လူကုန်ကူးခြင်း၊ လူပွဲစားနှင့် မြန်မာလူငယ်များ

January 15, 2014

ဝတ်မှုန် (ဝန်ထမ်းဟောင်းတစ်ဦး)
ဇန်န၀ါရီ ၁၅၊ ၂၀၁၄

ကျွန်ုပ် စင်ကာပူတွင်နေထိုင်သော မြန်မာနိုင်ငံသားဖြစ်သည်။ ပြည်တွင်း၊ ပြည်ပ လူကုန်ကူးခြင်း(၂)မျိုးကို အနည်းကျဉ်းရေးရန် မိမိနှင့်နီးစပ်သော ပြည်ပလူကုန်ကူးခြင်းအကြောင်း ဦးစွာရေးပါမည်။ အားလုံး သိပြီး ဖြစ်သော်လည်း မြင့်မြတ်သောစိတ်၊ စာရိတ္တ ကောင်းသူများ လူပွဲစား တိုက်ဖျက်ရေးတွင် ငြိမ်မနေရန်၊ တိုက်တွန်း လိုသော ကြောင့်ဖြစ်သည်။ လူသား အရင်းအမြစ်သည် အဘိုးတန်ဆုံး နိုင်ငံ သယံဇာတ ဖြစ်သည်။ 

 

အောက်ပါ (၃)မျိုးကို တွေ့ရသည်။

၁။ အိမ်နီးချင်းနိုင်ငံများသို့ အမျိုးသမီးများ ရောင်းခြင်း/ရောင်းခံခြင်း)

၂။ အေးဂျင့်ခ အဆမတန်ဖြင့် တရားမဝင်အလုပ်ပေးခြင်း

၃။ အေးဂျင့်ခ အဆမတန်ဖြင့် တရားဝင်အလုပ်ပေးခြင်း

 

၁။ အမျိုးသမီးလူကုန်ကူးခြင်း

ပထမ အမျိုးသမီးများ ရောင်းစားခြင်း (သို့မဟုတ်) အမျိုးသမီး ကိုယ်တိုင်က အရောင်းခံခြင်းမှာ တရုပ်၊ ယူနန်ပြည်နယ်တွင် အများဆုံးဖြစ်သည်။ အနှစ်၂၀က မြန်မာ လူမျိုးနှင့် ထူးမခြားနား ဆင်းရဲသည့် တရုပ်များ၊ ချမ်းသာ၊ စုဆောင်း မိလာသောအခါ မြန်မာ အမျိုးသမီးများသည် ဗိုင်းကောင်းကျောက်ဖိ များဖြစ်သောကြောင့် ဇနီးအဖြစ် ဝယ်ယူ၊ ပေါင်းသင်း ခြင်းဖြစ်သည်။ ဂိုဏ်းများ ပါဝင်သောကြောင့် အရောင်းခံပြီးပါက မလွတ်တော့ပါ။ ယခုအခါ မြန်မာအစိုးရ နှင့် အထူးရဲတပ်ဖွဲ့သည်  ယူနန်ပြည်နယ် ရဲတပ်ဖွဲ့ပူးပေါင်း ကူညီမှုဖြင့် တိုက်ဖျက်နေပါသည်။

၂။ တရားမဝင်အလုပ်များ
ထိုင်းနှင့်မလေးရှားတွင် မြန်မာအများစုမှာ တရားမဝင် ပတ်စပို့မရှိပဲ ရောက်လာသူ၊ ပတ်စပို့ဖြင့်ဝင်လာ သော်လည်း လစာနှင့်လူ့ အခွင့်အရေး မရသဖြင့် တရားမဝင်ဘဝသို့ ကူးပြောင်း သွားသူများ ရှိသည်။ ထိုသူများ အတွက် မြန်မာနိုင်ငံမှ အေးဂျင့်ဆိုသူ (တနည်း အားဖြင့် လူကုန်ကူးသူ၊ လူပွဲစား) များက အခကြေး ငွေဖြင့် ပို့ဆောင် ပေးပါသည်။ ဥပမာ ရန်ကုန် လူပွဲစားက ၁၀သိန်းဖြင့် မလေးရှားသို့ ပတ်စပို့မရှိပဲ ပို့ပေးရာတွင် ကော့သောင် ထိမှ တဖက်ကမ်းသို့ ပို့ပေးပြီး၊ ပြီးသွားလေသည်။ တစ်ဖက်ကမ်းက မြန်မာ လူပွဲစားက ထိုင်းနိုင်ငံမှ မလေးရှားသို့ တောလမ်းဖြင့် လိုက်ပို့၊ မလေးရှား ရောက်လျှင် မလေးရှားမှ မြန်မာ လူပွဲစားက တာဝန်ယူပြီး မလေးရှားမြို့ တစ်ခုရောက် သွားသည်။ အလုပ်ရှာသော လူပွဲစားက အလုပ်ရှာခ ထပ်တောင်းပြန်သည်။ အဆက်သွယ် ကောင်းသူများမှာ လူပွဲစားခ ငွေများစွာ မပေးရပါ။ ကော့သောင်မှ ထိုင်းနိုင်ငံ၊ မလေးရှားနိုင်ငံ သွားချင်းသည် တခါတရံ လနှင့်ချီ ကြာသွား နိုင်သည်။ စားစရာ ပင်မရှိ၊ တောထဲတွင် ငတ်ပြတ် နေရသူများ၊ မျက်ရည်နှင့် နေရသူများ၊ အဖမ်းခံရပြီး ထိုင်း၊ မလေးရှား ရဲများ၏ ငွေထပ်ညှစ် ခံရသူများ ..ဇာတ်လမ်း များစွာ ရှိပါသည်။

အတိတ်ကာလက စစ်အစိုးရကြောင့် ထိုလူပွဲစားများ တရားဝင် လုပ်ငန်းကဲ့သို့ ရန်ကုန်တွင် ပေါများလှပါသည်။ မိမိ အမြတ် များစွာနှင့် ပို့လိုက်သော လူများ တစ်လ၊ နှစ်လအတွင် အလုပ်ကောင်း ရပါက ထို လူပွဲစား အလွန် မျက်နှာရပြီး နောက်ထပ် လူများစွာ ထပ်ပို့ ရသောကြောင့် ငွေအရမ်း ရွှင်ပါသည်။ အများ အားဖြင့် ပို့လိုက်သော သူများမှာ လိမ်မာ သူများဖြစ်ပါမှ ၆လလောက်၊ တစ်နှစ်တွင် အဆင်ပြေ၊ အကြွေး ကျေကြသည်။

ထိုင်းနိုင်ငံသွားလုပ်သူများမှာ မလေးရှားလောက် ပွဲခမပေးရ။ မြန်မာကျေးရွာတိုင်းလိုလိုပင်၊ ထိုင်း၊ မလေးရှား မရောက်ဖူးသော လူငယ် မရှိသလောက် ဖြစ်နေသည်။

၃။ တရားဝင်အလုပ်များ
တရားဝင် လူကိုလူလိုမဆက်ဆံသည့် ငရဲကျမည့်လုပ်ငန်းတစ်ခုမှာ အိမ်အကူ (အိမ်ဖေါ်) လူပွဲစားဖြစ်သည်။ စင်ကာပူတွင် တရားဝင် မြန်မာအိမ်ဖေါ် ၄သောာင်းခန့်ရှိသည်ဟု ဆိုသည်။ ထိုင်းနှင့်ဗီယက်နမ်များ သူတို့နိုင်ငံတွင် အမျိုးသမီးတစ်ဦး တစ်လဒေါ်လာ ၂၀၀ခန့်လစာရရှိသောကြောင့် အိမ်ဖေါ်မလုပ်ကြပါ။ ဖိလစ်ပိုင်၊ အင်ဒိုနီးရှားနှင့် မြန်မာ အမျိုးသမီးငယ်များ လာရောက်လုပ်ကိုင်ကြသည်။ ပွဲစားများပွဲခများစွာတောင်းခြင်း (၆လ၊ တနှစ် အခမဲ့လုပ်ပေးရခြင်း) နှင့် အိမ်ဖေါ်ဘဝ မိန်းကလေးတို့ဘဝကို ရေးမပြလိုတော့ပါ။ အဆိုးဝါးဆုံး လူပွဲစားဖြစ်သည်။

 

ယခု အစိုးရသစ်တွင် တရားဝင် အလုပ်လုပ်ခွင့်၊ ပတ်စပို့လုပ်ပေးခြင်းများ ရှိလာ သောကြောင့် ထိုင်း၊ မလေးရှား တရားဝင် လိုင်စင်ရ အေးဂျင့် (လူပွဲစား) လုပ်ငန်း ရှင်များ ပေါ်လာသည်။ ၁၀သိန်း ပေးပြီး ထိုင်းနိုင်ငံ (၅သိန်း)၊ မလေးရှား နိုင်ငံ (၁၀သိန်း) လစာနှင့် အခွင့် အရေးများ ဆွဲဆောင်ပြီး လူပွဲစား လုပ်နေကြသည်။ ရောက်ပြီး အဆင် မပြေ၊ ပြန်လာက အေးဂျင့်ကို တရားစွဲသည်။ အလုပ်သမား ဝန်ကြီးဌာန ကို တိုင်ကြားသည်။ ရှုပ်ထွေးနေပါသည်။

 

နောက်တဆင့်မြင့်သော အလုပ်သမား အေးဂျင့် (လူပွဲစား)များမှာ စင်ကာပူ နှင့် ဒူဘိုင်း (အရှေ့ အလယ်ပိုင်း နိုင်ငံများ) သို့ တရားဝင်ပို့ပေးခြင်းဖြစ်သည်။ မြန်မာ များထက် ဦးစွာ ပထမ ဖိလစ်ပိုင်၊ တရုပ်၊ အိန္နိယ၊ ဘင်္ဂလားဒေ့ခ်ျ နိုင်ငံ လူပွဲစားများက လုပ်စား နေသည်မှာ ကြာပြီဖြစ်သည်။ ယခုခေတ် ၂၀၁၄ အထိ တရားဝင် လူပွဲစားများမှာ လုပ်စား၍ ကောင်းနေ ဆဲဖြစ်သည်။

 

အမျိုးသား အလုပ်သမား အဆင့် (ပညာတတ်ရန်မလို) ပွဲစားခ ကျပ် ၂၅သိန်းပေးရပြီး၊ လစာ ကန်ဒေါ်လာ ၄၀၀ခန့်မျှနှင့်၊ အချိန်ပို တစ်နာရီ တစ်ဒေါ်လာ အလုပ်များ ဖြစ်သည်။ အမျိုးသမီး အလုပ်သမားများ အတွက် လူအိုရုံများ၊ ဆေးရုံ အကူများ၊ အိမ်ဖေါ်များ လစာ ကန်ဒေါ်လာ (၃၀၀)ခန့် နေစရိတ်၊ စားစရိတ်ငြိမ်း ဖြင့် အကျယ်ချုပ် ခေတ်သစ် ငွေဝယ်ကျွန် များဖြစ်သည်။

 

ပညာတတ်သော မြန်မာလူတန်းစားအတွက် လစာကောင်းသည့် အလုပ်များကို အေးဂျင့် (လူပွဲစား) များက ရှာဖွေ ပေးသည်။ ဘွဲရ၊ အင်္ဂလိပ် စကား တတ်သော်လည်း မိမိဖာသာ ကျပ်၅သိန်းခန့် အကုန်ခံပြီး အလုပ်လာ မရှာလိုသူများ ကျပ်သိန်း ၃၀၊ သိန်း၄၀ လူပွဲစားခ ပေးပြီး တရားဝင် အလုပ်များကို ရှာကြသည်။ ပညာမတတ် သူများ လုပ်သည့် သင်္ဘောကျင်း၊ ဆောက်လုပ်ရေး၊ ရေနံဓါတု စက်ရုံများ တွင် အလုပ်ကြမ်း မလုပ်ချင် သူများ အဲယားကွန်း နှင့်စက်ရုံ အလုပ်များ ဖြစ်သည်။ လူပွဲစားခ သိန်း၄၀ခန့်ပေးရပြီး၊ အလုပ်ကို တစ်လ၊ နှစ်လ ဟန်ပြခန့်ပြီး မကြိုက်ဟု ဆိုကာ အလုပ်ဖြုတ် ခံလိုက်ရသည့် ပွဲခရှုံးသွားသူ မြန်မာလူငယ် များစွာ ရှိသည်။ လူပွဲစား အေးဂျင့်များ ရှာပေးသော အလုပ်သည် အများအားဖြင့် လစာ ကန်ဒေါ်လာ ၁၀၀၀ခန့်သာ ရပြီး၊ တောက်တို မယ်ရ အလုပ်များ သာဖြစ်သည်။ 

 

မြန်မာလူပွဲစားများ ရက်စက်ကမ်းကုန်ပုံများကို ရေးလို့ မကုန်ပါ။ မြန်မာအလုပ်သများများကလည်း ပွဲစားခငွေများကို တတ်နိုင်သမျှ အကုန်မပေးပဲ လူလည် ပြန်ကျကြသည်။ သဗွတ်အူ ရိုက်နေသော လူပွဲစား လောကဖြစ်သည်။ ထို့ကြောင့် ကျနိုပ် စင်ကာပူတွင် နှစ်ပေါင်းများစွာ နေစဉ် လူပွဲစားဖြင့် အလုပ်လာ လုပ်သူ အများစုမှာ အဆင် မပြေကြ၊ နိုင်ငံခြား ငွေဝယ်ကျွန် လာခံပြီး စုဆောင်း နိုင်သူများက မြန်မာပြည် အပြီးပြန် သွားကြသည်။ မစုဆောင်း နိုင်သူများက နှစ်ပေါင်း များစွာ လစာနဲနဲဖြင့် လူမွှေး မပြောင်ဖြစ်ရသည်။ လူပွဲစားဖြင့် ပင်ပမ်းစွာ လုပ်ပြီး ကြိုးစား၊ ဖြောင့်မတ်စွာဖြင့် မိမိကိုယ်ကို အားကိုး၊ အလုပ်သစ် ရှာဖွေနိုင် သူများမှာ နိုင်ငံခြားတွင် အဆင်ပြေ လာပြီး၊ မိသားစုပါ ခေါ်နိုင် လာသည်ကို တွေ့ရပါသည်။

 

● ဘာကြောင့် လူပွဲစားကုမ္ပဏီဟု ခေါ်ရသနည်း

ခပ်ရှင်းရှင်း ပြောရလျှင် လူကိုလူလို မဆက်ဆံသော စနစ်ကြောင့် လူပွဲစားများ ပေါ်ပေါက်လာရသည်။ မြန်မာနိုင်ငံ၊ နေပြည်တော်တွင် တရားဝင်မှတ်ပုံတင်ထားသော အလုပ်သမား ပြည်ပအလုပ်ကိုင် ရှာဖွေရေး အေးဂျင်စီ ဆိုသောကုမ္ပဏီ အားလုံးနီးပါး (၉၀%)ကို လူပွဲစားဟု အမည် တပ်လိုသည်။ ဥပမာ စင်ကာပူ အစိုးရက မြန်မာ အလုပ်သမား များကို အေးဂျင့်ခ စင်ကာပူ ဒေါ်လာ ၁၈၀၀ ထက်မယူရန် တားမြစ် ထားသော်လည်း၊ မြန်မာ ကုမ္ပဏီ များက ဒေါ်လာ၃၀၀၀ ယူပြီး၊ စင်ကာပူမှ အေးဂျင့်နှင့် ပေါင်း စားသည်။ စင်ကာပူ အလုပ်ရှင် ကုမ္ပဏီဝန်ထမ်း များကလည်း မြန်မာ အလုပ်သမား ဆို နှိမ်သည်။ ယခု အစိုးရသစ် တက်လာ သောအခါမှ မြန်မာ အလုပ်သမားများ အနှိမ်ခံခြင်းမှ လွတ်မြောက် လာသည်။

 

ထိုလူပွဲစား ကုမ္ပဏီပိုင်ရှင်များသည် သူများဦးခေါင်းကို ဖေါက်၊ ဦးနှောက်ဖေါက်စားသူများဖြစ်သောကြောင့်၊ ဝင်ငွေ ကောင်းသော်လည်း ဘဝအဆင် မပြေကြပါ။ မှောင်မိုက် တန်ခိုး၊ ဝိညာဉ်ဆိုး များကို သူတို့အား ကြီးစိုးပြီး၊ စိတ်မချမ်းမြေ့မှု များဖြင့် အဆုံးသတ်ရသည်။ မြန်မာပြည်တွင် လူပွဲစား လုပ်သော အစိုးရထံ တရားဝင် မှတ်ပုံတင်ထားသည့် ကုမ္ပဏီများသည် နေ့မြင် ညပျောက်ဖြစ်သည်။ အဆင်မပြေ သူများက တိုင်တော သူများကြောင့် လိုင်စင်ပြုတ်သွားပြီး၊ နာမည်အသစ်ဖြင့် လိုင်စင် အသစ် ထပ်လျှောက်နှင့် ပူပင်နေရသည်။ ဝဋ်ဆိုသည်မှာ ဒီဘဝမှာပင် လည်ပါသည်။ မိမိသည် လူပွဲစား ဖြစ်ခဲ့ဖူးပါက မိဘကို လုပ်ကျွေးသော လူကောင်း သူကောင်းများ မိမိကြောင့် ဒုက္ခ မရောက်အောင် များစွာ ဆင်ချင်ရပါသည်။ လူကုန် ကူးခြင်းသည် လူမဆန်သော၊ ခွင့်လွှတ်၍ မရနိုင်သော ပြစ်မှုဖြစ်သည်။ လူကုန် ကူးသူများ မျက်စိတွင် လူကို ငွေဟုသာ မြင်သည်။ 

 

မြန်မာနိုင်ငံ အလုပ်သမားဝန်ကြီးဌာနနှင့် စင်ကာပူအစိုးရ၊ ကုမ္ပဏီကြီးများ သဘော တူညီချက်ဖြင့် လူပွဲစား ကုမ္ပဏီများ ပပျောက်သွားအောင် လုပ်နိုင်သည်။ အစိုးရနှင့်အစိုးရ စနစ်တကျ လုပ်ဆောင်ပါက မြန်မာ အလုပ်သမားများ တန်ရာတန်ကြေးရရှိပြီ၊ မြန်မာချင်း အနိုင်ကျင့်ခံရမှု၊ နိုင်ငံခြားသားက အနိုင်ကျင့်ခံရမှု တစ်နှစ်အတွင်း ပပျောက် သွားနိုင်သည်။ အကျင့်ပျက် များစွာ ရှိနေသော မြန်မာ အစိုးရဌာန

များနှင့် မြန်မာ လူမျိုးများ လူပွဲစား ကုမ္ပဏီများ၊ နောက်ဆုံး အလုပ်သမား ကိုယ်တိုင်က စိတ်ဓါတ် မကောင်းသေး သောကြောင့် ချက်ချင်း ပပျောက်ရန် မလွယ်ပါ။ မည်သို့ပင် ဖြစ်စေ။ စင်ကာပူ၊ မလေးရှား၊ ထိုင်း နိုင်ငံများတွင် နှစ်ပေါင်းများစွာ အလုပ်လုပ်ခဲ့သူ မြန်မာများစွာ ရှိနေခြင်းသည် အမြတ်ဖြစ်သည်။ ထိုသူများ ပြည်တွင်းတွင် ပြန်ရောက်လာပါက နိုင်ငံ ပြုပြင် ပြောင်းလဲရေး အရှိန်အဟုန် မြင့်လာပါမည်။

 

● ပြည်တွင်းမှ အလုပ်သမား၊ လယ်သမားများ

မြန်မာပြည်သည် လစာနှင့် လူနေမှုစရိတ် မျှတရန် လိုအပ်သည်။ အလုပ်ရှင်များက အလုပ်သမား များကို ထိုက်သင့်သော အခကြေးငွေများ ပေးရမည်။ လယ်သမား၊ အလုပ်သမား များသည် အလုပ်အကိုင် အခွင့်အရေး မရှိသောကြောင့် အလုပ်ရှင်၊ လယ်ရှင်က ပေးသော လက်ခစား ဈေးနှင့်ပင် လုပ်ကိုင်ရသည်။ စက်မှု၊လက်မှု လုပ်ငန်း များတွင်လည်း နေ့စား အလုပ်များဖြင်သာ လုပ်ကိုင် နေရသည်။ အလုပ်သမား ဝန်ကြီးဌာန၊ စိုက်ပျိုးရေး ဝန်ကြီးဌာန နှင့် အခြားဝန်ကြီး ဌာနများစွာတို့တွင်လည်း ပုဂ္ဂလိက ကုမ္ပဏီလုပ်ငန်း စနစ်တကျ မဖြစ်သေးပေ။ ပုဂ္ဂလိက ကုမ္ပဏီများသည် မြန်မာနိုင်ငံ မြို့နယ် အသီးသီးတွင် အလုပ်သမား များအား မိမိတို့စိတ်ကြိုက် လုပ်ခ၊ လစာ ပေးနေကြသည်။ အလုပ်အကိုင် အလွန် ရှားပါးလှသဖြင့် အလုပ်သမား များဖက်မှ ရသင့်သော အနိုမ့်ဆုံးလစာ မရရှိသေးပါ။ လစာနှင့် စားဝတ်နေရေး လောက်ငှအောင် စာသောက်၊ အဝတ်ထည်၊ နေအိမ် ဈေးနှုန်းများကို ပြည်တွင်း ဖြစ်များဖြင့် တန်ဖိုး နည်းအောင် အစိုးရက ဆင်းရဲမွဲတေမှု ပပျောက်ရေး စီမံကိန်းကို ရေရှည် စီမံကိန်းဖြင့် အောင်မြင် စေရမည်။ အသေးစားနှင့် အလတ်စား SME small & medium enterprise ကုမ္ပဏီများကို မြှင့်တင်ပေးရန် လက်ရှိ အစိုးရသစ်သည် ကြိုးစား နေဆဲဖြစ်သည်။ ပြည်တွင်း အခွန်ကောက် လုပ်ငန်းမှာ နယ်စပ်၊ သင်္ဘောဆိပ် များတွင် သွင်းကုန်၊ ထုတ်ကုန် များကို လျှင်မြန်၊ တိကျသော အခွန်စနစ် ရှိလာပါက မကြာမီ ကုမ္ပဏီများ အလုပ်အကိုင် ကောင်းလာမည်။ ထိုအခါ လစာများ မင့်လာမည်။ ယခုအခါ အစိုးရကလည်း အနိုမ့်ဆုံးလစာကို မသတ်မှတ်ပေးသေး။ မြို့နယ်၊ ပြည်နယ်/တိုင်း အလိုက် အနိုမ့်ဆုံးလစာ သတ်မှတ်မှု လိုသည်။

 

ပြည်တွင်း လယ်သမား၊ အလုပ်သမားများ အတွက် အဓိကမျှော်မှန်းသော အလုပ်အကိုင် များသည် Process Industry ဟုခေါ်သော လယ်ယာ၊ သစ်တော၊ ရေလုပ်ငန်း ထွက်ကုန်များကို ကုန်ချော ထုတ်လုပ်သော စက်ရုံများဖြစ်သည်။ ထိုလုပ်ငန်းများမှ အလုပ်သမား သန်းပေါင်း များစွာ အလုပ်ရမည်။ ကုန်ကြမ်းအဖြစ် နိုင်ငံခြားသို့ မတင်ပို့ပဲ၊ ကုန်ချောအဖြစ် တင်ပို့နိုင်မှ အလုပ်ကိုင် အခွင့်လမ်း ပေါများလာမည်။ ယခုအခါ နိုင်င်ခြား ရင်းနှီးမြှတ်နှံမှု အထည်ချုပ် စက်ရုံများတွင် မြန်မာ အမျိုးသမီးများစွာ လုပ်ကိုင် နေကြသည်။ ထိုင်းနိုင်ငံမှ လယ်ယာထုတ်ကုန် စက်ရုံ၊ စာသောက်ကုန် စက်ရုံများစွာ လာရောက် ရင်းနှီးမည့် အချိန်တွင် မြန်မာပြည်တွင် အလုပ်အကိုင် ပေါလာမည်။

 

● မှန်ကန်သော အလုပ်အေးဂျင့်

အမှန်တကယ် အလုပ်ရှာဖွေရေးအေးဂျင့်များမှာ ရန်ကုန်မြို့ရှိ သင်္ဘောသားအေးဂျင့်များဖြစ်သည်။ သူတို့သည် သင်္ဘောသားလက်မှတ် သင်တန်း၊ အမှန်တကယ် တက်ရသည်။ ၈လခန့် တက်ပြီး သင်္ဘောသားလက်မှတ်ရသည်။ အေးဂျင့်ခမပေးနိုင်ပါက စောင့်ဆိုင်းရသည်။ တစ်နှစ်ကျော် စောင့်ဆိုင်းပါက ပထမဆုံး အလုပ်ကို အနည်းဆုံး ကန်ဒေါ်လာ ၇၀၀ဖြင့် စတင်လုပ်ခွင့်ရသည်။ အချို့ မစောင့်နိုင်သူများ၊ ဆွေမျိုးများမှ ငွေထုတ်ပေးနိုင်သူများက ကန်ဒေါ်လာ ၂၅၀၀ (အစိမ်း၂၅ရွက်) ပေးပြီး လူပွဲစားနှင့် အလုပ်ရသည်။ မြန်မာသင်္ဘောသား အလုပ်ကိုင်ရှာဖွေရေးလုပ်ငန်းမှာ အများအားဖြင့် အေးဂျင့်ဟု ခေါ်ဆိုနိုင်သည်။

 

နိုင်ငံခြားရှိ အလုပ်ကိုင်ရှာဖွေရေး အေးဂျင့်ဆိုသူများမှာ အလုပ်သမားက လုံးဝပေးစရာမလိုပါ။ အလုပ်ရှင်က အလုပ်ခန့်ပြီး (၃)လ ကြာလျှင် အလုပ်ရှင်က အေးဂျင့်ကို တစ်လစာ အေးဂျင့်ခပေးပါသည်။ ထိုအေးဂျင့်စီများသည် ရေရှည်လုပ်ကိုင်သော ကုမ္ပဏီများဖြစ်သည်။

 

လူကုန်ကူးခြင်းကို တိုက်ဖျက်ရန် အထူးသဖြင့် မြန်မာပြည်အမျိုးသမီးငယ်များကို တရုပ်ပြည်၊ ယူနန်သို့ ရောင်းစားခံသည့်အရေးအား ဖမ်းဆီး၊ အပြစ်ဒဏ်ကြီးများ ချမှတ်သည့် ဥပဒေများ ပြဌာန်းခြင်းကို ကြိုဆိုပါသည်။ ထိုကိစ္စကိုလည်း မြန်မာပြည်တွင်းမှ ယောင်္ကျားကြီးများသည် မသိကျိုးကျွန်လုပ်မလုပ်သင့်ပါ။ တစ်ခါက မလေးရှားနိုင်ငံတွင် အခြားလူမျိုးနှင့် ချစ်ကြိုက်အတူနေသည့် မိန်းကလေးတစ်ဦးကို မြန်မာယောင်္ကျားများက ရိုက်နှက်ဆုံးမသည်ကို ဗီဒီယိုရိုက်က အင်တာနက်တွင် ဖြန့်ချိခဲ့ခြင်းမျိုး အင်အားသုံး၊ အနိုင်ကျင့်ဖြေရှင်းနည်း မလုပ်သင့်ပါ။ ကလေးမ ငယ်ရွယ်လွန်းသူကို မတရားကျင့် သတင်းပုံများ၊ ပြည့်တံဆာအဖြစ် အသက်မွေးသော မြန်မာမိန်းကလေးများ၊ စသည့်သတင်းများသည် တကယ်အဖြစ်ပျက် များလွန်းနေ၍ ပေါ်လာရသည်။ မြန်မာမိန်းကလေးများကို မြန်မာအမျိုးသားများက ကာကွယ်စောင့်ရှောက်ရမည်ဖြစ်သည်။

 

စင်ကာပူတွင် တရားလာဟောသော ကနေဒါမှ မြန်မာလူမျိုး Rev. ဒေဗစ်လား ဟောပြောချက်တွင် မှတ်သားစရာတစ်ခု နားထောင်မိသည်။

 

သူ့အမျိုးသမီးသည် သူ့ကို အမြဲတမ်းစကားဖြင့် အနိုင်ယူလေ့ရှိသည်။ မိမိဇနီးသည်က မိတ်ဟောင်းမြန်မာအချင်းချင်း စကားပြောလျှင် အသံကျယ်လွန်းသောကြောင့် ရန်ဖြစ်ကုန်ပြီလားဟု ပြေးကြည့်သောအခါ ရယ်မော၊ အော်ကျယ် အားပါးတရပြောနေသည်ကို တွေ့ရသည်။ အေး..နင်တို့ကလည်း ဒါလောက်ကြီးလဲ အော်မပြောကြနဲ့လေ၊ ပတ်ဝန်းကျင်လဲ သတိထားပါဦး..ဟု ပြောသောအခါ ၊ ငါတို့က ပွင့်ပွင့်လင်းလင်း ပြောချင်တာ။ ရှင်..အစကတည်းက ဒါတွေကိုမသိဘူးလား..ဟု ပြန်ပြောခံရသဖြင့် မိန်းမများကြားမှ အမြန်ထွက်ရသည်။ ဘုရားကျောင်းသွားခါနီးဆိုလျှင် သူ့ကို မကူညီပဲ၊ အချိန်နောက်ကျမှာစိုး၍ ကားဒရိုင်ဘာခုံပေါ်ထိုင်စောင့်သောအခါများတွင် ပိုပြောခံရသည်။ ခလေးနို့ဗူး၊ ခင်ပွန်းသည်စားဖို့၊ ဝတ်ဖို့အထုပ်အထည်များဖြင့်ကို ကားပေါ်ပစ်တင်ပြီး ဆူလေတော့သတည်း။ ဇနီးသည်အတွက် ဘုရားသခင် ပြောင်းလဲပေးပါရန် ဆုတောင်းရသည်။ နောက် ကြာလာသောအခါမှ ဘုရားက မိမိကို စကားပြောသည်။ သူများကို ပြောင်းလဲစေရန် ဆုတောင်းခြင်းဖြင့်လဲ မရပါ။ မိမိကိုယ်ကို ပြောင်းလဲရန် ဦးစွာဆုတောင်း၊ လုပ်ဆောင်ရမည်ဟု သိလာပါသည်။ ယောင်္ကျားသည် ပေးဆပ်သော Giver သူဖြစ်ပြီး၊ မိန်းမသည် ယူသောသူ Receiver ဖြစ်သည်။ ယောင်္ကျားပေးသော မျိုးစေ့ကို မိန်းမက လက်ခံပြီး လူ့မျိုးဆက် သန္ဓေတည်ရသည်။ မိန်းမ နှုတ်တင်း နေပါက ဘာကြောင့်လဲဟု စဉ်းစားပါလျှင် ယောင်္ကျားက ဘာပေးခဲ့သလဲ ဆိုသည့်အပေါ်တွင် မူတည်သည်။ မိန်းမက ဝင်ငွေရှာဖွေသော်လည်း ယောင်္ကျားသည် အိမ်ထောင်ဦးစီးပင်ဖြစ်သည်။ နောက်ပိုင်း မိမိကစပြီး ပြောင်းလဲမှုများကို လုပ်လာသောအခါ ဇနီးဖြစ်သူလည်း တဖြေးဖြေး ပြောင်းလဲလာပါသည်။ ကိုယ်က အကောင်းဆုံးပေးလျှင် ကိုယ့်မိန်းမကလည် အကောင်းဆုံးပြန်ပေးပါသည်။ မိန်းမ မကောင်းကြောင်း လိုက်ပြောနေသော ယောင်္ကျားများသည် ကိုယ့်မိန်းမအကြောင်း ကောင်းကောင်း နားမလည်သေးသောကြောင့်သာ ဖြစ်ရမည်။ မိန်းမနှင့်ယောင်္ကျားသည် တစ်လုံးတစ်ဝတည်းဖြစ်သောကြောင့် မိန်းမ မကောင်းကြောင်း ပြောပါက မိမိမကောင်းကြောင်း ပြောခြင်းနှင့် အတူတူဖြစ်သည်ဟု ဆရာဒေးဗစ်လား ဟောကြားသည်ကို နားထောင်ရသည်။ 

 

● မြန်မာအမျိုးသားများတာဝန်

နိုင်ငံတစ်ခု တိုးတက်ရန်အတွက် အဓိကလိုအပ်သည်မှာ လူသားအရင်းအမြစ် Human Resource ဖြစ်သည်။ သယံဇာတ အလွန်ကြွယ်ဝသော အာဖရိကတိုက်မှာ ကွန်ဂိုနိုင်ငံကဲ့သို့ လူလူခြင်းစာနာမှုကင်းမဲ့သော စစ်အာဏာရှင်များအုပ်ချုပ်မှုကြောင့် ကမ္ဘာ့အဆင်းရဲဆုံး၊ လာဘ်အစားဆုံး နိုင်ငံဖြစ်ရသည်။ ကွန်ဂိုနိုင်ငံသားများမှာ အမျိုးသမီးနှင့်ကလေးများကို စာနာမှုမရှိ၊ သယံဇာတများကို ရောင်းစား၊ အကျင့်ပျက်၊ အာဏာ၊ လက်နက်နှင့် ငွေရှိသူများက အနိုင်ကျင့်နေသောကြောင့် ဝမ်းနည်းဖွယ် ဖြစ်ရသည်။

 

အမေရိကန်နိုင်ငံသို့ နည်းမျိုးစုံ တရားမဝင်၊ လူကုန်ကူးသောဂိုဏ်များကြောင့် စားသောက်ဆိုင်၊ ကုန်ထုတ်လုပ်ငန်းများတွင် နှစ်ပေါင်း ၁၀၊ ၂၀ အခကြေးမရပဲ လုပ်ပေးနေရသူများရှိပါသည်။ ဂိုဏ်ဖြင့်ချုပ်နှောင်ထားပြီး ထွက်ပြေးပါက၊ ဥပမာ တရုပ်ပြည်မှဖြစ်လျှင် တရုပ်ပြည်တွင်ကျန်ရစ်သော ဇနီး၊ သားသမီးဆွေမျိုးများကို သတ်ဖြတ်သည်။ အခြားလူကုန်ကူးခံရသူများ ထွက်မပြေးရန် ဂိုဏ်းဖွဲ့လုပ်ဆောင်ခြင်းဖြစ်သည်။ အချို့လည်း မူရစ်ဆေးဝါး အခမဲ့ပေးကမ်းခြင်းဖြင့် မူးရစ်ဆေးစွဲစေပြီး၊ နောက်ပိုင်း ဆေးစွဲ၊ အလုပ်လက်မဲ့ဖြစ်သွားသောအခါ မူရစ်ဆေးရောင်းခိုင်းသည်။ သယ်ခိုင်းသည်။ ရဲဖမ်း၍ မိသောအခါ လူကုန်ကူးခံရသူသည် ထောင်ကျသွားရှာသည်။ ထိုထက်မက ဆိုးသော ဓါးပြ၊ မာဖီးယားဂိုဏ်များလည်း လူကုန်ကူးခြင်းကို လုပ်သည်။ ထို့ကြောင့် ဂိုဏ်ဖွဲ့လူကုန်ကူးပါက ပြစ်ဒဏ်ကြီး ထောင်အနှစ်၂၀အထက်၊ သတ်မှတ်ထားသည်။

 

မြန်မာအမျိုးသမီးများကို မြှင့်တင်ရန် အမျိုးသားများက တာဝန်ရှိပါသည်။ လူကုန်ကူးမှုတိုက်ဖျက်ရန်လဲ မြန်မာနိုင်ငံသား ယောင်္ကျားများတွင် အဓိကတာဝန်ရှိသည်။ ယောင်္ကျားများသည် ချမ်းသာလျှင်ပျက်စီးလေ့ရှိပြီး မိန်မများသည် ဆင်းရဲလျှင် ပျက်စီးတတ်သည်ဟု ဆိုကြသည်။ ဆင်ရဲမွဲတေသော မြန်မာစစ်အစိုးရလက်ထက်တွင် မိန်းမများ ရောင်းစားခံရခြင်းသည် မထူးဆန်းလှပါ။ ထိုင်း၊ မလေးရှား၊ စင်ကာပူ စသည်အိမ်နီးချင်း နိုင်ငံများတွင် ငွေကြေးအတွက်၊ အလုပ်လုပ်ရင်း တယ်လီဖုန်းလှလှလေး ရဖို့အတွက် မိမိခန္တာကိုယ်ကို ညစ်ညမ်းစေရန် ဝန်မလေးသော မြန်မာမိန်းမများကို တွေ့ရသည်။ ယောင်္ကျားဖြစ်သူ၏ စာရိတ္တကောင်းပါမှ ဇနီး၊ သားသမီးများနှင့် အခြားအမျိုးသမီးများ ထိုဘေးဒုက္ခများမှ လွတ်မည်။

 

မြန်မာနိုင်ငံတော်အစိုးရက လူကုန်ကူးသော လူပွဲစားများအား အရေးယူပြီး မှန်ကန်သော အေးဂျင့်ကုမ္ပဏီများကို အားပေးရမည်။

 

● မြန်မာပြည်တွင် အလုပ်အကိုင်များဖေါ်ထုတ်ရမည်

– လွန်ခဲ့သော ၂နှစ်က ပြိုလဲသွားသော SME အသေးစား၊အလတ်စား စီးပွားရေးများကို လာမည့်၂၄လ ဦးစားပေးမည်ဟု သမ္မတကပြောသည်။

– အလုပ်အကိုင်၊ အခွင့်အလမ်းများကို နိုင်ငံခြားသားများ ရင်နှီးမြှတ်နှံလာရန်

– အစိုးရမှ အထည်ချုပ်၊ စားသောက်ကုန်လုပ်ငန်းကဲ့သို့ ကုန်ချောတင်ပို့လုပ်ငန်းများ၊ မြန်မာပြည်သို့လာရောက်ရင်းနှီးစေရမည်။ ထိုင်းကုမ္ပဏီများနှင့်လုပ်နိုင်မှ ဈေးကွက်လဲရမည်။

– အလုပ်အကိုင် မဖေါ်ထုတ်ပေးနိုင်လျှင် လူကုန်ကူးသူများအတွက် အထူးသဖြင့် အိမ်ဖေါ်လုပ်ငန်း၊ တရုပ်ပြည်မိန်းမရောင်းစားခြင်း များကို မြင်တွေ့နေရဦးမည်ဖြစ်သည်။

 

● လူကုန်ကူးခြင်း မြန်မာပြည်တွင် အဆုံးသတ်ပြီးနောက်

စီးပွားရေးကုမ္ပဏီကြီးများကို သန့်ရှင်းသောအစိုးရ (စာရိတ္တကောင်းသောအစိုးရ)မှ အခွန်မှန်ကန်စွာ ကောက်နိုင်ပြီး၊ ဥပဒေစိုးမိုးသည့် နိုင်ငံဖြစ်လာမည်။ အခွန်ငွေကို ဘတ်ဂျတ်ခွဲဝေပြီး၊ အကောင်းဆုံး သုံးစွဲနိုင်မည်။ လူလတ်တန်းစား၊ များပြားလာစေရမည်။ အစိုးရဝန်ထမ်းမှာ လူလတ်တန်းစားအဖြစ် စားဝတ်နေရေး လုံလောက်သဖြင့် အဂတိလိုက်စားမှုနည်းလာမည်။ စာရိတ္တကောင်းသော ကျောင်းဆရာ၊ ဆရာမများဖြင့် ပျိုးထောင်ရမည်။ အတန်းပညာနှင့်အတူ၊ စာရိတ္တပညာ ပူးတွဲသင်ကြားကြမည်။ စာရိတ္တကောင်းသော နိုင်ငံခေါင်းဆောင်များ အုပ်ချုပ်သည့် မြန်မာနိုင်ငံတွင် စာရိတ္တပညာကို လက်ရှိမြန်မာခေါင်းဆောင်များမှ တဆင့် အစိုးရဝန်ထမ်းများ၊ ကျောင်းဆရာ၊ဆရာမများထံရောက်မည်။ တိုးတက်မှုကို စာရိတ္တကောင်းသူများအားဖြင့် မှန်ကန်စွာစစ်တမ်းကောက်ပြီး၊ ယမန်နှစ်နှင့်ယခုနှစ် ကဏ္ဍအသီးသီးကို နှိုင်းယှဉ်မည်။ အခြားနိုင်ငံများနှင့် မနှိုင်းယှဉ်ပါ။ ဖြစ်နိုင်သော အမိန်ဥပဒေ၊ ဖြစ်နိုင်သော စီမံကိန်းများကိုသာ လုပ်ဆောင်မည်။ သို့ဖြင့် နှစ်အနည်းငယ်အတွင်း မြန်မာပြည်တွင် စာရိတ္တကောင်းသူ၊ တတ်သိပညာရှင်အများစု အုပ်ချုပ်သော အစိုးရအဖြစ် ကမ္ဘာနိုင်ငံများက ယုံကြည်၊ လေးစားလာကြမည်ဖြစ်သတည်း။

သရုပ်ဖေါ်ကာတွန်း – ဝေယံတောင်ကြီး ဖေ့ဘုတ်မှ ဖြစ်သည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်