ပြင်ချိန်တန်ပြီဖြစ်တဲ့ အခြေခံပညာရေးမူဝါဒများ

September 30, 2012

ဒေါက်တာ ဓမ္မပိယ (ITBMU)

စက်တင်ဘာ ၃၀၊ ၂၀၁၂ 

မြန်မာနိုင်ငံတော်ကြီးကို အာစီယံနိုင်ငံများ၏ စံချိန်၊ စံနှုန်းများနှင့်ညီအောင် ၂၀၁၅ နှစ်အမှီ ပြုပြင်ပြောင်းလဲနိုင်ဖို့ တက်စုံရွက်စုံဖွင့်ပြီး နိုင်ငံ ခေါင်းဆောင်းများ အားသွန်ခွန်စိုက်ဆောင်ရွက်နေချိန်မှာ … ပြုပြင်ပြောင်းလွဲရေးမှာ ကဏ္ဍများစွာရှိနေလေတော့ ဘယ်ကဏ္ဍများကို အရေး တကြီး အရင်ပြုပြင်ပြောင်းလဲသင့်သလဲဆိုတဲ့ အမေးပါ။

ငြိမ်းချမ်ရေး၊ တရားဥပဒေစိုမိုးရေး၊ စီးပွားရေး၊ ပညာရေး စတဲ့ ဒီအရေးတွေဟာ နိုင်ငံတော်အတွက် အရေးကြီးလှတဲ့ အရေးတွေချည်းပါ။ ဒီအရေးတွေဟာ သူ့ကဏ္ဍနှင့်သူ အရေးကြီးနေတာဖြစ်နေလေတော့ ကဏ္ဍတိုင်းမှာ ပြုပြင်ကြရမှာတော့ သေချာနေခြင်းပါ။ သို့သော် တိုင်း ပြည်တိုးတက်နိုင်ဖို့ လာဘ်ပေးလာဘ်ယူမှုကိစ္စများကို အရင်ကိုင်တွယ်ဖြေရှင်းသင့်တယ်လို့ အမြင်ရှိသူတွေ ရှိနေသလို၊ ဥပဒေစိုးမိုးရင် အခြားကိစ္စများဟာ အလိုလို ရှင်းလင်းသွားမှာပါလို့ တွေးထင်ထားသူတွေကလည်း အများအပြားရှိနေခြင်းပါ။ တိုင်းပြည်တိုးတက်ဖို့အတွက် ကဏ္ဍတိုင်းမှာ အရေးကြီးတယ်လို့ဆိုနိုင်ပေမဲ့ အလျင်အမြန် ပြုပြင်ပြောင်းလဲသင့်တာကတော့ ငြိမ်းချမ်းရေးရဖို့တို့၊ တရားဥပဒေစိုးမိုးနိုင်ဖို့တို့၊ စီးပွားရေးတိုးတက်ဖွံ့ဖြိုးနိုင်ဖို့တို့ပါ။ သို့သော် ထိုအရာအားလုံးကို ဟန်ချက်ညီညီဖြစ်အောင် ပံ့ပိုးပေးနိုင်တဲ့အဓိကအရေးက ပညာရေးပါ။

တိုင်းပြည်တစ်ပြည်မှာ စနစ်တကျ တိုးတက်နိုင်ဖို့အတွက် ပညာရေးရဲ့အခန်းကဏ္ဍဟာ အရေးကြီးတဲ့အခန်းကဏ္ဍတစ်ခုပါ။ တိုင်းပြည်ငြိမ်း ချမ်းနိုင်ဖို့၊ တရားဥပဒေစိုးမိုးနိုင်ဖို့၊ တိုင်းပြည်ရဲ့စီးပွားရေးများ တည်တည်ငြိမ်ငြိမ်နဲ့ တိုးတက်လာနိုင်နိုင်ဖို့ဆိုတာ ပြည်သူ၊ ပြည်သားများရဲ့ အခြေခံပညာရေးများ ကောင်းမွန်ပါမှ ဖြစ်နိုင်တဲ့ကိစ္စမျိုးပါ။ ပညာရေးမှာလဲ အခြေခံပညာရေးနှင့် တက္ကသိုလ်ပညာရေးရယ်လို့ အပိုင်းနှစ် ပိုင်းရှိနေခြင်းပါ။

သို့သော် မြန်မာနိုင်ငံမှာ လက်ရှိအနေအထားက တက္ကသိုလ်ပညာရေးကို မြှင့်တင်ပေးဖို့ အရေးတယူဆောင်ရွက်နေကြသော်လည်း အခြေခံ ပညာရေးကိုပြုပြင်ပေးဖို့ လျစ်လျူရှုထားတဲ့ အနေအထားမျိုးမှာပဲရှိနေဆဲပါ။ ဒါဟာ လုံးဝမဖြစ်သင့်တဲ့ကိစ္စပါ။ အရေးတကြီးဆိုသလို တက္က သိုလ်ပညာရေးကို ပြုပြင်ပေးကြရမှာဖြစ်သော်လည်း ပညာရေးမှာ ဖေါင်းဒေးရှင်းဖြစ်တဲ့ အခြေခံပညာရေးကို တချိန်တည်းမှာ ပြုပြင်ပြောင်း လဲခြင်းမျိုးမရှိဘူးဆိုလျှင် အခြေခံမပါတဲ့ကျောင်းသားများရဲ့ဘ၀ဟာ မူလတန်းကျောင်းသားအား တက္ကသိုလ်ဘာသာရပ်များကို ရုတ်ချည်း သင်ပေးလိုက်သလိုဖြစ်မှာပါ။ သူ့အတွက် ပညာသင်ကြားသင်ကြားရေးမှာ ပျော်ရွှင်နိုင်ဖွယ်မရှိပါ။

အခြေခံပညာရေးကို တပါတည်းမပြုပြင်ဘဲနဲ့ တက္ကသိုလ်ပညာရေးမျှကိုသာ အရေးတကြီးပြုပြင်ဖို့ ဆောင်ရွက်နေခြင်းဟာ တိုင်းပြည်ငြိမ်း ချမ်းရေးနှင့် တိုင်းပြည်တည်ငြိမ်ရေးကို အထောက်အကူ မပြုနိုင်ဘူးဆိုတဲ့အချက်ပါ။ (၁၁) နှစ်လုံးလုံး (မူလတန်းမှ ၁၀ တန်းအထိ) စည်း စနစ်မရှိတဲ့ပညာရေးမျိုးနှင့် ကြီးပြင်းလာရတဲ့ကျောင်းသားတစ်ယောက် (သို့မဟုတ်) ကျောင်းသူတစ်ယောက်ဟာ အလွတ်ကျက်မှတ်တဲ့ နည်းနဲ့ပညာရေးနယ်ပယ်ကိုဖြတ်သန်းလာခဲ့ရတာဆိုတော့ ခေါက်ရိုးကျိုးနေပြီဖြစ်တဲ့ သူ့တို့ရဲ့အလေ့အထများကို အတော်ကြီးကို ပြုပြင်ယူ ရမှာပါ။ တက္ကသိုလ်ပညာရေးဟာ လူအနည်းစုအတွက်သာ (၁၀ % ခန့်သောလူအနည်းစုအတွက်သာ) ဖြစ်နေလေတော့ တက္ကသိုလ် ပ ညာရေးစနစ်မျှကိုသာ အလေးထားပြီး ပြုပြင်နေခြင်းဟာ မှန်ကန်တဲ့နည်းလမ်းဟုတ်၊ မဟုတ် စဉ်းစားနိုင်ကြဖို့ပါ။

ဖြစ်သင့်တာကတော့ တက္ကသိုလ်ပညာရေးကို အရေးတကြီးပြုပြင်ပေးဖို့ လိုအပ်နေသလို၊ အခြေခံပညာရေးကိုလည်း အရေးတကြီး ပြုပြင် ပေးရန် လိုအပ်နေခြင်းပါ။ ဥပမာ၊ အခြေခံပညာရေးကို ပြုပြင်ရာ၌ တစ်နှစ်တည်းနှင့် အခြေခံမူလတန်းမှ အထက်တန်းအထိ (အကြောင်း အမျိုးမျိုးကြောင့်) ပြုပြင်ရန် ခက်ခဲနေသေးလျှင် အခြေခံမူလတန်းများအတွက် ပညာရေးမူဝါဒများနှင့် သင်ကြားရေးစနစ်များကို ပထမ ပညာသင်နှစ်မှာ ပြုပြင်ပြောင်းလဲပေးဖို့၊ အခြေခံအလယ်တန်းများအတွက် ပညာရေးမူဝါဒများနှင့် သင်ကြားရေးစနစ်ကို ဒုတိယပညာသင် နှစ်မှာ ပြုပြင်ပြောင်းလဲပေးဖို့၊ အခြေခံအထက်တန်းများအတွက် ပညာသင်ရေးမူဝါဒများနှင့် သင်ကြားရေးစနစ်ကို တတိယနှစ်မှာ ပြုပြင် ပြောင်းလဲပေးဖို့ပါ။ ဤစနစ်ဖြင့် ပြုပြင်ပြောင်းလဲပေးမယ်ဆိုလျှင်တောင်မှ သုံးနှစ်ဆိုတဲ့အချိန်ကာလကို ယူကြရမှာပါ။ သို့သော် အခုအချိန် အထိ အခြေခံပညာရေးအတွက် ပြုပြင်ပြောင်းလဲဖို့ အစီအစဉ်များမရှိသေးဘူးဆိုလျှင် နောင်နှစ်ပေါင်းမည်မျှကြာအောင် စောင့်ရဦးမည် ဆိုတာ မည်သူမျှသိနိုင်မည်မဟုတ်ပါ။

အကယ်၍ နိုင်ငံခေါင်းဆောင်များမှ အခြေခံပညာရေးစနစ်ကို ပြုပြင်ပြောင်းလဲပေးဖို့ စီမံကိန်းများရှိလာခဲ့ပြီဆိုလျှင်တော့ သတိပြုစရာ အချက်တစ်ချက်မှာ ပညာရေးမူဝါဒများနှင့် သင်ကြားရေးစနစ်များကိုခေတ်နှင့်အညီ ပြုပြင်ပြောင်းလဲပေးရုံမျှနှင့် မလုံလောက်နိုင်သေး ကြောင်းကို ကြိုတင်ပြောထားလိုခြင်းပါ။ တိုင်းပြည်တွင်းမှာရှိတဲ့ ကျောင်းသား၊ ကျောင်းသူများအားလုံး ဆင်းရဲချမ်းသာမရွေး ငြိမ်းငြိမ်းချမ်းချမ်းနှင့်မျှမျှတတ ပညာများကို သင်ယူနိုင်ရန် နိုင်ငံတော်မှ အထက်တန်းပညာအထိ (၁၀ တန်း သို့မဟုတ် ၁၁ တန်းပညာအထိ) ကျောင်း သား၊ ကျောင်းသူတိုင်းကို နံပါတ် (၁) မသင်မနေရပညာရေးမျိုး (compasory education) ဖြစ်အောင်နှင့် နံပါတ် (၂) အခမဲ့ပညာရေးမျိုး
(free education) ဖြစ်အောင် (အနောက်တိုင်းနိုင်ငံများ၌ရှိသောကျောင်းများကဲ့သို့ ကျူရှင်တက်ရန်မလိုပဲ ကျောင်းမှာပင် တတ်မြောက် အောင်သင်ကြားပေးတဲ့ပညာရေးမျိုးဖြစ်အောင်) အခြေခံပညာရေးစနစ်များကို စနစ်တကျ ပြုပြင်ပြောင်းလဲပေးကြဖို့ပါ။
̏မျှတမှ ညီညွတ်သည်။ ညီညွတ်မှ ငြိမ်းချမ်းသည်။ ငြိမ်းချမ်းမှ တိုင်းပြည်ကြီးတိုးတက်မည်˝ဆိုတဲ့ အဆိုအမိန့်ကို လေးလေးနက်နက် စဉ်း စားပေးကြဖို့ပါ။ တောင်ပေါ်သားတို့ဒေသမှာသင်တဲ့ ပညာရေးနှင့် မြေပြန့်မှာသင်တဲ့ပညာရေး၊ တိုင်းရင်းသားများနေထိုင်ရာဒေသမှာ သင် တဲ့ပညာရေးနှင့် မြန်မာပြည်အနှံ့မှာသင်တဲ့ပညာရေးများဟာ အဆင့်အတန်းများ တူညီနေဖို့ပါ။ ဆရာ၊ ဆရာမအရည်အချင်းများ တူညီနေ ဖို့ပါ။

ထိုသို့ကျောင်းသား၊ ကျောင်းသူများ အခြေခံပညာကို သင်ကြားရာမှာလည်း မိဘဆင်းရဲလို့ ပညာကိုမသင်ယူနိုင်တာမျိုး၊ ငွေကြေးမရှိလို့ ပညာကို မသင်ယူနိုင်တာမျိုး၊ ကျူရှင်မတက်နိုင်လို့ ကျောင်းသားမျက်နှာငယ်ရခြင်းမျိုးများ လုံးဝမဖြစ်ရအောင် အကောင်းဆုံးဖြစ်တဲ့ မူဝါဒ များကို ချမှတ်ပေးကြဖို့ပါ။ ထိုသို့ပြုလုပ်ပေးခြင်းဖြင့် ရရှိလာနိုင်သောအကျိုးကျေးဇူးများမှာ ပြည်ထောင်စုတိုင်ရင်းသားများအားလုံး ပညာ ရေးမှာ တန်းတူရည်တူ အခွင့်အရေးများရရှိလာပြီး ဒီမိုကရေစီစနစ်အရ ချမှတ်ထားတဲ့ တန်းတူအခွင့်အရေးဆိုတဲ့အဓိပ္ပါယ်ဟာ သူတို့ အတွက် ပိုမိုနက်ရှိုင်းစွာ ခံစားသိရှိလာမှာပါ။

ကျောင်းသင်ခန်းစားများ၌ နိုင်ငံတော်၏တာဝန်ဝတ္တရားများ၊ ပြည်သူ၊ ပြည်သားများလိုက်နာရမည့် ဥပဒေများ၊ တနိုင်ငံလုံး ဥပဒေစိုးမိုးခြင်းဖြင့် နိုင်ငံသားတိုင်း ရနိုင်တဲ့လူ့အခွင့်ရေးများ၊ ငြိမ်းချမ်းစွာနေခြင်းဖြင့် တိုင်းရင်းသားများဟာ သွေးစည်းညီညွတ်တဲ့ သွေးရင်းသားရင်းများပမာ အတူလက်တွဲ၍ တိုင်းပြည်ကို ကာကွယ်စောင့်ရှောက်ရန် တာဝန်များရှိနေခြင်းစသည်များကို သိနားလည်အောင်  စီဗစ် အက်ဒျူကေး ရှင်း (civic education) ကို သင်ကြားပေးကြရမှာပါ။ ပြည်သူတွေ အသိတရားရှိလာပြီး၊ ပညာရေး၊ စီးပွားရေးစတဲ့ ရသင့်ရထိုက်တဲ့ နိုင်ငံသား အခွင့်အရေးများကို တန်းတူရည်တူရလာကြပြီဆိုရင် စစ်မှန်တဲ့ ငြိမ်းချမ်းရေးဆိုတာ ပြည်သူ၊ ပြည်သားတွေရဲ့နှလုံးသားမှ အလိုအလျောက် ပေါက်ဖွားလာနိုင်ခြင်းပါ။

သားသမီးများကို ကျောင်းမထားနိုင်လို့ မျက်ဝန်းအိမ်မှာ မျက်ရည်လည်နေတဲ့မိဘများကို အခြေခံပညာရေးမူဝါဒများကို မြှင့်တင်ပေးခြင်းဖြင့် ကျန်စစ်မင်းကြီးကဲ့သို့ ဘယ်ဘက်လက်ဖြင့် မျက်ရည်ကိုသုတ်ပေးနေခြင်းမျိုးပါ။ တိုင်းပြည်တွင်းမှာရှိနေတဲ့ကျောင်းသား၊ ကျောင်းသူတိုင်း အထက်တန်းပညာကို သင်ခွင့်ရရှိခြင်းဖြင့် ပြည်သူ၊ ပြည်သားတို့၏ လူနေမှုအဆင့်အတန်းများ တိုးတက်လာမှာဖြစ်လို့ ညာဘက်လက်ဖြင့်
အစားအစာများကို တစ်နည်းမဟုတ် တစ်နည်းအားဖြင့် ပေးဝေနေခြင်းမျိုးပါ။

အကျိုးတရားအနေနှင့် အထက်တန်းပညာရေးကို ကျောင်းသား၊ ကျောင်းသူတိုင်း မသင်မနေရပညာရေးမျိုးဖြစ်လာပြီဆိုရင် ဆင်းရဲသော နိုင်ငံများ၌ နိုင်ငံရေးသဘောအရ ကိုင်တွယ်ဖြေးရှင်းရန်ခက်ခဲလှတဲ့ ကလေးအလုပ်သမားပြဿနာ၊ ကလေးစစ်သားပြဿနာ၊ လမ်းဘေး၌ လေလွင့်နေတဲ့ ကလေးဒုစရိုက်ပြဿနာများနှင့် ဆင်ရဲသားပပျောက်ရေး ပြဿနာများဟာ တစ်နေ့တစ်ခြား လျော့နည်းသွားနိုင်ခြင်းပါ။ ထို့ကြောင့် ဤ၍ဤမျှထိ အရေးပါလှတဲ့ အခြေခံပညာရေးကို ပြုပြင်ပြောင်းလဲနိုင်ရန် အရေးတကြီးလိုအပ်နေခြင်းပါ။ အကယ်၍သာ ပြု ပြင်ပြောင်းလဲရန် အချိန်တန်နေပြီဖြစ်တဲ့ အခြေခံပညာရေးမူဝါဒများကို ပြုပြင်ပြောင်းလဲဖို့ အရေးတကြီး မဆောင်ရွက်နိုင်ကြသေးဘူဆိုလျှင် ပြည်တွင်းငြိမ်းချမ်းရေးအတွက် အဟန့်အတားများဖြစ်စေနိုင်သလို ပညာမဲ့လူတန်းစားများရဲ့ လူသားရင်းမြစ်နှင့် စွမ်းရည်များဟာ ထင်သ လောက်မရနိုင်၍ တိုင်းပြည်တိုးတက်ရေးအတွက် များစွာနှေးကွေးသွားနိုင်ခြင်းပါ။

တချို့ကပြောကြသည်မှာ နိုင်ငံတော်မှ အထက်တန်းပညာရေးကို အခမဲ့သင်ကြားနိုင်မဲ့အစီအစဉ်များ ချမှတ်ထားနိုင်ခြင်းမရှိသေးသော် လည်း ဘုန်းတော်ကြီးသင်ပညာရေးကျောင်းများနှင့် ပညာဒါနကျောင်းများမှ အခမဲ့ပညာရေးကို သင်ကြားပေးနေပြီဖြစ်၍ တစ်နိုင်ငံလုံးနီးပါး
ပညာများကိုသင်ယူနိုင်ကြခြင်းပါ။ ဒီအတွက် စိုးရိမ်စရာမရှိပါဟု ပြောသူများလည်း ရှိနေခြင်းပါ။ မစိုးရိမ်ပဲ ရှိပါ့မလားဟုသာဖြေကြားလိုခြင်းပါ။ အဘယ်ကြောင့်ဆိုသော် ဘုန်းတော်ကြီးသင်ပညာရေးကျောင်းများနှင့် ပညာဒါနကျောင်းများမှ သင်ကြားပေးနိုင်သည့် ကျောင်းသား၊ ကျောင်းသူအရေအတွက်မှာ လက်ချိုးရေ၍ ရနိုင်ခြင်းပါ။

တစ်နိုင်ငံလုံးကို ကျယ်ကျယ်ပြန့်ပြန့် လုပ်မပေးနိုင်သည့်အတွက် (သို့မဟုတ်) လုပ်ပေးရန်အခွင့်အလမ်းများ မရနိုင်ကြသည့်အတွက် ဘုန်း တော်ကြီးသင်ပညာရေးကျောင်းများ၌ ပညာကိုသင်ကြားခွင့်ရရှိကြတဲ့ ကျောင်းသား၊ ကျောင်းသူအရေအတွက်ဟာ နိုင်ငံနှင့်ချီ၍ပြောရလျှင်
အလွန်ကို နည်းပါးနေခြင်းပါ။

အစိုးရကျောင်းများနှင့်လည်းကောင်း၊ အထက်ဖေါ်ပြပါ ကျောင်းများနှင့်လည်းကောင်း အဆက်အသွယ်မရှိကြ၍ ပညာသင်ကြားခွင့်မရကြတဲ့ဆင်းရဲသားကျောင်းသား၊ ကျောင်းသူများမှာ ရာပေါင်းထောင်သောင်းချီ၍ရှိနိုင်သေးကြောင်းကို သိနိုင်ကြဖို့ပါ။

ပြည်တွင်းငြိမ်းချမ်းရေးအတွက် အဟန့်အတားများဖြစ်နေမှုကို ကောက်ချက်ချကြည့်လျှင် တိုင်းရင်းသူ၊ တိုင်းရင်းသားများ ပညာသင်ကြား ရေး၌ တန်းတူရည်တူအခွင့်အရေးများမရရှိခြင်း၊ လူနေမှုအဆင့် အတန်းများမှာလည်း ပညာတတ်နည်းပါးလှတဲ့ တိုင်းရင်းသူ၊ တိုင်းရင်းသား များရဲ့ ဘ၀အဆင့်အတန်းများဟာ များစွာနိမ့်ကျနေဆဲရှိခြင်း စတဲ့အကြောင်းများပါဝင်နေခြင်းပါ။ ညီညွတ်ခြင်းဆိုတာ တရားမျှတမှုရှိမှ ဖြစ် ပေါ်လာနိုင်တဲ့တရားမျိုးဖြစ်သလို ငြိမ်းချမ်းရေးဆိုတာဟာလည်း ညီညွတ်မှုရှိမှ ဖြစ်ပေါ်လာနိုင်တဲ့တရားမျိုးဆိုတာကို သတိရကြဖို့ပါ။ ထို့ ကြောင့် တိုင်းပြည်ကြီးတိုးတက်လာနိုင်ဖို့ အခြေခံပညာရေးအဆင့်အတန်းများနှင့် တက္ကသိုလ်ပညာရေးအဆင့်အတန်းများကို အမျှော်အမြင် ကြီးမားစွာဖြင့် မြှင့်တင်ပေးနိုင်ကြဖို့ပါ။ ပညာတတ်နည်းပါးတဲ့လူမျိုး၊ စနစ်မရှိတဲ့တိုင်းပြည်၊ စည်းကမ်းမလိုက်နာတဲ့ ပြည်သူ၊ ပြည်သားများ နေထိုင်ရာဒေသများ၌ ငြိမ်းချမ်းရေးရဖို့ ခက်ခဲနိုင်သလို၊ တိုးတက်ခြင်းမျိုးဆိုတာဟာလည်း အလှမ်းဝေးနေတတ်စမြဲပါ။ ထို့ကြောင့် တိုင်း ပြည်အတွက် အရေးကြီးလှတဲ့ပညာရေးကို အခြေခံပညာရေး လယ်ဗယ်မှစတင်၍မြှင့်တင်ပေးကြပါလို့ တောင်းဆိုရခြင်းပါ။ ပညာရေးဟာ ငြိမ်းချမ်းရေးနှင့် ပြည်သူ၊ ပြည်သားများအားလုံး သွေးစည်းညီညွတ်ရေးအတွက် မရှိမဖြစ်လိုအပ်နေတဲ့ လရောင်ရဲ့အေးမြခြင်း၊ နေရောင်ရဲ့ ထွန်းတောက်ပခြင်း မျိုးကဲသို့ တန်ဖိုးကြီးလှကြောင်းကို ပညာရဲ့သဘောတရားကို နားလည်သူတိုင်း လက်ခံနိုင်ကြမှာပါ။

ချမ်းသာစွာ အိပ်စက်နိုင်ကြပါစေ။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်