အိမ်ရှင်နှင့် ဧည့်သည်

February 23, 2013

ကျော်သူ (နာရေးကူညီမှုအသင်း – ရန်ကုန်)
ဖေဖော်ဝါရီ ၂၃၊ ၂၀၁၃

အိမ်ရှင်နှင့် ဧည့်သည်ဟုဆိုရာ၌ အိမ်ရှင်သည်လည်း ဧည့်ဝတ်ကျေပွန်ရမည်။ ဧည့်သည်သည်လည်း ဧည့်သည်တို့ စောင့်ထိန်းရမည့် ဝတ္တရားများကို လိုက်နာရမည်ဖြစ်သည်။

 ယခု နိုင်ငံတော်အစိုးရသစ် လက်ထက်တွင် ပြည်ပဧည့်သည်၊ ပြည်ပလူမျိုးစုတို့သည် မြန်မာနိုင်ငံ အတွင်းသို့ လာရောက်လေ့လာခြင်း၊ လာရောက်စီးပွားရေးလုပ်ငန်းများ ဆောင်ရွက်ခြင်း ဟူသော ပွင့်လင်း မှုရှိသော အချိန်ကာလတစ်ခုလည်း ဖြစ်သည်။ သို့ရာတွင် ကမ္ဘာလှည့်ခရီးသည်များ သွားရောက်လည်ပတ် မှုအများဆုံးဖြစ်သော ပုဂံညောင်ဦးမြို့များတွင် ဖေဖေါ်ဝါရီလ (၆) ရက်၊ (၁၄) ရက်၊ (၁၆) ရက်နေ့၌ ပြည်ပ ခရီးသွားများထံမှ ပစ္စည်းလုယက်မှုများ ဖြစ်ပေါ်ခဲ့သည်။ ဖေဖေါ်ဝါရီလ (၁၆) ရက်နေ့တွင် အင်္ဂလန်နိုင်ငံသူ နှစ်ဦးထံမှ လုယက်သူများအား (၂) ရက်အတွင်း ဖော်ထုတ်ဖမ်းဆီးနိုင်ခဲ့သည်။ ကျန်ရှိသော လုယက်မှုနှစ် မှုအား ဆက်လက်စုံစမ်းနေဆဲဖြစ်သည်။ ပစ္စည်းအလုခံရသူ အင်္ဂလန်နိုင်ငံသူ နှစ်ဦးသည် ပထမဦးဆုံး အကြိမ် မြန်မာနိုင်ငံသို့ လာရောက်လည်ပတ်ခြင်းဖြစ်ကြောင်း သိရှိရသည်။ လုယက်ခံရသော ပစ္စည်းနှင့် နိုင်ငံခြားငွေစက္ကူအချို့တို့အား ညောင်ဦးမြို့နယ် ရဲစခန်းမှ ပြန်လည်အပ်နှံသော အခမ်းအနားတွင် “ကျွန်မ တို့ မြန်မာနိုင်ငံကိုလာတာ ပထမဦးဆုံးပါ။ ကျွန်မတို့ စက်ဘီးစီးနေချိန်မှာ အနောက်ကနေပြီးတော့ ဆိုင် ကယ်နဲ့ လူနှစ်ဦးက ခြင်းထဲကအိတ်ကို နှိုက်ယူသွားတယ်။ ကျွန်မတို့ ပြစ်မှုကျူးလွန်တဲ့ လူတွေကို ဖမ်းမိ သွားတယ်ကြားတော့ အရမ်းအံ့သြသွားတယ်။ မျက်ရည်တောင်ကျမိတယ်။” ဟု ပြောကြားခဲ့သည်။ ထို့နောက် “လာရောက်လည်ပတ်သူတွေကို ပြောချင်တာက အပြင်တွေကို ထွက်မယ်ဆိုရင် ကိုယ့်ရဲ့ တန်ဖိုးရှိတဲ့ ပစ္စည်းတွေကို လုံခြုံစိတ်ချရတဲ့နေရာဖြစ်တဲ့ ဟိုတယ်အခန်း၊ ဧည့်ကြိုကောင်တာများတွင် အပ်နှံထားကြရန်” အကြံပြု ပြောကြားခဲ့သည်။ ပုဂံညောင်ဦး ဒေသခံတစ်ဦးသည်လည်း “ပုဂံညောင်ဦးမှာ ယခုလို လုယက်တာ မကြားဖူးဘူး။ အဒေါ်အသက်က လေးဆယ်ကျော်နေပြီ။ ဒီလိုကိစ္စက အခုမှကြားဖူး တာ” ဟု ပြောကြားခဲ့သည်။ ထို့ပြင် တစ်ချိန်ကလည်း နိုင်ငံခြားခရီးသွားတစ်ဦးအား အဓမ္မကျင့်ကြံရန် ကြိုး စားမှု ဖြစ်ပေါ်ခဲ့သေးသည်။ ထိုကဲ့သို့သော ဧည့်ဝတ်မကျေပွန်မှု၊ လူ့ကျင့်ဝတ်ဖောက်ဖျက်မှုများသည် အထူးအားဖြင့် ကျွန်တော်တို့ ဗုဒ္ဓဘာသာ မြန်မာလူမျိုးများအနေဖြင့် မသင့်လျော်ချေ။ မည်သည့်လူမျိုး၊ မည်သည့်ဘာသာဝင်မဆို မိမိတို့တိုင်းပြည်၊ မိမိတို့ဒေသများသို့ လာရောက်လည်ပတ်ကြသော အခြား သော လူမျိုးဘာသာဝင်များအား အိမ်ရှင်ပီသစွာ လှိုက်လှဲပျူငှာစွာဖြင့် ကြိုဆိုဧည့်ခံ ကူညီမှုများ ပြုလုပ်ကြ စမြဲပင်ဖြစ်သည်။ မကြာမီ မြန်မာနိုင်ငံတွင် အိမ်ရှင်နိုင်ငံအဖြစ် ကျင်းပပြုလုပ်တော့မည်ဖြစ်သော Seagame အားကစားပွဲတော်အတွက်၎င်း၊ တိုင်းပြည်၏ ပြောင်းလဲမှုတို့ကြောင့်၎င်း၊ ပြည်ပနိုင်ငံမှ ထပ်မံ တိုးမြင့်လာရောက် လည်ပတ်ကြမည့် နိုင်ငံခြားသားဧည့်သည်အတွက် “နိုင်ငံခြားသား ခရီးသည်များအား ကူညီစောင့်ရှောက်ပါ” ဟူသော ဆောင်ပုဒ်အတိုင်း အစိုးရတာဝန်ရှိပုဂ္ဂိုလ်များတင်မက အများပြည်သူ လူထုများကပင် လိုက်နာသင့်သောအချက်ဖြစ်သည်။

၁၈.၂.၂ဝ၁၃ ရက်နေ့တွင် Australia နိုင်ငံ, Sydney မြို့နေ Mr. Angus McDonald သည် သူ၏ လက်တွဲဖော်အမျိုးသမီး​ Ms. Catherine Anderson နှင့်အတူ မြန်မာနိုင်ငံသို့ လာရောက် လည်ပတ်ပြီးသည့် နောက် သူတို့နေထိုင်ရာ Australia, Sydney မြို့သို့ ပြန်လည်ထွက်ခွာရန်အတွက် ရန်ကုန်မြို့၊ အပြည်ပြည်ဆိုင်ရာလေဆိပ်သို့အရောက် Mr. Angus McDonald သည် နှလုံးရောဂါ ဖိစီးမှုဒဏ်ကြောင့် ဝိတိုရိယဆေးရုံကြီးသို့ သွားရောက်ခဲ့ရာ ဆေးရုံသို့ မရောက်ရှိမီတွင် Mr. Angus McDonald အသက် (၅ဝ) နှစ်သည် ဘဝတစ်ပါးသို့ ပြောင်းလဲသွားပြီဖြစ်ပါကြောင်း သိရှိရသည့်အတွက် သူ၏ကျန်ရစ်သော ရုပ်ခန္ဓာကိုယ်အား မြောက်ဥက္ကလာပဆေးရုံကြီးသို့ ထပ်မံပို့ဆောင်၍ ဆေးစစ်ချက်အား ရယူခဲ့ရသည်။ ကျန်ရစ်ခဲ့သော Ms. Catherine Anderson သည် သူ၏ဘဝလက်တွဲဖော် ပြုလုပ်မည့် Mr. Angus McDonald ၏ ရုပ်ခန္ဓာကိုယ်အား မည်ကဲ့သို့ စီစဉ်ဆောင်ရွက်ရမည်ကို Mr. Angus McDonald ၏ မိဘများရှိရာ Australia, Sydney မြို့သို့ အကြောင်းကြားခဲ့ရာ မိဘများသည်လည်း မြန်မာနိုင်ငံကို ချစ်မြတ်နိုးသော သူများဖြစ်သည့်အတွက် သူတို့၏သားဖြစ်သူ Mr. Angus McDonald အား မြန်မာနိုင်ငံတွင်သာ သင်္ဂြိုလ်ခြင်း အခမ်းအနားအား စီစဉ်ဆောင်ရွက်စေခဲ့သည်။ ထို့ကြောင့် Ms. Catherine Anderson သည် နာရေးကူညီမှု အသင်း(ရန်ကုန်)သို့ ရောက်ရှိလာကာ အကူအညီတောင်းခံမှုကြောင့် နာရေးကူညီမှုအသင်း(ရန်ကုန်)၏ အုပ်ချုပ်ရေးမှူး ဒေါ်ဧရာမောင်မောင်မှ ဧည့်ဝတ်ကျေပွန် နွေးထွေးစွာဖြင့် အကူအညီတောင်းမှုအား လက်ခံ ခဲ့သည်။ နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ၊ အတွင်းရေးမှူး ဒေါ်မြင့်မြင့်ခင်ဖေ (ခ) ဒေါ်ရွှေဇီးကွက်နှင့် အသင်းသားများတို့သည် ၂ဝ.၂. ၂ဝ၁၃ ရက်နေ့ နေ့လည် (၂းဝဝ) နာရီအချိန်တွင် မြောက်ဥက္ကလာပဆေးရုံကြီးမှ ရေဝေးသုဿန် အအေးခန်းသို့ ပို့ဆောင်ကူညီပေးခဲ့သည်။ မြောက်ဥက္က လာပဆေးရုံကြီးသို့ ရောက်ရှိသောအခါ ကွယ်လွန်သူ Mr. Angus McDonald ၏ မိဘနှစ်ဦး၊ အစ်ကိုနှင့် ညီမဖြစ်သူတို့ပါ Australia, Sydney မြို့မှအားချင်းရောက်ရှိနေပြီကိုတွေ့မြင်ရသည်။ ထို့အပြင် ကွယ်လွန်သူ၏ ဖခင်သည် တစ်ချိန်တစ်ခါက အာရှတိုင်းပြည်များတွင် နေထိုင်ခဲ့ဖူးသူများ ဖြစ်သည့်အပြင် မြန်မာနိုင်ငံသို့လည်း လာရောက်ခဲ့ဖူးသူဖြစ်သည်။ မြန်မာလူမျိုးတို့၏ ဖော်ရွေမှု၊ ဧည့်ဝတ်ကျေပွန်မှု၊ ဘာသာတရားကိုင်းရှိုင်းမှုတို့ကို သိမြင်ခဲ့ရကာ နောင်တစ်ချိန်တွင် ထပ်မံ၍ မြန်မာနိုင်ငံတွင်းသို့ လာရောက်ဦးမည်ဟု သူ၏ မိသားစုအား ပြောကြားခဲ့ဖူးသည်။ သို့ရာတွင် ယခုကဲ့သို့ သားဖြစ်သူ၏ နာရေးကိစ္စမျိုးဖြင့် လာရောက်ခဲ့ရခြင်းကို စိတ်မကောင်းပါကြောင်း ဝမ်းနည်းစွာ ရင်ဖွင့်ပြောဆိုခဲ့သည်။ ထို့အပြင် ကွယ်လွန်သွားရှာသော Mr. Angus McDonald ၏ လက်တွဲဖော် Ms. Catherine Anderson နှင့် ကွယ်လွန်သူ၏ မိဘများက သားဖြစ်သူ၏ နာရေးအခမ်းအနားအား ဗုဒ္ဓဘာသာထုံးတမ်းစဉ်လာအတိုင်း သံဃာတော်ပင့်ဖိတ်၍ သရဏဂုဏ်တင်ခြင်းတို့ပါ ပြုလုပ်လိုကြောင်းပြော ကြားခဲ့သောကြောင့် ကျွန်တော် တို့ အံ့သြမိခဲ့ရသည်။ စင်စစ် ကွယ်လွန်သူ Mr. Angus McDonald သည် ဗုဒ္ဓကိုယုံကြည်ကိုးကွယ်သော လူမျိုးခြားပင် ဖြစ်တော့သည်။

၂၁.၂.၂ဝ၁၃ ရက်နေ့ ညနေ (၃းဝဝ) နာရီအချိန်တွင် ရေဝေးသုဿန်ခန်းမ၌ နာရေးကူညီမှုအသင်း (ရန်ကုန်)မှ ဦးစီး၍ Mr. Angus McDonald ၏ ဈာပန အခမ်းအနားအား သူ၏ မိဘနှစ်ပါး၊ ညီအစ်ကို မောင်နှမ၊ သူ၏လက်တွဲဖော် Ms. Catherine Anderson တို့နှင့်အတူ အသင်းသား/သူများနှင့် ငြိမ်သက် အေးချမ်းစွာဖြင့် သံဃာတော်များ၏ တရားသံတို့နှင့်အတူ ကျင်းပပြုလုပ်ခဲ့သည်။ သံဃာတော်များအား ဝတ္ထုငွေ ဆက်ကပ်ခြင်းနှင့် နာရေးကူညီမှုအသင်းမှ စီစဉ်ဆောင်ရွက်ပေးထားသော သင်္ကန်းစုံတို့အားဆက် ကပ်လှူဒါန်းခြင်း၊ ရေစက်ချခြင်းတို့ကို မိသားစုတို့မှ ဗုဒ္ဓဘာသာ ထုံးတမ်းစဉ်လာအတိုင်း ဆောင်ရွက်ခဲ့ကြ ပြီး Mr. Angus McDonald ၏ အရိုးပြာအား Australia, Sydney မြို့သို့ ပြန်လည်သယ်ဆောင်သွား ရန်အတွက် ရေဝေးသုဿန်ရှိ တာဝန်ခံများတို့မှ ဆောင်ရွက်ပေးခဲ့သည်။ ထို့နောက် သူ၏မိသားစုဝင်တို့သည် နာရေး ကူညီမှုအသင်း(ရန်ကုန်)သို့ လာရောက်ခဲ့ကြပြီး ဦးကျော်သူ၊ ဒေါ်ရွှေဇီးကွက်နှင့်တကွ အသင်းသား/သူ များနှင့် အုပ်ချုပ်ရေးမှူး ဒေါ်ဧရာမောင်မောင်၊ ဒေါ်စောသဉ္ဇာတို့အား ကျေးဇူးအထူးတင်ရှိပါကြောင်းနှင့် အိမ်ရှင်ပီသသော မြန်မာလူမျိုးများဖြစ်ကြောင်း ပြောကြားခဲ့ကာ နှေးကွေးသော ခြေလှမ်းအစုံတို့ဖြင့် နာရေး ကူညီမှုအသင်း(ရန်ကုန်)မှ ပြန်လည်ထွက်ခွာသွားတော့သည်။

ကျွန်တော်တို့ နာရေးကူညီမှုအသင်း(ရန်ကုန်)အနေဖြင့် အိမ်ရှင်ပီသစွာဖြင့် အေးချမ်းစွာလာ ရောက်၍ လည်ပတ်ကြသော ဧည့်သည်တို့၏ဆန္ဒဖြစ်သော ၂၄.၂.၂ဝ၁၃ (တနင်္ဂနွေ) နေ့တွင် ကျရောက် မည်ဖြစ်သော ကွယ်လွန်သူ Mr. Angus McDonald အသက် (၅ဝ) နှစ်၏ တစ်ပါတ်ပြည့် ရက်လည် ဆွမ်း အား သံဃာတော်များအား ဆက်ကပ်လှူဒါန်းမှုကို ပြုလုပ်ပေးရပါဦးမည်။ အမှန်စင်စစ် အိမ်ရှင် ဧည့်သည် ဟူသည် ပညတ်ချက်များပင်ဖြစ်သည်။ ကျွန်တော်တို့ လူသားအားလုံးသည် အမှန်ပင် ဧည့်သည် စစ်စစ် များသာဖြစ်သည်။ လူ့ဘဝသို့ ခေတ္တခဏ လာရောက်ကြသော သူများ (ဧည့်သည်)များပင် ဖြစ်တော့သည်။ ထို့ကြောင့် ကျွန်တော်တို့အားလုံး လူသားချင်းစာနာ ထောက်ထားသော စိတ်ထားများဖြင့် လူ့လောကကြီးမှ မထွက်ခွာမီ လူမျိုးဘာသာ ဆင်းရဲချမ်းသာမရွေးတို့အား ကူညီဖေးမကြပါက ငြိမ်းချမ်း သာယာသော ကမာကြီးအား တည်ဆောက်နိုင်မည်ဖြစ်တော့သည်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကျော်သူ နဲ့ နာရေးကူညီမှုအသင်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်