက်ပိုင်းတွေမှာ အထူးသဖြင့် ရေခဲမူးယစ်ဆေး၊ ခေါင်းခါဆေးလုံးတွေက အမျိုးအစားကိုယ်စားပြုတဲ့ မူးယစ်ဆေးဝါးတွေဟာ ကျယ်ကျယ်ပြန့်ပြန့် ထုတ်လုပ်သုံးစွဲနေကြပါပြီ။ ရွှေတြိဂံနယ်မြေမှာ ရေခဲမူးယစ်၊ ခေါင်းရမ်းဆေး အစရှိတဲ့ မူးယစ်ဆေးဝါးတွေကို စတင်ပြီး အမြောက်အများ ထုတ်လုပ်နေပြီ ဖြစ်တယ်။ ကျွန်တော်တို့ တရုတ်ပြည်ကြီးက ကနေ့ဖမ်ဆီးမိနေတဲ့ မူးယစ်ဆေးဝါးအများစုဟာ ရွှေတြိဂံနယ်မြေဒေသကနေ ဝင်လာတာတွေပဲ ဖြစ်ပါတယ်။

၈ဝ ခုနှစ် အလယ်ပိုင်းကာလကအစပြုပြီး ရွှေတြိဂံမူးယစ်ဆေးဝါး ထုတ်လုပ်သူတွေ ဘိန်းစိမ်း စိုက်ပျိုးထုတ်လုပ်တဲ့ အခြေခံအချက်အလက်ကနေ အနုစိတ်ချက်လုပ်တဲ့ ဟီးရိုးအင်း ဘိန်းဖြူ အစပျိုး ထုတ်လုပ်ကြလေတယ်။

တစစနဲ့ ရွှေတြိဂံဟာ ဟီးရိုးအင်းဘိန်းဖြူကို အဓိကထားထုတ်လုပ်တဲ့ ကမ္ဘာ့ မူးယစ်ဆေးဝါး ဗဟိုချက်မကြီးဖြစ်မှန်းမသိ ဖြစ်လို့လာချေလေပြီ။ ‘အရှေ့တောင်အာရှ ဟီးရိုးအင်း’ (SEAHEROIN) က အရည်အသွေး အမြင့်မားဆုံး ဟီးရိုးအင်းရဲ့နာမ်စားဖြစ်လို့ သွားပါပြီ။ အကောင်း တကာ့ အကောင်းဆုံးအမျိုးအစားက ခွန်ဆာထုတ်လုပ်တဲ့ ‘ခြင်္သေ့နှစ်ကောင် ကမ္ဘာခြေချနင်း’ တံဆိပ် ဟီးရိုးအင်းဖြစ်ပါတယ်။ အရည်အသွေးသန့်စင်မှုနှုန်းက ၉၉% မြင့်မားပါတယ်။ ကမ္ဘာအနှံ့ ဖြန့်ဖြူးရောင်း ချပါတယ်။ ဘိန်းသုံးစွဲသူတွေ အလုအယက် ဝယ်ယူသုံးစွဲကြတဲ့ အမျိုးအစားပါ။

၁၉၈၆ ခုနှစ်နောက်ပိုင်းကနေ ၁၉၈၉ ခုနှစ် ဗမာပြည်ကွန်မြူနစ်ပါတီ လုံးဝပြိုကွဲသွားချိန်။ မူလကတည်းက လက်နက်ကိုင်အုပ်ချုပ်မှုမြေနေရာ ၄ ပိုင်း ပိုင်းခြားပြီး စိုးမိုးအုပ်ချုပ်ကြပါတယ်။ အဲဒီပိုင်းခြားမှုအတိုင်းပဲ ကနေ့ မြန်မာနိုင်ငံ ရှမ်းပြည်နယ် အထူးဒေသ (၁) (ကိုးကန့်)၊ ဝပြည်နယ် အထူးဒေသ (၂)၊ ကချင်အထူးဒေသ (၃)၊ ရှမ်းပြည်နယ်အထူးဒေသ (၄) ဆိုပြီး ဒေသကြီးလေးခု ပိုင်းခြားထားပါတယ်။ တရုတ်ပြည်နယ်စပ်နဲ့ အနီးကပ်ဆုံးက မူးယစ်ဆေးဝါး ရောင်းဝယ်ဖောက်ကားမှု အဖွဲ့အစည်း၊ အုပ်စုအသီးသီးက နယ်မြေ အရူးအမူးတိုက်ခိုက်လုယူမှုတွေနှင့် မူးယစ်ဆေးဝါး ရောင်းဝယ်ဖောက်ကားမှုဖြန့်ချိရာ လမ်းကြောင်းတွေကို တိုက်ခိုက်လုယူနေကြပါတယ်။

ဒီနယ်မြေဒေသ ကြီး ၄ ခုဟာ အလျင်အမြန်ပဲ ဘိန်းစိုက်ပျိုးမှု၊ မူးယစ်ဆေးဝါး ထုတ်လုပ်မှုတွေမှာ ဟိုးမူရင်း ‘ကျဉ်းမြောင်းရွှေတြိဂံ’ ထက်ပိုပြီး အဆိပ်အတောက်ကြီးမားတဲ့ မူးယစ်ဆေးဝါး ရင်းမြစ်နယ်မြေ ဒေသကြီး ဖြစ်လို့နေပါပြီ။ ဒီအနေအထားက ရွှေတြိဂံရဲ့ ပေါ်ပီပင် (ဘိန်းပင်) စိုက်ပျိုးထုတ်လုပ်မှုဟာ အရှိန်အဟုန်မြန်ဆန်စွာနဲ့ ပြန်လည် သက်ဝင်လှုပ်ရှားလာပြီး ဖွံ့ဖြိုးကြီးထွားလာမှာ မလွဲဧကန်ပါ။ ယခင် အမြင့်ဆုံး သမိုင်းမှတ်တမ်းမှတ်ရာတွေကို ကြီးကြီးကျယ်ကျယ် တုန်လှုပ်ခြောက်ခြားဖွယ် ဖြတ်သန်း ကျော်တက်သွားမှာလည်း ဧကန်မလွဲချေ။

နိုင်ငံတကာ မူးယစ်ဆေးဝါးတိုက်ဖျက်ရေး အဖွဲ့အစည်းတွေရဲ့ထုတ်ဖော်ကြတဲ့ စုံစမ်းတွေ့ရှိတဲ့ အနေအထားအရ ဗမာပြည်ကွန်မြူနစ်ပါတီ ၁၉၈၉ ခုနှစ်မှာ လုံးဝမပြိုကွဲခင်တုန်းက ပါတီဥက္ကဋ္ဌ သခင်ဗသိန်းတင် အစရှိတဲ့ ထိပ်တန်းခေါင်းဆောင်ပိုင်းတွေ မူးယစ်ဆေးဝါးကူးသန်းရောင်းဝယ်ရေး နယ်ပယ်ထဲ မဝင်ရောက်သေးခင်အချိန်တုန်းက ထိပ်တန်းခေါင်းဆောင်ပိုင်းက ကေဒါအများစုတို့ဟာ မူးယစ်ဆေးဝါးရောင်းဝယ်မှုကနေ အကျိုးအမြတ်တွေ ရရှိနေပြီးဖြစ်တယ်။

ရွှေတြိဂံမူးယစ်ဆေးဝါး ထုတ်လုပ်ရောင်းချရေး အရေးပါတဲ့ နှလုံးသည်းပွတ်ကစတင်ပြီး တရုတ်ပြည် နယ်နိမိတ်မျဉ်းကြောင်းနဲ့ ပိုပြီးနီးကပ်လို့လာပါတယ်။ နိုင်ငံတကာမှာ ပွက်လောညံနေတဲ့ အာဘော်က ‘ရွှေတြိဂံမြောက်ဘက် ရွှေ့ပြောင်းခြင်း’ ပါတဲ့။

သဘောကတော့ ကနေ့ ရွှေတြိဂံအမည်တွင်တဲ့ ‘ကျယ်ပြောရွှေတြိဂံ’ ရဲ့ ပြန့်ကားကျယ်ထွက်လာမှုက သူ့ရဲ့ ဧရိယာအကျယ်အဝန်းက ဟိုးယခင်မူလ ‘ကျဉ်းမြောင်းရွှေတြိဂံ’ ထက် ပြန့်ကားကျယ်ထွက်လာမှုက (ဆယ်) ဆ အထက်ကို ရောက်နေပါပြီ။ ရွှေတြိဂံ (ကျဉ်းမြောင်း) မှုက ပုံသဏ္ဍာန်သွင်ပြင်အချိုးအဆ ပြန့်ကားကျယ်ထွက်လာမှု (ဆယ်) ဆအထက်ရှိတဲ့ ‘ကျယ်ပြန့် ရွှေတြိဂံ’ ရဲ့ စေတီပုံသဏ္ဍာန်အဖြစ် ပြောင်းလဲသွားချေလေပြီ။

နိုင်ငံတကာ မူးယစ်ဆေးဝါးတိုက်ဖျက်ရေး အဖွဲ့အစည်းကြီးရဲ့ အသစ်လွင်ဆုံး စစ်တမ်း ကောက်ချက်အရ ကနေ့မျက်မှောက်ကာလ ရွှေတြိဂံနယ်မြေဒေသ ဟီးရိုးအင်း ဘိန်းဖြူဖြန့်ချိရောင်း ချမှုက ကမ္ဘာ့နှုန်းထားစာရင်းပေါင်းချုပ်ရဲ့ ၇ဝ%-၈ဝ% ရှိပါတယ်။ ဒီအထဲမှာ မြန်မာနိုင်ငံက မူးယစ်ဆေးဝါးက ရွှေတြိဂံတပြင်လုံးရဲ့ ၈ဝ% ရှိနေပြန်တယ်။

ကုလသမဂ္ဂမူးယစ်ဆေးဝါး တိုက်ဖျက်မှု ဌာနကြီးရဲ့ စာရင်းအရ ကနေ့မျက်မှောက်ကာလ ကမ္ဘာတဝှမ်း မူးယစ်ဆေးသုံးစွဲသူပေါင်း သန်း ၂ဝဝ ကျော် ရှိနေပါတယ်။ ၂ဝဝဝ ခုနှစ် ကမ္ဘာတဝှမ်း မူးယစ်ဆေးဝါးကုန်သွယ်မှုတန်ဖိုးပေါင်း အမေရိကန်ဒေါ်လာ သန်းပေါင်း ၄ သိန်း ရှိပါတယ်။ ထိုနှစ်ကာလက နိုင်ငံတကာ ကုန်သွယ်ရေး ငွေကြေးနှုန်းထား ၈% နဲ့ ညီမျှနေပါတယ်။ ကမ္ဘာ့မော်တော်ကားရောင်းချမှု ကုန်သွယ်ရေးနှုန်းထား ကိုတောင် ကျော်လွန်သွားပါတယ်။

၂ဝဝ၁ ခုနှစ် ကမ္ဘာတဝှမ်းမူးယစ်ဆေးဝါး ဥပဒေမဲ့ ရောင်းချမှုက ဒေါ်လာ သန်းပေါင်း ငါးသိန်းရှိပါတယ်။ ရေနံသုံး စက်မှုလုပ်ငန်းသုံးစွဲငွေကိုတောင် ကျော်လွန်ပါတယ်။ စစ်လက်နက်ပစ္စည်း ကုန်သွယ်မှုထက်တော့ နည်းနည်းလေး နိမ့်ပါးနေပါတယ်။

ဒီကိန်းဂဏန်းတွေကို ကြည့်ခြင်းဖြင့် မူးယစ်ဆေးဝါးထုတ်လုပ် ကုန်သွယ်မှုဟာ အစဉ်တစိုက် ဥပဒေမဲ့ အသွင်သဏ္ဍာန်မှာ ရှိနေတယ်ဆိုပေမယ့်လည်း နည်းနည်းကလေးမှာ အထင်မြင်သေးလို့မရတဲ့ စီးပွားရေး အင်အားစုကြီး တစ်ခုဖြစ်နေပါတယ်။ တဖန် ၄င်းကနေ နောက်ဆက်တွဲ ပေါက်ဖွားလာကြမယ့် လူ့လောက ပြဿနာပေါင်း အမျိုးမျိုးအဖုံဖုံတွေ ထပ်ဆင့်ထပ်ကာ ပေါ်ပေါက်လာချေပါလိမ့်ဦးမယ်။

လူတွေက ‘အဖြူရောင် စီးပွားရေး’ လို့ ခေါ်တွင်နေကြတဲ့ မူးယစ်ဆေးဝါး ကုန်ပစ္စည်းတွေဟာ လက်တွေ့ကျကျ ဆိုးကျိုးသက်ရောက်မှုတွေဟာ လူတွေ တွေးဆနေတာထက် ပိုလို့ ကြီးကျယ် ပိုလို့များ ပြောင်မြောက် လှပါပေတယ်။

(ဆက်ရန်)

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

Western Union

စာအုပ်မြင် ချစ်ခင်ကြပါစေ …


MoeMaKa Monthly စက်တင်ဘာလထုတ် ထွက်ပြန်ဘီ တဲ့ ...

မိုးမခမာတိကာစဉ်

Twitter: moemaka

%d bloggers like this:

မိုးမခကို အားပေးကြပါစို့ …

၁။ စာပေလောက (၂၊၅၊၆)(ပန်းဆိုးတန်း၊လှည်းတန်း၊ရန်ကင်း)

၂။အမေ့အိမ်(ပန်းဆိုးတန်း)

၃၊အာရုဏ်သစ်စာပေ(ဗိုလ်ချုပ်လမ်း)

၎။ အင်းဝစာအုပ်တိုက် (လှည်းတန်း၊ပန်းဆိုးတန်း)

၅။ဝါမိုးအောင်စာပေ(ကုန်သည်လမ်း)

၆။သာလွန်စာအုပ်တိုက်(ကုန်သည်လမ်း)

၇။တူဒေးစာအုပ်တိုက်(ကုန်သည်လမ်း)

၈။ရာပြည့်စာအုပ်တိုက်(ပန်းဆိုးတန်း)

၉။ရန်အောင်စာပေ(ရန်ကင်းလမ်းမကြီး၊၁၂လုံးတန်း)

၁၀။ဖိုးတုတ်စာပေ (၃၁ လမ်း)

၁၁။ မီဒီယာကော်နာ (အနော်ရထာလမ်း မီးပွိုင့်ထောင့်)

၁၂။နန်းဦးစာပေ (မဟာဗန္ဓုလလမ်း)

တို့တွင် ဝယ်ယူရရှိနိုင်ပါကြောင်း သတင်းကောင်းပါးအပ်ပါသည်။

တဆင့်ပြန်လည် ရောင်းချလိုသူများအနေဖြင့် နန်းဦးစာပေ (၀၁- ၃၇၈၄၀၈၊ ၀၁-၂၅၁၁၈၇ )သို့လည်းကောင်း ၊ရန်အောင်စာပေ (ရန်ကင်း)သို့လည်းကောင်း ဆက်သွယ်၍ ဝယ်ယူနိုင်ပါကြောင်း သတင်းကောင်းပါးအပ်ပါသည်။

မန္တလေး - နဂါးစာပေ၊ ထွန်းဦးစာပေ၊ ရာပြည့်စာပေ

အောင်ပန်း - လမင်းတရာ

မိုးမခနဲ့ ပတ်သက်သမျှ

မိုးမခ လစဉ်ပုံနှိပ်မဂ္ဂဇင်း စက်တင်ဘာ ထွက်ပါပြီ၊ အွန်လိုင်းစာမူရှင်များလည်း ကော်ပီတောင်းနိုင်ဘီ

By

မိုးမခ လစဉ်ပုံနှိပ်မဂ္ဂဇင်း စက်တင်ဘာ ထွက်ပါပြီ၊ အွန်လိုင်းစာမူရှင်များလည်း ကော်ပီတောင်းနိုင်ဘီ မိုးမခ ၊ စက်တင်ဘာ...

Read more »

မိုးမခ မဂ္ဂဇင်း စင်္ကာပူမှာလည်း ဝယ်ယူ ဖတ်ရှုနိုင်ပြီ

By

မိုးမခ မဂ္ဂဇင်း စင်္ကာပူမှာလည်း ဝယ်ယူ ဖတ်ရှုနိုင်ပြီ မိုးမခ အမှတ် ၅၊ သြဂုတ်လထုတ်...

Read more »

အာဇာနည်နေ့အမှတ်တရမျက်နှာဖုံးနဲ့ မိုးမခမဂ္ဂဇင်း ထွက်ပြီ

By

ဓာတ်ပုံသတင်း ဇူလိုင် ၉၊ ၂ဝ၁၄ ဇူလိုင်လထုတ် မိုးမခမဂ္ဂဇင်း ထွက်နေပါပြီ။ စာအုပ်ဆိုင်ကြီးများတွင် ၀ယ်ယူနိုင်ပါသည်။...

Read more »

လင်းလွန်းခင်စာပေတိုက်က မိုးမခရဲ့လမ်းခုလတ်၂၀၁၃ ကို စာအုပ်အဖြစ် ထုတ်ဝေ

By

လင်းလွန်းခင်စာပေတိုက်က မိုးမခရဲ့လမ်းခုလတ်၂၀၁၃ ကို စာအုပ်အဖြစ် ထုတ်ဝေ မိုးမခစာအုပ်စင်၊ ဇွန် ၂၅၊ ၂၀၁၄...

Read more »

Recent Comments

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ