>Than Soe Hlaing – Nargis Reporter Story – 1

February 27, 2009

>

သတင်းထောက် တဦး၏ နာဂစ်ဒိုင်ယာရီ

သန်းစိုးလှိုင်

ဖေဖော်ဝါရီ ၂၆၊ ၂၀၀၉

ဧပြီလ ၂၉၊ ၃၀ရက်၊ ၂၀၀၈ခုနှစ်၊

ပူပြင်းလှသည့် နွေရာသီ ဧပြီလ၏ နောက်ဆုံးသီတင်းပတ်၊ မိုးကသည်းထန်စွာ ရက်ဆက်ရွာသွန်းနေခဲ့သည်။ ဘင်္ဂလားပင်လယ်အော်တွင် လေဖိအားနည်း ရပ်ဝန်းဖြစ်ပေါ်နေသည်လား၊ မုန်တိုင်းဖြစ်ပေါ်နေသည်လား တခုခု ဖြစ်လိမ့်မည်ဟု အင်တာနက်သတင်းများမှာ စေ့ငုကြည့်တော့ ဖြစ်ပေါ်နေသည့် မုန်တိုင်းသည် ဘင်္ဂလားဒေ့ရှ် သို့မဟုတ် မြန်မာနိုင်ငံ ဧရာဝတီတိုင်းကို ၀င်ဖို့ အလားအလာရှိနေသည် ဟုဧပြီလ ကုန် ၂၈၊၂၉ ရက်ဝန်းကျင်တွင် ဖတ်ရှုရသည်။



ဘင်္ဂလားဒေ့ရ်ှနိုင်ငံကို နောက်ဆုံးဝင်ခဲ့သည့် ဆီဒါ အမည်ရှိသည့် အပူပိုင်း ဆိုင်ကလုန်း မုန်တိုင်းလောက် မပြင်းထန်နိုင်ပေမယ့် ဆိုင်ကလုန်း အဆင့် အားဖြင့် ၁ မှာရှိသဖြင့် ဖျက်ဆီးနိုင်စွမ်းကြီးမား သည့်မုန်တိုင်း ဖြစ်နိုင်သည်ဟု ဟာဝိုင်အီ မိုးလေ၀သ ခန့်မှန်းရေး ဌါနက ပြောဆိုသည်ကို ဗီအိုအေ သတင်းတွင် ဖတ်ရသော်လည်း အစိုးရပိုင် သတင်းစာ၊ ရေဒီယိုများတွင် စိုးရိမ်ဘွယ်ရာ မုန်တိုင်းဟု ကြေငြာတာမျိုးမရှိသဖြင့် အပျက်အစီးများမည့် မုန်တိုင်း ဟုမထင်မှတ်ခဲ့။ ယခုလို နွေအကုန် မိုးဦးကျမှာ ရခိုင်ကမ်းရိုးတန်း ဘက်သို့ ၀င်ရောက်လေ့ရှိသည့် မုန်တိုင်းမျိုးဟုထင်ကာ ဒီလောက်ကြီး အရေးတကြီးမထားခဲ့။



သို့ရာတွင် ဧပြီလကုန်နောက်ဆုံးရက် ဖြစ်သည့် ၃၀ရက်တွင်တော့ မုန်တိုင်းသည် ဧရာဝတီ တိုင်းကို ဖြတ်ဝင်မည်မှာ သေချာသလောက် ရှိနေပြီး မည်မျှပြင်းထန်မည် ဆိုသည်ကိုမူ တိကျစွာ မမှန်းဆ နိုင်ခဲ့ကြ။



မေလ ၁ ရက်နေ့တွင် မုန်တိုင်းသည် မြန်မာနိုင်ငံ ဟိုင်းကြီးကျွန်းနှင့် မိုင်ရာဂဏန်းမျှကွာဝေး သည့်နေရာတွင် ဗဟိုပြုနေသည် ဆိုသည့် သတင်းမျိုးတော့ ထပ်မံကြားသိရသော်လည်း ၊ ရန်ကုန်ကိုဝင်မည်၊ ဧရာဝတီတိုင်း တခုလုံးကို ဖြတ်သန်းမည်ဆိုသည့် သတင်း သေသေချာချာ မကြားသိသေး။



မုန်တိုင်း အမှန်တကယ် ဧရာဝတီတိုင်းကို ဖြတ်မည်ဆိုသည့် သတင်းကို ၂ရက်နေ့ (သောကြာနေ့)နံနက်ပိုင်းမှာ စတင်ကြားသိရသည်။ အင်တာနက်ပေါ်တွင်လည်း မုန်တိုင်းနှင့် ပတ်သက်သည့် သတိပေးချက်များ ကြားသိနေရသဖြင့် တဖြည်းဖြည်းနှင့် စိတ်ဝင်စားလာသည်။

(၀န်ကြီးများရုံးရှေ့ မြင်ကွင်း၊ ရန်ကုန်)

မေလ ၂ရက်နေ့



ယခုတစ်ကြိမ်တော့ နာဂစ်အမည်ပေးထားသည့် မုန်တိုင်းသည် ဧရာဝတီတိုင်းကို ဖြတ်မည် ဟိုင်းကြီးကျွန်းရဲ့ အနောက်တောင်ဘက် သမီလှကျွန်းမှ မိုင် ဆယ်ဂဏန်း အကွာကို ဗဟိုပြုပြီး အရှေ့ မြောက်ယွန်းယွန်းကို ရွေ့လျားဘွယ်ရှိနေပြီး ရွေ့လျားနှုန်းက တနာရီ ၁၀၊ ၁၂မိုင်နှုန်းဟု ဆိုသည်။ ထိုအတိုင်းသာ ဆိုလျင် ဟိုင်းကြီးကျွန်းကို ၂ရက်နေ့မှာပင် ဖြတ်ကျော်လိမ့်မည် ဖြစ်ပြီး ဧရာဝတီတိုင်း ရှိမြို့များဖြစ်သည့် ပုသိမ်မြို့ကို ၂ရက်နေ့ ညနေတွင် ဖြတ်ကျော်မည်ဟု ခန့်မှန်းရသည်။



မိုးကလည်း နံနက်ပိုင်းမှာလည်း မနားပဲ သည်းသည်းမဲမဲ ရွာသွန်းနေသည်။ ရေဒီယိုမှ လွှင့်ထုတ်သည့် မိုးလေ၀သ သတင်းကို နားထောင်ရာတွင် ဆိုင်ကလုန်း မုန်တိုင်းမှာ ဧရာဝတီတိုင်းမှ အရှေ့မြောက်ယွန်းယွန်း သို့ဖြတ်ကျော်လိမ့်မည်၊ ရန်ကုန်ကို ညနေသို့မဟုတ် ညဦးပိုင်းတွင် ဖြတ်ကျော်နိုင်သည့် သဘောမျိုးနားလည် ထားသည်။

ပုသိမ်မြို့ သို့မုန်တိုင်းဖြတ်လိမ့်မည် ဟုမျှော်လင့်ရသဖြင့် ပုသိမ်မြို့ရှိ မိတ်ဆွေထံသို့ နံနက်ခင်းကတည်းက ဖုန်းလှမ်းဆက်ကာ အခြေအနေကို မေးမြန်းနေမိသည်။ ပုသိမ်မြို့ အခြေအနေကတော့ မိုးတွေသည်းသည်းမဲမဲ ရွာနေသည်မှလွဲပြီး လေမကြမ်းသေး ဟုနေ့လည်မွန်းတည့် ချိန်အထိ ကြားသိနေရသည်။ ရန်ကုန်မြို့ရှိ စတိုးဆိုင်များ၊ အစိုးရရုံးများ မှ ၀န်ထမ်းများကို မွန်းလွဲ ၂နာရီခွဲ ခန့်ကတည်းက အိမ်ပြန်ခွင့်ပြုလိုက်ကြသည်။ ရန်ကုန်ကို မုန်တိုင်းဖြတ်မည် ၊ မိုးသည်းထန်မည်ဟု တွက်ဆကာ အိမ်အပြန် ခက်ခဲမည်စိုးသဖြင့် စောစော လွှတ်လိုက်ကြခြင်း ဖြစ်သည်။

(သိမ်ဖြူနဲ့ မဟာဗန္ဓုလလမ်းထောင့်၊ ရန်ကုန်)



ဟိုင်းကြီးကျွန်းထိပြီ



မွန်းလွဲ ၂နာရီခွဲတွင် ဂျာနယ်တိုက် တတိုက်မှ သတင်းထောက် တယောက်က ဖုန်းဆက်လာသည်။ ဟိုင်းကြီးကျွန်း ကိုမုန်တိုင်းဖြတ်ပြီ။ ဟိုင်းကြီးကျွန်းမှာ အပျက်အစီး အလွန်များသည်တဲ့။ ဓါတ်တိုင်တွေလဲ၊ အိမ်တွေပြိုလဲ၊ သစ်ပင်တွေကျိုးကျနှင့် တစ်မြို့လုံး ရစရာမရှိ တော့ဟု ဆိုသည်။ ဖုန်းလိုင်းတွေလည်း ပြတ်၊ လျှပ်စစ်မီးတွေ ပြတ်ကုန်ပြီဟု လည်းပြောသည်။



ဟိုင်းကြီးကျွန်း အခြေအနေ ဤမျှဆိုးလျင် မုန်တိုင်းလမ်းကြောင်းကျရာ လမ်းရှိမြို့များလည်း အပျက်အစီးများနိုင်သည် ဟုတွေးမိသည်။ ညနေ ၄နာရီခွဲ ၅နာရီခန့်ထိ ရန်ကုန်မှာ မိုးသည်းထန်တုန်း ဖြစ်သည်ကို မှတ်မိသည်။



၅နာရီခန့်တွင် လှိုင်မြို့နယ် ဘက်တွင်နေသူက ဖုန်းဆက်လာသည် သူတို့ မြို့နယ်တွင် ရပ်ကွက် ကောင်စီက မုန်တိုင်း ဖြတ်သန်းမှာ ဖြစ်လို့ အိမ်ပြင်မထွက်ကြဖို့ မုန်တိုင်းတိုက်ချိန်မှာ လျှပ်စစ်မီးတွေ ပိတ်ထားကြဖို့ကို စပီကာဖြင့် လိုက်အော်သည်ဟု ဆိုသည်။ ပုဇွန်တောင်မြို့နယ် သံလျက်စွန်းဘက်တွင်လည်း ထိုသို့သတိပေးချက် ကြေငြာတာမျိုးရှိသည်ဟု ကြားသည်။



ရန်ကုန်မြို့လယ် ရှိမြို့နယ်များ၊ လမ်းများတွင်တော့ မည်သည့် သတိပေး ကြေငြာချက်မျိုးမှ မကြားသိခဲ့ရ။



(မဟာဗန္ဓုလမ်းမ၊ နာဂစ်အပြီး မနက်ခင်း၊ ရန်ကုန်)

နာဂစ်ည



ညနေ ၆နာရီဝန်းကျင်တွင် ပုသိမ်မြို့သို့ ဖုန်းထပ်ဆက်ကြည့်သည်။ မုန်တိုင်းဝင်ပြီလား။ လေမိုးအခြေအနေ ဘယ်လို ရှိသလဲ သိချင်၍ မေးကြည့်ရာ၊ ဟိုင်းကြီးကျွန်း အပျက်အစီး ပုသိမ်မှလည်း သတင်းကြားကြောင်း သိရသည်။ သို့ရာတွင် ဖုန်းလိုင်းများ ပျက်စီးသွားပြီ ဖြစ်သဖြင့် ဘယ်လောက်ထိ ပြင်းထန်သည်၊ ပျက်စီးသည်ကိုတော့ မသိရသေးဟု ဆိုသည်။ ပုသိမ်မြို့အခြေအနေကတော့ လေအနည်းငယ် ပြင်းထန်လာပြီ။ မိုးလည်း ရွာနေဆဲဖြစ်ပြီး ၊ အိမ်ရှိလူများ အားလုံး အိမ်ထဲမှာ စုနေကြပြီး မုန်တိုင်းကို စောင့်နေကြသည်ဟု သိရသည်။ ဖုန်းပြောနေစဉ် လေတိုက်သံ၊ ပြူတင်းတံခါးတွေ ရိုက်ခတ်သံ ဖုန်းထဲမှာ ကြားနေရသည်။ သို့ရာတွင် ဆိုးဆိုးဝါးဝါးတော့ ယခုအချိန်ထိ မဖြစ်သေးဟု ပြောသည်။ မီးအမှောင်ထဲမှာ အိမ်ရှိ မိသားစုအားလုံး စုထိုင်နေကြပြီး မုန်တိုင်းကို ဖြတ်သန်းဖို့ စောင့်နေကြရသည်ဟု ဆိုသည်။ ရန်ကုန်မှာ ရောအခြေအနေ ဘယ်လိုလဲ ဟုမေးသဖြင့် ရန်ကုန်မှာတော့ မိုးသာသည်းထန်နေပြီး ယခုအချိန်ထိ မုန်တိုင်း မ၀င်သေးဟု ပြောပြလိုက်သည်။



ရန်ကုန်ကို သောကြာနေ့ညမှာ ဖြတ်လိမ့်မည်ဟု ရေဒီယိုက ကြေငြာသော်လည်း ယခုအချိန်ထိ လေပြင်းထန်သည့် အရိပ်အရောင် မတွေ့ရှိရသေးပေ။



ထိုနေ့က အနောက်နိုင်ငံ သံရုံးအချို့မှ ၀န်ထမ်းအားလုံးကို မုန်တိုင်း သတိပေးချက် ဖြန့်ဝေပြီး အစားအသောက်၊ သောရေ စုဆောင်းထားဖို့ နှိုးဆော်မှုများရှိခဲ့ပြီး အနောက်နိုင်ငံ သံရုံးတရုံးမှ ဆိုလျင် ၀န်ထမ်းများကို မုန်တိုင်းဒဏ်မှ စိတ်ချရသည့် ဟိုတယ်လိုမျိုးတွင် တည သွားတည်းဖို့ စရိတ်ထုတ်ပေးကာ တည်းခိုစေသည် ဟုဖြစ်ပျက်ပြီးနောက် သိရသည်။



ရန်ကုန်မြို့တွင် ည ၁၀နာရီခွဲခန့်တွင် လေပြင်းတိုက်စ ပြုလာသည်။ မုန်တိုင်း ၀င်တော့မည်ဟု ထင်သည်။ လေပြင်းတိုက်ခတ်ပြီး ၁၅မိနစ်ခန့်အကြာတွင် လျှပ်စစ်မီးတွေ ပြတ်တောက်သွားသည်။ တယ်လီဖုန်းကို ကိုင်ကြည့်တော့ ဖုန်းလိုင်းက လာနေသေးသည်။ ည ၁၁နာရီ ၀န်းကျင်တွင်တော့ လေပြင်းက အဆက်မပြတ် တိုက်ခတ်လာနေသည်။ မိုးရေလည်းပါ လေလည်းပြင်းသည်။ လမ်းများပေါ်တွင် ကားအသွားအလာ မရှိသလောက် နည်းပါးသွားသော်လည်း ၁၀မိနစ်၊ ၁၅မိနစ် တခါလောက် ဖြတ်သန်းသွားသည့် ကားများကို မြင်တွေ့ နေရသေးသည်။ အိမ်ဝရန်တာ တံခါးကိုဖွင့်ပြီး အပြင်မြင်ကွင်းကို ကြည့်မိတော့ ပေ ၆၀၊ ၇၀ မြင့်သည့် အုန်းပင် ကလေထဲတွင် တောင်မြောက် ယိမ်းထိုးနေသည်။ လဲပြိုမည့်အလား ထင်ရပေမယ့် လေနည်းနည်းပျော့သွားသည်နှင့် အပင်က ပြန်မတ်သွားသည် ကိုမြင်ရသည်။

ပြင်းထန်သည့် မုန်တိုင်း တစ်ခုကို ဖြတ်သန်းတွေ့ကြုံရမည် ဆိုသည့်အသိက သတင်းထောက် တယောက်အတွက် မှတ်တမ်းတခုဟု စိတ်မှာ ယူဆပြီး အသေးစိတ်အဖြစ်အပျက် အားလုံးကို လိုက်မှတ်နေမိသည်။



အိမ်ရှိလူများထဲမှ အိပ်သည့်သူ လေသံ မိုးသံကြားထဲ အိပ်ကြပြီး ၃ယောက် ၄ယောက်ကတော့ မအိပ်နိုင်ကြ၊ ၀ရန်တာကို ထွက်ကြည့်လိုက်၊ အသံကိုနာထောင်လိုက်နှင့် တဖြည်းဖြည်း လေအရှိန်ပြင်းလာသည်ကို သတိပြုမိသည် ညကလည်း သန်းကောင် ၁နာရီကျော်လာပြီ။ ခါတိုင်း ကြားဖူးသည့် မုန်တိုင်းများလို ၂နာရီ အများဆုံး ၃နာရီလောက် ဖြတ်သန်းတိုက်ခတ်ပြီး ငြိမ်သွားလိမ့်မည် ဟုမျှော်လင့်ထားသည်။



သို့ရာတွင် ထင်မှတ်ထားသလို နာဂစ်မုန်တိုင်းက ၂နာရီ ၃နာရီနှင့် မငြိမ်သွားပဲ စုစုပေါင်း ၁၂နာရီကြာ တိုက်ခတ်မည် ဆိုသည်ကိုတော့ နံနက် ၆နာရီခန့်မှ ခန့်မှန်းတွက်ဆမိတော့သည်။



(ဆက်လက်ဖေါ်ပြသွားပါမည်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်