အဘနဲ့ အဘရွာ

January 10, 2013
My Friend Tin Moe By Maung Swan Yi - Selection of MoeMaKa Articles

တင်မိုး
ဇန်န၀ါရီ ၁၀၊ ၂၀၁၃
ပြောင်းတတင်းကို
ခေါင်းရင်းအိမ်က ပေးခဲ့တယ်။
ဟင်းရွက်တဆုပ်၊ ထင်းတခုတ်ကို
ကျုပ်မြေးတွေက ပေးခဲ့တယ်။

လျှာပွတ်ဆေးနဲ့
ဆေးခါးကြီးစ၊ လျက်ဆားစသည်
ကျောင်းကဘုန်းကြီး ပေးခဲ့တယ်။
သမီးအငယ်၊ အိမ်ထောင်သယ်က
နေ့လယ်နေ့ခင်း၊ ခံတွင်းချင်ပြေ
အပျင်းပြေအောင်
အဖေလဲဝါး၊ ဧည့်လဲစား-တဲ့
လက်ဖက်သားကလေး ပို့ခဲ့တယ်။

ဝါကျွတ်ရက်က
အညှက်ဖြူဆုပ်၊ ပေါက်ပေါက်ဆုပ်တဲ့ . . .
မွေးစုတ်တဘက်၊ ချည်စောင်ကွက်တဲ့ . . .
သက်ကြီးဝါကြီး ကန်တော့ကြတယ်။

ငှက်ပျောသီးနဲ့
အုန်းသီးတလုံး၊ ဘ မသုံးဖူး
ဘုန်းကြီးလှူလိုက်ရသေးရဲ့။

အဘဆီက
ရှေးကသီချင်း၊ တက်ကြယင်းနဲ့
နင်းကြနှိပ်ကြ၊ ပြုစုကြနဲ့
ကာလသားတွေ၊ စည်ပါပေကွယ်
ပုလွေမယ်ဒလင်၊ ဒေါင်ဒင်ဒင်နဲ့
ဘင်ဂျိုဝိုင်းက ညတိုင်းပ။

အဘအိုရဲ့
ပုံတိုပတ်စ၊ ကြားချင်ကြသတဲ့
ညခင်းညခါ၊ ၀ိုင်းလို့လာတဲ့
ရွာက ကလေး၊ အဘမြေးတွေ
အေး … အေး … ပြောရသေးတာပ။

အဘအိမ်သား၊ ကွယ်လွန်သွားလဲ
ဝမ်းခါးမပူရပေဖူး။
အဘရဲ့သား၊ ရန်ကုန်သွားလဲ
တအားမငယ်ရပေဖူး။

သည်မြေသည်ရွာ၊ အဘရွာပေါ့။
ရွာသူရွာသား၊ အဘသားပေါ့။

ရွာက ကလေး၊ အဘမြေးပေါ့။
သမီးနဲ့သား၊ မြေးငယ်များတို့
ငါ့ရွာနားက
တဖ၀ါးတောင်၊ ခွာနိုင်ပေါင်ဗျာ
နောင်ဘ၀လဲ၊ ဘ မခွဲဖူး
ခုလဲသည်မှာ ခေါင်းချမယ်။

(၁၁-၅-၇၃ ကရေးလက်စကို ၁၂-၁၂-၇၆ တွင် အပြီးသတ်သည်။)

http://www.facebook.com/photo.php?fbid=316351808484095&set=a.108169695968975.8145.101848689934409&type=1&


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်