Maung Wuntha – တိုက်ခိုက်စာတချို့နဲ့ စပ်လျဉ်းလို့ ရှင်းပြချက်

April 19, 2012

 
တိုက်ခိုက်စာတချို့နဲ့ စပ်လျဉ်းလို့ ရှင်းပြချက်

မောင်ဝံသ၊ ဖေ့စ်ဘွတ်၊ ဧပြီ ၁၉၊ ၂၀၁၂

မိတ်ဆွေများခင်ဗျာ

ခုတလော၊ ခုတလောမကပါဘူး၊ အတော်တောင်ကြာခဲ့ပါပြီ။ Facebook မှာ Mizu yota  ဆိုတဲ့ နာမည်နဲ့ အကောင့်ဖွင့်ထားသူတစ်ယောက်က ကျွန်တော့်ကို ပုဂ္ဂိုလ်ရေးတွေ တိုက်ခိုက်ပါတယ်။ လွန်လွန်းလာတော့ ကျွန်တော် သူ့ကို  block လုပ်လိုက်ရပါတယ်။

အဲဒီတော့ ဘာလုပ်သလဲဆိုတော့ Burma Media Wash အမည်နဲ့ ဖွင့်ပြီး ကျွန်တော့်ကို စွပ်စွဲတိုက်ခိုက်တဲ့စာတွေ ကျွန်တော့်ရဲ့ ပြည်သူ့ခေတ်ဂျာနယ်အပါအ၀င်  email လိပ်စာအများကြီးဆီပို့ပြီး သဲသဲမဲမဲ ဆက်လုပ်ပါတယ်။

သူဘယ်သူဆိုတာ ကျွန်တော် ခန့်မှန်းလို့ရပါတယ်။

ဘာကြောင့် ခုလို ကျွန်တော့်ကို သဲသဲမဲမဲ တိုက်ခိုက်နေတယ်ဆိုတာလဲကျွန်တော်ခန့်မှန်းလို့ရပါတယ်။

သူ့ကို လူပုဂ္ဂိုလ်တစ်ယောက်ယောက် သို့မဟုတ် အုပ်စုတစ်စုစုက ကျွန်တော့်ကို တိုက်ခိုက်ခိုင်းလို့သူ့ခမျာ သူ့ဆန်စား ရေးမှ ဆိုသလို လုပ်နေရတာပဲလို့ ကျွန်တော်နားလည်လိုက်ပါတယ်။

ကျွန်တော့်ကိုသာမက ဆရာ ဦးဝင်းတင်ကိုပါ တိုက်ခိုက်လာတဲ့အခါ သူဟာ ဘယ်လို ဂိုဏ်းဂဏ ၀ါဒအစွဲရှိသူလဲဆိုတာကို ဖတ်မိသူများလဲ ခန့်မှန်းလို့ရမှာပါ။

ကျွန်တော့်ကို စေတနာထားသူများက ခင်ဗျားကို ဒီလောက် တိုက်ခိုက်နေတာ ပြန်ဖြေရှင်းပါလားလို့ ပြောကြပါတယ်။ ကျွန်တော်ကတော့ သူ့ တိုက်ခိုက်စာတွေကို သေချာဖတ်ရှုစိစစ်တတ်သူတိုင်း  ကိုယ်ပိုင်ဥာဏ်နဲ့ ချင့်ချိန်နိုင်မှာပါ၊ ဖြေရှင်းစရာ မလိုပါဘူးလို့ပြန်ပြောခဲ့ပါတယ်။

သို့ပေမယ့် ရှင်းလင်းပြောပြဖို့ လိုတဲ့ အချက်တချို့ကိုတော့ အချိန်တန်ရင် ရှင်းပြဖို့ ကျွန်တော် စိတ်ကူးထားပြီး ဖြစ်ပါတယ်။

ပထမအချက်က အဲဒီလူရဲ့ စွပ်စွဲချက်ထဲမှာ ထပ်တလဲလဲ ဖော်ပြတဲ့ ကျွန်တော်ဟာ ထောင်ထဲက လက်မှတ်ထိုးပြီး ထွက်လာတယ်ဆိုတဲ့ စွပ်စွဲချက်ပါ။ အဲဒါကတော့ ကျွန်တော့်ရဲ့ နိုင်ငံရေးဘ၀နဲ့ သက်ဆိုင်နေတာဖြစ်လို့ ရှင်းပြဖို့ လိုမယ်ထင်ပါတယ်။

ကျွန်တော်ဟာ ၁၉၈၉ ဇူလိုင်လ ၂၀ ည ၈နာရီခွဲလောက်မှာ ထိုစဉ်က  NLD ဌာနချုပ်ရုံး ( အမှတ် ၄၄ တက္ကသိုလ် ရိပ်သာလမ်း)ကနေ ဦးမိုးသူ၊ ဦးဝင်းထိန်တို့နဲ့အတူ ဖမ်းဆီးသွားခြင်းခံခဲ့ရတယ်။ အင်းစိန်ထောင်မှာ ၁၀ (က)နဲ့ ထိန်းသိမ်းခံခဲ့ရပြီး  ၁၉၉၀ ဧပြီလ ၂၄ မှာ ပြန်လွတ်တယ်။

NLD က ရွေးကောက်ပွဲ ၀င်ဖို့ အမတ်လောင်း ပုံစံ ထောင်ထဲ ပို့လိုက်တာကို သဘောတူကြောင်း NLD ပုံစံမှာ လက်မှတ်ထိုးပေးခဲ့တာပဲ ရှိပါတယ်။ တစ်ခြား ခံဝန်လက်မှတ် တစ်စုံတစ်ရာမှ မထိုးခဲ့ရပါ။

အဲဒီနောက် ဝေါမြို့နယ်ကနေ ရွေးကောက်ခံရပြီး ပြည်သူ့လွှတ်တော် ကိုယ်စားလှယ်ဖြစ်ခဲ့ပါတယ်။ ဂန္ဒီခန်းမ ညီလာခံပြီးတော့ နိုင်ငံရေး တင်းမာမှုတွေ ဖြစ်ခဲ့ပြီး ၁၉၉၀ အောက်တိုဘာ ၂၃ ညမှာ ပြန်အဖမ်းခံရပါတယ်။ အပြင်မှာ ၆လပဲ နေခဲ့ရပါတယ်။

အဲဒီနောက် စစ်ခုံရုံးက ထောင် ၇ နှစ်ချတယ်။ ၁၉၉၂ ဧပြီလ၂၄ မှာ ဗိုလ်ချုပ်စောမောင်ကိုအနားပေးပြီး ဗိုလ်ချုပ်သန်းရွှေတက်လာချိန်မှာ နိုင်ငံရေးအကျဉ်းသားအတော်များများကို လွှတ်ပေးတော့  ၁၉၉၂ ဧပြီ ၂၉ မှာ ကျွန်တော် လွတ်ခဲ့ပါတယ်။ လက်မှတ်တစ်စုံတစ်ရာ မထိုးခဲ့ရပါ။ န၀တ ခေါင်းဆောင် အပြောင်းအလဲမှာ သူ့သဘောသူဆောင်ပြီး လွှတ်ပေးတာပဲ ဖြစ်ပါတယ်။

၁၉၉၆ မေ ၂၁ မှာ ကျွန်တော် တတိယအကြိမ် ပြန်အဖမ်းခံရပါတယ်။ ဘာကြောင့်ဖမ်းတယ်ဆိုတာ သိတဲ့လူတွေကို မေးကြည့်ပါ။ ကျွန်တော် ဒုတိယအကြိမ် ထောင်ထဲရှိနေစဉ် ၁၉၉၁ မှာ မျိုးချစ်ရဲဘော်ဟောင်း ခေါင်းဆောင်စုက   NLD ကနေ ကျွန်တော့်ကို ထုတ်ပယ်ထားပေမယ့်  ၁၉၉၅ ဒေါ်စုလွတ်လာတော့ မနေနိုင်မထိုင်နိုင်  ဒေါ်စုဆီကို ကျွန်တော် ပြန်သွားပြီး ၀ိုင်းရံနေခဲ့လို့ သောက်မြင်ကပ်ပုဒ်မနဲ့ ဖမ်းထည့်တာ ခံခဲ့ရတာပါ။

အဲဒီတုန်းက တစ်ပြည်လုံးသိမ်းကျုံးဖမ်းခဲ့တဲ့ တစ်ခြားအမတ်တွေအားလုံးလိုလို ပြန်လွှတ်ပေမယ့် ကျွန်တော်ရယ် ဗိသုကာဦးကျော်မင်းရယ် ဦးမိုးသူရယ်၊ ဦးအေးဝင်းရယ် ဦးသိန်းတင်ရယ်ကို အင်းစိန်ထောင်ပို့ပြီး ၁၀ (က)နဲ့ ပ်ိတ်ထားခဲ့တယ်။ ဦးသိန်းတင် ဦးကျော်မင်း ရောဂါသည်းလို့ ပြန်လွှတ်ပေးတယ်၊ မကြာခင်သေကုန်ကြတယ်။ ဦးမိုးသူ ဇနီး ၁၉၉၉ ဒီဇင်ဘာမှာ ဆုံးလို့ သူ့ကို ပြန်လွှတ်ပေးလိုက်တယ်။

ကျွန်တော်နဲ့ ဦးအေးဝင်းပဲ ထောင်ထဲကျန်တယ်။ ကျွန်တော်ဆေးရုံ ၂ကြိမ်တက်ရတယ်။ ဦးအေးဝင်းဆေးရုံ ၂ကြိမ်တက်ရတယ်။ မသေလို့ ကျန်ကြတာပါ။ နောက်ဆုံး ၂၀၀၁ မေလ၂၁ မှာ ကျွန်တော်တို့ ၅နှစ်ပြည့်တယ်။ ပုဒ်မ ၁၀ (က) အရ  ၅နှစ်ထက်ပိုထားလို့မရဘူး။

အဲဒါကြောင့် ကျွန်တော့် ဇနီးက ရှေ့နေနဲ့တိုင်ပင်ပြီး အစိုးရဆီကို စာတင်တယ်။ ဥပဒေအရဆိုရင် ကျွန်မယောင်္ကျားကို ၂၀၀၁ မေလ ၂၁ မှာ လွှတ်ပေးရမယ်၊ ဘာကြောင့်မလွှတ်ပေးတာလဲလို့ အရေးဆိုခဲ့တာပါ။ ကျွန်တော့်ဇနီးရဲ့ ရဲရဲဝံ့ဝံ့ အရေးဆိုမှုကြောင့် ကျွန်တော့်ကို ၅နှစ်နဲ့ ၂၃ ရက်အကြာ၊ ၂၀၀၁ ဇွန်လ ၁၃ ရက်မှာ ပြန်လွှတ်ပေးလိုက်တာပါ။

ခံဝန်လက်မှတ်ထိုးလို့ လွှတ်ပေးတာမဟုတ်ပါ။ လက်မှတ်ထိုးဖို့ နေနေသာ ကျွန်တော်ကတောင် ဥပဒေပါ တရားဝင်ခွင့်ပြုတဲ့ ချုပ်နှောင်ရက်ထက် ၂၃ ရက် ပိုနေခဲ့ရတာပါ။ ဦးအေးဝင်းကိုလဲ ကျွန်တော်နဲ့  ရှေ့ဆင့်နောက်ဆင့်ပဲ လွှတ်ပေးလိုက်ပါတယ်။

ကျွန်တော့်ကို တိုက်ခိုက်တဲ့စာတွေထဲမှာ တစ်ခြားအချက်အလက်တွေက ဖတ်မိသူတိုင်း ချင့်ချိန်နိုင်မှာဖြစ်လို့ ကျွန်တော် ဖြေရှင်းစရာ တစ်ခုမှ မပါပါ။

ကျွန်တော်ကြောက်ချီးပါပြီး ထောင်ထဲက လက်မှတ်ထိုး ဒူးထောက်ပြီး ထွက်လာတယ်ဆိုတာကိုကျတော့ တချို့လူငယ်တွေက အဖြစ်မှန်သိချင်ကြတယ်။

အဲဒါကြောင့် အဲဒီကိစ္စတစ်ခုတည်းကို ယခု ရှင်းပြလိုက်တာပါ။ ကျွန်တော့်ကို တိုက်ခိုက်တဲ့လူတွေကို ပြန်ဖြေရှင်းတာ မဟုတ်၊ ကျွန်တော့်အပေါ် ခင်မင်လေးစားတဲ့ လူငယ်တွေကို လေးစားသမှုနဲ့ ပြောပြတာပဲ ဖြစ်ပါတယ်။

လူငယ်မိတ်ဆွေတွေကို ထပ်မံပြောပြချင်တာက ကျွန်တော့်အကြောင်းကို သေချာဂန သိချင်ရင် ၁၉၆၂ကစပြီး ကျွန်တော့်ကို သိခဲ့သူ ကျောင်းနေဖက်များနဲ့ နောက်ပိုင်းမှာ သတင်းစာလောကမှာ ကျွန်တော်နဲ့အတူတူ အလုပ်တွဲလုပ်ဖူးတဲ့ အယ်ဒီတာတွေ သတင်းထောက်တွေ၊ စာစီသမားတွေ ဖိုမင်တွေကို မေးကြည့်ပါ။

ကျွန်တော်ဟာ လုပ်ဖော်ကိုင်ဖက်တွေနဲ့ ချစ်ချစ်ခင်ခင်နေတတ်ပြီး  ဘယ်သူ့ကိုမှ ချောက်မချခဲ့သူ၊ အလုပ်သမားတွေရှေ့က ရပ်ခဲ့သူဆိုတာ ပြောပြပါလိမ့်မယ်။ ကျွန်တော်ဟာ ဆရာဒဂုန်တာရာသြ၀ါဒဖြစ်တဲ့ ရန်သူမရှိ မိတ်ဆွေသာရှိဆိုတဲ့ မူကို တကယ်ကျင့်သုံးနိုင်ခဲ့တယ်လို့ ကိုယ့်ကိုယ်ကိုယ်ထင်မိပါတယ်။

သို့ပေမယ့် ခုတော့ ကျွန်တော့်ကိုလဲ ချမ်းသာမပေးဘဲ တိုက်ခိုက်တာတွေ ကိုယ်တွေ့ကြုံရပါပြီ။ စိတ်မကောင်းဖြစ်မိတာအမှန်ပါ။ နောက်ထပ် ကျွန်တော် ဘာမှ ထပ်မံ ဖြေရှင်းစရာမရှိပါ။ ကျွန်တော့်ကို တိုက်ခိုက်တဲ့စာတွေကို ဥာဏ်နဲ့ယှဉ်ပြီးသာ ကြည့်ကြပါတော့လို့ ပြောပါရစေ။

 (မိုးမခဖြည့်စာ – အထက်ပါဆောင်းပါးကို သူ၏ ဖေ့စ်ဘွတ်မှ ပြန်လည်ဖော်ပြပါတယ်။ စာရေးဆရာ အယ်ဒီတာ မောင်ဝံသဟာ လက်ရှိ ပြည်သူ့ခေတ်ဂျာနယ် ထူထောင်ထုတ်ဝေသူ၊ အယ်ဒီတာတဦးဖြစ်ပါတယ်။ အတွေးအမြင်လစဉ်မဂ္ဂဇင်း ထုတ်ဝေသူတဦးလည်း ဖြစ်ပါတယ်။ ၎င်းကိုယ်တိုင် ထူးထူးခြားခြား တုန့်ပြန်ရေးသားတဲ့ စာကို မိုးမခက ထပ်ဆင့်ဖြန့်ချိပေးလိုက်ပါတယ်။ စာရေးဆရာ မောင်ဝံသနဲ့ သူရဲ့ အတွေးအမြင်မဂ္ဂဇင်းကို မိုးမခမိတ်ဆွေများ(ချစ်သူများ) အဖြစ် ၂၀၀၉ ခုနှစ်က ဂုဏ်ပြုချီးမြှင့်ခဲ့ဖူးပါတယ်။)

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဝေဖန်ရေးရာ

3 Responses to Maung Wuntha – တိုက်ခိုက်စာတချို့နဲ့ စပ်လျဉ်းလို့ ရှင်းပြချက်

  1. မောင်ပျာလောင် on April 19, 2012 at 9:31 am

    ဆရာမောင်ဝံသခင်ဗျား၊ ဘုရားတောင်မှ ဒေ၀ဒတ်မရှိရင် ပွင့်တော်မမူလေဘူးလို့ ဆရာတော်တစ်ပါးက မိန့် ကြားတော်မူပါတယ်။ ဆရာလုပ်စရာရှိတာဆက်လုပ်ပါ၊ ကျနော်လို ကားစပယ်ရာတောင် အဲဒီ့ ဒေ၀ဒတ်ကို သိသေးတာ၊ ကျနော့ထက်စာဖတ်တပ်သူ သန်းချီနေတဲ့ဗမာလူထုကြီးကပိုသိပါတယ်။ ထကြည့်မနေနဲ့ ဆရာ အိပ်ရေးပြက်တယ်၊

  2. ohnmar on April 20, 2012 at 3:42 pm

    ဆရာမောင်ဝံသရှင့်ဘယ်သူဘာပြောပြောမှန်ကန်ကောင်းမွန်သောသူကိုလေးစားသူတိုင်းကဆရာ့ကို
    လေးစားနေလျက်ပါ။ဆက်လက်ပြီးနိုင်ငံတိုးတက်ကောင်းမွန်ရေးအတွက်စာပေအားဖြင့်သော်လည်း
    ကောင်း၊တိုက်တွန်းခြင်းအားဖြင့်သော်လည်းကောင်းလုပ်ဆောင်ပေးပါရန်တောင်းဆိုမေတ္တာရပ်ခံပါတယ်။

  3. pawmyintoo on April 21, 2012 at 2:07 pm

    Go ahead Saya Gyee!!!!!!!U r right.We beleive u.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်