အပျင်းပြေ ဆင်းရဲမှုမြှင့်တင်ရေး

June 14, 2012

မောင်လူရေး
ဇွန် ၁၄၊ ၂၀၁၂
သမတကြီးသည် ဆင်းရဲမှုလျော့ဖို့ သူ့ဝန်ထမ်းများကို မှာ၏။ သူ့ဝန်ထမ်းများသည် ခါးပတ်ကြိုးသာလျော့ပြီး အမျိုးသားပညာရေးနှင့်မှားကာ ဆင်းရဲမှုကို မြှင့်တင်မြဲဖြစ်သည်။ ထိုဆင်းရဲမှုမြင့်တင်ရေးကို ပျင်းရင် ပျင်းသလို ထလုပ်နေကြဟန်ရှိသည်။ ဒီရက်ပိုင်းတင်ဖြစ်နေသည့် အ ပျင်းပြေဆင်းရဲမှုမြင့်တင်နေကြပုံလေးကို ပြောပြပါမည်။

စစ်ကိုင်းတိုင်း၊ ဝက်လက်မြို့နယ်တွင် CDMA ဟုဆိုအပ်သော ဖုန်းအမျိုးအစားကို လုံးရေ တစ်ထောင်ချပေးလေသည်။ ခေတ်မပြောင်းဘဲ ခေတ်ဟောင်းအတိုင်းပင် ဝန်ထမ်းများလဲ ဝင်ရောက်လျှောက်ထားကြသောဟူ၏။ ပီးတော့ ထုံးစံအတိုင်း နှစ်သိန်းတန်ကို သုံးသိန်းပေါက် သည်ဆိုပြီး ရောင်းနေကြလေသည်။ တစ်ကဒ်တစ်သိန်းမြတ်၊ နှစ်ကဒ် နှစ်သိန်းမြတ်သောအခါ ဂျီအက်စမ်ကဒ် ဖရီးနှပ်သူ နှပ်နေကြလေသည်။

ဝက်လက်နယ်ကြီးသည် ဘောလုံးမလောင်း၊ ချဲမထိုး၊ နှစ်လုံးဒိုင်မခံ၊ လမ်းဘေးဖဲဝိုင်းမှအစ မည်သည့်လောင်းကစားမှုမှ မပြုလိုက်ရဘဲ သိန်းတစ်ထောင် ပြောင်သွားရလေတော့သည်။ ထိုနေ့ချင်းပင် ဝက်လက်နယ်တွင် ဖုန်းအလုံးတစ်ထောင်ဝင်လာသည့်အတွက် လှတော သားလေနှင့်ပြောရလျှင် ဇီးကုန်းဖျာလိပ်လို လိပ်ထားသည့်ငွေတွေ စိန်ပန်းရွက်သပ်ချလိုက်သလို ငွေသိ်န်းသုံးထောင် လျောကနဲ ထွက်ပေး လိုက်ရသည်။ ထို့ကြောင့် ဝက်လက်နယ်၏ဆင်းရဲမှုကြီးသည်လည်း ရေမြင့်ကြာတင့်ဆိုသလို မြင့်တက်သွားပေတော့သည်။

တောင်သူများ၏ နေပူကျဲကျဲ မိုးရွဲရွဲထဲက ချွေးနဲစာလေးတွေ၊ သူရို့သားသမီးတွေ မလေးရှားမှာ ကုလားတွေမျက်နှာကြည့်ရှူနှလုံးသွင်းရင်း
အလုပ်လုပ်ကာ ပို့ထားရတာလေးတွေ ကုန်ရောဟု ဆိုရပေမည်။ ရွှေဘိုပတ်လည်တွင် ဖုန်းငါးထောင်ချပေးမည်ဆိုတော့ ပညာရှိကြပါလျှင်
တွေးသာယူကြည့်ဟုဆိုရပေမည်။ နိုင်ငံတကာမှာ ဇီးပေါင်းထုပ်နှစ်ထုပ်ခန့်မျှဝယ်လျှင် အလကားပေးနေသည့်ဖုန်းကဒ်တွေကို ဆင်းရဲသား တွေဆီမှ အဆီညှစ်သလိုလုပ်နေသည့် လုပ်ရပ်ဆိုးကြီးပေတကား။

တကယ်လို့သာ ရခိုင်တွေလက်ထဲမှာ ဒီလိုဖုန်းတွေ အလွယ်တကူရနေကြမည်ဆိုလျှင် အမြန်ဆက်သွယ်အကူအညီတောင်းနိုင် ပေးနိုင် သည့်အတွက် ယခုလို သေကြေပျက်စီးဆုံးရှုံးမှုများမည်မဟုတ်ပေ။ သတင်းမှန်တွေလည်း အချိန်နှင့်တပြေးညီ ပို့ပေးနိုင်ပေလိမ့်မည်။

ရှေးတုန်းကဇာတ်တွေမှာဆိုလျှင် ဒီနေရာမျိုး၌ ငိုချင်းချလေ့ရှိရကားခေတ်အားလျော်ညီစွာ ရက်ပင်းစွက်၍ ငိုချင်းနှက်ရပေတော့မည်။

ငိုချင်း
ဆင်းကဒ်၊ မြှင်းသတ်လို့ ဘယ်မဆုံးသည် xxx အော် ဆင်းကဒ်၊ မြှင်းသတ်လို့ ဘယ်မဆုံးသည် xxx မင်းမဟတ်သမို့၊ ထမင်းငတ်လို့ အပါယ်နှုံးမီပြီ xxx သကြွယ်ငတုံး ပြည်ကလာချာပါတကား xxxx အမယ်မင်းရယ်တဲ့မှ xxx သကြွယ်ငတုံးတို့ရဲ့ အလွယ်သုံး ပြည်ကလချာပါတကား xxxx

ရက်ပင်း
(သူတို့တွေ ဖာချဖို့၊ ငါတို့တွေ ပြာကျလို့၊ ငါတို့မြေ ခဝါချလို့၊ xxx သူတို့တွေ ပကာသနဖို့၊ အဝှာထဖို့၊ မသမာဓမြတို့၊ သူတို့သမီးမယားတွေ
xxx အဝှာလုပ်ဖို့၊ ငါတို့ သမီးမယားတွေ ဖာလုပ်လို့၊ ဒို့တွေက စစ်မြေမှာ xxx ခေတ်တွေပျက်လို့၊ သူတို့တွေက စစ်မြေမှာ သစ်တွေဖက်လို့၊ အချစ်တွေတက်လို့၊ xxxx တပ်ထဲမှာ မုဆိုးမတွေပေါပေါ၊ သူတို့မှာ ဒုတ်ထိုးမတွေ ချောချော၊ တပ်ထဲမှာ xxxx မိဘမဲ့တွေပေါတယ်၊ သူတို့မှာ မိဘတွေထပ်တိုးတယ်၊ အရပ်နာတယ်၊ ဇာတ်နာတယ်၊ xxx သူတို့က ပညာတွေ တတ် တတ် တတ်၊ ဒို့က တမင်ကလာ ငလေတွေ အထပ် ထပ်၊ အရပ် ပတ်၊ xxx တိုင်းပြည်ကြီးက ချူချာနေပြီ၊ မူယာတွေပေါတယ်၊ ခရိုနီတွေထောတယ်၊ xxx လူနာတွေပေါတယ်၊ ငိုမြည်သံတွေ မောတယ်၊ ပြောမယ်၊ မောတယ်)

နောက်တခု
ဝက်လက်နှင့်ညီအစ်ကိုတော်လေသည့် ရွှေဘိုမြို့တွင် စစ်ကိုင်းတိုင်းအစိုးရဝန်ကြီးအဖွဲ့မှ စည်ပင်နှင့် လမ်းပန်းဆက်သွယ်ရေးဝန်ကြီးတင်ငွေ ဆိုသူ ရောက်နေသည်။ ထိုတင်ငွေသည် ဆောက်လုပ်ရေးဗိုလ်တဲ၌ စတဲချနေသည်မှာ ရက်အတော်ကြာလာပေပြီ။ အနှီတင်ငွေကို ညနေ ညနေ စည်တယ်လေလေ့ဆိုသလိုပင် အရက်ကောင်းနှင့် အမြည်းကောင်းကောင်းဖန်တီးပေးနေရသောဟူ၏။ ၎င်းတင်ငွေကား ဂေါက်ရိုက် ချင်သည်ဆိုသဖြင့် ခြေအိပ်မှအစ ဆင်သပေးရပြန်သောဟူ၏။

ယင်းတင်ငွေသည် မနက်မိုးလင်းလျှင်တော့ ဟိုလမ်း ဒီလမ်း လိုက်နမ်းသယောင်ပြု၏။ အဲလေ စစ်ဆေး၏။ ဒင်းတင်ငွေသည် ညနေဆို လျှင်ကား–နောက်လိုက်နောက်ပါအချို့နှင့် ဒန့်တန့်တန်မြဲ။ အနို့သို့မို့တင်ငွေကြောင့် ကြာလျှင် ဆောက်လုပ်ရေးဌာနသည် မွဲပြာကျရတော့ မည့်ကိန်း ဆိုက်လာတော့မည်၊ ဝန်ကြီးတင်ငွေကား မပြန်သေး၊ ရွှေဘိုမှာ နေခိုနေမြဲဖြစ်နေရာ- သူ့ကို ပြုစုယုယရသောငွေများသည် တကယ်တော့ ပြင်ရန်ငွေများသာတည်း၊ အခုတော့ ပြင်ငွေမဟုတ်ဘဲ တင်ငွေဖြစ်နေရချေတော့သည်တမုံ။

အော် သမတကြီး သမတကြီး၊ တေမိ ဘာ့ကြောင့် မင်းမလုပ်ချင်သည်ကို သိလောက်ပေရော့မည်။ သူ့ခမျာ ရခိုင်ကို ရိုဟင်ဂျာတွေသတ်ဖြတ်ဖျက် ဆီးသည့်ဘေးဖြင့် မအေးနိုင်ရှိနေချိန်တွင် …။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သရော်စာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်