>TheGeek – X,mas Message for Ko Zarganar

December 23, 2009

>

ကိုဇာဂနာဖတ်ဖို့ ဟာသ
ခရစ်စမတ်ကဒ် လက်ဆောင်

ပျော်တော်ဆက် သာဂိ
ဒီဇင်ဘာ ၂၃၊ ၂၀၀၉
ကိုဇာဂနာခင်ဗျား … အကိုမဖတ်ရမယ့် စာရေးလိုက်ပြန်ပြီ။ မဖတ်ဘဲ နေလို့ရပေမယ့် မရေးဘဲ မနေနိုင်တော့ ရေးရတာပေါ့ အကို။ နယ်စွန် နယ်ဖျား အနှံ့ ထောင်ကျနေသူတွေဆီကို ဘယ်လိုနည်းနဲ့ ကျေးစေတမာန် လုပ်ရမယ်မှန်း မသိတဲ့အချိန်မှာ တိုင်းပြည်က မင်းဆိုးမင်းပုပ်တွေက အမြော်အမြင်ကြီးစွာနဲ့ ၂၀၁၀ အတွက် ခြေလှမ်းတလှမ်း လှမ်းလိုက်ပြန်ပြီဆိုတော့ အားအလွန် ရှိသွားတယ် ခင်ဗျာ။ အလို ဘာတဲ့ အကျဉ်းဦးစီးဌာနက နရသိန် ဆိုတဲ့ ထောင်မဂ္ဂဇင်း ထုတ်တော့မယ် ဆိုပဲ။
          မြန်မာပြည်ရဲ့ အကျဉ်းထောင်တွေအကြောင်း ဗဟုသုတ ရစေချင်သော အကျိူးငှာ ထုတ်ဝေရပါတယ် ဆိုတော့ မြန်မာပြည်က သန်း ၅၀ သော လူထုပရိသတ်ကြီးကို ထောင်ထဲပဲ ထည့်ထားလေတော့လေမလားလို့ ခေါင်းနပန်း ကြီးရပါရဲ့။ ပွဲမ၀င် အပြင်က ကျင်းပဆိုသလို ထောင်ထဲ မထည့်ခင်မှာ ရင်းနှီးမှုရအောင်၊ မစိမ်းကြရလေအောင် စေတနာ ပလဗွနဲ့ စီမံလိုက်ပုံရတယ်ဗျ။ အင်းလေ မစည်ကားအပ်သော အရပ်ထဲမှာ သူတို့ပါတယ် ဆိုပေမယ့် အဲသည်လိုအရပ်ကနေ မဂ္ဂဇင်း မထုတ်ရဘူုးလို့မှ သူတို့ အခြေခံဥပဒေထဲ ရေးမှ မထားဘဲလေ။
          အားကိုး ရှိလို့ မဂ္ဂဇင်း ထုတ်ရဲလေတာပဲလို့လည်း တဖက်က တွေးမိတယ် ကိုဇာဂနာရေ။ အခုလိုမျိုး နိုင်ငံရေးအကျဉ်းသား ထောင်နဲ့ချီပြီး ထောင်ထဲ ထည့်ထားချိန်မှာ ထောင်ထဲမှာက ပညာတတ်တွေ၊ အနုပညာသမားတွေ၊ စာရေးဆရာ၊ ကဗျာဆရာ၊ လူရွှင်တော်၊ အဆိုတော်၊ ဇာတ်ဆရာ စသည်ဖြင့် အကောင်းစားတွေ၊ လူလိမ္မာတွေ “အထဲ” ရောက်နေချိန်ဆိုတော့ ဧကန္တ ခင်ဗျားတို့ အားကိုးနဲ့ သူတို့ မဂ္ဂဇင်းထုတ်တာ ဖြစ်ပုံရသဗျ။ ခင်ဗျားတို့က အထဲကနေ စာတွေရေး၊ သူတို့က စာတွေထည့်ပြီး မဂ္ဂဇင်းထုတ်၊ အပြင်က မိသားစုတွေ ဆွေမျိုးသားချင်းတွေက ၀ယ်ဖတ်၊ ပြီးတော့ ပေးစာ ပြန်စာ ကဏ္ဍတွေလည်း ထည့်ပေါ့ဗျာ။
          ထောင်ပြင်က ဇနီးသည်က ထောင်တွင်းက ခင်ပွန်းသည်ထံသို့ မွေးနေ့ဆုတောင်း ပေးလိုက်ပါတယ် တို့။ ထောင်တွင်းက အနှစ် ၃၅ နှစ် ထောက်သက်ရှိ ကိုဘယ်သူက ၀ဲတွေ အလွန်ပေါက်ပြီး အဟာရချို့တဲ့နေလို့ ဘယ်ဆေးမြီးတိုလေးကို လာဘ်ထိုးပြီး သွင်းရင် ကောင်းမလဲလို့ အမေးရှိလိုက်ပါတယ် ဦးဦးထောင်ပဟေဠိကြီး ဖြေပါ တို့ … ဒါတွေ ကျနော်တို့ ဖတ်ကြရတော့မှာပေါ့ခင်ဗျာ။
          အလွန်ပညာရှိပြီး ရှေ့ရေးကို ကြိုမြင်တဲ့ ခြေလှမ်းကြီးပဲ လို့ ရင်သပ်ရှုမော ဖြစ်ရပါတယ် ကိုဇာဂနာရေ။ ခင်ဗျားတို့တတွေ လာမည့် ၂၀၁၀ နှစ်သစ် လွတ်လပ်ရေးနေ့မှာ တပ်မတော်ကြီးရဲ့ စိတ်ဆိုးစိတ်ယုတ်တွေကို ထင်ဟတ်တဲ့ လွတ်ငြိမ်းချမ်းသာခွင့်တို့ ဘာတို့ မမျှော်နဲ့တော့ဗျ။ “ထောင်” မဂ္ဂဇင်း ထုတ်ပြီဆိုမှတော့ ခင်ဗျားတို့ကို လွယ်လွယ်နဲ့ လွှတ်ပေးတော့မလား။ ဦးနှောက်ကလေးများရှိရင် နဲနဲလောက် လွှာသုံးပြီး စဉ်းစားမှပေါ့လို့ ပြည်ထဲရေးဝန်ကြီးက ပြောနေမှာပေါ့ အကိုရေ …။
          နောက်ဆိုရင် ထောင်ထဲကနေပြီး မဂ္ဂဇင်းတင်မကဘူး တဲ့။ အင်းစိန်ထောင် FM တို့၊ မြစ်ကြီးနား ပူတာအိုထောင် FM ရေဒီယိုလိုင်းတွေလည်း ထောင်အုးံမတဲ့။ ခင်ဗျားတို့ကို ရုပ်ရှင်၊ ဗီဒီယို ဇာတ်လမ်းပမာ စတာတွေ ရိုက်ပြီး မြန်မာ့အသံနဲ့ အပြိုင် “ထောင်မြန်မာ” ရုပ်သံလိုင်းတွေ အခွေတွေ ထုတ် ရောင်းစားဦးမတဲ့ဗျ။ သတင်းတွေ ကြားတာ ပြောပါတယ်။ ဒါကြောင့် ဟိုတေးရေးဆရာတွေက ကွက်ကျော်မြင်ပြီး သူတို့သီချင်းတွေကို “လုပ်မစား” ရဆိုပြီး ကမန်းကတန်း စာထုတ်တာ ပြောတယ်။ တော်ကြာ ထောင်ထဲက အနုပညာသမားတွေကို ကာရာအိုကေအခွေ ရိုက်ထုတ်ပြီး စစ်အစိုးရက လုပ်စားသွားမှာကို မလိုလားလို့ ဆိုပဲ။ အင်း နောက်ဆိုရင် ခင်ဗျားတို့ကို ထောင်ထဲမှာ ထားပြီး အလဟသ အရည်အချင်းတွေ ပါရမီတွေ မပျောက်ပျက်သွားရအောင် သူတို့တွေ ခိုင်းစားလာတာ များလာရင်တော့ အပြင်က ကျနော်တို့ကလည်း အဓမ္မလုပ်အားပေးတွေကို တိုင်နေရာကနေ အဓမ္မအနုပညာသည်တွေ ဆိုပြီး အိုင်စီစီတို့ ဘာတို့မှာ တိုင်ရ တောရ အလုပ်တော့ ရှုပ်အုံးတော့မှာပဲနော်။
          ဟဲ ဟဲ … ခင်ဗျားတို့ကတော့ ဒီစစ်အစိုးရကြီးက တယ်ပြီး ပညာရှိပြီး လုပ်တတ်လှချည်လားလို့ မျက်လုံးလေး ကလယ်ကလယ်နဲ့ ဖြစ်နေပြီမဟုတ်လား သည်သတင်းကြားလိုက်တဲ့ ခဏမှာ။ သူတို့ ဦးခေါင်းထဲက ဉာဏ်နဲ့ ဒါမျိုးတွေ ထွက်နိုင်ပါ့မလား ကိုဇာဂနာရယ် …။ စီးပွားရေးနိုဘယ်ဆုရထားတဲ့ စီးပွားရေးပညာရှင်ကြီးတယောက် မြန်မာပြည်ကို တလောက လာသွားတယ် အကိုရဲ့။ စစ်အစိုးရလက်အောက်က မြန်မာပြည်ကြီး နည်းမျိုးစုံနဲ့ ဖွံဖြိုးတိုးတက်အောင် ဘယ်လိုလုပ်ရင် ကောင်းမလဲလို့ ဆိုပြီး အကြံကြီး ဉာဏ်ကြီးတွေ ပေးဖို့ လာသွားတယ်လေ။ အဲဒီ ဆတ်လဇိ ဆိုလား အဲသည်ပညာရှင်ကြီး ပေးသွားတဲ့ အကြံကြီးတွေထဲက တခုနေမှာပေါ့လေ။
          အင်း … အဲသည် ဆတ်လဇိ ဆိုတဲ့လူကြီးက ဘယ်လို အကြံပေးလေသလဲ ဆိုတာ အသေးစိတ်တော့ မသိသော်ငြား အနောက်အုပ်စုက လုပ်ငန်းကြီးတွေကို အကြံပေးသလိုမျိုး မပေးမှာကတော့ အမှန်အကန်ပဲ။ ဟိုမှာက လုပ်ငန်းတွေ အရှုံးပြရင် စီအီးအိုတွေ ဒါရိုက်တာတွေက အလုပ်ကနေ နှုတ်ထွက်ရတာဆိုတော့ မြန်မာပြည်ကြီးက ဘက်ပေါင်းစုံက သည်လောက် အရှုံးပြ ချွတ်ခြုံကျနေတာ “ ဟဲ့ မောင်သန်းရွှေနဲ့ အပေါင်းအပါတွေ … နင်တို့ ထွက်ပေးလိုက်” လို့ ဆိုတဲ့ ကလေးကအစ အရူးအဆုံး တရေးနှိုးထမေးရင်တောင် ဖြေနိုင်တဲ့ အဖြေကို သွားပေးလိမ့်မယ်လို့ မထင်ရဲပေါင်ပါ ခင်ဗျား။
          ဆတ်လဇိကြီးခင်ဗျာ ရှုဒေါင့်ပေါင်းစုံကနေပြီး ကောင်းတာလေးတွေ ရှာဖွေပြီး ကုတ်ကုတ်ကတ်ကတ် တွေးခေါ် ကြံစည်လို့ ကြံဖန်ပြီး စာတမ်းတွေ၊ ထုတ်ပြန်ကြေညာချက်တွေ လုပ်လာဦးမှာ သေချာပါတယ် အကိုဇာဂနာရေ … ခင်ဗျားတို့ ထောင်မဂ္ဂဇင်းထဲမှာ ဆောင်းပါးလေး ဘာလေး ပါတဲ့တနေ့ ဖတ်သာ ကြည့်ပေတော့။
          အခုလိုမျိုး ကမ္ဘာတလွှားမှာ ပတ်ဝန်းကျင်ထိန်းသိမ်းရေးတို့၊ စိမ်းလန်းစိုပြေရေးတို့၊ ကာဗွန်ခြေရာတွေ လျော့ချရေးတို့ အလွန်အရေးကြီးပြီး အသည်းအသန်ခေတ်စားနေချိန်မှာ မြန်မာပြည်ကို ဆတ်လဇိကြီး ရောက်သွားတဲ့အခါ ရင်သပ်ရှုမော သာဓုအနုမောဓနာ ခေါ်တော့တာပဲလို့ သတင်းပြန်ကြားရတယ် လို့ အလွန်လုံခြုံစိတ်ချရတဲ့ ထောင်မဂ္ဂဇင်းက အတွင်းသတင်းထောက်က ဖေ့စ်ဘွတ်ကနေ လှမ်းပြီး သာဂိကို မတ်စိပုိ့လိုက်တယ်လေ။
          မြန်မာပြည်မှာ မော်တော်ကားတွေကို အလွန်ချွေတာတယ်တဲ့။ ဘတ်စကားတွေကို လူ အပြည့်အသိပ် တင်ပြီးမှ မောင်းတဲ့အတွက် စက်သုံးဆီချွေတာရာ အလွန်ကျသတဲ့။ ဘတ်စကားအချောင်ကြီးတွေ လမ်းမပေါ်မှာ ဥဒဟို မတွေ့ရတာကို သူ သိပ်ကျေနပ်သွားပါတယ် တဲ့။
          ပြီးတော့ နေ့ နေ့ ည ည လူတွေဟာ လျပ်စစ်မီးတွေကို လုံးဝ မသုံးဘဲ နေနိုင်ကြသတဲ့။ တနေ့တာ လျှပ်စစ်မီးအလုပ်တွေကို အချိန်ဆွဲ ဖြန့်ကျက်ပြီး မလုပ်ကြဘဲ မီးလာတဲ့ ရက်ရဲ့ နာရီပိုင်းအတွင်းမှာ ရေချိုး၊ အီးပါ၊ အ၀တ်လျှော်၊ ထမင်းချက်၊ ရေသောက်၊ အလုပ်တွေ တလစပ်ပြီးအောင် အပြတ်လုပ်နိုင်ကြတာတွေ၊ အမြန်ဆုံးနည်းနဲ့ ပန်းကန်လုံးစီးပြီး လုပ်နိုင်ကြတာကိုလည်း အလွန် အံ့သြ ဂုဏ်ယူမိပါသတဲ့။
          တိုင်းပြည်ရဲ့ သယံဇာတတွေကိုလည်း ပြည်တွင်းမှာ သုံးဖြုံးမပစ်ဘဲ ပြည်ပကို အကုန်လုံး ထုတ်ပို့ ရောင်းစားနိုင်တာဟာလည်း တိုင်းပြည်ခေါင်းဆောင်တွေရဲ့ အမျော်အမြင် ကြီးမားမှု၊ တိုင်းသူပြည်သားတွေရဲ့ ရောင့်ရဲကျေနပ်မှုကို တပြောင်ပြောင် တလင်းလင်း ပြသနေတာကို တွေ့ရတော့ သူတို့တိုင်းပြည်တွေနဲ့ နှိုင်းယှဉ်ပြီးတော့ မနာလိုတောင် ဖြစ်မိပါရဲ့ တဲ့။
          မြန်မာပြည်သူတွေဟာ သူများတိုင်းပြည်ကလူတွေလို တဖြုံးတည်းဖြုံးနေတဲ့၊ အလေအလွင့်တွေများနေတဲ့ မဆင်မခြင်တိုင်းပြည်ကြီးမဟုတ်တဲ့အတွက် အလွန် ၀မ်းသာကြည်နူးမိပြီး မျက်ရည်မိုးများ ဖြိုင်ဖြိုင်ကျ ရ ရှာတယ် တဲ့။
ဆန်လက်တဆုပ်ကို ပြုတ်၊ ဆန်ပြုတ်လုပ်သောက်၊ နေ့ဖို့ညစာကို ချန်။ အိုးကပ်ကျန်တာလေးကို အိမ်က ကြောင်တွေ ခွေးတွေကို မျှဝေပြီး ကျွေး၊ ကြွပ်ကြွပ်အိပ်တို့ သတင်းစာတို့ စာစောင်စာရွက် အဟောင်းတွေကို စုဆောင်းပြီး ပိသာချိန်နဲ့ ရောင်း၊ ပုလင်းတွေ ဖန်ခွက်တွေကအစ လွှင့်မပစ်ဘဲ ပြန်သုံး၊ နွားနို့တို့ အရက်တို့ ဆီတို့ ဓာတ်ဆီတို့ကို ရေတွေ ဘာတွေ ရောပြီး သုံးခြင်း၊ ပြန်လည် ရောင်းချခြင်းများနဲ့ နေထိုင်၊ စစ်သားများကလည်း ကျည်ဆံတတောင့် အသက်တချောင်းဖြစ်အောင် သုံးစွဲတဲ့အပြင် တခါတရံ ကျည်ဆံချွေတာတဲ့ အနေနဲ့ ရွာလုံးကျွတ် မီးတိုက်တာ တို့ ဘာတို့လုပ်ပြီးတော့ ချွေချွေတာတာ စိစိကုတ်ကုတ် သုံးစွဲနေကြတွေဟာ ပြည်ပက နိုင်ငံကြီးသားတွေအတွက် ရှက်ဖွယ်လိလိ ဖြစ်စေတဲ့အတွက် သူများပြည်တွင်းရေး လိုက်စွက်ဖက်မယ့်အစား အတုခိုးကြဖို့တောင် ကောင်းပါသတဲ့။
အောင်မယ်လေး ကိုဇာဂနာရေ … နိုဘယ်ဆုရှင် ဆတ်လဇိကြီး ပါးစပ်လေး ဟောင်းလောင်းနဲ့ မြန်မာပြည်က မင်းဆိုးမင်းယုတ်များနဲ့ ကျောမွဲပြည်သူလူထုကြီးကို တဖက်သတ်ကြီး ကြည်ညိုသွားလိုက်ပုံများကတော့ ကိုဇာဂနာကို မြင်စမ်းစေချင်ပါရဲ့ ။
ဒါတောင် မြန်မာတွေဟာ ငွေစက္ကူအသစ်တွေ ဟောကနဲ ဟောကနဲ စက္ကူတွေ ဖြုန်းပြီး ရိုက်ထုတ်နေမယ့်အစား လွန်ခဲ့တဲ့ အနှစ် ၂၀ ကျော်က ငွေစက္ကူလေးတွေကို ပလတ်စတစ်လောင်းပြီး သုံးနေတာတွေ၊ ပီကေတို့ သကြားလုံးတို့နဲ့ လဲပြီး စားနေတာတွေ၊ တိုင်းပြည်ရဲ့ ငွေစက္ကူတွေကိုတောင် မသုံးစွဲတော့ဘဲနဲ့ အမေရိကန်ဒေါ်လာတို့၊ ထိုင်းဘတ်တို့၊ စင်္ကာပူ ဒေါ်လာတွေကိုပဲ တိုက်ရိုက် ကိုင်တွယ်သုံးစွဲနေတော့တာမြင်ရင် ဆတ်လဇိကြီးခင်ဗျာ ရင်ဘတ်စည်တီး ငိုကြီးချက်မနဲ့ ခေါင်းပေါ်က ရှိစု မဲ့စု ဆံပင်တွေကို ဆွဲနုတ်၊ မုတ်ဆိတ်မွေးကြီးကို ဆွဲချွတ်၊ လူးလိမ့် ငိုယို ပြီးတော့ကာ နေပြည်တော်မှာ အခုမှ အသစ်ချတ်ချွတ် ဖွင့်လှစ်တော့မယ့် သန်းရွှေအင်ဒေါတား စီးပွားရေးအကယ်ဒမီကျောင်းတော်ကြီးမှာ မူကြိုတန်းက စပြီး တက်ရောက် သင်ကြားပါတော့မယ် လို့ တောင်းတောင်းပန်ပန်နဲ့ ဗီဇာလျောက်နေတော့မှာ မြင်ယောင်နေမိပါသေးတော့ဗျာ။
ကဲ … စာလည်း ရှည်သွားပြီ။ လက်ရေးသီးခံပါ။ ကောင်းသော ခရစ်စမတ်ပါ ကိုဇာဂနာ။
အာမင် …

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်