ကျန်းမာရေး ဒီမိုကရေစီ

March 3, 2013

ဒေါက်တာမြင့်ဦး (ဂျီပီ)
မတ်လ ၃၊ ၂၀၁၃
 ● မြန်မာ့ကျန်းမာရေးအဆင့်အတန်း
ကမ္ဘာ့လူ့အခွင့်အရေးကြေညာစာတမ်းထဲမှာပါရှိတဲ့ “လူတိုင်းလူတိုင်း မိမိကိုယ်တိုင်ကျန်းမာရေးနဲ့ မိသားစုကျန်းမာရေးအတွက် လုံလောက် တဲ့ အစာအာဟာရ၊ အဝတ်အထည်၊ နေအိမ်နဲ့ ဆေးဝါးအကူ အညီအထောက်အပံ့တွေကို ရယူခံစားပိုင်ခွင့်ရှိသည်” ဆိုတဲ့ အခွင့်အရေးကို လူတိုင်းခံစားနိုင်ဖို့အတွက် ကမ္ဘာပေါ်မှာရှိတဲ့အစိုးရတိုင်းဟာ လူထုကျန်းမာရေးစောင့်ရှောက်မှုလုပ်ငန်းတွေကို လုပ်ဆောင်ပေးကြ ရပါတယ်။ နိုင်ငံတစ်နိုင်ငံရဲ့ ကျန်းမာရေးအဆင့်အတန်းကို သက်ဆိုင်ရာနိုင်ငံအစိုးရရဲ့ ကျန်းမာရေး ဘတ်ဂျက်အသုံးစရိတ်နဲ့ ဆေးလောကဝန်ထမ်းတွေရဲ့ ကြိုးပမ်းဆောင်ရွက်မှုတွေအပေါ်မူတည်ပြီး တွက်ချက်ကြလေ့ရှိပါတယ်။ မြန်မာနိုင်ငံမှာ အာဏာရှင်အစိုးရအဆက်ဆက်ဟာ ပြည် သူတစ်ယောက် ကျန်းမာရေးအတွက် တစ်နှစ်မှာ ငွေကျပ်တစ်ထောင်ပြည့်အောင်တောင် မသုံးစွဲပေးခဲ့တဲ့အတွက် မြန်မာနိုင်ငံရဲ့ကျန်းမာ ရေးအဆင့်အတန်းဟာ ကမ္ဘာ့နိုင်ငံ ၁၉ဝ ကျော်ရဲ့ အောက်ဆုံးအဆင့်-ဒုတိယနေရာကို ရောက်ရှိသွားခဲ့ရပါတယ်။
● အာဏာရှင် ကျန်းမာရေးစနစ်
အာဏာရှင်အစိုးရလက်ထက်မှာ နိုင်ငံ့ဝန်ထမ်းတွေကို “မလုပ်၊ မရှုပ်၊ မပြုတ်” စိတ်ဓါတ်သွတ်သွင်း ထားခဲ့တဲ့အတွက် မြန်မာနိုင်ငံ က ဆရာဝန်တွေဟာ ကိုယ်ပိုင်အစွမ်းအစတွေကို ဖေါ်ထုတ်ခွင့်မရရှိခဲ့ဝကပဲ၊ အစိုးရရဲ့ အတင်းအကြပ်စေခိုင်းတာတွေကိုဆောင်ရွက် ပေးခဲ့ကြရရှာပါတယ်။ အစိုးရထောက်ခံပွဲတွေကို မဖြစ်မနေတက်ရောက်ကြရပြီး၊ တက်ရောက်ဖို့ပျက်ကွက်ရင် ဆေးကုသခွင့်လိုင်စင်ရုတ်သိမ်းခံရနိုင်ပါတယ်။ လူသူနည်းပါးတဲ့ဒေသက ဆေးရုံတွေမှာ တာဝန်ထမ်းဆောင်ဖို့ငြင်းဆန်ခဲ့ရင်လည်း ဆေးကုသခွင့်လိုင်စင် အသိမ်း ခံကြရပြန်ပါတယ်။ စာပေထူးချွန်တဲ့ဆရာဝန်တွေဟာ နိုင်ငံတကာဆေးပညာသင်တန်းတွေကို တက်ရောက်နိုင်ဖို့ စစ်ဗိုလ်ချုပ်တွေကို လာဘ်ပေးခဲ့ကြရပြီး၊  ပြည်တွင်းဘွဲ့လွန်သင်တန်းတွေကို တက်ရောက်ချင်ရင်လည်း အာဏာပိုင်တွေဆီမှာ လာဘ်ထိုးခဲ့ကြရပြန်ပါတယ်။ အလုပ်အကိုင်ပြောင်း ရွေ့ဖုို့၊ ဒါမှမဟုတ် မပြောင်းရွေ့ပဲဆက်လက်နေရဖို့၊ မဆလပါတီနဲ့ အထက်အာဏာပိုင်တွေကို ဝန်ထမ်းအချင်းချင်းဖြစ် နေတာတောင်မှ လာဘ်ထိုးပေးနေခဲ့ကြရပါတယ်။
နာဂစ်မုန်တိုင်းအလွန်ကာလတုံးက စေတနာ့ဝန်ထမ်း နယ်လှည့်ဆေးကုသပေးခဲ့တဲ့ ဆရာဝန်တွေဟာ မုန်တိုင်းသင့်ကျေးရွာတွေကို သွား ရောက်နိုင်ဖို့အတွက် အာဏာပိုင်အဆင့်ဆင့်ဆီမှာ ခွင့်ပြုချက်တောင်းခံကြရလေ့ရှိပါတယ်။ ခွင့်ပြုချက်ကိုစောင့်ဆိုင်းနေရတဲ့အတွက် အ ရေးပေါ်နဲ့ ရေရှည်အကျိုးရှိတဲ့ ဆေးကုသချက်တွေကို မပေးနိုင်ကြတော့ပါဘူး။ နိုင်ငံတကာကလှူဒါန်းလိုက်တဲ့ စွမ်းအားမြင့်ဘီစကစ်တွေ ကို အာဏာပိုင်တွေကနေတဆင့် ပေးအပ်ခဲ့ကြရတဲ့အတွက် ပြည်တွင်းဖြစ်ဘီစကစ်နဲ့လဲလှယ်ပစ်တာကိုလည်း မုန်တိုင်းသင့်ပြည်သူတွေ ခံခဲ့ကြရပြန်ပါတယ်။ အာဏာရှင်စနစ်မှာ နိုင်ငံခြားသားပညာရှင်တွေရဲ့ ခရီးသွားလာခွင့်တွေကို ကန်သတ်ထားတဲ့အတွက် အမှန်တကယ် လိုအပ်တဲ့နေရာဒေသတွေကို  မသွား ရောက်နိုင်ခဲ့ကြပြန်ပါဘူး။ အမေရိကန်ဆေးတက္ကသိုလ်ကြီးတစ်ခုက ပါမောက္ခဆရာဝန်ကြီးတစ်ယောက် ဟာ မြန်မာဆရာဝန်တွေကို ကယ်ဆယ်ရေးသင်တန်းတွေပို့ချဖို့ ရန်ကုန်လေဆိပ်အရောက်မှာ ပြည်ဝင်ခွင့်တားဆီးခံလိုက်ရပါသေးတယ်။ ဆရာဝန်တွေကိုယ်တိုင်လည်း လူနာတွေအပေါ်မှာ အာဏာရှင်ဆန်ဆန် ဆက်ဆံဆေးကုသခဲ့ကြတဲ့အတွက် လူနာတွေကကြောက်ရွံ့ပြီး ဆရာဝန်တွေကို ပြန်လည်မေးခွန်းမထုတ်ဝံ့ရဲခဲ့ကြရှာပါဘူး။ ဆရာဝန်ပြုသမျှ နုခဲ့ကြရသလို ဆေးကုမှုမှားယွင်းခဲ့ရင်လည်း ကံတရားကိုသာ ပုံချခဲ့ကြရရှာပါတယ်။
● ဂွန်ဂိုအဖွဲ့
အာဏာရှင်စနစ်မှာ ဆရာဝန်အသင်းအဖွဲ့တွေရဲ့ အမှုဆောင်အဖွဲ့ဝင်စာရင်းကို အာဏာပိုင်တွေက စိစစ်အတည်ပြုပြီးမှ ခန့်အပ်တာဝန် ပေးကြရပါတယ်။ အာဏာပိုင်တွေမလိုလားတဲ့ဆရာဝန်ပါဝင်လာခဲ့ရင် အမှုဆောင်စာရင်းကနေ ထုတ်ပယ်ပေးကြရပါတယ်။  အမှုဆောင်ရွေး ချယ်ရာမှာလည်း En Bloc လို့ခေါ်တဲ့ အုပ်စုလိုက် အမည်စာရင်းတင်သွင်းတဲ့စနစ်ကိုကျင့်သုံးရတဲ့အတွက် ဒီမိုကရေစီအနှစ်သာရနဲ့ ကင်း ဝေးခဲ့ကြရပြန်ပါတယ်။ ဆရာဝန်အသင်းကြီးကို အစိုးရက လိုသလိုချယ်လှယ်နေတဲ့အတွက် နိုင်ငံတကာအသိုင်းအဝန်းက အန်ဂျီအိုအဖွဲ့ လုို့ မသတ်မှတ်တော့ပဲ ဂွန်ဂိုလို့ သတ်မှတ်လာကြပါတော့တယ်။ ဂွန်ဂိုဆိုတာကတော့ Government Organized Non-Government Organization ကို အတိုကောက် ဂျီအိုအန်ဂျီအိုလို့ စာလုံးပေါင်းပြီး အသံထွက်ခေါ်ဆိုတာဖြစ်ပါတယ်။ အန်ဂျီအိုကို ရှေ့ကနေ ဂျီအို (Government Organized) တစ်လုံးထပ်တိုးပေးလိုက်တဲ့အတွက် အစိုးရကချယ်လှယ်တယ်ဆိုတဲ့ အဓိပ္ပါယ်ကိုသက်ရောက်သွားပါတော့တယ်။ အစိုးရအလိုအတိုင်းဆောင်ရွက်ပေးဖို့ အစိုးရကဖွဲ့စည်းထားတဲ့ အစိုးရမဟုတ်တဲ့အဖွဲ့အစည်းလို့ အဓိပ္ပါယ်ပြန်ဆိုနိုင်ပါတယ်။ ဆရာဝန်အသင်း ဟာ စစ်အာဏာ ရှင်လက်ထက်မှာ ကြံ့ခိုင်ဖွံ့ဖြိုးရေးအဖွဲ့နဲ့၊  စွမ်းအားရှင်အဖွဲ့ စတာတွေနဲ့ တစ်တန်းတစ်စားထဲသတ်မှတ် ခံလိုက်ရတာဖြစ်ပါ တယ်။
လက်ရှိအခြေအနေမှာလည်း En Bloc စနစ်နဲ့ ကိုယ့်အုပ်စုကို ကိုယ်တိုင်ရွေးချယ်ထားတဲ့အမှုဆောင်အဖွဲ့ဟာ ဆရာဝန်အသင်းအဆောက် အဦကြီးကို နိုင်ငံခြားကုမ္ပဏီလက်ထဲကိုလွှဲအပ်ဖို့စီစဉ်နေပါတယ်။ ထင်သာမြင်သာမှုမရှိတဲ့အတွက် မကျေနပ်သံတွေထွက်ပေါ်လာပါတော့တယ်။  ဒီမိုကရေစီခေတ်မှာ မြန်မာ နိုင်ငံဆရာဝန်အသင်းရဲ့အမှုဆောင်အဖွဲ့တစ်ခုလုံးကို ဆရာဝန်ထုတစ်ရပ်လုံးက မဲပေးရွေးချယ်ရတဲ့စနစ်နဲ့ အစားထိုးလဲလှယ်ဖို့ လိုအပ်နေပါတယ်။
● ဗီအိုင်ပီလူနာ
ကျန်းမာရေးဒီမိုကရေစီကို မခံစားဖူးသေးတဲ့လူနာတွေဟာ တစ်ပါတီအာဏာရှင်စနစ်တုံးက အခမဲ့ဆေးကုသခွင့်တွေရရှိခဲ့ကြပေ မယ့် စစ်အာဏာရှင်စနစ်အောက်မှာ ကိုယ့်အိပ်ထဲကငွေကို ကိုယ်စိုက်ထုတ်ပြီး ဆေးဝါးကုသလာခဲ့ကြရပြန်ပါတယ်။ အာဏာပိုင်အသိုင်း အဝန်း နဲ့ပတ်သက်နေတဲ့ ဗီအိုင်ပီလူနာတွေလည်း ပေါ်ထွန်းလာကြပါတယ်။ ဗီအိုင်ပီလူနာတွေဟာ ဆေးရုံတွေမှာရှိတဲ့ အိုင်စီယူး အထူးကြပ်မတ် ကုသခန်းတွေကို မောင်ပိုင်စီးထားလိုက်ကြပါတော့တယ်။ ရန်ကုန်အနောက်ပိုင်းဆေးရုံကြီးမှာ တက်ရောက်ကုသနေတဲ့ လူနာတစ်ယောက် ဟာ အိုင်စီယူးအခန်းထဲမှာကုသဖို့လိုအပ်လာပါတယ်။ အိုင်စီယူးမှာ နှလုံးခုန်နှိုးဆွစက်နဲ့ အသက်ရှုအထောက်အကူကိရိယာတွေ မရှိတဲ့အ တွက် ရန်ကုန်ဆေးရုံကြီး အိုင်စီယူး ကို ထပ်မံလွှဲပြောင်းပေးလိုက်ရပြန်ပါတယ်။ ရန်ကုန်ဆေးရုံကြီးရဲ့ အိုင်စီယူးမှာ ဗီအိုင်ပီလူနာကိုသာလက် ခံတဲ့အတွက် လူနာကို ဗီအိုင်ပီဖြစ်အောင်ပြောင်းလဲဖို့ လူနာရဲ့ဆွေမျိုးတွေက ဒုတိယဝန်ကြီးတစ်ဦးဆီကို သွားရောက်ပြီး လဘ်ထိုးပေးလိုက် ကြရပါတော့တယ်။
● ဒီမိုကရေစီ ကျန်းမာရေးစနစ်ဆီသို့
အခုဖေါ်ပြလိုက်တဲ့အဖြစ်အပျက်လေးတွေဟာ အာဏာရှင်စနစ်အောက်မှာ ဆရာဝန်နဲ့လူနာ့အခွင့်အရေး ချိုးဖေါက်ခံခဲ့ရတဲ့သာဓကအချို့ပဲရှိပါသေးတယ်။ ဒီမိုကရေစီရောင်ခြည်သန်းလာတဲ့ အခုလိုအ ခြေအနေမျိုးမှာတော့ ဆရာဝန်အသင်းကြီးနဲ့ ဆေးကောင်စီကို ပြင်ဆင်ဖွဲ့စည်းဖို့ ဆရာဝန်တွေကိုယ်တိုင်က ကြိုးစားနေကြပါတယ်။ သတင်းမီဒီယာတွေကလည်း လူနာ့အခွင့်အရေးတွေကို ကာကွယ်ရေးသား ပေးနေကြပါ တယ်။ ကျန်းမာရေးဒီမိုကရေစီစနစ်ကို အသွင်ကူးပြောင်းရာမှာ ဆရာဝန်တွေရဲ့လုပ်ပိုင်ခွင့်နဲ့ လူနာတွေရဲ့လွတ်လပ်ခွင့်တွေကို ပိုမိုတိုးမြှင့်ပေး ဖို့ လိုအပ်နေပါတယ်။ နိုင်ငံခြားသားဆေးပညာရှင်တွေကို မကန့်သတ်မချုပ်ချယ်ပဲ၊ မြန်မာဆရာဝန်တွေနဲ့အတူ ပူးတွဲလုပ်ဆောင်နိုင်ဖို့ အား ပေးသင့်ပါတယ်။ ဆရာဝန်တွေအားလုံး မလုပ်-မရှုပ်-မပြုတ်စိတ်ထားတွေကိုဖယ်ရှားပြီး ကိုယ်တိုင်ဆုံးဖြတ်ချက်နဲ့ တာဝန်ယူရဲတဲ့သတ္တိနဲ့ လုပ်ဆောင်နိုင်ဖို့ လိုအပ်ပါတယ်။ နိုင်ငံတကာသတင်းဌာနတွေနဲ့ ကျန်းမာရေးအင်တာဗျူးတွေမှာ ရဲရဲဝံ့ဝံ့ပါဝင်ဆွေးနွေးပေးဖို့လည်း လိုအပ် ပါတယ်။
ဒီမိုကရေစီပြုပြင်ပြောင်းလဲရေးမှာ နိုင်ငံရေးအကျဉ်းသားတွေကိုလွှတ်ပေးပြီး စာနယ်ဇင်းလွတ်လပ်ခွင့်တွေပေးရသလိုမျိုး ကျန်းမာရေးဒီမိုက ရေစီစနစ်ကိုဖေါ်ဆောင်ရာမှာလည်း အာဏာရှင်စနစ်ရဲ့ လက်ကျန်အကျင့်စရိုက်တွေကို ဆရာဝန်အပေါင်းက စွန့်လွှတ်ပစ်ဖို့လို အပ်နေပါ ကြောင်း ဆွေးနွေးတင်ဆက်လိုက်ရပါတယ်ခင်ဗျား။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

One Response to ကျန်းမာရေး ဒီမိုကရေစီ

  1. Zaw Aung on March 4, 2013 at 10:43 am

    ဆရာဝန် ဒေါက်တာမြင့်ဦး (ဂျီပီ)ကို ကျေးဇူးတင်လှပါတယ်။ မြန်မာပြည်ဆေးရုံများ လေ့လာရေး အပြင်လူတစ်ယောက်အနေနဲ့ အလွန်ဆိုးဝါးပေမဲ့ ဆင်းရဲတဲ့ မြန်မာများ၊ ခံနိုင်ပါတယ်။ ပုဂလိက ဆေးရုံသစ်ကြီးများကတော့ ငွေကုန်ခံနိုင်သူ အာဏာပိုင်၊ ငွေရှင်များ အတွက် အိုကေလှပါတယ်။ ဆရာဝန်၊ဆရာမများရဲ့ စေတနာစိတ်ကို ချီးကြူးလေးစာလှပေမဲ့ ၀ိသမလောဘသမားများ ဆေးရုံလောကမှာ ချယ်လှယ်နေတာကို အစိုးရက ဘယ်လိုကာကွယ်မလဲ…

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

ဒီလို ကြော်ငြာချင်သလား

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)