>Maung Lu Yay – Election and Elected

September 4, 2010

>

အမတ် နှင့် အမဲ
မောင်လူရေး

စက်တင်ဘာ ၄၊ ၂၀၁၀

အခါတပါး၌ ဘုန်းတော်ခြောက်စုံ ဂုဏ်တော်အနန္တနှင့် ပြည့်စုံတော်မူသည့် သုံးလောကရှင် ဘုရားရှင်သည် တရားသိမြင် ရှင်ရဟန်းပြုချင်သည့် သူတော်စင်တစ်ဦးကို တွေ့လတ်သော် ထိုသူ၏ အတိတ်ဘဝကို ရှုကြည့် သည်တွင် သပိတ် သင်္ကန်း လှူဒါန်းထားသည်ကို မြင်တော်မူသောအခါ “ဧဟိ ဘိက္ခု ၊ ချစ်သား ရဟန်း လာလှည့်“ဟု နှုတ်တော်မြွက်ဟ ခွန်းတော်သလိုက်သည်နှင့် တပြိုင်နက် သင်္ကန်းရုံ သပိတ်ပိုက်လျက် သိုက်မြိုက်လန်းရွင် ရဟန်းအသွင် တခါတည်းပေါ်ထွက်လာဘိသကဲ့သို့ –
ဧဝံ တထာ ၊ မခြားတမူ အလားတူသာလျှင် –
အခါမတရား၌ ဘုန်းတော်လက်နက် ဂုဏ်တော်ဂက်စ်နှင့် ပြည့်စုံတော်မူသည့် ဘုံးလောကဥကင် စစ်များရှင် အဲ ဆင်များရှင် မင်းတြားကြီးသည် စနစ်မလတ်မဆတ် ခေတ်မသပ်မရပ်နှင့် ရစ်ပတ်ချင်သည့် သူမြှော်မြင်တစ်ဦးကို တွေ့လတ်သော် ထိုသူ၏ အတိတ်ဘဝကို ရှုကြည့်သည်တွင် ချပ်ဝတ်တန်ဆာ ဓားလှံလေးမြား လှူဒါန်းထား သည်ကို မြင်တော်မူသောအခါ “ဧဟိ အမေစ္စ ၊ ချစ်သားအမတ် လာခဲ့လကွယ်“ဟု နှုတ်တော်မြွက်ဟ ခွန်းတော်သလိုက်သည်နှင့် တပြိုင်နက် သေနတ်ကိုင် ဖိုင်တွဲပိုက်လျက် သိုက်မြိုက်လန်းရွင် အမတ်အသွင် တခါတည်း ပေါ်ထွက်လာသော ဟူ၏ ။
အနှီ၎င်း အမေစ္စတို့၏ ကံကား  ထူးထွေတည့်အံ့ရာသောဟူသတည်း ။

ပြိုင်စရာ နိုင်စရာ မလိုဘဲ မင်းတြားကြီး၏ နှုတ်တော်ဖွင့်ဟ ဧဟိ အမေစ္စနှင့်ပင် အမတ်ဖြစ်ကြရသည် ။

ကျန်တပ်မတော်သားများ အဖို့ရာမှာမူကား သနားစရာကောင်းလှဘိတော့သည် ။ ယင်းတို့သည် ဧဟိ အမေစ္စတို့ ချပ်ဝတ်တန်ဆာ ဓားလှံလေးမြား လှူဒါန်းသမှု ပြုကြစဉ်က သာဓုမျှ မခေါ်ခဲ့ကြသောဟူ၏ ။ ထို့ကြောင့် အနှီ၎င်းပုဂ္ဂိုလ်တို့ လူအထိုထို၏ လိုသမျှအကျိုး သယ်ပိုးသမှု ပြုကြမည့်နေရာတွင် ဘယ်သူဘယ်ဝါ ပြုကြဗျာဟု ရွေးကောက်ပြီးသကာလ ထောက်ခံမဲလေးမှ ပေးခွင့်မရနိုင်ကြချေ ။
ထိုအနှီ၎င်း စစ်အမေစ္စတို့၏ ကံကား အလွန်အကျူး ထူးကြီးထူးဘိချေတော့သောဟူ၏ ။
သူရို့၏ကား သာမြင်ညောင်ည အမေစ္စများ မဟုတ်ကြချေ ။ ရာထူးဌာနန္တရ တွဲလျက်ရသည့် စပယ်ရှယ်အမေစ္စ များဖြစ်ကြ၏ ။
ချုပ်ထက်ချုပ် ဒုတ်ထက်ဒုတ်ဖြစ်တော်မူသော ဆင်ဖြူများရှင်ကြီးသည် ၂၅%ကို ယူနီဖောင်းအမတ်လုပ်ပြီး သကာလ မြန်မာ့ဝင်ရိုး မကျိုးမချင်း ထမ်းပြီးရင်းထမ်းနေချင်ပေတော့ရာ ကျန် ၇၅%ကို ကရုဏာငါးခူပြုံးဖြင့် သိမ်းကျုံးရှုကြည့်လိုက်သည်တွင် သဏ္ဍာန်တစ်မျိုးဖြင့် ကုသိုလ်ပျိုးထားကြသူများကို တွေ့သိသွားလေသော ဟူ၏ ။
ထိုသူတို့ကား ဧဟိ အမေစ္စများ ချပ်ဝတ်တန်ဆာ ဓားလှံလေးမြား လှူဒါန်းပွဲ၌ ဝေယျာဝစ္စ ပြုခဲ့ကြသူတို့တည်း ။ အနှီ၎င်းတို့သည် ဝေယျာဝစ္စ ပြုခဲ့ကြရုံမျှမက ၊ လွှတ်ဝတ်တန်ဆာများပင် လှူဒါန်းခဲ့ကြသောဟူ၏ ။ လွှတ်ဝတ် တန်ဆာဟူသည် ခေါင်းပေါင်း ၊ တောင်ရှည် ၊ တိုက်ပုံတို့ကို ဆိုသတည်း ။

ထို့ကြောင့် ချုပ်ထက်ချုပ် ဒုတ်ထက်ဒုတ်ဖြစ်တော်မူသော ဆင်ဖြူများရှင်ကြီးသည် အနှီ၎င်းပုဂ္ဂိုလ်တို့၏ ကုသိုလ် အဆောက်အဦကို ထောက်ကူသောအားဖြင့် ဥုံဖွ အပ်ချလောင်းလုပ်ကာ အမတ်လောင်းများ မွေးထုတ်လိုက် ပြန်သောဟူ၏ ။

ထို ဥုံဖွ အပ်ချလောင်းအမတ်တို့သည် ဟို ဧဟိ အမေစ္စအမတ်တို့လောက်တော့ ကွန်နက်ရှင် မကောင်းလှချေ ။ အကြောင်းမှာ လွှတ်ဝတ် တန်ဆာသည် ချပ်ဝတ်တန်ဆာလောက် စွမ်းရည်မမြင့်မားခြင်းလည်းတစ်ကြောင်း ၊ ထိုလွှတ်ဝတ်တန်ဆာလှူပွဲ၌ တပ်မတော်သားလေးများနှင့် ပြည်သားပြည်သူတို့သည် ဝေယျာဝစ္စ ဝိုင်းဝန်းပြုဖို့ ထား ၊ သာဓု စကားလေးမျှ မပြောဆိုခဲ့ကြသည့် ဧရာမ အ-ကုသိုလ်ကြီး အကျိုးပေးချိန်နှင့် အပ်ချလောင်းချိန် တထပ်တည်း ကျနေခြင်းလည်း တစ်ကြောင်းကြောင့်တည်း ။
ယင်းတပ်မတော်သားလေးများနှင့် ပြည်သားပြည်သူတို့၏ မဲငရဲခံ အကုသိုလ်ကံအကျိုးပေးပုံမှာ အဆန်းတကာ့ အကျယ်ဆုံးဟု ဆိုရချိမ့်မည် ။
ခံရပုံမှာ – ဖြူသလား မဲသလား ၊ နူသလား ဝဲသလား ၊ အူအူလား အအလား ၊ အကန်းလား အပင်းလား ၊ စွေသလား စောင်းသလား ၊ လူလား မလူလား ၊ ပွဲလန့်ဖျာခင်းလား လှေကြုံစီးလား ၊ ကြာကူလီလား ပိုင်းလုံးလား ၊ သာကူးလား နှာဗူးလား ၊ အသပြာရူးလား မယားတာရူးလား ၊ ဘာဆိုဘာမှ ကွဲကွဲပြားပြား သိမထားသည့်  ဟိုရောင်ရောင် ဒီရားရား ကျားကျားမီးယပ် အမတ်များကို ထောက်ခံမဲပေးကြရသောဟူ၏ ။
 “မပေး ပေး ပေး  ပေး ပေး ပေး ၊ ရအောင်ယူဖို့ ဒို့အရေး” ဟူသော မေဆွိဝါဒ ကျင့်သုံးသည့် ပြည်တိုင်ချိုးပါတီ တဖွဲ့တည်းကိုသာ ချုပ်ထက်ချုပ် ဒုတ်ထက်ဒုတ်ကြီးက အပ်ချလောင်း ဥုံဖွလုပ်ထားပြီးဖြစ်သဖြင့် ထိုထောက်ခံ မဲဟူသည်ကလည်း အမဲခံ၍ ထောက်ရခြင်းသာ ဖြစ်သောဟူ၏ ။ ထိုရောအခါ မဲတပြားသည် အသဲကြားက ဟူသည့် ဂုဏ်ဒြဗ်အနှစ် မရှိတော့ဘဲ တပဲနှစ်ပြားဟူသည့် ပလုံဇွပ်အဖြစ်သာ ရှိရပေတော့သောဟူ၏ ။
ဤကား မဲငရဲကျပုံ တစ်မျိုးတည်း ။

ပို၍ အကုသိုလ်ထူးသူတို့အတွက် မဲငရဲတစ်မျိုး ရှိပေသေးသောဟူ၏ ။

ထိုသူတို့သည် ချပ်ဝတ်တန်ဆာ ၊ လွှတ်ဝတ်တန်ဆာလှူပွဲ၌ ဝေယျာဝစ္စမပြု ၊ သာဓုမခေါ်ရုံသာမက  အမနာပ ပင် ပြောခဲ့ကြသောဟူ၏ ။
ယင်းတို့ မဲငရဲခံရပုံမှာ –
ထိုသူတို့သည် ပြည်တိုင်ချိုးပါတီ တစ်ဖွဲ့တည်းသာ မင်းမူသောနေရာ၌ နေထိုင်ကြရသောဟူ၏ ။ အမတ်မင်းများ က ယင်းတို့ကိုင်ထားသည့် အသဲကြားက မဲပြားကို ခြေနှင့် ကန်သွားကြ၏ ။ တံတွေးနှင့် ထွေးကြ၏ ။ နှပ်နှင့် ပက်ကြ၏ ။ ခြေသုပ်ပုဆိုး မြွေစွယ်ကျိုးငရဲဟုလည်း ခေါ်ပေသောဟူ၏ ။ ထိုငရဲ၌ အမဲခံထောက်ခွင့်ပင် မရှိချေ ။
မဲဆန္ဒရှင်များသည် အမတ်မင်းများကို မိမိတို့၏ အရပ်ဒေသနှင့် ဘဝကို မြင့်မားအောင်လုပ်ခွင့်ပေးရမည်ဖြစ်ရာ မဲတပြားသည် မိမိတို့ကိုယ်နှင့်ပင် ထပ်တူ တန်ဖိုးရှိလေ၏ ။ ထို့ကြောင့် မဲဆန္ဒနယ်တစ်နယ်၌ မဲအရေအတွက် ပြည့်မှီမှသာ အမတ်ဖြစ်ရသောဟူ၏ ။
မဲခံလိုသူ အမတ်လောင်းများမှာ ရွေးကောက်ပွဲ၏ ပထမအဆင့်အနေဖြင့် မဲပေးသူ အရေအတွက်ပြည့်မှီရေးဖြစ် ၏ ။ မဲနိုင်ရေးသည် ဒုတိယအဆင့်တည်း ။ အမှန်က ပြိုင်သူမရှိလည်း မဲပုံးထောင်ရမည်သာ ၊ မဲပေးသူ အရေ အတွက် မပြည့်မှီလျှင် အမတ်ဖြစ်ခွင့် မရှိချေ ။

ယခုမဲငရဲမှာ ပထမအဆင့်ကို ကျော်လွှားကာ မဲပြား၏ မူလတန်ဖိုးကို သရော်မော်ကားပြု၍ ပြိုင်ဖက်မရှိရအောင် ညစ်နည်းအမျိုးမျိုးသုံးပြီး ပြိုင်ဖက်မရှိက နိုင်ပြီဟုသတ်မှတ်သည့် တစ်ယောက်ထဲပြေး တစ်ပေးဇာတ်ခင်း ငရဲဖြစ်လေသည် ။

တကယ်တော့ ရွေးကောက်ပွဲဟူသည် အရှုံးအနိုင်ထက် မဲဆန္ဒရှင်မည်မျှက မဲထည့်ကြသနည်းဆိုသည်က ပဓာနဖြစ်သည် ။ ပြန်ဖြုတ်လိုလျှင်လဲ ကန့်ကွက်မဲအရေအတွက်ဖြင့်သာ ဖြုတ်ရမည်ဖြစ်သောကြောင့် မဲဆန္ဒရှင် မည်မျှက ထောက်ခံသည်ဆိုသည့်အချက်မှာ လွန်စွာ အရေးကြီးပေသည် ။
အခုတော့ဖြင့် ငါးဖလောင်းကပြောင်းပြန် အမတ်လုပ်မဲခံမည့်သူက မဲဆန္ဒရှင်များကို လှန်ပြခွင့်ရှိနေခြင်းဖြစ်ရ ကား  ဤငရဲကို မထီမဲ့မြင်ငရဲ ဟုလည်း ခေါ်သောဟူ၏ ။
ချပ်ဝတ်တန်ဆာအလှူကို မထီမဲ့မြင်ပြုမှုသည် လွှတ်ဝတ်တန်ဆာအလှူကို မထီမဲ့မြင်ပြုမှုထက် အကုသိုလ် အတိုင်းအဆကြီးလေ၏ ။ ထို့ကြောင့် တပ်မတော်သားလေးများသည် မိမိတို့နှင့် ထိစပ်ပတ်သက်သူများကို အမဲပေးခွင့် မရမူ၍ မိမိတို့နှင့် မထိမစပ် အရပ်တပါးက အခြားသူများကိုသာ အမဲပေးကြရသောဟူ၏ ။
တိုင်းသားပြည်သူ လူဟူသမျှတို့သည် အတိတ်ဘဝက မြတ်သောအလှူနှစ်ပါးကို မထီမဲ့မြင်ပြုခဲ့ကြခြင်းကြောင့် မထီမဲ့မြင်ငရဲမှာ အမဲပေးရင်း ငရဲခံကြရခြင်း ဖြစ်သတည်း ။
လောက၌ ရှိသော ငရဲမီးအားလုံးတို့သည် ဤမထီမဲ့မြင်ငရဲမီးလောက် မလောင်မြိုက်ချေ …..။
(ဆောင်းပါးသရုပ်ဖော် – ကာတွန်းမောင်ရစ်)

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်