ရေးခဲ့မိသော မှတ်တမ်းများ (၁၇)

February 23, 2013

အုန်းနုိုင်
ဖေဖော်ဝါရီ ၂၃၊ ၂၀၁၃
● အမျိုးသားဒီမိုကရေစီအဖွဲ့ချုပ် ရပ်ကွက်နှင့် ကျေးရွာညီလာခံ
ဒီလတွေအတွင်းမှာ ကျေးရွာနဲ့ ရပ်ကွက်ညီလာခံများနဲ့မြို့နယ်ညီလာခံလုပ်ဖို့ ဌာနချုပ်က ညွှန်ကြားလာပါတယ်။ ကျေးရွာအုပ်စု ညီလာ ခံဆိုတာ   သက်ဆိုင်ရာ ကျေးရွာအုပ်စုတွေအတွင်းက အဖွဲ့ဝင်တွေကို  ကျေးရွာအလိုက်  စည်းဝေးပွဲတွေလုပ်ပြီး  မြို့နယ်ညီလာခံကိုယ်စား လှယ်တွေ ရွေးချယ်တင်မြှောက်ရတယ်။ အဲဒီ ကျေးရွာနဲ့ရပ်ကွက်က မြို့နယ်ညီလာခံကိုယ်စားလှယ်တွေကို တခါ မြို့နယ်ညီလာခံခေါ်ပြီး  နောက်တဆင့်  ညီလာခံ (ဥပမာ-  တိုင်းညီလာခံ)  အတွက်ကိုယ်စားလှယ်တွေ ရွေး။ နောက်ဆုံးအဆင့် ပြည်လုံးကျွတ်အဖွဲ့ ချုပ်ညီလာခံကြီး  ကျင်းပပြီးဒီမိုကရေစီကျကျ  ရွေးချယ်တင်မြှောက်တဲ့အဖွဲ့ ချုပ်ဗဟို အလုပ်အမှုဆောင်တွေ၊ ဗဟိုကော်မတီတွေ ဖွဲ့စည်းကြဖို့ ဦးတည်တာ ပါပဲ။
လက်တွေ့ မှာတော့   မ၀တတွေရဲ့ အကန့်အသတ်တွေ   ကြောင့်အခက်အခဲတွေ  အနည်းနဲ့အများရှိမယ်။ ဒါကို  ပဲခူးတိုင်း စည်းရုံးရေး ကော်မတီဝင်  ဦးသိန်းလွင်လာတော့ ကျနော်ပြောပြပါတယ်။ ရပ်ကျေးညီလာခံတွေကို  ဒီအချိန်လုပ်ရတာ အခက်အခဲရှိပြီး (၂/၈၈)  နဲ့ လွတ်အောင်လုပ်ဖို့က မလွယ်ဘူး။ ကျေးရွာအုပ်စုတစ်ခုစီမှာ ညီလာခံကိုယ်စားလှယ်ရွေးချယ်ရတာ အခက်အခဲမရှိပေမယ့် မြို့နယ်ညီ လာခံလုပ်ရင်   ရပ်ကျေးအုပ်စုတစုက   ကိုယ်စားလှယ် အနည်းအများအလိုက် သုံးယောက်ကနေ  ဆယ်ယောက်အထိရှိမယ်ဆိုတော့   ပျမ်းမျှအားဖြင့် ခြောက်ယောက်ထား။ တမြို့နယ်လုံးမှာ  ရပ်ကွက်နဲ့ ကျေးရွာအုပ်စု ငါးဆယ်ကျော်  ဆိုတော့လူ (၃၀၀) ကျော်တက်မယ့် ညီ လာခံကို  (၂ /၈၈) နဲ့ ဘယ်လိုလွတ်အောင်လုပ်မလဲ။ ဒါကို  မဖြစ်မနေ ဇွတ်တိုးပြီးရင်ဆိုင်ရမှာပါ။
ဒီလို ပြောတော့    ဦးသိန်းလွင်ကပြန်ပြောပါတယ်..။”ဆရာကြီးတို့   မြို့နယ်က  ပြသနာမရှိပါဘူး..။အရေးအခင်း ကတည်းက   ဆရာကြီးက  ကိုယ်တိုင်ဦးဆောင်လာခဲ့တာ..။အစကလည်း ဆရာကြီး  လုပ်ခဲ့ကိုင်ခဲ့ဖူးတော့  ပြေလည်တယ်..။တခြားနေရာတွေမှာကဒီလိုမဟုတ်ဘူး..။အထူးသဖြင့်  ရန်ကုန်ဧရိယာမှာ  မျိုးချစ်ကြီးတွေကအကွက်စေ့စေ့   နေရာဦးထားတယ်..။ အောက်ခြေက  ရွေးတာဆိုရင်သူတို့ရမှာမဟုတ်ဘူး။ ဒါကြောင့်   အောက်ခြေက  ရွေးမယ့်စနစ်ကို  သူတို့က  အကြီးအကျယ်ကန့်ကွက်နေတယ်..။အဲဒီတော့  တဖက်က  ညီလာခံလုပ်တဲ့အတွက်  အန္တရာယ်ကြီးသလို  ညီလာခံမလုပ်ဖြစ်ရင်လည်း  အထဲမှာဖြစ်လာမယ့် အန္တရာယ်က   ပိုပြီးကြီးတယ်လို့   ပြောပါတယ်..။(သူပြောတာ  မှန်လိုက်လေခြင်း  လို့  အခု  စာရေးနေချိန်မှာ  သေသေချာချာ  သဘောပေါက်သွားပါပြီ)
ရပ်ကွက်နဲ့ ကျေးရွာ  ဖွဲ့စည်းရေး နဲ့  ညီလာခံများလုပ်ဖို့  ညွှန်ကြားချက်တွေမှာ  မြို့နယ်ညီလာခံတက်ေ၇ာက်ဖို့   ပုဂိုလ်များကို   အောက်ခြေရပ်ကွက်နဲ့ ကျေးရွာကရွေးချယ်တဲ့ မြို့နယ်ညီလာခံကိုယ်စားလှယ်အပြင်  ဗဟိုက  သတ်မှတ်ပေးတဲ့ တိုက်ရိုက်မြို့နယ် ညီလာခံကိုယ်စားလှယ်များ ဆိုပြီး(၁)ပြည်နယ်နဲ့တိုင်း စည်းရုံးရေး အဖွဲ့ နဲ့ အရံအဖွဲ့ဝင်များ(၂) ဗဟိုလုပ်ငန်း အဖွဲ့ဝင်များနဲ့အရန်အဖွဲ့ဝင်များ(၃) အဖွဲ့ ချုပ်လူငယ်(၄) အလုပ်သမား(၅)တောင်သူလယ်သမား(၆) အမျိုးသမီးစတဲ့   အဖွဲ့ အစည်းများရဲ့ဗဟိုစည်းရုံးရေး အဖွဲ့ ဝင်များ ဆိုပြီးသတ်မျတ်ထားပါတယ်..။အဲဒီလို  ဗဟိုက  ရွေးချယ်လိုက်တဲ့   မြို့နယ်ညီလာခံကိုယ်စားလှယ်များဟာ  အောက်ခြေက  ဘယ်လိုမှ  တက်လာနိုင်မယ့်သူတွေ   မဟုတ်ပဲ  မိုးကျရွှေကိုယ်ကိုယ်စားလှယ်များပဲ ဖြစ်မှာပါ..။
ဒါပေမယ့်   အဲဒီလောက်ကတော့   ရှိစေတော့  ..။ဗဟိုက  သူတို့လူတွေ  ပါအောင်ထည့်တတ်သားပဲ ..လို့ပြောရမှာပေါ့..။ဒါပေမယ့်  မြို့နယ်စည်းရုံးရေးကော်မတီဝင်တွေ  ကျတော့ထည့်မစဉ်းစားပြန်ပါဘူး..။သူတို့တွေကိုသက်ဆိုင်ရာ မြို့နယ်ထဲက  အောက်ခြေမှာ  အရွေးခံရအောင်မလုပ်နိုင်ဘူးလား..ဆိုတော့။ကျနော်တို့  မြို့နယ်မှာ  မလုပ်နိုင်ပါဘူးလို့ဘဲ  ပြောရမယ်..။အတင်း  မပါ   ပါအောင်  လုပ်ရင်
အောက်ခြေရပ်ကွက်နဲ့   ကျေးရွာတွေက  အထင်သေးခံရမှာပေါ့..။
ကျနော်တို့ မြို့နယ်  စည်းရုံးရေးကော်မတီကိုဖွဲ့ စည်းစဉ်ကတည်းက   ကာလအခြေအနေအရ   မြို့ပေါ်(၁၂)ရပ်ကွက်က  လူတွေနဲ့ ချည်း   ဖွဲ့ စည်းထားတာပါ..။တချို့ ရပ်ကွက်က  ဆို  မြို့နယ်စည်းမှာတင်  (၅)ယောက်  လောက်ပါတယ်..။အဲဒီ ရပ်ကွက်မှာ  မြို့နယ်ညီလာခံကိုယ်စားလှယ်  (၅)ယောက်ပဲ  ရမှာဆိုရင်  ကျနော်တို့က (၅)ယောက်စလုံး  ရအောင်   အောက်ခြေကို  ဇွတ်ကျအောင်လုပ်ယူရမှာပါ..။ဒီတော့ကျနော့်  အနေနဲ့   မြို့နယ်စည်းရုံးရေး ကော်မတီကို  ဒီကိစ္စချပြရတယ်..။အထက်က  အဖွဲ့ အစည်းတွေမှာ  ပါတယ်ဆိုတဲ့..မိုးကျရွှေကိုယ်တွေကိုတောင်   တိုက်ရိုက် ညီလာခံကိုယ်စားလှယ်အဖြစ်  သတ်မှတ်ပေးရမယ်ဆိုရင်   ကိုယ့်မြို့နယ်မှာ  တကယ်ထိထိစပ်စပ်   လုပ်နေတဲ့ သူတွေကိုလည်းတိုက်ရိုက်ညီလာ ခံကိုယ်စားလှယ်သတ်မှတ်ပေးသင့်တယ်  လို့   မြို့နယ်စည်းကော်မတီက  ဆုံးဖြတ်တယ်..။ဒါကိုဗဟိုကို  တင်ပြရမယ်လို့လည်းဆုံးဖြတ်တယ်..။မြို့နယ်စည်းရုံးရေးကော်မတီက  ဗဟိုကို  သံသယရှိလာပါတယ်..။ဗဟိုက  သူတို့လူတွေ  ပါအောင်  လုပ်ဖို့ကျ   သိတတ်ပြီး  မြို့နယ်အဆင့်ကျတော့  မျက်နှာလွဲ  ခဲပစ်  လုပ်ပါလား..။ဒီအတိုင်းသာဆိုရင်ရှေ့ ရှောက်  တွေ့ ရမယ့်   အဆင့်တွေမှာလည်း   ဗဟိုက  သူတို့သာနေရာဝင်ယူဖို့   ကြိုးစားကြမယ့်ပုံပဲ  လို့သံသယ  ၀င်လာပါတယ်..။ဒါဟာ  သဘာဝကျတဲ့   သံသယပါ..။ဒီလို  သံသယမျိုးကိုဖြေဖျောက်ပစ်ဖို့   ကျနော်  မကြိုးစားပါ..။ဒါဟာ  မှန်မှန်ကန်ကန်ေ ၀ဖန်ပြီးမှ  ဖြစ်တဲ့ သံသယပဲ..။ဒါမျိုးကိုတော့  ဖြစ်လာအောင်အောက်ခြေကို   စည်းရုံးပညာပေးရမယ်လို့  ကျနော်  သဘောပေါက်ပါတယ်..။ဒါဟာဗဟိုဆန့်ကျင်ရေး သဘောထား  မဟုတ်ဘူး  လို့  ကျနော်  ရိုးရိုးသားသားယုံကြည်ပါတယ်..။
တိုင်းဦးစီး  အဖွဲ့ က   ဦးမြလေးတို့လာတော့ကျနော်တို့က  အကျိုးနဲ့  အကြောင်းနဲ့  ရှင်းလင်းတင်ပြလိုက်တော့   သူတို့လည်း  သူတို့ လုပ်ရပ်အတွက်  နဲနဲတော့ရှက်ကိုးရှက်ကန်း  ဖြစ်ပြီး  လက်ခံသွားပါတယ်..။ဒီကိစ္စကို  တိုင်းက  စာနဲ့ ပေနဲ့  တော့  မထွက်ပါဘူး..။ကျနော်တို့
တင်ပြတဲ့ အတိုင်းပဲ  ဖြစ်စေရမယ်လို့ဦးမြလေးက  နှုတ်ကတိပေးသွားပါတယ်..။ကျနော်ကလည်း  ကျနော်တို့မြို့နယ်စည်းကော်မတီရဲ့   ဆုံးဖြတ်ချက်နဲ့  တင်ပြချက်ကို   စာနဲ့ ရေးတင်ပြီး   စာနဲ့ပဲ  ပြန်ကြားဖို့တောင်းဆိုပါတယ်..။နောက်တော့လည်း  ညီလာခံကိစ္စတွေ  ပျက်သွားလို့   ပြသနာ  မဖြစ်တော့ပါ.။ လောလောဆည်တော့  ရပ်ကွက်နဲ့ကျေးရွာဖွဲ့ စည်းရေး နဲ့ ရွေးချယ်တင်မြှောက်ပွဲတွေ  လှည့်ပြီးဆင်းရပြန်တာပေါ့..။
မေလကုန်ကာနီး   ရောက်လာတော့  ပဲခူးတိုင်း မြို့နယ်ပေါင်းစုံ  အစည်းအဝေးကျင်းပရေးအတွက်   နှိုးဆော်ချက်  ထွက်လာပါတယ်..။အမျိုးသားဒီမိုကရေစီ  အဖွဲ့ ချုပ်အတွင်းမှာ  ဒါဟာ  ပထမဆုံးတိုင်းညီလာခံ  လို့ခေါ်နိုင်ပါတယ်..။မြို့နယ်အသီးသီးက  အစည်းအဝေး တက်ဖို့
အတွက်  လူရွေးချယ်မှု ပုံစံတွေ အဓိက  ထားပြီး  ဆွေးနွေးရမယ့်  အချက်တွေညွှန်ကြားလာပါတယ်..။
ဇွန်လ (၁)ရက်နေ့ မှာတော့   ပြည်သူ့လွှတ်တော်ရွေးကောက်ပွဲ ဥပဒေကို   သတင်းစာမှာ ဖော်ပြပါတယ်..။ဥပဒေ ရက်စွဲကတော့  (၃၁.၅.၈၉)ပါ..။ယေဘူယျ  အားဖြင့် တော့ဥပဒေမှာ အင်္ဂါ  တော်တော်စုံတယ်လို့ တော့  ပြောရမှာပါ..။ဒါပေမယ့် သေသေချာချာ  စူးစူးစိုက်စိုက်ကြည့်ရင်တော့    လိုတာပိုတာတွေ ရှိနေပါတယ်..။အဓိက  လိုအပ်ချက်ကတော့   ပြည်သူ့လွှတ်တော်ရဲ့တာဝန်ပါ..။ဘာလုပ်ရမယ့်  ပြည်သူ့ လွှတ်တော်လဲ..။ဒါ   မပါပါဘူး..။နောက်တချက်က  ပြည်သူ့ လွှတ်တော်ကိုဘယ်အချိန်မှာ  ဘယ်သူက  ခေါ်ယူဖွဲ့ စည်းပေးမယ်  ဆိုတာလည်း  မပါဘူး..။ဒါက  လိုအပ်ချက်ပါ..။မလိုအပ်တာတွေထည့်ထားတာလည်း  ရှိပါသေးတယ်..။အခန်း(၅) ပုဒ်မ(၁၀) မှာ  ရွေးကောက်တင်မြှောက်ခံပိုင်ခွင့်  မရှိစေရမဲ့ သူများထဲမှာ  အပိုဒ်(င) နိုင်ငံခြားအစိုးရဧ။်  ကျေးဇူးသစ္စာတော်ကို  ခံယူစောင့်ရှောက်ရိုသေသူများ၊
(သို့မဟုတ်) ထို အစိုးရဧ။်  နိုင်ငံသားဖြစ်သူများ၊ (သို့မဟုတ်)  ထိုအစိုးရဧ။်  လက်အောက်ခံဖြစ်သူသော်လည်းကောင်းနိုင်ငံသားသော်လည်းကောင်းခံစားနေ၇သော  အခွင့်အရေးများနှင့် ကျေးဇူးခံစားခွင့်များကိုခံစားနိုင်ခွင့် ရှိသူများ  ဆိုတဲ့ အပိုဒ်က  လိုရင်လိုသလို   ဆွဲယူနိုင်အောင်  ထည့်ထားတဲ့    အပိုဒ်ဖြစ်ပါတယ်..။ဒီဟာကို  ၁၉၄၇ခုနှစ်  ဥပဒေမှာလည်း  ပါလို့ထည့်ထားတာ လို့   ဆိုပါတယ်..။၁၉၄၇ ခုနှစ်  က  ဗြိတိသျှ အစိုးရလက်အောက်က  လွတ်မြောက်ဖို့  ဆွဲတဲ့ဥပဒေပါ..။ဗြိတိသျှ တွေ နဲ့ ရောရောထွေးထွေး  ရှိနေသေးတဲ့    ကာလမို့  ထည့်ထားတာ ဖြစ်ပါလိမ့်မယ်..။
၁၉၇၄ခုနှစ်  မြန်မာ့ဆိုရှယ်လစ်  လမ်းစဉ်ပါတီ က  ဦးဆောင်ရေးဆွဲတဲ့ဥပဒေမှာတောင်  မပါတော့ပါဘူး..။၁၉၇၄  ဥပဒေမှာရှင်းရှင်းကလေးဘဲ..။ရွေးချယ်ခံပိုင် ခွင့် မရှိသူများဆိုတဲ့  အောက်မှာ..
(က) သာသနာ့ဝန်ထမ်းများ
(ခ) စိတ်ပေါ့သွပ်နေသည်ဟု  သက်ဆိုင်ရာဥပဒေက  ပြဌာန်းထားသည့် အတိုင်းသတ်မှတ်ခံနေရသူများ
(ဂ) ပြစ်မှုတခုခု  ကြောင့်   ထောင်ဒဏ် ကျခံနေရသူများ
(ဃ) မိဘနှစ်ဦးစလုံးသော်လည်းကောင်း  ၊မိဘ နှစ်ဦးအနက်မှ  တစ်ဦးသည်လည်းကောင်း  နိုင်ငံခြားသားဖြစ်ခဲ့ပြီး နိုင်ငံသားအဖြစ် ပြောင်းလည်းခံယူခြင်း  မပြုမီမွေးဖွါးပြီး  ဥပဒေအရ  နိုင်ငံသား ဖြစ်သူများ   (င)နိုင်ငံတော်ကို  သစ္စာဖောက်ဖျက် ပုန်ကန်မှုဖြင့်  ပြစ်ဒဏ်စီရင်ခြင်းခံခဲ့ရသူများ
ဒါပါဘဲ..။
အခု ဥပဒေကျမှ  (က)  ကစပြီး  (ဈ) အထိကိုးချက်တောင်ပါတယ်..။ဒါဟာ မလိုအပ်ပဲ တမင်  ထည့်ထားတာပါ..။တခြားဥပဒေအချက်အလက်တွေကို  ကျနော့်  အနေနဲ့   သိပ်ပြောစရာ မရှိပါ..။ဥပဒေကြမ်းကို  ပြင်ဆင်ချက်  ပေးပါဆိုတုံး ကတည်းက   ဒါဟာ  မလိုအပ်ဘူး  ဆိုတာရေးပြီး ပို့ခဲ့ ပါသေးတယ်..။
 ပဲခူးတိုင်း ညီလာခံ
ဇွန်လထဲကျတော့   တိုင်းစည်းရုံးရေး အဖွဲ့ ဝင်တချို့ ကမြို့နယ်စု (သို့မဟုတ်) ခရိုင်  အစည်းအဝေးများ  ကြိုတင်လုပ်ပါတယ်..။တကယ့် တိုင်းညီလာခံကြီး မှာ  ပီပီပြင်ပြင်ဖြစ်အောင်  ကြိုတင်စီစဉ်မှု ပေါ့ ..။ဇွန်လ(၅)ရက် နေ့  ပြည်မြို့မှာ  မြို့နယ်စု  အစည်းအဝေးကျင်းပပါတယ်…။တိုင်းက  ဦးနိုင်ဦးနဲ့   ဦးသိန်းလွင်တို့ လာကြတယ်..။ခြောက်မြို့နယ်ကလည်း  တက်ရောက်ကြပြီး  ပေါက်ခေါင်းနဲ့ သဲကုန်းကတော့  ပြင်းထန်ပါတယ်..။
စစ်အာဏာရှင်  စနစ်ကို  တန်ဖိုးပေးပြီး  တိုက်ရမယ် လို့ဆိုပါတယ်..။တန်ဖိုးပေးပြီး  တိုက်ရမယ်  ဆိုတဲ့ ဝေါဟာရ  ဟာ  ဗကပ  ရဲ့  ဝေါဟာရလို့    ယူဆလို့  ရပါတယ်..။ရန်ငါ  ပြတ်ရမယ်ဆိုတာကတော့   ဗကပ စကားလုံးအစစ်ပဲ..။ဒီ အသုံးကို   ပေါက်ခေါင်းက  သုံးပါတယ်..။ကျနော်က
ဒီမိုကရေစီမှာ ရန်ငါ  ပြတ်ရမယ်  ဆိုတဲ့   သဘောထား  မရှိဘူးလို့  ခံယူပါတယ်..။ဒါပေမယ့်   ငြင်းခုံမနေချင်ပါဘူး..။တချို့ က   အစည်းအဝေးတွေမှာ စကားလုံး ဆီသုတ်ပြောတဲ့ အပြောမျိုးတွေ  ပြောချင်ကြတယ်..။တကယ်တော့  ဒါဟာ  အန္တရာယ် ကြီးပါတယ်.။
ဒါပေမယ့်   ဒီအစည်းအဝေးမှာတော့  နားထောင်နေရုံက  လွဲလို့   ဆရာကြီးသွားလုပ်လို့  ဘယ်ဖြစ်ပါ့မလဲ..။တိုင်းက  လူတွေ  ထိန်းကြပေါ့ ..။
(၁၀.၆.၈၉) နေ့ မှာတော့  ပဲခူးတိုင်း (၂၈)မြို့နယ်   မြို့နယ်စုံ  အစည်းအဝေးကို  ဒေါ်အောင်ဆန်းစုကြည်  ခြံထဲက  အဆောက်အဦ  တခုမှာ ကျင်းပပါတယ်..။ဒေါ်အောင်ဆန်းစုကြည်  တော့   အစည်းအဝေးမတက်ပါ..။နိုင်ငံခြား သတင်းစာဆရာတွေ နဲ့  တွေ့ နေတယ် လို့ သိရပါတယ်..။ကျနော်တို့မြို့နယ်က  ကျနော်နဲ့ဦးမြင့် သိန်း  တက်ပါတယ်..။ဥက္ကဌ  ဦးတင်ဦးက  အဖွင့် မိန့်ခွန်းပြောရာမှာ  မကြာခင်က န၀တ  က  ထုတ်ခဲ့တဲ့ပုံနှိပ်ထုတ်ဝေသူများ  မှတ်ပုံတင်  ကိစ္စ  အကြောင်းပါပါတယ်.။ဗဟိုမှတ်ပုံတင် အဖွဲ့   ညွှန်ကြားချက် (၃၈)ပါ..။
ဒီ ညွှန်ကြားချက်အရ  ထုတ်ဝေနေတဲ့   သတင်းစာ  သတင်းလွှာ၊သတင်းစဉ်  ၊စာစောင်၊ဂျာနယ်တို့ဟာ  မှတ်ပုံတင်  လျှောက်ရမယ်..။နိုင်ငံရေး  အဖွဲ့ များအနေနဲ့လည်းစာစောင်တွေ၊သတင်းလွှာတွေ ၊ကြေညာချက်တွေ ထုတ်ချင်ရင်  မှတ်ပုံတင် လျှောက်ရမယ်..။ဘယ်ပုံနှိပ် တိုက်မှာ ရိုက်မယ်  ဆိုတာလည်း  ပါရမယ်..ဆိုတဲ့  ညွှန်ကြားချက်ပါ..။ဒါဟာ အဓိက  အားဖြင့်  သတင်းလွှာတွေ  အပတ်စဉ် ထုတ်နေတဲ့အမျိုးသားဒီမိုကရေစီ အဖွဲ့ ချုပ်ကို  ကြပ်လိုက်တာပါပဲ..။ဦးတင်ဦး မိန့်ခွန်းမှာ  ဒီညွှန်ကြားချက်ကို စတင်ပြုလုပ်စဉ်က  သူဟာ  မဆလ၀န်ကြီး  တဦးအနေနဲ့   ပါခဲ့လို့ ဒီညွှန်ကြားချက်မှာ  ကင်းလွတ်ချက်ရှိတယ်..။အဓိက သဘောက  ဘယ်လို  စသဖြင့်ရှင်းပြသွားတာပါ..။
နောက်  ဦးကိုယုက  ပဲခူးတိုင်းစည်းရုံးရေးတာဝန်ခံအနေနဲ့   ဧည့်ခံကြိုဆိုရေး ကိစ္စများအကြောင်းအားနည်းချက်  ရှိရင်   သီးခံဖို့..၊သူ့ထုံးစံအတိုင်း   ဟာသနှောလိုက်ခပ်ထေ့ထေ့ လုပ်လိုက် ပြောသွားပါတယ်..။
နောက်  ဦးစိုးသိမ်း (မောင်ဝံသ)  က   တိုင်းစည်းရုံးရေးကော်မတီ  အဖွဲ့ ရဲ့   နိုင်ငံရေး  အစီရင်ခံစာ  တင်သွင်းပါတယ်..။ဦးကိုယု မိန့်ခွန်းမှာရော
 ဦးစိုးသိန်းရဲ့  နိုင်ငံရေး  အစီရင်ခံစာမှာပါ  နိုင်ငံရေး အခြေအနေတွေကြပ်တည်းလာနေပုံ   ၊  အထွေထွေ  အတွင်းရေးမှူး ရဲ့  စည်းရုံးရေးခရီးစဉ်မှာ  စစ်တပ်အချို့ ဟာ ပြောင်ပြောင်တင်းတင်း  ရန်လိုတဲ့  အမူအယာတွေ  ပြနေတာထည့်ပြောသွားပါတယ်..။ဦးစိုးသိမ်းရဲ့ နိုင်ငံရေး အစီရင်ခံစာဟာ  တကယ်တော့  န၀တကို  တိတိကျကျ  ဖွင့်ထုတ်တိုက်ခိုက်လိုက်တာပါပဲ..။အာဏာသိမ်းတုံးက  ခဏပဲ တာဝန်ယူမယ်  ။ရွေးကောက်ပွဲလုပ်ပေးမယ်..။ ပါတီစုံ ဖွဲ့ ခွင့် ပေးပြီး  ကြားနေမယ်လို့   ပြောပေမယ့်  ပြည်သူက  တခဲတနက်  ထောက်ခံတဲ့ အမျိုးသားဒီမိုကရေစီ  အဖွဲ့ ချုပ်ကိုနည်းအမျိုးမျိုးနဲ့   နှိပ်ကွပ်ဖမ်းဆီးထောင်ချလုပ်တယ်..။အထွေထွေ  အတွင်းရေးမှူး ရဲ့   စည်းရုံးရေး ခရီးတွေကိုစစ်တပ်က  စစ်ကားကြီး စစ်ကားငယ်လက်နက် ကိုင် ပေါင်းစုံ နဲ့   လိုက်  နှောင့်ယှက်တယ်..။စုရုံးလာတဲ့ ပြည်သူတွေကို  ၇ိုက်နှက်ဖမ်းဆီး တယ်..။
(၂/၈၈) (၈/၈၈) ဆိုတဲ့  အမိန့် ကြော်ညာစာတွေ ထုပ်ပြီး  ပိတ်ပင်ပုံတွေ။တာဝန်ကြီး (၄)ရပ်ကို  ဆောင်ရွက်မယ်  ဆိုပြီး  နိုင်ငံရဲ့သယံဇာတတွေကို  အပေါစားချရောင်းတာ၊ ပြည်သူတွေကိုနည်းမျိုးစုံနဲ့  ငွေကောက်ခံတာမြို့အသီးသီးမှာ  ရပ်ကွက်တွေ ဖျက်ပြီး  လူတွေကို  မြို့ပြင် ရွှံ့ တောဗွက်တောကို ထုတ်ပစ်တာ..။လူငယ်တွေရဲ့အကျင့် စာရိတ္တ ပျက်ပြားအောင်  ကပွဲအမျိုးမျိုးနဲ့  သရုပ်ပျက် စတိတ်ရှိုးတွေ ၊လောင်းကစားဝိုင်းတွေ ဖွင့်တာ..။စသဖြင့်   န၀တ   ရဲ့  ပါးစပ်က တမျိုးပြော၊ လုပ်တော့  မတရားလုပ်ပုံတွေကို  ပြောင်ပြောင် တင်းတင်း  ဖွင့်ချအစီရင်ခံ  လိုက်ပါတယ်..။
ဒီလို အစီရင်ခံစာမျိုး တင်သွင်းသည် အထိ  နိုင်ငံရေးအရှိန်က  တက်လာတာမှာလည်း အကြောင်းက  ရှိတယ်..။ဒေါ်အောင်ဆန်းစုကြည် ရဲ့
(၇.၆.၈၉) နေ့   သတင်းစာရှင်းလင်းပွဲစာစောင်ရဲ့ မျက်နှာဖုံးမှာက အများ ပြည်သူ  သဘောမတူတဲ့ အမိန့် အာဏာဟူသမျှ တာဝန်အရ  ဖီဆန်ကြ    ဆိုတဲ့  လှုံဆော်ချက်စာတမ်းကပါနေပြီပဲ..။နောက်တော့ မြို့နယ်အသီးသီးရဲ့  အစီရင်ခံချက်တွေ ပေါ့ ..။အဲဒီမှာ ရွေးကောက်ပွဲ အပေါ်သဘောထား၊ကျောင်းများ ပြန်လည် ဖွင့်လှစ်ရေးအပေါ် သဘောထား ၊ရပ်/ကျေး  ညီလာခံများ အခြေအနေနဲ့   မြို့နယ်ညီလာခံကျင်းပဖို့   နည်းလမ်းရှာရန် ၊လူ့ဘောင်သစ်ပါတီ အပေါ်သဘောထား၊ အမျိုးသမီး အဖွဲ့ ဖွဲ့ စည်းရေး၊ စတာတွေကို အမြင် အမျိုးမျိုးနဲ့   ဆွေးနွေး ကြပေမယ့်   ယေဘူယျ  ကွဲလွဲချက် မရှိပဲ  မြို့နယ်ညီလာခံများ ပြီးရင် ဒုတိယ အကြိမ် တိုင်းညီလာခံ  ထပ်မံ ကျင်းပရန်နဲ့   လာမယ့်  ဆဲဗင်းဇူလိုင်  နေ့တွေ၊  အာဇာနည် နေ့ နဲ့  ရှစ်လေးလုံး  နေ့များ  ကျင်းပရေးကို  စနစ် တကျ ပြုလုပ်ရန် ၊ ဆုံးဖြတ်ချက် တွေ ချပြီး  အောင်အောင်မြင်မြင်  ဘဲ ပြီးဆုံးခဲ့ ပါတယ်..။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မှတ်စုမှတ်တမ်း, အုန်းနိုင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ် ထွက်ပြီ

By

မိုးမခရဲ့ လောကဓာတ်ခန်း – Gmail နဲ့ Google Application အသုံးချ လမ်းညွှန်စာအုပ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်