>Prisoner Monks (4) – Ashin Pyinnarnanda

September 2, 2011

>

အညတရအကျဉ်းသားရဟန်းတော်များ (၄) ဆရာတော် အရှင်ဇ၀န
အရှင်ပညာနန္ဒ
စက်တင်ဘာ ၂၊ ၂၀၁၁


အသားညိုညို ဒေါင်ကောင်းကောင်း စကားပြောရင် အသံကျယ်ကျယ်နဲ့အားရပါးရပြောလေ့ရှိတဲ့ ဆရာတော်အရှင်ဇ၀နကို ၂၀၀၉ ခုနှစ်လောက်က ထိုင်းနယ်စပ်တနေရာမှာ မမျှော်လင့်ဘဲဆုံတွေ့ခဲ့ရတာပါ။ သူထောင်ကလွတ်တဲ့အချိန်က RFA အင်တာဗျူးတခုမှာ ရဟန်းပြန်ဝတ်ဘို့နဲ့ နေထိုင်စရာအခက်အခဲဖြစ်နေကြောင်းကြားရလို့ ကူညီနိုင်ဘို့ ကြိုးစားဘူးတယ်။ အကြောင်းကြောင်းကြောင့် ကူညီခွင့်မရခဲ့ဘဲနယ်စပ်တနေရာမှာ ပြန်ဆုံခွင့်ရလို့ အရမ်းဝမ်းသာမိတယ်။ အဲဒီအချိန်က သူ နယ်စပ်မှာနေထိုင်တယ်ဆိုပေမဲ့ နေရာထိုင်ခင်း အသားမကျသေးဘဲ ရုံးတရုံးမှာ ခေတ္တသီတင်းသုံးနေရတဲ့အချိန်ပါ။

နောက်ပိုင်းအလုပ်တွေတွဲလုပ်တဲ့အခါကျမှ သူ့အကြောင်းကို ကောင်းကောင်းသိလာရပါတယ်။ ရန်ကုန်ရွေပြည်သာ ပရိယတ္တိစာသင်တိုက်ကိုဦးစီးတည်ထောင်ပြီး ရဟန်းသာမဏေတွေကို စာချပေးရင်းတဘက်က ကျောင်းသားတွေ နိုင်ငံရေးသမားတွေနဲ့ထိတွေ့ ပြီး အကူအညီ ပေး ခဲ့ကြောင်းသိရပါတယ်။ အဲသလိုနဲ့ ရှစ်လေးလုံးဖြစ်တော့ ကျောင်းသားတွေနဲ့ပူးပေါင်းပြီးအရေးအခင်းမှာ ရဟန်းပျိုသမဂ္ဂအနေနဲ့ပါဝင်လှုပ်ရှားခဲ့ပါတယ်။ ကျောင်းသားခေါင်းဆောင် ကိုမိုးသီးဇွန် နယ်ခရီးတွေစတင်ဟောပြောတော့ ဆရာတော်ဇာတိ ဒိုက်ဦးမြို့ မှာ ဟောပြောပွဲဖြစ်အောင်စီစဉ်ပေးသူဟာလည်း ဆရာတော်ဦးဇ၀နဘဲဖြစ်ပါတယ်။

ရှစ်လေးလုံးအကြိုကာလမှာ သူပါဝင်ဆောင်ရွက်ခဲ့တာတွေကို ခုလိုပြောပြပါတယ်။ ရှစ်လေးလုံးအကြိုကာလတုန်းက တပည့်တော် ရန် ကင်း ပဉ္စနိကာယဗိမာန်မှာ သီးတင်းသုံးနေပါတယ်။ တပည့်တော်ရဲ့ ပထမဆုံးလှုပ်ရှားမှုကတော့ ရှစ်လေးလုံးမတိုင်ခင် ဦးအောင်ကြီးက ဦးနေ၀င်းဆီပေးတဲ့ပေးစာတွေကို လူထုကြားထဲရောက်အောင် ဖြန့်ဝေတာပါဘဲ။ အဲဒီစာတွေနဲ့ပက်သက်ပြီး လူထုကြားထဲမှာ အတော်လေးစိတ်ဝင်တစားရှိခဲ့တာကိုတွေ့ရပါတယ်။ ရှစ်လေးလုံးစတင်ပေါက်ဖွားလာခြင်းဟာ အဲဒီစာတွေကစတင်လာတယ်ဆိုရင်လည်း မမှားဘူး လို့ပြောလို့ရပါတယ်။

ဒုတိယအကြိမ် ရန်ကင်းမှာလှုပ်ရှားမှုတခုကို ဦးဆောင်လိုက်သေးတယ်။ ပဉ္စနိကာယ၊ မေဒီနီ၊ မိုးကောင်း စတဲ့ကျောင်းတွေက သံဃာတွေ နဲ့ ရန်ကင်းကကျောင်းသားလူငယ်တွေရယ် ဆရာတော်ဦးဇာဂရ (စာရေးဆရာကံထွန်းသစ်) တို့ရယ် စုပြီး ရန်ကင်း မေဒီနီနားက အိမ်တအိမ် မှာ စုဝေးကြတယ်။ မတ်လ ၁၃ (ဖုန်းမော်အရေးအခင်း) နဲ့ မတ်လ ၁၆ ရက်နေ့ တံတားဖြူအရေးအခင်းပြီးလောက်မှာပေါ့။ သံဃာတွေနဲ့ ကျောင်းသားတွေပေါင်းပြီး လှုပ်ရှားမှုတခုပြုလုပ်ကြဖို့တိုင်ပင်ကြတာပါ။

နောက်တနေ့နေ့လည်မှာ ပဉ္စနိကာယ၊ မိုးကောင်း၊ မေဒီနီကသံဃာတွေ အပြင်ကိုကိစ္စတခု (ဆွမ်းခံအိမ်ဖိတ်မဲ့ကိစ္စလိုလို) ကျောင်းတိုက် အုပ်ချုပ်ရေးဆရာတော်တွေကိုလျောက်ထားပြီး သင်္ကန်းလေးတွေကိုယ်စီရုံကာ ထွက်လာခဲ့ကြတယ်။ ၁၂ လုံးတန်းမှာ သံဃာတွေရာကျော်လောက်စုမိတော့လူတွေက တခုခုပဲ ဆိုတဲ့အတွေးနဲ့ ဝိုင်းကြည့်နေကြတယ်။ လူတွေလဲ ရုတ်ရုတ်သဲသဲဖြစ်လာကြတယ်။ ဂွတ္တလစ်ဘက်က လာတဲ့ကားတွေလဲ သံဃာတွေကိုမြင်တော့နောက်ပြန်လှည့်သွားကြတယ်။ ဆရာအတတ်သင်ဘက်ကလာတဲ့ကားတွေလဲ ၁၂ လုံးတန်း ဘက်ကို မလာကြတော့ဘူး။ လမ်းမှာ ကားတွေရှင်းကုန်တယ်။ အဲ့ဒီအချိန်မှာ လဘက်ရည်ဆိုင်ထဲကနေ သံဃာတပါးနဲ့ ကျောင်းသား တစ်ယောက်ထွက်လာတယ်။ သံဃာတွေအားလုံးက ပိုပြီး တစ်ပါးနဲ့တစ်ပါး နီးနီးကပ်ကပ်စုမိကြတယ်။

“အဖမ်းဆီးခံကျောင်းသား ပြန်လွှတ်ပေးရေး … တို့အအရေး … တို့အရေး” ဆိုတဲ့ ကြွေးကြော်သံက မြည်ဟီးပြီးထွက်လာတယ်။ လူတွေလဲ ဘုန်းကြီးတွေအနားကိုပြေးလာကြတယ်။ ရန်ကုန်မြို့မှာ လမ်းပေါ်ဆန္ဒပြပွဲဆိုတာက တခါမှမမြင်ဘူးတဲ့ကိစ္စမို့ လူတွေလဲ တအံ့တသြဖြစ် ကုန်ကြတာပေါ့။ ၅ မိနစ်လောက်ဆန္ဒပြပြီးလူစုကွဲသွားတယ်။ သံဃာတွေနဲ့တွဲပြီး တိုင်ပင်ခဲ့ကြတဲ့ကျောင်းသားတွေဆိုတာကတော့ ၈၈ ကျောင်းသားခေါင်းဆောင် အံဘွယ်ကျော်တို့ဆိုတာ နောက်တော့မှသိရတယ်။ ဒီနောက်မှာ ကျောင်းသားတွေနဲ့ မကြာမကြာတွေ့ဖြစ်တယ်။ သူတို့ရတဲ့စာရွက်စာတမ်း၊ ကိုယ်ရတဲ့စာရွက်စာတမ်းတွေ၊ ဖလှယ်ြက၊ သတင်းတွေဖလှယ်ကြ၊ ဘာတွေဆက်လုပ်မယ်ဆိုတာတိုင်ပင်ကြပေါ့။

၈ ရက် ၈ လ ၈၈ မှာ တတိုင်းပြည်လုံးဆန္ဒပြမယ်ဆိုတဲ့သတင်းတွေကြောင့် ဘယ်နေရာကများ လူအုပ်ကြီးတွေတက်လာမလာဆိုတာ စောင့်မျှော်နေတုန်း တောင်ဥက္ကလာဘက်ကလူတွေအလံကိုင်ပြီးထွက်လာတာတွေ့ လိုက်ရတယ်။ လူအုပ်ဆိုပေမယ့် ၁၅ ယောက်လောက် ဘဲရှိတာပါ။ လမ်းဘေးကရပ်ကြည့်နေသူတွေကများပါတယ်။ အဲဒီလူအုပ်ကြီးကို ဆရာတော်က ဘာတွေပြောပြီးစည်းရုံးခဲ့သလဲဆိုတော့ …

ငါတို့ ခုလိုရပ်ကြည့်နေရုံနဲ့မရဘူးဟေ့။ ဒီအရေးအခင်းဟာ ကိုယ့်ဘ၀လွတ်မြောက်ရေးအတွက် ကိုယ်တိုင်လုပ်ရမှာဖြစ်တယ်။ အားလုံး ထွက်ခဲ့ကြပါ။ ပူးပေါင်းကြပါလို့ တိုက်တွန်းနိုးဆော်ပြီး လူထုကိုစည်းရုံးခဲ့ပြီး ချီတက်လမ်းလျောက်ခဲ့ကြောင်း ရှစ်လေးလေးလုံးလှုပ်ရှားမှု အကြောင်းတွေကိုပြန်ပြောင်းပြောပြပါတယ်။

စစ်တပ်ကအာဏာသိမ်းတော့ တပည့်တော်ဇာတိ် ဒိုက်ဦးမြို့သပိတ်စခန်းမှာ လူထုနဲ့အတူလှုပ်ရှားနေတဲ့အချိန်ပါ။ စစ်တပ်ပစ်ခတ်လို့သပိတ် စခန်းလည်း လူစုကွဲကုန်တယ်။ ပါတီတွေထောင်တဲ့အချိန်ကျတော့ NLD အဖွဲ့ထဲဝင်ကြဘို့ တပည့်တော်ကိုယ်တိုင်ရန်ကုန်ဆင်း ဖောင် တွေယူပေးပြီး အဖွဲ့ ဝင်ဖြစ်အောင်လုပ်ပေးနိုင်ခဲ့တယ်။

၈၉ ခုနှစ်မှာ ရန်ကုန် ရွှေပြည်သာပရိယတ္တိစာသင်တိုက်ကို ကိုယ်တိုင်တည်ထောင်ပြီး တဘက်က ရဟန်းသာမဏေတွေကိုစာပေပို့ ချပေး ရင်း နိုင်ငံရေးကိစ္စတွေကို သိုသိုသိပ်သိပ်ဆောင်ရွက်ခဲ့တယ်။ တပည့်တော်ကျောင်းက အဖွဲ့အစည်းပေါင်းစုံ နိုင်ငံရေးသမားတွေဝင်ထွက်သွားလာတဲ့နေရာဖြစ်လာတယ်။

၁၉၉၂ ခုနှစ် ဒီဇင်ဘာလမှာ ကုလသမဂ္ဂလူ့အခွင့်ရေးဆိုင်ရာကိုယ်စားလှယ်ပါမောက္ခ ယိုဇိုယိုကိုတာ ရန်ကုန်ရောက်တဲ့အချိန်မှာ ဆိုင်ရာ အဖွဲ့အစည်းတွေက လူ့အခွင့်အရေးချိုးဖောက်တာတွေတင်ပြဘို့ စီစဉ်ကြတယ်။ တပည့်တော်ကိုလည်း နိုင်ငံရေးသမားတွေက ရဟန်း တော်တွေနဲ့ပက်သက်ပြီးပြောပြပေးဘို့တိုက်တွန်းတာကြောင့် ပါမောက္ခယိုဇိုယိုကိုတာကိုသွားတွေ့ခဲ့တယ်။ အဲဒီအချိန်က ၉၀ ပတ္တနိကုဇ္ဇန ကံဆောင်ခဲ့တာကြောင့် တိပိဋကဓရဆရာတော် ဦးသုမင်္ဂလ၊ အင်းစိန်ရွာမဆရာတော်ဦးတိလောက၊ မဂ္ဂင်ဆရာတော်တို့နဲ့ အခြားသံဃာတွေ ထောင်ထဲရောက်နေတဲ့အချိန်ဖြစ်တဲ့အတွက် ရဟန်းတော်တွေထောင်ထဲမှာရှိတဲ့အကြောင်း လူဝတ်လဲခံရကြောင်း လူ့အခွင့်အရေးချိုး ဖောက်ခံရကြောင်းတင်ပြခဲ့တယ်။ အဲဒီချိန်လောက်စပြီး ထောက်လှမ်းရေးက တပည့်တော်ကိုသတိပြုမိသွားခဲ့တယ်။ အဲဒီအကြောင်းတွေ ကြောင့်ဘဲအဖမ်းခံရတာပါ။

၁၉၉၃ မှာ အဖမ်းဆီးခံရပုံနဲ့ပက်သက်ပြီးပြောပြတာကတော့ည ၁၂ နာရီလောက်မှာ စစ်ကားတွေရောက်လာပြီး ကျောင်းကိုဝိုင်းထားတာတွေ့ ရတယ်။ တပည့်တော်ကျောင်းကိုတံခါးလာခေါက်တယ်။ ဦးဇင်းတပါးကိုတွေ့ချင်လို့တဲ့။ အရှင်ဘုရားဦးဇ၀နလားတဲ့မေးတယ်။ ဟုတ်တယ် လို့လည်းပြောလိုက်ရော အရှင်ဘုရားပါ ခဏလိုက်လိုက်ခဲ့ပါဆိုပြီးဖမ်းတာဘဲ။ ကားပေါ်ရောက်တာနဲ သင်္ကန်းနဲ့မျက်နှာကိုစည်း ၀မ်းလျား မှောက်ခိုင်းတယ်။ စစ်သားငါးယောက်လောက်က လက်ပြန်လက်ထိပ်ခပ်ပြီး တပည့်တော်အပေါ်ကိုခွစီးထားတယ်။ အဲဒီလိုနဲ့ ရေကြည်အိုင်စစ်ကြောရေးစခန်းကိုရောက်သွားတော့တာဘဲလို့ပြောပြပါတယ်။

စစ်ကြောရေးမှာစစ်ဆေးပုံနဲ့ပက်သက်ပြီး ခင်ဗျား ဒီကိုဘာကြောင့်ရောက်လာတယ်ဆိုတာ ခင်ဗျားသိတယ်မဟုတ်လား။ ခင်ဗျားကျောင်း မှာဘယ်သူတွေလာလဲ၊ ဘာတွေလုပ်လဲ၊ လိမ်ဘို့တော့မကြိုးစားနဲ့၊ ကျုပ်တို့ အကုန်သိပြီးပြီ၊ အမှန်အတိုင်းပြော ဘာညာနဲ့ ၂ ရက်လောက် ထမင်းမကျွေး ရေမတိုက်ဘဲ မအိပ်မနေစစ်ဆေးတာခံခဲ့ရတယ်။ နှိပ်စက်တာတွေကတော့ နည်းပေါင်းစုံ၊ လက်သီးနဲ့ထိုး စစ်ဘိနပ်နဲ့ကန်၊ ကြမ်းကြမ်းတမ်းတမ်း ဆဲရေးတိုင်းထွာတာတွေကတော့ စာဖွဲ့လို့ကုန်နိုင်မယ်မထင်ဘူး။ သူတို့မေးတာတွေကို အတတ်နိုင်ဆုံးမဖြေဘဲထားပြီးသေသွားတဲ့လူတယောက်အကြောင်းကိုဘဲ ဖိပြီးပြောခဲ့တယ်။

ပါမောက္ခယိုဇိုယိုကိုတာကိုသွားတွေ့တုန်းက ကြံတောသင်္ချိုင်းမှာ လူသေ အလောင်းတွေကိုမီးရှို့တဲ့ ဖိုမင်တယောက်လည်းပါတယ်။ သူ တင်ပြတာက ၈၈ အရေးအခင်းကာလတုန်းက လူသေအလောင်းတွေကို ညနေ ၆ နာရီလောက်ကနေ မနက် ၄ နာရီလောက်အထိ မရေ တွက်နိုင်အောင် အလောင်းတွေကိမီးရှို့ခဲ့ရကြောင်း တချို့လူတွေဟာ မသေသေးကြောင်း စစ်သားတွေက အတင်းမီးရှို့ခိုင်းလို့ ရှို့ခဲ့ရ ကြောင်း စာရွက်စာတမ်းသက်သေ အထောက်အထားတွေနဲ့တင်ပြခဲ့တယ်။ အဲဒီအကြောင်းတွေကို ထောက်လှမ်းရေးတွေပြောပြတော့ သူတို့စိတ်ဝင်တစားနားထောင်ကြတယ်။

နောက်နေ့လည်းရောက်ရော တပည့်တော်ကို နားဘန်ကျင်းတော့တာဘဲ။ သက်ရှိထင်ရှားရှိတဲ့သူတွေအကြောင်းမဖော်ဘဲ သေသွားတဲ့သူရဲ့ အကြောင်းဘဲပြောလို့တဲ့လို့ ရီရီမောမောနဲ့ ပြောပြပါတယ်။ (တပည့်တော်အဖမ်းမခံရသေးခင် အဲဒီဖိုမင်းဆုံးသွားတယ်) သူပြန်ပြော နေတာတွေက ၈၈ လေးလုံအရေးအခင်းကာလတုန်းက ကျောင်းသားကျောင်းသူတွေက ကျနော်ကျမတို့ မသေသေးပါဘူးပြော နေတဲ့ကြားထဲက စစ်သားတွေကမီးရှို့ခိုင်းတဲ့အကြောင်း တကယ်ကိုသတင်းထွက်ခဲ့တာပါ။

ထောင်ထဲမှာ ၁၆ နှစ်တာ နေ့စဉ်ဘာတွေလုပ်ခဲ့တယ်ဆိုတာကိုလည်း ပြောပြပါတယ်။ မနက်လင်းတာနဲ့ မျက်နှာသစ်၊ ဘုရားရှိခိုး၊ မေတ္တာပို့ တယ်။ သမ္ဗုဒ္ဓေတို့ ပရိတ်ကြီး (၁၁) သုတ်တို့ကို သန်းနဲ့ချီပြီး ပုတီးစိပ်ခဲ့တယ်။ လွတ်ချင်တာလည်း ပါတာပေါ့လေ။ တနေ့တာအချိန်ကို ဇယားဆွဲပြီး အချိန်ကုန်အောင်လုပ်ခဲ့တယ်။ ထောင်ကျနေတယ်ဆိုတာမေ့သွားအောင်လို့ပါ။ အဲဒါတွေလုပ်နေတာနဲ့ တနေ့ တနေ့ အချိန် တွေကုန်မှန်းမသိကုန်သွားတာပါဘဲလို့ပြောပြပါတယ်။

ထောင်ကလွတ်ခါနီးအချိန်မှာ သူဘယ်လိုခံစားရကြောင်းလည်းပြောပြပါတယ်။ ထောင်ထဲစရောက်တဲ့နေ့ထဲက လွတ်ချင်တဲ့စိတ်တွေနေ့ တိုင်း ဖြစ်ပေါ်နေတယ်။ ကိုယ်နဲ့အတူနေသူတွေက မကြာမကြာလွတ်သွားနေတာလေ။ တနေ့တော့ ထောင်ထဲမှာ ဟေး ဆိုတဲ့ အသံ တသံကို အကျယ်ကြီးကြားလိုက်ရတယ်။ ထူးတော့ထူးပြီ၊ တခုခုဘဲလို့ထင်လိုက်တယ်။ မကြာဘူး ထောင်ဝန်ထမ်းတယောက်ရောက်လာပြီး အစိုးရကလျော့ရက်တွေပေးတယ်။ ဘုန်းကြီးလည်းပါနိုင်တယ်လို့လာပြောတယ်။ တပည့်တော် ၁၆ နှစ်လုံးလုံး လွတ်ရက်ကိုစောင့်စားနေ ခဲ့တာလေ။ တခါမှ ကိုယ်မပါတော့ မျှော်လည်းမမျှော်လင့်တော့ဘူး။ လွတ်ခါမှလွတ်ဘဲလို့ သဘောထားလိုက်တယ်။ နောက်နေ့မနက်ကျတော့ ထောင်ပိုင်ကြီးရောက်လာပြီး ဘုန်းကြီးလွတ်တော့မယ်။ ပစ္စည်းတွေသိမ်းလို့ လာပြောတာတောင်မယုံဘဲ ထောင်ပိုင်ကြီး လာနောက်မနေနဲ့ဗျာ လို့ပြန်ပြောလိုက်တယ်။ ထောင်ပိုင်ကြီးက ဘုန်းကြီးတကယ်လွတ်တော့မှာပါ။ စာရင်းတွေကြည့်ခဲ့ပြီးပါပြီ။ ဘုန်းကြီးပါတယ်လို့ပြောလိုက်တဲ့ အချိန်မှာ ဘယ်လိုဝမ်းသာသွားတယ်ဆိုတာ ပြောမပြတတ်အောင်ပါဘဲတဲ့။

သူပြန်ပြောနေပုံက တကယ့်ကို ခုမှထောင်ကလွတ်တော့မဲ့ပုံအတိုင်း ၀မ်းမြောက်တဲ့အမူအယာတွေသူ့မျက်နှာမှာထင်ဟပ်နေတာတွေ့ရပါ တယ်။

၂၀၀၉ ခုနှစ် စက်တင်ဘာ ၁၈ ရက်နေ့ မှာတော့ ဦးဇ၀နထောင်ကလွတ်မြောက်လာခဲ့ပါတယ်။ အပြင်ရောက်တာနဲ့ သင်္ကန်းပြန်ဝတ်ဘို့ ကြိုးစားပါတယ်။ သံဃမဟာနာယကထောက်ခံစာရှိမှဝတ်လို့ရမယ် ပြောလို့ထောက်ခံစာရအောင်လုပ်ခဲ့တယ်။ တခါ ပြည်ထဲရေးထောကခံ စာလိုသေးတယ်လုပ်ပြန်တယ်။ ၀တ်လို့မရအောင် နည်းအမျိုးမျိုးနဲ့လုပ်နေတာတွေကြောင့် တပည့်တော်ဇာတိ ဒိုက်ဦးမြို့က ငယ်ဆရာတော် တွေထံမှာသင်္ကန်းဝတ်ခဲ့ပြီး ရန်ကုန်မှာရှိတဲ့တပည့်တော်စာသင်တိုက်ကိုပြန်ကြွသွားပါတယ်။

တပည့်တော်ထောင်ကျနေတုန်းက ကျောင်းကိုထိန်းသိမ်းခဲ့တဲ့ဆရာတော်က တပည့်တော်ပြန်လာနေတာကိုမလိုလားဘူးလေ။ တပည့် တော် နားလည်ပါတယ်။ ၁၆ နှစ်တာလုံးလုံး တိုက်တာတိုးတက်အောင် သူကလုပ်ခဲ့တာဖြစ်တော့ သူလည်း အထိုက်အလျောက် ကျောင်း သံယောဇဉ် ဒကာဒကာမသံယောဇဉ်တွေရှိနေပြီပေါ့။ အရှင်ဘုရားဦဆောင်ပြီးလုပ်ပါ၊ တပည့်တော် အရှင်ဘုရားနောက်ကနေပြီး ပံ့ပိုး ကူညီပါ မယ်ဆိုတာတောင်လက်မခံချင်ဘူး။ တပည့်တော်နေလို့မရအောင် တပည့်တော်ရဲ့နေ့စဉ်လှုပ်ရှားမှုတွေကို ထောက်လှမ်းရေးကို သတင်းပေးနေတာကြောင့် ပြန်ဖမ်းခံရမှာစိုးရိမ်လို့ ထိုင်းနယ်စပ်ကိုထွက်ခွာလာခဲ့တာပါလို့ သူဘ၀ဇာတ်ကြောင်းကို စိတ်မကောင်းစွာ ပြောပြပါတယ်။

ဆရာတော်ဟာအသက်ခပ်ငယ်ငယ် ၁၇ – ၁၈နှစ် ကိုရင်ဘ၀ထဲက စိုးမိုးသူ (ဒိုက်ဦး) ဆိုတဲ့နာမည်နဲ့ တိုင်းရင်းမေ၊ ယုဝတီစတဲ့ ဂျာနယ်တွေမှာ စာတွေစရေးနေပါပြီ။ မန္တလေးမှာ စာရေးဆရာကံထွန်းသစ်နဲ့တွဲပြီး ပန်းဖလက်စာအုပ်လေးတွေလည်း အများကြီးထုတ်ဘူးကြောင်း မြဝတီ၊ ငွေတာရီ၊ သဘင်၊ ရုပ်ရှင်အောင်လံ စတဲ့မဂ္ဂဇင်းတွေမှာ ကဗျာတွေရေးဘူးကြောင်းပြောပြပါတယ်။ ခုတော့ ထိုင်းနယ်စပ်တနေရာမှာ နေထိုင် သီတင်းသုံးနေထိုင်ပြီး ထောင်တွင်းအတွေ့အကြုံများကိုစာပေရေးသားကာ အမျိုးဘာသာသာသနာအတွက် ဆက်လက်ဆောင်ရွက် လျက်ရှိပါတယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အရှင်ဇ၀န (နိုင်ငံရေးအကျဉ်းသားဟောင်း)

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

ဒီလို ကြော်ငြာချင်သလား

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments