Zaw Aung (Moneyar) – Articles

June 30, 2013

ကမ္ဘာ့အမြန်ဆုံးအင်တာနက်ပိုင်သူများ – ကိုးရီးယား၊ ဟောင်ကောင်နဲ့ မြန်မာအလားအလာ…
ဇော်အောင် (မုံရွာ)
ဇွန် ၃၀၊ ၂၀၁၃


မြန်မာဒီဂျစ်တယ်ဖိုရမ်ကို မေလ၂၀၁၃၊ ရန်ကုန်မြို့၊ ထရိတ်ဒါးဟိုတယ်မတွင် ကျင်းပခဲ့သည်။  မြန်မာစွမ်းအင်၊ မြန်မာ့လယ်ယာ၊ မြန်မာ့ ကျောက်မြတ် ..ဖိုရမ်ကြီးများကဲ့သို့၊ နိုင်ငံတကာက ကုမ္ပဏီးအကြီးစားတွေနဲ့ လူတစ်ယောက်ကို ဒေါ်လာ၂ထောင်၊ ၃ထောင် အကုန်ခံပြီးလာစရာမလိုပါ။ ၀ါသနာပါသူများလူငယ်များ စုစည်း၊ ဆွေးနွေးပွဲလေးဖြစ်သည်။ မြန်မာပြည်မှ ကွန်ပြူတာပညာရှင် လူကြီးများနဲ့၊ လူငယ်များစွာ တက်ရောက်ကြသည်။ MRBC မှ စည်းရုံးကျင်းပခဲ့သည်။ စင်ကာပူ myanmarsme.com မှလူငယ်များလည်း ပါဝင်နားထောင်ကြသည်။ မြန်မာပြည် အိုင်တီပညာရပ်ပိုင်း တွင် အခြေခံအဆောက်အဦး လုံးဝမရှိသေးသောကြေင့်၊ နိုင်ငံခြားပညာရှင်များ လာရောက်လုပ်ကိုင်ဖို့ အခြေအနေမရှိသေးကြောင်း၊ စင်ကာပူပညာရှင် လူငယ်များကပြောပါသည်။ သို့သော် အိုင်တီပညာကိုသုံးသည့် အကြီးဆုံး တဟုန်ထိုးတက်နေသောလုပ်ငန်းမှာ အင်တာနက်လုပ်ငန်းဖြစ်ပါတယ်။ မီဒီယာလုပ်ငန်းမှာ နိုင်ငံခြားမြှတ်နှံမှု၊ အကြီးကျယ်ဝင်နေပါတယ်။ ဗွီဒီယို၊ ကြော်ငြာရိုက်ကူးသူ မြန်မာပရိုဖက်ရှင်နယ်များ ၀င်ငွေအလွန်ကောင်းပါသည်။ ကမ္ဘာ့အဆင့်မီ ကြော်ငြာ၊ ဒီဇိုင်းများကို တီဗွီ၊ သတင်းစာ၊ ကုမ္မဏီလက်ကမ်းစာစောင်များ၊ ကုမ္ပဏီကြော်ငြာ၊ စာစောင်များတွင် မြန်မာမီဒီယာ ပရိုဖက်ရှင်နယ်များ၏ ဗွီဒီယို၊ဂရပ်ဖစ်ဒီဇိုင်းများကို အသုံးပြုနေပါသည်။ ထို့ကြောင့် မီဒီယာလုပ်ငန်းရှင် မြန်မာလူငယ်များစွာ အလုပ်ကိုင်ကောင်းပါသည်။ ပြည်တွင်း သတင်းစာ၊ ဂျာနယ်များမှာပင်လျှင် အင်တာနက်သုံးပြီး သတင်းထောက်၊ အယ်ဒီတာအလုပ်ကိုင် မြောက်များစွာ ရှိနေပါပြီ။ မြန်မာအစိုးရက အင်တာနက်ကို ပြည်သူများအား ဖွင့်ပေးလိုက်တဲ့အတွက် လူငယ်များစွာ အလွန်အကျိုးရှိသွားပါသည်။
 နိုင်ငံခြား တယ်လီဖုန်းကုမ္ပဏီကြီးများစွာ အကြိတ်အနယ်၊ ဈေးကွက်ရဖို့ ပြိုင်ဆိုင်၊ ငွေရင်းနှီးမှုတွေ လုပ်ကိုင်ရာမှ ဆက်သွယ်ရေးဝန်ကြီးဌာန လပ်စားမှုကြီးပေါ်ပေါက်လာရသည်။  ငွေများများသုံးစွဲသည့် နေရာတွင် အညှီရှိရာယင်အုံ ဆိုသကဲ့သို့ လပ်စားမှုများပါသည်။ အစိုးရမှ လပ်မစားနိုင်အောင် ငွေများစွာသုံးစွဲသည့် အစိုးရဌာနလူကြီး၊မိသားစုများကို ထောက်လှမ်းရေးဖြင့် စောင့်ကြည့်ရန် လိုပါသည်။
အမေရိကန် ဂျာနယ်လစ်စ် သောမတ်ဖရက်မင် Thomas Friedman ၏  World is Flat စာအုပ်ကို ဆရာကျော်ဝင်းက ကမ္ဘာကြီးပြားပြီ ..စာအုပ်ဖြင့် မြန်မာပြန်ခဲ့သည်။ The Lexus and the Olive Tree မောင်စွမ်းရည် ဘာသာပြန်ပေးသောစာအုပ်ကို အမေရိကန်သံရုံးမ ထုတ်ဝေခဲ့သည်။ ထိုစာအုပ်များသည် အိုင်တီပညာကြောင့် ကမ္ဘာကြီးတိုးတက်ပြောင်းလဲခဲ့ကြောင်း၊ သို့သော် လူသားများ၏ အမုန်းတရား၊ ငါဝါဒများက ကမ္ဘာကြီးကို ပျက်စီးရန်လုပ်ဆောင်နေသူများလည်း ရှိနေကြောင်း…ဖတ်ရပါသည်။ 
အိုင်တီပညာသည် ၂၀၀၀နောက်ပိုင်းတွင် တဟုန်ထိုး တိုးတက်ရာတွင်၊ အထူးသဖြင့် Knowledge Share လုပ်ရတွင်၊ ကုန်ဈေးနှုန်းများ၊ နိုင်ငံရေးအခြေအနေများကို ဖြက်ကနဲ့၊ အားလုံးကသိသွားအောင် လုပ်နိုင်သည့် အင်တာနက်နည်းပညာ ဖြစ်နေပါသည်။ အင်တာနက်နည်းပညာသည် ဆက်သွယ်ရေး စီးပွားလုပ်ငန်းတွင် အကျုံးဝင်နေသဖြင့်၊ ကမ္ဘာ့ဆက်သွယ်ရေးလုပ်ငန်းများ အထူးဝင်ငွေကောင်းသော ခေတ်ကြီးဖြစ်သည်။ နိုင်ငံတိုင်းတွင် ဆက်သွယ်ရေးလုပ်ငန်းကို အစိုးရက တိုက်ရိုက်ဖြစ်စေ၊ သွယ်ဝိုက်ဖြစ်စေ ချုပ်ကိုင်ထားရသည်။ ထိုလုပ်ငန်းကို သူဌေးကြီးများက ၀င်ရောက်အပိုင်စီးလာလျှင် တိုင်းပြည်အလွန် နစ်နာသွားလေ့ရှိသည်။
နိုင်ငံအစိုးရတိုင်း အင်တာနက်ကို ဈေးနှုန်းအသက်သာဆုံး၊ အမြန်ဆုံးဖြစ်အောင် လုပ်ပေးထားရသည်။ သို့မှသာ တီထွင်ကြံဆသူ၊ ပညာထူးချွန်၊ စီးပွားထူးချွန်၊ လူငယ်များ၊ တိုးတက်ကြီးပွားလာမည်။ လူငယ်များ တိုးတက်ကြီးပွားမှ နိုင်ငံစည်ပင်သာယာ လာမည်ဖြစ်သည်။ လူငယ်များအင်အားကို ကြည့်ပါ။ စစ်ဖြစ်လျှင်လည်း လူငယ်များ၊ အားကစား၊ ဂီတ၊ ရုပ်ရှင် ထိပ်သီးများကိုကြည့်လျှင် လူငယ်များသာ ရှိသည်။ လူကြီးများက လူငယ်များကို မြှင့်တင်ပေးရပါသည်။ 
စာရေးသူ ကိုးရီးယားနိုင်ငံ မရောက်ဖူးပါ။ သို့သော် ၂၀၁၀ နောက်ပိုင်းတွင် ကိုးရီးယားများ ကမ္ဘာကျော်ဖြစ်လာသည်။ အထူးသဖြင့် စီးပွားရေးကုမ္ပဏီများတွင် ကိုးရီးယား ဆမ်ဆောင်း၊ ဟွန်ဒိုင်း၊ အယ်ဂျီ၊ ဒေ၀ူး စသည့် နာမည်များ Brands ကျော်ကြားလာသည်။ အားကစား၊ ဂီတ၊ ရုပ်ရှင်၊ သိပ္ပံပညာ၊ စာပေ စသည့် ဘက်စုံထူးချွန်သူများစွာ ပေါ်လာသည်။ ကုလအကြီးအကဲပင်လျှင် ကိုးရီးယားလူမျိုးဖြစ်လာသည်။ မြန်မာလူဦးရေမျှသာရှိသော ကိုးရီးယားသည် အဘယ့်ကြောင့် ကမ္ဘာ့ထိပ်တန်း ရောက်လာပါသလဲ။ မြောက်ကိုးရီးယား၏ အနီးကပ်ခြိမ်းချောက်မှုကို အမေရိကန်၊တရုပ်များဖြင့် ထိန်းချုပ်ကာ စိုးရိမ်မှုကို၊ အလုပ်များစွာလုပ်ခြင်းဖြင့် ဖြေဖြောက်ပြီး၊ ကမ္ဘာနှင့်ယှဉ်ဘောင်သွားနိုင်ခြင်းဖြစ်သည်။ အထူးသဖြင့် အင်တာနက်နည်းပညာတွင် ကမ္ဘာ့နံပါတ်(၁)၊ အမြန်ဆုံး အင်တာနက်လိုင်းကို တောင်ကိုးရီးယားပြည်သူများ ရရှိထားသည်မှာ အံ့ဘွယ်တစ်ခုဖြစ်သည်။ ၂၀၁၃တွင် ဟောင်ကောင်က နံပါတ်(၁)ကို ရယူသွားပါသည်။ 
အမေရိကန်နိုင်ငံရောက်ရှိသူများအဆိုအရ အမေရိကန်မြို့ကြီး၊မြို့လေးများတွင် အင်တာနက်စာမျက်နှာများကို တစ်ခုမှတစ်ခု ကလစ်လုပ်လိုက်တိုင်း ဖြတ်ကနဲ၊ ဖြတ်ကနဲ ကူးပြောင်းသွားသည်မှာ လျှပ်ပစ်သလို မြန်ဆန်လှသည်။ ဗီယက်နမ်၊ ထိုင်း၊ မလေးရှား၊ အင်ဒိုနီးရှား အရှေ့တောင်အာရှနိုင်ငံများသို့ ရောက်စဉ်ကလည်း အင်တာနက်စာမျက်နှာများ ကလစ်လုပ်လိုက်ပါက အသင့်တင့်မြန်သည်ကို တွေ့ရသည်။ တရုပ်ပြည်ကြီးလည်း အင်တာနက်တော်တော်မြန်သည်။ စင်ကာပူ၊ဟောင်ကောင်၊ကိုးရီးယားများသည် အလွန်မြန်သော အင်တာနက်လိုင်းများ ရှိသဖြင့် လူငယ်များ၊ ငွေကြေးကိစ္စ၊ ပညာရပ်ကိစ္စများကို အဟုန်လျှင်မြန်စွာ လုပ်နိုင်ပါသည်။ 
အမြန်ဆုံး နံပါတ်(၁)၊ (၂) တို့မှာ  ဟောင်ကောင်-တရုပ် (54.1 Mbps), တောင်ကိုးရီးယား၊ (48.8 Mbps) ဖြစ်သည်။ စင်ကာပူက အဆင့်-၁၀ (30.7 Mbps). အမေရိကန်က နံပါတ်-၁၄ဖြစ်ပြီး၊ ဥရောပနိုင်ငံကြီးများ ဂျာမဏီ၊ ပြင်သစ်၊ အီတလီ၊ စပိန်၊ ဆွဒ်ဇာလန်..များက ထိပ်ပိုင်းတွင်မရှိကြ၊ အင်္ဂလန်နိုင်ငံက အဆင့်-၁၆ (28.1 Mbps) ဖြစ်သည်။ နောက်ကျ ကျန်နေရစ်ပြီ..ဆိုသည့်သဘောဖြစ်သည်။ 
မြန်မာပြည် ဘယ်အဆင့်ရောက်နေသနည်း ဆိုသည်မှာ၊ မရေးတော့ပါ။ တော်တော်လေး တိုးတက်လာပါသည်။ လွန်ခဲ့သော ၂နှစ်က အင်တာနက်ကဖေးကို သာမန်လူတစ်ယောက် သုံးဖို့ လုံးဝမဖြစ်နိုင်သော အချိန်မှ ယခု၊ လူတိုင်း အင်တာနက်ကဖေးဆိုင်သို့ ဈေးနှုန်းချိုသာစွာ ထိုင်ပြီး၊ နိုင်ငံတကာသို့ တစ်မိနစ် ၂ကျပ်နှုန်း ဖုန်းပြော၊ အင်တာနက်ကြည့်နိုင်သည်မှာ အံ့သြဘွယ် ဖြစ်နေသည်။ ဆက်လက် ဈေးချိုပြီး၊ ပိုမိုမြန်ဆန်အောင် လုပ်ပေးခြင်းဖြင့် အနည်းဆုံး ဗီယက်နမ်လောက်တော့ အင်တာနက်မြန်ဆန်လိုပါသည်။ ယူကြု၊ ဗွီဒီယိုများကို ကြည့်လိုပါသည်။ စာရေးသူမှာ ပြဿနာတစ်ခုတွေ့လျှင် ဂူဂယ်၊ ယူတြု Google, Youtube အင်တာနက်များတွင် လူငယ်များ အခမဲ့တင်ပေးသော ဖြေရှင်းနည်းများကို ရယူလေ့ရှိသူဖြစ်သည်။ ထိုနည်းဖြင့် ပညာရေး၊ စီးပွားရေး များစွာ အထောက်ကူရခဲ့ပါသည်။ အာရှတိုက်တွင် ကမ္ဘာ့အမြန်ဆုံး အင်တာနက်နိုင်ငံများစွာ ရှိသလို ကမ္ဘာ့အနှေးဆုံး အင်တာနက်နိုင်ငံများရှိပါသည်။ မြန်မာတို့ အင်တာနှေး ဘ၀မှ၊ မြန်မာဟေ့ ကြွေးကြော်ပြီး အမြန်ဆုံးမလုပ်စေလိုပါ။ မျောက် အုန်းသီးရသလို ဒုက္ခရောက်သွာနိုင်သည်။  ဗီယက်နမ်၊ ကမ္ဘောဒီယားကို မီရန်သာ ကြိုးစားသင့်ပါသည်။ 
မြန်မာပြည်တွင် နိုင်ငံခြားကုမ္ပဏီးကြီးများက ဒေါ်လာသုံး၊ လေး၊ ငါးထောင် အထက် လစာပေးသော လုပ်ငန်းများမရှိသောကြောင့်၊ အိုင်တီပညာရှင် လခစားလုပ်ငန်းလုပ်ကိုင်လိုသူများအတွက် အခွင့်အလမ်းနည်းပါသည်။ ကိုယ်ပိုင်လုပ်ငန်းလုပ်ကိုင်ပါကလည်း အခြေခံအဆောက်အဦးမရှိသေး၊ ဈေးကြီးနေသည်။ မိမိအချက်အလက်များကို ထိမ်းသိမ်းမည့် Data Center မရှိသေး။ သို့သော် ကိုယ်ပိုင်လုပ်ငန်းအသေးစား လုပ်ကိုင်ပါက ဥပမာ ပုံနှိပ်လုပ်ငန်းများတွင် စာစီစာရိုက်အလုပ်များ၊ ဘာသာပြန်အလုပ်များလည်း များစွာလိုအပ်နေသည်။ အင်တာနက်ကဖေးဆိုင်တစ်ခု တစ်လ ကျပ်၁၀သိန်းမျှ ၀င်ငွေရပါသည်။ ဗီဒီယိုအယ်ဒစ်လုပ်သူတစ်ဦးလည်း တစ်လ ၁၀သိန်းအထက် ၀င်ငွေရှိနေသည်။  ရိုးရိုး ကြော်ငြာ၊ဒီဇိုင်းလုပ်သူပင် ၁၀သိန်းကျော် ၀င်ငွေရနေသည်။ လူစည်ကားရာနေရာတွင် လုပ်နိုင်ပါက ၅ဆ၊ ၁၀ဆ ၀င်ငွေတိုးမည်ဖြစ်သော်လည်း ဆိုင်ခန်းငှားခ ဈေးကြီးသောကြောင့် မစွန့်စားရဲကြ။ အင်တာနက် တယ်လီဖုန်း၊ ကွန်ပြူတာ တပ်ဆင်ပေးသူများလည်း အလွန်အလုပ်ဖြစ်နေသည်။ ရောင်းဝယ်သူများက ပိုပြီးတွက်သားကိုက်သော်လည်း ငွေရှင်ကြီးများက လက်ဝါးအုပ်ထားပါသည်။ ကိုယ်ပိုင်လုပ်ငန်းများ Crowd Funding, Advertising, IT Help Desk စသည့် အဆင့်နိုမ့်လုပ်ငန်းများစွာလိုအပ်နေသည်။ အဆင့်နိုမ့်သော်လည်း ၀င်ငွေမဆိုးလှပါ။ 
မြန်မာလူငယ်များအတွက် အရှေ့တောင်အာရှအဆင့်၊ မြန်ဆန်သည့် ဈေးသက်သာသည့်၊ အင်တာနက်လိုင်းကို မြန်မာအစိုးရမှ ဆက်လက်ပံ့ပိုးသွားဖို့၊ တနည်းအားဖြင့် ဆက်သွယ်ရေးဝန်ကြီးဌာနမှ ၀န်ကြီး၊ ဒုဝန်ကြီးများ၊ ဦးဆောင်ညွန်မှုး၊ ဌာနမှုးများ၊ လိုင်စင်ချပေးသည့် ဌာနဆိုင်ရာများ ..အားလုံးမှာ တာဝန်ရှိသည်။ မြန်မာပြည် အင်တာနက်အမြန်နှုန်းတိုးတက်မှု အောင်မြင်ပါစေ။
MDG Series

Reference


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဇော်အောင် (မုံရွာ)

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်