လျှပ်စစ်ဝန်ကြီးဌာန၏ အဂတိလိုက်စားမှုများ စာတမ်း (အပိုင်း ၂)

December 20, 2012

လျှပ်စစ်ဝန်ကြီးဌာန၏ အဂတိလိုက်စားမှုများ စာတမ်း (အပိုင်း ၂)

အီးပီစီက လူ၊ ဒီဇင်ဘာ ၂၀၊ ၂၀၁၂

အဂတိလိုက်စားမှု့တွင် သရဖူရ လျှပ်စစ်ဌာန (၁)

နိုင်ငံတစ်နိုင်ငံအား ဖွံဖြိုးတိုးတက်စေရန် လျှပ်စစ် ဓါတ်အားသည် အဓိက အခန်း ကဏ္ဍမှ ပါဝင်ပါသည်။ လျှပ်စစ်ဓါတ်အားဖြင့် လောကနိဗ္ဗ္ဗန်ကို တည်ဆောက်အံ့ ဟူသော လျှပ်စစ်စွမ်းအား ၀န်ကြီးဌာန ၏ဆောင်ပုဒ်မှာ လျှပ်စစ်၏ အရေးပါပုံကို ထင်ဟပ်လျှက် ရှိပါသည်။ သို့ပါသော်လည်း ၀န်ကြီးဌာန ၏ လက်ရှိ ဆောင်ရွက်နေပုံများ မှာ တိုင်းပြည်အတွက်ဟု ယူဆစရာမပါဝင်ပါ။ တိုင်းပြည်တိုးတက်ရေးအတွက် ပြန်ပေး ဆွဲခံထားရ သကဲ့သို့ ဖြစ်နေပါသည်။

နိုင်ငံအနေနှင့် ခိုင်မာ၍ရေရှည် တည်တံအကျိုးရှိမည့် စွမ်းအင်နှင့် လျှပ်စစ်မူဝါဒ ရှိရမည် ဖြစ်ပါသည်။ ထို မူဝါဒ သည် ဈေးနှုန်းသက်သာစွာဖြင့် လျှပ်စစ်ထုပ်လုပ်နိုင်မှု့၊ နိုင်ငံသားများအနေနှင့် သုံးစွဲနိုင်မှု့၊ စက်မှု့လက်မှု့လုပ်ငန်းများ တိုးတက်ဖြစ်ထွန်းစေမှု့၊ နိုင်ငံအတွက် ရေရှည်အကျိုးရှိမှု့ တို့အပေါ်တွင် အခြေခံ ရမည်ဖြစ်ပါသည်။

သာမန်အားဖြင့် ရေအားလျှပ်စစ် ထုပ်လုပ်မှု့သည် ဈေးနှုန်းသက်သာပြီး အားနည်းချက် အနေနှင့် ကျွန်ုပ်တို့နိုင်ငံတွင် တစ်နှစ်ပတ်လုံး ထုတ်ယူ၍ မရရှိပါ။ ရေအားလျှပ်စစ် တစ်ကီလိုဝပ်နာရီ ထုတ်ယူရန်အတွက် ခန့်မှန်း ၂၀ ကျပ် (အမေရိကန် ၂.၃ ဆင့်) သာ ကျသင့်ပါသည်။ သို့ဖြစ်ပါ၍ နိုင်ငံသားများအား တစ်ယူနစ်လျှင် ၃၅ ကျပ်ဈေးနှင့် ဖြန့်ဖြူးပေး နေခြင်း ဖြစ်ပါသည်။

သို့ပါသော်လည်း လျှပ်စစ်ဓါတ်အား ပျောက်ဆုံးမှု့ နှင့် သဘာဝဓါတ်ငွေ့မှ လျှပ်စစ်ဓါတ်အား ထုပ်လုပ်ရသည့်စရိတ် ကြီးမြင့်မှု့တို့ကြောင့် နိုင်ငံတော်မှ နှစ်စဉ် အရှုံးပေါ်နေသောလုပ်ငန်းများ ဖြစ်ပါသည်။ ကျွန်ုပ်တို့နိုင်ငံ၏ လျှပ်စစ်ဓါတ်အား ပျောက်ဆုံးမှု့ နှုန်းမှာ ၂၅% မှ ၃၀% အတွင်းနှင့် နိုင်ငံတကာတွင် ထိပ်တန်း ဖြစ်နေ ပါသည်။ အကယ်၍ ယခု နိုင်ငံခြားရင်းနှီးမြုပ်နှံသူ များမှ ထပ်မံတည်ဆောက်မည့် ဓါတ်အားပေး စက်ရုံများကို သေချာစွာမစီစစ်ပါက နိုင်ငံသားများ အနေနှင့် ရေရှည်တွင် ၀န်ထုပ်ဝန်ပိုးဖြစ်လာပေမည်။

မည်သည့်အတွက်ကြောင့် လျှပ်စစ်ဓါတ်အား ပျောက်ဆုံးမှု့တွင် ထိပ်တန်း ဖြစ်နေရသနည်း၊ နိုင်ငံသားများ အတွက် ရေရှည်တွင် ၀န်ထုပ်ဝန်ပိုး ဖြစ်လာမည့် စီမံကိန်းများကို လျှပ်စစ်ဌာနမှ အပြေးအလွှား အကောင်အထည်ဖေါ်နေရသနည်း၊ ဆိုသော အကြောင်းရင်းကို စီစစ်ပါက အဂတိလိုက်စားမှု့ မြင့်မားနေခြင်း သည်လည်း အချက်တစ်ချက် ဖြစ်သည် ကိုတွေ့ရပါသည်။ ယခုနှစ် Trapsparancy International မှထုတ်ပြန်သော အချက်အရ ကျွန်ုပ်တို့ မြန်မာနိုင်ငံသည် အဂတိလိုက်စားရာတွင် စတုတ္ထ္ထ အဆိုးဆုံးနေရာတွင် ဖော်ပြခြင်း ခံရသည်ကို တွေ့ရပြန်ပါသည်။

နိုင်ငံတစ်နိုင်ငံတွင် မူဝါဒ သည်တိုင်းပြည်အတွက် မောင်းနှင်မည့် လမ်းကြောင်းပင် ဖြစ်ပါသည်။ ယခုလက်ရှိ အစိုးရအနေနှင့် မူဝါဒများ ချမှတ်ရာတွင် အခက်အခဲများစွာ ရှိမည် အမှန်ပင် ဖြစ်ပါသည်။ ထို့အပြင် အစိုးရ၏ မူဝါဒများမှာ လက်သင့်ရာ ရှင်းနေရသည့်ပုံစံ ကိုလည်း တွေ့နေရပါသည်။ မိမိအနေနှင့် မူဝါဒကို ဆွေးနွေးတင်ပြရန် လက်လှမ်း မမှီပါသောကြောင့် မိမိသိရှိသမျှ ဌာနအခြေအနေ ကို သာ ဆွေးနွေးတင်ပြပါမည်။ မူဝါဒ နှင့် ပတ်ဝန်းကျင် ၏ လှုံ့ဆော် ရိုက်ခတ်မှု့ကြောင့် အဂတိလိုက်စားမှု့များ လျှပ်စစ်ဌာနကြီးတွင် မည်သို့ ပေါ်ပေါက်နေရသည်ကို ဆက်စပ်တင်ပြလိုပါသည်။

လျှပ်စစ်ဌာနတွင် အရေးပါအရာရောက်ကြသည့် နေရာများတွင် တာဝန် ထမ်းဆောင်လျှက် ရှိကြသူများမှာ ထိုအရေးပါ အရာရောက်ကြသည့် နေရာကို ရရှိလာသည့် အလျှောက် ကျွမ်းကျင်မှု့ ကိုယ်စီ၊ တတ်ကျွမ်းမှု့ ကိုယ်စီရှိပြီးဖြစ်ပါသည်။ သို့ပါသော်လည်း ၄င်းတို့၏အတတ်ပညာ၊ အကြံဥာဏ်များမှာ ၀န်ကြီးမှ ချုပ်ကိုင်ချယ်လှယ် နေပါသဖြင့် အသုံးချခွင့် မရရှိဘဲဖြစ် နေပါသည်။

လျှပ်စစ်စွမ်းအား ၀န်ကြီးဌာန၏ ၀န်ကြီးမှာလည်း အခြေအနေကို ကောင်းစွာ နားလည်၍ အုပ်ချုပ်မှု့ ကျွမ်းကျင်သော တပ်မတော်မှ အရာရှိကြီးဟောင်း ဖြစ်ပါသည်။ တပ်မတော် အရာရှိကြီးဟောင်း ဖြစ်သည့် အားလျှော်စွာ အကျပ်အတည်း ကြားတွင် မည်ကဲ့သို့ အကောင်းဆုံး ဖြစ်အောင်လုပ်ရမည် အမြတ် ထုတ်ရမည်ကို ကျွမ်းကျင် နားလည်ပါသည်။

နိုင်ငံတော် သမ္မ္မတကြီး၏ လမ်း ညွှန်ချက်များ အစိုးရအဖွဲ့၏မူဝါဒနှင့် ပတ်ဝန်းကျင် (လူထု) ၏တုံ့ပြန်မှု့များ အပေါ် ကောင်းစွာ အမြတ်ထုတ် နိုင်သည်ကို ကြည့်ခြင်းအားဖြင့် ၀န်ကြီး၏ အရည်အချင်းကို သိသာနိုင်ပါသည်။ သို့ပါသော်လည်း ၀မ်းနည်းစရာ ကောင်းသည်မှာ နိုင်ငံအကျိုး တိုင်းပြည် အကျိုးအတွက်မဟုတ်ဘဲ မိမိအကျိုးကိုသာ ကြည့်သည့်အာဏာကို အသုံးချပြီး ရသမျှစီးပွားရှာလိုသူ၊ ယခင် စနစ်၏ အလေ့အထ အတိုင်း တစ်ချက်လွှတ် အမိန့်ဖြင့် ဆက်လက် ဆောင်ရွက် လိုသူ ၀န်ကြီး အမျိုးအစား ဖြစ်နေခြင်းပင်။

လျှပ်စစ် ၀န်ကြီး မည်မျှပါးနပ်၍ လိုရာလုပ်ဆောင်နိုင်သည်၊ အကွက်ချ စီမံ တတ်သည်ကို အောက်ပါ အတိုင်း ဖေါ်ပြအပ်ပါသည်။

၂၀၁၁ ခုနှစ် အမှတ်(၂) လျှပ်စစ် ၀န်ကြီးရာထူး လွှဲယူပြီးသည့်အချိန်မှစ၍ ၀န်ထမ်းများအား နိုင်ငံအကျိုး တိုင်ပြည်အကျိုးဆောင်ရွက်ကြရန် ထပ်တလဲလဲမှာပြီး မည်သည့် အလုပ်မှ မလုပ်ဘဲ အခြေအနေ ကြည့်နေသည်မှာ တစ်နှစ်ခန့်ကုန်သွားပါသည်။ အစဉ်အမြဲအနေနှင့် မိမိမှာ ပညာရှင်မဟုတ်သောကြောင့် ပညာရှင်ဖြစ်သည့် ဒုဝန်ကြီးမှ ဦးဆောင်ဦးရွက်ပြု ဆောင်ရွက်ရန် လူရှေ့သူရှေ့တွင် နေရာပေးအလေးထားသကဲ့သို့ ပြောဆိုပြီး၊ ဒုဝန်ကြီးမှ တင်ပြလာပါက ချောင်ထိုးထားပါသည်။ ထို့အတူ MD, DG, CE  စသည်တို့အားလည်း အမြဲတစေ အရေးပေး သလိုပြောဆိုပြီး တင်ပြလာသမျှ ချောင်ထိုးထားခံရပါသည်။

ပထမဆုံး အနေနှင့် မော်လမြိုင်မြို့ဓါတ်အားပေးစက်ရုံမှ ဘိုင်လာ ပြင်ဆင်ခြင်းဖြင့် လုပ်ငန်းရှင်များ၊ ၀န်ထမ်းများကို အချက်ပေးလိုက်ပါတော့သည်။ ဖြစ်စဉ်မှာ မော်လမြိုင်မြို့ ဓါတ်အားပေးစက်ရုံမှ ဘိုင်လာ ပြင်ဆင်ခြင်းအတွက် တင်ဒါခေါ်ယူပြီး  technical စီစစ်သည်မှာ ၃ လခန့် ကြာမြင့်ပါသည်။

လုပ်ထုံးလုပ်နည်းအရ ဈေးနှုန်းတင်ဒါ ဖွင့်ဖောက်ပြီး  Technical အောင်မြင်သည့် ကုမ္ပ္ပဏီများကို ဈေးဆစ်ပါသည်။ ဈေးနှုန်း တင်ဒါမဖွင့်မှီ ၀န်ကြီး၏ ခွင့်ပြုချက်ဖြင့် မိုးကျရွှေကိုယ် ကုမ္ပ္ပဏီ တစ်ခုကို ပါဝင်ယှဉ် ပြိုင်စေပါသည်။ မိမိဌာနတွင် ဦးဆောင် စည်းကမ်း ထိမ်းရမည့်အစား ပြောင်ပြောင်တင်းတင်း အမိန့်ဖြင့် စည်းကမ်း ဖောက်ပြလိုက်ခြင်းပင် ဖြစ်ပါသည်။ ဈေးနှုန်း တင်ဒါ ဖွင့်ဖောက် သည့်အခါ အဆိုပါ ကုမ္ပ္ပဏီ မှတင်သွင်းသည့် ဈေးနှုန်းမှာ အများဆုံးဖြစ်ပါသည်။

အချုပ်ဆိုရပါက အဆိုပါ ကုမ္ပ္ပဏီမှ ဈေးနှုန်းအများဆုံးဖြင့် တင်ဒါအောင်ပြီး မော်လမြိုင်မြို့ ဓါတ်အားပေးစက်ရုံမှ ဘိုင်လာ ပြင်ဆင်ခြင်းလုပ်ငန်းကို ၀န်ကြီး၏ စောင်မမှု့ဖြင့် ရရှိ သွားပါတော့သည်။ ထိုအဖြစ်အပျက်မှစ၍ အမှတ်(၂) လျှပ်စစ် နှင့်ဆက်စပ်လျှက်ရှိသော လုပ်ငန်းရှင်များသည် ၀န်ကြီးမှတစ်ပါး ဌာနအတွင်း ၌ မည်သူမျှ ကူနိုင်မည့်သူ မရှိဆိုသည်ကို သိသွားကြပါသည်။ ၀န်ကြီးမှ အားလုံးကို ငါသာလျှင်အဓိကဟု အချက်ပြလိုက်သည့် အခြေအနေ ပင်ဖြစ်ပါသည်။ အားလုံး သိကြသည့်အတိုင်း စီးပွားရေးသမားများမှာ ၀န်ကြီးနောက်သို့ အပြေးအလွှား ချည်းကပ်ကြရပါတော့သည်။ ၀န်ကြီးပြီးမှ ပြီးတာ ဆိုသည့်စကားသည်၊ လူတိုင်းအား ၀န်ကြီးကိုသာ ချည်းကပ်ရန် လမ်းပြ စကားဖြစ်ခဲ့ပါသည်။

၂၀၁၂ နွေရာသီရောက်လာသောအခါ မြို့ကြီးများတွင် ဖယောင်းတိုင်ထွန်း၍ ဆန္ဒ္ဒပြကြ သောအခါ ၀န်ကြီးမှာ အခွင့်ကောင်းကို လက်လွတ်မခံဘဲ အသုံးချပါတော့သည်။ အများသိရှိပြီး ဖြစ်သည့်အတိုင်း GE မှနေ့ချင်းညချင်း အကူအညီ ပေးမလိုလို၊ စက်များ ငှားပေးမလိုလို၊ ဓါတ်အားပေးစက်ရုံ တည်မလိုလိုနှင့် အလုပ် ရှုပ်ပြပါသော်လည်း ယနေ့အထိ မည်သည့် GE မှ လျှပ်စစ် အတွက် အကောင်အထည်မဖေါ်နိုင်ပါ။

အမှန်တကယ် လုပ်သွားသည်မှာ ၀န်ကြီးနှင့်ရင်းနှီးသော ကုမ္ပ္ပဏီ တစ်ခုမှ ဒီဇယ်ဂျင်နရေတာ ၄ လုံးအား အရံမီးစက်အဖြစ် မြို့ကြီးများတွင်သုံးရန် ၀ယ်ယူခြင်းဖြစ်ပါသည်။ ၁၆၅၀ ကီလိုဝပ် ဒီဇယ်ဂျင်နရေတာ တစ်လုံးတန်ဘိုးမှာ အမေရိကန် ဒေါ်လာ လေးသိန်း ၀န်းကျင်ခန့်ရှိပြီး ၀န် ကြီး၏ တစ်ချက်လွှတ်အမိန့်ဖြင့် အရေးပေါ် အခြေအနေ (ဖယောင်းတိုင်ထွန်း ၍ ဆန္ဒ္ဒပြပွဲ) ကြောင့် တင်ဒါမခေါ်ဘဲ ၀ယ်ယူသည်မှာ ဒီဇယ်ဂျင်နရေတာ တစ်လုံးလျှင် အမေရိကန် ဒေါ်လာ တစ်သန်းခန့် ကုန်ကျ ပါတော့သည်။

ထို ဒီဇယ်ဂျင်နရေတာ ဘိုးအား နိုင်ငံတော် သမ္မ္မတရုံးသို့ တင်မတောင်းရဲ သောကြောင့် လအတော်ကြာ တင်လိုက် ချလိုက်ဖြင့် ဖြစ်နေသဖြင့် လျှပ်စစ် ၀န်ထမ်းများမှ ကြိတ်၍ ဟာသမြောက် ခဲ့ရ ပါသေးသည်။ ၀န်ကြီး၏ အခြေအနေကို လိုက်၍ ကိုယ်ကျိုး အသုံးချနိုင်စွမ်းမှာ အံမခန်းပင် ဖြစ်ပါသည်။ အများပြည်သူနှင့် သမ္မ္မတကြီးကို   GE နှင့်အာရုံလွှဲထားပြီး အသေးသုံး အနေနှင့် ဒီဇယ်ဂျင်နရေတာ လေးလုံး ၀ယ်ပြီး၊ ဆန္ဒ္ဒပြမှု့များကို မိုး ရွာသောကြောင့် ရေအား လျှပ်စစ် များမှ ဓါတ်အား ရရှိ၍ ထိုနှစ်အတွက် ဖြေရှင်းပြီး ဖြစ်ပါတော့သည်။

ထိုအတော အတွင်း၌ပင် ရေရှည် လျှပ်စစ်ဓါတ်အား ရရှိရေး အကြောင်းပြ၍ သဘာဝဓါတ်ငွေ့သုံး ဓါတ်အားပေးစက်ရုံ MOU များကို ၀န်ကြီးနှင့် ရင်းနှီးသော ကုမ္ပ္ပဏီများ ချဉ်းကပ် ၀င်ရောက် ထားသော ကုမ္ပ္ပဏီများဖြင့် ၀န်ကြီး၏တစ်ချက်လွှတ်အမိန့်ဖြင့် မနားတမ်း လက်မှတ်ရေးထိုးပါတော့သည်။ အများစုသော MOU များမှာ ဌာန၏ ပညာရှင် ၀န်ထမ်းများ၏ သုံးသပ်ချက် အကြံပြုချက်များ မပါဘဲ ရေးထိုးခဲ့ရပါသည်။ အပြောင်မြောက်ဆုံး MOU မှာ ယိုးဒယားသို့ အလည်သွားစဉ် ထုံးတမ်းအစဉ်အလာ မဟုတ်ပါဘဲ ၀န်ကြီး၏ အမိန့်ဖြင့် နိုင်ငံအတွက် ရေရှည် ထိခိုက်နိုင်သည့် ဓါတ်အားပေးစက်ရုံ MOU ကို အခြားနိုင်ငံ မြေပေါ်တွင် နိုင်ငံခြား ကုမ္ပ္ပဏီ တစ်ခုဖြင့် ဖြစ်သလို ရေး ထိုးခဲ့ရပါသည်။ ကျွန်ုပ်အနေ နှင့် လျှပ်စစ်ဝန်ကြီးအား နိုင်ငံအကျိုးကို ဆောင်ရွက်နေသူ တာဝန် ထမ်းဆောင်နေသူ အဖြစ် မမြင်နိုင်တော့ဘဲ ရရှိသည့်အချိန်တွင် နိုင်ငံအား လက်ညှိုးထိုး ၍ ရောင်းစားမည့်သူ အဖြစ်သာ မြင်မိပါကြောင်း တင်ပြအပ်ပါသည်။

(အမှတ် ၂ လျှပ်စစ်ဝန်ကြီး ဦးခင်မောင်စိုး၏ သတင်းဓာတ်ပုံများ ဖြစ်ပါသည်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း, သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

MoeMaKa Monthly July 2017 ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်