ထာဝရ ရွှေသိမ် (Ashin Nanika)

January 2, 2014

 

 ထာဝရ ရွှေသိမ်

အရှင်ဥာဏိကာဘိဝံသ၊ (ကာလီဖုိုးနီးယားတက္ကသို်လ်)၊ ဇန်န၀ါရီ ၂၊ ၂၀၁၄

 အမေရိကန်နုိုင်ငံ၊ ကာလီဖုိုးနီးယားပြည်နယ်၊ ကမ္ဘာကျော် ဆန်ဖရန်စစ္စကုိုမြို့ရဲ့ အနီးက ဟာ့မွန်းဗေးမြို့လေးမှာ တည်ရှိတဲ့ ဓမ္မာနန္ဒ၀ိဟာရကျောင်းမှာ သိမ်သင်တန်း ကျင်းပနေတယ်။ သင်တန်းကာလက (၁၀) ရက်။ ဒီသိမ်သင်တန်းကုို အမေရိကန်နုိုင်ငံတွင်း ပြည်နယ်တော် တော်များများက ရဟန်းတော် (၂၃) ပါးတက်ရောက် သင်ယူနေကြတယ်။

 သိမ်ဆုိုတာက သာသနာမှာ အရေးကြီးတဲ့အရာလေ။ သိမ်ကုိုအမှီပြုပြီး ရဟန်းတော်တွေမှာ ကံကြီးကံငယ် အမှုကိစ္စတွေ ပြုလုပ်ကြရတာ။ ဒီအထဲမှာ အထင်ရှားဆုံးနဲ့ လူသိအများဆုံး ကံ ကတော့ ရဟန်းခံခြင်းဆုိုတဲ့ ဥပသမ္ဗဒကံပေါ့။ ဗုဒ္ဓသက်တော်ထင်ရှားရှိစဉ် နောက်ပုိုင်း ဥာတ္တိ စတုတ္ထခေါ်တဲ့ ကမ္မ၀ါစာနဲ့ ရဟန်းပြုခွင့် ပေးခဲ့ကတည်းက စလုို့ ခုချိန်တုိုင် ရဟန်းပြုတော်မူခဲ့ ကြတဲ့ သံဃာတော်တွေအားလုံး ရဟန်းအဖြစ်ရောက်ရှိဖုို့ရာမှာ သိမ်က အဓိကနေရာက ရှိနေခဲ့တာလေ။ ရဟန်းအဖြစ် မွေးဖွားပေးနုိုင်ခဲ့တဲ့နေရာပေါ့။

 ရဟန်းတော်များကုို မွေးဖွားပေး တဲ့နေရာဖြစ်လုို့ အချို့ဆရာတော်ကြီးများက သိမ်ကုိုမိခင် အဖြစ် တင်စားခဲ့ကြတယ်။ တစ်နည်းအားဖြင့်တော့ သိမ်ဆုိုတာ ရဟန်းတော်များရဲ့ မွေးဖွား ရာရပ်ဝန်း၊ ချက်မြုပ်ရာဒေသဆုိုတော့ အမေ့အိမ်ပေါ့။ ဒါကြောင့်သ်ိမ်ဆောက်ခြင်းဆုိုတာ အမေ့အိမ်ကုို တည်ဆောက်ခြင်းဖြစ်တယ်လုို့ ပြောရမှာပေါ့။

သိမ်နဲ့ပတ်သက်ရင်ဖြင့် ရှေးရှေးဆရာတော်ကြီးများလည်း အလေးအနက်ထားတော်မူခဲ့ကြ တယ်။ အလေးအနက်ပြုတော်မူခဲ့ကြလုို့ အကောင်းဆုံး အသန့်ဆုံးဖြစ်အောင် အမျိုးမျိုးကြံဆ ကာ ရှေးအဆက်ဆက် ဆရာတော်ကြီးများ စဉ်းစားဝေဖန်တော်မူခဲ့ကြတာ။ ဒါကြောင့် သိမ်နဲ့ စပ်ပြီး ၀ါဒန္တရ အထွေထွေ၊ အယူအဆ အမျိုးမျိုး ရှိနေခဲ့တာ။ သာသနာနဲ့စပ်ရင် အရေးကြီးတဲ့ အရာဆုိုတော့ အမှားမရှိရလေအောင်၊ အစွန်းအထင်းမရှိရလေအောင် ခုိုင်မာသထက်ခုိုင်မာစေ ဖုို့ မိန့်ကြားခဲ့ကြလေတာ ဖြစ်မှာပေါ့။

အယူအဆအမျိုးမျိုးနဲ့မုို့ လေ့လာသင်ယူမှတ်သားဖုို့ ခက်ခဲတာကြောင့် “သဒ္ဒါမှာ လိင်၊ ၀ိနည်း မှာ သိမ်” ရယ်လုို့ စာသင်သံဃာတော်များကြားမှာ ဆုိုရုိုးစကားတောင် တွင်နေခဲ့တာ။ ကုိုယ် တုိုင်လည်းပဲ လက်တွေ့မပါ စာတွေ့နဲ့သာ သင်ယူခဲ့ရတဲ့ ဒီသိမ်အကြောင်းက တကယ့်ကုိုမှ စာမေးပွဲသက်တမ်းတလျှောက် ခေါင်းခဲစရာဖြစ်ခဲ့ရတယ်။

မြန်မာတုို့ရဲ့ သာသနာ့သမုိုင်းမှာ သိမ်အကြောင်းရေးသားထားခဲ့တဲ့ စာအုပ်က အလွန်ကြီး များ များ မရှိခဲ့ဘူး။ ဒီအထဲမှာ ဓမ္မာနန္ဓ၀ိဟာရကျောင်းတော်ကြီးကုို တည်ထောင်တော်မူခဲ့တဲ့ ဓမ္မာ နန္ဓ၀ိဟာရရဲ့ အာဒိကမ္မိက ဆရာတော်ကြီး ဦးသီလာနန္ဒာဘိဝံသရဲ့ သိမ်သင်တန်းစာအုပ်က အထင်ရှားဆုံးလုို့ ပြောနုိုင်တဲ့စာအုပ်။ ပညာရှင်အများ အလေးထားကာ ကုိုးစားတော်မူခဲ့တဲ့ စာအုပ်။

 ခု ဒီစာအုပ်ကုို အခြေခံပြီး ဓမ္မာနန္ဒ၀ိဟာရရဲ့ ဒုတိယမြောက်ဆရာတော်လည်းဖြစ်၊ ဆရာတော် ကြီးအထံမှာ ကုိုယ်တုိုင်ကုိုယ်ကျ လက်တွေ့သိမ်သင်တန်းကုိုလည်း တက်ခွင့်ကြုံခဲ့တဲ့ တပည့် ကြီး ဦးဇောတာလင်္ကာရက လက်ဆင့်ကမ်းအမွေအဖြစ် သိမ်သင်တန်းကုို ဆယ်ရက်တုိုင်တုိုင် ပုို့ချပေးနေတယ်။ ဆရာတော်ကြီးရဲ့ အနီးနေတပည့်လည်းဖြစ်၊ ဆရာတော်ကြီးအရုိုက်အရာကုို ဆက်ခံသူလည်းဖြစ်၊ ဆရာတော်ကြီးအထံကနေ သိမ်အကြောင်း လက်ထပ်သင်ယူခွင့်ရခဲ့တဲ့ ဆရာတော်က ခုလုိုသိမ်သင်တန်းကုိုပုို့ချခဲ့တာ သိပ်ပြီး ဆီလျော်သဘာဝကျတဲ့ အလုပ်ပေါ့။

 အမွေဆုိုတာက ခုလုိုလက်ဆင့်ကမ်းကာ ပေးခဲ့ကြပါမှ ဒီအမွေက မပျောက်မပျက် ဆက်လက် တည်နေမယ် မဟုတ်လား။ ယဉ်ကျေးမှုဖြစ်စဉ်ကုို လေ့လာသုတေသနပြုခဲ့ကြတဲ့ သိပ္ဗံပညာရှင် ကြီးများကလည်း ယဉ်ကျေးမှုတစ်ခု တုိုးတက်ဖြစ်ထွန်းဖုို့ရာမှာ အဟောင်းပေါ်ထပ်ဆင့်၊ အသစ်ကုိုဖွေရှာ၊ ဒီနှစ်ချက်ဟာ အရေးကြီးတဲ့အရာရယ်လုို့ ဆုိုထားခဲ့ကြတာပဲလေ။ သတ္တမျိုး နွယ်စုဖြစ်စဉ်မှာလည်း အဟောင်းပေါ် အသစ်ဆင့်၊ ဖြစ်စဉ်ကုို မြှင့်တင်ခဲ့ကြတဲ့ မျိုးနွယ်စုသည် သာ တစစ တုိုးတက်လာနုိုင်ခဲ့တာလုို့ လက်ခံထားကြတာ။

 အမေရိကန်နုိုင်ငံအတွင်း ပြည်နယ်အသီးသီးက ကျောင်းထုိုင် ကျောင်းနေဆရာတော် (၂၃) ပါး ဒီသင်တန်းကုို တက်ရောက်နေကြတယ်။ နှစ်ကူးဒီရာသီမှာက သူသူကုိုယ်ကုိုယ် အလုပ်များကြ တတ်ကြတာ။ ခုလုို အချိန်မအားတဲ့ကြားမှာ ကုိုယ့်နေရာကုိုယ့်ဒေသက အလုပ်တွေကုို ခဏ ထားပြီး ဒီသင်တန်းကုိုတက်ကြရတာ။ သိမ်ဆုိုတာက သာသနာနဲ့စပ်ရင် အရေးကြီးတဲ့အရာမျိုး လေ။ ခုလုို ရပ်နီးရပ်ဝေးက ဆရာတော်တွေ စိတ်ပါဝင်စားစွာ တက်ရောက်သင်ယူနေကြခြင်း က သာသနာအတွက် တအားပေါ့။ ဒီသင်တန်းတက်ရောက်တဲ့ သံဃာတော်တွေဟာဖြင့် နောင်မှာဆုိုရင် သိမ်နဲ့စပ်လျင် သန့်သန့်ရှင်ရှင်း ရဲရဲတင်းတင်း သမုတ်နုိုင်ကြတော့မယ်လေ။ အမှားကင်းကင်း သံသယရှင်းရှင်းနဲ့ အလုပ်လုပ်နုိုင်ခွင့် ရရှိခြင်းဆုိုတာ ကောင်းမွန်တဲ့လက္ခဏာ ရပ်ပဲ မဟုတ်လား။

 ဆန်ဖရန်စစ္စကုို ဗေးဧရိယာရှိ သံဃာတော်တွေ စုပေါင်းပ၀ါရဏာပြုကြတဲ့ သီတင်းကျွတ် လ ပြည့် မဟာပ၀ါရဏာနေ့ (အောက်တုိုဘာ ၁၉ ရက်နေ့) မှာ သိမ်သင်တန်းပုို့ချမည့်အကြောင်း ကြေညာခဲ့တယ်။ အဲဒီမှာပဲ ဓမ္မာနန္ဒမှာသိမ်သင်တန်းပုို့ချမယ်ဆုိုရင် မုဒိတာရွှေ ကျောင်းမှာ လက်တွေ့သိမ်သမုတ်ပွဲကုို ပြုလုပ်မယ်ဆုိုတဲ့အကြောင်း လျှောက်ထားဖြစ်ခဲ့တယ်။ ဒီလုို ကောင်းမွန်တဲ့ အခွင့်အလမ်းမျိုးဆုိုတာက တစ်သက်တစ်ခါ ကြုံခဲစွာသား မဟုတ်လား။

 ဒီသိမ်သင်တန်းမှာ ပုို့ချပေးမည့်ဆရာတော်နဲ့ သင်တန်းတက်ရောက်ပြီးတဲ့ဆရာတော်တွေ စုပေါင်းအားနဲ့ မုဒိတာရွှေကျောင်းမှာ အသစ်ဆောက်လုပ်မည့် ရွှေသိမ်တော်အတွက် သိမ် သမုတ်ပွဲကုို ကျင်းပခွင့်ရမှာ။ ဒီတော့ မုဒိတာရွှေကျောင်းက အားလုံးထဲမှာ ကံအကောင်းဆုံးလုို့ ဆုိုနုိုင်မှာပေါ့။

 ဟုတ်တယ်လေ။ သိမ်သင်တန်းကုိုတက်ခွင့်ရလုို့ ကုိုယ်တုိုင်လည်း သိမ်အကြောင်းကုို ဂဃနဏ သိရမယ်။ သိမ်အကြောင်း စနစ်တကျလေ့လာပြီးစ သံဃာတော်တွေဦးစီးပြီး သံဃာတော် ပေါင်း အပါးသုံးဆယ်ကျော်နဲ့ ရွှေသိမ်တော်ကုို သမုတ်ခွင့်ရမယ်။ နောက်ပြီး သိမ်သင်တန်းကုို ကြွရောက်လာကြတဲ့ မိတ်သစ်မိတ်ဟောင်းဆရာတော်များနဲ့ ၂ ပတ်နီးပါးခန့် ရင်းနှီးချစ်ခင်စွာ အမျိုးဘာသာ သာသနာနဲ့ ၀ါသနာပါရာ အကြောင်းအရာလေးများကုို ဆွေးနွေးခွင့်၊နှီးနှော ဖလှယ်ခွင့်ရမယ်။ ဒီလုိုအခွင့်ကောင်းရဖုို့ဆုိုတာက လွယ်တာမှတ်လုို့။

 တစ်သက်တစ်ခါ ကံကောင်းလွန်းလှပါမှသာ တည်ဆောက်ခွင့်ရတဲ့သိမ်။ သာသနာအသက် ဆက်လက်ရှင်သန်ရေးမှာ အရေးပါလှတဲ့သိမ်။ သင်္ကန်းကထိန် ကျောင်းမှာသိမ်ရယ်လုို့ မှတ်တမ်းပြုခဲ့ကြတဲ့သိမ်။ ဒီသိမ်ကုို ခုလုိုနှစ်ဦးအခါသမယ၊ သိမ်အကြောင်း ကောင်းကောင်း လေ့လာပြီးစ၊ အနယ်နယ်အရပ်ရပ်က ကြွရောက်လာကြတဲ့ သံဃာတော်များစုံလင်ခုိုက်၊ ဒီလုိုအခုိုက်မှာမှ ဒီသိမ်သမုတ်ခြင်း အလုပ်မျိုးကုို မလုပ်ဖြစ်လုိုက်ရင်ဖြင့် လယ်တီဆရာတော် ကြီးမိန့်သလုို ခွင့်သာတုံးကမှ မရုံးချင်လျင် အရှုံးနင့်ပြင် ရှိသေးလေလိမ့်လေးလုို့ဆုိုသလုိုပဲ အခွင့်အခါကောင်းကြီးကုို ဆုံးရှုံးသလုိုမျိုး ဖြုန်းတီးပစ်သလုိုမျိုး ဖြစ်တော့လေမပေါ့။

 သာသနာကုို ချီးမြှောက်ထောက်ပံ့ကြလေတဲ့သူတွေအတွက်လည်း ဒီအခွင့်အရေးမျိုးက တစ် သက်တခါ ရှားရှားပါးပါး ကြုံလာတဲ့ ကုသုိုလ်မျိုးပေါ့။ လက်မလွှတ်သင့်တဲ့ အခွင့်မျိုးပဲလေ။ သာသနာကုို အခြေခံကျကျ ထောက်ပံ့ရာကုသို်လ်မျိုးထဲမှာ တစ်ခုအပါအ၀င်လုို့လည်း ဆုိုနုိုင် တဲ့ ကုသုိုလ်မျိုးသာပ။ ဒီကုသုိုလ်မျိုးကုို နှစ်ဦးမှာ မင်္ဂလာရှိစွာ ဆည်းပူးခွင့်ရကြလေတာဟာဖြင့် ကြည်နူးဝမ်းမြောက်စရာပေပဲပေါ့။

 သင်တန်းမှာ သိမ်အကြောင်းဆွေးနွေးကြတော့ ဘယ်နေရာမှာ ဘယ်လုိုသမုတ်လျင် ဘယ်လုို ခုိုင်မြဲတယ်။ ဘယ်သိမ်ကတော့ ဘာကြောင့် မမြဲဘူး စသဖြင့် ဆွေးနွေးကြတယ်။ မုဒိတာရွှေ ကျောင်းမှာ သမုတ်မည့်ရွှေသိမ်တော်ကတော့ မြေအပြင်မှာသမုတ်မည့်သိမ်မုို့ ဒီမြေလွှာတည် နေသမျှ မပျောက်မကွယ် အမြဲတည်ရှိလေမယ့်သိမ်။ ထာဝရသိမ်။ ဒီလုိုဆုိုတော့ သိမ်နဲ့စပ်တဲ့ ကုသုိုလ်ကုို ပြုကြမည့်သူတွေအဖုို့လည်း ထာဝရကုသုိုလ်ကုို ပြုလုပ်ခွင့်ရခြင်းပေါ့။ “သင်္ကန်း ကထိန် ကျောင်းမှာသိမ်  ၊ မုဒိတာမှာ ထာဝရရွှေသိမ်”ပေါ့။

ခုလုို သူလည်းရွှင်ပြုံး ကုိုယ်လည်းအေးချမ်း ၀မ်းပန်းတသာဖြစ်စရာ ကုသိုလ်မျိုးကုို ပြုခွင့်သာ လေအောင် ဖန်တီးစီမံထောက်ပံ့ အားပေးကြလေတဲ့သူအားလုံးကုို မင်္ဂလာရှိတဲ့ နှစ်သစ်ချိန်ခါ သမယမှာ ကျန်းမာကြပါစေကြောင်းကုိုဖြင့် ဆုတောင်းမေတ္တာ ပုို့သပါရဲ့။ ကျေးဇူးတင်ဝမ်း မြောက်ပါကြောင်းကုိုလည်း ထပ်လောင်းကာ ပြောကြားပါရဲ့။ 

ဓမ္မာနန္ဒ၀ိဟာရမှာ ကျင်းပနေတဲ့သိမ်သင်တန်းနဲ့ မုဒိတာရွှေကျောင်းမှာ ပြုလုပ်မည့် သိမ်သမုတ် ပွဲက ဘယ်လုိုဆက်စပ်နေသလဲရယ်လုို့ တစ်ယောက်ကမေးပါတယ်။ မနေ့ကရေးဖြစ်တဲ့ ထာဝရရွှေသိမ် ဆုိုတဲ့ ဆောင်းပါးကုိုဖတ်ကြည့်ရင်တော့ ဒီအတွက်အဖြေကုို သိနုိုင်မှာပါ။

မဖတ်ဖြစ်သေးဖူးဆုိုရင်တော့လည်း နည်းနည်းလေးပြောပြပါ့မယ်။
ဓမ္မာနန္ဒ၀ိဟာရက ဆရာတော်များက သိမ်သင်တန်းပြုလုပ်မယ်၊ အနယ်နယ်အရပ်ရပ်က စိတ် ၀င်စားတဲ့သံဃာတော်များကုို ပင့်ဖိတ်မယ်။ ဒီတော့သိမ်သင်တန်းဆုိုတာက သင်တန်းသဘာဝ အတုိုင်း တကယ့်လက်တွေ့စစ်စစ် မဟုတ်သေးဘူးလေ။ ဒီတော့ သင်တန်းတက်ရောက်ကြ မည့် သံဃာတော်တွေ လက်တွေ့ပြုလုပ်ခွင့်ရနုိုင်မယ်ဆုိုရင် သင်တန်းသားတွေအတွက် အကျိုး များစေမယ်ပေါ့။

နောက်ပြီး သိမ်မရှိသေးတဲ့ မုဒိတာရွှေကျောင်းမှာလည်း တကယ်သိမ်တစ်လုံး အမှန်လုိုအပ်နေတာရယ်။ ပြောခဲ့သလုိုပါပဲ။ သိမ်ဆုိုတာက တကယ်အရေးကြီးတဲ့အရာဆုို တော့ သံဃာတော်တွေ များများပါဝင်နုိုင်လေ ကောင်းလေဆုိုတော့ သံဃာတော်များများ ဆုံနုိုင်မည့် ဒီအချိန်အခါမျိုးမှာ သိမ်သမုတ်ဖုို့ စီစဉ်လုိုက်တာပါ။ ကုိုယ်ကုိုယ်တုိုင်က တကူးတက ပင့်ဖိတ်ရမယ်ဆုိုရင် ခုလောက် အရေအတွက်များများ သံဃာတော်တွေကုို ပင့်နုိုင်ဖုို့ ကုိုယ့်မှာ ဒီလောက် အင်အားမရှိပါဘူး။

နောက်ပြီး အနယ်နယ်အရပ်ရပ်က ကြွရောက်လာကြတဲ့ သံဃာတော်များမှာ ခရီးစရိတ်ကုန်ကျမယ်လေ။ ဒီအတွက်လည်း ခရီးစရိတ်ကစလုို့ အနည်းငယ်လေးမျှ အထောက်အပံ့လေးဖြစ်စေပါတော့ဆုိုတော့ ရည်ရွယ်မှုလည်း အမှန်တကယ်ပါဝင်ပါတယ်။ ဒါကြောင့် သိမ်ဆင်းသံဃာတော်များကုို န၀ကမ္မနဲ့လှူဖွယ်ဝတ္ထုများ လောင်းလှူနုိုင်မယ့် အစီအစဉ်ကုိုပါ ထည့်ထားတာပါ။

အချိန်နဲ့နေ့ရက်
သိမ်နုတ်မည့်နေ့ရက် အချိန်= ဇန္န၀ါရီလ ၄ ရက်(စနေနေ့) ညနေ ၄ နာရီအချိန်
ညဦးတရားပွဲ= ဇန္န၀ါရီလ ၄ ရက်(စနေနေ့ညနေ) ၇ နာရီ (အနည်းငယ် နောက်ကျနုိုင်ပါသည်)

အာရုံဆွမ်းကပ်= ဇန္န၀ါရီလ ၅ ရက်(တနင်္ဂနွေနေ့) နံနက် ၆ နာရီ ၃၀ မိနစ်
သိမ်သမုတ်ချိန်= ဇန္န၀ါရီလ ၅ ရက်(တနင်္ဂနွေနေ့) နံနက် ဂ နာရီ
သိမ်ဆင်းလောင်း= ဇန္န၀ါရီလ ၅ ရက်(တနင်္ဂနွေနေ့) နံနက် ၉ နာရီ
ပရိတ်သတ်ဧည့်ခံ= ဇန္န၀ါရီလ ၅ ရက်(တနင်္ဂနွေနေ့) နံနက် ၉ နာရီ ၃၀ မှ ၁၁ နာရီ
နေ့ဆွမ်းကပ်= ဇန္န၀ါရီလ ၅ ရက်(တနင်္ဂနွေနေ့) နံနက် ၁၁ နာရီ
သိမ်ဆင်းသံဃာ= ၃၉ ပါး


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အရှင်ဉာဏိက, ရေခြားမြေခြား မြန်မာများ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments