fbpx

Tu Maung Nyo – ဗမာနိုင်ငံ နဲ့ မြန်မာလူမျိုး

June 30, 2012

ဗမာနိုင်ငံ နဲ့ မြန်မာလူမျိုး
တူမောင်ညို။ ဇွန် ၃၀၊ ၂၀၁၂
မြန်မာ ဆိုတာ လူမျိူးရဲ့နာမည်
ဒေါက်တာသန်းထွန်း- မြန်မာသမိုင်းရှာတော်ပုံ စာအုပ် စာမျက်နှာ (၁၀၃- ၁၀၄) တွင် ယခုလိုဖေါ်ပြထားပါသည်။
“မြန်မာလို့ခေါ်ရင်အစပထမလူမျိုးကိုပဲခေါ်တာဖြစ်တယ်။ နောက်တစ်နေရာ တစ်နေရာတည်းမှာပဲ မြန်မာတွေအနေကြာတော့ သူတို့နေတဲ့ နေရာကိုပါ မြန်မာစု၊ မြန်မာရွာ၊ မြန်မာပြည်လို့ခေါ်တယ်၊ မွန်ကျောက်စာ (ခရစ် ၁၁၀၂ ) ထဲမှာ မြန်မာ ကို မိရ်မာ (မွန်ကျောက်စာ ၉ခ/၄၂၊ဒီ ၂၄၊ အိပ်ခ်ျ ၁၂) လို့ရေးထားတာတွေ့ရတယ်။ ထိလိုင်မင် (၁၀၈၄ – ၁၁၁၃) လက်ထက် နန်းသစ် ဆောက်တဲ့ အခါ မွန်၊ ပျူနဲ့ မိရ်မာ လက်သမားတွေပါတယ်လို့ ဆိုပါတယ်။ အဲဒါ မြန်မာနိုင်ငံရဲ့ကျောက်စာတွေထဲမှာ အစောဆုံးတွေ့ရတဲ့ မြန်မာ အကြောင်းပဲဖြစ်ပါတယ်”
“မြမ္မာ” လို့ရေးတာလည်းတွေ့ရတယ်လို့ဆိုပါတယ်။
ဒီတော့ “မြန်မာ” ဆိုတာ မြန်မာလူမျိုးရဲ့မူလနာမည်ပဲ။ တိုင်းပြည်နာမည် မဟုတ်ပါ။
ဗမာနိုင်ငံ၊မြန်မာလူမျိုး
တို့ဗမာအစည်းအရုံးသမိုင်း (ပထမတွဲ)၊ အခန်း ၇၊  စာမျက်နှာ (၂၁၃-၂၁၇)တွင် ယခုကဲ့သို့ဖေါ်ပြထားပါသည်။
            တို့ဗမာ အစည်းအရုံးသည် မူလတည်ထောင်စဉ်မှစ၍ သမိုင်းတလျှောက်လုံး လူမျိုးစုအားလုံး၏ ညီညွတ်ရေးကို အလေး ပေးခဲ့ကြောင်း၊ “တို့” ဟူသောစကား၊ “ဗမာ”ဟူသောစကား၊ “ဗမာနိုင်ငံ၊ ဗမာပြည်” ဟူသော စကားတို့ကို တီထွင်၍ တိုင်းရင်းသား စစ်စစ် ဟူသော အမည်နာမ တပ်ဆင်ခဲ့ဖြင့် သိသာထင်ရှားပေသည်။
            သခင်များက မြန်မာနိုင်ငံ၊ မြန်မာပြည် ဆိုသော စကားမှာ မြန်မာလူမျိုးနေထိုင်သောမြန်မာနိုင်ငံဟု အဓိပ္ပါယ်ရောက်သည်။
            မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည်ဖြစ်သည်။ မမှန်ကန်။ ဗမာနိုင်ငံသည် မြန်မာလူမျိုး တမျိုးတည်းနေထိုင်သော နိုင်ငံမဟုတ်။ ၊ ကရင်၊ ကယား၊ ချင်း၊ တောင်သူ၊ ပအိုး၊ ပလောင်၊ မွန်၊ မြန်မာ၊ ရခိုင်၊ ရှမ်း စသော တိုင်းရင်းသားလူမျိုးပေါင်းစုံ နေထိုင်သော နိုင်ငံဖြစ်သည်။ ထို့ကြောင့် မြန်မာနိုင်ငံကို မြန်မာပြည်ဟုမသုံး၊ ဗမာနိုင်ငံ ဗမာပြည် ဟုသုံး သည်။ သို့မှသာ ညီညွတ်မှန်ကန်မည်။ ဗမာနိုင်ငံတွင်နေထိုင်ကြသော တိုင်းရင်းသားအားလုံးကို ဗမာဟုခေါ်သည်။
            မွန်လူငယ် မွန်သင်းလှိုင်၊ မွန်သန်း၊ မွန်ထွန်းဦးစသည်တို့သည် သခင်သင်းလှိုင်၊ သခင်သန်း၊ သခင်ထွန်းဦး
            ထားဝယ်လူငယ် ကိုဗသိန်းတင်၊ကိုစံဝင်း၊ ကိုဗဆွေ စသူတို့သည် သခင်ဗသိန်းတင်၊ သခင်စံဝင်း၊ သခင်ဗဆွေ
            ရခိုင်လူငယ် ကိုအောင်ကြီး၊ ကိုစန်ရွှေ၊ ကိုဗတင် စသူတို့သည် သခင်အောင်ကြီး၊ သခင်စန်ရွှေ၊ သခင်ဗတင်
            ရှမ်းလူငယ် ကိုခွန်တီး၊ ကိုခင်မောင်၊ ကိုငွေ ကိုသစ် စသူတို့သည် သခင်ခွန်တီး၊ သခင်ခင်မောင် (ကမာရွတ်)၊ သခင်ငွေ (ဗိုလ်စောအောင်)၊ သခင်သစ် (ဗိုလ်စောနောင်)
            ချင်းလူငယ် ကိုဝမ်းသူမောင်၊ ကိုအောင်မင်း စသူတို့သည် သခင်ဝမ်းသူမောင်၊ သခင်အောင်မင်း
            ပအိုးလူငယ် ကိုသိမ်းမောင်၊ ကိုဗရွှေ စသူတို့သည် သခင်သိန်းမောင်၊ သခင်ဗရွှေ
            ကရင်လူငယ် ကိုဘိုးကွယ်(မြောင်းမြ) ၊ ကိုစိုန်ရွှေ(မြောင်းမြ) တို့သည် သခင်ဘိုးကွယ်၊ သခင်စိန်ရွှေ ဟူ၍ သခင်အမည်ခံ ယူ ခဲ့ကြသည်။
            ထို့အတူ မစ္စတာနာရရန်ဆင်၊ နာရီဒူး၊ ဆင်းဂုပ္ပတား၊ ဘဲလျား၊ အပ္ပနား စသော အိန္ဒိယအမျိုးသားများသည် သခင်နာရရန်ဆင်၊ သခင်နာရီဒူး၊ သခင်ဆင်းဂုပ္ပတား၊ သခင်ဘဲလျား၊ သခင်အပ္ပနား
            ကိုတိတ်ဂွမ် (ရန်ကုန်)၊ ကိုဇေယျခေါ် အင်ပီး (မြောင်းမြ)၊ စူးတူး (ခေါ်) ကံဆင့်(မြောင်းမြ)၊ ချိန်တိတ်(ညောင်ဦး)၊ ဂင်စိန်(မြိတ်) စသော တရုတ်အမျိုးသားများသည် သခင်တိတ်ဂွမ်၊ သခင်ဇေယျ၊ သခင်ကံဆင့်၊ သခင်ချန်တိတ်၊ သခင်ဂင်စိတ် စသဖြင့် သခင်ဘွဲ့ခံယူပြီး တို့ဗမာအစည်းအရုံးတွင်ဝင်ရောက်ကာ တိုက်ပွဲအမျိုးမျိုးကို ဆင်နွှဲခဲ့ကြသည်။
            ထို့ကြောင့်ပင် တို့ဗမာသီချင်းတွင်
 “ တို့ဗမာ— ၊ ဟေ့— တို့ဗမာ၊ ဗမာပြေတဝှမ်းအကုန် တို့အိမ်မှတ်ပါ၊ တို့ယာမှတ်ပါ၊ အဲဒါ တို့ဗမာ”ဟု ထည့်သွင်းသီဆိုခဲ့ကြသည်။ ထို့အတူ မူလနိုင်ငံတော် သီချင်းတွင်လည်း “ဗမာပြေ”ဟုသာ ထည့်သွင်းရေးသားသီဆိုခဲ့ကြသည်။
            နယ်ချဲ့ဆန့်ကျင်ရေး၊ ဖက်ဆစ်တော်လှန်ရေးမှာ ပါဝင်ခဲ့ကြသည့်ပါတီအဖွဲ့အစည်းများ၏ အမည်များကိုလည်း ဤသို့ ရေးသား ဖေါ်ပြခဲ့ကြပါသည်။
       ဗမာနိုင်ငံလုံးဆိုင်ရာကျောင်းသားများသမဂ္ဂ (ဗကသ)
       ဗမာ့ထွက်ရပ်ဂိုဏ်း
       ဗမာပြည်ကွန်မြူနစ်ပါတီ (ဗကပ)
       ဗမာ့လက်ရုံးတပ်
       ဗမာ့လွတ်လပ်ရေးတပ်မတော်
       ဗမာနိုင်ငံလုံးဆိုင်ရာ တောင်သူလယ်သမားအစည်းအရုံး — သဖြင့်ဖြစ်သည်။
တို့ဗမာအစည်းအရုံးဝင် တိုင်းရင်းသားလူငယ်များကလည်း ၄င်းတို့အမည်ကို ဤသို့ပြောင်းလဲခဲ့ကြသည်။
သမိုင်းကိုပြင်တာမဟုတ်၊ ဖျက်ဆီးနေတာ
ယင်းသို့ သမိုင်းအချက်အလက်များ တိတိကျကျ၊ ထင်ထင်ရှားရှားရှိခဲ့ပါလျက် (နဝတ-နအဖ) စစ်အစိုးရလက်ထက်တွင် ယင်းကဲ့သို့သော သမိုင်းအချက်အလက်မှန်များကို ပြောင်းပြန်ဇောက်ထိုး ဖြစ်အောင်လုပ်ခဲ့ကြသည်။ ထင်သလိုပြင်ဆင်ခဲ့ကြသည်။ တကယ်တော့သမိုင်းကို သမိုင်းအချက်အလက်တွေကို ဖျောက်ဖျက်နေခြင်း၊ ဖျက်ဆီးနေခြင်းသာဖြစ်သည်။
မည်သည့်လူမျိုးပင်ဖြစ်ပါစေ အခြားလူမျိုး၏ ဘာသာစကားနှင့်အသံထွက်ကို အတိအကျပြောဆို အသံထွက်နိုင်လိမ့်မည် မဟုတ်၊  အနီးစပ်ဆုံးသာ ပြောဆိုအသံထွက်နိုင်ပါလိမ့်မည်။
“အသံထွက်မပီကလာပီကလာဖြင့်” မြန်မာကို (Burma/ဘားမား) လို့အသံထွက်တာ၊ (Burma)လို့ သုံးတာဟာ “လူမျိုးရေး သွေးကွဲစေရန်” အစီအမံရှိတာဖြစ်တယ်ဟု ဆိုသော ပြောဆိုရေးသားမှုများဟာ ဆီလျော်မှုမရှိတဲ့ ဇင်နိုဖိုဘီးယား (Xenophobia) အကြောင်းပြချက်များသာဖြစ်ပါသည်။
မြန်မာဆိုတာ လူမျိုးရဲ့နာမည်သာ ဖြစ်တယ်ဆိုတာ ကျောက်စာအထောက်အထားနဲ့ အခြားအိမ်နီးချင်းခေတ်ပြိုင် အထောက် အထားတွေမှာ (Mien-tien) (မီရန်တင့် ) အထင်အရှားတွေ့မြင်နေရပါလျက် မြန်မာ ဆိုသည်မှာ တိုင်းရင်းသားအားလုံးကိုကိုယ်စားပြုပြီး ဗမာ ဆိုသည်မှာ လူမျိုးတစ်မျိုး၏အမည်လို့ ပြောင်းလဲလိုက်ခြင်း/ ပြောင်းလဲလိုခြင်း ကသာလျှင် သမိုင်းကို ပြောင်းပြန်ဇောက်ထိုးပြုလုပ် ခြင်းဖြစ်ပါသည်။   မိမိတိုင်းပြည်သမိုင်းနှင့် လူမျိုးသမိုင်းကို ဖျက်ဆီးပစ်ခြင်းဖြစ်ပါသည်။
(နဝတ)စစ်အစိုးရက (၁၈ – ၆- ၁၉၈၉) နေ့တွင် နိုင်ငံတော်သီချင်းတွင်ပါဝင်သည့် “ဗမာ” ဆိုသည့် စကားရပ်ကို “မြန်မာ” ဆိုသည့်စကားရပ်ဖြင့် ပြောင်းပြန်ဖြစ်အောင်ပြောင်းခဲ့သည်။ (နဝတ) စစ်အစိုးရဥပဒေအမှတ် (၁၆/၈၉) ဖြင့် (Burma) ကို (Myanmar) ဟု တစ်ဖက်သတ်ထင်သလို ပြောင်းလဲခေါ်ဝေါ်စေခဲ့ကြခြင်းသာဖြစ်သည်။
တို့ဗမာအစည်းအရုံးသမိုင်းတွင်ဖေါ်ပြသကဲ့သို့ မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည်ဖြစ်သည်။
ထိုပဒေသရာဇ်များသည်သူတလူငါတမင်းဖြင့် အဖကိုသားသတ်၊ ညီကအကိုကိုသတ် စသဖြင့် သွေးခင်း၍နန်းလုခဲ့ကြသည်။
နောက်ဆုံးတွင် ပဒေသရာဇ်ဘုရင်ကို ကိုလိုနီနယ်ချဲ့သမားက ရာဇပလ္လင်ပေါ်ကဆွဲချပစ်ခဲ့သည်။ ကြက်ကလေးငှက်ကလေး သဖွယ် ပါတော်မူသွားကြရသည်။ ထိုပဒေသရာဇ်များ၊ ထိုပဒေသရာဇ် သက်ဦးဆံပိုင်စနစ်၏ အစဉ်အလာများကို အဘယ့်ကြောင့်ဖက်တွယ် လွမ်းဆွတ် တသနေကြမည်နည်း။ ကိုးကွယ်နေကြမည်နည်း။
 တန်ဖိုးထားကြမည်ဆိုလျှင် ကိုလိုနီနယ်ချဲ့သမားများကို ဆန့်ကျင်ခဲ့ကြသည့် သမိုင်းနှင့် ယင်းသို့တောက်ပြောင်သော သမိုင်း အစဉ်အလာများကိုသာ တန်ဖိုးထားကြရမည်မဟုတ်ပါလော။
အုပ်စိုးသူအစိုးရအဆက်ဆက်သည် နယ်ချဲ့ဆန်ကျင့်ရေး၊ ဖက်ဆစ်တော်လှန်ရေးသမိုင်းနှင့် သမိုင်းဝင်အဖွဲ့အစည်းများ၊ ရဟန်း ရှင်လူပုဂ္ဂိုလ်များ၊ သမိုင်းအချက် အလက်များ၊ အထိမ်းအမှတ်များကိုတော့ ကွယ်ပျောက်၊ ပျက်ပျယ်၊ မှုံဝါးသွားစေရန် စနစ်တကျ စီမံ လုပ်ဆောင်ခဲ့ကြသည်။ လုပ်ဆောင်နေဆဲလည်း ဖြစ်သည်။
(နဝတ-နအဖ) စစ်အစိုးရနှင့် လက်ရှိအစိုးရသည် သက်ဦးဆံပိုင်ပဒေသရာဇ် အစဉ်အလာများကိုသာ ဖက်တွယ်ထားလိုကြသည်။ သူတို့သည် သူတို့မမြင်ဖူးခဲ့သော (အနော်ရထာ၊ဘုရင့်နောင်၊ အလောင်းဘုရား) ဘုရင်များကို အရုပ်ထု၍ ကိုးကွယ်နေကြသည်။ ဂုဏ်ယူ နေကြသည်။
ဗြိတိသျှကိုလိုနီနယ်ချဲ့ကို ရဲရဲဝံ့ဝံ့တွန်းလှန်ခဲ့သော “စစ်သူကြီးမဟာဗန္ဓုလ”ကို နေပြည်တော်မှာ အရုပ်ထုပြီး ဘာကြောင့် မကိုး ကွယ်ရတာလဲ။
ဗိုလ်ချုပ်အောင်ဆန်းသည် ဗြိတိသျှကိုလိုနီနယ်ချဲ့သမားကို ဆန်ကျင့်ခဲ့သူ၊ ဖက်ဆစ်ဂျပန်ကို တော်လှန်ခဲ့သူ၊ တိုင်းရင်းသား စည်းလုံးညီညွတ်ရေး(ပင်လုံစာချုပ်) တည်ဆောက်ခဲ့သူဖြစ်ပါသည်။
 ဗိုလ်ချုပ်၏ ယင်းသို့ တောက်ပြောင်ခမ်းနားသော နယ်ချဲ့ဆန်ကျင့်ရေးဖက်ဆစ်တော်လှန်ရေး၊ တိုင်းရင်းသားစည်းလုံး ညီညွတ်ရေး သမိုင်းအစဉ်အလာအမွေကို မျိုးဆက်သစ်လူငယ်များ ဆက်ခံရမည်မဟုတ်ပါလား။
 ယခုတော့ သမိုင်း နှင့် မျိုးဆက်သစ်လူငယ်များကို အဆက်ဖြတ်ပစ်နေကြသည်။ အဆက်ပြတ်အောင်လုပ်နေကြသည်။
လွတ်လပ်ရေးဗိသုကာကြီး၊ တပ်မတော်ဖခင်ကြီးဟု လက်ရှိအစိုးရ “ပါးစပ်”က ပြောနေသော်လည်း နေပြည်တော်တွင် ဗိုလ်ချုပ် အောင်ဆန်းရုပ်ထု မရှိပါ။ ငွေစက္ကူများတွင် ဗိုလ်ချုပ်အောင်ဆန်း ဓါတ်ပုံထည့်သွင်းရိုက်နှိပ်ခြင်းမရှိပါ။
ဒါကြောင့် (နဝတ-နအဖ) စစ်အစိုးရအုပ်စိုးခဲ့တဲ့ကာလ (၁၉၈၈ – ၂၀၁၁) ကို ဗိုလ်ချုပ်အောင်ဆန်းသမိုင်း သေးသိမ် မှေးမှိန် အောင်လုပ်ခဲ့တဲ့ကာလလို့ ပြောမယ်ဆိုရင် အပြောလွန်ရာကြမည်မထင်ပါ။
ထို့အပြင် လက်ရှိ ဦးသိန်းစိန်အစိုးရကလည်း Burma ပါလျှင် “ဗမာနိုင်ငံလုံးဆိုင်ရာ ကျောင်းသားများသမဂ္ဂ (ဗကသ)” တရား ဝင်ဖွဲ့စည်းခွင့်ကို  လက်မခံသလို၊ (ဗကသ) လှုပ်ရှားမှုကိုလည်း ဟန့်တား၊ ပိတ်ပင်၊ ခြိမ်းချောက်နေပါသည်။
နိဂုံးချုပ်ရလျှင်
ကျောက်စာအထောက်အထား၊ အိမ်နီးချင်းနိုင်ငံ၏ခေတ်ပြိုင်မှတ်တမ်းများအရ လူမျိုးကို “မြန်မာ”(Myanmar) ဟု ခေါ်ဝေါ်ခြင်း ကသာ မှန်ကန်ပါမည်။
 ထိုနည်းတူပင် နိုင်ငံကိုလည်း သမိုင်းအစဉ်အလာကြီးမားသော တို့ဗမာအစည်းအရုံးကြီးက စနစ်တကျ တီထွင် ပေးအပ်ခဲ့ သော၊ ကျွန်သဘောက်ဘဝကို ရွံမုန်းပြီး၊ သခင်တိုင်းပြည် သခင်လူမျိုးများ ဘဝရောက်ရှိလာအောင် (သခင်မျိးဟေ့ ဒို့ဗမာ) ရဲတင်းသံ ပေးခဲ့သော၊ တိုင်းရင်းသား ပေါင်းစုံကို ကိုယ်စားပြုသော “ဗမာနိုင်ငံ” (Burma)ဆိုသည့် အမည်ကို တိတိကျကျ ခေါ်ဝေါ်သုံးစွဲခြင်းကသာ လျှင် မှန်ကန် ဆီလျော် ကိုက်ညီပါလိမ့်မည်။
မြန်မာလူမျိုး၊ ဗမာနိုင်ငံလို့ခေါ်ကြစို့။
(၂၀၁၂ ခုနှစ်၊ ဇွန်လ ၁၃ ရက်)
ကိုးကား
       တို့ဗမာအစည်းအရုံးသမိုင်း (ပထမတွဲ) ပထမအကြိမ်ပုံနှိပ်ခြင်း၊ ၁၉၇၆
       ဒေါက်တာသန်းထွန်း- မြန်မာသမိုင်းရှာတော်ပုံ ပထမအကြိမ်၊ ၂၀၀၃၊ အောက်တိုဘာ၊ ဒေါင်းစာပေ

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်

14 Responses to Tu Maung Nyo – ဗမာနိုင်ငံ နဲ့ မြန်မာလူမျိုး

  1. မောင်ပျာလောင် on June 30, 2012 at 5:16 am

    ဆရာညို ရဲ့တင်ပြမှုများသည် ရာခိုင်နှုံးပြည့်မှန်ပါသည်၊ သို့ သော် မှန်တိုင်းလည်း လူအများစု ကမသုံးပါ။ ဥပမာ တစ်ခုပြောရလျှင် မြန်မာ့စွယ်စုံကျန်းမှာကော၊ နေ့ စဉ်သုံး စာဆောင်တွေမှာကော သုံးနေသည့် – ကြက်တောင် ရိုက်ကစားခြင်း – ဆိုသည်မှာ တကယ်တော့ ကြက်တောင်မဟုတ်ပါ၊ ဘဲ အတောင် ဖြင့်သာလုပ်ထားသောကြောင့် – ဘဲတောင်ရိုက်ကစားခြင်း – လို့ သာခေါ်သင့်ရေး သင့်ပေမဲ့လည်း အများကခေါ်သလိုသာရေးသားရပါမည်။ ကျနော့ ဆိုလိုရင်းကတော့ အရေးကြီးတဲ့ တိုင်းပြုပြည်ပြု စာလုံးအတွက် အများပြည်သူများရဲ့သဘောထားကိုယူသင့်ပါတယ်။ ပညာရှိများက မှန်ကန်တဲ့ လမ်းကျောင်းကို ချပြပါ၊ နောက်ဆုံးမှာတော့ ပြည်သူရဲ့ အဆုံးအဖြတ်သာလျှင် အတည်ပြုရပါမည်။ အမေစုကလည်း ဒီလမ်းကျောင်းကိုညွှန်ပြထားပါသည်။

  2. witmone on June 30, 2012 at 12:08 pm

    I will discuss in English usage of “Myanmar” and “Burma”.. No discussion in Burmese word.

    Change name is the most easiest work for idiot leaders to do. after 8888 killing to students and people, Idiot Generals nothing to do and “simply Change the country name”…..

    Now, Myanmar Airway .. flight number is still using UB “Union of Burma” because international document update is NOT so easy. Example, I can change my name but I have to change my name in Degree certificate and birth certificate ..etc.

    Like that, Kachin people also want to change their state name to “Jingphaw”. Thailand real name is “Siam” .. China real name is “Sino” and Japan real name is “Nippon”.. Indonesia aslo Malayu… etc.

    Now, world people call us Myanmese, Myanmarese and governmant is to educate the tourest who come to Burma. “country name is Myanmar and people living also called Myanmar”… Of course, tourists are confused. They prefer to call Myanmese … ha ha..

    Finally, you can say that I am starborn ..
    Country name is Burma
    People name is Burmese ….

    • aungkyisoe on July 1, 2012 at 11:33 am

      i support this article

    • Kaung Htet on July 1, 2012 at 3:57 pm

      Absolutely correct, Witmone… your idea is brilliant.

  3. နဂါးမာန် on June 30, 2012 at 12:16 pm

    လေးစားပါတယ်ဆရာညို ကျေးဇူးလည်းအရမ်းတင်ပါတယ် ဒီနေ့ပြန်လာမယ့် အမေစုကို ဒီဆောင်းပါးလေးက ဂုဏ်ပြုကြိုဆိုလိုက်သလိုပါပဲ ဆရာညိုရေ……
    သမိုင်းကိုသစ္စာဖေါက် သမိုင်းကိုကွက်လပ်ချန် ဇောက်ထိုးလုပ် အမျိုးမျိုးယုတ်မာခဲ့တဲ့ အာဏာရှင်တွေရဲ့
    တစ်ကိုယ်ကောင်းဆန် တာဝန်မဲ့မှုတွေကို တစ်ကမ္ဘာလုံးကလူတွေ အထူးသဖြင့် ဗမာလူငယ်တွေသိနိုင်ဖို့
    မီးမောင်းထိုးပြလိုက်တာပါပဲ…..(ဆရာ့ဆောင်းပါးလေး share ခွင့်ပေးပါနော်)

  4. ပီစိ on June 30, 2012 at 1:38 pm

    ဟုတ်တယ.်မရောင်တာဆီလူး။အလုပ်မရှိရင်သန်းရှာတဲ့လူတွေ။ဖွတ်ကမီးကျောင်းဖြစ်လို့ချောင်းမြောင်း
    မနေသာတဲ့ဘ၀။သူတို့လုပ်ရင်တော့အကုန်ကောင်းရွေပဲ။အေးဗျာရေးရရင်တော့ဆုံးအံ့မထင်။
    ခောတ်မကောင်းလို့ရူးချင်ယောင်ဆောင်နေတာကွ။မရူးသေးဘူး။လူဆိုတဲ့အမြင်မှရှိ
    ကြသေးလားမသိ
    တော့ဘူး။တော်ပါပြီမောင်လူတော်တို့ရယ်။

  5. ကျော် on June 30, 2012 at 8:06 pm

    ကိုယ့်လူ မောင်ပြာ(ပျာ)လောင် ။ သတ်ပုံတော့ မှန်ကန် အောင်လုပ်စမ်းပါဗျာ။စိတ်ညစ်လွန်းလို့ ။

    • မောင်ပျာလောင် on July 1, 2012 at 6:38 am

      အထက်က ပညာရှိကြီး ဦးကျော် ရယ်၊ မောင်ပျာလောင် ဟာ စပယ်ရာတစ်ယောက်ပါ၊ ဘုန်းကြီးကျောင်းတောင် ပြီးအောင်မနေခဲ့ရပါ။ ဒါပေမဲ့ ပညာယှိ ဘဘကြီးနဲ့တိုင်ပင်တော့။ ကဲဒီမှာစာတွေရှိတယ် ဖေါ်ပြလိုက်တဲ့၊ အမှားအမှန်ကိုတော့ စာရှုသူတွေကဝေဖန်လိမ့်မယ်တဲ့။
      ၁။ ။ လက်စွဲ – မှန်ပြ၊ မြန်မာဝေါဟာရသတ်ပုံ (ရေးသားသူ ဦးအုန်းရွှေ) စာမျက်နှာ ၂၁၉ မှာအောက်ပါအတိုင်းဖေါ်ပြထားပါသည်၊
      ပျာ၊ ၊ ပျာပျာသလဲ၊ ကပျာ-ချောက်ချက်၊ ကရာ၊ ကသီ၊ ထိတ်ထိတ်ပျာပျာ၊ သုတ်သီးသုတ်ပျာ၊ ပျာတောက်ပင် (ပိတောက်)၊ ဆိုပြီးဖေါ်ပြထားပါတယ်။ မောင်ပျာလောင် ဟာ ပျာပျာသလဲ အမြဲဖြစ်နေလို့ လှည်းတန်းဈေးအရှေ့ ကလူတွေက ခေါ်မှည့်ထားတဲ့ အမည်သာဖြစ်ပါတယ်။ ဘယ်နိုင်ငံတော်ကောင်စီ ကမှ အပြာရောင်သန်းနေတဲ့ စပယ်ရာကလေး၊ မောင်ပြာလောင် လို့ ရေးရမယ် ဆိုပြီး ဥပဒေနဲ့ ပြဋ္ဌာန်းထားတာ မဟုတ်ပါဘူး။ သူ့ အောက်မှာ ရှင်းပြထားတဲ့ ပြာ ကတော့၊
      ပြာ၊ ၊ အရောင်၊ အသံ-ပြာ၊ စဖိုပြာ၊ – – -၊ ပြာဋိဟာ၊ ပြာသာကွက်၊ ပြာသာဒ်၊ ပြာသိုလ၊ – ငွေအသပြာ၊ ဆပ်ပြာ၊ ဆန်ပြာသည်၊ ငှက်လင်းပြာ — စသည်ဖြင့် ရေးထားတဲ့အထဲက၊ ကျနော်နှင့် ကိုက်ညီတာ မွဲပြာကျ တယ်ဆိုတဲ့ သတ်ပုံတစ်ခုသာမှန်ပါသည်။
      ထပ်ပြီးရှင်းရရင်၊ ၊မြန်မာစာအဖွဲ့ မှ ထုပ်ထားသော၊ မြန်မာ – အင်္ဂလိပ် အဘိဓာန်၊ Myanmar – English Dictonary, page 280 မှာရေးထားတာကတော့
      ပျာ/ pja/ v be in a flurry ; be flurried ; be flustere, ပျာကလတ်၊ ပျာကသီ၊ ပျာပျာသလဲ၊ ပျာယာခတ်၊ ပျာယီးပျာယာ၊ ပျာလောင်ခတ်၊ စသည်ဖြင့်ရေးထားတာကြောင့်၊ မောင်ပျာလောင် ကို -ပျာ- နှင့် စာလုံးပေါင်းမိခြင်းဖြစ်ပါတယ်။ ဘုရားစူးပါစေ့ မောင်ပျာလောင် ဟာ အပြာရောင်လမ်းကိုမလှန်းမိပါ၊ အမြဲ မွဲပြာကျနေတာကြောင့်ပါ၊ ခရိုနီကြီးတွေနဲ့ တွေ့ တော့မှ လမ်းအပြာ ကလေးအကြောင်းမေးကြည့်ပါ့မယ်။

  6. Maung Maung Myint on June 30, 2012 at 11:19 pm

    Thanks for the nice article.
    SLORC/SPDC government stated that the “Burma” is a colonial name, which is not true.
    In ancient and current Indian languages, our country was/is called “Ba-r-ma” and our people “Ba-r-mi”. Thai people also call our country and people “Pha-Ma”, which is similar to “Ba-Ma”. It shows that the name Burma was not a colonial name, but a name recognized by its neighboring countries since ancient times.

  7. ပုဆိန်ယိုး on July 1, 2012 at 4:02 am

    ဘောင်းဘီချွတ်အစိုးရဟာအငြင်းအခုန်လုပ်ဖို့ ၊အာဏာပြဖို့ နဲ့ ဆရာဂြီးလုပ်ချင်တာပဲသိတယ်၊အရည်အ
    ချင်းကတော့ထဘီဝတ်ကိုတောင်မမီဘူး၊ဒါနဲ့ များတိုင်းပြည်ကိုအုပ်ချုပ်ချင်သေးတယ်။နှစ်ပေါင်း၂၀ကျော်အာဏာကိုခိုးယူထားတဲ့အလီဘာဘာနဲ့ ခိုးသားလေးဆယ်၊မင်းတို့ ဟာတရားမလွန်ဘူးလား။တိုင်းပြည်ကိုလည်းမအုပ်ချုပ်တတ်၊နိုင်ငံတကာကအကူအညီတွေလည်းလိုချုင်၊အာဏာလည်းလက်မလွတ်ချင်၊နောက်ဆုံးအကြံကုန်တော့မတူတာတွေဘေးဖယ်၊တူတာတွေပူးပေါင်းပြီးတိုင်းပြည်ကိုပြန်ထူထောင်ကြမယ်ဆိုတဲ့ကြွေးကြော်သံနဲ့ ထဘီအောက်ဝင်ခိုခဲ့တယ်။ခုအကူအညီတွေလည်းရရောဒါမလုပ်ပါနဲ့ ဟိုဟာမလုပ်နဲ့ 
    ဆိုပြီးကျေးဇူးရှင်ကိုအာဏာပြချိန်းချောက်ချောက်လာတယ်။
    ဒီတခေါက်ပြည်သူတွေအုံကြွလာရင်မင်းတို့ စစ်ဘီလူးတွေအရင်ကလိုလုပ်ချင်တိုင်းလုပ်လို့ မရတော့ဘူး
    နားလည်လား။မင်းတို့ အခုပြန်ကပ်နေတဲ့မင်းတို့ ရဲ့ ကယ်တင်ရှင်၊အမေရိကန်ကကဒါဖီပြီးရင်ဘယ်အာ
    ဏာရှင်ကိုဖြိုပစ်ဖို့ သူတို့ မှာစါရင်းရှိထားပြီးပြီ။ နေတိုးကလည်းအဆင်သင့်ပဲတဲ့။မယုံရင်စမ်းကြည့်
    လုိုက်လေ။

  8. Morn Razagree on July 1, 2012 at 10:27 am

    Burma and Myanmar are the same (see the below link). So, need to find a suitable term to represent all the nationalities of the nation.

    http://www.scribd.com/doc/19812110/Burma-or-Myanmar1#open_download

  9. minkoko on July 1, 2012 at 3:24 pm

    လေးစားပါတယ် ဆရာတူမောင်ညို ခင်ဗျာ- တူမောင်ညို ရေးတဲ့ ဆောင်းပါးတွေ အမြဲစောင့်ဖတ်ပါတယ်။ ဆက်လက်ပြီး ရေးသားပါ- အားပေးလျှက်ပါ။

  10. မောင်လူအေး on July 1, 2012 at 9:58 pm

    ကျေးဇူးကိုပျာလောင်…ကျွန်တော်ပျာနဲ့ပြာကိုခွဲခြားမသိဘူးဗျ။

    • Tin Aung on July 3, 2012 at 8:03 am

      Our wise statemen had changed the colonial names of towns, places, streets, etc. to appropriate Burmese names after gaining inpendence. 2nd March 1962 was day of shame for our country. All the names of places, towns, streets, etc. changed after that day by successive military juntas should be reinstated back. It is to acknowledge the wisdom of our statemen in democratic government and to show defiance to the successive military junta.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)