ကျနော် အဖြေရှာနေတာ

April 26, 2013

ကမာပုလဲ
ဧပြီ ၂၆၊ ၂၀၁၃

ကျနော် အဖြေရှာနေတာပါ …

ကျနော် အဖြေရှာနေတာ …

ကျနော့်ကို အမေမွေးတဲ့ ၁၉၆၂ ခုနှစ်ကစခဲ့ …

မွေးကတည်းက ကျနော် ငိုတယ်

အဲဒါ အဖြေရှာတာပဲ

တကသ အဆောက်အဦကြီး မိုင်းခွဲဖျက်ဆီးခံရတယ်

အတုအယောင် ငြိမ်းချမ်းရေးပျက်တယ်

ကိုကိုးကျွန်းကို နိုင်ငံရေးအကျဉ်းသားတွေ ပို့တယ်

တရုတ် – ဗမာ အရေးအခင်း

ဆန် ရှားပါးမှု …

အာ … အဖြေရှာပါတယ်ဆိုမှ ပြဿနာပဲ

အဖြေရှာပါတယ်ဆိုမှ ပြဿနာ တထွေးကြီးနဲ့ ထိပ်တိုက်တိုးရ

အဲဒီ ပြဿနာတွေကို ဘယ်လို ခဲဖျက်နဲ့ ဖျက်ပစ်ရမလဲ မေမေ

ကျနော် အဖြေရှာနေတာ ပြဿနာတွေသာ တွေ့တွေ့နေရ

ပြဿနာတွေကလည်း ပြဿနာပြီး ပြဿနာ

ပြဿနာတွေက အသစ်ပြီး အသစ်

ကျနော် အဖြေရှာနေတာပါဆို

၁၉၇၄၊ ၇၅ … ပြဿနာတွေ

ဦးသန့် … ကျွန်းဆွယ် … သခင်ကိုယ်တော်မှိုင်း … ဂျွန် – ၆

ကျနော် အဖြေရှာနေတာ

ပြဿနာတွေချည်း

တရားမ၀င် ငွေစက္ကူ

ဘုန်းမော် … စိုးနိုင်

ကျနော် အဖြေရှာနေတာ

“ နောင်ကို ဆူဆူပူပူလုပ်ရင်

စစ်တပ်ဟာ မိုးပေါ်ထောင်မပစ်ဘူး … ”

ဂျွန် – ၂၁

တံတားနီ

၈၈၈၈ ….

အာ … ကျနော် အဖြေရှာနေတာပါဆို

“သမဂ္ဂ အဆောက်အဦကြီးကို ပျော်ပျော်ပါးပါး အုတ်မြစ်ချ …”

ရင်ဘတ်မှာ မောင်းပြန်သေနတ်ကျည်ဆံရာ အပေါက်ကြီးတွေ

“၀င်းမော်ဦး ”

ပြဿနာပဲ

အဖြေမတွေ့ဘဲ … ပြဿနာတွေချည်း တွေ့

၁၉၉၀ ရွေးကောက်ပွဲ ရလဒ်

ဂန္ဓီ …

နာဂစ်

ဒီပဲယင်း … လူအစုလိုက်အပြုံလိုက် သတ်ဖြတ်ပွဲ

စု – လွှတ် – တွေ့

ရွှေဂုံတိုင် ကြေညာချက်

၂၀၀၇ – စက်တာဘာ … သံဃာထု

၂၀၀၈ စစ်အခြေခံ ဥပဒေ

၂၀၁၀ – အဓမ္မရွေးကောက်ပွဲ

ဟာ …

ဂုရုရေ … မင်းပြောသလို

“ကျွတ်စဉ်ကြီး ”

ပြဿနာတွေ တပြုံ တထွေးကြီး …။

“၁၉၉၀ ရွေးကောက်ပွဲ ရလဒ်ကို မစွန့်လွှတ်ဘူး

ဒါပေမဲ့ လက်တွေ့မကျတော့ဘူး ”

ပါတီ မှတ်ပုံတင်မယ်

လူထုက တောင်းဆိုလို့

၂၀၁၂ ကြားဖြတ်ရွေးကောက်ပွဲ ၀င်မယ် … ၀င်တယ် …”

( ဒုက္ခ ဘယ်တုန်းက လူထုက တောင်းဆိုလိုက်သလဲ မသိဘူး )

သစ်ကောင်းအိမ်

အဲဒါ …. မင်း သိလိုက် … ကြားလိုက်သလားဟ …။

လက်ပံတောင်းတောင်

မီးလောင်ဗုံး ဒဏ်ရာ

ဘုရား … တရား … သံဃာ

ဘာတွေလဲဗျာ

ဘုန်းကြီးကို မီးလောင်ဗုံးနဲ့ ပစ်ခတ်နှိမ်နင်းရတယ်လို့ …

သမတကြီး … သမတကြီး

တောင်တလုံးဆုံးရှုံးရတာများ ဘာအရေးလဲ

အင်းလေကန် ခမ်းခြောက်သွားတာ ဘာအရေးလဲ

လယ်သမားတွေ ထမင်းငတ်တာ ဘာအရေးလဲ

ကျေးဇူးရှင် လယ်သမားကို သေနတ်နဲ့ ပစ်တာ ဘာအရေးလဲ

ကျနော် ပြဿနာ ရှာနေတာ

အဲလေ … ကျနော် အဖြေရှာနေတာပါ …

အဟင့် … ဟင့်

“သမတ ဖြစ်ချင်တယ် … သမတ လုပ်ချင်တယ် ”

“ဖန်လ်ခွက်ထဲ ရေတ၀က်ရှိနေရင် ရှိတယ်လို့ လက်ခံရမှာပဲ ”

ဟာ … ဟဲ့ကောင် ငတုံးရ

အဲဒါ …. ရေမဟုတ်ဘူးဟ

အပြစ်မဲ့ ပြည်သူတွေရဲ့ ခေတ်အဆက်ဆက် ကျခဲ့ရတဲ့ မျက်ရည်တွေ ဟ

အရေးတော်ပုံနဲ့ အရေးခင်းတွေမှာ ကျခဲ့ရတဲ့ ပြည်သူ့သွေးကို ပေါင်းခံထားတဲ့ အရည်ဟ

ဟာဗျာ …

ကျနော် အဖြေရှာနေတာ

ကျနော် အဖြေရှာနေတာလေဗျာ

ကျနော် အဖြေရှာနေပါတယ်ဆိုမှ

ပြဿနာတွေနဲ့ချည်း တွေ့တွေ့နေ

ကျနော် အဖြေရှာနေတာ …

အဖြေ မတွေ့ရင်တော့

သင်္ချိုင်းကုန်းက အမေရေ …

ကျနော့်ကိုသာ သေရာကနေ

ထပြီး … ဆုံးမလိုက်ပါတော့ဗျာ …။ ။

+ ၀န်ခံချက်။ ။ ဒီစာ ကဗျာလို့ မခံစားကြပါနဲ့ ဗျာ …

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, ကမာပုလဲ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်