ဒေါင်းအသဲတစ်ခြမ်း ရောင်းရန်ကျန်ရှိ

June 18, 2012

နိုင်ဦးညို (ဖိုးဇီးရိုး)
ဇွန် ၁၈၊ ၂၀၁၂

မကြိုးစားဘူးလို့မထင်ပါနဲ့ ငွေမရှာတာတခုတည်းပါ
လေများတာ အသေစားတာ အရည်များမှန်သမျှ
မန်ကျည်းဖျော်ရည် ဇီးဖျော်ရည် စပျစ်ဖျော်ရည် တွေ့မရှောင်တာ
တောရေး တောင်ရေး အရေးမှန်သမျှ တို့အရေးသမားတွေနဲ့
လေထန်ဝေဖန်နေရရင် အနေဆင်းရဲ အစားဆင်းရဲ
အသောက် မဆင်းရဲမခြင်း ဆင်းရဲခြင်းဒုက္ခမှန်သမျှ
လားလားမှမမှု ရန်သူဟူသမျှ အမြစ်ကလှန် ချေမှုန်းမယ်ကြုံးဝါး …

လီနင်၊ စတာလင်၊ ချေ၊ ကားလ်၊ လင်ကွန်း၊ ဂျော့၊ ကင်း၊ ကလင်တန်
ဒလိုင်း၊ ဗားကလပ်၊ မန်ဒဲလား၊ ကဒါဖီ၊ ဆဒမ်နဲ့
မြန်မာပြည်ဖြစ် ဆရာရော အကာကော အဟောင်းရော အကောင်းကော
ရေးထားတဲ့သတင်း ရောထားတဲ့ပလင်း ပေါများတဲ့အတင်း
အကုန်တကျွတ်ကျွတ်ဝါးစား သူမတတ်တာမရှိ
ပညာရှိ၊ ပညာရှင်၊ ပညာသင်ပါမကျန် သူအာတွေ့သမျှ လက်ချာရိုက် ….

ကျောင်းတုန်းက နံရံကပ်စာစောင် အောက်ဆုံးဒေါင့်ဆုံးနားကတောင်
တခါဖူးမှ ပါဘူးတာမရှိခဲ့ပေမယ့် ကဗျာ၊ စကားပြေ၊ ကာတွန်းဓာတ်ပုံ
ဟင်းချက်နည်းတောင်ပါရဲ့ ဘာတခုမှချန်ထားတာမရှိ
သူမလုပ်တာ ဘာမျှမရှိ သူတတ်သူသိ
သတင်းထောက်အလုပ်တောင် အပျင်းပြေခဏ မလုပ်ချင်ဘူးတဲ့
အွန်လိုင်း အီးမေးလ် ဘလောက်ခ်
နောက်ဆုံး ဖွဘုတ်မှာ တကုပ်ကုပ် တနေကုန် အလုပ်ရှုတ် ….

၂၀၁၂ မှာပြီးမယ့် ကမ္ဘာကြီးအကြောင်း ဥရောပငွေဈေး
မြစ်ဆုံနဲ့ တရုတ်ကြီး အရှုပ်ကြီး အကြံကြီးတဲ့ … ကန်
အတွေးခေါင်ခိုက်အောင် သူစဉ်းစားနေတုန်း …………
၂၀၁၂ မြန်မာပြည်ကြီးရဲ့အပြောင်း ဝင်သူတွေဝင်ကြ ပြင်သူတွေပြင်ကြ
အကြံနဲ့လူ ပြန်မယ့်သူ
အိပ်ယာလိပ်သူ သေတ္တာပိတ်သူ
စတုတ္ထမဏ္ဍိုင်ကနေ သုခမြို့တော် တည်ထောင်မယ်လို့
ကြံသူကြံ မှန်သူမှန် လန်သူလန်
အမြဲတန်း ရန်သူမရှိသူတွေ ရန်ငါစည်းပြတ်သူတွေ
ကြံဖန်ပြီး ပွသူတွေ ရှိတာတွေ ရောင်းတုတ်ထားသူတွေ
ပရိုပိုဆယ် ရေးစားသူတွေ ပီအိတ်ခ်ျဒီတွေ အမ်အက်စ်စီတွေ
ဒီဗွီဒီတွေ ဗီစီဒီတွေ ခိုးကူးတွေ ဗြောင်ကူးတွေ
အသစ်ထောင်တဲ့သူတွေ အဟောင်းပြန်ပြောင်းသူတွေ
နာမည်ပြောင်းတဲ့သူတွေ ဖြီးဖြန်းသမားတွေ အမြီးရမ်းသွားတဲ့သူတွေ
ခေါင်းကျက် ခေါင်းစားသူတွေ ညှပ်စိတွေ တတ်သိတွေ ဗဟုတွေ
လေးလုံးတွေ သုံးလုံးတွေ နှစ်ပွင့်တွေ တစ်ပွင့်တွေ
တရစ်ပြီးတရစ် တက်သွားသူတွေ
ဘာမှမသိသူတွေ ပြည်သူတွေ ပြည်တွင်းတွေ ပြည်ပတွေ
တူတာတွေပေါင်းလုပ် ….

ပေါင်းလုပ်ဖို့ သူ့မှာ ဘာမှမရှိ ငွေမရှိ ယာမရှိ လက်မှတ်မရှိ အဖွဲ့မရှိ
အမေရိကန် အင်္ဂလန်ပီပီမရှိ ရွာကလှမ်းမှာရန် မေမေ့မှာ ဘာမှမရှိ
ဖျာတစ်ချပ် စောင်တစ်ထည် ဗန်ဒါသီးတံဆိပ်ကွန်ပြူတာတစ်လုံး
ဒေါင်းအသဲတစ်ခြမ်း ရောင်းရန်ကျန်ရှိ …..။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

One Response to ဒေါင်းအသဲတစ်ခြမ်း ရောင်းရန်ကျန်ရှိ

  1. လင်းလင်း on June 19, 2012 at 9:23 am

    ငတ်နေဦးပေါ့ ကဗျာဆရာရယ် ။ ဥပမာ င့ါလိုပေါ့

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)