Tu Maung Nyo – Articles

May 1, 2013

တိုက်သွားတာလည်း မောင်ရင်၊ ဒီအမှုကို စစ်ဆေးတာလည်း မောင်ရင်ဆိုတော့  နဲနဲစဉ်းစားပါရစေအုံး
တူမောင်ညို
မေ ၁၊ ၂၀၁၃

“မိထ္ထီလာ”  ပြီးတော့ “တိုက်ကြီး”။
မီဒီယာသတင်းများအရ ရန်ကုန်တိုင်း ဥက္ကံမြို့တွင် သပိတ်အဖုံးကျကွဲမှုသည် ဗလီ နှင့်ဆိုင်ခန်း ၂၅ ခန်း ဖျက်ဆီးခြင်းခံခဲ့ရပြီး၊ လူ ၁၀ ဦးထိခိုက်ဒဏ်ရာရရှိခဲ့သည်။ ရဲက သေနတ်ပစ်ဖောက်ခဲ့ရသည်။
ဤ ဖြစ်ရပ်များမှနေ၍ ယခုကဲ့သို့ ကောက်ချက်ချပါသည်။
မည်သည့်ရှောင်တခင်ဖြစ်မှု၊ မတော်တဆဖြစ်မှု မီးပွားကို ဘာသာရေးလူမျိုးရေး မုန်းတီးမှု မီးလောင်တိုက်သွတ်သွင်းရန် သူတို့အသင့်ရှိနေကြသည်။ နေရာအနှံ့အပြားတွင် သူတို့၏ “အကြမ်းဖက်ကွန်ယက်များ” ရှိနေသည်၊ ဖွဲ့စည်းထားသည်မှာ ယုံမှားသံသယ ဖြစ်ဖွယ်မရှိတော့ချေ။
“အကြမ်းဖက်သူများ” သည် စည်းကမ်းပြည့်ဝေသောဒီမိုကရေစီဘောင်ထဲတွင် “စည်းကမ်းရှိသည်”။ စနစ်ကျသည်။ စစ်တပ် သဖွယ်အမိန့် နာခံမှုကောင်းသည်။
“ဖျက်ဟေ့၊ ဆီးဟေ့၊ သတ်ဟေ့၊ ဖြတ်ဟေ့၊ ရိုက်နှက်မီးရှိုဟေ့ ဟု အမိန့်ပေး” လိုက်သည့်အခါ တောခွေးအုပ်များကဲ့သို့ အတွဲ အဖက်ညီညာသည် ခြေထောက်ဆွဲသူကဆွဲ၊ ဂုတ်ခဲသူကခဲ။
 “ရပ်ကြဟေ့”  ဟု အမိန့်ပေးခရာမှုတ်လိုက်သည့်အခါ ထိုအကြမ်းဖက်သမား လူရမ်းကားများသည် တောခွေးအုပ်များ တောထဲသို့ဝင် ရောက်ပျောက်ကွယ်သွားသလို ကိုယ်ယောင်ဖျောက်သွားကြသည်။ ငြိမ်သက်သွားကြသည်။ ဤလုပ်ရပ်မျိုးကို မိထ္ထီလာ၊ ကြို့ပင်ကောက် စသောနေရာ များတွင် လက်တွေ့ တွေ့မြင်ခဲ့ကြသည်။
သူတို့တွင် စနစ်တကျအမိန့်ပေးနေသည့်“အကြမ်းဖက်လက်မရွံ့ဌာနချုပ်” တစ်ခုရှိနေတာသေချာသည်။ မူဆလင်ဘာသာဝင် လူနည်းစုများကို အဓိကပစ်မှတ်ထား အကြမ်းဖက်တိုက်ခိုက်နေသည်မှာလည်း ထင်ရှားပါသည်။ ယင်းသို့ အကြမ်းဖက်ရန်ပြုမှုကို သက် ဆိုင်ရာဒေသလုံခြုံရေးတာဝန်ယူထားသည့်ရဲများက မည်သို့မျှတားဆီးခြင်းမရှိဘဲ၊ လက်ပိုက်ကြည့်နေခဲ့သည်မှာလည်း တိုင်းသိပြည်သိ ဖြစ်သည်။
ဤဖြစ်စဉ်ဖြစ်ရပ်များကိုတွေ့မြင်ရသောအခါ ရန်ကုန်မြို့ ကမ္ဘာအေးဘုရားလမ်းမကြီးပေါ်တွင် စကားပြောစက်ကိုင် “ကြံ့ဖွံ့စွမ်း အားရှင်” လူရမ်းကားအုပ်စုများ၏ အကြမ်းဖက်မှုကိုခံခဲ့ရဖူးသော ဒီချုပ်ခေါင်းဆောင်များ၏ ဖြစ်ရပ်နှင့်စစ်ကိုင်းတိုင်းအတွင်း မေလ၃၀ ရက်၊ “ဒီပဲယင်းအကြမ်းဖက်သတ်ဖြတ်မှု”နှင့်တစ်ထပ်တည်းနီးပါး တူညီနေသည်ကို သတိပြုမိပါသည်။  ပစ်မှတ်ခြင်းသာကွာခြားပါသည်။ ဟိုစဉ်က ပစ်မှတ်မှာ ဒီချုပ်ပါတီခေါင်းဆောင်များနှင့်ပါတီဝင်များကို ရိုက်နှက်သတ်ဖြတ်၊ ရန်ပြုခြင်းဖြစ်ပြီး၊ ယခုပစ်မှတ်မှာ အစ္စလာမ် ဘာသာဝင် မူဆလင်များအပေါ် ပစ်မှတ်ထားခြင်းဖြစ်သည်။
ပြည်နယ်ပဋိပက္ခများ၏ အစမီးပွားဖြစ်သော ကျောက်နီမော်ဖြစ်စဉ်မှ မုဒိန်းကျင့်/လူသတ်မှုကျူးလွန်သူများကို ရက်ပိုင်း အတွင်း စစ်ဆေး ၍သေဒဏ်ပေးခဲ့သော်လည်း တောင်ကုတ်တွင် အစ္စလာမ်ဘာသာဝင်၊ မူဆလင် ၁၀ ဦးအား အကြမ်းဖက်လူရမ်းကား များက အုပ်စု ဖွဲ့သတ်ဖြတ်ခဲ့ သော အမှု (ဗိုလ်)ဦးသိန်းစိန် ကြံ့ဖွံ့အစိုးရသည် ထိရောက်သောအရေးယူဆောင်ရွက်မှုမပြုခဲ့ချေ။ လစ်လျူရှု နေခဲ့သည်။ အစိုးရသတင်းစာကပင် ထိုးဆွမြှောက်ပင့်ရေးသားခဲ့သည်။
ရခိုင်ပြည်နယ်ဖြစ်စဉ်၊ မိထ္ထီလာဖြစ်စဉ်၊ ကြို့ပင်ကောက်ဖြစ်စဉ်များတွင် ကြမ်းခဲ့ရမ်းခဲ့သူများကို ဖော်ထုတ်ဖမ်းဆီးခြင်းအပြစ်ပေး အရေးယူခြင်းများကို ထိထိရောက်ရောက် လုပ်ဆောင်ခြင်းမရှိဘဲ။ တမင်အချိန်ဆွဲထားသည်။ မိထ္ထီဖြစ်စဉ်၏ အစမီးပွားဖြစ်သော ရွှေအရောင်းအဝယ်ပဋိပက္ခတွင် ပြစ်မှုကျူးလွန်သူ ၃ ဦးကို ထောင်ဒဏ် ၁၄ နှစ်စီ အပြစ်ဒဏ်ပေးခဲ့သည်။
  ဤသည်တို့မှာ တစ်ဖက်လှည့်ဖြင့်အားပေး အားမြှောက်ပြုခြင်းပင်ဖြစ်သည်။ မင်းတို့နောက်မှာ ငါတို့ရှိတယ် ကြမ်းကြစမ်း၊ ရမ်းကြစမ်း၊ သတ်ကြစမ်း၊ ဆိုသည့်အဓိပ္ပါယ်ပင်။ “၂၀၁၅”တွင် မီးကုန် ယမ်းကုန်ကြမ်းနိုင်အတွက် မိုက်သွေးစမ်းနေခြင်း၊ မိုက်သွေးတင် ပေးနေခြင်းဖြစ်သည်ဟုလည်းယူဆနိုင်ပါသည်။
ဤအကြမ်းဖက်မှုများ၏ နောက်ကွယ်တွင် အစိုးရ တနည်းနည်းဖြင့် ပါဝင်ပတ်သက်နေသည်။သို့အတွက် တရားခံကိုဖော်ထုတ် ဖို့ခက်နေခြင်းသည်။ သို့အတွက် စစ်အုပ်စုအမွှေးရှည်အရိုးရင့် (ဗိုလ်)အောင်သောင်းက“ဗကပယူဂျီတွေ”ဆိုပြီး ထမင်းရည်ပူလာလျှာလွှဲ နေခြင်း ဖြစ်သည်။
ဒီပဲယင်းအကြမ်းဖက်မှုကို ထောက်လှမ်းရေးနဲ့ ဗိုလ်ခင်ညွန့်က “သူတို့ဖန်တီးခြင်းမဟုတ်၊ သူတို့မသိ၊ ဒေါ်အောင်ဆန်းစုကြည် ကို သူတို့ကယ်ထုတ်ခဲ့ရတာပါ” ဆိုသည့် အကွက်မျိုး (ဗိုလ်) ဦးသိန်းစိန်ကြံ့ဖွံ့အစိုးရက ချိုးနေခြင်းဖြစ်သည်။
မြန်မာပြည်အနှံ့အပြားတွင် လူမျိုးရေးဘာသာရေးပဋိပက္ခများ ဖြစ်ပွားဖွယ်ရာ အလားအလာရှိမြဲရှိနေပါသည်။ အထူးသဖြင့် အစ္စလာမ်ဘာသာဝင်၊မူဆလင်များထူထူထပ်ထပ်ရှိသောဒေသနှင့်မြို့ရွာကျေးလက်များတွင်ပို၍သတိရှိကြရပါလိမ့်မည်။ တဆိတ်တအိတ် လုပ်၍လူသတ်မီးရှို့အကြမ်းဖက်မှုများကျူးလွန်ကြပါလိမ့်မည်။
တရားဥပဒေစိုးမိုးရေးဆိုသည့်စကားနှင့် (ဗိုလ်)ဦးသိန်းစိန်ကြံ့ဖွံအစိုးရ၏ အကြမ်းဖက်မှုများစုံစမ်းစစ်ဆေး၊ အရေးယူနေပါသည် ဆိုသည့်ကိစ္စများကလည်း နာမည်ကျော်ကာတွန်းဆရာကြီးဦးဘဂျမ်း၏ ကာတွန်းလက်ရာတစ်ခုထဲမှာပြောထား သကဲ့သို့ပင် ပြောရပါ တော့မည်။
“ဟုတ်ကဲ့မောင်ရယ်ပြောပါ့မယ် ညက(ဓါးပြ)တိုက်သွားတာလည်းမောင်ရင်၊ ဒီအမှုကိုစစ်ဆေးတာလည်း မောင်ရင်ဆိုတော့  ဘယ်လိုပြောရမယ်ဆိုတာ နဲနဲစဉ်းစားပါရစေအုံး”
လူမျိုးပေါင်းစုံပြည်သူများ၊ ဘာသာပေါင်းစုံပြည်သူများ နိုးနိုးကြားကြားရှိကြပါ။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို

3 Responses to Tu Maung Nyo – Articles

  1. Pho Thar Lay on May 2, 2013 at 11:20 am

    အော်…..အဲ့လိုလား

  2. Thar Lay on May 4, 2013 at 5:03 pm

    လွန်ခဲ့တဲ့ ၁၀နှစ်ကျော်က ပဲခူးမှာ ဗလီတွေကို ဘုန်းကြီးတွေက ၀င်ဖျက်တော့ ကျနော် အဲဒီမှာ ရှိနေတယ်။ ဘုန်းကြီးတွေ အုပ်လိုက်ကြီး မြို့ပါတ်ဘတ်(စ)ကား (၂)စီး နဲ့ ရောက်လာတယ်။ သူတို့ထဲမှာ ဖျက်တဲ့အုပ်စုက ဖျက်။ ဘယ်ဖက်ကနေ၀င် ဘယ်လိုဖျက်ဆိုပြီး နောက်က အမိန့်ပေးနေတဲ့ ဘုန်းကြီးတစ်ပါး ပါလာတယ်။ ထူးဆန်းတာက အဆိုပါ ဘုန်းကြီးလက်ထဲမှာ ဝေါ်လ်ကီတော်ကီ ပါလာတာဘဲ။ တစ်ချိန်လုံး အဆိုပါစက်ဖြင့် ဆက်သွယ်နေပြီး၊ ၄င်းက ရပ်တော့ ဆိုတဲ့အချိန်မှာ ဖျက်ဆီးတာတွေ ရပ်ပြီး၊ ပြန်ဆုတ်သွားကြတယ်။ မနှစ်က ဖားကန့် ဆိုင်းတောင်မှာ ဗလီဖြိုတော့ ဒေသခံစစ်တပ်က ကာကွယ်ပေးထားတယ်။ ဒီနှစ်မှာလည်း ဖျက်တဲ့ အုပ်စုမှာ ပါလာသူက ရဲကို နောက်ဆုတ်လို့ အမိန့်ပေးလိုက်တာနဲ့ ရဲက နောက်ဆုတ်ပေးရတယ်လို့ သိရတယ်။
    စကားစပ်မိလို့ မောင်ကာလုဆိုတာ ဘာကောင်လည်း ဆိုတာကို တပ်မတော်နေ့မှာ သူတင်တဲ့ ပို့စ်တွေကို ကြည့်ရင် ခန့်မှန်းလို့ ရတယ်။ ဒေါက်တာဆိတ်ဖွားကို သူတို့ကို ဝေဘန်လို့ ဟိုးလေးတကြော် ဖော်ထုတ်ခဲ့ပေမယ့် မောင်ကာလု နဲ့ ဖက်ဆစ်ကတုံးကိစ္စ ယနေ့အထိ ဘယ်သူမှ လေသံမဟကြတာကလည်း အံ့သြစရာ အတော်ကောင်းတဲ့ အချက်ဘဲ…
    မိတ္ထီလာကိစ္စမှာ တောင်သာတပ်မတော်ဆိုတာ အသံထွက်လာခဲ့ပြီး၊ မကြာမီ အားလုံးရေငုံ နှုတ်ပိတ်နေကြတော့တယ်။
    ရပ်ကွက်တွေထဲမှာတော့ ဦးအောင်သောင်း နဲ့ ဦးသိန်းစိန် အဓိကရုဏ်းကိစ္စ အချင်းများပြီး၊ အောင်သောင်းက ရှေ့လျှောက် ကုလားမျိုးတုန်းအောင် လုပ်ဦးမယ်ဆိုပြီးကြုံးဝါးတယ် ဆိုပြီး ကောလဟလတစ်ခုက ပြန့်နေတယ်…
    ကျနော်တို့လို့ လူသာမာန်တွေထက်စာရင် သတင်းရင်းမြစ်တွေကို လက်လှမ်းပိုမှီတဲ့ မင်းကိုနိုင်က မိတ္ထိလာကိစ္စမှာ စစ်တပ်က ပါဝင်ပါတ်သက်မှု ရှိတယ်လို့ ကောက်ချက်ချတာ နောက်ခံအကြောင်းအရာအချို့ကို သိလို့သာ ပြောတယ်လို့ ယူဆစရာရှိတယ်…

  3. Anonymous on May 4, 2013 at 10:17 pm

    May be Another Possibility , Do You Agree ???

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)