အတိုက်အခံပါတီများ၏ လစ်လျူရှုထားခြင်းခံရသော သမီးကလေးကျေးရွာ (Tu Maung Nyo)

February 10, 2014

အတိုက်အခံပါတီများ၏ လစ်လျူရှုထားခြင်းခံရသော သမီးကလေးကျေးရွာ

တူမောင်ညို (၂၀၁၄ ခုနှစ်၊ ဖေဖေါ်ဝါရီလ ၁၀ ရက်)

 သမီးကလေးကျေးရွာကို အစိုးရအုပ်ချုပ်ရေးပိုင်းက အဓမ္မဝင်ရောက်ဖျက်ဆီးပစ်ခဲ့ခြင်းဟာ အကြမ်းဖက်မှုဖြစ်ပါတယ်။

တောင်ပေါ်မြေပြန့်မကျန် ပေါ်တာဆွဲ၊ လူသတ်၊ မုဒိန်းကျင့်၊ ရွာမီးရှို့ခဲ့ကြသူများအတွက်တော့ သာမန်လုပ်ရိုးလုပ်စဉ်မျှသာဖြစ် ပါတယ်။ ဒီလိုအကြမ်းဖက်မှုမျိုးစုံနှင့်လက်ယဉ်နေသော အုပ်စိုးသူများအဖို့ မြို့ပေါ်က အိမ်ယာဖြိုဖျက်သည့်ကိစ္စများသည်  ငှက်ပျောသီး အခွံနွှာစားတာလောက်သာရှိပါလိမ့်မယ်။

 အနိမ့်ဆုံးအားဖြင့် ကျူးကျော်နေထိုင်သူတွေပဲဖြစ်နေပါစေ၊ ယခုကဲ့သို့ အတင်းအဓမ္မအကြမ်းဖက် ဖျက်ဆီးဖယ်ရှားမှုမျိုး လုံးဝ မလုပ်သင့်ပါဘူး။ ပထမအဆင့်အားဖြင့် လက်ရှိနေထိုင်သူများကို ဘာကြောင့်ရွှေ့ပြောင်းပေးရမည်ဆိုတာကို  အကျိုးသင့်အကြောင်းသင့် ရှင်းလင်းညှိနှိုင်းဆွေးနွေးရပါမယ်။ ယင်းနောက် လုံလောက်တဲ့အချိန်တစ်ခု ညှိနှိုင်းသတ်မှတ်ပေးပြီး အခြားသင့်တော်ရာ နေရာတစ်ခုတွင် စနစ်တကျ ရွှေ့ပြောင်း နေရချထားမှုပြုလုပ်ပေးရပါမယ်။ ယခုတော့ သမီးကလေးကျေးရွာဖျက်ဆီးမှုဟာ  ရန်သူ့စခန်းသိမ်းပိုက်သလိုပဲ၊ ရမ်းရမ်းကားကား ရိုင်းရိုင်းစိုင်းစိုင်းပြုမူ တာဖြစ်ပါတယ်။ တောင်ပေါ်တိုင်းရင်းသားဒေသတွေမှာ ဘယ်လောက်ထိ အကြမ်းဖက်ရမ်းကား ရိုင်းစိုင်းခဲ့ကြမလဲဆိုတာ တွေးတောကြည့်လျှင် အရှင်းသားမြင်နိုင်ပါလိမ့်မယ်။

 အခုတော့ စီးပွားရေးလုပ်ငန်းရှင်များက ရောင်းချလိုက်လို့၊ တပ်မတော်ပိုင်မြေနေရာနဲ့ မလွတ်ကင်းလို့ဆိုတဲ့ အကြောင်းပြချက် လောက်သာပြပြီးအဓမ္မအကြမ်းဖက်ဖျက်ဆီးနှင်ထုတ်ပစ်တာဟာ ရိုင်းစိုင်းကြမ်းကျုတ်တဲ့ အကြမ်းဖက်မှုသာဖြစ်ပါတယ်။

ဒါ့အပြင် အိုးမဲ့အိမ်မဲ့၊ အခြေအနေမဲ့ဖြစ်သွားသူတွေအား  အခိုက်အတံ့အားဖြင့် ကယ်ဆယ်နေရာချထားပေးသူတွေနဲ့ မီဒီယာ ပိုင်းကလူတွေကို ရန်ပြု ခြိမ်းချောက်နေတာတွေဟာ ပိုပြီးအကျည်းတန်အရုပ်ဆိုးလှပါတယ်။

 ကျနော်တို့ အစိုးရဟာ “ပြည်သူ့အစိုးရဖြစ်နေပါပြီ၊ ပြည်သူတွေရွေးချယ်တင်မြှောက်ထားတဲ့ အစိုးရဖြစ်ပါတယ်။ ပြည်သူကို ဗဟိုပြုဆောင်ရွက်နေပါပြီ” လို့ သမ္မတဦးသိန်းစိန်ပါးစပ်က ဆီးမန်းမန်းသလို  ပြောနေတာတွေဟာ လိမ်ညာလှည့်ဖြားမှုသာဖြစ်ပါတယ်။  ယခုသမီးကလေးကျေးရွာအကြမ်းဖက်ဖျက်ဆီးမှု အပါအဝင် လက်တွေ့လုပ်ရပ်များက အဲဒီလိုပြောဆိုမှုတွေဟာ လိမ်ညာလှည့်ဖြားမှုတွေ သာဖြစ်ကြောင်း သက်သေခံနေပါတယ်။

 တာဝန်ယူတယ်၊ တာဝန်ခံတယ်ဆိုရင် တာဝန်ရှိရှိ၊ တာဝန်သိသိဆောင်ရွက်ပေးရပါ့မယ်။ အခုတော့ “ဥပဒေမဲ့ ကျူးကျော်ဝင် ရောက်နေထိုင်သူတွေ” ဆိုတဲ့ ဆိုင်းဘုတ်တပ်ပြီး ပြည်သူတွေကို အကြမ်းဖက်နေပါတယ်။ လှည်းကူးအမတ်မင်း ဦးဖြိုးမင်းသိန်း အနေ ဖြင့်လည်း ကျောခိုင်းနေဖို့ မသင့်တော်ပါဘူး။ အကြမ်းဖက်ဖျက်သိမ်းမှုနဲ့စပ်လျဉ်းပြီး လွှတ်တော်ထဲမှာ စတိဖြစ်ဖြစ် မေးခွန်းထုတ်သင့်ပါ တယ်။ 

            ဒီလိုအကြမ်းဖက်နေတာကို အတိုက်အခံပါတီများက တစ်ခွန်းတစ်ပါဒမျှ လေသံမဟပဲ။ လက်ပိုက်ကြည့်နေပါတယ်။ ဒါဟာ အကြမ်းဖက်မှုကို အားပေးထောက်ခံတာပါပဲ။ ခင်ဗျားတို့နေနိုင်ရက်တယ်ဗျာ။ ကျူထရံကာသက်ငယ်မိုးတဲကလေးပင်ဖြစ်နေပါစေ၊ သူ့ပိုင် ရှင် အတွက်တော့ ချိမြိန်သောအိမ်ပါပဲဗျာ။ ဒီအိမ်ကလေးတွေ ဖျက်ဆီးခံရတာဟာ သူ့တို့အတွက် ကြီးမားလှတဲ့ သောကနဲ့ ဒုက္ခပင်လယ် ဝေတာပဲ ဖြစ်ပါတယ်။ အဲဒီအိမ်ကလေးတွေမှာနေထိုင်ကြတဲ့ ကျောင်းသားကျောင်းသူကလေးများအဖို့ သူတို့ကမ္ဘာလေး ဖျက်ဆီးခြင်းခံရ တာဖြစ်ပါ တယ်။ ပြည်သူများရဲ့အေးချမ်းစွာနေထိုင်မှုကို စတင်ဖျက်ဆီးပစ်သူဟာ  အစိုးရအာဏာပိုင်များသာဖြစ်ပါတယ်။

            ခင်ဗျားတို့ဘာကြောင့်များ ဒီလိုအကြမ်းဖက်မှုကို ဝင်ရောက်မဟန့်တားကြတာလဲ။ ဝင်ရောက်ဟန့်တားဖို့ပျက်ကွက်ရတာလဲ။ (ဗိုလ်) ဦးသိန်းစိန် ကြံ့ဖွံ့အစိုးရ ငြိုငြင်မှာကို စိုးရိမ်လေသလား။ ကာချုပ်နဲ့ စစ်တပ်က အမျက်တော်ရှမှာကို ကြောက်ရွံ့နေလေသလား။

 ချင်းပြည်နယ်မှာ ဗိုလ်တဲမရလို့ ရဲရဲတောက်ခဲ့သူတွေ၊

နမ့်ဆန်လေယာဉ်ကွင်း ဆင်းခွင့်မရလို့၊တောင်ကြီး မီးပုံးပျံကွင်းမှာ ဟော ပြောခွင့်မရလို့ လက်သီးလက်မောင်းတန်းခဲ့သူတွေဘယ်ရောက်ကုန်ပြီလဲဗျာ။

သမီးကလေးကျေးရွာမှာနေထိုင်သူတွေဟာမြန်မာနိုင်ငံသား တွေဖြစ်ပါတယ်။ (ဗိုလ်) ဦးသိန်းစိန် ကြံ့ဖွံ့အစိုးရက “ဥပဒေမဲ့ ကျူးကျော် ဝင်ရောက်နေထိုင်သူတွေ” လို့ တံဆိပ်ကပ်လိုက်လို့ ခင်ဗျားတို့ မထိဝံ့မတို့ဝံ့တာလား။ အစိုးရ၊စစ်တပ်နဲ့ ခရိုနီများက တောင်သူများရဲ့မြေယာများကို အဓမ္မသိမ်းပိုက်နေတာတွေကလည်း ဥပဒေမဲ့ကျူး ကျော်သိမ်းပိုက်မှုတွေပဲမဟုတ်ပါလား။

 အကြင်အတိုက်အခံပါတီတစ်ရပ်သည် အစိုးရ၏ အကြမ်းဖက်မှုကို တားမြစ် ဟန့်တားခြင်းလည်းမလုပ်၊ ဝေဖန် ကန့်ကွက်ခြင်း လည်း မပြုဘူးဆိုရင် ထိုအတိုက်အခံပါတီသည် အစိုးရနှင့်အလိုတူအလိုပါပင်ဖြစ်သည်ဟု သတ်မှတ်ရပါလိမ့်မယ်။

 (Photo – Suu L Linn, MoeMaKa, Aftermath, village destroyed by Burmese armed forces)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

2 Responses to အတိုက်အခံပါတီများ၏ လစ်လျူရှုထားခြင်းခံရသော သမီးကလေးကျေးရွာ (Tu Maung Nyo)

  1. Maung Thant Sin on February 11, 2014 at 5:55 am

    (ဖေဖော်ဝါရီ ၄ ရက် နံနက်အစောပိုင်းက သမီးကလေးကျေးရွာအား သက်ဆိုင်ရာက ဖယ်ရှားရှင်းလင်းမှုများ ပြုလုပ်ခဲ့ပြီး အုပ်ချုပ်ရေးပိုင်းတာဝန်ရှိသူများနှင့် NLD လှည်းကူးမြို့နယ်
    ပြည်သူ့လွှတ်တော်ကိုယ်စားလှယ် ဦးဖြိုးမင်းသိန်းတို့က သမီးကလေးကျေးရွာမှာ ၂၀၁၃ ခုနှစ်အတွင်းမှ ပေါ်ပေါက်လာခြင်းဖြစ်သည်ဟု ပြောကြားခဲ့ကြရာ The Daily Eleven အယ်ဒီတာအဖွဲ့မှ စုံစမ်းမှုအရ ၂၀၀၀ ပြည့်နှစ်တွင် တည်ဆောက်ပြီးစီးခဲ့သည့် လဂွမ်းပြင် ရေလှောင်တမံစီမံကိန်း ကမ္ပည်းမော်ကွန်းတွင် သမီးကလေးကျေးရွာ အမှန်တကယ်တည်ရှိခဲ့သည်ကို တွေ့ရစဉ်)

  2. minko on February 14, 2014 at 8:02 am

    အတိုက်အခံ ပါတီမှ မရှိဘဲဗျာ- အတိုက်အခံ ပါတီများ၏ လစ်လှူရှူထားခြင်းခံရတယ်ဆိုတာကိုကမှားနေတယ်- သမတ ဖြစ် ရေး အတွက် အခြေခံ ဥပဒေပြင်ဘို့  အစွမ်းကုန် ကြိုးပမ်းနေတဲ့ ပါတီဆိုရင် မှန်ကောင်းမှန်မယ်- တခြားအရာတွေက သမတ ဖြစ်ရေးလောက် အရေးမကြီးဘူး- တနိုင်ငံလုံးပြာကျ သွားတောင် သမတ ဖြစ်ရေးလောက် အရေးမကြီးဘူးဗျ-

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

Junior Win ၏ My Life will go on (အင်္ဂလိပ်ဘာသာ၊ ရုပ်စုံ) စာအုပ် ထွက်ပါပြီ

By

  Junior Win ၏ My Life will go on...

Read more »

ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ

By

  ဒေါက်တာခင်မောင်ဝင်း(သချာင်္) ၏ ဂိမ်းသီအိုရီ – ၂ ထွက်ပြီ (မိုးမခ) ဇူလိုင်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်