ကုသိုလ်မှတ်စု

November 16, 2012

ကျော်သူ – နာရေးကူညီမှုအသင်း (ရန်ကုန်)
နိုဝင်ဘာ ၁၆၊ ၂၀၁၂

● ပုခုံးထမ်းခဲ့သော အလင်းတန်းများ
နာရေးကူညီမှုအသင်း(ရန်ကုန်)သည် ၂ဝဝ၁ ခုနှစ်မှစတင်ခဲ့ပြီး အများပြည်သူတို့၏ နာရေးကိစ္စ အဝဝတို့ကို (အခမဲ့) လိုက်ပါပို့ဆောင် ကူညီသင်္ဂြိုလ်ပေးခဲ့သည်မှာ (၁.၁.၂ဝ၁၃) ခုနှစ်ဆိုလျှင် (၁၂) နှစ် တင်းတင်း ပြည့်တော့မည်ဖြစ်သည်။ ၂ဝဝ၇ ခုနှစ်၊ မတ်လ (၂) ရက်နေ့ (တောင်သူလယ်သမားနေ့) တွင် ထပ်မံတိုးချဲ့ကာ သုခကုသိုလ်ဖြစ်ဆေးခန်း၊ ၂ဝ၁ဝ ခုနှစ်၊ ဖေဖော်ဝါရီလ (၁၃)ရက်နေ့ (ဗိုလ်ချုပ်အောင် ဆန်းမွေးနေ့) တွင် သုခအလင်း စာကြည့်တိုက်အား စတင်ဖွင့်လှစ်ခဲ့သည်။

သုခအလင်း စာကြည့်တိုက်သည် နေ့စဉ်နှင့်အမျှ စာအုပ်ငှားရမ်းကြသူများနှင့် ပြင်ပမှ လာရောက် ဖတ်ရှုလေ့လာကြသူများ၊ စာအုပ်များလာရောက် လှူဒါန်းကြသူများ၊ နယ်ဒေသများရှိ စာကြည့်တိုက်များမှ စာအုပ်များလာရောက် အလှူခံသူများဖြင့် နေ့စဉ် စည်ကားလျှက်ရှိသည်။ စာအုပ်ငှားရမ်းသူများသည် နာရေးကူညီမှုအသင်း(ရန်ကုန်)၏ လူမှုရေးအသင်းဝင် (Volunteer)များ၊ ဝန်ထမ်းများတို့သည် စာကြည့် တိုက်အသင်းဝင် ကဒ်ပြားများပြုလုပ်၍ စည်းစနစ်ကျစွာဖြင့် တစ်ပါတ်လျှင် (၂) အုပ် ငှားရမ်းဖတ်ရှုခွင့်ပေး လျှက်ရှိသည်။ ပြင်ပမှ လာရောက်၍ ဖတ်ရှုလေ့လာသူ အများစုသည် သုခကုသိုလ်ဖြစ်ဆေးခန်းသို့ ဆေးဝါးကုသခံကြသော လူနာများ၊ လူနာစောင့်များ၊ ကျောင်းသား/သူများ၏ မိဘ၊ ညီအစ်ကိုမောင်နှမများ တို့ဖြစ်ကြပြီး သုခအလင်း စာကြည့်တိုက်သည် နံနက် (၉းဝဝ) နာရီမှ ညနေ (၄းဝဝ) နာရီအချိန်ထိ ဖွင့်လှစ် လျှက်ရှိပေသည်။
 

ထို့အပြင် အမေရိကန်သံရုံးရှိ The Asia Foundation မှလည်း နာရေးကူညီမှုအသင်း(ရန်ကုန်)၏ သုခအလင်းစာကြည့်တိုက်သို့ (၁) နှစ်လျှင် (၂) ကြိမ်ခန့် ၂ဝ၁ဝ ခုနှစ်မှစ၍ ၂ဝ၁၂ ခုနှစ်အချိန်ထိ စာအုပ်များ အကြိမ်ကြိမ် လှူဒါန်းခဲ့ကြသည်။ ယခုအချိန်ထိ စာအုပ်ပေါင်း (၁ဝဝ) ကျော်ခန့် လှူဒါန်းခဲ့ပြီး စာအုပ်အမျိုး အစားများမှာ နိုင်ငံခြားဘာသာဖြင့် ကွန်ပြူတာစာအုပ်များ၊ နိုင်ငံရေးစာပေများ၊ ဆေးပညာဆိုင်ရာစာပေ များ၊ အမေရိကန်နိုင်ငံအပါအဝင် နိုင်ငံတကာသမိုင်းစာပေများ စသဖြင့် လှူဒါန်းခဲ့သည်။ ယင်းကဲ့သို့ လှူဒါန်း လျှက်ရှိသော The Asia Foundation မှ Director – Melody Schram Zavala၊  ကိုရဲထက်ဦး (သရပါ စာ ကြည့်တိုက်)နှင့် အဖွဲ့ဝင်များမှ နာရေးကူညီမှုအသင်း(ရန်ကုန်)၏ သုခအလင်း စာကြည့်တိုက်သို့ (၁၂.၁၁. ၂ဝ၁၂) ရက်နေ့ နေ့လည် (၁းဝဝ) နာရီအချိန်တွင် လာရောက်လေ့လာရာ စာကြည့်တိုက်မှူး ဦးစောညီစံမှ သုခအလင်း စာကြည့်တိုက်ဖြစ်ပေါ်လာပုံ၊ လာရောက်ဖတ်ရှုကြသူများ၊ အဖိုးတန်သော စာအုပ်စာပေများ ထိန်းသိမ်းမှု၊ အသုံးပြုလျှက်ရှိသော Software နှင့် လုပ်အားပေးများ ထားရှိမှုအစ ရှင်းလင်းပြသပေးခဲ့ သည်။

ထို့နောက် (၁၂.၁၁.၂ဝ၁၂ ရက်နေ့ နေ့လည် (၁း၃ဝ) နာရီအချိန်တွင် The Asia Foundation မှ နာရေးကူညီမှုအသင်း(ရန်ကုန်)၏ လုပ်ဆောင်ချက်များအား လေ့လာပြီးနောက် နာရေးကူညီမှုအသင်း (ရန်ကုန်)၏ ဥက္ကဌ ဦးကျော်သူနှင့် တွေ့ဆုံပြီး နေ့လည် (၂းဝဝ) နာရီအချိန်တွင် ပြန်လည်ထွက်ခွာသွားခဲ့ ပါသည်။ “စာကြည့်တိုက်တစ်ခုဖွင့်ခြင်းသည် ထောင်တံခါး (၁) ချပ်ပိတ်ခြင်းနှင့်ညီသည်” ဟူသောဆိုရိုး စကားအရ နာရေးကူညီမှုအသင်း(ရန်ကုန်)ရှိ သုခအလင်းစာကြည့်တိုက်သည်လည်း ထောင်တံခါး အချပ် ပေါင်းမြောက်များစွာကို ပိတ်ပစ်မည် ဟူသောရည်ရွယ်ချက်ဖြင့် အများပြည်သူ ကျောင်းသားလူထုတို့အား ကိုယ်ကျင့်တရား ခိုင်မြဲစွာဖြင့် လူသားချင်းစာနာထောက်ထားသည့် စိတ်ဓါတ်များမြှင့်တင်ပေးမည့် သုတ ရသစာပေများ၊ ဘာသာတရားများ ကိုင်းရှိုင်းစေမည့် ဗုဒ္ဓဓမ္မစာပေများ၊ အသိပညာ အတတ်ပညာ ဗဟုသုတ စာပေများအား တိုးပွားမြှင့်တင်ပေးမည့် ပညာရေးစာပေများ၊ ဗဟုသုတကြွယ်ဝစေမည့် သုတစာပေများ၊ ကျန်းမာရေးအား အလေးထားဂရုစိုက်သင့်သည့် ကျန်းမာရေး ဗဟုသုတစာပေများ၊ ကလေးသူငယ်များအား ယဉ်ကျေးလိမ္မာမှုကိုအဓိကထားသော ကလေးသူငယ်စာပေများစသည့် စာအုပ်စာပေများအပြင် နိုင်ငံတော် ထူထောင်ရေးတွင် တဖက်တစ်လှမ်း အထောက်အကူဖြစ်စေမည့် သမိုင်းဝင်ဇာတ်လမ်း၊ အတ္ထုပ္ပတ္တိ ဖြစ်ရပ် မှန် ဗွီဒီယိုမှတ်တမ်းများ၊ ဇာတ်ကားများတို့ကိုလည်း ငှားရမ်းလေ့လာ ကြည့်ရှုနိုင်ရန် စီစဉ်ဆောင်ရွက် ပေးလျှက်ရှိသည်။

အရေအတွက်ထက် အရည်အချင်းသည် အဓိကဖြစ်သကဲ့သို့ မြန်မာနိုင်ငံတစ်ဝှမ်းလုံး စာကြည့် တိုက်ပေါင်း မြောက်များစွာ ရှိသော်ငြားလည်း ဖတ်ရှုသူ ပြည်သူလူထုအင်အားနည်းပါးနေလျှင် နိုင်ငံတော် အတွက် အကျိုးမရှိနိုင်ချေ။ ထို့ကြောင့် စာကြည့်တိုက်များတွင် အများပြည်သူအတွက် စိတ်ဝင်စားစေမည့် ကြည့်စရာ၊ ဖတ်စရာ၊ စိတ်ဝင်စားစရာများရှိပါမှ စာကြည့်တိုက်များ ဖွင့်လှစ်ရကျိုးနပ်ပေမည်။ ထို့ကြောင့် နာရေးကူညီမှုအသင်း(ရန်ကုန်)ရှိ သုခအလင်း စာကြည့်တိုက်သည် နိုင်ငံတော်အတွက်၊ အများပြည်သူ အတွက်၊ ဘာသာတရားအတွက်၊ ယဉ်ကျေးမှုအတွက်၊ အတတ်ပညာ အသိပညာ တိုးပွားရေးအတွက်၊ အကျိုးရှိစေမည့် အကျိုးပြု သုတရသ စာပေများအားထားရှိကာ ပြည်သူ့အကျိုးပြု မွန်မြတ်သော ကုသိုလ် ဖြစ် စေတနာ့လုပ်ငန်းရပ်ကြီးအား ပြည်သူလူထု အလင်းတန်းများရရှိအောင် ပုခုံးထမ်း သယ်ပိုးလျှက် ရှိနေ ပါတော့သည်။
……………………….

● ဆန္ဒတွေမပြည့်မှီ ခေါ်သွားပါနဲ့
နာရေးကူညီမှုအသင်း(ရန်ကုန်)၏ (၁၂) နှစ်မြောက် စုပေါင်းမဟာဘုံကထိန်အတွက် ကျွန်မတို့ ဌာနအသီးသီးတွင် အားကျိုးမာန်တက် လုပ်ဆောင်နေချိန်၌ သုခဆေးခန်းဌာနမှ Ext ဖုန်းဝင်လာသည်။ သုခကုသိုလ်ဖြစ်ဆေးခန်း၌ ခန္ဓာကိုယ်တွင် အကျိတ်များပြည့်နေပြီး ဆေးခန်းလာပြသောလူနာ (မ) တစ်ဦး ရောက်ရှိနေကြောင်း သိရသည်။ ကြားသိတာနဲ့ မဆိုင်းမတွန့် သွားရောက်ခဲ့သည်။ ကျွန်မရောက်ချိန်တွင် ဆရာဝန်ပြသရန် စောင့်စားနေသော လူနာများစွာအနက် ကျွန်မ တွေ့ဆုံမေးမြန်းရမည့် လူနာက သူမပင် ဖြစ်ပေလိမ့်မည်ဟု ဒက်ထိတန်းသိလိုက်သည်။

အဘယ့်ကြောင့်ဆိုသော် သူမ၏ ဝေဒနာခံစားနေရပုံကို ကြည့်ခြင်းဖြင့် သိလိုက်သည်။ အခြားသော လူနာများသည် ဝေဒနာခံစားနေကြရသော်လည်း ဆရာဝန်စောင့်စားနေချိန်တွင် ထိုင်ခုံထပ်တွင် ကျနစွာ ထိုင်စောင့်နိုင်ကြပေသည်။ သူမသည် ထိုင်ခုံပေါ်တွင် ဒူးထောင်လျှက်။ သူမ၏ ဦးခေါင်းကို ဒူးခေါင်းထပ်သို့ တင်၍ ဝေဒနာအား ခံစားနေရရှာသည်။ သူမ၏မျက်တောင်လေးများသည် စိုစွတ်၍နေသည်။ ဤအဖြစ်မှာ ကျွန်မအထင် သူမနာကျင် ခံစားနေရသည့် ဝေဒနာသည် မခံမရပ်နိုင်သောကြောင့် မျက်ရည်များ ရစ်ဝဲနေ ခြင်းကြောင့် စိုစွတ်နေပုံရသည်။ ကိုယ်ခန္ဓာပေါ်တွင်လည်း အမည်းရောင် အစက် အပျောက်များသည် ခန္ဓာကိုယ်အနှံ၊ ထို့အပြင် ခြေထောက်အဆစ်နေရာမှစကာ ခြေဖမိုးထိ ဖောင်းကား၍နေသည်။ သူမ၏ လက်ဖဝါးလေးဖြင့် လက်မောင်းကို ထုကာညည်းနေရှာသည်။ အင်္ကျီဝတ်ထားသဖြင့် အကျိတ်များကို မတွေ့မြင်ရပေမယ့် လည်ပင်းတစ်ခုလုံးတွင် အကျိတ်များပြည့်၍ ရောင်နေတော့သည်။ သူမ၏အပါး၌ ငြိုးငယ်သော မျက်နှာဖြင့်ကြည့်နေရှာသော အမျိုးသမီးကြီးတစ်ဦးကိုလည်း တွေ့ရသည်။

ထို့နောက် ကျွန်မထံသို့ Ext ဖုန်းဆက်သည့် သုခဆေးခန်း၏ နေ့တာဝန်ခံ မခင်သီတာအောင်မှ ကျွန်မကို ၄င်းတို့နှင့် မိတ်ဆက်ပေးခဲ့သည်။ ကျွန်မထင်ထားသည့် အကျိတ်များပြည့်နေသော သူမပင်ဖြစ် သည်။ ကျွန်မသည် လူနာအား မေးမည်အပြု သူမမှ “မမေးပါနဲ့ ကျွန်မမှာဖြေနိုင်စွမ်းအား မရှိလို့ပါ” ဟု မျက်ဝန်းထဲမှ သူမလှမ်းပြောနေသည်ကို ကျွန်မသိလိုက်ပြီး သူမ၏ဘေး၌ရှိသော သူမ၏ မိခင်ဖြစ်သူအား ကျွန်မမေးမြန်းဖြစ်သည်။

ဝေဒနာသည် မအိမ့်ဖူးခင်သည် ဖခင်မရှိတော့ပေ။ မိခင်နှင့် အစ်ကိုနှစ်ယောက်ရှိသည်။ အစ်ကို နှစ်ယောက်သည် အိမ်ထောင်ရက်သားကျ၍ ပုသိမ်မြို့၌ သီးသန့်နေထိုင်ကြပြီး မအိမ့်ဖူးခင်သည် မိခင် ဒေါ်အေးအေးခိုင်နှင့်အတူ တတိယနှစ် မြန်မာစာဖြင့် ပုသိမ်ကောလိပ်တွင် တက္ကသိုလ်တက်ရင်း မိခင်နှင့် အတူနေထိုင်သည်။ မအိမ့်ဖူးခင်သည် တက္ကသိုလ်ကျောင်းသူ၊ မြန်မာစာဘာသာ အထူးပြုတက်ရောက်နေ သူပီပီ ပုသိမ်သူ အသက် (၂ဝ) ဝန်းကျင် လူငယ်ပိုင်းအရွယ်၌ တင့်တယ်လှပသူ တစ်ဦးဖြစ်သည့်အပြင် ယခု နှစ်ကျောင်းပြီး၍ ဘွဲ့ရပြီးပါက မိခင်အား တဖြန်ပြန်လည်၍ အလုပ်အကျွေးပြုမည့် သမီးအလိမ္မာလေးတစ်ဦး ဖြစ်သည်။

ဖြစ်စဉ်တွင် တစ်နေ့ ကျောင်းတက်နေချိန် ဗိုက်မှအောင့်လာ၍ အိမ်သို့စောစော ပြန်ရောက်လာခဲ့ သည်။ မိခင်၏ စိုးရိမ်တကြီးဖြင့် ဗိုက်အောင့်ပျောက်ဆေးတိုက်သည်။ သို့သော်သူမ၏ ဗိုက်အောင့်ခြင်းသည် အတော်ဖြင့် မပျောက်သည့်အတွက် ဗမာဆေးဖြင့် ကုသကြသည်။ ဗမာဆေးသောက်ပြီးမကြာ ဗိုက်အောင့် ဗိုက်နာမရှိတော့ပါဘဲ ခန္ဓာကိုယ်ပိန်ချုံးကျပြီး ဝင်းဝါစိုပြေသည့် အသားအရည်ပေါ်တွင် အမည်း အစက် အပြောက်များ ထွက်ပေါ်လာတော့သည်။ ထို့ကြောင့် ဗမာဆေးအား ဆက်၍မသောက်ဘဲ ဖြတ်လိုက်သည်။ နောက်ပိုင်းတွင် ဝမ်းချုပ်လာခဲ့ရာ နေ့စဉ်ရက်ဆက်လာပြီး ခန္ဓာကိုယ်အနှံ့၌ အကျိတ်များထွက်လာသည်။ သူမမှာ အကျိတ်မှနာကျင်သဖြင့် တစ်ချိန်လုံး ညည်းညူနေတော့သည်။ မိခင်ဖြစ်သူသည် သမီး၏ ရောဂါ ဝေဒနာ ခံစားရေရသည်ကို မမြင်ရက်တော့သဖြင့် ဆေးရုံတတ်၍ ကုသမည်ဟု ဆုံးဖြတ်ခဲ့သော်လည်း လက်ထဲတွင် ငွေကြေးမရှိ။ အနီးကပ် ပြုစုစောင့်ရှောက်မည့်သူ မရှိ။ မိခင်သည် ဈေးသွားလျှင် သမီးအား ထားခဲ့သည်ပင် စိတ်မချ။ ယင်းကဲ့သို့ ခြေမကိုင်မိ လက်မကိုင်မိဖြစ်နေချိန်၌ (ကျော်သူဆေးခန်း) နာရေး ကူညီမှုအသင်း(ရန်ကုန်)၏ သုခကုသိုလ်ဖြစ်ဆေးခန်းကို နားစွန်နားဖျားကြားမိ၍ “ရန်ကုန်ကိုတော့ အရောက်သွားပြီး ငါ့သမီးကို ကုမယ်။” ကျော်သူ့ဆေးခန်း လိပ်စာကိုမသိ။ ရန်ကုန်မှာရှိတာသိသည်။ သမီးလက်အားတွဲပြီး အထုတ်အပိုးများဖြင့် သားအမိနှစ်ယောက် မြောက်ဒဂုံမြို့နယ်၊ (၅ဝ) ကွေ့၌ အိမ်ငှား နေထိုင်ပြီး နာရေးကူညီမှုအသင်း(ရန်ကုန်)၏ (ကျော်သူ့ဆေးခန်း) သုခကုသိုလ်ဖြစ်ဆေးခန်းကို စုံစမ်း၍ မိခင်ဖြစ်သူ ဒေါ်အေးအေးခိုင်သည် သမီးဇောဖြင့် ပုသိမ်မှ ရန်ကုန်သို့အရောက် ခရီးနှင်ခဲ့တော့သည်။

ပုသိမ်မှ ရန်ကုန်သို့တက်ရောက်ခဲ့စဉ်တွင် မိမိတို့သားအမိနှစ်ယောက်သည် ရန်ကုန်၌ ဆေးရုံတတ် ရောက်ပြီး ခွဲစိတ်မည်ဟု ရည်ရွယ်၍ စုဆောင်းထားသည့် ငွေကြေးများပိုက်၍ လာရောက်ခဲ့ရာ မထင်မှတ်၍ ကံကောင်းအားလျှော်စွာဖြင့် ဆိုက္ကားဆရာတစ်ဦး၏ မိခင်သည်လည်း ကျော်သူ့ဆီ၌ ခွဲစိတ်ကုသပြီး ပြန်၍ ကောင်းမွန်သွားကြောင်း ကျော်သူ့ဆေးခန်းလိပ်စာအား ဆိုက္ကားဆရာ၏ မိခင်ထံမှရရှိခဲ့သည့်အတွက် ဒေါ်အေးအေးမိုးသည် သမီးလေးအတွက် အလင်းပွင့်ခဲ့ရသည်။ ယင်းလိပ်စာဖြင့် သမီးလေးအားခေါ်လာ ခဲ့သည်။ ကျော်သူ့ဆေးခန်းကိုပြရလျှင် လိုအပ်၍ဆေးရုံတတ်မည်။ ငွေအများကြီးကုန်မည်မဟုတ်။ စား စရိတ်နှင့် လမ်းစရိတ်တော့ကုန်မည်။ ခွဲစိတ်ခလည်း ပံ့ပိုးပေးသည်ဟု ပြောသံကြားသဖြင့် ဆေးခန်းပြရင်း စုံစမ်းရင်းဖြင့် အမှတ်(၁၃/က)၊ ဗိုလ်မှူးဗထူးလမ်း၊ (၄၂) ရပ်ကွက်၊ ဒဂုံမြို့သစ် (မြောက်ပိုင်း) မြို့နယ်သို့ ၇.၁၁.၂ဝ၁၂ ရက်နေ့တွင် တိုကင်လက်မှတ်ရယူခဲ့ပြီး ၈.၁၁.၂ဝ၁၂ ရက်နေ့ နံနက် (၁၂းဝဝ) နာရီအချိန်တွင် ဝေဒနာသည် သမီးလေးအား လက်တွဲပြီးရောက်ရှိလာပြီး အထွေထွေရောဂါကုဆရာဝန် ဒေါက်တာ မြင့်သောင်း ထံတွင်ပြသခဲ့သည်။ ဆရာဝန်၏ စစ်ဆေးချက်ဖြင့် သောက်ဆေး တစ်ပါတ်စာ ဆေးသောက်ရန် ထုတ်ပေးလိုက်သည်။ ထို့နောက် မိခင်ဖြစ်သူ ဒေါ်အေးအေးမိုးသည် ငိုလျှက်ဖြင့် သူမ၏ သမီးလေး၏ ရောဂါ ဝေဒနာသည် အတော်ခံစားနေရကြောင်း၊ တစ်ပါတ်စာဆေးသောက်ပြီး အိမ်မှာနေထိုင်လျှင် သူမ၏ သမီး အခြေအနေ မကောင်းနိုင်ကြောင်းသိသဖြင့် ဆေးရုံတတ်ချင်ကြောင်း ဆရာဝန်အား တောင်းဆိုခဲ့သည်။

ဆရာဝန်မှ လူနာ၏ဆန္ဒအရ ဆေးရုံတတ်ရောက်ကုသရန် စာရေးပေးခဲ့သည်။ ကျွန်မသည်လည်း မိခင် ဒေါ်အေးအေးမိုးနှင့် မအိမ့်ဖူးခင်တို့အား အားပေးနှစ်သိမ့်ရင်း ကျွန်မကိုယ်တိုင်လည်း မျက်ရည် မကျမိ စေရန်ထိန်းရတော့သည်။ ဒေါ်အေးအေးမိုးတို့ သားအမိနှစ်ဦး ငှါးရမ်းနေထိုင်သည့် မြောက်ဒဂုံနေအိမ်နှင့် နီးစပ်သည့် မြောက်ဥက္ကလာပဆေးရုံးသို့ တက်ရောက်ခဲ့သည်။ သူမတို့ သားအမိနှစ်ယောက် သုခဆေးခန်း မှ ပြန်လည်ထွက်ခွါသွားချိန်တွင် ကျွန်မသည် အတွေးများစွာဖြင့် ကျန်ရစ်ခဲ့တော့သည်။

လူတိုင်းလူတိုင်း သေကြရမည်။ မသေခင်စပ်ကြား ရောဂါဝေဒနာကြောင့်ခံစား ကြုံတွေ့ရမည်မှာ မှန်သော်ငြားလည်း ယခုကဲ့သို့ အသက်ငယ်ငယ်ရွယ်ရွယ်နှင့် ပညာကိုကြိုးစားကာ လောကကောင်းကျိုး၊ အများကောင်းကျိုး သယ်ပိုးနိုင်မည့်အရွယ်ဖြစ်သော အနာဂါတ် ခေါင်းဆောင်ကောင်းလေးများအတွက်မူ ယခုလို ဖြစ်ရပ်မျိုးတို့နှင့် မကြုံတွေ့၊ မဆုံတွေ့ကြပါစေနင့်ဟုသာ ဆုတောင်းမေတ္တာပို့လိုက်ပါတော့သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကျော်သူ နဲ့ နာရေးကူညီမှုအသင်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်