နိုဝင်ဘာ ၂၈၊ ၂၀၁၂
ပြည်သူ့ ဂုဏ်ရည်အသင်းရဲ့ ဖိတ်ခေါ်မှုကြောင့် ဦးရဲလွင်(မဇ္ဈိမလှိုင်း)၊ စာရေးဆရာမဒေါ်သန်းမြင့်အောင် (ဒု-ဥက္ကဌ၊ နာရေးကူညီမှုအသင်း – ရန်ကုန်) နဲ့ ဆောင်းဦးလှိုင်တို့သုံးဦးဟာ အမေရိကန်ပြည်ထောင်စုကိုရောက်ရှိခဲ့ကြတာဖြစ် ပါတယ်။ သူတို့ (၃)ဦးဟာ နယူးယောက်ခ်၊ မေရီးလန်း၊ ဖလော်ရီဒါမှာ(၂)မြို့ ၊ ဆန်ဖရန်စစ္စကို၊ လော့အိန်ဂျလိ၊ ဖီးနစ်၊ လာ့စ်ဗီးဂတ်စ်မြို့ များမှာ မြန်မာမိသားစုများနဲ့ တွေ့ ဆုံခဲ့ကြပြီး ဖြစ်ပါတယ်။
နိုဝင်ဘာ၊၂၄၊ ၂၀၁၂၊ စနေနေ့ မှာ ကျင်းပခဲ့တဲ့နောက်ဆုံးပွဲစဉ်ကတော့ 10301 NE Glisan st, Portland, OR 97220 မှာတည်ရှိတဲ့ IRCO ခန်းမမှာ အော်ရီဂွန်ရောက် မြန်မာမိသားစုများနဲ့ တွေ့ ဆုံခဲ့ကြတာပါ။ ဒီတွေ့ ဆုံပွဲကို ပြည်သူ့ ဂုဏ်ရည်အသင်း အော်ရီဂွန်ဌာနခွဲကတာဝန်ခံ ကိုထွန်းထွန်းမှ ကြီးမှူးစီစဉ်ပြီး အဖွဲ့ ဝင်တွေဖြစ်တဲ့ကိုမျိုးဝင်းမြိုင်၊ ကိုကျော်ကျော်၊ ကိုဦးတို့ မှ ပံ့ပိုးကူညီခဲ့ကြပါတယ်။
အခန်းအနားမစခင်မှာ ဈေးရောင်းလှူဒါန်းကြမယ့် စေတနာရှင်များကို ဆရာမဒေါ်သန်းမြင့်အောင်၊ ဦးရဲလွင်နဲ့ ကိုဆောင်းဦးလှိုင်တို့ က ရင်းရင်းနှီးနှီး လိုက်လံနှုတ်ဆက်ကြပါတယ်။ ထို့ နောက်မှာ အစီအစဉ်ကို စတင်ခဲ့ပြီးအခန်းအနားမှူးအဖြစ် ကိုရှိုင်းကိုကိုဦးနဲ့့ မမာလာသိန်းတို့ က စီစဉ်ဆောင်ရွက်ပေးပါတယ်။ အဖွင့်အမှာစကားကို ပြည်သူ့ ဂုဏ်ရည်အသင်းမှ အတွင်းရေးမှူးအဖွဲ့ ဝင် ကိုထွန်းထွန်းမှလည်းကောင်း၊ ဆီယက်တဲလ်ဌာနခွဲမှကိုမူးသာ၊ ကနေဒါ ဗန်ကူးဗားမှ မြန်မာ့အရေးလှုပ်ရှားသူများကိုယ်စား ကိုတင်နွယ်မှလည်းကောင်း အသီးသီးဆော်သြ အမှာစကား ပြောကြားပြီးတဲ့နောက် ကြွရောက်လာသူများကို တေးသီများဖြင့် သီဆိုဖြေဖျော်ကြပါတယ်။ တီးခတ်သီဆိုမှုများကို ပေါ့လန်း(အော်ရီဂွန်)နဲ့ ဗန်ကူးဗား(ကနေဒါ)မှ လူငယ်များက တဦးချင်းနဲ့ အုပ်စုလိုက် သီဆိုဧည့်ခံခဲ့ကြပါတယ်။
ဖြေဖျော်မှုအစီအစဉ်များအပြီးမှာ ဆရာမဒေါ်သန်းမြင့်အောင်၊ ဦးရဲလွင်(မဇ္ဈိမလှိုင်း)၊ ကိုဆောင်းဦးလှိုင်တို့ ရဲ့ကိုယ်ရေးရာဇဝင်များကို ပိရိသတ်များသိစေရန် ကိုကျော်ကျော်က မိတ်ဆက်စာတမ်း ဖတ်ကြားပေးပါတယ်။
ပြည်တွင်း လူမှုရေးဆောင်ရွက်ချက်များအကြောင်းကို ဦးရဲလွင်က ဦးစွာ သူရဲ့အတွေ့ အကြုံများကို ရှင်းလင်းပြော ကြားရာမှာ “ကချင်ပြည်နယ်စစ်ပွဲများကြောင့် စစ်ပြေးဒုက္ခသည်များကို ကူညီရန် ရန်ကုန်ရှိကော်ဖီဆိုင်များကိုသွားရောက်တီးမှုတ်သီဆိုကာ အလှူငွေကောက်ခံခဲ့ကြောင်း၊ ပထမဆုံးကောက်ခံရရှိငွေကို မန္တလေးမှစိမ်းရောင်စိုအဖွဲ့ သို့ ဆက်သွယ်ပေးအပ်လှူနိုင်ခဲ့ကြောင်း၊ ထိုမှ အလားတူပွဲများစီစဉ်လာတာာ ယခုအချိန်ထိဖြစ်ကြောင်း၊ မိမိတို့ မှမေတ္တာဖြင့်လုပ်ဆောင်နေခြင်းဖြစ်၍ ပြည်သူများထံမှ မေတ္တာပြန်ရကြောင်း၊ တချို့ နေရာများမှာ မိမိတို့ လှုပ်ရှားသူများကိုတိုက်ရိုက်ဖိအားပေးမခံရသော်လဲ လက်ခံသူလက်ဖက်ရည်ဆိုင်ပိုင်ရှင်များကို ဖိအားပေးနှောက်ယှက်မှုများကြုံတွေ့ ရသဖြင့် စိတ်မကောင်းဖြစ်မိရကြောင်း “ ရှင်းလင်းပြောဆိုခဲ့ပါတယ်။
ကိုဆောင်းဦးလှိုင်ကတော့ မြန်မာပြည်သူတွေမှာ စီးပွားရေးကျပ်တည်းမှု၊ ကျန်းမာရေးဝန်ဆောင်မှုအားနည်းခြင်းနှင့် ပညာရေးဖွံ့ ဖြိုးမှုများလို အပ်မှုများအတွက် ပရဟိတလုပ်ဆောင်မှုများ အထူးလိုအပ်နေကြောင်း၊ ထို့ ကြောင့်ပြည်ပနေထိုင်ကြသူများမှ ဆက်လက်အကူ အညီများ ပေးကြရန် တိုက်တွန်းပြောကြားခဲ့ပါတယ်။
ဆရာမဒေါ်သန်းမြင့်အောင်ကလဲ မြန်မာပြည်သူများမှာ အစစအရာရာ လူမှုရေးလိုအပ်ချက်များရှိနေ၍ လူမှုရေးအပြင် စိတ်ဓာတ်ခွန်အားပါလိုအပ်နေကြောင်း၊ မိမိတို့ စာပေပညာရှင်များမှ မျိုးဆက်သစ်များကိုအသိပညာများဖွံ့ ဖြိုးလာရန် လုပ်ဆောင်ရန်လိုကြောင်း၊ အချို့ နေရာများတွင် မိမိတို့ စာပေဟောပြောပွဲများကို စည်းကမ်းနဲ့ အညီကြိုတင်အကြောင်းကြားထားသော်လည်း ခွင့်မပြုသည့်နေရာများကြုံတွေ့ ဖူးကြောင်း၊ မိမိတို့ သည် ပြည်သူများလိုနေသော လူမှုရေး ပညာရေးများကို ဆက်လက်လုပ်ဆောင်သွားမှာဖြစ်၍ ပြည်ပနေမြန်မာနိုင်ငံသားများ၊ စေတနာရှင်များရဲ့အကူအညီ များစွာလိုအပ်ပါကြောင်း၊ ယခု အမေရိကန်ပြည်ထောင်စုရောက် မြန်မာမိသားစုများမှလှူဒါန်းလိုက်တဲ့ငွေများကို ရခိုင်ပြည်နယ်တွင် ဘေးဒုက္ခရောက်ပြည်သူများအတွက် နာရေးကူညီမှုအသင်း(ရန်ကုန်)ကို ပေးအပ် လှူမှာဖြစ်ပြီး ကချင်ပြည်နယ်စစ်ဘေးသင့်ပြည်သူများအတွက် (၈၈)မျိုးဆက်ကျောင်းသားများအဖွဲ့ သို့ ပေးအပ်လှူမှာဖြစ်ကြောင်းကို ရှင်းလင်းပြောကြားခဲ့ကြပါတယ်။
ထို့ နောက် ပြည်သူ့ ဂုဏ်ရည်အသင်းမှ ဂုဏ်ပြုလက်ဆောင်များပေးအပ်ခြင်းကို ဆရာမဒေါ်သန်းမြင့်အောင်အားမမာလာသိန်းမှလည်းကောင်း၊ ဦးရဲလွင်(မဇ္ဈိမလှိုင်း)အား ကိုကိုလေးမှလည်းကောင်း၊ ကိုဆောင်းဦးလှိုင်အား ကိုမျိုးဝင်းမြိုင်မှလည်းကောင်း အသီးသီး ပေးအပ်ဂုဏ်ပြုခဲ့ကြပါတယ်။
ပန်းခရမ်းပြာအိပ်မက်များနှင့် ပြည်ပရောက် မြန်မာမိသားစုများ တွေ့ ဆုံဆွေးနွေးပွဲကို အော်ရီဂွန်ပြည်နယ်မှာ အောင်မြင်စွာကျင်းပနိုင်ခဲ့ခြင်းနဲ့ ပတ်သက်ပြီး ကိုသန်းဝင်းမှ ကျေးဇူးတင်ဂုဏ်ပြုစကား ပြောကြားခဲ့ပါတယ်။ ဒီပွဲမှာ ပုဂ္ဂလိကလှူဒါန်းငွေ(၂၂၉၉)ဒေါ်လာ၊ လက်မှတ်ရောင်းရငွေ(၁၂၅၅)ဒေါ်လာ၊ ဈေးရောင်းလှူဒါန်းငွေ(၁၀၃၅)ဒေါ်လာရရှိခဲ့ပြီး စုစုပေါင်း အမေရိကန်ငွေ(၄၅၈၉)ဒေါ်လာကို ပန်းခရမ်းပြာအိပ်မက်များအဖွဲ့ သို့ ပေးအပ်လှုဒါန်းနိုင်ခဲ့ကြောင်း သိရပါတယ်။ အလှုငွေများပေးအပ်ပြီးနောက် ပေါ့လန်း၊ ဆီယက်တဲလ်၊ဗ န်ကူးဗားဘီစီ(ကနေဒါ)မှမြန်မာအရေးလှုပ်ရှားသူများက ပန်းခရမ်းပြာအဖွဲ့ ကို ကြိုးကြာသံသီးချင်းဖြင့် စုပေါင်းသီဆို ဂုဏ်ပြုခဲ့ကြပါ တယ်။
ဒီပွဲမှာ ကိုထွန်းထွန်းရဲ့ စနစ်တကျဦးဆောင်မှု၊ ပေါ့လန်းမြို့ ခံများနဲ့ လူငယ်တွေရဲ့ ညီညွတ်မှု၊ ပြည်ပရောက်မြန်မာမိသားစုများရဲ့ တိုင်းပြည်နဲ့ လူမျိုးအပေါ် စေတနာမေတ္တာထားမှု အလှမြင်ကွင်းများတွေ့ မြင်ခဲ့ရတာက ကြည်နူးစရာပါ။
ပန်းခရမ်းပြာအဖွဲ့ နဲ့  တွေ့ ဆုံပွဲအပြီးမှာတော့ ပြည်တွင်းမှာ တာဝန်သိသိနဲ့ ဘေးဒုက္ခသင့်ပြည်သူများအရေး၊ မျိုးဆက်သစ်လူငယ်များပညာရေး၊ ပြည်သူ့ ကျန်းမာရေး၊ လူမှုရေးကိစ္စများကို စွမ်းစွမ်းတမံဆောင်ရွက်နေကြတဲ့ လူမှုရေးဆောင်ရွက်နေကြသူတွေရဲ့ လုပ်ဆောင်မှုများကို တတ်နိုင်တဲ့ဘက်က ပါဝင်ကူညီကြဖို့ လိုအပ်ကြောင်း၊အုပ်ချုပ်သူများရဲ့ ပျက်ကွက်မှုတွေကို ပြည်သူများက ထုတ်ဖော်တောင်းဆိုကြဖို့ လိုအပ်သလို လူမှုသူရဲကောင်း တွေကို ထိပါးနှောက်ယှက်လာရင်ဝိုင်းဝန်းကာကွယ်ဖို့ လဲ ပြည်တွင်း၊ ပြည်ပနေ မြန်မာနိုင်ငံသားများက ဝိုင်းဝန်း လုပ်ဆောင်ရန်အထူးလိုအပ်ကြောင်း ထင်မြင်ယူဆမိပါတယ်။ ။
