>Maung Lu Yay – Blessing in Burma 21

January 28, 2011

>

မင်္ဂလာနှင့် နိုင်ငံရေး ၂၁
မောင်လူရေး
ဇန်န၀ါရီ ၂၈၊ ၂၀၁၁
ကောင်းကျိုးဆင့်ပွား၊ မြတ်တရား၊ နာကြားမပြတ်စေတာ ကာလေနဓမ္မသဝနမင်္ဂလာ။
နိုင်ငံတော်သည် စွမ်းရည်သတ္တိ ဖွံ့ဖြိုးတိုးတက်ဖို့ အနှောင့်အယှက် အဟန့်အတားတစ်ချို့ကို ဖယ်ရှားရပေမည်။ အဟန့်အတားများကို နီဝရဏဟု ခေါ်သည်လတည်း။ ၎င်းသည် နိုင်ငံတော်၏ မြင်နိုင်စွမ်းကို ကန်းစေပါသည်။
ကာမစ္ဆန္ဒ = အပျော်အပါးတံခါးများသာ ဖွင့်ထားမှု။ ပျော်ပါးစရာများသာ ဖန်တီးထားမှု။
အရက်နှင့်sex၊ မူးယစ်ဆေး၊ ဂိမ်းအမျိုးမျိုး။
ယင်းသည် ဆေးရောင်စုံရောမွေထားသောရေနှင့် တူသည်ဟု ဥပမာပြုသည်။ ဤရေမျက်နှာပြင်၌ ဘာပုံရိပ်မှ ထင်လာမည် မဟုတ်ပေ။ နိုင်ငံတော်ကား ဝါးတားတားတောင် မြင်ရမည်မထင်။
ဗျာပါဒ= အဖျက်လုပ်ရပ်။
ယဉ်ကျေးမှုကောင်း၊ အစဉ်အလာကောင်း၊ (ကူညီခြင်းစသည်) ပညာရေးကောင်း၊ (ကုလသမဂ္ဂ အတွင်းရေးမှူးချုပ် ပေါ်ထွက်ခဲ့၏) အကျင့်ကောင်း၊(လာဘ်စားမှုသည် နေ့တဓူဝ ကိစ္စဖြစ်သွားပြီ) (အုပ်ချုပ်သူသည် တိုင်းပြည်၏ ကြိုက်ရာ အစိတ်အပိုင်းကို လက်ညိုးထိုး ရောင်းစားခွင့်ရှိသည်) ဗြဟ္မစိုရ်ဓာတ်၊ (လမ်းလယ်ခေါင် မှာပင် ကလေး၊ အမျိုိးသမီး၊ ဘုန်းကြီးပါမကျန် ဝိုင်းရိုက်သတ်ရဲကြပြီ၊ သတ်သူများမှာ အပြစ်မရှိကြ) စသည် အကောင်းမကျန်အောင် ဖျက်ဆီးခံနေရဆဲ။
ဤသည်ကို ဆူပွက်နေသောရေနှင့် နှိုင်း၏။ အနှီရေပြင်၌ ပွက်ပွက်ဆူနေသော နိုင်ငံတော်ကို တွေ့ရပါလိမ့်မည်။
ထိနမိဒ္ဓ=တွေဝေထိုင်းမှိုင်းမှု။
အထက်ပါ အဖြစ်အပျက်တို့ကြောင့် နိုင်ငံတော်သည် တော်ရာတော်ကြောင်း၌ တက်တက်ကြွကြွ မရှိတော့။
ယင်းကို မှော်များ ဖုံးလွှမ်းနေသောရေနှင့် ခိုင်းနှိုင်းပါသည်။ ဤရေပြင်မျိုး၌ နိုင်ငံတော်၏ အရိပ်သဏ္ဍာန်ကို မမျှော်လင့်စကောင်းချေ။
ဥဒ္ဓစ္စ ကုက္ကုစ္စ= တည်ငြိမ် အေးချမ်းမှုမရှိ။
နိုင်ငံတော်သည် နိုင်ငံရေးပြဿနာကို နိုင်ငံရေးနည်းနှင့် မဖြေရှင်းနိုင်သေး။ လူမှန် နေရာမှန် မရှိသည့် အတွက်လည်း မဖြေရှင်းနိုင်ခြင်း ဖြစ်လေသည်။ ယခုအခါသမယသည်ကား ဗျိုင်းနားမင်္ဂလာဆိုက်နေသော အခါသမယ ကြီးပေတည်း။ ဗျိုင်းနားမင်္ဂလာ ဟူသည် တိုင်းပြည်၌ မင်းမရှိသည့်အခါ မင်းလောင်းရှာဗျိုင်းကြီးအား လွှတ်လိုက်သော ဟူ၏။ ဗျိုင်းကြီးကား ဘာမဆို ပြောင်းပြန်လုပ်မည့်သူ ပုခုံး၌ ဘားတပ်ပေးလိုက်သောဟူ၏ – အဲ – အဲ နားလိုက်သောဟူ၏။
သို့နှင့် ပြောင်းပြန်လုပ်သူ မင်းဖြစ်လာသောအခါ တိုင်းပြည်၌ အရက်သမားက အရက်ဆိုင်ပိုင်ရှင်ဖြစ်၊ အရက်ဆိုင်ပိုင်ရှင်က အရက်သမားဖြစ်။ အမျိုးသမီးက အလုပ်လုပ်၊ အိမ်ထောင်ဦးစီး၊ အမျိုးသားက ထမင်းချက်၊ ကလေးထိမ်း။ သူခိုးက ပုလိပ်ဖြစ်၊ ပုလိပ်က ဓားပြတိုက်။ အိမ်ဖော်က သူဌေးလုပ်၊ သူဌေးက ကြမ်းတိုက်။ ထီးတော်မိုးက အမတ်လုပ်၊ အမတ်မင်းက ဖိနပ်ကိုင်။ ဝန်ကြီးက ရဝတဖြစ်၊ ရဝတက ဝန်ကြီးလုပ်။ အဲသလိုဆိုတော့ တိုင်းပြည်တွင် ပြဿနာတွေ သောင်းခြောက်ထောင် ဆိုက်တော့၏။
ယခုလည်း ရွေးကောက်ပွဲ ဆိုသည့်ဗျိုင်းကြီးသည် ကြံ့ဖွတ်၏ပုခုံး၌ နားလေရကား – ဤအခြေအနေမျိုးကို လေတိုက်ခတ် သဖြင့် လှုပ်ရှားနေသော ရေမျက်နှာပြင်နှင့် ပုံဆောင်ပါသည်။ တလူးလူး လွန့်နေသော နိုင်ငံတော်၏ ပုံရိပ်ကိုသာ မြင်ရပေမည်။
ဝိစိကိစ္ဆာ= မယုံကြည်နိုင်သော သံသယ။
နိုင်ငံ့ခေါင်းရှောင်များသည် ကတိမှန်သမျှ ပျက်ခဲ့၏။ မပျက်ဖူးသော ကတိဟူ၍ပင် မရှိတော့ချေ။ အဲသလောက် ကြက်သရေ ယုတ်ကန်းရကား ဘယ်သူက ဘာကိုမှ စိတ်ချယုံကြည်မှု မရှိတော့သည့်အတွက် ဘာအလုပ်မှ လုပ်၍ မရတော့ချေ။ ကိုယ်လက်ဦးက ကိုယ်ရမည်လောက်သာ သဘောထားကြသည်။ ဘယ်သူ့ကိုမှ နိုင်ငံတော်အတွက် အလုပ် လုပ်နေပါသည်ဟု ဘယ်လိုပြောပြော မယုံကြတော့ရကား နိုင်ငံတော်ကား ကြက်ယက်ထားသော အမှိုက်ပုံနှင့် တူနေတော့၏။
ယင်းသံသယကို ရွှံ့နွံရေနှင့် နှိုင်းပါသည်။ နွံထဲမှာ အရိပ်ထင်သည်ဟုတော့ မကြားဖူးသေးပေ။
အဝိဇ္ဇာ= အသိဉာဏ်နည်း မိုက်မဲခြင်း။
ယခု မိုက်ချင်တိုင်းမိုက်၍ မဲချင်တိုင်း မဲနေကြပေပြီ။
မျိုးကန်းသည် ဆိုတာ ဒီအခြေအနေဆိုးမျိုးပင် ဖြစ်ပေလိမ့်မည်။
ဤအကာအကွယ်များက တိုင်းသူပြည်သား အကျိုးရော၊ နိုင်ငံ့အကျိုးပါ မမြင်အောင် ဖုံးအုပ်ထားလေသည် လတည်း။
ဤအကွယ်အကာများကို ဓမ္မ= တရားဆိုသည့် ဝိဇ္ဇာ သိပ္ပပညာများနှင့်=တရားဆိုသည့် ဝိဇ္ဇာ သိပ္ပပညာများကို နာယူုခြင်းဖြင့်= တရားဆိုသည့် ဝိဇ္ဇာ သိပ္ပပညာရပ်များကို အထူး အလေးပေး မြှုပ်နှံခြင်းဖြင့်= နိုင်ငံတော်ကြီး တစ်ခုလုံးကို တရားဆိုသည့် ဝိဇ္ဇာ သိပ္ပပညာဘောင်ကြီးထဲ၌ သွင်းထားခြင်းဖြင့် ဖယ်ရှားပစ်ရပေမည်။
ဗုဒ္ဓမြတ်စွာက ဓမ္မ=တရားဆိုသည့် ဝိဇ္ဇာ သိပ္ပပညာဘောင်ကြီးထဲသွင်းနည်း ပေးထားပါသည်။ ယင်းတို့မှာ-
ဒါန= သာမှုနာမှု လူမှု အရေးအရာတို့ကို ကိုယ်အား ဉာဏ်အား ပစ္စည်းအားတို့ဖြင့် ပေးကမ်း ထောက်ပံ့ ချီးမြှင့် ကူညီ လှူဒါန်းခြင်း။
သီလ= မညှင်းမသတ်၊ လာဘ်မအုပ်ပဲ၊ အယုတ်မာမျိုး၊ အကျင့်ဆိုးရှောင်၊ ချိုးဖျက်ကတိ၊ မလိမ်မိစေ၊ သေရည် မမျို၊ လောကဖျက် အရှက်မဲ့လုပ်ရပ်များကို ရှောင်ကြဉ်ခြင်း။
ဘာဝနာ= စိတ်ညစ် စိတ်ပုတ်၊ စိတ်ယုတ် စိတ်ဆိုး၊ စ်ိတ်ကျိုး စိတ်ပျက်၊ စိတ်သဘက် စိတ်ဘီလူး၊ စိတ်ရူး စိတ်မိုက်တို့ကို တရှိုက်ရှိုက်ရှု၍ ဖြူအောင်ဥခြင်း။
အပစာယန= အသက်အသေခံ၊ ပညာအဆုံးခံ၊ လူမှုဘဝအပျောက်ခံ၊ စီးပွားအပျက်ခံ၊ လူ့အခွင့်အရေး မှန်သမျှ အဆုံးရှုံးခံ၍ နိုင်ငံနှင့် ပြည်သူအတွက် ကြံ့ကြံ့ခံပေးနေကြသော အာဇာနည်သူရဲကောင်းများကို လေးစားရကောင်းမှန်း သိခြင်း။
ဝေယျာဝဇ္ဇ= တိုင်းရေးပြည်ရေး ရပ်ရေးရွာရေး လူရေးလူရာ အဖြာဖြာ၌ စွမ်းရာကဏ္ဍ ကျရာအခန်း လှမ်းနိုင်သ လောက် လျှောက်ခြင်း။
ပတ္တိဒါန= ကိုယ်ပြုသော သာမှု နာမှု လူမှုကူညီရေး၊ တိုင်းပြု ပြည်ပြု ရပ်ပြု ရွာပြုစသော ကောင်းမှုကောင်းရာ လုပ်ငန်း အဖြာဖြာကို စာရင်းဇယား ရှင်းရှင်း ချပြခြင်း။
ပတ္တာနုမောဒန= ကောင်းမှုကောင်းရာ လုပ်ငန်း အဖြာဖြာကို အပြန်အလှန် စံပြု အားကျ အတုယူခြင်း။
ဓမ္မသဝန-ဓမ္မဒေသနာ= သိကောင်းသိရာ တတ်ကောင်းတတ်ရာ မှန်သမျှ သင်ယူခြင်း၊ အခါအားလျော်စွာ စားပွဲဝိုင်းဆွေးနွေးပွဲ အလုပ်ရုံဆွေးနွေးပွဲ ဆိုသဟာများစသော ဆွေးနွေးပွဲ အမျိုးမျိုး ပြုလုပ်ခြင်း၊ ဟောပြောပွဲ အမျိုးမျိုး ပြုလုပ်ခြင်း၊ သင်တန်း အမျိုးမျိုး ပြုလုပ်ခြင်း။
ဒိဌုဇုကမ္မ= ခေတ်မီ ဖွံဖြိုး တိုးတက်သော မြန်မာနိုင်ငံတော်သစ်ကြီး ဆီသို့ ဘယ်သူ့ဘဝကိုမှ မနင်းမချေဘဲ ချီတက်ခြင်းတို့တည်း။
ဤမင်္ဂလာကိုဆောင်လျှင် နိုင်ငံနှင့် လူ့အဖွဲ့အစည်း ဖွံ့ဖြိုး တိုးတက်မည်မှာ မလွဲဧကန်သာတည်း။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ

By

ဂျူနီယာဝင်းရဲ့ မြန်မာနေ့ရက်များနှင့် ပန်းများ စာအုပ် ထွက်ပြီ (မိုးမခ) မတ် ၂၄၊ ၂၀၁၈...

Read more »

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ)

By

ဇော်အောင်(မုံရွာ) ၏ ပြည်မြန်မာ မီးထိန်ထိန်သာဖို့အရေး မိုးမခဆောင်းပါးများ (ထွက်ပြီ) မိုးမခစာအုပ်စင်၊ ဖေဖော်ဝါရီ ၂၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်