ဗိုလ်သန်းရွှေ ထီပေါက်ခြင်း (ကိုဇာဂနာ ဖတ်ဖို့ ဟာသ)

December 20, 2012


ဗိုလ်သန်းရွှေ ထီပေါက်ခြင်း (ကိုဇာဂနာ ဖတ်ဖို့ ဟာသ)
ပျော်တော်ဆက်သာဂိ
အောက်တိုဘာ ၂၂၊ ၂၀၀၉
(လွန်ခဲ့တဲ့ ၃ နှစ်က ရေးခဲ့တဲ့ သရော်စာကို အခု ပရိသတ် ပျော်ရအောင် ပြန်လည်တင်ဆက်ပါတယ်။ မိုးမခအယ်ဒီတာအဖွဲ့)

စာမရေးတာ အတော်ကြာပေါ့ဗျာ။ နေကောင်းတယ် မဟုတ်လား။ တလောကတောင် ခင်ဗျားကို ဆုတွေပေးတယ် ကြားတယ်။ ဆုတွေရတာ ၀မ်းသာတယ်ဗျာ သို့သော် စစ်တပ်က လွတ်ငြိမ်းချမ်းသာဆုကျတော့ ခင်ဗျားရော၊ ၈၈ မျုိးဆက်ကျောင်းသားတွေရော မပါဘူး။ စစ်အစိုးရက ပေးတဲ့ ဆုတွေနဲ့တော့ အလှမ်းက ဝေးသားပဲ။

အိုဘားမားတောင်မှ နိုဘယ်ဆုတွေ ဘာတွေ ရသေးတယ်ဗျာ။ ကျနော်တို့တိုင်းပြည်က စစ်ဗိုလ်ချုပ်မှူးကြီးတွေက ဘယ်ဆုမှ မရကြဘူး။ သူတို့လည်း ဆုလေး ဘာလေး လိုချင်ရှာပါပဲနော်။ သူ့မိတ်ဆွေ ကိုတရုတ်တို့ ကိုရွတ်ရှားတို့ကလည်း နအဖအတွက် ဆုလေး ဘာလေးတွေ ဖန်တီးပြီး မပေးကြဘူး။ ဥပမာဗျာ – နိုဘယ်ငြိမ်းချမ်းရေးဆုကို အံတုပြီးတော့ နိုဘယ်အကြမ်းဖက်ဆုတို့ ဘာတို့ပေးရင် ဗိုလ်သန်းရွှေ ပျော်ရှာမှာ။ မိုးမခချစ်သူများဆုကနေ မိုးမခအော့ကျောလန်ဆု ဆိုပြီး ပေးရင်ကော ဘယ့်နှယ်နေ မလဲဗျ။ ဆုတော့ ဆုပဲဗျာ … ဖွတ်ကလိဒင်္ဂါးတော့ မပါဘူး။

အံမယ် ကျနော်တို့က ခင်ဗျားကို စိတ်ပျော်ရွှင်အောင်လို့ ရယ်စရာ မောစရာလေးတွေ ကြံဖန်ပြီး လှမ်းရေးနေတာပါ။ စစ်သဘက်တွေ (စစ်ဘီလူးတွေ၊ ဖက်ဆစ်တွေ ဆိုပြီး ပြောရတာ အာညောင်းလို့ သဘက်ဆိုတဲ့ အမည်သစ် ပေါ့ဗျာ …)က အမေရိကန်ကို လာတော့ ဖိနပ်နဲ့ အပေါက်ခံရသေးသဗျ။ ဆုတော့မရဘူး … ဖိနပ်စာပဲ ဖြစ်ကုန်တယ် ပြောတယ်။ ဟိုဘိုးတော်တယောက်က ပရိတ်ရေနဲ့ အဲသည် စစ်သဘက်ကို လှမ်းပက်လိုက်သေးတယ်။ စစ်သဘက်ကြီးတွေက ကျွတ်ချိန်မကျသေးတော့ အလွန်မြင့်မြတ်တဲ့ ပရိတ်ရည်တွေဟာ အလွန်ပူလောင်တဲ့ ကာဖီရည်တွေ ဖြစ်ကုန်တယ်တဲ့။ အဲဒါကို စိတ်ဆိုးလိုက်ကြတာ တီကို ဆားနဲ့ ပက်သလိုပဲ တဲ့ဗျ။ မျက်နှာမရ ဖိနပ်ရ ဆိုတာ အဲသည်လိုနဲ့ တူပါရဲ့။

စစ်သဘက်ကြီးတွေက ဆုတွေ ကြံဖန်ပြီး လိုချင်တော့ သူတို့ကို ပိတ်တာ ဆို့တာတွေကို ဖွင့်ပေးဖို့ ပြောတယ်လေ။ အမေရိကန်က လုံခြုံရေးယူထားတဲ့ ပုဂ္ဂိုလ်တွေက စစ်သဘက်တွေကို ဥပမာပေးပြီး ရှင်းပြတော့မှ နည်းနည်း ငြိမ်သွားသတဲ့။ ဖွင့် ပေး ဖွင့် ပေး ဆိုပြီး လျှောက်လျှောက် ပြောမနေနဲ့ တဲ့။ အခုတွေ့လား ကားပြတင်းတွေ ပိတ်ထားလို့ သက်သာတာ။ ဖွင့်ပေးထားလိုက်လို့ကတော့ ဖိနပ်တွေကော ကော်ဖီရည်တွေကော တခါတည်း မျက်နှာတည့်တည့် လာမှန်တော့မှာ။ ဖွင့်ခိုင်းချင်သေးသလား တဲ့။

ဗိုလ်သန်းရွှေကတော့ အခုလိုမျိုး စိတ်တွေ ပျော့ပြောင်းတယ် ဘာတယ်ပေါ့ဗျာ။ အရှေ့ အနောက် တောင် မြောက်နဲ့ ဆက်ဆံရေးတွေလုပ်၊ ပြောင်းမယ် ပြင်မယ် လျောက်ပြောနေတာ အကောင်းမထင်ပါနဲ့ ကိုဇာဂနာရယ်။ ခင်ဗျားတို့က ကျုပ်တို့လောက် အတွင်းသတင်းတွေ မသိပါဘူး။

ဖြစ်ပုံက ဒီလို …။ ဗိုလ်သန်းရွှေက လောကဓာတ်ပညာ အသစ်အဆန်းတွေကို ရွံမုန်းတယ်။ ဗဟုသုတ တိမ်တော့ အသစ်အဆန်း အပြောင်းအလဲတွေကို လက်မခံနိုင်တဲ့သဘောပေါ့ဗျာ။ အသစ်အဆန်းဆိုလို့ မန္တလေးကျုံးထဲက နန်းတော်ပြင်တာလောက်၊ ကျုံးဆယ်တာလောက်၊ ပုဂံမှာ မျှော်စင်ဆောက်ပြီး ထီးကြီးအုပ်ပေးထားတာမျိုးလောက် လုပ်တတ်တာကလား။ ပျဉ်းမနားကို သွားတာကလည်း ဂူထဲမှာပဲ နေမလို့သွားတာ။ ဟို ကိုရီးယားကားတွေထဲကလိုမျိုး တခန်းတနားတွေလုပ်ချင်တယ် ဆိုတဲ့ သူ့မိသားစုကြောင့်သာ သူ့မှာ နေပြည်တော်တွေ ဘာတွေ ဖြစ်ကုန်ရတာလို့ ပြောတယ် ကိုဇာဂနာ ရယ့်။

သူက အင်တာနက်နဲ့ အီးမေးကို သူ့နန်းတော်မှာ ဆင်ပေးခိုင်းထားတာ သိပ်မကြာသေးဘူး ဆိုပဲ။ ဒေါ်စုဆီကို ရေကူးဝင်တဲ့မျက်နှာဖြူကောင်က ယူကျုမှာ ပုံတွေ အရုပ်တွေ တင်ဖို့ ၀င်လာတာ လို့ ထွက်ချက်ပေးတော့ သူလည်း ယူကျုတို့ အိုင်ကျု တို့ကို စိတ်ဝင်စားသွားတယ်။ သူသိတာက စစ်ကြောရေးအစီရင်ခံစာက ကေကျု လောက်သိတာကိုး။ (ကေကျု = ကေ ကေ ကေ = ကိုကိုကြီး (၈၈ မျိုးဆက် ကျောင်းသားခေါင်းဆောင်) – စကားချပ်) သူ့အီးမေးလိပ်စာကိုလည်း တော်တော်ခန့်မှန်းရခက်အောင် လုပ်ထားတယ်လို့ ပြောတယ်။ ကျနော်လည်း အတိအကျတော့ မသိဘူးလေ။ အီးမေးနဲ့ ဖတ်တဲ့စာတွေထဲမှာ လေးထောင့်တုံးတွေ နဲ့ စာတွေကိုတော့ သူ မဖတ်တတ်ဖူးတဲ့။ သူတပည့်တွေကလည်း အဲဒါ မြန်မာစာလုံးတွေ၊ ဇော်ဂျီဖောင့်တို့ ဘာတို့ ထည့်ရတယ် ဆိုတာကို သွား မပြောရဲဖူးတဲ့။ ပြောမိလို့ ပြည်ပက စာတွေ ဖတ်မိရင် စိတ်ညိုညင်မှာ စိုး ဆိုပဲ။

တနေ့မှာ ဗိုလ်သန်းရွှေဆီကို စာတစောင် (အီးမေးတစောင်) ရောက်လာတယ်။ နိုင်ဂျီးရီးယားက အာဏာရှင်တဦးက ပိုက်ဆံတွေ ၀ှက်ထားတာကို ခွဲပေးချင်တဲ့အကြောင်း လျို့ဝှက်ပြီး ဆက်သွယ်လာတဲ့စာတစောင် ဖြစ်နေတယ်။ ဗိုလ်သန်းရွှေဆိုတာ အရမ်းကို စိတ်လှုပ်ရှားသွားပြီး ၀မ်းသာလုံး ဆို့သွားတယ်။ သူ့မှာလည်း သည်လို တိုင်းပြည်ဘဏ္ဍာတွေ ခိုးဝှက်သိမ်းဆည်းထားတဲ့ အတွေ့အကြုံမျိုး ရှိတော့ ဒီလိုစာကို သူက အကြွင်းမဲ့ ယုံကြည်တယ်လေ။ အပြင်ဗဟုသုတ ရှိတဲ့ ကလေးတွေတောင် အင်တာနက်ပေါ်မှာ ဒီလိုစာမျိုးတွေ ဖြန့်တဲ့ အီးမေးလူလိမ်တွေရှိတယ်ဆိုတာ သိကြပေမယ့် ကိုရီးယားကားထဲမှာ အဲသည်ဇာတ်ကွက်တွေမပါတော့ ဗိုလ်သန်းရွှေက အမှားကို အမှန်ထင်တာ မဆန်းဘူးပေါ့။ ဘ၀တလျောက်လုံးမှာ အမှားတွေကို အမှန်ထင်နေခဲ့တာကလည်း အကျင့်ပါနေပြီကိုးလေ။

ခက်တာက ဒီနိုင်ဂျီးရီးယားက အာဏာရှင်ကြီးခွဲပေးမယ့် ငွေတွေကို ဘယ်လိုလက်ခံမလဲဆိုတာက ပြဿနာဖြစ်နေတော့ ဗိုလ်သန်းရွှေခင်ဗျာ အတော် အကြံအိုက်သွားတယ်။ ကြက်ဆူပင်ကြိုင်ကြိုင်တို့နဲ့လည်း မတိုင်ပင်ချင်ဘူး။ ဒီလောက်များတဲ့ သန်းနဲ့ချီတဲ့ ဒေါ်လာတွေကို ကြိုင်ကြိုင်လက်ထဲလည်း မထည့်ချင်ဘူးတဲ့။ သူ့လက်အောက်က ဗိုလ်ချုပ်ကြီးတွေနဲ့လည်း မိုက်ကြေးမခွဲချင်ဘူးလို့လည်း သူက လောဘဇောဖြစ်လာတယ်လို့ ပြောကြတယ်။ အဲဒီမှာ ဗိုလ်သန်းရွှေလည်း အကြံအိုက်နေတော့ သူတိုင်ပင်ဖို့ လူရှာတော့တယ့် ဆိုပဲ။

အဲသည်မှာ အမေရိကားက ဂျင်ဝက်တို့နဲ့ တွေ့တော့တာပဲ။ ဂျင်ဝက်ကလည်း အမေရိကန်ပေါ်လစီ အပြောင်းအလဲ ဘာညာနဲ့ ချည်းကပ်လာတယ်။ ဗိုလ်သန်းရွှေကလည်း အောက်လမ်းက ၀င်လာမဲ့ သန်းနဲ့ချီတဲ့ ဒေါ်လာတွေကို မျက်စိထဲ မြင်နေတော့ အခုလိုနိုင်ငံရေးကိစ္စတွေ တိုင်းရေးပြည်ရေးကိစ္စတွေကို အချိန်ကုန်ခံပြီး စကားမပြောချင်တော့ဘူး ဖြစ်နေတယ်။ ဒါနဲ့ သန်းရွှေကလည်း မင်းလည်း တွေ့ချင်တဲ့သူတွေနဲ့ တွေ့၊ ပြောချင်တာတွေ ပြောဆိုပြီး လွှတ်ပေးလိုက်တယ် ဆိုပဲ။ သူ့မှာ အဓိကက နိုင်ဂျီးရီးယားက ငွေတွေကို ဘယ်လို ထုတ်ရလဲ ဆိုတာက ထိပ်တန်း ဦးစားပေးကိစ္စဖြစ်နေတာကိုး။ သူက ပိတ်ထားတာတွေ ဖွင့်ပေး၊ ဘဏ်တွေ ငွေတွေ ဖွင့်တာ လွှဲတာတွေ အဆင်ပြေရင် ပြီးပြီ ဆိုပြီးတော့ အရိပ်အမြွက်ပြလိုက်တယ် ဆိုတယ်။

ဒါကြောင့် ဗိုလ်သန်းရွှေက ခင်ဗျားတို့ကို ထောင်ထဲကနေ ခေါ်ထုတ်ပြီး သီးခြားခေါ်တွေ့ဖို့ စီစဉ်နေတယ်လို့ ကြားတာပဲ။ ဒေါ်စုကလည်း ဆုတွေ ဘာတွေ ရဖူးတော့ အဲသည်ငွေတွေကို ဘယ်လိုမျိုး ထိန်းသိမ်းထားသလဲ၊ ထုတ်သလဲဆိုတာမျိုးတွေ မေးဖို့ ဆက်ဆံရေးဝန်ကြီး အောင်ကြည်ကို တဖက်လှည့်နဲ့ ခိုင်းတော့တာကိုးလေ။ သူကိစ္စက ဆုရတာ မဟုတ်ပေမယ့် ထီပေါက်ထားသလိုမျိုး ငွေတွေကို လှည့်ပတ်ပြီး ထုတ်မယ်လို့ စဉ်းစားထားပုံရတယ်ဗျ။ အန်တီစုကလည်း အရိုးခံနဲ့ဆိုတော့ အော် … စစ်တပ်ကြီးခင်ဗျာ ပိတ်ဆို့ထားတာတွေ ခံထားရတာ နှစ်လ ကြာတေ့ာ ဒီတခါမှာတော့ဖြင့် သူတို့အခက်အခဲတွေကို နားလည်အောင် လုပ်ကြည့်မှပဲ ဆိုပြီး စတိတ်မင့်တွေ ဘာတွေ ထုတ်တော့ တကမ္ဘာလုံးကလည်း မျက်စိတွေ လည်ကုန်ကြတာ အတွင်းသတင်းမှ မသိထားတာကိုးလေ။

ကဲ … ကြွက်ကို ဘယ်သူ ခြူဆွဲပေးမလဲ ဆိုသလို ဗိုလ်သန်းရွှေကို အခုလိုမျိုး နိုင်ဂျီးရီးယားက ထီ ( ထီလို့ပဲ ထားပါတော့) ပေါက်တယ်ဆိုတာ တကယ်မဟုတ်ဘူး။ ခင်ဗျားကြီး အလိမ်ခံရတာလို့ ဘယ်သူက ပြောရဲသလဲ။ အခုတောင် ဗိုလ်သန်းရွှေက နိုင်ဂျီးရီးယားက ဒေါ်လာ သန်း ရာ ထောင်ချီတဲ့ ငွေတွေကို တန်းတန်းစွဲပြီး ဖုံးတလှည့် ဖော်တလှည့်နဲ့ အစ ရှာနေတာကို အနီးကပ်လူတွေကတော့ ရိပ်မိနေပေမယ့် အကုန်လုံး သိတာမဟုတ်ဘူးတဲ့ဗျ။ ဗဟုသုတနည်းနည်း ရှိတဲ့ ရဲချုပ်ခင်ရီက ဗိုလ်ချုပ်မှူးကြီး ဒါက လိမ်တာနဲ့ တူတယ်ပြောလို့ ရွှေဘောတော်ဆိုးပြီး မြေတိုက်ထဲမှာ ခြေချုပ်ချထားလိုက်သေးတာကိုး။

ကဲ သည်တော့ ခင်ဗျားကို အဲသည် ငွေတွေ ဘယ်လို ထုတ်ရမလဲ၊ လွှဲရမလဲလို့ မေးလာရင် ခင်ဗျား မီးစင်ကြည့်က ပေတော့ ကိုဇာဂနာ။ အမေရိကန်က စီအိုင်အေတို့၊ အက်ဖ်ဘီအိုင်တို့၊ ဘာတို့ ညာတို့ကတော့ သတင်းအစအန ရထားပြီးလို့ သမ္မတကြီး အိုဘားမားကို ပြောထားပြီးပြီ တဲ့။ မြန်မာပြည်က သန်းရွှေတယောက် နိုင်ဂျီးရီးယားထီပေါက်လို့ တောင်ရောက် မြောက်ရောက် ဖြစ်နေတယ်။ ဒီအချိန်မှာ အခွင့်ကောင်းယူပြီး ဆွေးနွေးဖို့ လိုတယ်လို့ အကြံပေးတွေ ပရောဟိတ်တွေကလည်း အခါတော်ပေးနေကြတယ် ဆိုတယ်။ ၂၀၁၀ မတိုင်ခင်မှာ သူ့အထင်ပေါက်နေတဲ့ အိပ်မက်တွေ အရည်မပျော်သွားခင်မှာ ခင်ဗျားကို လာမေးမယ် မြန်းမယ် ဆိုရင် သူ့ကို ခင်ဗျား ကြည့်ပြီးတော့ ပြောစရာရှိတာ၊ ခိုင်းချင်တာရှိတာတွေ ခိုင်းပေတော့ပဲ။

အင်း … တခုတော့ ရှိတယ်ဗျ။ ပြည်ပက မြန်မာတွေကိုလည်း တိုင်ပင်ပြီးတော့ အဲသည်ငွေတွေ ဘယ်လို ထုတ်ရမလဲ မေးကြည့်ဖို့ အကြံပေးခိုင်းပေါ့ဗျာ။ ဗိုလ်သန်းရွှေကြီးတယောက် အမှားတွေ အမှန် ထင်နေတဲ့အကြောင်းတော့ ဘယ်လိုလူမျိုးက အခုလို အချိန်မျိုးမှာ ပက်ခနဲ ပြောရဲလေမလဲတော့ မသိ။

ဟဲဟဲ … နောက်ကျရင် နိုင်ဂျီးရီးယားအာဏာရှင်ကြီးဆီက ခွဲပေးမယ့် ငွေတွေ ဆိုပြီး အီးမေးတွေ မလာတော့ဘဲနဲ့ မြန်မာပြည်က အာဏာရှင်ကြီးဆီက ခွဲပေးမယ့် ငွေတွေ ဆိုပြီး အီးမေးတွေ လာနေမှဖြင့် ခင်ဗျားတို့ ကျနော်တို့တတွေ တရားခံတွေပဲ ဖြစ်မလား။ အလိမ်ခံရသူတွေပဲ ဖြစ်မလား၊ လူလိမ်တွေပဲ ဖြစ်နေလေမလား မသိပေဘူးပေါ့ခင်ဗျား။

တော် သေ ဘီ။ လက်ရေးသည်းခံပါ။ နောက် တွေ့ကြသေးတာပေါ့။ ခင်ဗျားလည်း အင်္ဂလန်ထီကြီးတွေ ပေါက်ပါစေသော်ဝ်။

(သာဂိ၏ လေးနက်သော  စာများကို သည်နေရာမှာ တစုတစည်းတည်း ဖတ်နိုင်၊ ရှယ်နိုင်ပါပြီ။)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သရော်စာ

One Response to ဗိုလ်သန်းရွှေ ထီပေါက်ခြင်း (ကိုဇာဂနာ ဖတ်ဖို့ ဟာသ)

  1. myo thu on December 20, 2012 at 8:51 pm

    ဟောင်းပေမယ့်ကောင်းနေဆဲဆောင်းပါးပဲ။အသစ်တွေရှိယင်ရေးပါးဦးဗျာ။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်