>Ngwe Zin Yaw – Galileo – 400 Years

January 28, 2009

>

၂၀၀၉ ဂါလီလီယို နှစ် ၄၀၀ ပြည့် အထူးနှစ်

ငွေစင်ယော်

ဇန်န၀ါရီ ၂၈၊ ၂၀၀၉


ဂါလီလီယို ဂါလီလီ (Galileo Galilei) – ၁၅၆၄-၁၆၄၂


ဒီနှစ် ၂၀၀၉ ကို ဂါလီလီယိုနှစ် ဟု ဆိုကြပါသည်။ တိုင်းပြည် တော်တော်များများမှာ သူ့ နှစ် ၄၀၀ ပြည့် အဖြစ် သတ်မှတ်ကာ သူ့အကြောင်းတွေ ရုပ်ရှင်ရိုက်ထားတာတွေ ထုတ်လွှင့် ပြကြသည်။ တနေ့ကပဲ TV5 ပြင်သစ်လိုင်းတစ်လိုင်းမှ သူ့အကြောင်း ရုပ်ရှင် ကြည့်လိုက်ရသည်။ ဒါ့အပြင် သူ့နှစ် အဖြစ် သတ်မှတ်ကာ နက္ခတ္တဗေဒ နက္ခတာရာပြပွဲများ ကျင်းပကြသည်။ အမှတ်တရ ကောင်းကင်ယံကြည့်ပွဲများ ပြုလုပ်ကြဖို့ဆော်သြထားသည်ကို ကိုယ်တိုင် တွေ့လိုက်ရသည်။ ဟောပြောပွဲများ ပြုလုပ်ဖို့်လည်း စီစဉ်နေကြတာတွေ ရှိသည်။ ဒီတော့ သူ့အကြောင်းလေးကို ပြန်လှန် စဉ်းစား ကောက်နှုတ် တင်ပြကာ ကောင်းကင်ယံ၏ သူရဲကောင်းတစ်ဦးအဖြစ် တင်စားရင်း ဂုဏ်ပြု အမှတ်တရ တင်ဆက်လိုက်ချင်ပါသည်။



အတိတ်ကဖြစ်ရပ်များ



အရစ္စတိုတယ် (၃၈၄-၃၂၂ ဘီစီ) ၏ အဆိုများထဲက တခုက ၅ ပေါင် အလေးနဲ့ ၁ ပေါင် အလေးကို အမြင့်ကနေ လွှတ်ချရင် လေးတဲ့အလေးက အရင် မြေကြီးကို ထိမယ်။ သူ့အတွေးအခေါ်များမှာ မှားယွင်းမှု လွဲမှားမှုတွေ ရှိနေခဲ့သော်လည်း ရာစုပေါင်းများစွာ သူ့အဆိုများကို ယုံကြည်ခဲ့ကြပါသည်။ ၁၆ ရာစု မတိုင်မီအထိ အရစ္စတိုတယ် ၏ အဆိုများကို ပြင်ဆင် သင်ကြားပေးခဲ့သူ အင်္ဂလန်က ကျောင်းဆရာတစ်ဦးပင်လျှင် ဒဏ်ကြေး ၅ ပဲ ကျခံခဲ့ရပါသည်။



၁၆ ရာစုမှာ မွေးဖွားခဲ့သူ ဂါလီလီယိုကတော့ “သိပ္ပံပညာရပ်က အဆိုတွေကို သက်သေပြချက်မရှိဘဲ လက်မခံနိုင်ဘူး” ဟု ကြွေးကြော်ခဲ့ပါသည်။



၁၆၀၉ ခုနှစ် လွန်ခဲ့သော အနှစ် ၄၀၀



ဂါလီလီယိုသည် ပါဒူးဝါး (Padua) တက္ကသိုလ်တွင် အလုပ်လုပ်နေစဉ် သူတီထွင်သောအဝေးကြည့်မှန်ပြောင်းကို ကောင်းကင်သို့ ထောင် ကြည့်လိုက်သည်။ ထိုအခါ သူသည် ကြာသာပတေးဂြိုလ် (Jupiter) ဘေးမှ လများ၊ လပေါ်ရှိ တောင်များ၊ နေပေါ်ရှိ အပြောက်များနှင့် သောကြာဂြိုလ် (venus) ၏ လည်ပတ်ပုံ ထူးခြားချက်တို့ကို တွေ့ရှိခဲ့သည်။



ဂါလီလီယိုသည် အီတလီရှိ “ပီစာ” မျှော်စင်ပေါ်မှ အလေးချိန်မတူသော အရာဝတ္ထုနှစ်ခုကို လွှတ်ချပြခြင်းဖြင့် အရစ္စတိုတယ်၏ အဆို မှားယွင်းကြောင်း သက်သေပြခဲ့သည်။ မြေပြင်ပေါ်ကို တပြိုင်နက်တည်းကျတာကို မြင်ရသူတွေက “ဒါ လှည့်ကွက် တခုသာ ဖြစ်တယ်။ ငါတို့မျက်စိနဲ့ တပ်အပ် မြင်တယ်လို့ မပြောကြနဲ့ …” ဟု တောင်းဆိုခဲ့ကြလေသည်။



၁၆၁၅ ခုနှစ်တွင် ဂါလီလီယိုသည် သူ့တွေ့ရှိချက်များ ရေးသားထားသောစာအုပ် တအုပ်ကို ထုတ်ခဲ့သည်။ ထို စာအုပ်ပါ အကြောင်းအရာများသည် အရစ္စတိုတယ်၏ယူဆချက်များနှင့် မတူညီခြင်းကြောင့် ခရစ်ယာန်ဘုန်းတော်ကြီးများက ဂါလီလီယိုမှာ မကောင်းဆိုးဝါးတွေ ပူးကပ်နေပြီဟု စွပ်စွဲကာ အကျဉ်းချထားသည်။ တရားရုံးတွင် သူ၏ တရားခွင်လျှောက်လဲချက်များကို ရုပ်ရှင်သေချာရိုက်ပြထားသည်ကို တွေ့လိုက်ရသည်။



ဤတွင် သူ့အား မီးရှို့သတ်ခံရမည့်အရေးကို ရှောင်လွဲဖို့ တခုတည်းသောနည်းလမ်းက ဂါလီလီယိုသည် သူရေးခဲ့သမျှအားလုံး မှားယွင်းကြောင်း၊ ကမ္ဘာကြီး ရွေ့လျားနေတယ်ဆိုတာလည်း မဟုတ်ကြောင်း စသည်ဖြင့် ဘုန်းတော်ကြီးများရှေ့မှာ ၀န်ခံလက်မှတ် ထိုးခဲ့ရသည်။ ဂါလီလီယို ရေးသားခဲ့သော စာအုပ်များကို မြို့လည်ခေါင်တွင် မီးပုံရှို့ ခဲ့ကြလေသည်။



နောက်ပိုင်းတွင် ဖလော့ရင့်မြို့၌ နောက်ထပ်စာအုပ်တအုပ် ထပ်ရေးသားခဲ့ရာ အရစ္စတိုတယ်၏ အတွေးအခေါ်များနှင့် မတူသောကြောင့် သူ့ကို ရောမမြို့က အရာရှိများက အိမ်မှာ အကျဉ်းချထားခဲ့သည်။ အိမ်မှာ အကျဉ်းချခံရစဉ်၁၆၄၂ တွင်ကွယ်လွန်သည်။



အလာကောင်းပေမယ့် အခါနှောင်းပြီလား



သူကွယ်လွန်ပြီင်္းနောက် အနှစ် ၃၅၉ နှစ် ကြာသောအခါကျမှ ဂါလီလီယို အနိုင်ရလေသည်။ ထိုအခါကျမှ ခရစ်ယာန်အာဏာပိုင်များက သူတို့ မှားကြောင်း၊ ဂါလီလီယို မှန်ကန်ကြောင်း အဆိုကို ပုပ်ရဟန်းမင်းကြီးထံ တင်သွင်းသည်။ ပုပ်ရဟန်းမင်းကြီးကလည်း ခရစ်ယာန်အာဏာပိုင်များက ဂါလီလီယိုအရေးယူခဲ့သည်မှာ မှားယွင်သောလုပ်ရပ်ဖြစ်ကြောင်း ၀န်ခံသည်။



သူကွယ်လွန်ပြီးနောက် သူ့အတွေးအခေါ်များ စာအုပ်များ ဥရောပတခွင်တွင် ပြန့်နှံ့ခဲ့သည်။ လူတွေ၏ ဦးနှောက်တွေကို ဖွင့်ပေးခဲ့သည်။



“ကိုယ် ယုံကြည်တာကို လက်ခံဖို့အတွက် လေ့လာဆန်းစစ်ဖို့ လိုပါတယ်”

ဤကား ဂါလီလီယို၏ အတွေးအခေါ်တခု ဖြစ်လေတော့သည်။



ဂါလီလီယို အမှတ်တရ နေ့စွဲများအဖြစ် ၁၆၀၉ ခုနှစ်သြဂုတ်လ ၂၅ ရက်နေ့တွင် တယ်လီစကုတ်ခေါ် အဝေးကြည့်မှန်ပြောင်းကို ပထမဦးဆုံးအကြိမ် လူတွေရှေ့မှာ ပြသခဲ့သည်။ ၁၆၀၉ ခုနှစ်တွင်ပင် ဂျူပီတာ၏ဘေးက လသုံးစင်းကို အဝေးကြည့်မှန်ပြောင်းဖြင့် တွေ့ရှိခဲ့သည်။



ဂါလီလီယိုသေဆုံးပြီး အခါနှောင်းမှ သူ့ကိုအသိအမှတ်ပြုခြင်းအပေါ် ထရိတက္ကသိုလ် (University of Trieste) မှ နက္ခတ္တဗေဒဆိုင်ရာ ပါမောက္ခ မာဂရိတာဟတ် (Margherita Hack) က “အခါနှောင်းတာဟာ လုံးဝ မလာတာနဲ့စာရင် တော်ပါသေးရဲ့” ဟု ကောက်ချက်ချထားသည်။



ဘာပဲဖြစ်ဖြစ် ဂါလီလီယိုကို အခုထိ မမေ့ကြပါ။ သူ့အမှတ်တရကို ကျင်းပနေကြတာ နှစ် ၄၀၀ ပြည့်မှာ ဖြစ်ပါသည်။ ထို့ပြင် ဇန်န၀ါရီလ ၉ ရက်နေ့ ၂၀၀၉ ခုနှစ် မှာ “အင်္ဂါဂြိုလ် ပျော်ပွဲရွှင်ပွဲ – မားစ်ပွဲတော်” (MarsFestival)ကိုပင် ဂါလီလီယို နှစ် ၄၀၀ အဖြစ် အသိအမှတ်ပြုခဲ့ကြပြီး ဖြစ်သည်။


သူ့အကြောင်းလေးတွေ ပြန်လေ့လာကြည့်ရတာ စိတ်လှုပ်ရှားစရာကောင်းသည်။ သူ့ခေတ်သူ့အခါပေမယ့် အမှတ်ရစရာတွေ အများကြီး ဖြစ်သည်။ ဘ၀ဆိုတာ တိုက်ပွဲတစ်ခုပါပဲ ဟု ဆိုလျှင် အံ့သြစရာမဟုတ်တော့တာ တွေ့လိုက်ရပါသည်။



ဂါလီလီယို ကိုသတိရလျက် …


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်