ဇေယျသုခ ဓမ္မရိပ်သာ ဘုန်းတော်ကြီးကျောင်း၏ ဒုတိယအကြိမ်မြောက် ထမနဲအလှူပွဲတော်

February 10, 2013

မိုးမခအထောက်တော်
ဖေဖော်ဝါရီ ၁၀၊ ၂၀၁၃

ဇေယျသုခု ဓမ္မရိပ်သာ မြန်မာဘုန်းတော်ကြီးကျောင်း၏ ဒုတိယအကြိမ်မြောက် စုပေါင်း ထမနဲ အလှူပွဲတော်ကို အမေရိကန်ပြည်ထောင်စု တက္ကဆက်ပြည်နယ် အမာရီလိုမြို့ ရောက် ပြည်ထောင်စုဖွား မြန်မာတိုင်းရင်းသား မိသားစုများက ၂၀၁၃ ခုနှစ် ဖေဖော်ဝါရီလ ၉ ရက်၊ ၁၀ ရက် စနေ၊ တနင်္ဂနွေနေ့  နှစ်ရက်တိုင်တိုင် ဇေယျသုခ ဘုန်းတော်ကြီး၌  စည်ကားသိုက်မြိုက်စွာ ဆင်ယင်ကျင်းပနေကြကြောင်း သတင်းရရှိ သည်။ထမနဲ အလှူပွဲတော်သည် မြန်မာလူမျိုးတို့ ၏ ရိုးရာယဉ်ကျေးမှု ဓလေ့ထုံးတမ်းအစဉ်အလာ မပပျောက်စေရန်နှင့် ကုသိုလ်ကောင်းမှု များရရှိစေရန် နှစ်စဉ်နှစ်တိုင်း လရာသီ တပို့ တွဲတွင် ကျင်းပပြုလုပ်လေ့ရှိပြီး အများစု၏ အင်အားကို အသုံးပြုကာ တက်ညီလက်ညီ ထမနဲထိုးကြသည့် အလှူပွဲတော်တစ်ခုလည်းဖြစ်သည်။

 

ထမနဲ အလှူပွဲတော် ကျင်းပပြုလုပ်ရသည့်ရည်ရွယ်ချက်နဲ့ ပတ်သက်၍ “ ညီညာမှ ပြည်သာသတဲ့။ ပြည်ရွာလူထု ညီညာမှု ရှိစေ ရစေတော့ ရယ်လို့ ရည်ရွယ်ပြီး ဒီပွဲတော်ကို နွှဲပျော်နေကြတာပါ။ ရာသီဒါန အာဟာရ မို့ စားသူ လှူသူ နှစ်ဦးစလုံး ရာသီလွန်မှာ ဖြစ်တတ်တဲ့ ဘေးတွေကို တားဆီးပေးတတ်တဲ့ ဆေးဝါးဓါတ်စာ ဆိုလဲ မမှားဘူးပေါ့၊  ဒီတော့  အကျိုးများတဲ့ ကာလ ဒါနတခုအနေနဲ့ ရှေးသူတော်စင်တို့ထုံး နှလုံးမူပြီး ခုလို စည်းစည်းလုံးလုံး  စုပေါင်းကျင်းပနေကြတာပါ။ နှမ်းချည်း သက်သက် အုံးသီးသက်သက် စသည်စသည် တခုချင်း သီးသန့် စားရခြင်းက အခုလို အဆင်းအနံ့ သင်းပြန့်ကြိုင်ကြိုင် အရသာဖြိုင်ဖြိုင် စားသုံးရတာလောက်တော့ ကောင်းမယ်မထင်ပါဘူး။ ဒီလိုပါပဲ တစ်ဦးချင်း တစ်ယောက်ချင်းမှာ ရှိတဲ့ ခွန်အား ညာဏ်အား စွမ်းပကားတွေဟာ သူ့ချည်းသီးသန့် ဖြစ်တည်နေရင် ပြည်ရွာကောင်း ကျိုး မတိုးစေနိုင်ပါဘူး။ တဦးချင်းမှာ ဖြစ်တည်နေတဲ့ ဒီအားတွေကို အများနဲ့အတူ  ညီညာစွာ ပေါင်းစပ် အသုံးပြုတတ်မယ်ဆိုရင် အသင်း မြို့ရွာ နိုင်ငံ  ပိုမိုသာယာ ဝပြောလိမ့်မယ်ထင်ပါတယ။် ဒီလို အဓိပ္ပါယ် ပြည့်အတွေးများနဲ့ ဒီပွဲတော်ကို ဒီအချိန်အခါမှာ ပြည်တွင်း ပြည်ပ မြို့ရွာ ဒေသ နေရာအနှံ့အပြား၌ ကျင်းပနေကြခြင်းဖြစ်လိမ့်မယ်လို့ ဘုန်းဘုန်းတို့ယုံကြည်ပါတယ် “ဟု ဇေယျသုခ ဓမ္မရိပ်သာ ကျောင်းထိုင် ဆရာတော် ဘဒ္ဒန္တနန္ဒ၀ံသက မိုးမခသို့ မိန့် တော်မူသည်။

ထမနဲ အလှူပွဲတော် အတွေ့ အကြုံနဲ့ ပတ်သက်၍ “ကျနော် နိုင်ငံရပ်ခြားမှာ နေထိုင်လာခဲ့တာဟာ ဆယ်စုနှစ် တစ်ခုနီးပါးရှိပါပြီ။ ထမနဲ အလှူပွဲတော်ကို တစ်ခါမှ ပါဝင်နွှဲပျော်ခွင့် မကြုံခဲ့ပါဘူး။ ဒီတစ်ခါ ပထမဆုံးအကြိမ်ပါ။ ထမနဲပွဲတော်မှာ တက်ညီလက်ညီ ပါဝင်ဆင်နွှဲကြတဲ့ ပြည်ထောင်စုဖွား တိုင်းရင်းသားအားလုံးဟာ အယုတ် အမြတ် အလတ်မရွေး လူမျိုး ဘာသာ သာသနာ နှင့် ဓလေ့ထုံးတမ်း ရိုးရာယဉ်ကျေးမှု အမွေအနှစ်တွေကို မပျောက်ပျက်ရအောင် စုပေါင်းဝိုင်းဝန်း ထိန်းသိမ်းစောင့်ရှောက်လိုကြပြီး ငြိမ်းချမ်းစွာ အတူယှဉ်တွဲနေထိုင်လိုမှုကို ဖော်ညွှန်းပြသနေတာတွေ တွေ့ ရပါတယ်” ဟု ထမနဲ အလှူပွဲတော်တွင် အတူပါဝင်နွှဲပျော်ခဲ့သည့် ကိုချစ်ဆွေက မိုးမခသို့ ပြောဆိုသည်။

“မြန်မာပြည် အချို့အရပ်ဒေသများတွေမှာ ထမနဲ အလှူပွဲတော်ကို ပါဝင်ဆင်နွဲကြသူအပေါင်း ပြုံးပျော်ရွှင်စေဖို့အတွက် တဖွဲ့နှင့်တဖွဲ့အပြိုင် အဆိုင် ယှဉ်ပြိုင်ကြတာတွေလည်း ရှိတာပေါ့လေ။ ထမနဲ အရသာရဲ့ကောင်းခြင်း၊ စောလျင်စွာပြီးစီးခြင်း၊ အဖွဲ့လိုက်စည်းလုံးညီညွတ်စွာဆောင်ရွက်ခြင်း၊ ကုန်ကျစရ်ိတ်သက်သာခြင်းတွေအပေါ် အကဲဖြတ်လေ့ရှိကြပါတယ်။ သူနိုင်ကိုယ်နိုင် အပြိုင်ကြဲရာမှ ထမနဲ ဒယ်များ အက်ကွဲမှုတွေဖြစ်ပေါ်တတ်ပြီး အဲဒီလို ကွဲအက်တာဟာ ပျော်စရာတမျိုးဖြစ်လာရတာပေါ့လေ။ လာရောက်အားပေးတဲ့ လူငယ်လူရွယ်တွေက လည်း  ရိုးရာအိုးစည်ဒိုးပတ်တွေနဲ့့တီးမှုတ်ကခုန်အားပေးမှုက ထမနဲပြိုင်ပွဲရဲ့ ပြိုင်ဆိုင်မှုအရှိန်ကို ပိုမိုမြင့်မားစေတာပေါ့။ ဒီအရပ်ကတော့ မိမိတိုင်းပြည် အရပ်ဒေသ မဟုတ်တဲ့အတွက် ပြိုင်ပွဲတွေ ပျော်ပွဲရွှင်ပွဲတွေနဲ့  ထမနဲပွဲကို တန်ဆာမဆင်နိုင်ကြပါဘူး။ ဒါပေမဲ့ ရိုးရာဓလေ့များနဲ့ အနီးစပ်ဆုံးလျော်ကန် ကိုက်ညီအောင် စည်းစည်းလုံးလုံး ညီညီညွတ်ညွတ်ဖြင့် ပျော်ပျော်ရွှင်ရွှင် ပါဝင်ဆင်နွဲကြတာကို တွေ့ကြုံခဲ့ပါတယ်” ဟု ဒီဇိုင်းနာ ဦးမောင်မောင်တင်မှလည်း သူ့ ၏ ထမနဲ အလှူပွဲ အတွေ့ အကြုံကို မိုးမခသို့ ယခုလို ပြောကြားသွားသည်။

ထမနဲ အလှူပွဲတော်ကို ဇေယျသုခ ဓမ္မရိပ်သာ မြန်မာဘုန်းတော်ကြီးကျောင်း၏ ကျောင်းထိုင်ဆရာတော် ဘဒ္ဒန္တနန္ဒ၀ံ၏ မိန့် ညွှန်ချက်ဖြင့် အမာရီလိုမြို့  မြန်မာထေရ၀ါဒ ဗုဒ္ဓဘာသာအသင်းက ဦးဆောင်ဦးရွက်ပြုလုပ်၍ အမာရီလိုမြို့ အနီးတ၀ိုက်မှ မြန်မာတိုင်းရင်းသား မိသားစုများ ၂၀၀ နီးပါးခန့်  တက်ရောက်ပူးပေါင်းပါဝင် ဆင်နွှဲခဲ့ကြသည်။ အဆိုပါ ထမနဲ အလှူပွဲတော်ကို စနေနေ့ ညနေ ၅ နာရီခန့် တွင် ထမနဲထိုးပွဲတော်ကို အောင်မြင်စွာ ရပ်နားထားခဲ့ပြီး မနက်ဖြန် တနင်္ဂနွေနေ့ တွင် ကျွေးမွေးဧည့်ခံ ရေစက်ချအမျှဝေကာ ရုပ်သိမ်းကြ မည်ဖြစ်ကြောင်း သတင်းရရှိသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
Advertise on MoeMaKa
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)