မနေ့က ထောင်ကနေပြန်လွတ်လာတဲ့ ဦးရွှေထူး ဆိုတာ ဘယ်လိုပုဂ္ဂိုလ်မျိုးလဲ – former political prisoners U Shwe Htoo

September 18, 2012


စက်တင်ဘာ ၁၈၊ ၂၀၁၂


မြန်မာ့တပ်မတော်တပ်မဟာ(၁၃) တပ်မင်းကြီး ဇေယျကျော်ထင် ဗိုလ်မှူးကြီးဘဖြူ (ငြိမ်း) နိုင်ငံ့ဂုဏ်ရည် ပထမအဆင့် နှင့် ဒေါ်မြသွေးတို့မှ (၂၀)ရက် နိုဝင်ဘာလ ၁၉၄၄ ခုနှစ်တွင် မွေးဖွားခဲ့သည်။ မွေး ချင်းငါးယောက်အနက် ဒုတိယမြောက်သားဖြစ်သည်။

၁၉၆၄ ခုနှစ် မန္တလေးတက္ကသိုလ်မှ မဟာဝိဇာ (မြန်မာစာ) ဘွဲ့ဖြင့် ကျောင်းပြီးခဲ့သည်။ (၁၉၆၅)ခုနှစ် အသက်(၂၀)အရွယ်တွင် ပညာရေးဝန်ထမ်းဘ၀ဖြင့် အ.ထ.က (၁) ကျောက်မဲမြို့ ရှမ်းပြည်နယ်မြောက်ပိုင်းတွင် စတင်တာဝန်ထမ်းဆောင်ခဲ့သည်။

(၁၉၆၆)ခုနှစ်တွင် ဒေါ်ခင်ဆွေရီ နှင့်အိမ်ထောင်ပြုခဲ့သည်။ သားတစ်ယောက်ဖွားမြင်ခဲ့သည်။ (၁၉၈၆)ခုနှစ်တွင် အ.ထ.က (၁) မန္တလေးမြို့ မန္တလေးတိုင်းအတွင်း အထက်တန်းပြဆရာအဖြစ် ပြောင်းရွှေ့ တာဝန်ထမ်းဆောင်ခဲ့သည်။ (၁၉၈၆) ခုနှစ်တွင် ပညာရေးဝန်ထမ်းဘ၀မှ အငြိမ်းစားယူခဲ့သည်။

(၁၉၈၈)ပြည်လုံးကျွတ်အရေးအခင်းတွင် နိုင်ငံရေးလှုပ်ရှားမှုမှာ ပါဝင်ဆောင်ရွက်ခဲ့သည်။(၁၉၉၃) တွင် တပ်မတော်ထောက်လှမ်းရေး၁၆ က စွဲချက်တင်ရာ အထူးတရားရုံးက ပုဒ်မ(၅)(ည)(၁၇/၁)အရ ထောင် ၃ နှစ်ချမှတ်ပြီး တစ်ပေါင်းတည်းအပြစ်ဒဏ်အဖြစ် (၃) နှစ်ချခဲ့သည်။

(၁၉၉၈)ခုနှစ်မေလထဲတွင် တပ်မတော်ထောက်လှမ်းရေး(၁)က ဖမ်းဆီးပြီး ၁၂၄(က)အရ အနှစ် (၂၀) ဖောက်ခွဲ(၅)အရ ထောင်ဒဏ် ၁၄နှစ် ၊ ပုဒ်မ ၁၇ (၂)အရ ထောင်ဒဏ် (၅)နှစ် ၊ ပုဒ်မ ၁၉(စ)အရ ထောင်ဒဏ် (၃)နှစ် ချမှတ်ခဲ့သည်။ အစပိုင်းတွင် အိုးဘိုးအကျဉ်းထောင် (မန္တလေး)၊ (၃၀) ရက်မေလ ၂၀၀၀ ပြည့်နှစ်တွင် တောင်လေးလုံးအကျဉ်းထောင်(တောင်ကြီး)ရှမ်းပြည်နယ်သို့ရွှေ့ပြောင်းခံခဲ့ရသည်။

၁၉၉၈ ခုနှစ်မေလ (၂၉) ရက်တွင် ဦးရွှေထူး (ခ) ဦးအောင်ဇေယျအပါအ၀င် ၁၉၈၈ ခုနှစ် အရေးအခင်း ကဲ့သို့ ဖန်တီးရန် နှိုးဆော်ရန်ကြံရွယ်သည်ဟု စွပ်စွဲပြီး တပ်မတော်ထောက်လှမ်းရေး (၁) က ဖမ်းဆီးပြီး ပြစ်ဒဏ်ချ မှတ်ခဲ့ရာတွင် အောက်ပါပုဒ်မများဖြင့် စွဲချက်တင်ခဲ့သည်။ ယင်းပုဒ်မများအနက်

၁။ ပုဒ်မ ၁၂၄(က) အရ ခုနှစ်ဦးအား အနှစ်(၂၀) ချမှတ်ခဲ့ရာတွင် နောက်ပိုင်းတါင် ၆ ဦးပြန်လည်လွတ်မြောက်လာသော်လည်း ဦးရွှေထူးတစ်ယောက် ပါဝင်ခြင်း မရှိပေ။

၂။ ပုဒ်မ ဖောက်ခွဲ (၅)အရ ဦးရွှေထူးနှင့်အခြားတစ်ဦးအား ထောင်ဒဏ် ၁၄နှစ် ချမှတ်ခဲ့ရာ ကျန်တစ်ဦးမှာ ပြန်လည်လွတ်မြောက်ပြီး ဦးရွှေထူးသာ ကျန်ရစ်ပြန်သည်။ ဤဖြစ်စဉ်တွင် ဖောက်ခွဲရေးပစ္စည်း တစ်စုံတစ်ရာသော်လည်းကောင်း၊ ဖောက်ခွဲဖျက်ဆီးမှုသော်လည်းကောင်း တင်ပြနိုင်ခြင်းမရှိပါ။

၃။ ၁၉(စ)အရ ဦးရွှေထူးတစ်ဦးတည်းကို ထောင်ဒဏ် (၃)နှစ် ချမှတ်ခဲ့သည်။ ဤဖြစ်စဉ်တွင် ၄င်းလေသေနတ် နံပါတ် (၁)မှာ ဦးရွှေထူးကျောင်းသားဘ၀( ခြောက်တန်း ၊ ၁၉၅၉) တွင် ဘခင်ဖြစ်သူ ဗိုလ်မှူး ကြီးဘဖြူ (ထိုအချိန်တွင် ဗမာ့တပ်မတော် တပ်မဟာမှူး ၁၃ ဦးအနက်မှ တပ်မဟာ ၁၃၏ တပ်မင်းကြီး) က သားဖြစ်သူ၏ ပညာရေးထူးချွန်မှုအတွက် လက်ဆောင်ပေးခဲ့ခြင်းသာဖြစ်သည်။

ထိုခေတ်က ဤလေသေနတ် နံပါတ် (၁) (air Diana) အမျိုးအစားမှာ ဥပဒေအရ လိုင်စင်ပြုလုပ်ရန်မလိုပါ။ ဖမ်းဆီးစဉ်ကာလကလဲ ၄င်းလေသေနတ်မှာ အသုံးပြု၍ လုံးဝမရဘဲ ကျိုးပဲ့ပျက်ဆီးနေပြီ ဖြစ်ပါသည်။ ဖခင်၏ အမှတ်တရလက်ဆောင် ပစ္စည်းအဖြစ် ဦးရွှေထူးက သိမ်းဆည်းထားခြင်းသာ ဖြစ်ပါသည်။

၎။ ပုဒ်မ ၁၇ (၂) အရ ဦးရွှေထူုးနှင့် ကိုမောင်မောင်တို့အား ထောင် ၅ နှစ်စီ ချမှတ်ခဲ့ရာ ကိုမောင်မောင် သည် ၂၀၁၁ ခုနှစ် အောက်တိုဘာလက လွတ်မြောက်လာသော်လည်း ဦးရွှေထူးကို လွှတ်ပေးခြင်း မရှိပေ။

အထက်ပါဖြစ်စဉ်တွင် ပုဒ်မ ၁၂၄ (က) အရ (၇) ဦး ၊ ပုဒ်မ ၅ (ည) အရ (၁၇) ဦး ၊ ပုဒ်မ ၁၇ (၂) အရ တစ်ဦး စုစုပေါင်း ၂၆ ဦးအနက် ၂၅ ဦးမှာ လုံးဝလွတ်မြောက်လာသော်လည်း ဦးရွှေထူး တစ်ဦးထဲသာ ကျန်ရစ် ခဲ့ခြင်း ဖြစ်ပါသည်။ ဦးရွှေထူးအား စွဲဆိုထားသော ဖောက်ခွဲ (၅)၊ ပုဒ်မ ၁၂၄(က)၊ ပုဒ်မ ၁၉(စ) တို့ သည်လည်း အမှန်အားဖြင့် ပြစ်မှုမမြောက်ဘဲ သံသယဖြင့်စွပ်စွဲကာ ပြစ်ဒဏ်ချမှတ်ထားခြင်းသာ ဖြစ်ပါသည်။

ယခု ဦးရွှေထူး ပြန်လွတ်လာသည်။ သမ္မတဦးသိန်းစိန်က အမေရိကန်နိုင်ငံသို့ မသွားမီ သူ အပါအ၀င် နိုင်ငံရေးအကျဉ်းသား အများအပြားကို ယမန်နေ့က လွှတ်ပေးရာတွင် ဦးရွှေထူး လွတ်မြောက်လာခြင်း ဖြစ်သည်။

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:လူများ၊ ရုပ်ပုံလွှာများ, သမိုင်းနဲ့ အစဉ်အလာ

3 Responses to မနေ့က ထောင်ကနေပြန်လွတ်လာတဲ့ ဦးရွှေထူး ဆိုတာ ဘယ်လိုပုဂ္ဂိုလ်မျိုးလဲ – former political prisoners U Shwe Htoo

  1. yarsein on September 18, 2012 at 1:12 pm

    ကျွန်တော်တို့ မြို့နယ် ၏ ပညာရေးအခြေအနေကို
    ပြုပြင်ဆောင်ရွက်နိုင်ရန် ဧရာဝတီတိုင်း ၀န်ကြီးချုပ်
    အားတင်ပြတိုင်ကြားခဲ့ပါသည် ဒါပေမဲ့ ယခုအထိ
    အရေးယူဆောင်ရွက်ခြင်းမရှိသည့်အတွက် အများပြည်
    သူသိရှိစေရန် ပေးပို့ရခြင်းဖြစ်ပါတယ်
    တိုင်ကြားမှုကို အချက်(၆) ချက်နဲ့တိုင်ကြားခဲ့ပါသည်
    ၄င်း အချက် (၆) ချက်အား အဓိကအကျဉ်းအချက်
    အလက်များသာဖော်ပြလိုက်ပါသည်
    ၁။ မူလတန်းမှ(၉)တန်းအထိ အရည်အချင်းမပြည့်ဝ
    သော်လည်းအောင်မြင်မှုများပေးခဲ့ခြင်း
    ၂။ ကျောင်းဆရာ ဆရာမများ ကျူရှင်ဘော်ဒါဖွင့်လှစ်
    သင်ကြားခြင်း
    ၃။ ပညာရေးမှူးလက်ထောက်ပညာရေးမှူးကျောင်းအုပ်များတွဲဖက်ကျောင်းအုပ်များ
    အချင်းချင်းနားလည်မှု
    (ငွေပေးငွေယူ) ယူပြီး တွဲဖက်တွဲကျောင်း(ခိုးတွဲ)
    များဖွင့်လှစ်သင်ကြားနေခြင်း
    ၄။ ဘော်ဒါ ကျူရှင်များကို သေချာစိစစ်ခြင်းမရှိပဲ
    ဖွင့်လှစ်ခွင့်ပေးခြင်း
    ၅။သင်ကြားနေသောဆရာ ဆရမ များ အရည်အချင်း
    မပြည့်ဝခြင်း
    ၆။ အမှတ်ပေးစည်းမျဉ်း တိတိကျကျ သက်မှတ်ပေး
    ထားခြင်းမရှိခြင်း

    ကျွန်တော်သည်ဘိုကလး အ.ထ.က (၁) မှ
    ကျောင်းဆရာ တစ်ဦးဖြစ်ပါသည်.ကျွန်တော်တို့မြို့နယ်၏ပညာရေး
    တိုင်းပြည်ပညာရး တိုးတက်စေလိုသော စေတနာဖြင့်
    ပြုပြင်နိုင်စေ၇န်တင်ပြ တိုင်ကြားခြင်းဖြစ်ပါသည်.
    ၁။ အ၇ည်အချင်းမပြည့်ဝပဲ မူလတန်းမှ(၉) တန်း
    အထိ အောင်မြင်မျုပေးခဲ့ခြင်း
    မူလတန်းမှ (၉)တန်းအထိ အရည်းအချင်းမပြည့်ဝသော်လည်း (90%)ကျော်
    အောင်မြင်မှုများပေးခဲ့ခြင်းသည် တက္ကသိုလ်ဝင်တန်း
    အောင်ချက်ကျဆင်းမှုများအပြင် တိုင်းပြည်အတွက်
    များစွာနစ်နာလှပါသည် ။
    ၂။ ဆရာ ဆရာမများ ကျူရှင် ဘော်ဒါဖွင့်လှစ်သင်ကြားနခြင်း

    ဆရာ ဆရာမ များ ကျူရှင် များဖွင့်လှစ်သင်ကြားနေခြင်းသည် ဆရာ
    ဆရာမမျာအကျင့်စာရိတ္တ ယိုယွင်းသည့်အပြင် မိဘ။ကျောင်းသားများ၏
    ရိုသေလးစားမှု မရှိခြင်း
    သိက္ခာကျဆင်းရခြင်းများဖြစ်ပေါ်လျှက်ရှိပါသည်
    အချို့ ဆရာ ဆရာမ များသည် သူတို့၏ ကျူရှင်တွင် မတက်ပါက ဆူပူငေါက်ငမ်းခြင်း
    လပတ်စာမေးပွဲများ ကျဆင်းရအောင်စစ်ဆေးပြီး
    အုပ်ထိန်းသူ မိဘ အားခေါ်ယူကာ ခံဝန်လက်မှတ်
    ထိုးခိုင်းခြင်း။ကျောင်းသားမည်မျှပင်တော်စေကာမူ
    အဆင့်နောက်ဆုံးတွင်ထားခြင်း သူတို့ကျူရှင်တွင်တက်ပါကအဆင့်ကောင်းကောင်းပေး
    ခြင်း မကြာခဏ ကျောင်းပျက်ခွင့်ပေးခြင်း တို့ကို ပြု
    လုပ်လျှက်ရျိသည်ကိုတွေ့ရပါသည်
    အဆိုးဆုံးမှာ ကျူရှင်တွင်ကောင်းမွန်စွာသင်ကြားပြီး
    ကျောင်းတွင် ခုန်ပျံကျော်လွှား သင်ကြားသည်ကိုတွေ့ရပါသည်
    ၃။ ပညာမှူး လက်ထောက်ပညာရေးမှူး ။ ကျောင်း
    အုပ်များ တွဲဖက်ကျောင်းအုပ်များ အချင်းချင်းနားလည်မှု(ငွေပေး ငွေယူ )
    ယူပြီးတွဲဖက် တွဲကျောင်း ( ခိုးတွဲ) များ ဖွင့်လှစ်နေ
    ခြင်း

    ကျွန်တော်တို့ ဘိုကလေးမြို့နယ်တွင် ပင်မ ကျောင်းမှာ အ.ထ.က(၁) ။
    အ.ထ.က (၂) ။ ကဒုံ ။မြင်းကကုန်း တို့ရှိပြီးတွဲဖက် အ.ထ.ကကျောင်းမှာ
    စက်ဆန်း ။ က.မ.က လူ
    ဖိုးဒီကွဲ ။ အောက်လှည်းဆိပ် ။ စသည်တို့ရှိပါသည်
    ၄င်း ကျောင်းအုပ်များ တွဲဖက် ကျောင်းအုပ်များ သည် ပညာရေးမှူး လက်ထောက် ပညာရေးမှူး
    စသည်တို့နှင့် နားလည်မှု ယူကာ ငွေပေးငွေယူဖြင့်
    တရားမ၀င် ခိုးကျောင်းများကို ဖွင့်လှစ်လျှက်ရှိကာ
    ကျောင်းပေါင်း (၅၀) ကျော်ရှိပါသည် တိုင်စာတွင်
    ရွာ နာမည် အတိအကျ ပူးတွဲ ပို့ထားပါသည် တွဲဖက်
    ကျောင်းများတွင်ကျောင်းသားဦးရေ ရာချီ ရှိသော်လည်း ကျောင်းတက်သည့်ဦးရေမှာ (၁၅)ဦး
    ထက်မပိုပါ
    ကျွန်တော်သည် စည်းကမ်းထိန်းသိမ်းရေးတွင်ပါဝင်
    ပြီးကျောင်းမှန်မှန်တက်ရေး ကျောင်းခေါ်ချိန် ပြည့်မှီ
    ရေး ဆောင်ရွက်ပေးနေရသည်မှာ အလွန် ရယ်စရာကောင်းလှပါသည် ကျောင်းတက်ရက်မှ
    မတက်ရပဲ စာမေးပွဲ ဖြေဆို ခွင့်ရရှိနေသည်မှာ အမျာားကြီးပါ
    ၂၀၁၂ ပညာသင်နှစ် တွင် ဆူးပဒေါင်းကုန်းရွာမှ
    ဦး သံချောင်း၏ သား မောင် ဖိုးဇော် သည် တရားမ၀င် ခိုးတွဲ ပ၀ိန်
    ရွာကျောင်းမှ န၀မတန်းကို
    ၀င်ရောက်ဖြေဆိုရာ အောင်စရင်းထွက်သည့်အချိန်တွင်
    အောင်စရင်းတွင်ပါခဲ့သောကြောင့် ယခု ကျောင်းဖွင့်သောအခါ အ.ထ.က(၁) တွင်
    ကျောင်းအပ်ရာတွင် ကျောင်းအုပ် ဦးအုန်းကြိုင်မှ
    စားမေးပွဲ မအောင်ဘူး လက်မခံနိုင်ပါဘူးလို့ပြောခဲ့ပါသည် မိဘ များမှ
    လက်မခံရင် တိုင်မယ် လုပ်သောအခါမှသာ လက်ခံခဲ့ပါသည် အမှန်မှာ အ.ထ.က (၁)
    နှင့်
    တွဲထားသောဟေမာန်တွဲဖက်တွင်စရင်းသွင်းပြီးဖြေဆို
    ခဲ့ခြင်းဖြစ်ပါသည် ယခုပင်မ ကျောင်းလာအပ်သော
    အခါ တွဲဖက်မှ ငွေကြေးမရမှာစိုးသောကြောင့်
    လက်မခံလိုခြင်းဖြစ်ပါသည်
    ၄။ ဘော်ဒါ ကျူရှင်များကို စိစစ်ခြင်းမရှိပဲ ဖွင့်လှစ်ခွင့်
    ပေးခြင်း

    ကျွန်တော်တို့မြို့တွင် ကျူရှင် ဘော်ဒါပေါင်း
    (၅၀)ကျော်ရှိပါသည် တရားဝင်မှတ်ပုံတင်ခြင်းသည်
    လေး ငါး ခုသာရှိပါသည် ကျောင်း ဆရာ ဆရာမ များ ကျူရှင် ဘော်ဒါ
    ဖွင့်လှစ်နေသောကြောင့် ပုဂ္ဂလိက လုပ်ငန်းရှင်များကလဲ မှတ်ပုံမတင်ကျကြောင်း
    သိရပါသည် ကျွန်တော်တို့ကျောင်းမှ ဒေါ်ခင်မာကြည် သည် (၆)ရပ်ကွက်တွင်
    ဘော်ဒါဖွင့်လှစ်နေပါသည် အဆာက်အဦးအကျယ်အ၀န်း သင်ကြားရေး ကျန်းမာရေး
    စသည်တို့ကို သေချာစိစစ်ပြီး ဖွင့်လှစ်ခွင့်
    ပြုသင့်ပါသည် ယခုမှာ အိမ်ဆိုလျှင် ဘော်ဒါဖြစ်နေကြ
    ပြီး
    ၅။ သင်ကြားနေသော ဆရာ ဆရာမ များအရည်အချင်းမပြည့်ဝ ခြင်း
    ယခု ဆရာ ဆရာမ အချို့သည်ပညာရေးအပြင် ဗဟု
    သုတ များစွာ ချို့ယွင်းအားနည်သည်ကို တွေ့ရပါသည်
    ဆရာ ဆရာမ များကိုယ်တိုင်မှ မတက်လျှင်ကျောင်းသားတက်ဖွယ်ရာလုံးဝမမြင်ပါ
    ၆။ အမှတ်ပေးစည်းမျဥ်းတိတိကျကျ သတ်မှတ်ပေးမှုမရှိခြင်း

    ကျွန်တော် သည် နှစ်စဉ် တက္ကသိုလ်ဝင် အဖြေလွှာများကို စစ်ရာတွင်
    ပါဝင်ပါသည် အမှတ်ပေးစည်းမျဉ်းသည် ဖြေနိုင်လျှင်ဖြေနိုင်သလို
    မဖြေနိုင်လျှင်မဖြေနိုင်သလို နှစ်စဉ် မတူညီသောကြောင့် သင်ကြားရာတွင်
    များစွာဒုက္ခရောက်ရပါသည် သင်ရိုးထဲမှ အပုဒ်တိုင်းအား အမှတ်ပေးစည်းမျဉ်း
    တိတိကျကျ
    သတ်မှတ်ပေးသင့်ပါသည်

    ကျောင်းဆရာ တစ်ဦး
    အ.ထ.က (၁) ဘိုကလေးမြို့

  2. Htin Aung on September 21, 2012 at 9:32 am

    ဆရာထူး သတိရသေးရဲ့ လားလို့ မေးချင်ပါတယ်။အင်းဝဆောင်မှာနှစ်တိုင်းစာစစ်ရင်းပျော်ခဲ့တဲ့တယောက်ပါ။ထင်အောင်ပါ။တွေ့ ချင်တယ် စကားတွေပြောချင်တယ်။သိချင်းတွေဆိုချင်တယ်။ဆရာမှူးကိူလဲသတိရတယ်။ပစည်းမဲ့ချက်ကြီးကိုသတိရမှာပါ။

  3.ုမိုးကောင်း on September 22, 2012 at 12:27 pm

    အထက(၂)ကမာရွတ် ရန်ကုန်မှ ကျောင်းအုပ်ဆရာမကြီးသည် ကျောင်းပြုပြင်ဆောက်လုပ်ရန် အတွက် ကျောင်းသားမိဘ တစ်ဦးလျှင် ငွေ ၁၀၀၀၀၀ ကျပ် မထည့်မနေရ ကောက် ခံလျက် ရှိပါသဖြင့် မတတ်နိုင်သော မိဘများ အခက်ကြုံနေရပါသည်။ လက်ရှိတွင်လည်း ကျောင်းသားမိဘများကို အစည်းအဝေးခေါ်ပြီး အတင်းအကြပ်လက်မှတ်ရေးထိုး ထည့်ခိုင်းနေပါသည်၊ MRTV 4 တွင်လည်း ကျောင်းသားမိဘနှင့်တွေဆုံခန်းလုပ်ပြီး ဒုသမ္မတ ဒေါက်တာ စိုင်းမောက်ခမ်းမှ သိန်း၃၀၀၀ စက္ကူပုံးသာ လှူသွားသဖြင့် သူမ၏ ကားကို ရောင်းပြီး လုပ်နေရကြောင်း၊ (ဒါတော့ နဲနဲ ဆန်းသွားပြီ ထင်ပါသည်) စေတနာ ရှိသလောက်ထည့်ပါ ဆိုလျှင် ၅၀၀၀ ။ ၁၀၀၀၀ နှင့် ဒီကျောင်းဘယ်တော့မှ ပြီး မှာ မဟုတ်ကြောင်း ဒါကြောင့် တစ်သိန်း စီ မဖြစ်မနေ ထည့်ကြဖို့ပြောသွားပါသည်။ အစိုးရကျောင်းတစ်ကျောင်း ၏ ကျောင်းဆောင်သစ်ဆောက်လုပ်ဖို့ နိုင်ငံတော်မှ ပံ့ပိုးတာဝန်ယူမှုလုံးဝမရှိပါကြောင်း ။ အမှန် ဒီကိစ္စက ဘယ်သူနဲ့ဆိုင်နေသလဲ ဆိုတာ သိချင်ပါသည်

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်