ဘန်ကောက်မြို့က အမွေးအမှင်ထူတဲ့ ကလေးမ – The World’s Hairiest Girl

June 25, 2012
အေးမောင်လေး
ဇွန် ၂၅၊ ၂၀၁၂


ဂင်းနစ်စာအုပ်ထဲ ပါနေလို့ နာမည်ကြီးနေတဲ့ Supatra Sasuphan က ကျောင်းမှာလည်း အထင်ရှားဆုံး ကျောင်းသူ ဖြစ်နေပါတယ်။

မွေးကတည်းက ခန္ဒာကိုယ် နေရာအများအပြားမှာ အမွေးအမှင်တွေပေါက်နေတဲ့သူ ကမ္ဘာတလွှားမှာ စုစုပေါင်း ၅၀ ၀န်းကျင် ရှိခဲ့တယ်လို့ မှတ်တမ်းတွေက ဆိုတယ်။ အဲဒီထဲမှာ ဘန်ကောက်က အသက် ၁၂ နှစ်သမီး Supatra Sasuphan လည်း တယောက် အပါအ၀င်ပေါ့။

သူ့အကြောင်းကို
http://www.thesun.co.uk/sol/homepage/news/3437543/Meet-the-Worlds-Hairiest-Girl.html မှာ ရေးထားပါတယ်။


လေ့ကျင်းခန်းလုပ်ချိန်မှာ သူငယ်ချင်းများနဲ့အတူတူ။

သူ့မျက်နှာ၊ နားရွက်၊ ခြေ၊ လက်၊ ကျောပြင်မှာ အမွေးတွေနဲ့။ ဒီအမွေးတွေက လေဆာကုထုံးနဲ့ ဖယ်ထုတ်တာတောင် မရဘူး၊ ပြန်ပေါက်လာတာ ဆိုပဲ။

မျက်လုံးပေါ်ကအမွေးတွေကိုတော့ မေမေက ညှပ်ပေးရတယ်။ ဒါမှ အမြင်ရှင်းမယ်လေ။

အများနဲ့မတူ ထူးခြားနေတော့ လူတော မတိုး ဖြစ်တတ်ပေမယ့် ဒီကလေးမကတော့ သူ့ပတ်ဝန်းကျင်မှာ အဆင်ပြေပြေ နေနိုင်တယ်၊ ထင်ရှားတဲ့ ကလေးတယောက်လည်း ဖြစ်နေတယ် တဲ့။ အမွေးအမှင်အထူဆုံးကလေးမ အဖြစ် ကမ္ဘာ့စံချိန်တင်ထားသူပါ။

“ဂင်းနစ်ကမ္ဘာ့စံချိန်ထဲဝင်တဲ့အတွက် အရမ်း ၀မ်းသာတာပဲ။ အများအားဖြင့် လူတွေက အဲဒီ ဂင်းနစ်ကမ္ဘာ့စံချိန်ထဲ ရောက်ဖို့အတွက် မျိုးစုံ လုပ်ပြခဲ့ရတယ်။ ကျမကတော့ မေးခွန်းလေး နည်းနည်းပါးပါး ဖြေရုံနဲ့ ဂင်းနစ်ကမ္ဘာ့စံချိန်ထဲ ၀င်သွားတာပဲ” လို့ သူက ဆိုပါတယ်။

“တချို့က ကျမကို မျောက်မျက်နှာနဲ့လူလို့ နောက်ပြောင်တာ ရှိခဲ့ဖူးတယ်။ ခုတော့ သူတို့ ကျမကို မပြောင်ကြတော့ပါဘူး” လို့လည်း ရှင်းပြပါတယ်။


အတန်းထဲမှာ အနိုင်ကျင့်မခံရတော့ဘူးလို့ ဆိုပါတယ်။

အခုတော့ ဒီအမွေးအမှင်တွေနဲ့ ကျင့်သားရနေပြီ၊ တနေ့နေ့မှာတော့ ဒီအမွေးတွေ မပေါက်အောင် ကုသနိုင်လိမ့်မယ် လို့ သူက မျှော်လင့်နေပါတယ်။

သူ့မှာ အမွေးအမှင် ထူလဗျစ် ဖြစ်နေပေမယ့် တခြား ကလေးမတွေလိုပဲ နေထိုင်ရှင်သန်တဲ့သူပါ။ သူငယ်ချင်းများနဲ့ လျှောက်လည်တယ်၊ သီချင်းနားထောင်တယ်၊ ကခုန်မယ်၊ ရေကူးမယ် ဆိုတာတွေက နေ့တိုင်း လုပ်တဲ့ အလုပ်တွေပါပဲ တဲ့။


မိသားစုဓာတ်ပုံမှာ အတူ တွေ့ရတာကတော့ ဖေဖေ Sammrueng, မေမေ Somphon နဲ့ ၁၆ နှစ်အရွယ် မမ Sukanya တို့ ဖြစ်ပါတယ်။ မိဘတွေကတော့ အသက် ၃၉ နှစ်စီ ရှိကြပါပြီ။

အသက်ငယ်ပေမယ့် သူ့မှာ အနာဂတ်ရည်မှန်းချက်တောင် ရှိနေပါတယ်။ အဲဒါကတော့ ဆရာဝန်တယောက် ဖြစ်လာဖို့ပဲ လို့ ဆိုိပါတယ်။

“ကျမ ဆရာဝန်ဖြစ်ချင်တယ်။ အဲဒါဆိုရင် လူတွေ ဒဏ်ရာရတဲ့အခါ ကုပေးနိုင်မယ်။ ထိခိုက်ဒဏ်ရာရသူတွေကို ကူညီချင်တယ်။ ကုသပေးချင်တယ်” လို့ ၁၂ နှစ်သမီး Supatra Sasuphan က ဆိုပါတယ်။

Supattra Sasupan, 11, from Thailand, is the world's hairiest girl. She is seen here with her national ID card
မှတ်ပုံတင်ကတ်မှာလည်း ပြင်ပပုံစံနဲ့ဓာတ်ပုံကို တွေ့ရမှာပါ။

မြန်မာပြည်မှာလည်း ဒီလို ထူးထူးခြားခြား အမွေးထူတဲ့သူတွေ ရှိခဲ့ဖူးပါတယ်။ သီပေါမင်းခေတ်က ပေါ်ပေါက်ခဲ့တဲ့ ဒီလိုအမွေးအမှင်ပေါများသူတွေဟာ နန်အတွင်းအထိ ရောက်ခဲ့တယ်၊ အနောက်နိုင်ငံသားတွေက သူတို့ကို ဥရောပ၊ အမေရိကရောက်အောင် ခေါ်သွားပြီး ဆပ်ကပ်တွေထဲ သွင်းခဲ့တယ်လို့ ဆိုတယ်။

အဲဒီအကြောင်းကို “ကုန်းဘောင်ခေတ် လူမျောက် မိသားစု နောက်ဆက်တွဲ” ဆိုတဲ့ ခေါင်းစဉ်နဲ့ ညီလင်းဆက်ရဲ့ ဘလော့ http://blog.nyilynnseck.com/2010/04/blog-post_1409.html မှာ သူတို့ရဲ့ ဓာတ်ပုံများနဲ့တကွ ဖော်ပြထားတာ ဖတ်နိုင်ပါတယ်။

ညီလင်းဆက်ရဲ့ ဆောင်းပါးကို http://yinthinneimagazine.blogspot.com/2010/07/blog-post_02.html မှာ ဖတ်ရင် ပိုအဆင်ပြေပါတယ်။ စာလုံး အရွယ်အစား ပိုကြီး၊ ပိုပီသလို့ပါ။

http://kiki-idiotlove.blogspot.com/2009/12/blog-post_09.html မှာလည်း ဘလော်ဂါတယောက်က ဖြစ်ရလေခြင်း(၄)…. ဆိုတဲ့ ခေါင်းစဉ်နဲ့ ဒီဖြစ်စဉ်တွေအကြောင်း ရေးထားပါတယ်။

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာပဒေသာ, ရသဆောင်းပါးစုံ

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags