>Maung Lu Yay – Blessing in Burma 25

March 17, 2011

>

မင်္ဂလာနှင့် နိုင်ငံရေး ၂၅
မောင်လူရေး
မတ် ၁၇၊ ၂၀၁၁
တပမင်္ဂလာ –
ထိုမင်္ဂလာကို ကျင့်ဖို့ လိုက်နာဖို့ဆိုလျှင် မြတ်စွာဘုရားရှင်းပြထားသော ပုဂ္ဂိုလ်လေးမျိုးကို နာယူမှတ်သားဖို့ လိုသည်။ ထိုလေးမျိုးမှာ-
မိမိကိုယ်ကို ညှင်းဆဲသူ။
အခြားသူများကို ညှင်းဆဲသူ။
မိမိရော သူတပါးကိုပါ ညှင်းဆဲသူ။
မည်သူ့ကိုမှ မညှင်းဆဲသူတို့တည်း။
ယနေ့နိုင်ငံတော်၌ ပထမအမျိုးအစား မိမိကိုယ်ကို ညှင်းဆဲသူမှာ ဝန်ထမ်းများနှင့် ထိုဝန်ထမ်းများ၏ လစာကိုသတ်မှတ်သော ဝန်ထမ်းများတည်း။ စားမှု ဝတ်မှု နေမှုတို့သည် လစာအတိုင်းဆိုလျှင် အလွန်လိပ်ခဲ ကျပ်တည်း သိပ်သည်းရကား ဒိဋ္ဌမျက်မှောက်ပင် စိတ်ကျလက်ပျောက်၍ အသက် အောက်သွားနိုင်သည်။ ထို့သို့အသက် အအောက်မခံနိုင်သောကြောင့် စားမိစားရာ သောက်မိသောက်ရာ စားကြ သောက်ကြရလေတော့ရာ ပဒိုင်းသီးစားမိသူ၊ ဇာတ်တူသားစားမိသူ၊ မိုးခါးရေသောက်မိသူတွေ ဖောချင်းသောချင်းနှင့် အရူးစိတ်ပေါက်သူတွေ၊ ဘီလူးစိတ်ပေါက်သူတွေ ဒုနဲ့ဒေးဖြစ်နေတော့သည်။
ဒုတိယအမျိုးအစား အခြားသူများကိုညှင်းဆဲသူဆိုတာကတော့ ဂုဏ်ယူဖွယ်ကောင်းစွ၊ နိုင်ငံတဝှမ်း လက်ညှိုးထိုးမလွဲတည်း။ ထုထည်ကောင်းကောင်းနှင့်ပင် ရှိနေလေသည်။ အင်အားကောင်းကောင်းနှင့်ကို ရှိနေပေပြီ။ မြန်ပြည်သာရာသာကြောင်း လူသား အရင်းအမြစ်ကြီး ပေတည်း။
တတိယအမျိုးအစား မိမိရော သူတပါးကိုပါ ညှင်းဆဲသူဆိုတာကတော့ ဗိုလ်ခင်ညွှန့်ခေါင်းဆောင်သော သွားလေ သူထောက်လှမ်းရေးများကို ဆိုရပေမည်။
ယနေ့ သူတပါးကိုညှင်းဆဲသူများလည်း ညှင်းဆဲရင်း ညှင်းဆဲရင်းပင် လူရည်လူသွေးခြောက်ခန်းကာ လူရိပ်လူရောင်ပျောက်ဆုံး၍ လူ့ဝန်းကျင်နှင့်ဝေးဝေးနေရသော လူ့အဝန်းအဝိုင်းက လက်သင့်မခံသောညှင်းဆဲမှု ကို သူတပါးကိုညှင်းဆဲရင်း ပြန်လည်ရရှိနေကြပေသည်။
စတုတ္ထအမျိုးအစား မည်သူ့ကိုမျှ မညှင်းဆဲသူကား တပမင်္ဂလာဆောင်သူတည်း။
တပမင်္ဂလာရှိသူဟူသည် လူသားထုကြီးက တညီတညွတ်တည်း ချမှတ်ထားသော ကုလသမဂ္ဂဆိုင်ရာ လူ့အခွင့်အရေး ကြေညာစာတမ်း ကို လေးစားလိုက်နာသူတည်း။
လူ့အခွင့်အရေးလေးစားမှ သတ်ဖြတ်ညှင်းဆဲခြင်း၊ ထောင်ချခြင်း၊ ဥပဒေပြု၍ မတရားရယူခြင်းစသည့် မတရားမှု အစုစုကိုရှောင်ကြဉ်သော နိုင်ငံပြုသီလကို စောင့်ထိန်းရာရောက်သည်။ အလုံးစုံပျက်သုဉ်းရေးဆီဦးတည်သော ဖျက်လိုဖျက်ဆီးမှုတွေ၊ ဖမ်းဆီးထိန်းချုပ်မှုတွေ၊ အဖွဲ့ပိုင်စီးလိုမှုတွေ မဖြစ်ပွားအောင် ကြိုးစားထိန်းချုပ်နိုင်မည်။ လွတ်လပ်မှုကို ပိတ်ပင်ဟန့်တားမှုများကင်းရှင်း၍ ဥပဒေပြုလုပ်ဆောင်မှုမှန်သမျှ လူ့ယဉ်ကျေးမှုအဆင့် တဆင့်မြင့်တက်မည်။
ဤသည်တို့ကား တပအကျင့်တို့ပေတည်း။ ထိုတပအကျင့်သည် ကျွန်ုပ်တို့ရွှေဝါပြည်၌
ရမ္မက်ကြီးမှု (အာဏာပိုင်တို့၏ မတရားလွန်းသော ပိုင်ဆိုင်မှုများ)၊
အဖျက်ကြီးမှု (ပညာရေး၊ ကျန်းမာရေး၊ လူမှုဖူလုံရေး၊ ယဉ်ကျေးမှုစသည်)
များကို ဖယ်ရှားပြီး ပညာရပ်တို့၌၊ အများသူငါကောင်းစားရေးတို့၌တက်ကြွ အားသန်မှုကို ဖြစ်စေကာ စာရိတ္တကြွယ်ဝ၍ လောကပါလတရားထွန်းကားသော ခေတ်မီဖွံ့ဖြိုးတိုးတက်သော နိုင်ငံတော်သစ်ကြီးကို ဖော်ဆောင်ပေးပါလိမ့်မည်။
မတပဖြင့် ဒီမိုကရေစီ မရနိုင်။
ဗြဟ္မစရိယမင်္ဂလာ=သန့်စင်သောတိုင်းပြည်ကို တည်ဆောက်ရေးမင်္ဂလာ။
သန့်စင်သောတိုင်းပြည်ကို သန့်စင်သောနိုင်ငံသားများဖြင့်သာ တည်ဆောက်၍ရသည်။ သန့်စင်သောနိုင်ငံသား ဖြစ်ဖို့ တနည်း သန့်စင်သောလူသားဖြစ်ဖို့ နိုင်ငံပြုသီလဖြစ်သည့် လူ့အခွင့်အရေးကို လေးစားလိုက်နာရမည်။ အခြားနည်းမရှိ။
လူ့အခွင့်အရေးကိုလေးစားလိုက်နာခြင်းသည် တနည်း နိုင်ငံပြုသီလကို စောင့်ထိန်းခြင်းသည် နိုင်ငံတော်ကို တည်ငြိမ်မှုရှိစေလေသည်။ နိုင်ငံတော်တည်ငြိမ်အေးချမ်းမှ အဆင့်မြင့်ပညာသည်များ ရှိပြီး အဆင့်မြင့်ပညာရပ်များထွန်းကားမည်။ (ဆူပူသောနေရာနှင့် ပညာသည် လားလားမှ မအပ်စပ်) သို့မှသာ ပညာဖြင့် တည်ငြိမ်အေးဆေး၍ ဘေးကင်းသောနိုင်ငံတော်ပေါ်ပေါက်လာမည်။ ဘေးကင်းသောနိုင်ငံတော်ဟူ သည် သန့်စင်သောနိုင်ငံတော်တည်း။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်