Nyein Chan Aye – အမုန်းကြီးသူ သို့

May 30, 2012

ငြိမ်းချမ်းအေး၊ မေ ၃၀၊ ၂၀၁၂

ခင်ဗျား ဟာ ခင်ဗျားနဲ့ တသွေမတိမ်း အလုံးစုံ မတူသူ အားလုံးကို မုန်းနေတယ်လို့ ထင်တယ်။ ခင်ဗျား ဟာ ခင်ဗျား တိုင်းပြည်ကို ချစ်တာထက်ပိုပြီး ခင်ဗျားနဲ့ သဘာဝအရ မတူနိုင်တဲ့ သူအားလုံးကို မုန်းနေတယ်။

ခင်ဗျား ဟာ လိင်တူ ချစ်သူတွေကို မုန်းတယ်။

နိုင်ငံခြားမှ လာရောက် အခြေချနေထိုင်သူတွေ၊

လူမည်းတွေ၊ အသွေးအရောင် ကွဲပြားသူတွေ၊

တရုတ်တွေ၊ အိန္ဒိယ အနွယ်တွေ၊ မူဆလင်တွေ၊

ဘာသာကွဲတွေ၊ ဘာသာရေး အရ ရှေးရိုးမစွဲ အမြင်မကျဉ်းမြောင်းသူတွေ၊

ဘာသာမဲ့တွေ၊ ဘုရားကို မယုံကြည်သူတွေ၊

အလုပ်သမား  သမဂ္ဂတွေ၊

မိမိရဲ့ကိုယ်ခန္ဓာရွေးချယ်မှုအတွက် အခွင့်အရေးတောင်းတဲ့ အမျိုးသမီးတွေ၊

လူ့အခွင့်အရေးတောင်းဆိုနေသူတွေ၊

အမျိုးသမီး အခွင့်အရေး အတွက် တိုက်ပွဲ ဝင်နေသူတွေ၊

ကလေးအခွင့်အရေးအကြောင်း ပြောနေသူတွေ၊

 လိင်တူ ချစ်သူလက်ထပ်ခွင့် တောင်းဆိုနေသူတွေ၊

ဆင်းရဲသားတွေ … …. … ဒါတွေ အားလုံးကို ခင်ဗျား မုန်းနေတယ်။

ဘောလုံးသမား အီဗရာကို မန်ယူ အသင်းမှာ ကစားလို့၊ ပြင်သစ် အသင်းသားဖြစ်လို့ကြောင့် မဟုတ်ဘဲ၊ သူရဲ့ အပေါ်ယံ အရေပြား အရောင်အသွေးကြောင့် ခင်ဗျာ မုန်းနေတယ်။

စကားတစ်လုံးတည်းနဲ့ ပြီးအောင် ပြောရရင် “လွတ်လပ်မျှတတဲ့ အတွေးအခေါ်” ဆိုတာကို ခင်ဗျား မုန်းနေတယ်။

ခင်ဗျား ဟာ ခင်ဗျားကို လူမျိုးရေးခွဲခြားတတ်သူလို့ ခေါ်ခံရရင်လည်း မုန်းတယ်။

 ကိုးကွယ်တဲ့ ဘာသာ မတူမှု၊ ယုံကြည်မှု မတူမှုအပေါ် ခွဲခြားဆက်ဆံတတ်သူလို့ ခေါ်ခံရရင်လည်း မုန်းတာပဲ။

ခင်ဗျားဟာ …

လူမည်းတွေ၊ အသားအရောင်၊ ကိုးကွယ်ယုံကြည်မှု စတဲ့ မတူကွဲပြားခြားနားမှု ရှိနေသူတွေရဲ့ ဘဝအကြောင်းကို အရေးတယူ စာနာနားလည်စိတ်နဲ့ ပြောလာမယ်ဆိုရင်၊

သူတို့တတွေက မွေးစာရင်းတောင်းတဲ့ အချိန်၊ နိုင်ငံသားကဒ်ပြားတောင်းတဲ့အချိန် မှာ ဒီကောင်တွေ ထမင်းစားလက်မှတ်ရဖို့အတွက် ဒါတွေ တောင်းနေတာပါလို့ အလိုအလျောက် ကောက်ချက် မဆွဲတော့ဘူး ဆိုရင် …

ခင်ဗျားကို လူမျိုး၊ ဘာသာ အသားအရောင် ခွဲခြားဆက်ဆံတတ်သူလို့ မခေါ်တော့ပါဘူး။

ခင်ဗျား ဟာ လူတွေအားလုံးက အတူတူပဲ၊ နိုင်ငံတစ်နိုင်မှာ နေထိုင်နေသူအားလုံး တန်းတူ နိုင်ငံရဲ့ ဓန အပါအဝင် အရင်းအမြစ်တွေ အားလုံး ညီတူညီမျှ ခွဲဝေ သုံးစွဲစေရမယ် ဆိုတဲ့ နိုင်ငံရေး အတွေးအခေါ်၊ လူမှု တရားမျှတမှုရှိရမယ် ဆိုတဲ့ လူမှုရေး အတွေးအခေါ်တွေကိုလည်း မုန်းနေတာပါပဲ။

ခင်ဗျား ဟာ ဘာသာ၊ ယဉ်ကျေးမှု၊ အတွေးအခေါ် ပေါင်းစုံ ထွန်းကားမှုကို အားပေးတဲ့ ဗဟုဝါဒ ကိုလက်ခံသူ၊ အားပေးသူ နဲ့ အတွေးအခေါ် သမာသမတ်ကျ ပျော့ပြောင်းရမယ်လို့ ဆိုသူတွေ အားလုံးကိုလည်း မုန်းနေတယ်။

အစိုးရက နိုင်ငံရေးအလိုအရ ပုံဖော်ထားတဲ့ (Politically Manipulated)  မှိုင်းတိုက်ထားသမျှ လူမျိုးကြီးဝါဒ၊ ပြင်းထန်တဲ့ အမျိုးသားရေးဝါဒ၊ မျက်ကန်းမျိုးချစ်စိတ်၊ လူမျိုး၊ ဘာသာ၊ ယဉ်ကျေးမှု  အစွန်းရောက်၊ ပြင်းထန် ရှေးရိုးစွဲမှု စတဲ့  ခေတ်နောက်ပြန်ဆွဲနေတဲ့ ကြောက်စရာကောင်းတဲ့ အတွေးအခေါ်တွေကို လက်မခံသူ အားလုံးကို ခင်ဗျား မုန်းနေတယ်လို့ တိုတိုပြောနိုင်တယ်။

ခင်ဗျားရဲ့ အတွေးအခေါ် နဲ့ လုပ်ရပ် ဟာ ကျနော့်ကို စိတ်ပျက်စေတယ်။

ခင်ဗျားရဲ့ အစွန်းရောက်တဲ့ အမုန်းတရားက ကျနော့်ကို ပျို့အန်စေတယ်။

ခင်ဗျားရဲ့ ဘာသာ၊ လူမျိုး၊ ယုံကြည်မှု မတူမှုအပေါ် ခွဲခြားချင်တဲ့ စိတ်၊ လက်မခံနိုင်တဲ့ သဘောထားက ကျနော့်ရဲ့ လွတ်လပ်မျှတတဲ့ အတွေးအခေါ်ကို စော်ကားနေတယ်။

 ခင်ဗျားရဲ့ လူမျိုးရေးခွဲခြားတတ်မှုက ကျနော့်ကို တော်လှန်လိုစိတ်တွေ ဖြစ်စေတယ်။

အမုန်းကြီးသူကြီးရေ ခင်ဗျားရဲ့ မျိုးချစ်စစ်ကို ပွင့်ပွင့်လင်းလင်းပဲ မေးခွန်းထုတ်ချင်တယ်။

ကျေးဇူးပြုပြီး ဂုဏ်ယူဝင့်ကြွားစွာနဲ့ မုန်းနေတဲ့ ခင်ဗျား ရဲ့ အမုန်းတွေကို ရပ်တန်းက ရပ်လိုက်ပါ။

သဘာဝကျကျ မဟုတ်၊ သိပ္ပံနည်းမကျ၊ အကျိုးအကြောင်း မညီတဲ့ စဉ်းစားတွေးခေါ်၊ ပြုမူဆက်ဆံမှုတွေကို ပျော်ပျော်ပါးပါးကြီးလုပ်နေတာ ကို ရပ်လိုက်ပါ။

ဒါတွေဟာ ရှက်ဖွယ်လိလိ အတွေးအခေါ်တွေ၊ အပြုအမူတွေ ဆိုတာကို နားလည်ပါ။ ဒါမျိုးတွေအတွက် ရှက်တတ်ပါ။

လက်တွေ့ သုံးစားမရတဲ့ လူမျိုးတစ်မျိုးချင်းရဲ့ ဝိသေသတွေ၊ စရိုက်လက္ခဏာတွေ၊ တန်ဖိုးတွေ ထက် လူမှန်ရင် ရှိရမယ့် လူ့တန်ဖိုးတွေ၊ လူ့ယဉ်ကျေးမှုတွေ၊ လူလူချင်း စာနာထောက်ထားငဲ့ညှာမှုတွေ၊ ချစ်ခြင်းမေတ္တာတွေ ကို မပျောက်ပျက်အောင်၊ ရှင်သန်တိုးပွားအောင်လုပ်ပါ။

ခင်ဗျား အလေးထားတဲ့၊ ယုံကြည်တဲ့ ဘာသာတရားတွေရဲ့ အဆုံးအမကလည်း လူလူချင်း ချစ်ဖို့ပဲ လမ်းညွှန်ပါတယ်။

ကိုယ်နဲ့ မတူတဲ့သူတွေ အကုန်လုံးကို မုန်းရမယ်လို့ သွန်သင်ထားခြင်း မရှိပါ။

နေရာ ဒေသ၊ ပထဝီ၊ ရာသီဥတု၊ ကိုးကွယ် ယုံကြည်မှု၊ အစဉ်အလာ မတူကွဲပြား ကွားခြားလို့ ဓလေ့ ထုံးစံတွေ၊ ရုပ်လက္ခဏာ အသွင်အပြင်၊ အစားအသောက်၊ အဝတ်အထည်၊ အသုံးအဆောင်တွေ မတူနိုင်ဖူးဆိုတာ သဘာဝပါ လို့ လက်ခံရပါမယ်။

သဘာဝအရ ရုပ်သွင်ပြင် ကွဲပြားမှုကို လူမျိုးခွဲမယ်ဆိုရင်တောင် ရှေးမနုဿဗေဒအယူအဆအရ မွန်ဂိုလွိုက် (အာရှ နဲ့ အမေရိက အင်ဒီးယန်း၊ လက်တင် ၊ လူဝါ ၊ လူနီ) ကော့ကဆွိုတ် (ဥရောပ လူဖြူ) ၊ သြစတြေလွိုက် (သြစတေးလျန် နဲ့ သမုဒ္ဒရာပိုင်း နေထိုင်သူ)၊ နီဂရွိုက် (အရှေ့ အာဖရိက လူမည်း) နဲ့ ကက်ပွိုတ် (တောင် အာဖရိက လူမည်း) စတဲ့ အုပ်စုအနေနဲ့ သာခွဲနိုင်တယ်။

ဒါလည်း ခုနောက်ပိုင်း အယူအဆတွေအရ လူမျိုးတွေ ဒီလို မနုဿဗေဒအရ အုပ်စု ခွဲတာဟာ ပုဂ္ဂလိက ခံစားချက်တွေ၊ ယုံကြည်မှု တွေ အပေါ်သာ အခြေခံပြီး (subjective judgement) ၊ တနည်းအားဖြင့် လူမျိုးခွဲခြားချင်စိတ်ကြောင့်သာ ဖြစ်ပြီး တကယ် မှန်ကန်တဲ့ အချက်အလက်ကို အခြေခံဖို့က သုတေသနတွေ အများကြီး ထပ်လုပ်ဖို့ လိုသေးတယ်ဆိုတာ ထင်ရှားတယ်။

 နောက်ပိုင်း အသေးစိတ်အထိ ခွဲခြားစိတ်ဖြာလေ့လာနိုင်တဲ့ DNA နည်းပညာတွေ ဒီထက်ပိုပြီး တိုးတက်လာရင်  လူသားမျိုးနွယ်အားလုံးမှာ တည်ရှိနေတဲ့တဲ့ ဘုံတူညီမှုတွေကို ရှာဖွေဖော်ထုတ်နိုင်လာမှာ ဖြစ်တယ်။

မလွဲဧကံ သေချာတစ်ခုကတော့ လူဟာ စဉ့်ကဲဖြစ်စဉ်အရ တဖြည်းဖြည်းတိုးတက်ဖွံ့ဖြိုးလာပြီး သွားလာနေထိုင်တဲ့ ပတ်ဝန်းကျင်၊ ရာသီဥတုအရ အသွင်အပြင်၊ အသွေးအရောင်တွေ ကွဲပြားသွားတယ် ဆိုတာပါ။

ဒါကြောင့် “ကျုပ်ကတော့ ဘယ်တိုင်းပြည်၊ ဘယ်နိုင်ငံသား၊ ဘယ်လူမျိုး ဖြစ်တယ်” ဆိုတာထက် “လူအမျိုးအနွယ်၊ ‘လူ’  လူမျိုး၊ ကမ္ဘာနိုင်ငံသား ဖြစ်တယ်” ဆိုတာကို ဂုဏ်ယူပြီး သဘာဝအရ ရွေးချယ်ခွင့်မရှိလို့ မတူကွဲပြားမှုတွေကို နားလည်လက်ခံ၊ ချစ်ခင်တတ်ပါစေ။

ကိုယ်နဲ့ သဘာဝအတူ အုပ်စု မဟုတ်တာနဲ့ မုန်းရမယ်၊ သတ်ရမယ် ဆိုတာ ကျောင်ခေတ်လူသားတွေ ရဲ့ စဉ်းစာပုံ နဲ့ ပြုမူပုံပါ။ (၂၁) ရာစုကို အချိန်ကာလ အားဖြင့် ရောက်နေသလို အသိဥာဏ်၊ ပညာ၊ အတွေးအခေါ်၊ စဉ်းစာပုံ၊ ပြုမူပုံ အားဖြင့်လည်း ရောက်အောင် ကြိုးစာပါ။ ကျင့်ကြံပါ။

နောက်ဆုံးအနေနဲ့တော့ ခင်ဗျားရဲ့ အမုန်းတွေ၊ ရက်စက်မှုတွေ၊ အစွန်းရောက်တဲ့ အတွေးအခေါ်တွေ၊ အဆင်အခြင်မဲ့တဲ့ အပြုအမူတွေ၊ အတ္တကြီးမှုတွေ အတွက် ကျနော်ဟာ အံ့သြ၊ ထိတ်လန့် တုန်လှုပ်၊ ရှက်ရွံ့ ဖြစ်ရတာလွဲလို့ ခင်ဗျားကို ကျနော် မမုန်းပါဘူး ဆိုတာကို ပြောချင်တယ်။

ခင်ဗျားကို ခွင့်လွှတ်တယ်။

ခင်ဗျား အမှန်ဘက်၊ အကောင်းဘက်၊ တရားမျှတမှုဘက်ကို တနေ့မှာ ပြောင်းလဲလာမှာပဲလို့ မျှော်လင့်တဲ့အကြောင်းပြောရင်းနဲ့ ခင်ဗျားကို မမုန်းနိုင်တဲ့ အကြောင်းရင်းကို အသိပေးချင်တယ်။

ခင်ဗျားတစ်ယောက်တည်းရဲ့ အမုန်းက ကျန်သူတွေ အားလုံးအတွက် လိုအပ်တာထက်ပိုနေပြီ ဖြစ်လို့ ဖြစ်တယ်။

၂၈ ၊ မေ ၊ ၂၀၁၂

မှတ်ချက်။   ။ အထက်က “ခင်ဗျား” ဟာ ခုစာဖတ်နေသူ မဖြစ်ဖို့ မျှော်လင့်တယ်..။ အချက်လက် တချို့မှာ ဖြစ်နိုင်နေရင်လည်း အမြန်ဆုံး ပြင်ဆင်နိုင်လိမ့်မယ်..၊ အမြန်ဆုံး ပြင်ဆင်ဖို့ စိတ်ကူးရှိတယ်..၊ ကြိုးစားနေတယ်လို့ မျှော်လင့်တယ်..။

ဝန်ခံချက်။  ။ Daily Kos မှာ “အမှန်တရား ဝန်ကြီးဌာန” ရေးတဲ့ “သူတို့ဟာ အမေရိကကို ချစ်တာထက် အိုဘားမားကို ပိုမုန်းတယ်” ဆိုတဲ့ စာကို ဖတ်ပြီး ဒီစာရေးဖို့ စိတ်ကူးရတယ်..။ စကားလုံး တချို့ကိုလည်း မှီးတယ်..။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ရသဆောင်းပါးစုံ

One Response to Nyein Chan Aye – အမုန်းကြီးသူ သို့

  1. mgoogyaw on May 30, 2012 at 3:10 pm

    What a lovely poetry. It shows all the true feelings of some person,which had in their mind.My point of view, is,this poetry means,directly to the power crazy Junta’s, Generals and their followers.They did’nt notice or may be they did’nt knows,that “The World is changing,and we,all are now,in 2012. They are still dreaming,to control,every thing,they had earned.And, they have no knowledge and brains,till now.Every thing they still thinking Stupidly,and awkwardly.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်