fbpx

>Burmese Regime’s Luttaw Law Book sold out on the 1st day

January 12, 2011

>

လွှတ်တော် ဥပဒေ စာအုပ်များ ပထမနေ့မှာပင် ရောင်းမလောက်
မိုးမခ အထောက်တော်၊ ရန်ကုန်
ဇန်န၀ါရီ ၁၁၊ ၂၀၁၁
          နအဖ စစ်အစိုးရက ယမန်နေ့နေ့ခင်းက ကြေညာခဲ့သည့် လွှတ်တော်ခေါ်ယူခြင်းနှင့် ပတ်သက်သည့် နည်းဥပဒေများ ပါရှိသည့် စာအုပ် ၁၇ မျိုးကို ယနေ့စတင်ရောင်းချသော်လည်း နေ့လည်မတိုင်မီပင် ရောင်းကုန်သွားခဲ့သည်ဟု သိရှိရသည်။
          နိုဝင်ဘာလ ၇ ရက်နေ့က ရွေးကောက်ပွဲကျင်းပပြီးနောက် ပထမဆုံးအကြိမ်လွှတ်တော်ကို လာမည့် ဇန်န၀ါရီ ၃၁ ရက်နေ့တွင်ခေါ်ယူမည်ဟု ယမန်နေ့က နအဖ ခေါင်းဆောင် ဗိုလ်ချုပ်မှူးကြီး သန်းရွှေက လက်မှတ်ရေးထိုး  ထုတ်ပြန်ခဲ့ပြီး ဥပဒေ နည်းဥပဒေ ၁၇ မျိုးကိုပါ စာအုပ်ထုတ်ဝေဖြန့်ချိမည်ဟု ကြေညာခဲ့သည်။
          ယနေ့ထုတ် သတင်းစာများတွင် ကြေညာချက် အကျဉ်းချုပ်ကိုသာ ဖေါ်ပြထားပြီး ဥပဒေ နည်းဥပဒေများကို စာပေဗိမာန်နှင့် ပြန်ကြားရေး ၀န်ကြီးဋ္ဌာန လက်အောက်ရှိ စာအုပ်ဆိုင်၊ ပြန်ဆက်ရုံးများတွင် ၀ယ်ယူနိုင်သည်ဟု ကြေညာခဲ့သည်။ စာအုပ် ၁၇ အုပ်ကို မြန်မာကျပ်ငွေ ၃ ထောင် ဖြင့် ရောင်းချသည်ဟု သိရသည်။
          သို့သော် ယနေ့မွန်းလွဲပိုင်းက ရန်ကုန်မြို့ ကုန်သည်လမ်းရှိ စာပေဗိမာန်သို့ သွားရောက် ၀ယ်ယူသူ တဦးကပြောရာတွင်
“လွှတ်တော်နည်းဥပဒေဆိုတော့ ဘာတွေပါမလဲလို့ စိတ်ဝင်စားတာနဲ့ သွားဝယ်တာ၊ ရောင်းကုန်သွားပြီတဲ့။ ဒီနေ့ပဲ ထွက်တာ ဒီနေ့ကုန်သွားတယ်ဆိုတော့ ဘာအဓိပ္ပါယ်လဲတော့ မသိဘူး” ဟုပြောသည်။
          ရန်ကုန်မြို့ သိမ်ဖြူလမ်းရှိ ပြန်ကြားရေး ၀န်ကြီးဋ္ဌာနမှ စာအုပ်ဆိုင်တွင်သွားရောက် ၀ယ်ယူရာတွင်လည်း ကုန်သွားပြီဖြစ်ပြီး နောက်နေ့မှ လာရန်ပြောသည်ဟု ဆိုသည်။ မည်သည့်အကြောင်းကြောင့်  စာအုပ်အလုံအလောက် မရောင်းချနိုင်သည်ကို စာအုပ်အရောင်းဆိုင် ၀န်ထမ်းများ အနေဖြင့် ပြောဆိုခြင်း မရှိဟုလည်း သွားရောက်ဝယ်ယူခဲ့သူက ပြောသည်။
          စစ်အစိုးရက ဦးစီးကျင်းပခဲ့သည့် နိုဝင်ဘာ ၇  ရွေးကောက်ပွဲတွင် လက်ရှိအာဏာရယူထားသည့် စစ်အစိုးရ၏ ပါတီဟု အများကနားလည်ထားကြသည့် ကြံ့ဖွံ့ပါတီ အနိုင်ရအောင် နည်းမျိုးစုံဖြင့်လုပ်ဆောင်ခဲ့ပြီးနောက် ကြံ့ဖွံ့ပါတီက ၇၆ ရာခိုင်နှုန်းဖြင့် အနိုင်ရခဲ့ပြီး ရက်၉၀ မပြည့်မီ ၁ ပတ်ခန့်အလိုတွင် လွှတ်တော်ကျင်းပရန် ခေါ်ယူခဲ့ခြင်းဖြစ်သည်။
          ရန်ကုန်မြို့မှ ကိုယ်ပိုင်စီးပွားရေး လုပ်ကိုင်သူတဦးက ပြောရာတွင်
“လွှတ်တော် ဥပဒေ၊ နည်းဥပဒေဆိုတာ ရွေးကောက်ပွဲ မတိုင်ခင်ကတည်းက ဒါမှမဟုတ် ရွေးကောက်ပွဲ ပြီးတာနဲ့ကြေညာထားသင့်တာ၊ အခုလွှတ်တော်ခေါ်ဖို့ ၃ ပတ်အလိုမှ ကြေညာတာ မရိုးသားဘူးလို့ ကျွန်တော်တော့ နားလည်တာပဲ”
 ဟုဝေဘန်ပြောဆိုသည်။
          သတင်းစာဆရာတဦးက ကောက်ချက်ပေးရာတွင်
          “ဒီစာအုပ်တွေဟာ အစောကတည်းက ကြိုတင်ပြီး ရိုက်ထားပြီးသား ဖြစ်ပုံရတယ်။ အခုအချိန်ကိုက်ပြီးတော့ ထုတ်ရောင်းလိုက်တာနဲ့ တူတယ်။ သတင်းစာတွေထဲကနေ အချပ်ပိုတွေ ဘာတွေအဖြစ် နေ့စဉ် ထုတ်ပြန်တာမျိူးတွေ မလုပ်တော့ဘူး ဆိုတဲ့ သဘောပေါ့”
          ဟု ပြောကြားသွားသည်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)