ကျနော် ဗုဒ္ဓဘာသာ

May 23, 2012

ဖိုးထက်
မေ ၂၃၊ ၂၀၁၂
ကျနော့်ကို မင်းကိုးကွယ်ယုံကြည်ရာ ဘာသာက ဘာလဲလို့ မေးလာရင် မဆိုင်းမတွဘဲ ဗုဒ္ဓဘာသာလို့ ဖြေတတ်ပါတယ်။ အဖြေရဲ့ အ နောက်မှာ စိတ်မလုံခြုံတဲ့ ခံစားမှုတစ်ခုကတော့ ကပ်လျက်ပါလာစမြဲပေါ့။ မိဘတွေက ဗုဒ္ဓဘာသာမို့လို့ မိရိုးဖလာ ဗုဒ္ဓဘာသာဖြစ်ခဲ့တော့ ဗုဒ္ဓ ဘာသာနဲ့ပတ်သက်ပြီး မေးခွန်းတွေ ထပ်ပြီးမေးမှာကြောက်ကို ကြောက်နေခဲ့တာပါ။ အိပ်ရာဝင်ချိန် ဦးသုံးချိန် ပေါက်ဆိန်ပေါက်ရှိခိုး။ ပါးစပ် က ဗုဓ္ဓံသရဏံ ဂစ်စ္ဆာမိ၊ ဓမ္မံသရဏံ ဂစ်စ္ဆာမိ၊ သံဃံ သရဏံ ဂစ်စ္ဆာမိရွတ်ဆို။ ပြီးရင် လောလော လောလော ထိုးအိပ်တဲ့အကောင်ဆိုတော့ ဗုဒ္ဓဘာသာလို့ပြောလိုက်ရရင်ကို စိတ်မှာမလုံခြုံချင်ဘူး။ ရှင်တော်ဘုရားက သာမန်လောကီသားတွေ လိုက်နာဖို့ အနိမ့်ဆုံး ငါးပါးသီလ သတ်မှတ်ပေးခဲ့ပေမယ့် မလိုက်နာနိုင်တာ များပါတယ်။

ဘာသာတရားနဲ့ပတ်သက်ရင် အတော်လေးနုံနဲ့တဲ့သူဆိုတော့ ဗုဒ္ဓဘာသာနဲ့ပတ်သက်ရင် “မကောင်းမှုရှောင်၊ ကောင်းမှုဆောင် ဖြူအောင် စိတ်ကိုထား” ဆိုတဲ့ ဘုရားရှင်တိုင်းရဲ့ အဆုံးအမဆိုတာကလွဲလို့ ဘာသာရေးဗဟုသုတက အတော်ဝေးပါတယ်။ တစ်ခါတစ်ရံ စိတ်တွေလှုပ် ရှား၊ မဏှာမငြိမ်၊ တုန်လှုပ်လွန်းအားကြီးမှ ကိုယ့်စိတ်ကိုကိုယ် ပြန်ကြည့်ပြီး ငါဒေါသထွက်နေတယ်၊ ငါ လောဘတက်နေတယ်၊ ငါ မဟုတ်တာ လုပ်နေတယ်ဆိုတဲ့စိတ်ကို ပြန်ကြည့်တဲ့အလေ့အကျင့် အနည်းအပါးတော့ရှိတတ်ပါတယ်။ အဲဒီလိုမျိုး စိတ်မျိုးနဲ့ ရံဖန်ရံခါ ခေါင်းအုံးကြီးကို ဘုရားရှင်ရဲ့ခြေဖ၀ါးတော်လို့ သဘောထားပြီး စိတ်ကြည်ကြည်လင်လင်နဲ့ဦးချမိရင် ပြောမပြတတ်၊ ရှင်းမပြတတ်တဲ့ ကြည်လင်ချမ်း မြေ့မှုရ ရှိခြင်းကို ကြည်နူးမိတယ်။ တစ်ချိန်ကြရင် ငါခင်တွယ်သမျှ၊ ငါ မက်မောသမျှ၊ ငါဒေါသထွက်သမျှတွေ ထားခဲ့ရအုံးမှာပါလားဆိုတဲ့ အသိနဲ့ ဖြတ်သန်းခဲ့တဲ့ အချိန်တွေကိုပြန်ကြည့်မိရင် အိပ်လို့မပျော်နိုင်အောင် မရင့်ကျက်တဲ့သူပါ။

ဟိုတစ်နေ့က ပျင်းပျင်းလဲရှိ။ ဖတ်စရာစာအုပ် အသစ်လဲ မရှိတော့ အိမ်က စာအုပ်ပုံကိုဖွရင်း ဓမ္မာစရိယ ဦးမောင်မောင်လေးရေးတဲ့ “ ပိဋက အနှစ်ချုပ်” စာအုပ်ကိုတွေ့တယ်။ ဆရာတော်တွေရေးတဲ့ စာအုပ်လေးတွေ တစ်အုပ်၊ နှစ်အုပ်လောက်တော့ ၀ယ်လဲဝယ်၊ လက်ဆောင်တွေ လဲရဖူးတော့ ဖတ်ဘူးပါတယ်။ ပါရမီအလွန်နည်းတဲ့ကောင်ဆိုတော့ ဖတ်တုံးခဏသာ စိတ်ကောင်း စိတ်မြတ်တွေမွေးလို့ရပြီး ကြာရင် ဒုံရင်း က ဒုံရင်း။ စိတ်အရောင်သွေးစုံလင်ဆဲ။ ဦးမောင်မောင်လေးစာအုပ်က ကျနော့်စာအုပ်မဟုတ်ပါဘဲ စာအုပ်ပုံထဲရောက်နေတာပါ။ ဘယ်သူ့ စာအုပ်မှန်းတောင်မသိတော့ ဖတ်ကြည့်ဘူးလားဆိုရင် ဝေးရောပေါ့။

ပိဋကသုံးပုံဆိုတာ ဘုရားရှင်တော်မြတ်ရဲ့ Biography နဲ့ နှုတ်ကပါတ်တော်တွေ အကုန်ပါတယ်ဆိုတာလောက်တော့ နုံနုံနဲ့နဲ့အသိနဲ့ သိမှတ် ထားဘူးတယ်။ ဒါပေမယ့် ပါဋိစာတွေဖတ်ရမှာ ပျင်းတာရယ်၊ မတတ်တာရယ်၊ ဘုရားစာဆိုရင် အလိုလိုမဖတ်ချင်တဲ့စိတ်နဲ့ အသေးစိတ် မဖတ်ဘူးပါဘူး။ ဦးမောင်မောင်လေးရဲ့ ပိဋိကအနှစ်ချုပ်ဆိုတဲ့ စာအုပ်ခေါင်းစဉ်ကိုတွေ့တော့ စာအုပ်ကလဲ မထူမပါး၊ အမှာစာရေးထား တာကလဲ လူသာမန်တွေ နားလည်လွယ်အောင်ရေးထားတယ်လို့ ညွှန်းထားတယ်။ ဒါနဲ့ဘဲ စိတ်ဝင်တစား ဖတ်ကြည့်ဖြစ်တယ်။

ဆရာကြီးကသာ လူသာမန်နားလည်အောင်ရေးထားတယ်လို့ ဆိုထားတာ။ ဖတ်ကြည့်မှ သြော် ငါ့နှယ် လူသာမန်အဆင့်တောင်မရှိတဲ့ သတ္တ၀ါတစ်ကောင်ပါလားလို့ ကိုယ့်ပေါင်ကိုယ် လှန်ထောင်းမိတော့တယ်။ စာအုပ်ထဲကပါတဲ့ ဘုရားရှင်ရဲ့ နှုတ်ကပါတ်တွေ၊ ဆိုဆုံးမမှုတွေကို နားလည်တာလဲရှိတယ်။ နားမလည်တာလဲရှိတယ်။ မြန်မာလူမျိုးက မြန်မာစာနဲ့ရေးတာကို မြန်မာလူမျိုးကနားမလည်တာ ပညာနည်းလို့ လို့ သဘောတူပါတယ်။

Andriod၊ IOS၊ Microsoft စတဲ့ ခေတ်မှီနည်းပညာတွေ နည်းနည်းသိ၊ ဒါဝင်ရဲ့ “လူသည် မျောက်ကဆင်းသက်သည်” ဆိုတဲ့အဆိုလေး မတောက်တခေါက်ဖတ်ဘူးတဲ့သူဆိုတော့ နတ်တွေ၊ စကြာမင်းတွေ၊ ဗြဟ္မာတွေ ကို ဥာဏ်လေး တစ်ထွာတစ်မိုက်နဲ့ စိတ်ထဲ သိပ်မစွဲလှဘူး။ ဆန့်ကျင်ဘက်အနေနဲ့ ဘုရားရှင်ရဲ့ သတိပဠာန်တရားလေးပါး ရှင်းလင်း ဖြေဆိုပုံ၊ အသက်နဲ့ ကိုယ် ပြဿနာစတဲ့ တုနှိုင်းမဲ့ဥာဏ်တော်နဲ့ လူပြိန်းတွေ နားလည်အောင်ရှင်းပြဖြေဆိုတော်မူသွားတာတွေကိုဖတ်ရတော့ ဗုဒ္ဓဘာသာဖြစ်ရတာ ကံကောင်းလိုက်တာလို့ တွေးမိတယ်။

အမေး၊ အဖြေတွေနဲ့ သံသယတွေကို ဘုရားရှင်တော်မြတ်က နိုင်နိုင်နင်းနင်း ကိုင်တွယ်ရှင်းလင်းဖြေဆိုသွားတာတွေဖတ်ရတော့ ဘုရားရှင် လက်ထက်တော်တုံးက ငရဲမှာရောက်နေခဲ့တဲ့ကောင်ဖြစ်နိုင်တယ်လို့ ကိုယ့်ကို ကိုယ်မှတ်ချက်ချမိတယ်။ စာအုပ်ဘယ်လောက်ကောင်း သလဲဆိုတာ ဆက်ညွှန်းနေရရင် အ အ အိပ်မက် မက်နေသလို ဖြစ်နေမှာစိုးလို့ ထားခဲ့ပါရစေတော့။

အဲဒီစာအုပ်ထဲက ဘုရားရှင်ရဲ့ “အဂ္ဂညသုတ်” ကို ဘုရားခေတ်မှာတောင် လူမဖြစ်ခဲ့နိုင်တဲ့ သတ္တ၀ါကျနော်က သဘောအကျဆုံးပါဘဲ။ အဂ္ဂညသုတ်ထဲမှာ ဗုဒ္ဓရှင်တော်မြတ်က လောကရဲ့ အစအဦးဆုံးကို ဟောကြားထားပါ။ ရဟန်းဝတ်ဖို့ စောင့်စားနေတဲ့ ၀ါသေဠဆိုတဲ့ ပုဂ္ဂိုလ် ကြီးရဲ့အမေးကိုဖြေရင်း ဒီကမ္ဘာလောကကြီးရဲ့ အစအဦးဘယ်က စတင်ခဲ့တယ်ဆိုတာကို ဟောကြားခဲ့တာပါ။ ဘုရားရှင်ခေတ်က ရှိတဲ့ မင်းမျိုး၊ ပုဏ္ဏားမျိုး၊ ကုန်သည်မျိုး၊ သူဆင်းရဲမျိုးဆိုတဲ့ အမျိုးလေးမျိုးထဲမှာ ဘယ်သူက အမြတ်ဆုံးလဲဆိုတဲ့အမေးကို လူတွေထဲမှာ ကိုယ်ကျင့် သီလ ကောင်းသူသာအမြတ်ဆုံးဆိုတဲ့အဖြေကို ဥပမာတွေနဲ့ဖြေဆိုတော်မူသွားပုံက ဘာသာရေးနဲ့အတော်ဝေးတဲ့ ကျနော့်ကို ကြက်သီးထစေ တယ်။ ဘုရားရှင်က ဆက်လက်ပြီး ဒီကမ္ဘာကြီးဖြစ်ပေါ်လာပုံတွေကို တုနှိုင်းမဲ့ ဥာဏ်တော်နဲ့ ရှင်းလင်းဖြေဆိုတော် မူသွားပါတယ်။အစအဦးဆုံး ဒီလောက ကမ္ဘာကြီးပေါ်မှာ နှစ်သိမ့်ခြင်း ပီတိကိုသာ စားသုံးတဲ့ ဗြဟ္မာကြီးတွေ ဖြစ်တည်ပုံ။ ယောင်္ကျား ၊ မိန်းမ ကွဲပြားခြင်းမရှိပုံ။ နောက်မှ ဆီဦး၊ ထောပတ်လိုအရသာရှိတဲ့ မြေဆီကိုစားသုံးပြီး အထီး၊ အမတွေ ဖြစ်တည်လာပုံ။ အဲဒီလိုစားသုံးတဲ့အတွက် တပ်မက်ခြင်း တဏှာဆိုတာ ပေါ်ပေါက်လာပုံကို ရှင်းလင်းဟောပြတော်မူပါတယ်။ မြေဆီကို စားသုံးလာတာနဲ့အမျှ အဆင်းလှသူ၊ အဆင်းမလှသူတွေ ကွဲပြားလာပြီး အဆင်းလှသူက အဆင်းမလှသူကို မာန်မူခြင်းအတွက် မြေဆီကွယ်ပျောက်ပြီး အဆင့်ဆင့်နိမ့်ကျ၊ နောက်ဆုံးမှာ မချက်မပြုတ်ဘဲ စားသုံးနိုင် တဲ့ သလေးစပါးတွေ ပေါ်လာပုံကို တစ်ဆင့်ခြင်း ရှင်းလင်းဖြေဆိုတော်မူပါတယ်။

အဲဒီ သလေးစပါးတွေက မနက်မှာ ခူးဆွတ်စားသုံးရင် ညနေမှာ အလိုလိုပြန်ပြီးပြည့်လာပေမယ့် လူတွေရဲ့အလိုလောဘတွေကြောင့်၊ မိမိစားဖို့အတွက်တောင် အများတကာလိုအားမထုတ်ဘဲ အလွယ်လိုက်ပြီး ခိုးကြ၊ ၀ှက်ကြ၊ သတ်ကြရာမှ တစ်ဆင့် သလေးဆန်ကြမ်းတွေ စားရင်း လူ့သက်တမ်းတွေတိုလာတယ်လို့လည်း ရှင်းလင်းတော်မူပါတယ်။ ကျနော့်မှာ ဖတ်ရင်း ဖတ်ရင်း လူ့သက်တမ်း အနှစ်သောင်းချီပြီး မပူမပင်နေရတဲ့ဘ၀တွေကနေ လောဘ၊ဒေါသ၊ တဏှာတွေကြောင့် ခက်ခဲကြမ်းတမ်းတဲ့ ကမ္ဘာကြီးအဖြစ်ပြောင်းလဲလာတာကို ခံစားမိလာ တယ်။

ဗုဒ္ဓရှင်တော်မြတ်ကြီးရဲ့ သဗ္ဗုညုတရွှေဉာဏ်တော်နဲ့ အဆစ် အဆစ်ပိုင်းခြားပြီး ရှင်းလင်းဟောပြောတာကို ဖတ်၊ မှတ်သားရင်း ဗြဟ္မာတွေ၊ နတ်တွေ၊ မြေဆီတွေ ကို မယုံမကြည်နဲ့ ငရဲသွားမယ့် ကျနော်က ခံစားမိတယ်ဘဲထားအုံးတော့။ လူ့လောဘ၊ ဒေါသ၊ မောဟတွေကြောင့်သာလျှင် လူတွေက မိမိ အမျိုးအနွယ်ကို မိမိပြန်ပြီး ဖျက်ဆီးနေကြတဲ့ သတ္တ၀ါတွေဆိုတဲ့ ဘုရားရှင်ရဲ့ဟောကြားချက်ကို နှစ်သက်လက်ခံမိတယ်။

ဗုဒ္ဓဘာသာနိုင်ငံလို့သတ်မှတ်ကြတဲ့ ကျနော်တို့ ရွှေပြည်ကြီးမှာရော ဘယ်လိုပါလိမ့်။ ဘုရားရှင်တော်မြတ်လောက် စိတ်ကို သတိကပ်ပြီး လောဘ၊ ဒေါသ၊ မောဟ၊ မာန်မာနတွေကို ထိန်းသိမ်းဖို့ အာပေါက်တော်မူလောက်အောင် ဟောကြားတော်မူခဲ့သည်။ အဆင့်ဆင့် လက် ဆင့်ကမ်းရင်း ရှင်အရဟံတို့ကတဆင့် ကျနော်တို့ဆီကို သယ်ဆောင်ပေးတော် မူခဲ့ကြပါတယ်။ ဒါပေမယ့်ပေါ့လေ အခုအချိန်မှာတော့ ရွှေပြည်ကြီး ဘယ်လို ၊ ဘယ်ပုံဖြစ်ပျက်နေတာကို ပြန်ကြည့်မိရင် လောကသံသရာကနေ လွတ်မြောက်တော်မူသွားတဲ့ ဘုရားရှင်ကို ဗုဒ္ဓဘာ သာနိုင်ငံပါဘုရားလို့ လျှောက်တင် ရမှာတောင် ကြောက်မိပါရဲ့။ ဘုရားရှင်ကတော့ အနန္တ မေတ္တာစိတ်ထားတော်နဲ့ ခွင့်လွှတ်တော်မူမှာဖြစ် ပေမယ့် ဘုရားရှင်တော်မြတ်မရှိတော့တာ ခပ်ကောင်းကောင်းပါလေလို့ တွေးမိပါရဲ့။ နောက်နောင်ဆိုရင် ကျနော် ဗုဒ္ဓဘာသာပါလို့ ဒင်ပြည့် ကြပ်ပြည့်ပြောနိုင်ဖို့ ကြိုးစားရပါအုံးမယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

6 Responses to ကျနော် ဗုဒ္ဓဘာသာ

  1.ုကိုဦး on May 24, 2012 at 2:26 pm

    ကောင်းလိုက်တဲ့ ဆောင်းပါး

  2. minkoko on May 24, 2012 at 3:18 pm

    ဟေ့ ကိုဖိုးထက် နောင်ဘ၀ မှာ သက်တော်ထင်ရှား ဘုရားရှင်ကို ဖူးတွေ့ ရပါလို၏ ဆုတောင်းဗျ- ဘုရားရှင်တိုင်းက မဇ္ဈိမ ဒေသမှာ ပွင့်ကြတာလို့ ဆိုကြောင်းမှတ်သားရ ဖတ်ရဘူးတယ်။ မဇ္ဈိမ ဒေသမှာ ပါရမီတွေ ဖြည့်ကျင့်လို့  လွယ်ဟန်ရှိတယ်။ ဒါနပြုမလား တောင်းတဲ့ရမ်းတဲ့သူ ပေါမှပေါ- ခန္တီ-သီးခံတဲ့ အမှူပြုမလား- သီးမခံနိုင်လောက်အောင် နှိက်စက်ကလူ ပြုမည့်သူ ပေါမှပေါ။ ကဲအဲဒိတော့ ကျနော်ပြောချင်တဲ့အရာ ရောက်တော့မယ် ဆက်ဖတ်ပါ- အဲဒီလို ဒါန သီလ ခန္တီ အစရှိတဲ့ ပါရမီတွေ ဖြည့်ကျင့်ဘို့  အခု မြန်မာနိုင်ငံလဲ အခွင့်အလမ်းတွေ ရှိပြီဗျ။ လေဆိပ် ၀င်တာနဲ့ ဒါန အမှူပြုရတာဘဲ- ရိုက်နှက် ညှဉ်းဆဲတဲ့( တလောက ပတ္တမြားမြို့ သစ် ရဲ ၇၀ခန့် က ရပ်ကွက်ထဲ ၀င်ရိုက်)မှူတွေ များတော့ ခန္တီ မနိုင်တော့ သီးခံပေါ့ ဗျာ- ဒါကြောင့် နောင်ဘ၀ မှာ မြန်မာနိုင်ငံသားဖြစ်ရပါလို၏ ဆုတောင်းရင် နောင်ပွင့်တော်မူမည့် ဘုရားရှင်ကို ဖူးမျှော်ရမယ်။ မြန်မာနိုင်ငံဟာ မဇ္ဈိမ ဒေသ မဟုတ်ပေမဲ့ ဘုရားအလောင်းတော် တို့  ဒါန ပါရမီ ခန္တီ ပါရမီ ဖြည့်ဆည်းဘို့  အခွင့်အလမ်းတခုဖြစ်တာမို့  မြန်မာနိုင်ငံမှာ ဘုရားပွင့်လောက်တယ်ဗျ-

  3. အရှင်ဥတ္တမ on May 24, 2012 at 6:17 pm

    ပိဋကတ်မြန်မာပြန်တွေကို ဖတ်ကြည့်ပါ။ ကွန်ပျူတာနဲ့ သို့ ကင်းဒဲလ် စတာတွေနဲ့ဖတ်ဖို့ ဆော့ဖ်ကော်ပီတွေလည်း ရှိပါတယ်။ အမ္ဗဋ္ဌသုတ် (ဘယ်အမျိုးမြတ်သလဲ)၊ မဟာပရိနိဗ္ဗာနသုတ် (ဗုဒ္ဓ၏နောက်ဆုံး ဆုံးမသြ၀ါဒများ)၊ သိင်္ဂါလောဝါဒသုတ် (မိဘနဲ့သားသမီး၊ ဆရာနဲ့တပည့်၊ လင်နဲ့မယား၊ ဧည့်သည်အိမ်ရှင်၊ ဆရာဒကာ စသည့် လူမှုဆက်ဆံရေး စံများ) အရိယပရိယေသနသုတ် (သူတော်ကောင်းတရားကိုရှာခြင်းနှင့် သူတော်ကောင်းတရားကို တကယ်ရရှိထားတဲ့ ဘုရားဟုတ်မဟုတ် စစ်ကြောစစ်ဆေးခြင်း)၊ ကကစူပမာသုတ် (လွှသွားပမာ)၊ အရဏ၀ိဘင်္ဂသုတ် (အရာရာကို မိမိဥာဏ်ပညာဖြင့် စိစစ်ဝေဖန်ပိုင်းခြားခြင်း)၊ ကာလာမသုတ် (ဘာကိုမှ မယုံနဲ့ ကိုယ့်ပညာနဲ့သီလကိုပဲယုံ)၊ ကထာဝတ္ထုသုတ် (မေးခွန်းဖြေဆိုနည်း လေးနည်း၊ ဘုန်းတော်ကြီးဒလိုင်းလားမားတို့၊ ဒေါ်အောင်ဆန်းစုကြည်တို့ အင်တာဗျူးတွေ ဘာသာရေးပြဿနာတွေဖြေပြီဆိုရင် ဒီဖြေနည်း လေးနည်းကို အထူးတလည်သုံးကြတယ်)၊ ဖောင်ဥပမာသုတ်၊ ဗုဒ္ဓရဲ့အာဝဋနိယမာယာအကြောင်းပြောတဲ့သုတ်၊ ဆွေးနွေးတိုင်ပင်ခြင်း နှီနှောဖလှယ်ခြင်း စတဲ့စတဲ့ သုတ္တန်တွေဟာလည်း စာရေးသူရဲ့ စိတ်နှလုံးကို ယူကြုံးနိုင်ပြီး တင်းပြည့်ကျပ်ပြည့် ဗုဒ္ဓဘာသာဝင် ဖြစ်စေလိမ့်မယ်ထင်ပါတယ်။

    • မွန်လူမျိုးတဦး on May 25, 2012 at 7:38 am

      သာဓုပါဘုရာ့..။

    • Aye Kyaw Htoo on May 25, 2012 at 7:55 am

      အရှင်ဘုရား
      ညွှန်းထားတဲ့သုတ်တွေကို web site အညွှန်း နဲ့တကွပေးနိုင် လျှင် ပိုအဆင်ပြေမှာပါ ဘုရား။ dhammadownload.com မှာ ရှာလို့ရပါသလား ဘုရား။

      ရှိခိုးဦးတင်လျှက်
      အေးကျော်ထူး

  4. KOSOE on May 24, 2012 at 8:53 pm

    ဟုတ်တယ်
    အဲဒီလို အဲဒီလိုတွေ ကောင်းနေပါလျှက် မြန်မာတွေ ဘာကြောင့် ဆင်းရဲစုတ်ပြတ် တစ်ဦးကိုတစ်ဦးအနိုင်ကျင့် လူနည်းစုကို ခွေးလို့မြင် ထင်တာကိုလုပ် အယုတ်ဖြစ်နေရတာလဲ

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments