iPhone, iPad ၀ယ်ရန် တရုတ်ဆယ်ကျော်သက် ကျောက်ကပ် ထုတ်ရောင်းမှု နောက်ဆက်တွဲသတင်း

April 7, 2012

 

AP သတင်းဌာန
ဧပြီ ၇၊ ၂၀၁၂


တရုတ်ဆယ်ကျော်သက်ကောင်လေးတစ်ဦးက iPhone နှင့် iPad ၀ယ်ရန် သူ၏ ကျောက်ကပ်တစ်ဖက်ကို ထုတ်ရောင်းပြီးနောက် ထိုဖြစ်ရပ်တွင် ပါဝင်သူ တရုတ်နိုင်ငံ အလယ်ပိုင်းမှ ၅ ဦးကို အာဏာပိုင်များက တရားစွဲလိုက်သည်။

Chenzhou မြို့ အာဏာပိုင်တို့က ထို ၅ ဦးအား ဆယ်ကျော်သက်ထံမှ ကျောက်ကပ်ထုတ်ယူရေးအတွက် ပူးပေါင်းဆောင်ရွက်ပြီး ရည်ရွယ်ချက်ရှိရှိ နာကျင်စေမှုဖြင့် တရားစွဲထားခြင်းဖြစ်ကြောင်း၊ Wang အမည်ရှိ ထိုဆယ်ကျော်သက် အထက်တန်းကျောင်းသားမှာ အသက် ၁၇ နှစ်အရွယ် ရှိကြောင်း အစိုးရဆင်ဟွာသတင်းဌာနက သောကြာနေ့နှောင်းပိုင်းတွင် သတင်းထုတ်ပြန်ထားသည်။

ဟူနန်ပြည်နယ် Chenzhou Beihu ဒေသ တရားရေးဌာန၏ စနေနေ့တာဝန်ကျ အမျိုးသမီးတဦး၏အဆိုရ တရားရေးအရာရှိများက ထိုအမှုကို ကိုင်တွယ်နေပြီး ထို ၅ ဦးသည် ရည်ရွယ်ချက်ရှိရှိ နာကျင်စေမှုဖြင့် တရားစွဲခံနေရသည်ဟု ဆိုသည်။

ထို ၅ ဦးမှာ ဆရာဝန်တဦး၊ ဆေးရုံ ကန်ထရိုက်တာ တဦး၊ ကျောက်ကပ်အလှူရှင်အား အင်တာနက်တွင် ရှာဖွေပြီး ခွဲစိတ်ခန်းစီစဉ်ပေးသည့် ပွဲစားများ ဖြစ်သည်ဟု ဆင်ဟွာသတင်းဌာနက ဆိုသည်။

တရုတ်နိုင်ငံတွင် ခန္ဓာကိုယ် အစိတ်အပိုင်း အစားထိုး ခွဲစိတ် ကုသမှု ခံယူရန် လိုအပ်နေသူပေါင်း တသန်းခွဲခန့်ရှိကြောင်း၊ နှစ်စဉ် ခွဲစိတ်ကုသမှု ခံယူနိုင်သူ တသောင်းခန့်သာ ရှိကြောင်း၊ ခန္ဓာကိုယ် အစိတ်အပိုင်း ကုန်သွယ် ရောင်းဝယ်မှုများ တရားမ၀င် လုပ်ကိုင်မှု ပိုမိုများပြားလာနေကြောင်း သတင်းတွင် ရေးထားသည်။

တရားစွဲခံနေရသူများထဲမှ He Wei ဆိုသူက လောင်းကစားအကြွေးများကြောင့် ကျောက်ကပ်ပွဲစားလုပ်ခဲ့သည်ဟု ဆိုသည်။ သူက ပြီးခဲ့သည့်နှစ် ဧပြီလတွင် အင်တာနက် chat room များမှတဆင့် ကျောက်ကပ်အလှူရှင် ရှာဖွေရန် တခြားတဦးကို ညွှန်ကြားခဲ့ပြီး နောက်တဦးကိုလည်း ခွဲစိတ်ခန်း စီစဉ်ရန် ညွှန်ကြားခဲ့သည်။

အစားထိုး ခွဲစိတ် ကုသမှုအတွက် ဒေါ်လာ သုံးသောင်းခွဲ ရခဲ့ပြီး ဆယ်ကျော်သက် ကျောင်းသားအား ဒေါ်လာ ၃၅၀၀ ပေးခဲ့ကြောင်း၊ ကျန်ငွေများကို အမှုတွင် ပါဝင်နေသူများနှင့် ခွဲဝေယူခဲ့ကြောင်း ဆင်ဟွာသတင်းတွင် ရေးထားသည်။ ခွဲစိတ်ရာတွင် ပါဝင်သည့် ကျန်းမာရေးဝန်ထမ်း အများအပြားကိုလည်း ငွေကြေး ခွဲဝေပေးခဲ့သည်ဟု ဆိုသည်။

ဆယ်ကျော်သက် အိမ်ပြန်သည့်အခါ iPhone နှင့် iPad မည်သို့ ၀ယ်ယူခဲ့ကြောင်း မိခင်ဖြစ်သူက မေးမြန်းရာ သူက ကျောက်ကပ်တဖက်ရောင်းခဲ့ရပုံကို ပြန်ပြောပြလိုက်သည်ဟု ဆိုသည်။

ပြီးခဲ့သည့်လအတွင်း ကျောက်ကပ်ရောင်းခဲ့သူ၊ ရောင်းချရန် စိတ်ကူးခဲ့သူများ ရှိသည်ဟု The Southern Daily သတင်းစာက ဆိုသည်။ အကြွေးဆပ်ရန်၊ စမတ်ဖုန်းဝယ်ရန်၊ ချစ်သူရည်းစားတွင် ရှိနေသော ကိုယ်ဝန် ဖျက်ချရန် စသည့် ရည်ရွယ်ချက်များဖြင့် ထိုသို့ ရောင်းချခြင်း၊ ရောင်းရန် စိတ်ကူးခြင်းဖြစ်သည်ဟု သိရသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မျက်မှောက်ရေးရာ, သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊ အချိန်မီ ထွက်ပါပြီ

By

  မိုးမခလစဉ်မဂ္ဂဇင်း ဇွန် ၂၀၁၈ ၊ တွဲ ၅၊ မှတ် ၂၊...

Read more »

ရဲဘော် မောင်တူးရဲ့ သက်ရှိပန်းချီ

By

  ရဲဘော် မောင်တူးရဲ့ သက်ရှိပန်းချီ  (မိုးမခစာအုပ်စင်) မေ ၃၊ ၂၀၁၈ ခေါင်းစဉ်...

Read more »

မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ

By

  မိုးမခမဂ္ဂဇင်း မေ ၂၀၁၈၊ အတွဲ ၅၊ အမှတ် ၁ ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်