ဆင်းရဲတွင်းနက်နေသူများ

January 14, 2014

ဂျူနီယာဝင်း
ဇန်န၀ါရီ ၁၄၊ ၂၀၁၄
Jeffrey Sachs ရေးသားသော The End of Poverty အမည်ရှိ စာအုပ်တစ်အုပ်ထွက်ရှိလာခဲ့ပါသည်။ ‘ဆင်းရဲတွင်းအဆုံးသတ်ဖုို့ ကျွန်တော်တုို့ ဘယ်လိုလုပ်နိုင်ကြသလဲ’’ ဟု ဆိုထားပါသည်။ ထိုစာအုပ်ကို မဖတ်ရှုခင် စာအုပ်ထဲမှာ ဘာတွေပါသလဲဆိုတာကို မစူးစမ်း ခင်မှာ စာအုပ်ရဲ့ နိဒါန်းတစ်ခုကို တွေ့လိုက်ရသည်။ အဲဒီနိဒါန်းမှာကိုက စာအုပ်ရဲ့ အနှစ်သာရတွေပါနေ၏။ ယင်းတုို့ကို ယခု တင်ပြသွားပါ မည်။

 

‘အာဖရိကကို သွားမယ့်ခရီးစဉ်တစ်ခုမှာ လူနှစ်ယောက်တစ်ဦးကိုတစ်ဦး မှီအိပ်လုို့၊ မှုန်ရီအုံ့ဆိုင်းတဲ့ တိမ်စိုင်တွေရဲ့အပေါ်မှ ကျေနပ် စရာ ကောင်းပေါ့။ တစ်ဦးက မုတ်ဆိတ်တွေကို ရိတ်ထားတယ်။ အနက်ရောင်ဝတ်စုံနဲ့ လုံးဝမအိပ်ရတဲ့ မျက်လုံးဟောက်ပက်နဲ့ သူ့ရဲ့ဦးနှောက်က ကြီးကြီးကျယ်ကျယ်တွေ တွေးနေပုံ။ နောက်တစ်ဦးကတော့ ကလေကချေ။ ပရမ်းပတာ၊ မုတ်ဆိတ်တွေမရိတ် ဖြစ်သလိုနေတဲ့ပုံ။ ဒီလိုပုံနဲ့ နေလာတာ ဘယ်လောက်ကြာပြီလဲမသိ။ သူ့ရဲ့ကလေးဆန်တဲ့မျက်နှာလေးက ဒီလို လေကောင်းလေသန့်ထဲမှာ ဘယ်လိုနေရပေါ့။ သူအိပ် ရာ ထနိုးလာချိန်မှာ လေယာဉ်မယ်လေးက လက်မှတ်လာထိုးခိုင်းတယ်။ စိတ်အနှောင့်အယှက်ဖြစ်သလို ပျော်ရွှင်ကျေနပ်သွားပါရဲ့။ အနက် ရောင် ကုတ်အင်္ကျီထဲက စာရွက်အတိုအစတွေကြားထဲက ကတ်ပြားကို ထုတ်လိုက်တယ်။ အဲဒါ ကျွန်တော်ပေါ့။ ကျွန်တော့်ကိုယ် ကျွန်တော် မိတ်ဆက်မယ်။ ကျွန်တော့်နာမည် ဘိုနို။ ကျွန်တော်က ရောခ့်ဂီတ ကျောင်းသားဖြစ်ပါတယ်။ ကျွန်တော့်နံဘေးကလူက Jeffery D.Sachsသူက စီးပွားရေးပညာရှင်ကြီးပေါ့။ ပြီးတော့ နှစ်အတော်ကြာ ကျွန်တော့် ဆရာဖြစ်လာသူဖြစ်တယ်။ အဲဒီတုန်းကများ သူ့ရဲ့လက် မှတ်က ကျွန်တော့်ထက်တောင် တန်ဖိုးရှိပါ့။

 

ဒီခရီးကျွန်တော်တုို့ထွက်ဖြစ်ပုံကို ပြောပြမယ်။ Jeff Sachs ကိုလံဘီယာ တက္ကသိုလ်ရဲ့ Earth Institudeဒါရိုက်တာ ဖြစ်မလာခင် အချိန် ကနေစရမယ်။ ကျွန်တော့်ကို မက်ဆက်ချူးဆက်က ကင်းဘရစ်မှာရှိတဲ့ ဟားဘတ်တက္ကသိုလ်က တတိယမြောက် ဘွဲ့ဒီဂရီကို Jeff က ပေးအပ်ခဲ့တယ်။ အဲဒီအချိန်တုန်းကပေါ့ဗျာ။ ကျွန်တော့် သူငယ်ချင်းBobby Shriver က ကျွန်တော့်ကို သူနဲ့ သွားတွေ့ဖုို့အကြံပေးတယ်။ အကြောင်းကတော့ ၂ဝဝဝ ပြည့်နှစ် အမှတ်တရအဖြစ် OECD (Organization for Economic Coorporation and Development) ရဲ့ အချမ်းသာဆုံး တိုင်းပြည်တွေဆီကို ကမ္ဘာ့မတိုးတက်ဆုံးနိုင်ငံ LDC(Least Development Countries) များရဲ့ အကြွေးစာရင်းတွေကနေ ပယ်ဖျက်ပေးဖုို့ Jubilee 2000 ကိုယ်စားလှယ်အဖြစ် မဲဆွယ်ရာမှာ ဘာတွေပြောရမလဲဆိုတာ သိရှိဖို့ဆိုပါတော့။ ကျွန်တော်ဟာ ကိန်းဂဏန်း တွေနဲ့ တည်ဆောက်ထားတဲ့ ကမ္ဘာထဲမှာ စွပ်ပြုတ်တစ်ပန်းကန်ရဲ့ ရာဇဝင်ကို မွှေနှောက်စူးစမ်းနေသူလူသားတစ်ဦးနဲ့ မိတ်ဆွေဖြစ်ခဲ့ရတယ်လုို့ ပြောရမှာပေါ့။ ဟုတ်ပါတယ်။ စွပ်ပြုတ်ကို သောက်ရတာ ဘယ်နှယ့်လဲ။ အကယ်၍များ စွပ်ပြုတ်ဟာ အစာကြေတယ်ဆိုရင် လူတွေအများ ကြီး သောက်သုံးဖုို့စွပ်ပြုတ်တွေအများကြီးရှိရမယ်။

 

အစာငတ်ခြင်း၊ ရောဂါဘယဖြစ်ခြင်း၊ အသက်များစွာဆုံးရှုံးရခြင်းဆိုတာတွေဟာ ဆင်းရဲလွန်းတဲ့ ဒုက္ခတွေကြောင့် ဖြစ်လာရတာတွေပဲ။ ဒါတွေဟာ ကျွန်တော်တုို့ မျက်စိရှေ့မှာ Jeff  အတွက် ခက်တော့ခက်ပေမယ့် ဖြေရှင်းနိုင်တဲ့ ပြဿနာပါ။ ဒါကို ညီမျှခြင်းချမယ်ဆိုရင် ငွေရေး ကြေးရေး ထိပ်ရောက်နေတဲ့ လူသားတွေ၊ ချင်းသာကြွယ်ဝတဲ့ တိုင်းပြည်တွေရဲ့ လှုံ့ဆော်မှုတွေနဲ့အတူ ဆင်းရဲမွဲတေနေတဲ့ တိုင်းပြည် တွေမှာ လုပ်ရမယ့် အစီးအစဉ်အသစ်တွေရှိတယ်။

 

ကျွန်တော်က အကြားအာရုံ၊ သံစဉ်ဖွဲ့သီတဲ့အဆိုတော်ပါ။ ကြီးကျယ်တဲ့ အကြံညဏ်တွေများစွာက လှပတဲ့ တီးလုံးတွေဖြစ်လာတယ်။ ဒီလို သန့်ရှင်းစင်ကြယ်၊ မွေးရာပါ၊ ပါရမီ၊ အမှတ်တရ တမ်းတမ်းတတ အဖြစ်တွေ… ဒါတွေကို ခေါင်းထဲက ထုတ်ပစ်လုို့မရဘူး။ တစ်ချိန်လုံး ကိုယ့်ကို အနှောင့်အယှက်ပေးနေမှာ။ စာအုပ်ထဲက အကြောင်းအရာတွေက သီချင်းရှည်ကြီးတစ်ပုဒ်တော့ မဟုတ်ပါဘူး။ ဒါပေမဲ့ ဘယ် တော့မှ မမေ့နိုင်မယ့် အရာတွေ၊ ဆင်းရဲတွင်းနက်ခြင်းမှ အဆုံးသတ်ပေးတဲ့ အကြံညဏ်တွေဖြစ်လာမယ်။ ဒါတွေ လျစ်လျူရှုဖုို့ ခက် တယ်ဆိုတာ အလောင်းအစားလုပ်မယ်။

 

ဂျက် (ဖ) (Jeff) က လျစ်လျူရှုဖို့ခက်နေတယ်။ သူနဲ့စကားပြောရတာများ ကျွန်တော့်မှာ သူ့နောက်တစ်ကောက်ကောက်၊ ဘီးတဲ(လ်) အဖွဲ့ ကြည့်ပြီးအပြန် ဂနာမငြိမ်ဖြစ်နေတဲ့ မျောက်တစ်ကောင်နောက် တကောက်ကောက် လိုက်နေရသလို။ သူ့အသံက လျှပ်စစ်ဂီတသံထက် တောင် ကျယ်တယ်။ ဟဲဗီးတေးဂီတတီးလုံးတွေထက်တောင် လေးလံပြင်းထန်တယ်။ သူ့ခံစားမှုတွေက သူ့အမူအရာထဲမှာ တစ်ခါတည်းပါပြီး သားလုို့ ပြောရမယ်။ အဟောအပြောကောင်းတဲ့ ခပ်ကြမ်းကြမ်း အမူအရာတွေ ဝင်နေပေမဲ့ ရှေ့နောက်ဆီလျော်မှုတော့ ရှိပါတယ်။ ဘုရား သခင် က သူ့အသံထဲမှာ အသံချဲ့စက်ပါ တစ်ခါတည်း တပ်ပေးထားတယ်။ ဒီလိုနဲ့ တစ်နေ့လုံးငြင်းလိုက်ခုံလိုက်နဲ့ ကုန်ပါရော။

 

သူစိတ်ဆိုးနေတာတော့ တကယ်ပါပဲ။ တိုးတက်နေတဲ့ ကမ္ဘာကြီးမှာ ဒုက္ခ သုက္ခတွေ၊ အကျပ်အတည်းတွေ များစွာရှိနေတာသူသိတယ်။ Malawi က ပြင်ပဆေးရုံတစ်ခုမှာ ကုတင်ပေါ် ၂ ယောက်၊ ကုတင်အောက် တစ်ယောက်အိပ်ဖုို့အရေးအန်စာတုံးခေါက်ပြီး အလှည့်ကျအိပ်နေ ရတဲ့ လူတွေကို ကြည့်ပါဦး။ ကျွန်တော်တော့ တုန်လှုပ်မိပါရဲ့။ ဂျက် (ဖ်) က ဘယ်လိုဖြေရှင်းဖို့စဉ်းစားမှာလဲ။ သူကစီးပွားရေး ပညာရှင် တစ် ဦး။ သူက အတွက်အချက်စာရင်းဇယားတွေနဲ့ ဘဝကို အသက်ဝင်စေမှာလား။ သူက ကိန်းဂဏန်းတွေ၊ စာမျက်နှာတွေကို အကြမ်းဖျင်း ဖြန့်ကြက်ကြည့်တယ်။ ကမ္ဘာ့အဆုံးကို ထရပ်ကား တစ်စီးနဲ့ ကျပ်ကျပ်တည်းတည်း သွားနေရတဲ့ မိသားစုတွေ။ ဒါတွေကို ခံစားကြည့်ကြဖုို့ကျွန်တော်တုို့ကို ဂျက် (ဖ်) က ပြောမယ်ဆိုရင် မခံစားတတ်အောင်လည်း နေတတ်ဖို့လိုမယ်။ အာဖရိကမှာ လူပေါင်းတစ်သောင်းခွဲ နေ့စဉ် နှင့်အမျှ သေလုမြောပါးဖြစ်နေရတာ၊ ရောဂါဘယတွေ AIDS ငှက်ဖျား၊ တီဘီ၊ ဆေးမလုံလောက်တာတွေဟာ ဝဋ်ကြွေးတွေတဲ့လား။

 

ကိန်းဂဏန်းတွေ အတွက်အချက်တွေကသာလျှင် ဖြေရှင်းပေးနိုင်လိမ့်မယ်လုို့ ခပ်ရူးရူး အတွေးတွေနဲ့ ညီမျှခြင်းချပြကြမှာလား။ အာဖရိ က အဖြစ်တွေက ကျွန်တော်တုို့ရဲ့ သနားစာနာမှုတုို့ စိုးရိမ်ပူပန်မှုတုို့၊ မယုံကြည်မှုတုို့ မေးခွန်း ပရမ်းပတာတွေကို လှောင်ပြောင်ကြရင် ဘယ်လို လုပ်မှာလဲ။ ဟုတ်တယ်လေ။ ကျွန်တော်တုို့ကသာ ရိုးသားဖြောင့်မတ်ရင် ဒီလို နေ့စဉ်နှင့်အမျှ သေကျေပျက်စီးတာတွေ နေရာအနှံ့မှာ ဖြစ်ပွား နေတာတွေအတွက် အဆုံးအဖြတ်ပေးနိုင်ရလိမ့်မယ်။ မြောက်အမေရိကတိုက်၊ ဥရောပ၊ ဂျပန်မှာမှမဟုတ်ပါဘူး။ တိုက်တွေ အကုန် လုံးက ပေါက်ကွဲပြကြည့်ပါလား။ ကျွန်တော်တုို့ကသာ အာဖရိကက အသက်တွေအတွက် အမှန်တကယ်ပဲ စာနာပြီး လက်ခံပြမယ် ဆိုရင် ဒီလောင် ကျွမ်းနေတဲ့မီးကို တစ်ကမ္ဘာလုံးအတိုင်းအတာနဲ့ ငြိမ်းသတ်နိုင်ပါပြီဗျာ။ ဒါဟာ မသက်မသာနဲ့ လက်ခံရတဲ့ အမှန်တရားပါပဲ။

 

ဒီစာအုပ်က ညီမျှခြင်းတစ်ခုကို ချပြမယ့် ခရီးစဉ်တစ်ခုရဲ့ ခြေလှမ်းတစ်လှမ်းဆိုပါတော့။ ညီမျှခြင်းဆိုတဲ့ စကားလုံးက ကြီးကျယ် ပါတယ်။ ဒီစကားလုံးက လွတ်လပ်ခြင်းဆိုတဲ့ စကားလုံးနဲ့ ဆက်သွယ်ထားပါတယ်။ ဒါပေမဲ့ ဒီအတွေးအခေါ်ဟာ လွတ်လပ်ဖို့အတွက်ဆိုတဲ့ သဘော မဟုတ်ပါဘူး။ အကယ်၍ ကျွန်တော်တုို့သာ အလေးအနက်ထားမယ်ဆိုရင် အဲဒီအတွက် ပေးဆပ်ဖို့အသင့်ရှိရမယ်။ တခိျု့လူတွေက ပြောတယ်။ မတတ်နိုင်ပါဘူးတဲ့။ ဒါကို ကျွန်တော် သဘောမတူဘူး။ ကျွန်တော့် အထင်တော့ ကျွန်တော်တုို့က လုပ်ဖို့ကို မတတ်နိုင်တာပါ။ ကမ္ဘာကြီးထဲမှာ အကွာအဝေးဆိုတဲ့ စကားလုံးကို ကိုယ့်ရဲ့အိမ်နီးချင်းဆိုတဲ့ အတိုင်းအတာနဲ့ တိုင်းကြည့်ရအောင်။ အဲဒါဆိုဘယ်လိုလဲ။ ဒါဆို ရင် နီးစပ်ခြင်းဆိုတဲ့ ခံစားမှုအပြင် ကျေနပ်စရာတော့ ဖြစ်သွားမယ်။ လက်ခံနိုင်တယ်ပေါ့။ ဒါဆိုရင် ‘ရှိခြင်း’’ ဆိုတဲ့သဘောတရားက ‘ဘာမှမရှိဘူး’’ဆိုတဲ့ ကံကြမ္မာကနေ လာတယ်လုို့ သဘာဝကျကျ တွေးလုို့ရပါတယ်။ ၂ဝဝ၁ ခုနှစ် စက်တင်ဘာလ ၁၁ ရက်နေ့ကအဖြစ် ဆိုးကြီးကို စဉ်းစားကြည့်လိုက်ရင် အကြမ်းဖက်သမားတွေကို အားပေးနေတာက ချမ်းသာတဲ့ ဆော်ဒီတွေ ဖြစ်ကောင်းဖြစ်ပေယ့် အကြမ်း ဖက်သမားတွေခိုလှုံရာက ဆင်းရဲပါတယ်ဆိုတဲ့ အာဖဂန်နစ္စတန်ဒေသက နေရာတွေဖြစ်နေတယ်။ အကြမ်းဖက်တာကို တိုက်ခိုက်တဲ့ စစ်ပွဲ မှာ အာဖရိကကို ရှေ့တန်းအနေနဲ့ မတိုက်သေးဘူး။ ဒါပေမဲ့ ဖြစ်လာနိုင်တယ်။

 

‘အကြမ်းဖက်ခြင်းကို ဆန့်ကျင်တိုက်ခိုက်တဲ့ စစ်ပွဲသည် ဆင်းရဲခြင်းကို ဆန့်ကျင်တိုက်ခိုက်သော စစ်ပွဲနှင့် ပတ်သက်လျက်ရှိသည်’’။ ဒီစကား ကို ပြောတာ ကျွန်တော်မဟုတ်ပါဘူး။ ဒါငြိမ်းချမ်းရေးအုပ်စုတွေဆီကလည်း မဟုတ်ပါဘူး။ နိုင်ငံခြားရေး ဝန်ကြီးတစ်ယောက်က ပြောတာပါ။ စစ်ဘက်ကပုဂ္ဂိုလ်က ဒီလိုစကားမျိုးကို ပြောတော့ ကျွန်တော်တုို့ နားထောင်ကြတယ်။ အံ့သြကြတယ်။ ကြက်သေသေမိတယ်။ စိတ် လှုပ်ရှားသွားတယ်။ သူတုို့နဲ့ ဆန့်ကျင်ပြီး ကိုယ့်ကိုယ်ကို ကာကွယ်နေရတာထက် ဖြစ်နိုင်ချေရှိတဲ့ ရန်သူတွေနဲ့ မိတ်ဆွေ ဖြစ်ဖို့ကြိုးစားရ တာ ပိုပြီးဟန်ကျမလား။

 

ဂျက် (ဖ်) က အစီအစဉ်တစ်ခုကို ဆွဲတယ်။ ကမ္ဘာနဲ့လည်း ဆိုင်ပါတယ်။ ၂ဝ၂၅ ခုနှစ်မှာ ဆင်းရဲခြင်းတစ်ဝက်ကို ဖြတ်တောက်ပစ်ရမည် ဆိုတဲ့ ဆောင်ပုဒ်ကို ခင်းပေးမယ့် လမ်းဆိုပါတော့။ ဒီစာအုပ်ဟာ ကျွန်တော်တုို့ အလုပ်ကို ဘယ်လိုပြီး မြောက်အောင်လုပ်သလဲဆိုတဲ့ အကြောင်းအရာတွေပါတဲ့ စာအုပ်တစ်အုပ်ပါပဲ။ ကျွန်တော်တုို့ဟာ ဒီလိုအစွန်းရောက်၊ စုတ်ပြတ်ဆင်းရဲလှတဲ့… ဆင်းရဲလွန်းလုို့ အစာ ငတ်သေတဲ့ ကလေးငယ်တွေကို လက်ပိုက်ကြည့်နေရတဲ့အဖြစ်ကို ရှောင်ကွင်းလုို့ ဘယ်ဖြစ်မှာလဲ။ ကျွန်တော်တုို့ဟာ ကူငွေ ၂၅ ဆင့်ကို ပေးပြီး ဒီရောဂါဘယကို ကာကွယ်ပေးမယ့် ပထမဦးဆုံးမျိုးဆက်တဲ့လား။ ကျွန်တော်တုို့ဟာ ဒီလိုပရဟိတအလုပ်ကို လုပ်ဆောင်ပေးမယ့် ပထမဦးဆုံးသော မျိုးဆက်။ ဆိုးဝါးသော စီးပွားရေး၊ ဆိုးဝါးသောအကြွေး၊ ဆိုးဝါးသောကံဆိုးမိုးမှောင်ဆိုတဲ့ ရှုပ်ထွေးရက်ရှယ်နေတဲ့ ကြိုးထုံးကြီးကို ဖြည်ပေး မယ့် ပထမဆုံးသော မျိုးဆက်။ အကြာကြီးမှားယွင်းစွာ လည်ပတ်နေတဲ့ ကမ္ဘာကြီးထဲမှာ ရှင်သန်လျက်ရှိကြတဲ့ ခွန် အားရှိသူနဲ့ ခွန်အားနည်းသူ တွေရဲ့ ကြားထဲက ဆက်ဆံရေး မပြေလည်မှုကို အဆုံးသတ်ပေးမယ့် ပထမဦးဆုံးသော မျိုးဆက်။

 

ကျွန်တော်တုို့ လည်ပင်းထိအောင် ရောက်နေတဲ့ ဂျက် (ဖ်)ရဲ့ လက်ထဲက လုပ်ကိုင်ဆောင်ရွက်ဖုို့အခွင့်အလမ်းတွေဟာ စွန့်စားခန်းတွေ ဖြစ်လာမှာလား။ ဒါမှမဟုတ် အောင်မြင်စွာ ပြီးမြောက်စေမှာလား။ သူရဲ့ဆွေးနွေး တင်ပြချက်တွေကလည်း ရှင်းလင်းပါတယ်။ ကျွန်တော်တုို့ မတူညီတဲ့ စမှတ်ကနေ ခွဲထွက်ကြမယ်။ သူက ဈေးရောင်းဈေးဝယ် ရောင်းဝယ်ဖောက်ကားမှုကနေ စမယ်။ ကျွန်တော်က ကြော်ငြာကနေ စမယ်။ ကျွန်တော်တုို့ နှစ်ယောက်စလုံး လက်ခံနိုင်တဲ့အတွက် ကံကောင်းတယ်လုို့ဆိုရမယ်။ ပြောရရင်တော့ စာအုပ်တွေထဲကနေ အဖြေ ရဖုို့ဆိုတာ ဘယ်လိုမှ မဖြစ်နိုင်ဘူး။ အဖြေတွေဟာ အပြင်ဘက်က သီအိုရီတွေ၊ ကွင်းဆင်းလေ့လာမှုတွေကနေ ရှိနေလိမ့်မယ်။ ကျွန်တော်တုို့ဟာ ကလေးတစ်ယောက်သေတယ် ရှင်တယ်ဆိုတဲ့ အဖြစ်သနစ်ကို စဉ်းစားရင်း လက်မခံနိုင်ဖြစ်ရင်းနဲ့ပြီးသွားမယ့် မျိုးဆက် တွေ လား၊ အနောက် တိုင်းသား ကျွန်တော်တုို့တစ်တွေက ကောင်းမွန်စွာ အိပ်စက်နေထိုင်လိုခြင်းဆိုတဲ့ ဆန္ဒနောက်ကို လိုက်ရင်း ကိုယ့်နားနဘေးကနေ မတူညီတဲ့ စုတ်သံတွေကို နားဆင်ရင်း အိပ်စက်သွားမယ့်လူတွေလား။ AIDS၊ တီဘီရောဂါသည်တွေနဲ့ လူပေါင်း တစ်သောင်းခွဲ နေ့တိုင်း သေမလိုဖြစ်နေကြတယ်။ မိခင်တွေ ဖခင်တွေ၊ ဆရာ၊ ဆရာမတွေ၊ အလုပ်သမားတွေ၊ သူနာပြုတွေ၊ စက်ပြင် ဆရာ တွေ၊ ကလေး သူငယ်တွေ။ အဲဒါ အာဖရိကရဲ့ဒုက္ခ။ အဲဒါည အချိန်လွှင့်တဲ့ သတင်းတွေပေါ်က မဟုတ်ဘူး။ ဒါတွေက အရေးပေါ် ကိစ္စတွေလို ရုပ်ချည်းထပြီး ဖြေရှင်းလုို့ပြီးသွား ကြတဲ့ အရာတွေမဟုတ်ဘူး။ ဒါကျွန်တော်တုို့ရဲ့ ဒုက္ခတွေ။

 

နောက်လာမယ့် မျိုးဆက်သစ်တွေက ဒီစာမျက်နှာတွေကို အမှတ်မထင်ကျော်လွှားသွားရင်းနဲ့ ဒီအခါက မေးခွန်းကို မေးထားတဲ့အဖြေကို သိချင်လည်း သိလာလိမ့်မယ်။ သူတုို့နဘေးမှာရှိတဲ့ ကမ္ဘာက သက်သေပြုလိမ့်မယ်။ သမိုင်းသည် ကျွန်တော်တုို့၏ တရားသူကြီး။ ဒါပေမဲ့ အဲဒီပေါ် ဘာရေးထားတာလဲဆိုတာက ကျွန်တော်တုို့အပေါ် မူတည်တယ်။ ကျွန်တော်တုို့ကဘယ်သူလဲ၊ ဘာလဲ၊ ဘာတွေကို သတိရနေစေချင် တာလဲ။ ကျွန်တော်တုို့ရဲ့ မျိုးဆက်သစ်တွေကို ဘယ်လိုလုပ်ပါလုို့ မပြောနိုင်ပါဘူး။ ဘယ်လိုမလုပ်နိုင်ဘူးလုို့လဲ မပြောနိုင်။ ကျွန်တော်တုို့ မျိုးဆက်တွေ လုပ်ကို လုပ်ရမယ်လုို့လည်း အကြောင်းပြချက်မပေးနိုင်။ ဒါကျွန်တော်တုို့ဟာ တာဝန်ကို သူများကို လွှဲချမှာလား။ ဒါမှမဟုတ် ဒီစာအုပ်မှာ ဆရာသမားက ညွှန်ပြထားသလို အဖြစ်သနစ်တွေကို ပြောင်းလဲပစ်ကြမှာလား’’

 

အထက်ဖော်ပြပါအရေးအသားမှာ The End of Poverty စာအုပ်၏ နိဒါန်းဖြစ်ပါသည်။ စာရေးဆရာ Jeffrey D.Sachs ၏ ရုပ်ပုံလွှာကို ထိုနိဒါန်းထဲမှာ တစ်စွန်းတစ်စ တွေ့လိုက်ရပါ၏။ မိတ်ဆွေတစ်ဦးဆီက ငှားရမ်း ဖတ်ရှုရင်းနှင့်မှ စိတ်ဝင်စားစရာ နိဒါန်း ရေးသားလိုက်ပုံကို သဘောကျမိသဖြင့် ထိုနိဒါန်းကို ဘာသာပြန်လိုက်မိခြင်းဖြစ်ပါသည်။ အထက်ပါဆောင်းပါးကို လွန်ခဲ့သည့်နှစ်များက ပုံနှိပ်ဖော်ပြရန် စာပေစိစစ်ရေးတင်ခဲ့စဉ်က ဘိုနို (ဒေါ်အောင်ဆန်းစုကြည်လွတ်မြောက်ရေး သီချင်းဆိုသူ) အမည် ပါသဖြင့် ဖော်ပြခွင့်မရခဲ့ပါ။)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Junior WIn, ဂျုနီယာဝင်း, စာအုပ်စင်

One Response to ဆင်းရဲတွင်းနက်နေသူများ

  1. David on January 14, 2014 at 6:30 pm

    Nice article.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်