နယ်စပ်ဒုက္ခသည်စခန်းတစ်ခု မီးအကြီးအကျယ်လောင်၊ သေဆုံးသူ များပြား – Myanmar refugees killed in fire at Thai camp

March 23, 2013
မိုးမခအထောက်တော် အမှတ် ဝဝ၃မတ် ၂၃၊ ၂၀၁၃

ထိုင်းမြန်မာနယ်စပ် မဲဟောင်ဆောင် ဒေသ ဒုက္ခသည်စခန်း တစ်ခုတွင် ယမန်နေ့ ညနေပိုင်းက မီးလောင်မှုတစ်ခု ဖြစ်ပွားရာ အများအပြား ဒဏ်ရာရ သေဆုံးသွားကြသည်။

ကရင်နီဒုက္ခသည်စခန်း အမှတ် ၂ ဟု မြန်မာတို့က ခေါ်သည့် ထိုစခန်းအတွင်း မီးလောင်မှုကြောင့် သေဆုံးသည့် အရေအတွက်မှာ ၃၀ ခန့်သာ ဖြစ်သော်လည်း ယနေ့ နေ့ခင်းပိုင်းတွင် အရေအတွက်က ၄၀ ကျော်အထိ တိုးပွားလာသည်ကို သတင်းများတွင် တွေ့ရသည်။

ပြီးခဲ့သောနာရီပိုင်းအတွင်း ပေါ်ထွက်လာသည့် ဘန်ကောက်ပို့စ်သတင်းစာ အင်တာနက် သတင်းတစ်ပုဒ်တွင်မူ သေဆုံးသူ အရေအတွက် အနည်းဆုံး ၆၂ ဦး ရှိသည်ဟု  အာဏာပိုင်တို့က ပြောဆိုကြောင်း ရေးသားထားသည်ကို တွေ့ရှိရသည်။

မီးလောင်ရုပ်ကြွင်းများကို စခန်းအတွင်း ထပ်မံတွေ့ရှိရကြောင်း မယ်ဟောင်ဆောင်ဒေသ ပြည်သူ့ကျန်းမာရေးဌာန အကြီးအကဲ ဒေါက်တာ  Paisarn Thanyawinitchakul က ပြောကြားသည်ဟု ဆိုသည်။

မီးဘေးမှ လွတ်အောင် မပြေးနိုင်ခြင်း၊ အသက်ရှူကြပ်ခြင်းတို့ကြောင့် သေဆုံးမှု များပြားရခြင်းဖြစ်သည်ဟု သူက ပြောဆိုသည်။

ထောက်လှမ်းရေးအရာရှိတစ်ဦး၏ အဆိုအရ အမျိုးသမီး၊ ကလေး၊ သက်ကြီးရွယ်အိုတို့ အများဆုံး သေဆုံးသည်ဟု ဘန်ကောက်ပို့စ်တွင် ရေးထားသည်။

မီးလောင်ရခြင်းမှာ အစားအစာချက်ပြုတ်ရာမှ စတင်ကြောင်း၊ တဲအိမ် ၃၀၀ ကျော် လောင်ကျွမ်းသွားကြောင်း၊ မီးလောင်မှုကို ယနေ့နံနက်တွင် ထိန်းချုပ်နိုင်ခဲ့ကြောင်း

ထိုဒေသ အုပ်ချုပ်ရေး အရာရှိတစ်ဦးဖြစ်သူ Sangkom Klapthiangsaen က ပြောဆိုသည်ဟု ဘန်ကောက်ပို့စ်တွင် ရေးထားသည်။

မီးကူးစက်မှု လျှင်မြန်လွန်းကြောင်း၊ လူနာများ ရှောင်တိမ်းချိန် မရသဖြင့် စခန်းအတွင်းရှိ ဆေးရုံတွင် အများအပြား သေဆုံးကြောင်း ဘန်ကောက်အခြေစိုက် နေးရှင်းသတင်းစာ အွန်လိုင်းသတင်း တစ်ပုဒ်တွင် ရေးထားသည်။

ရာသီဥတု ပူပြင်းခြင်း၊ လေတိုက်ခတ်ခြင်းတို့ကြောင့် သက်ငယ်မိုးဝါးတဲအိမ်များ မီးလောင်မှု ဆိုးရွား ကြီးထွားခဲ့ရသည်ဟု ဒေသခံ အရာရှိတစ်ဦးက ပြောကြောင်း အယ်လ်ဂျာဇီးယား သတင်းတစ်ပုဒ်တွင် ရေးထားသည်။

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မျက်မှောက်ရေးရာ, သတင်းပဒေသာ

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags