>Maung Ye – NLD and its Leadership Issue

January 19, 2010

>

အမျိုးသားဒီမိုကရေစီအဖွဲ့ချူပ် နှင့် ခေါင်းဆောင်မှုပြဿနာ
မောင်ရဲ
ဇန်န၀ါရီ ၁၈၊ ၂၀၁၀
      အမျိုးသားဒီမိုကရေစီအဖွဲ့ချုပ်ရဲ့ အဖွဲ့အတွင်း ပြုပြင်ပြောင်းလဲရေး၊ ညီညွှတ်ရေး၊ ခိုင်မာတည်တံ့ရေး တွေဟာ ၂၀၀၉နှစ်ကုန်ပိုင်းနဲ့ ယနေ့အချိန်ကာလမှာ အလေးထားပြီး ဆွေးနွေးနေကြရတဲ့ အကြောင်းအရာများ ဖြစ်ပါတယ်။  ၂၀၀၉ နှောင်းပိုင်းမှာစခဲ့တဲ့ အဖွဲ့ချုပ်အောက် ခြေပါတီဝင်များရဲ့ အဖွဲ့အတွင်း ပြုပြင်ပြောင်းလဲရေး၊ ပိုမိုလှုပ်ရှားနိုင်တဲ့ တက်ကြွတဲ့ခေါင်းဆောင်များ ပါတီရဲ့ဦးဆောင်မှုကဏ္ဍမှာ တာဝန်ယူ ဆောင်ရွက်ရေးတွေဟာ အမျိုးသားဒီမိုကရေစီအဖွဲ့ချုပ်အတွက် ၂၀၁၀ ကာလမှာပေါ်ပေါက်လာမယ့် အရေးကိစ္စအဝဝ အတွက် အရေးကြီးတဲ့ ကြိုတင်ပြင်ဆင်မှု ဖြစ်လာခဲ့ပါတယ်။

      ဗမာ့လွတ်လပ်ရေးတိုက်ပွဲကို အောင်မြင်စွာဦးဆောင်ခဲ့တဲ့ “ဖဆပလအဖွဲ့ချုပ်ကြီး” လိုမျိုး လူထု လူတန်းစားပေါင်းစုံကို ကိုယ်စား ပြုတဲ့အဖွဲ့ချုပ်ကြီးအဖြစ် ရည်ရွယ်ဖွဲ့စည်းခဲ့တဲ့ အမျိုးသားဒီမိုကရေစီအဖွဲ့ချုပ်မှာ ၁၉၈၈ခုနှစ် ပြည်သူ့အရေးတော်ပုံကာလကအဖွဲ့ပေါင်းစုံမှ တက်ကြွလှုပ်ရှားသူအများစု ပါဝင်ခဲ့ကြတဲ့အတွက် မတူတဲ့တွေးအခေါ်၊ မတူတဲ့ဦးဆောင်မှုပုံစံများ ရှိနေကြတာ အထင်အရှားပါ။  ဒီလိုအခြေ အနေတွေကြောင့် အဖွဲ့အတွင်း ပြုပြင်ပြောင်းလဲရေးကိစ္စပေါ်လာတိုင်း အဖွဲ့အတွင်းညီညွှတ်ရေး၊ ပါတီမပြိုကွဲရေးဟာ အမြဲတမ်းထည့်သွင်း စဉ်းစားစရာအချက် ဖြစ်နေပါတယ်။ ဒါကိုသိနေတဲ့ “နဝတ/နအဖ” က အမျိုးသားဒီမိုကရေစီအဖွဲ့ချုပ် အင်အား တောင့်တင်းခိုင်မာရေးကို မလုပ်နိုင်အောင် နည်းလမ်းပေါင်းစုံနဲ့ချုပ်ခြယ်ထားခဲ့တာပါ။ ရွေးကောက်ပွဲကျင်းပရေးကော်မရှင်က သူတို့ဆန္ဒရှိသူများကိုသာ ဗဟိုအလုပ်အမှု ဆောင်အဖွဲ့ဝင်များ၊ ဗဟိုဦးစီးအဖွဲ့ဝင်များ၊ ပါတီခေါင်းဆောင်များအဖြစ် တဖက်သက်အသိအမှတ်ပြုခဲ့ခြင်းများလည်းပါခဲ့ပါတယ်။  ဒီလိုနဲ့ပဲ အမျိုးသားဒီမိုကရေစီအဖွဲ့ချုပ်ဟာ ရှင်လျှက်နဲ့ သေနေခဲ့ရတာ ယနေ့အထိပါ။
      အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင်အဖွဲ့ကို ဇန္နဝါရီလ ၁၁ရက်နေ့ ဗဟိုအလုပ်အမှုဆောင်အဖွဲ့ တနင်္လာနေ့ ပုံမှန်အစည်းအဝေးကနေ အတည်ပြုတိုးချဲ့ဖွဲ့စည်းလိုက်ပါပြီ။  ဒီလိုဖွဲ့စည်းရာမှာ ညီညွှတ်ရေးအခြေခံနဲ့ ခေါင်းဆောင်များအားလုံးကသဘောတူ ရွေးချယ်ခဲ့ကြတယ်ဆိုပါတယ်။ 
          ဒါပေမယ့် ယခင်ကအတိုင်း ဗဟိုအလုပ်အမှုဆောင်အဖွဲ့ဝင်စာရင်းနဲ့ တာဝန်ခွဲဝေမှုကိုတော့ ဘာမှမပြောင်းလဲဘဲထားတာ တွေရပါတယ်။  ပါတီရဲ့ထိပ်ပိုင်းနေရာများဖြစ်တဲ့ ဥက္ကဋ္ဌ နဲ့ အတွင်းရေးမှူးနေရာများမှာ ကျန်းမာရေးမကောင်းတဲ့၊ တနင်္လာနေ့ ပုံမှန်အစည်းအဝေးတွေကိုပင် တက်ရောက်နိုင်ခြင်းမရှိတော့တဲ့သူများကို ဆက်လက် တာဝန်ပေးထားတာ တွေ့ရပါတယ်။  ဒါဟာပါတီရဲ့ ညီညွှတ်ရေးအတွက် ဖြစ်ပါတယ်လို့ဆိုလာခဲ့ရင် ဒီကိစ္စဟာ မြန်မာ့ဒီမိုကရေစီအရေးအတွက် လုံးဝမဖြစ်သင့်တဲ့ အစဉ်အလာတခုကို အမျိုးသားဒီမိုကရေစီအဖွဲ့ချုပ်က လုပ်ဆောင်လိုက်တာဖြစ်တယ်လို့ ဆိုချင်ပါတယ်။
      အမျိုးသားဒီမိုကရေစီအဖွဲ့ချုပ်ရဲ့ ရွှေဂုံတိုင်ကြေညာစာတမ်းပါ အချက်များဟာ ယနေ့ဖြစ်ပေါ်နေတဲ့ နိုင်ငံရေးအခြေအနေများ အတွက် လိုက်လျောညီထွေအဖြစ်ဆုံး၊ အကောင်းဆုံး ချမှတ်ထားတဲ့ အဖွဲ့ချုပ်ရဲ့ ရပ်တည်ချက်ပင် ဖြစ်ပါတယ်။ ဒါ့ကြောင့်လည်း ပြည်တွင်း ပြည်ပရှိ တိုင်းရင်းသားများက လှိုက်လှိုက်လှဲလှဲ ထောက်ခံခဲ့ကြတာပါ။ သို့သော်လည်း ကြေညာစာတမ်း (Statement) တခုရဲ့ အနောက်မှာ စာတမ်း/ကြေညာချက်ပါ ရည်မှန်းချက်၊ တောင်းဆိုချက်များ ရရှိပိုင်ဆိုင်နိုင်ဖို့ ဆောင်ရွက်ရမည့် လုပ်ငန်းစဉ် (Action Plan) များနဲ့ ယင်းလုပ်ငန်းစဉ်များအတိုင်း အကောင်အထည်ဖေါ်ဆောက်ရွက်မှု (Implementation) တို့ ထပ်ချပ်မကွာ လိုက်လာရမှာ ဖြစ်ပါတယ်။ သို့မှသာ ကြေညာစာတမ်းပါ အချက်များဟာ လှုပ်ရှားသက်ဝင်လာမှာ ဖြစ်ပါတယ်။ မဟုတ်ရင်တော့ ကြေညာစာတမ်းသည် စာရွက် တရွက်အဖြစ်သာ တည်ရှိနေပါလိမ့်မယ်။
      အမျိုးသားဒီမိုကရေစီအဖွဲ့ချုပ်ရဲ့ ယနေ့အခြေအနေက လုပ်ငန်းစဉ်များချမှတ်ခြင်း၊ အကောင်အထည်ဖေါ် ဆောင်ရွက်ခြင်းများကို ထိထိရောက်ရောက် တာဝန်ယူနိုင်ခြင်း မရှိတဲ့၊ မရှိခဲ့တဲ့၊ ပုဂ္ဂိုလ်ကြီးများရဲ့ နေရာမှာ တာဝန်ယူဆောင်ရွက်နိုင်တဲ့ ခေါင်းဆောင်များနဲ့ အစားထိုး တာဝန်ပေးသင့်ပါတယ်။  အနိမ့်ဆုံးအဆင့်အနေနဲ့ တာဝန်ယူနိုင်ခြင်းမရှိတဲ့သူကိုခွင့်တင်စေပြီး ၎င်းရဲ့နေရာကို အခြားသင့်တော်သူတဦးဦး၊ လုပ်ရည်ကိုင်ရည် ရှိသူတဦးဦးကို ခေတ္တတာဝန်ပေးခြင်း (Acting) အဖြစ်နဲ့ ပဲဖြစ်ဖြစ် တာဝန်ပေးသင့်ပါတယ်။  ဒါဟာ နိုင်ငံတကာမှာ အစိုးရတိုင်း၊ အဖွဲ့အစည်းတိုင်းက ဆောင်ရွက်ကြရတဲ့ လုပ်ထုံးလုပ်နည်းတခုပါ။ 
      အမျိုးသားဒီမိုကရေစီအဖွဲ့ချုပ်အနေနဲ့ ပါတီညီညွှတ်ရေးအတွက် ခေါင်းဆောင်မှုကို ပြင်ဆင်ဖွဲ့စည်းလိုမရနိုင်ဘူးဆိုတာ အဲ့ဒီ ခေါင်းဆောင်တွေကို မျော်အမြင်မရှိသူများ၊ မရှိတဲ့အာဏာကို မက်မောနေသူများလို့ ဆိုရာရောက်သလို၊ အခြားခေါင်းဆောင်များအဖို့လည်း အစားထိုးနိုင်တဲ့အရည်အချင်းမရှိသူများလို့ဆိုရာ ရောက်စေပါတယ်။  ဒီကနေ့အချိန်အခါလို ဗမာနိုင်ငံအရေးအတွက် လွန်စွာမှအရေးကြီးနေတဲ့ အချိန်အခါမှာ  အရေးကြီးတဲ့ဆုံးဖြတ်ချက်တွေကို အချိန်နဲ့တပြေးညီချမှတ်နိုင်ဖို့၊ နေ့ညမရွေး ပါတီကိုဦးဆောင်မှုပေးနိုင်ရေးဟာ အဓိကကျ ပါတယ်။ 
          ပါတီရဲ့ခေါင်းဆောင် ဒေါ်အောင်ဆန်းစုကြည်က အကျယ်ချုပ်ကြနေရချိန်မှာ ပြင်ပက ခေါင်းဆောင်များကလည်း စာတစောင်ထွက်ဖို့ အရေး၊ ဆုံးဖြတ်ချက်တခုကျဖို့အရေးတွေကို ဥက္ကဋ္ဌ တရေးနိုးအထကို စောင့်နေကြလို့မရပါဘူး။  တနင်္လာနေ့ ပုံမှန်အစည်းအဝေးကိုစောင့်ပြီးမှ ဆွေးနွေးဆုံးဖြတ်လိုမရနိုင်ပါဘူး။  “နအဖ” ထက်အဆပေါင်းများစွာ အလုပ်လုပ်နိုင်ဖို့ လိုပါတယ်။  လုပ်ကိုင်နိုင်စွမ်းတဲ့ အင်အား တွေရှိနေဖို့ လိုပါတယ်။
      အမျိုးသားဒီမိုကရေစီအဖွဲ့ချုပ်ခေါင်းဆောင်များ အနေနဲ့ ဗမာပြည်သူများအားလုံးရဲ့အရေး၊ ပါတီရဲ့ရှေ့ရေးအတွက် မှန်ကန်တဲ့ဆုံး ဖြတ်ချက်တွေကို ပါတီတွင်း ညီညွှတ်ရေးအခြိမ်းအခြောက်မခံရဘဲ လုပ်ကိုင်နိုင်တဲ့ နည်းလမ်းများကို အချိန်မှီရှာဖွေပြီး ဆောင်ရွက်သင့်နေပါပြီ။
          ၂၀၁၀ ခုနှစ်အတွက် “နအဖ” ရဲ့အန္တိမပန်းတိုင်ဖြစ်တဲ့ အမျိုးသားဒီမိုကရေစီအဖွဲ့ချုပ်ကြီး အစိတ်စိတ်အမွှာမွှာကွဲပြီး ၂၀၁၀ ရွေးကောက်ပွဲကိုပဲ နောက်ဆုံး ရွေးစရာလမ်းအဖြစ် ရောက်ရှိသွားစေခြင်းမှ ရှောင်ကျဉ်နိုင်ရေး ဆောင်ရွက်ရမည့် နည်းလမ်းများကို အမျှော်အမြင် ကြီးကြီးနဲ့ ရှာဖွေတွေ့ရှိနိုင်ပါမှ ပြည်သူက အားကိုးရတဲ့၊ စစ်မှန်တဲ့ ဒီမိုကရေစီစနစ်တရပ်ကို ဗမာ့မြေပေါ်မှာပေါ်ပေါက်လာအောင် ဆောင်ရွက်ပေးနိုင်တဲ့ သမိုင်းဝင် အမျိုးသားဒီမိုကရေစီ အဖွဲ့ချုပ်ကြီးအဖြစ် ပြည်သူအများရင်ထဲ ထာဝစဉ် တည်ရှိနေမှာ ဖြစ်ပါတယ်။  အဲဒီလို ဦးဆောင်မှုပေးနိုင်တဲ့ ခေါင်းဆောင်မျိုးကို အဆုံးအဖြတ်ပေးခွင့် တာဝန်အပ်နှင်းဖို့ အမျိုးသားဒီမိုကရေစီအဖွဲ့ချုပ်ခေါင်းဆောင်များနှင့်တကွ ပါတီဝင်အားလုံးကို သမိုင်းက တောင်းဆိုနေပါပြီ။    ။ 
ဇန်န၀ါရီ ၁၆၊ ၂၀၁၀ 
စာရေးသူ ကိုရဲ မှာ အမျိုးသားဒီမိုကရေစီအဖွဲ့ချုပ်(လူငယ်) စတင်ဖွဲ့စည်းခဲ့သည့် ၁၉၈၈ခုနှစ်နှောင်းပိုင်းကာလများကတည်းက အဖွဲ့ဝင်လူငယ်တယောက် အနေနဲ့ တက်ကြွစွာပါဝင်လှုပ်ရှားခဲ့ပြီး ၁၉၉၇ခုနှစ်မှာ ဗမာနိုင်ငံပြင်ပသို့ရောက်ရှိ အခြေချနေထိုင်နေသူ တယောက်ဖြစ်ပါတယ်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်