သန်းဝင်းလှိုင် – အနန္တသူရိယအမတ်ကြီး

November 26, 2013

အနန္တသူရိယအမတ်ကြီး
သန်းဝင်းလှိုင်
နုိုဝင်ဘာ ၂၆၊ ၂၀၁၃
အနန္တသူရိယအမတ်သည် အလောင်းစည်သူမင်းကြီး(ခရစ်၁၀၉၀-၁၁၆၀)နှင့် သားတော်ကုလားကျမင်းဟုလည်းတွင်သော နရသူ(၁၁၁၇-၁၁၆၅)၊ထိုနရသူမင်း၏သားတော်မင်းယဉ်နရသိခ(၁၁၄၁-၁၁၇၃)င်္၊ ဤမင်းသုံးဆက်လက်ထက်တော်တို့တွင် အထိန်းတော်သား အဖြစ်အမှုတော်ကိုကျေပွန်စွာထမ်းရွက်ခဲ့သူဖြစ်သည်။ 
အထိန်းတော်သားဆိုသည်မှာမင်းယဉ်နရသိင်္ခနှင့်နရပတိစည်သူမင်းသားညီနောင်တို့ ၏အထိန်းတော်ကြီး’အိုပေါင်သင်’၏သားဖြစ် သော ကြောင့်ဖြစ်သည်။၎င်းသည်ငယ်ရွယ်၊ နုနယ်သေးသော မင်းသမီး မင်းသားကလေး၊ သူငယ်များကိုထိမ်းသိမ်းစောင့်ရှောက်ရသည့် အထိန်းအယ တစ်နည်းအားဖြင့် မင်းညီ၊ မင်းသား၊ မင်းသမီးများ နှင့်သာသက်ဆိုင်သောကြောင့် မင်းထိန်းမင်းယ ပင်ဖြစ်ချေသည်။ 
အလောင်းစည်သူမင်းကြီးသည် အထိန်းတော်သားအနန္တသူရိယကိုသနားတော်မူ၍ လုပ်ရည်ကိုင်ရည်ကိုလည်းနှစ်ခြိုက်တော်မူသဖြင့် မင်း သားတို့သာဝတ်ထိုက်သောဒုယင်အခြေတပ်ဝတ်လုံတစ်ထည်ကိုပေးတော်မူ၏။ထိုဝတ်လုံကိုမင်းပွဲသဘင်ရှိသောအခါ အနန္တသူရိယ ကဝတ်၍ ပွဲတက်သည်ကို သားတော်မင်းရှင်စောမြင်လေသော် ဤဖျင်ကားမင်းညီမင်းသားတို့သာဝတ်ထိုက်သော ဝတ်ရုံဖြစ်သည်။ ဤကဲ့သို့အရောရောမဝတ်စေနဲ့ဟုဆိုကာ အနန္တသူရိယနှင့်ထိုက်သောဝတ်လုံကိုပေး၍ ဒုယင်တပ်သောဝတ်ရုံကိုချွတ်၍လဲစေ၏ ဟုဦးကုလားမဟာရာဇဝင်ကြီးပထမတွဲစာမျက်နှာ(၂၄၇)တွင်ဆိုထားသည်။ 
ဤနေရာ၌အနန္တသူရိယသည်အလောင်းစည်သူမင်းကြီးကိုငယ်စဉ်အခါကာလမှစ၍ထိန်းသိမ်းစောင့်ရှောက်လာဘိသကဲ့သို့ဖြစ် နေသည်။စင်စစ်သော်ကားအလောင်းစည်သူမင်းကြီးလက်ထက်မင်းကြီး၏သားမြေးများကိုထိန်းသိမ်းစောင့်ရှောက်ရသော မင်းထိန်းမင်းယ အထိန်းတော်သားတစ်ဦးသာဖြစ်ချေသည်။ 
သက္ကရာဇ် ၅၃၂ခုနှစ်တွင် ငယ်စဉ်အခါမှစ၍ အနန္တသူရိယအမတ်ထိန်းသိမ်းစောင့်ရှောက်ခဲ့ရသော မင်းယဉ်နရသိင်္ခနန်းတက်တော်မူလေ သည်။ နန်းတက်တော်မူသောအခါ ညီတော်နရပတိစည်သူကို အိမ်ရှေ့ပေးသနား၏။ သို့ရာတွင်သက္ကရာဇ်၅၃၅ခုနှစ်တွင် မင်းယဉ်နရသိင်္ခ သည် ညီတော်နရပတိစည်သူ၏ အိမ်ရှေ့မိဘုရား ဝေဠုဝတီမင်းသမီးကို လှည့်ဖြားသိမ်းပိုက်ခဲ့သဖြင့် ထိုနှစ်အတွင်းမှာပင် နောင်တော်ကိုပုန်ကန် သတ်ဖြတ်၍ နန်းတက်တော်မူလေသည်။ ထို့နောက်နောင်တော်မင်းယဉ်နရသိင်္ခအား ငယ်စဉ်အခါကမှစ၍ အစစအရာရာတွင် သွန်သင်ပြသဆုံးမပဲ့ပြင်ဖူးသည့် အထိန်းတော်သားအနန္တသူရိယအမတ်ကိုလည်း ဖမ်း၍သတ်လေဟု ပါးကွက်သူသတ်တို့အားအပ်လေ၏။သုဿာန်သို့အနန္တသူရိယအမတ်ကြီးရောက်လေသော်ဆယ်နှစ်ခန့်အတောအတွင်းမှာပင်ဖြစ်ပျက်ခဲ့သည်ကိုအမတ်ကြီးတဖြည်းဖြည်းမြင်လာမိသည်။ ဦးစွာမိမိအရေးနှင့်ပတ်သက်၍ မင်းရှင်စောအားမြို့မှနှင်ထုတ်လိုက်သည်ကိုမြင်မိသည်။ နောက်မင်းရှင်စောမရှိ၍ပြည်ထဲအမှုစီရင်၊ကွပ်ညှပ်စေရန်သားတော်အလတ်ဖြစ်သောနရသူကိုခမည်းတော်အလောင်းစည်သူမင်း ကြီးက လွှဲအပ်၊ ခန့်ထားကြောင်းအလောင်း စည်သူမင်းကြီးသည်းထန်စွာနာတော်မူခိုက် အဝတ်ပုဆိုးတို့ဖြင့်ဖိ၍ သတ်ပြန်သည်ကိုမြင်လိုက်သည်။ ပြီးမှနောင်တော်မင်းရှင်စောကို အဆိပ်ကျွေးသတ်မှုမြင်လာပြန်သည်။ ထိုနရသူမင်းပင်လျှင်လည်း ကုလားရှစ်ယောက်တို့လက်ချက်ဖြင့် အသက်ဆုံးရသည့်ကိုပြေး၍ မြင်ပြန်သည်။ 
ထို့ကြောင့်လည်း ကုလားကျမင်း ဟူ၍ ပြည်သူတို့ပြောစမှတ်ပြုလျက်ရှိခြင်းကို ကြားသယောင်ယောင်ပင်ရှိလိုက်သည်။ ထို့ နောက်မိမိ၏အရှင်သခင်ဖြစ်သော မင်းယဉ်နရသိင်္ခနန်းတက်တော်မူပြီးမှ များမကြာမီကပင် ညီတော်နရပတီစည်သူ၏ အိမ်ရှေ့မိဘုရား ဝေဠုဝတီကို သိမ်းပိုက်မှုကြောင့် ညီတော်၏် အလုပ်ကြံခံရရှာပုံကို ထင်မြင်မိလာသည်။ ယခုလည်းမင်းယဉ်နရသိင်္ခ၏ ကျွန်ရင်းအထိန်း တော်သားဖြစ်သော မိမိအားသတ်လေဦးတော့မည်။ သို့ရာတွင်မိမိမှာမကြောက်၊ ဤမျှလောက်သောဓမ္မတာသဘောတရား သင်္ခါအဖြစ်အ ပျက်များကို ထင်ရှားမျက်မြင်ပင် တွေ့ကြုံဆုံဆည်းခဲ့ရသည့် မိမိသူရိယအနန္တအမတ်သည် တုန်လှုပ်ထိတ်လန့်ခြင်းဖြစ်နိုင်ရအံ့လော၊ မဖြစ် နိုင်။ ထို့ကြောင့်ရဲရင့်တည်ကြည်သောစိတ်ထားနှင့် တရားပြည့်ဝစွာပင်လျှင် သူတယောက်တည်း၊ ကောင်းဘို့ရောက်မူ အစရှိသောအမျက် ဖြေလင်္ကာလေးပိုဒ်ကိုအေးဆေးတည်ငြိမ်စွာခဏချင်းစပ်ဆိုလိုက်ပြီးမင်းကြီးအားဆက်သပါဟုအချိုအသာမှာကြား၍ ပါးကွက်လူသတ် သမားတို့ထံ အပ်ခဲ့၏။ 
ယင်းလင်္ကာလေးပိုဒ်ကား-
သူတည်းတယောက်၊ ကောင်းဘို့ရောက်မူ၊ တယောက်သူမှာ ပျက်လင့်ကာသာ၊ ဓမ္မတာတည်း။
ရွှေအိမ်နန်းနှင့်၊ ကြငှန်းလည်းခံ၊ မတ်ပေါင်းရံလျက် ပျော်စံရိပ်ငြိမ်၊ စည်းစိမ်မကွာ၊ မင်းချမ်းသာကား၊ သမုဒ္ဒရာ၊ ရေမျက်နှာထက်၊ ခဏ တက်သည့်၊ ရေပွက်ပမာ၊ တသက်လျာတည့်။
ကြင်နာသနား၊ ငါ့အားမသတ်၊ ယခုလွှတ်လည်း၊ မလွတ်ကြမ္မာ၊ လူတကာတို့၊ ခန္ဓာခိုင်ကျည်၊ အတည်မမြဲ၊ ဖောက်လွဲတတ်သည်၊ မချွတ်စသာသတ္တ၀ါတည်း။
ရှိခိုးကော်ရော်၊ ပူဇော်အကျွန်၊ ပန်ခဲ့တုံ၏။ ခိုက်ကြုံဝိပါက်၊ သံသာစက်၌၊ ကြိုက်လတ်တွန်မူ၊ တုံ့မယူလို၊ ကြည်ညိုစိတ်သန်၊ သခင်မွန်ကိုချန် ဘိစင်စစ်၊ အပြစ်မဲ့ရေး၊ ခွင့်လျှင်ပေး၏။ သွေးသည်သစ္စာ၊ ငါ့ခန္ဓာတည်း။
ထိုလင်္ကာကိုနရပတိစည်သူမင်းကြီးဖတ်ရှုရသောအခါ ဤမျှမြင့်မြတ်ကြီးမားသော ပညာရှင်စာဆိုတောတစ်ဦးအား ပြစ်မှားလက်လွန်မိ သည့်အတွက် နှမြောတသနောင်တကြီးစွာရတော့သည်။ ထို့ ကြောင့်”လွှတ်စေ” ဟုမိန့် တော်မူ၏။သူသတ်တို့ လည်း”လွန်ခဲ့ပြီ” ဟုနားတော်လျှောက်သည်။မင်းကြီးလည်း”နင်တို့ မသတ်ခင်က ဤစာကိုဆက်ကောင်းလျက်၊သတ်ပြီးမှဆက်သည်” ၍သူသတ်တို့ ကိုမျက်ပြန်လေသည်။မင်းကြီးလည်းစာကိုကြားတော်မူသည်ကပင်တအောက်မေ့မေ့၊တရှိုက်မက်မက်နောင်တကြီးစွာဖြစ်တော်မူသည်၏။ထိုမှစ၍အမျက်တော်ကိုချုပ်ရုပ်ဆည်းတားတော်မူလေသည်။“နောက်နောင်ငါအမျက်တော်ရှိ၍သတ်လေဟုအမိန့် တော်ရှိသော်လည်း တစ်လ၊ငါးသီတင်းထား၍စစ်ကြောဘိ။သေတန်မှသေစေ။မသေတန်သသူကိုလွှတ်စေ“ဟူ၍မင်းဆွေစိုးမျိုးဖြစ်သော”မဟာသမန်း”ကိုအမိန့်တော် ရှိလေသည်ဟူ၍ဦးကုလားမဟာရာဇဝင်ကြီးပထမအုပ် စာမျက်နှာ-၉၃ ပါရှိသည်။
မဟာရာဇဝင်ကြီးတွင်ပါရှိသောဤစကားရပ်များအရအထက်ပါလင်္ကာလေးပိုဒ်၏အရှိန်အဝါနှင့်အကျိုးသက်ရောက်မှုကိုသိမြင်နိုင်ပေသည်။မိမိအားအိမ်ရှေ့အရာပေး၍သူကောင်းပြုခဲ့သောနောင်တော်ရင်းကိုအသေသတ်ခဲ့သည့်မင်း၊မိမိနန်းရရေးအတွက်နောင်တော်အားသတ်ပေးခဲ့သည့်တကယ့်ကျေးဇူးရှင်အမတ်အောင်စွာငယ်ကိုလည်းကွက်မျက်ခဲ့သည့်မင်း၊မဆီမဆိုင်အထိန်းတော်သားဖြစ်သူအနန္တသူရိယကိုသတ်စေသည့်ဘုရင်နရပတိစည်သူကိုတအောက်မေ့မေ့တရှိုက်မက်မက်ဖြစ်စေခဲ့သည့်ဤလင်္ကာကိုတချို့က“မျက်ဖြေလင်္ကာ“ ဟုခေါ်ကြသည်။ကျွန်ုပ်ကားတော်လှန်ရေးလင်္ကာကဗျာအဖြစ်မြင်မိသည်။အဘယ့်ကြောင့်ဆိုသော်မလိုလျှင်မလိုသလိုပြုတတ်သော၊ဥပဒေဟူသည်သူတို့ ၏ပါးစပ်ထဲတွင်သာတည်သောအာဏာရှင်ပဒေသရာဇ်စနစ်၏စက်ဆုပ်ရွံရှာဖွယ်ကောင်းသောအချက်ကိုရှုတ်ချ၍ ယင်း စနစ်ကိုကျင့်သုံးသောမင်း၏ စိတ်ဓါတ်ကိုပြောင်းလဲသွားစေရန်တော်လှန်ဆုံးမခဲ့သောကြောင့်ပင်တည်း။
ထို့ပြင်လောကတွင်ရန်ကိုခုခံဖို့၊တွန်းလှန်ဖို ၊နှိပ်စက်ညှဉ်းပမ်းဖို့ ၊သတ်ဖြတ်ဖို့ အလုပ်များသည် စင်စစ်ခဲယဉ်းလှသည် မ ဟုတ် ပေ။ မိမိအာဏာရှိစဉ်၊ဘုန်းရောင်တောက်ပစဉ်လူသားတိုင်းပြုနေကျဖြစ်သောပြုရဲသော အလုပ်များ သာဖြစ်သည်။ရန်သူပင်ဖြစ်လင့်ကစားသည်းခံနိုင်ဖို့ ၊ခွင့်လွှတ်နိုင်ဖို့ ဆိုသည်မှာအလွန်တရာခဲယဉ်း၍သူတကာပြုနိုင်ခဲသောကိစ္စဖြစ်သည်။
ဤလောက၌ကိုယ့်အလှည့်ကျလျှင်နွဲ့တတ်ကြသူတွေများလှပေသည်။အမတ်ကြီးအနန္တသူရိယကားပုထုဇဉ်လူသားတို့ ထားရှိရိုး စိတ်ဓါတ်ကိုတော်လှန်ရုံသာမကရန်သူကိုပင်ခွင့်လွှတ်လိုက်ခြင်းဖြင့်လူသားတိုင်းတော်လှန်နိုင်ခဲသောအမှုကိုပြုခဲ့လေသည်။ထို့ ကြောင့် လည်းအနန္တသူရိယအမတ်ကြီး၏ ဤအလင်္ကာလေးပိုဒ်သည်ယနေ့ တိုင်အောင်ထင်ရှားလျက်ရှိနေသည်မဟုတ်ပါလော။
အမှန်စင်စစ်နရသီဟပတေ့စည်သူမင်းသည် စိတ်နှလုံးအထူးခက်ထန်လှသည်။ နောင်တော်၏ဥပါယ်တံမျဉ်ကြောင့် ငဆောင်ချမ်းသို့စစ် ထွက်ရပြီးနောက် နောင်တော်၏ကောက်ကျစ်သောအကြံကိုသိရသည်မှအစ ပထမအကြိမ်မြင်းခံငပြည့်ကိုကွပ်မျက်သည်။ ဒုတိယအကြိမ် နောင်တော်ကိုလုပ်ကြံသည်။ တတိယအကြိမ်အောင်စွာငယ်ကိုသတ်လေသည်။ စတုတ္ထအကြိမ်အနန္တသူရိယကိုစီရင်သည်။ ပဉ္စမအကြိမ်အနန္တ သူရိယကိုစီရင်သည့် အာဏာသားတို့အား အမတ်ကြီး၏စာအလင်္ကာကို မသတ်ခင်ကဆက်ကောင်းလျက်၊ သတ်ပြီးမှဆက်ရသလောဟု ဆိုကာ သုတ်သင်သည်။ ဤသို့လျှင်အချိန်ကာလာအနည်းအငယ်အတွင်း အကွပ်အမျက်အစီအရင် များပြားလွန်းလှသောနရပတိစည်သူမင်းကြီး၏စိတ်ရိုင်းစိတ်ကြမ်းကိုပင်ပျော့ပြောင်းသွားလောက်အောင် ပြုပြင်ပေးနိုင်စွမ်းသော အရာသည်ကား အနန္တသူရိယ၏စာအလင်္ကာပင်ဖြစ် တော့သည်။ မင်းကြီးသည်စာအလင်္ကာကိုဖတ်ရှုတော်မူရသည့်အချိန်မှစ၍ တအောက်မေ့မေ့ တရှိုက်မက်မက်ဖြစ်ကာ အမျက်ကိုလည်း ချုပ်ရုပ်၊ ဆည်းတားတော်မူသည့်ပြင် နောက်နောင်ငါအမျက်တော်ရှိ၍ သတ်လေဟုအမိန့်ရှိသော်လည်း တစ်လ၊ ငါးသီတင်းထား၍စစ် ကြောဘိ၊ သေစေတန်မှသေစေ။ မသေတန်သူကိုလွတ်စေ ဟူ၍ပင် အမိန့်တော်ချမှတ်ရှာလေသည်။ 

ထို့နောက်လည်း ကန်ချောင်း၊ ဆည်မြောင်းပြုပြင်ခြင်း၊ စေတီပုထိုးတည်ထားခြင်း၊ သိန်းဃို(သီရိလင်္ကာ)မှရောက်လာသည့် ဆပဋထေရ်အ မှူးရှိသောသံဃာငါးပါးနှင့်တကွ ပံ့သထူထေရ်အစရှိသည့်တို့အား ဆည်းကပ်ခြင်းအမှုတို့ကိုဆက်လက်ပြုတော်မူဘိသည်။ ဤကားအနန္တ သူရိယအမတ်ကြီးသေအံ့မူးမူးတွင်ရေးသားခဲ့သောအမျက်ဖြေလင်္ကာ၏ကျေးဇူးတစ်ရပ်ပင်ဖြစ်လေသည်။ထို့ ကြောင့်လည်းဓါး သွားထက်ကလောင်သွားသည်ထက်လေသည်ဟူ၍ ဆိုခဲ့ကြသည်မဟုတ်ပါလော။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သန်းဝင်းလှိုင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်