>Yan Win (Taung Da Gar) – Myanmar Palway & World Flutes

December 19, 2011

>

မြန်မာ့ပလွေ နှင့် ကမ္ဘာ့ပလွေများ
ရန်ဝင်း (တောင်တံခါး)
ဒီဇင်ဘာ ၁၉၊ ၂၀၁၁
မြန်မာ့ရိုးရာပလွေတွေက ကမ္ဘာရပ်ရပ် နိုင်ငံအသီးသီးမှာရှိကြတဲ့ ပလွေအမျိုးစုံနဲ့ တည်ဆောက်ပုံချင်း ကွဲပြားခြားနားရုံတင်မကဘဲ မှုတ်ပုံမှုတ်နည်း ပညာရပ်တွေပါ ကွဲပြားခြားနားကြပါတယ်။ 
ဒါကလည်း ရိုးရာဓလေ့ ခြားနားပြီး မတူညီနိုင်တဲ့ ဂီတဖွဲ့စည်းပုံနဲ့ ကြိုက်နှစ်သက်ကြတာချင်း ကွဲပြားကြတာတွေကြောင့် ဂီတကိုဖော်ထုတ်တဲ့ တူရိယာကအစ အားလုံး ကိုယ်စီကိုယ်ငှ တမျိုးတဘာသာစီ ရှိကြပေလိမ့်မယ်။ တူညီတဲ့အချက်ကတော့ ပလွေရှင်ရဲ့ ဖန်တီးမှုကတဆင့် ဖော်ကျူးလိုက်တဲ့ သူ့ရင်ထဲ၊ နှလုံးသားထဲက ဂီတသံကို ဖြန့်ဝေလိုက်ခြင်းပါပဲ။ 
အဲဒီ ပလွေတေးသံ ဖန်တီးရှင်တွေရဲ့ လက်စွဲဖြစ်တဲ့ ကမ္ဘာအရပ်ရပ်က ပလွေတွေကို အုပ်စုခွဲလိုက်ရင် လှုပ်ရှားတဲ့ ခလုတ် ကရိယာ အစိတ်အပိုင်းတွေပါတဲ့ (mechanical) ပလွေ နဲ့ လှုပ်ရှားတဲ့ ကရိယာ အစိတ်အပိုင်းတွေ မပါတဲ့ (non- mechanical) ပလွေ အုပ်စုနှစ်မျိုးရှိပါတယ်။ 
လှုပ်ရှားတဲ့ ခလုတ် ကရိယာ အစိတ်အပိုင်းတွေပါတဲ့ (mechanical) ပလွေအုပ်စုမှာတော့ ရှေးခေတ်ဟောင်းစနစ် ပလွေတွေနဲ့ ခေတ်သစ်စနစ်ပလွေတွေ ရှိပါတယ်။ သတ္တုမျိုးစုံ၊ သစ်သားအမျိုးမျိုးနဲ့လုပ်ထားပြီး အရွယ်အစားကလည်း အသံစဉ် နဲ့ မူလထုတ်လုပ်တဲ့နိုင်ငံတွေရဲ့ ပုံစံကိုမူတည်ပြီး၊ အမျိုးမျိုး အဖုံဖုံရှိနေလို့ လေ့လာစရာဆိုတာ သိပ်ကို များပြားပါတယ်။

ခလုတ်ပါ အိုင်းရစ်ပလွေ KEYED IRISH FLUTE
ခေတ်သစ်ပလွေ MODREN WESTERN CONCERT FLUTE
ခေတ်သစ် ဘယ်သံပလွေကြီးများ
ခေတ်သစ် ဘယ်သံပလွေကြီး
SUBCONTRABASS ‘G’
ခေတ်သစ် ဘယ်သံပလွေကြီး
DOUBLE CONTRABASS ‘C’
လှုပ်ရှားတဲ့ ကရိယာ အစိတ်အပိုင်းတွေမပါတဲ့ ပလွေတွေက ရိုးရာပလွေတွေပါပဲ။ အဲဒီပလွေတွေကို ထပ်ပြီးအုပ်စုခွဲရင် သုံးမျိုးပဲ ရှိပါတယ်။ အဖျားပိုင်းမှုတ် ပလွေ (DIAGONAL/END-BLOWN FLUTE)၊ ကျော်ပလွေ (TRANSVERSE FLUTE) နဲ့ ခင်ပလွေ (DUCT FLUTE) ဖြစ်ပါတယ်။ 
တူးဖော်ရရှိတဲ့ ရှေးအကျဆုံးပလွေကတော့ နီယံဒါသော (NEANDERTHAL) ဂူအောင်း ကျောက်ခေတ်လူသား အရိုးပလွေ လို့ ယုံကြည်လက်ခံသူတွေ များပါတယ်။ ဝက်ဝံအရိုးနဲ့ လုပ်ထားတယ်လို့ မှန်းဆကြတယ်။ တရုတ်နိုင်ငံမှာ တူးဖော်ရရှိတဲ့ သမိုင်းခေတ်ဦး အရိုးပလွေတွေက အဖျားပိုင်းမှုတ် ပလွေ (DIAGONAL/END-BLOWN FLUTE) တွေ ဖြစ်ကြတယ်။ ပညာရှင်တွေက စမ်းသပ်မှုတ်ကြည့်တော့ ဒီကနေ့ တရုတ်နိုင်ငံမှာသုံးနေဆဲ အသံစဉ်တွေနဲ့ ကိုက်ညီတယ်လို့ ဆိုပါတယ်။
နီယံဒါသော NEANDERTHAL ဂူအောင်း ကျောက်ခေတ်လူသား အရိုးပလွေ
တရုတ်နိုင်ငံမှာတွေ့ရတဲ့ သမိုင်းခေတ်ဦး အရိုးပလွေများ
ကမ္ဘာအရပ်ရပ်မှာရှိတဲ့ ပလွေအမျိုးမျိုးတွေထဲမှာ DIAGONAL တစောင်းမှုတ်ပလွေတွေက အစောဆုံး ပေါ်ပေါက်ခဲ့တာ ဖြစ်ပေလိမ့်မယ်။ အလေ့အကျင့်တော်တော်ရှိမှ အသံထွက်အောင် မှုတ်နိုင်ပါတယ်။
အရှေ့အလယ်ပိုင်းဒေသ ရိုးရာ DIAGONAL တစောင်းမှုတ်ပလွေ NEY
တည်ဆောက်ပုံဆင်ဆင်တူတဲ့ ပလွေတွေက ဂျပန်နိုင်ငံဇာတိ ရိုးရာ SHAKUHACHI ပလွေ၊ တောင်အမေရိကတိုက် ရိုးရာ ခေနာKENA ပလွေနဲ့ တရုတ်နိုင်ငံ ရိုးရာ XIAO ပလွေတွေ ဖြစ်ပါတယ်။ DIAGONAL စစ်စစ်မဟုတ်ပေမယ့် ဆင်တူတဲ့ ထိပ်ဖျားပိုင်းမှုတ် END-BLOWN FLUTE တွေ ဖြစ်ပါတယ်။
ဂျပန်နိုင်ငံဇာတိ ရိုးရာ SHAKUHACHI ပလွေ
တောင်အမေရိကတိုက် ရိုးရာ ခေနာ KENA ပလွေ
တရုတ်နိုင်ငံ ရိုးရာ XIAO ပလွေ
DUCT FLUTE ခင်ပလွေအုပ်စုကတော့ အကျယ်ဝန်းဆုံးအုပ်စုပါ။ အရွယ်အမျိုးမျိုး၊ အသံစဉ်အမျိုးမျိုး စုံလင်တာကြောင့် လေ့လာစရာ သိပ်များပါတယ်။
တောင်အမေရိက ရှေးခေတ် MAYAN လူမျိုး ရိုးရာ သစ်သားခင်ပလွေ
ကမ္ဘာကျော် ‘ပဲနိ’ ခင်ပလွေ PENNY WHISTLE
အိုင်းရစ် ဒန်သတ္တု ဘယ်သံ ခင်ပလွေ ALLUMINUM LOW WHISTLE
အနောက်တိုင်း ပလပ်စတစ် RECORDER ခင်ပလွေ
အနောက်တိုင်း သစ်သား ECORDER ခင်ပလွေ
အမေရိကန်နိုင်ငံ မူလဇာတိသား ရိုးရာ LOVE FLUTE ခင်ပလွေ
ထိုင်းနိုင်ငံ ရိုးရာ KHLUI ခင်ပလွေ
အင်ဒိုနီးရှားနိုင်ငံ ရိုးရာ SULING ခင်ပလွေ
မြန်မာ့ရိုးရာ ဝါးခင်ပလွေ
ခင်ပလွေတွေလိုပဲ အမျိုးစုံတဲ့ အုပ်စုကတော့ ကျော်ပလွေ တွေပါ။ လက်နှိပ်ပေါက် ၄ ပေါက်က စပြီး ၉ ပေါက်၊ ၁ဝ ပေါက်အထိ ရှိပါတယ်။
တရုတ်နိုင်ငံ ရိုးရာ DIZI ကျော်ပလွေ
အိန္ဒိယပြည် တောင်ပိုင်း ရိုးရာ BANSURI ကျော်ပလွေ
ကိုရီးယားနိုင်ငံ ရိုးရာ DAEGEUM ကျော်ပလွေ
ဂျပန်နိုင်ငံ ရိုးရာ SHINOBUE ကျော်ပလွေ
ခင်ပလွေဖြစ်ပေမယ့် အလုံပိတ် အိုးပုံလို ပုံစံရှိတဲ့ VESSEL FLUTE တွေက ထူးခြားပါတယ်။ OCARINA လို့ ခေါ်ကြတယ်။ THE GOOD, THE BAD, THE UGLY ရုပ်ရှင်ရဲ့ နာမည်ကျော် နောက်ခံတီးလုံးမှာပါတဲ့ ပလွေသံက အိုကာရီနာ ပလွေသံပါပဲ။
တောင်အမေရိကတိုက်က ရှေးခေတ် MAYAN လူမျိုး ရိုးရာ OCARINA မြေအိုး ပလွေ
OCARINA မြေအိုးထက်ခြမ်းပုံ ပလွေ
SWEET POTATOE ခေါ် မြေအိုး ပလွေ
ရှေးဟောင်းအကျဆုံး ပလွေအမျိုးအစားပဲလို့ ပြောလေ့ရှိတဲ့ ပလွေတမျိုးကတော့ PAN FLUTE ပင် ပလွေမျိုးပါ။ ပင် ပလွေတွေမှာ အကြီး အသေး စီထားတဲ့ ဝါးလုံး၊ သစ်သားထွင်းလုံး၊ အရိုး၊ ကြွေ၊ စဥ့်၊ ကျောက်စိမ်း အမျိုးစုံရှိပါတယ်။ တည်ဆောက်ပုံ ရိုးစင်းပြီး အသံထွက်အောင်မှုတ်ဖို့လည်း လွယ်ကူပေမယ့် တေးသံစဉ်ဖွဲ့စည်းရာမှာ ခက်ခဲတဲ့ ပလွေတွေပါပဲ။
ရိုမေနီယံ ရိုးရာဇာတိ ပင် PAN ပလွေ
ခင်ပလွေ နဲ့ ပင်ပလွေ နှစ်မျိုးစပ် တောင်အမေရိက ပလွေ
တောင်အမေရိက ပီရူးဗီယံ ပင် ပလွေ
မဒီဗယ်ခေတ် ရီကော်ဒါ RECORDER ပလွေရှင်
ရိုမေနီယံ ပင် PAN ပလွေရှင်
အိုကာရီနာ ပလွေရှင်
အမေရိကန်နိုင်ငံ မူလဇာတိသား ရိုးရာ ပလွေရှင်
ပါရှန်းဒေသ မူလဇာတိ ရိုးရာ NEY တစောင်းမှုတ်ပလွေရှင်
အရှေ့အလယ်ပိုင်းဒေသ ရိုးရာ NEY တစောင်းမှုတ်ပလွေရှင်
ဂျပန်နိုင်ငံရိုးရာ ရှာခုဟာချိ SHAKUHACHI ပလွေရှင်
မြန်မာ့ရိုးရာ ပလွေရှင်
မြန်မာ့ရိုးရာ ‘ပလွေ’ ကလည်းပဲ ပြုလုပ်ထားပုံ ရိုးစင်းသလောက် ပညာရပ်က အင်မတန် ကျယ်ဝန်းပါတယ်။ နွားကျောင်းသားတွေက အစ အိုးစည် ဒိုးပတ်ဝိုင်း အလယ်၊ မြန်မာ့ဆိုင်းဝိုင်းကြီး အဆုံး၊ မြန်မာ့သီချင်းကြီး ထိုင်ဆိုတီးဝိုင်း၊ အငြိမ့် ဇာတ်ပွဲပါမကျန် တီးမှုတ်သုံးစွဲကြတာဆိုတော့ ပညာရပ် အတိမ်အနက် ကွဲပြားချက် အမျိုးမျိုးရှိရမှာ အမှန်ပါပဲ။
နွားကျောင်းသားကလည်း နားထောင်သူ ရှိရှိ မရှိရှိ၊ စည်းဝါးကျကျ မကျကျ၊ နွားကျောင်းသားသဘာဝအလျောက် နွားကျောင်းရင်း မှုတ်ပေလိမ့်မယ်။ တူရိယာပညာရှင်ကလည်း ပညာရှင်ပီပီ သူ့ပါရမီ စွမ်းအားရှိသလောက် ဂီတကို သူနှစ်သက်သလို လွတ်လွတ်လပ်လပ် ဖန်တီးပေလိမ့်မယ်။ မြန်မာ့ရိုးရာပလွေ က အဲဒီလို ကြိုက်သလို တီးမှုတ်နိုင်ခွင့်ရှိတဲ့ မြန်မာ့ရိုးရာတူရိယာပါပဲ။
မြန်မာ့ရိုးရာ ပလွေကလေး အသံစဉ် 
ကမ္ဘာ့ ပလွေတွေနဲ့ ရင်ပေါင်တန်းနိုင်တဲ့အကြောင်းကိုတော့ မြန်မာ့ရိုးရာ ပလွေပညာရှင်တွေရဲ့ တေးဂီတ က သက်သေပြနေကြပါတယ်။ ကိုယ့်ရိုးရာကို ထိန်းသိမ်းပြီး ဂုဏ်ယူချင်စရာပါပဲ။ ကမ္ဘာအရပ်ရပ်က ပလွေတမျိုးချင်းစီရဲ့ ကွာခြားချက် အသေးစိတ်တွေကိုတော့ နှိုင်းယှဉ်ပြဖို့ မလွယ်ကူပါ။ ကျမ်းတစောင်တဖွဲ့ ရေးရပေလိမ့်မယ်။ ပလွေတူရိယာတွေရဲ့ တည်ဆောက်ပုံနဲ့ ပုံစံကွဲပြားချက်တွေကိုသာ လက်လှမ်းမီသလောက် တင်ပြလိုက်ပါတယ်။ 
ပလွေရှင်တွေအတွက် အရေးကြီးတဲ့အချက်ကတော့ ရင်ထဲက ခံစားချက်နဲ့ စေတနာကို ဖော်ကျူးကြဖို့ပါပဲ။
‘ဂျလာအက်ဒင် မူဟာမက် ရူမီ (၁၂ဝ၇-၁၂၇၃)’ ဆိုတဲ့ ပါရှန်း ကဗျာဆရာကြီးက ရေးခဲ့တယ်။ ပလွေကို မှုတ်လိုက်ပြီဆိုကတည်းက တေးသံကို ပလွေက ဖန်တီးတာမဟုတ်တော့ဘဲ ပလွေမှုတ်သူကသာ ဖန်တီးရှင်ပါတဲ့။
“The Fluteplayer puts breath into a flute,
And who makes the music?
Not the flute.
The Fluteplayer!”
(Jelaluddin) Jalal ad-Din Muhammad Rumi (1207-1273)

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Uncategorized

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …


MoeMaKa Monthly February 2017 ထွက်ပြန်ဘီ တဲ့..

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ

By

မိုးမခ ဖေဖော်ဝါရီကို အိမ်အရောက် မှာယူနိုင်ပါပြီ (မိုးမခ) ဇန်နဝါရီ ၄၊ ၂၀၁၇ တရားမျှတဖို့ အတွက်...

Read more »

မိုးမခမဂ္ဂဇင်းကို မြန်မာပြည်အနှံ့ အိမ်အရောက် ပို့ဆောင်ပေးနေပါတယ်

By

မိုးမခမဂ္ဂဇင်းကို မြန်မာပြည်အနှံ့  အိမ်အရောက် ပို့ဆောင်ပေးနေပါတယ် (မိုးမခ) ဇန်နဝါရီ ၆၊ ၂၀၁၇ ၂၀၁၆...

Read more »

မိုးမခ နိုဝင်ဘာကို အိမ်အရောက် မှာယူပါ

By

” ကဗျာဖတ်ချင်ရင် မိုးမခမှာဖတ်ပါ စာဖတ်ချင်ရင် မိုးမခမှာဖတ်ပါ တရွေ့ရွေ့နဲ့ ရှေ့တန်းရောက်လာတဲ့ မဂ္ဂဇင်း .....

Read more »

မိုးမခမဂ္ဂဇင်း အောက်တိုဘာကို အိမ်အရောက် မှာယူပါ

By

 မိုးမခမဂ္ဂဇင်း အောက်တိုဘာကို အိမ်အရောက် မှာယူပါ  (မိုးမခ) အောက်တိုဘာ ၁၃၊ ၂၀၁၆ “အ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကာတွန်း Joker ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သင်းလဲ့ဝင်း (Myanmar Now) သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) လောကပါလ သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်