>treasure of my life, poems from my heart – 18

April 7, 2011

>

ဘ၀ထဲက ရတနာ၊ ရင်ထဲက ကဗျာ (၁၈)
တင်မိုး
ဧပြီ ၇၊ ၂၀၁၁ (ဓာတ်ပုံ-mayaonlinemagazine)


၁။
ပြက္ခဒိန်စာရွက်တွေလဲ နှစ်သက်တွေကြာမြင့်လို့ ၀ါရင့်ရင့်ဖြစ်ကုန်ပါပကော။ ၁၉၆၇ ခုနှစ် ပြည်ထောင်စုနေ့ကပေါ့။ အဲဒီတုန်းက ကျွန်တော်ရယ်၊ ဇနီးချစ် မြင့်မြင့်စန်းရယ် မန္တလေးမှာ အခြေချနေစဉ်ကာလ။

ပထမ သမီးဦးကလေးမွေးတယ်၊ “မိုးမိုးစံ” တဲ့။ ဒုတိယသမီးလေး မွေးပြန်တယ်၊ “မိုးမိုးအေး” လို့ မှည့်လိုက်တယ်။ တတိယ သမီးရတနာတဦး တိုးလာပြန်တယ်။ သူ့အမေက “မိုးမိုးမင်း” လို့ ချစ်စနိုး အမည်ပေးတယ်။

မျက်လုံးဝိုင်းဝိုင်း၊ နှာတံပေါ်ပေါ်၊ မျက်ခုံးကောင်းကောင်းနဲ့ ချစ်စရာကလေးပါ။ သူ့မျက်နှာပေါ်မှာ အပြုံးရိပ်ကလေး အမြဲသန်းနေတယ်။ အငိုလဲနည်းရဲ့၊ သဘောကောင်းတဲ့ကလေးလို့ ဆိုရမှာပေါ့လေ။

ကျွန်တော်က “လူထု” သတင်းစာမှာ ဆောင်းပါးတွေရေးတယ်။ သမီးကလေးရဲ့ ပုခက်ဘေးမှာ ”ပိတောက်မှ သရဖီသို့” ဆိုတဲ့ စကားပြေလှလှကလေးတွေ ရေးတယ်။ နေ့ခင်းမှာ အနောက်ကျုံးလမ်းပေါ်မှာ ရှိတဲ့ “နေပြည်တော် အထက်တန်းကျောင်း” မှာ မြန်မာစာဆရာအဖြစ် စာသင်တယ်။ အို … သမီးကလေး မိုးမိုးမင်း မွေးတော့ ပြည်သူပိုင်သိမ်းပြီးလို့ အမှတ်(၁၇) အထကတောင် ဖြစ်နေပါပကော။ အထက်တန်းပြဆရာအဖြစ် တာဝန်ထမ်းနေပြီပဲ။

(၇) လအရွယ်မှာ သမီးကလေးဖျားတယ်။ တရုတ်တန်းက ဆရာဝန်ကို ပြတယ်။ ဆိုက်ကားကလေးနဲ့ ပြရတယ်။ ဆရာဝန်က ခဏခဏ ချိန်းတယ်။ တနေ့တော့ ဆိုက်ကားဆရာက “မြန်မာဆေးဆရာကို ပြကြည့်ပါ။ ကလေးရောဂါနိုင်တယ်” လို့ ဆိုက်ကားဆရာ လမ်းညွှန်တာနဲ့ မြန်မာဆရာကို ပြောင်းပြီးပြတယ်။ ကျွန်တော် အိမ်ပြန်ရောက်တော့ ဇနီးက အကျိုးအကြောင်း ပြောပြတယ်။ ကျွန်တော်က စိတ်ဆိုးပြီး ဇနီးကို အပြစ်တင်တယ်။ ကျွန်တော်က သိပ္ပံနည်းကျ ကုသမှုကိုပဲ အားကိုးတယ်။ ချစ်ဇနီးခမျာ မျက်နှာ ကလေးငယ်လို့။ အတွေ့အကြုံကလဲ နည်းသေးတယ် မဟုတ်လား။

ကျွန်တော်တို့လဲ စိတ်ပူပြီး တရုတ်တန်းဆရာဝန်ဆီပြဖို့ ကလေးကို ပွေ့ချီပြီး မိဘနှစ်ပါး ဆိုက်ကားတစီးနဲ့ ထွက်လာပါတယ်။ ဆရာဝန်ဆီ ရောက်တော့ “အို … မဖြစ်ဘူး … မဖြစ်ဘူး၊ မန္တလေး ဆေးရုံကြီးကို အမြန်သွားပြပါ” လို့ စိုးရိမ်တကြီး လမ်းညွှန်တယ်။ သူကိုယ်တိုင်လဲ လိုက်လာပါတယ်။ ဆေးရုံကြီး ရောက်တော့ “အို … ဘာလို့ နောက်ကျမှ လာရတာလဲ … ခုတော့ လွန်နေပြီ” တဲ့။ အတတ်နိုင်ဆုံး ကုသရှာကြပါတယ်။ ကျွန်တော်တို့နှစ်ယောက်လဲ မျက်နှာငယ်နဲ့ ဘာလုပ်လို့ ဘာကိုင်ရမှန်းမသိ၊ ပူလောင်သွားပါတယ်။ သမီးကလေးကတော့ အဖေနဲ့ အမေကို အားကိုးတဲ့ မျက်လုံးနဲ့ ကြည့်ရှာတယ်။ ဒီမိသားစုထဲက သူ ခွဲမသွားချင်ရှာပါဘူး။ ဆေးရုံက လက်လွှတ်တော့ ဖခင်ရင်ခွင်ထဲကို သူရောက်လာတယ်… ဖခင်ရဲ့ ရင်ခွင်နွေးနွေးကို ကျေနပ်နေပုံပါပဲ။

ဆိုက်ကားကလေးစီးပြီး ပြန်ခဲ့တယ်။ ကျွန်တော်တို့ ဖြစ်အင်ကိုမြင်ရတော့ ဆိုက်ကားဆရာက အခကြေးငွေ မယူရှာပါဘူး။ အတင်း ငြင်းဆန်ပြီး ကြင်ကြင်နာနာ လိုက်ပို့ပါတယ်။ အိမ်ရောက်တော့ ည (၂) နာရီလောက် ထင်ပါရဲ့။ မှောင်အားကြီးနေပြီ။ ကိုယ်နေထိုင်ရာ တာရဲတန်း၊ ၃၇ လမ်း၊ အရိုးအိုးကြီးဘုရား အရှေ့ဘက်ကို ရောက်လာတယ်။ သူ့မအေရော၊ ဖအေရော ဘုရားစာတွေ ရွတ်လာကြတယ်။ အိမ်ပေါ်ထပ် ဘုရားခန်းမှာ ဖအေက သူ့ကိုပွေ့ရင်း ဘုရားစာတွေ အဆက်မပြတ် ရွတ်တယ်။ သမီးကလေးခမျာ မိဖမေတ္တာရိပ်မှာ အေးမြစွာ အိပ်ရင်း ဘ၀ကို စွန့်ခွာသွားခဲ့ပါတယ်။

၂။
အဲဒီနေ့က ဖေဖော်ဝါရီလ (၁၂) ရက်၊ ပြည်ထောင်စုနေ့ပေါ့။ အငယ်ဆုံးကလေးရဲ့ အလောင်း အိမ်မှာနွေးအောင် မထားကောင်းဘူး တဲ့။ ရပ်ကွက်က ပြောကြတယ်။ ကျွန်တော်တို့လဲ ဒီဓလေ့ထုံးစံတွေကို မသိနားမလည်တော့ ယောင်တိယောင်တောင်။ ဒါနဲ့ သူငယ်ချင်း ကိုဘသော် (ကဗျာဆရာရွှေသော်) နဲ့ ကိုအောင်ခင် (မန္တလေး မောင်အောင်ခင်) တို့ကိုနှိုး၊ ဆိုင်းဝင်းရပ် သူကြီး ဦးဘဂျမ်းကို အကြောင်းကြားပြီး အရုဏ်မတက်ခင် မှောင်ရီဝိုးဝါးမှာ ကျွန်တော်က သမီးငယ် မိုးမိုးမင်း ရဲ့ အလောင်းကလေးကို ပွေ့ပြီး ရဟိုင်းသုသာန်ကို သွားကြတယ်။

ရဟိုင်းသုသာန်က မှောင်ပိန်းလို့။ သစ်ပင်ကြီးတွေကလဲ ထီးထီးမားမားကြီး ရပ်လို့။ သုသာန်ဇရပ်ကြီးတွေကလဲ ချောက်ချားစရာ ငြိမ်သက်လို့။ သူကြီးဦးဘဂျမ်းက ကျွန်တော့်လက်က ကလေးအလောင်းကို တယုတယ ပွေ့ယူပြီး ရှေ့က ဦးဆောင်သွားပါတယ်။ သုဘရာဇာကြီးရဲ့ အိမ်ဝကိုရောက်တော့ တိတ်ဆိတ်နေတယ်။ သူကြီးက နာမည်ခေါ်ပြီး နှိုးလေရဲ့။
သူကတော့ ရင်းရင်းနှီးနှီး။

သုဘရာဇာအိုကြီးထွက်လာ။ စုတ်တသပ်သပ်၊ အို … ကလေးမသာပါလား။ ကြင်ကြင်နာနာနဲ့ သူကြီးလက်က ကလေးအလောင်းကို လှမ်းယူပြီး ပွေ့တယ်။ ပြီးတော့ အ၀င်ဧည့်ခန်းမှာ ချိတ်ဆွဲထားတဲ့ ကြိမ်ပုခက်ကလေးထဲ ထည့်သိပ်ပြီး သံချိတ်နဲ့ ချိတ်လိုက်တယ်။ “ကဲ … စိတ်ချလက်ချထားခဲ့ပါ … သူကြီးမင်းတို့ သွားနိုင်ပါပြီ” တဲ့။ ဒီလို ကလေးငယ်တွေကို တွေ့နေကျပေမယ့် စုတ်တသပ်သပ် ကြင်နာလို့မဆုံး။ “လက်ဖက်ရည်ကြမ်းကလေး သောက်သွားပါအုံးလား” တဲ့။
ဖိတ်မန္တက ပြုရှာသေးရဲ့။

၃။
သူကြီးမင်းနဲ့တကွ ကျွန်တော်တို့ အိမ်ပြန်လာကြပါတယ်။ ဆရာကိုဝင်းရွှေ (မောင်လွမ်းသူ)၊ ကိုငြိမ်း (မန္တလေး)၊ မောင်ဆွေမြင့် (အေးမင်း)၊ ဦားဏ်ဝင်း (တီတီစီ-နှဲဆရာ) စသဖြင့် စာပေဆွေမျိုးတွေ အစုံ ရောက်လာကြတယ်။ သမီးကလေးအတွက် ကရုဏာသက်ကြတယ်။ နွမ်းလျနေတဲ့ ဇနီးနဲ့ အဒေါ် ဒေါ်ကြီးတင် ခေါ် ဒေါ်မှတ်တင်တို့က လာတဲ့ပရိသတ်ကို တတ်အားသမျှ ဧည့်ခံကျွေးမွေးတယ်။ ဧည့်သည်တွေကလဲ သောက ဖြေဖျောက်ကြတယ်။ အော် … ချမ်းမြသာစည်နဲ့ ဘုရားကြီးဘက်က ကိုသာပိုတို့၊ အင်းဝ ကိုနီမောင်တို့၊ ကိုသင်းပန်တို့ရောပါလား…။

ကျွန်တော် စာရေးနေရင် သမီးကလေးက ပုခက်ထဲက ခေါင်းထောင်ထပြီး ဖအေ့ကို ပြုံးနှုတ်ဆက်ပြီး ဟက်ဟက်ပက်ပက် ရယ်တတ်တဲ့ သမီးကလေး မိုးမိုးမင်းကို မမေ့နိုင်ဘူး။

သာရေးနာရေးကိစ္စနဲ့ ကြုံရင် ၀ိုင်းအုံပြီး ကူညီတတ်တဲ့ ရပ်ဓလေ့ ရွာဓလေ့ မြန်မာ့ဓလေ့ကို မမေ့နိုင်ဘူး။ ပူနွေးတဲ့ စေတနာနဲ့ ကိုယ်ချင်းစာတတ်တဲ့ မြန်မာ့အမူအရာကို ဘယ်ခါမျှ မမေ့နိုင်ဘူး။

၎။
အင်း … နှစ်တွေလဲ ကြာပါပကော။ (၃၅) နှစ်တင်းတင်း ပြည့်ခဲ့ပြီလေ။ ချစ်ဇနီးလဲ သူ့သမီးကလေးနဲ့ တွေ့ရတာ ဆယ့်တနှစ်ကျော်ခဲ့ပြီ။ အင်းဝက ကိုနီမောင်တို့တောင် လူ့လောကကို စွန့်ခွာခဲ့ကြတာ ဆယ်စုနှစ်နီးရော့မယ်။

ဒီနှစ် ဖေဖော်ဝါရီလ (၁၂) ရက်နေ့မှာ သမီး မိုးမိုးမင်း အလွမ်းပြေကဗျာကလေးတပုဒ် ရေးဖြစ်ပါတယ်။

သမီးငှက်ကလေး

ငှက်ကလေးအသွင်၊ အိမ်ထဲဝင်၍
မိခင်ရင်ကြား၊ ခဏနားလျက်
ပျံသွားသောငှက်၊ ကောင်းကင်ထက်က
အိပ်မက်ပေး၍ ပြေးခဲ့ပြီ။

အမိနှင့်ဖ၊ ရင်ကိုမ,လျက်
တမ်းတ … လွမ်းရ … ဆွေးခဲ့ပြီ။

သမီးအိပ်မက်၊ ဖမ်းချင်လျက်နှင့်
ငှက်ကလေးတကောင် … ဝေးခဲ့ပြီ။

ကဗျာကလေးကတော့ အဆန်းတကြယ်မဟုတ်ပါ။ လေးလုံးစပ် ကာရန်ယူနည်းကိုသုံးပြီး အဆုံးသတ်မှာ “ပြေးခဲ့ပြီ၊ ဆွေးခဲ့ပြီ၊ ဝေးခဲ့ပြီ” လို့ ရတုဆန်ဆန်ချထားတဲ့ ကဗျာကလေးပါပဲ။

ကဗျာဆရာဘ၀မှာ အခိုက်အတန့် ကြုံတွေ့ခဲ့ရတဲ့ သက်ပြင်းတရှိုက်ပါပဲ။ ဒီလိုသက်ပြင်းရှိုက်သံကလေးတွေ ကာရန်ကလေးတွေ ခြစ်မိရင်း ကဗျာဖြစ်သွားတာလဲရှိရဲ့။ ကဗျာအဖြစ် သန္ဓေလျှောပြီး အမောကလေးတွေ ပျောက်ကွယ်သွားတာလဲရှိရဲ့။ ။

ခေတ်ပြိုင်ဂျာနယ် အတွဲ (၁၀၆)၊ မတ် ၂၀၀၂


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments