>End of Political Dialogue – Tu Maung Nyo

November 7, 2011

>

နိုင်ငံရေးအရ တွေ့ဆုံဆွေးနွေးရေး နိဂုံးလော

တူမောင်ညို။ နိုဝင်ဘာ ၇၊ ၂၀၁၁
တွေ့ဆုံဆွေးနွေးရေးဆိုတာက  ပျောက်ဆုံးသွားသလိုဖြစ်ပြီး၊ (NLD) မှတ်ပုံတင်ရေးဖြစ်လာခဲ့တယ်။
 “တွေ့ဆုံဆွေးနွေးရေး”ဆိုတာ  ပြည်ထောင်စုဝန်ကြီး ဦးအောင်ကြည်နဲ့ အခါအားလျော်စွာ တွေ့ဆုံနေတဲ့ “စိမ်းလဲ့ကန်သာတွေ့ဆုံမှု” လောက်ကို ရည်ရွယ်ပြောဆိုနေကြခြင်းမဟုတ်တာတော့ သေချာပါတယ်။
တွေ့ဆုံဆွေးနွေးရေးဆိုတာက ဖွဲ့စည်းပုံအခြေခံဥပဒေ(၂၀၀၈)အပါအဝင် တိုင်းပြည်နဲ့ ပြည်သူလူထုကြုံတွေ့နေရတဲ့ ပြဿနာ အားလုံးကို နိုင်ငံရေးအရ တန်းတူရည်တူဆွေးနွေးကြဖို့ဖြစ်ပါတယ်။တန်းတူရည်တူရှိတဲ့၊ အဓိပ္ပါယ်ရှိတဲ့ နိုင်ငံရေးအရတွေ့ဆုံဆွေးနွေးရေး ဖြစ်ပါတယ်။
 အမျိုးသားဒီမိုကရေစီအဖွဲ့ချုပ်က အကြိမ်ကြိမ်ထုတ်ဖေါ်ပြောဆိုတဲ့စကားလုံး က Meaningful Dialogue ဖြစ်ပါတယ်။
 “စိမ်းလဲ့ကန်သာတွေ့ဆုံမှု”ဆိုတာ Meaningful Dialogue မဟုတ်ပါ။ ပြည်ထောင်စုဝန်ကြီးနဲ့ “မှတ်ပုံတင်ခြင်း မရှိသေးသည့်နိုင်ငံရေးပါတီ” တစ်ခုမှ ခေါင်းဆောင်တစ်ဦးတွေ့ဆုံမှုထက် ဘာများပိုလွန်နေပါသလဲ။
စက်တင်ဘာ (၃၀) ရက်နေ့၊ စိမ်းလဲ့ကန်သာတွေ့ဆုံမှုအပြီး၊သတင်းထောက်များရဲ့အမေးကို  ဦးအောင်ကြည်ဖြေကြားခဲ့ တာ က “ကျွန်တော့်အနေနဲ့ ဦးစွာဖြေရမယ်ဆိုရင် ဥပဒေနဲ့အညီ ကျွန်တော်တို့ မှတ်ပုံတင်ပြီးသွားတဲ့အချိန်မှာကျွန်တော်တို့ NLD  နဲ့အတူ လက်တွဲပြီးတော့ ဆောင်ရွက်သွားဖို့ဆိုတာကို အမြဲတမ်းကြိုဆိုလျက်ရှိပါတယ်”လို့ ဖြေကြားလိုပါတယ်။
အဖြေရဲ့လိုရင်းကတော့ “ဥပဒေနဲ့အညီမှတ်ပုံတင်ခြင်း မရှိသေးတဲ့အခါမှာလက်တွဲဆောင်ရွက်ဖို့ မဖြစ်နိုင်သေးဘူး”လို့ အဓိပ္ပါယ် ထွက်ပါတယ်။ အရင်ဆုံး မှတ်ပုံတင်ရမယ်။မှတ်ပုံတင်ပြီးသာမှ လက်တွဲဆောင်ဆောင်ရွက်သွားနိုင်မယ်လို့ပြောတာလည်းဖြစ်ပါတယ်။
 “စိမ်းလဲ့ကန်သာတွေ့ဆုံမှု”ဘာလဲဆိုတာကလည်း ဘယ်သူမှရှင်းလင်းရေရာတိကျစွာမသိနိုင်တဲ့၊ ပဟေဠိဆန်လွန်းတဲ့ကိစ္စဖြစ် နေပါတယ်။ယုတ်စွအဆုံး ဒီချုပ် ဒုတိယဥက္ကဋ္ဌ ဦးတင်ဦး၊ (စီအီးစီ) ဦးဝင်းတင်တို့သည်ပင်လျှင် တိတိကျကျသိရှိပုံမပေါ်ပါဘူး။
 ဒီချုပ်ပါတီဝင်တွေလည်းဘာမျှမသိနိုင်သလို၊ပြည်သူတွေကတော့ ဝေးရောပေါ့။ ဘာသိကြရှာမှာလဲ။ ဂျာနယ်တွေမှာ ပေါ်ပေါ် လွင်လွင်ဖေါ်ပြနေကြတဲ့ဓါတ်ပုံတွေကြည့်ပြီး စိမ်းလဲ့ကန်သာအစိုးရဧည့်ဂေဟာမှာ ပြည်ထောင်စုဝန်ကြီး နဲ့ ဒေါ်အောင်ဆန်းစုကြည်တို့တွေ့ကြတယ်ဆိုတာ လောက်သာသိပေလိမ့်မယ်။
 စိမ်းလဲ့ကန်သာတွေ့ဆုံမှုမှာဘာအကြောင်းအရာတွေပါဝင်သလဲ၊ ဘယ်လိုပုံစံနဲ့ဆွေးနွေးကြတာလဲ၊ ဘယ်လိုအကြောင်းအရာ တွေကိုဘယ်လောက်အတိုင်းအတာအထိ သဘောတူညီမှုတွေရရှိခဲ့သလဲ၊ သဘောတူညီမှုမရရှိသေးတဲ့ပြဿနာတွေက ဘာတွေလဲစသဖြင့် ပါတီဝင်တွေ၊ မဟာမိတ်တွေ၊ ပြည်သူတွေသိရှိပြီး အဆုံးအဖြတ်ပေးနိုင်အောင်၊ ပါဝင်ဆောင်ရွက်နိုင်အောင်  (စစ်တပိုင်း အစိုးရ ဘက်မှ ထုတ်မပြောသည့်တိုင်)အမျိုးသားဒီမိုကရေစီအဖွဲ့ချုပ် (NLD) အနေဖြင့် ထုတ်ဖေါ်တင်ပြရန်တာဝန်ရှိပါတယ်။
ဒါ့အပြင် လွှတ်တော်ကိုယ်စားလှယ်များအနေဖြင့်လည်း နိုင်ငံတော်သမ္မတနဲ့တစ်ကြိမ်၊  ပြည်ထောင်စုဝန်ကြီးတစ်ဦးနဲ့(၄)ကြိမ် “မှတ်ပုံတင်ခြင်းမရှိသေးသည့်နိုင်ငံရေးပါတီ” တစ်ခုမှ ခေါင်းဆောင်တစ်ဦး တွေ့ဆုံနေမှုများနဲ့ပတ်သက်ပြီးကျင်းပဆဲ လွှတ်တော်ထဲမှာ   မေးမြန်းသင့်၊မေးမြန်းထိုက်တဲ့ မေးခွန်းတစ်ခုလည်းဖြစ်ပါတယ်။
စိမ်းလဲ့ကန်သာတွေ့ဆုံမှုရလဒ်ဆိုသည်မှာ “ပြင်ဆင်ပေးလိုက်သောနိုင်ငံရေးပါတီများမှတ်ပုံတင်ခြင်းဥပဒေ” နဲ့အညီ မှတ်ပုံတင် ရေး ဖြင့်သာလျှင် အဆုံးသတ်နိဂုံးချုပ်သွားပြီလော။
ပြင်ဆင်လိုက်သော နိုင်ငံရေးပါတီများမှတ်ပုံတင်ခြင်းဥပဒေနဲ့ အညီ (NLD) က မှတ်ပုံတင်တော့မည်ဟူသည့် “လေသံများ” အကြားတွင် တွေ့ဆုံဆွေးနွေးရေးသည်နစ်မွန်းပျောက်ဆုံးသွားပြီလော။
(နအဖ) စစ်အစိုးရက ၂၀၀၈ ခုနှစ်၊ မေလ (၂၆) ရက်နေ့စွဲဖြင့်ထုတ်ပြန်ခဲ့သော  “ပြည်လုံးကျွတ်ဆန္ဒခံယူပွဲရလဒ်” ကြေညာ ချက်အမှတ်(၁၂/၂၀၀၈) နှင့် ၂၀၀၈ ခုနှစ်၊ မေလ (၂၉) ရက်နေ့စွဲဖြင့် ထုတ်ပြန်ခဲ့သော “ဖွဲ့စည်းပုံအခြေခံဥပဒေအတည်ပြုကြောင်း” ကြေညာချက်အမှတ် (၇/၂၀၀၈) တို့ကို “လုံးဝတရားဝင်မှုမရှိ/လုံးဝလက်မခံပါ”ဟု အမျိုးသား ဒီမိုကရေစီအဖွဲ့ချုပ်က ၂၀၀၈ ခုနှစ်၊ ဇွန်လ ၆ ရက်နေ့တွင်ကျင်းပသော ဗဟိုအလုပ်အမှုဆောင်အစည်းအဝေးကဆုံးဖြတ်ခဲ့ပြီး၂၀၀၈ခုနှစ်၊ ဇွန်လ (၁၀) ရက်နေ့စွဲဖြင့် ထုတ်ပြန်ခဲ့သော “အထူးကြေညာချက်အမှတ် (၁၃/၆/၀၈)” သည် အဘယ်သို့ အဆုံးသတ်သွားပြီလဲ။
မည်သို့ပင်ဖြစ်စေ ပြည်ထဲရေးဝန်ကြီးဌာန၊ပြည်ထောင်စုဝန်ကြီး ဒုတိယဗိုလ်ချုပ်ကြီး ကိုကို ထံသို့ဒေါ်အောင်ဆန်းစုကြည်မှ “တွေ့ဆုံဆွေးနွေးလိုကြောင်း” စာပေးပို့သည် ၂၀၁၁ခုနှစ်၊ ဇွန်လ ၂၉ ရက်နေ့ မှ ၂၀၁၁ ခုနှစ်၊အောက်တိုဘာ ၃၀ ရက်နေ့၊ စိမ်းလဲ့ကန် သာတွေ့ဆုံမှုအထိ ဖြစ်စဉ်များ၊ အခြေအနေများကို ဒီချုပ်ပါတီဝင်များ၊ဒီချုပ်အရေးဝန်းရံကြသူများ၊ တိုင်းရင်းသားပြည်သူများ လေ့လာ ၊ သိရှိ ၊ ဆုံးဖြတ်နိုင်ကြစေရန်အတွက်ဒေါ်အောင်ဆန်းစုကြည်ကဖြစ်စေ၊ (NLD) ပါတီကဖြစ်စေ ရှင်းလင်းတင်ပြပေးရန် အထူးလိုအပ်ပါ တယ်။
“ဒီမိုကရေစီ”ကို လေးစားတန်ဖိုးထားသောဒီမိုကရေစီပါတီတို့သည် တိုင်းပြည်နဲ့ပြည်သူလူထုထံ အစီရင်ခံကြရစမြဲ။ တိုင်းပြည် နဲ့ပြည်သူလူထု၏ အသံကို နားထောင်ကြရစမြဲ မဟုတ်ပါလော။
ညွန်း
       မြန်မာအလင်းသတင်းစာ၊၂၀၁၁ အောက်တိုဘာ ၁ ရက်။
       အမျိုးသားဒီမိုကရေစီအဖွဲ့အထူးကြေညာချက်၁၃/၆/၀၈၊  ၂၀၀၈ ခုနှစ်၊ ဇွန်လ ၁၀ ရက်
       မြန်မာအလင်းသတင်းစာ၊  ၂၀၀၈ မေလ ၂၇ ရက်။
       မြန်မာအလင်းသတင်းစာ၊  ၂၀၀၈ မေလ ၃၀  ရက်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်