မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် – ၅၅ – Aung Din

March 1, 2014

(ပြည်သူ့ခေတ်ဂျာနယ်၊ အတွဲ ၄၊ အမှတ် ၁၈၆၊ ဖေဖော်ဝါရီလ ၂၇ ရက်၊ ၂၀၁၄၊ စာမျက်နှာ ၁၈)

 

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် – ၅၅

အောင်ဒင်၊ ဖေဖော်ဝါရီ ၂၈၊ ၂၀၁၄


အပိုင်း (၅၅)
လွှတ်တော်နှင့် အစည်းအဝေးမတက်သော လွှတ်တော်ကိုယ်စားလှယ်များ (ခ)


# အမျိုးသားလွှတ်တော်မှ ပျက်ကွက်မှုများ

 

အမျိုးသားလွှတ်တော်ကိုယ်စားလှယ် တစ်ယောက်က ပြောဖူးပါတယ်၊ သူတို့လွှတ်တော်က ပြည်သူ့လွှတ်တော်ထက် ပိုပြီး ပွင့်လင်း၊ လွတ်လပ်တယ်တဲ့၊ လွှတ်တော်တွင်းအစည်းအဝေးတွေမှာတော့ ဖြစ်ကောင်းဖြစ်နိုင်ပါလိမ့်မယ်၊ ဒါပေမည့် လွှတ်တော်အစည်းအဝေးမှတ်တမ်းတွေကို အများပြည်သူသိရှိနိုင်အောင် ထုတ်ပြန်တဲ့ ပွင့်လင်းမြင်သာမှုမှာတော့ အမျိုးသားလွှတ်တော်ဟာ ပြည်သူ့လွှတ်တော်လို တာဝန်မကျေလှပါ၊ အမျိုးသားလွှတ်တော်မှာ ပြည်သူ့လွှတ်တော်လို ကိုယ်ပိုင် ဝက်ဆိုက်မရှိ၊ ကိုယ်ပိုင် လူမှုကွန်ယက် (Face Book or Social Media Network) မရှိ၊  အမျိုးသားလွှတ်တော်နဲ့ ပါတ်သက်တဲ့ မှတ်တမ်းတွေ၊ သတင်းတွေကို အများပြည်သူ သိရှိအောင် ထုတ်ပြန်ကြေညာခြင်း မရှိသေးပါ၊ အစိုးရသတင်းစာတွေမှာ ဖော်ပြတာတွေကလည်း အကျဉ်းချုံးသတင်းတွေပဲ ဖြစ်ပါတယ်၊ ဒါကြောင့်မို့ အမျိုးသားလွှတ်တော်ကိုယ်စားလှယ်များ အစည်းအဝေးပျက်ကွက်မှုကို စာရင်းဇယားနဲ့ အတိအကျ မဖော်ပြနိုင်ပါ၊ ဒါပေမည့် ရနိုင်သမျှအချက်အလက်များနဲ့ ခန့်မှန်းကြည့်ပါ့မယ်၊

 

ဖေဖော်ဝါရီလ (၁၀) ရက်နေ့က ကျင်းပတဲ့ ပြည်ထောင်စုလွှတ်တော်အစည်းအဝေးမှာ ကိုယ်စားလှယ်စုစုပေါင်း (၁၇၇) ဦး ပျက်ကွက်တယ်လို့ သိရပါတယ်၊ အဲဒီနေ့က တနင်္လာနေ့ပါ၊ အဲဒီနေ့မတိုင်ခင် ဖေဖော်ဝါရီလ (၇) ရက်နေ့ (သောကြာနေ့) က ကျင်းပတဲ့ ပြည်သူ့လွှတ်တော်အစည်းအဝေး (၁၂) ရက်မြောက်နေ့မှာ ပြည်သူ့လွှတ်တော်ကိုယ်စားလှယ် (၁၀၄) ဦး ပျက်ကွက်ခဲ့ပါတယ်၊ ဒါကြောင့် ဖေဖော်ဝါရီလ (၁၀) ရက်နေ့ ပြည်ထောင်စုလွှတ်တော်အစည်းအဝေးမတက်နိုင်တဲ့ ကိုယ်စားလှယ် (၁၇၇) ဦးထဲက (၁၀၄) ဦးဟာ ဖေဖော်ဝါရီလ (၇) ရက်နေ့ထဲက ပျက်ကွက်ခဲ့တဲ့ ပြည်သူ့လွှတ်တော်ကိုယ်စားလှယ် (၁၀၄) ဦးလို့ ယူဆရင် ကျန်တဲ့ ပျက်ကွက်သူ (၇၃) ဦးဟာ အမျိုးသားလွှတ်တော်ကိုယ်စားလှယ်များ ဖြစ်နိုင်ပါတယ်၊ လစ်လပ်နေရာ (၄) နေရာရှိလို့ အစည်းအဝေးတက်ရောက်ခွင့်ရှိသူ (၂၂၀) ဦးရှိတဲ့ အမျိုးသားလွှတ်တော်မှာ ဒီ ပျက်ကွက်မှုဟာ (၃၃) ရာခိုင်နှုံးဖြစ်ပါတယ်၊

 

ဖေဖော်ဝါရီလ (၁၁) ရက်နေ့မှာ ကျင်းပတဲ့ အမျိုးသားလွှတ်တော်အစည်းအဝေးကနေ ပြည်သူ့လွှတ်တော်က အတည်ပြုပြီး ပေးပို့လာတဲ့ “ပြည်ထောင်စုလွှတ်တော်ဆိုင်ရာ ဖွံ့ဖြိုးရေးရန်ပုံငွေဥပဒေကြမ်း” ကို ထောက်ခံမဲ (၉၇) မဲ၊ ကန့်ကွက်မဲ (၆၁) မဲ၊ ကြားနေမဲ (၁) မဲ နဲ့ အတည်ပြုတယ်လို့ The Myanmar Times သတင်းဋ္ဌာနက ဖော်ပြပါတယ်၊ အစည်းအဝေးကို တက်ရောက်မဲပေးသူ ကိုယ်စားလှယ်ပေါင်း (၁၅၉) ဦးရှိလို့ အဲဒီနေ့အစည်းအဝေးကို အမျိုးသားလွှတ်တော်ကိုယ်စားလှယ် (၆၁) ဦး တက်ရောက်ဖို့ ပျက်ကွက်ခဲ့တယ်လို့ ယူဆရမှာပါ၊ ဒါဟာဖြင့် တက်ရောက်ခွင့်ရှိသူ စုစုပေါင်းရဲ့ (၂၈) ရာခိုင်နှုံးဖြစ်ပါတယ်၊

 

အထက်ပါ အချက်အလက်နှစ်ခုကို အခြေခံပြီး အမျိုးသားလွှတ်တော်မှာလည်း နဝမအစည်းအဝေးသက်တမ်းအတွင်း၊ ဇန်နဝါရီလ (၁၃) ရက်နေ့ကနေ ဖေဖော်ဝါရီလ (၁၄) ရက်နေ့အထိ (၃၃) ရက်တာကာအတွင်း နေ့စဉ် ခွင့်တိုင်ပျက်ကွက်သူပေါင်း ပျမ်းမျှခြင်းအားဖြင့် (၆၀) ကျော်လောက်၊ အစည်းအဝေးတက်ခွင့်ရှိသူပေါင်း၏ (၂၇) ရာခိုင်နှုံးလောက်ရှိတယ်လို့ ခန့်မှန်းနိုင်ပါတယ်၊ များလှပါတယ်၊ ဘာကြောင့် အခုလို လွှတ်တော်ကိုယ်စားလှယ် အများအပြား အစည်းအဝေးတက်ဖို့ ရက်ပေါင်းများစွာ ပျက်ကွက်ကြရသလဲ ဆိုတာ စဉ်းစားစရာဖြစ်ပါတယ်၊ လွှတ်တော်အကြီးအကဲများကလည်း အခုလို လွှတ်တော်ကိုယ်စားလှယ်များ ရက်ပေါင်းများစွာ ခွင့်ယူပျက်ကွက်နေတာကို ဆက်လက် ခွင့်ပြုဖို့ သင့်၊ မသင့် စဉ်းစားဖို့ လိုအပ်နေပါတယ်၊

 

# ကျန်းမာရေး

 

ခွင့်တိုင်ကြတဲ့ လွှတ်တော်ကိုယ်စားလှယ် အများစု အကြောင်းပြကြမှာကတော့ “ကျန်းမာရေး” ပဲ ဖြစ်မယ်ထင်ပါတယ်၊ လွှတ်တော်ကိုယ်စားလှယ်ဆိုတာလည်း သွေးနဲ့ကိုယ်၊ သားနဲ့ကိုယ်မို့ နေထိုင်မကောင်းဖြစ်တတ်ကြမှာပါ၊ ကျန်းမာရေးအခြေအနေအရ တစ်ခါတစ်ရံမှာ ခွင့်ယူပျက်ကွက်တာ သဘာဝကျပေမည့် အစည်းအဝေး အစအဆုံး တစ်ခုလုံးမတက်နိုင်လောက်အောင် ကျန်းမာရေးချို့တဲ့နေမယ် ဆိုရင်တော့ စိုးရိမ်စရာဖြစ်ပါတယ်၊

 

လွှတ်တော်ကိုယ်စားလှယ်တစ်ယောက်မှာ ရှိရမည့် အရည်အချင်းတွေထဲမှာ ထည့်ရေးမထားပေမည့် အင်မတန်အရေးကြီးတဲ့၊ မရှိမဖြစ်တဲ့  အရည်အချင်းတစ်ခုကတော့ ကောင်းမွန်တဲ့ ကျန်းမာရေးပဲ ဖြစ်ပါတယ်၊ မဲဆန္ဒရှင်များကို ကိုယ်စားပြုတဲ့ လွှတ်တော်ကိုယ်စားလှယ်တစ်ယောက်မှာ မဲဆန္ဒရှင်များက နှင်းအပ်လိုက်တဲ့ ဥပဒေပြုရေးတာဝန်များကို လွှတ်တော်သက်တမ်း ငါးနှစ်အတွင်း ကျေပွန်စွာထမ်းဆောင်နိုင်ဖို့ လုံလောက် ကောင်းမွန်တဲ့ ကျန်းမာရေးအခြေအနေနဲ့ ကြံ့ခိုင်မှု ရှိဖို့လိုပါတယ်၊ ကင်ဆာလို၊ နှလုံးရောဂါလို သေစေလောက်တဲ့၊ လူကို အမြဲတမ်းပင်ပန်းနွမ်းနယ်စေတဲ့ နာတာရှည် ရောဂါကြီးတွေရှိနေသူတွေအဖို့ အစကတည်းက ရွေးကောက်ပွဲမဝင်သင့်ပါ၊ လွှတ်တော်ကိုယ်စားလှယ်အဖြစ် အရွေးခံရပြီးမှ ရောဂါဆိုးကြီးတွေ စွဲကပ်ပြီး လွှတ်တော်တာဝန်တွေကို ကျေပွန်စွာ မထမ်းဆောင်နိုင်တော့ရင်လည်း  မဲဆန္ဒရှင်များရဲ့ အကျိုးစီးပွါးအတွက် တာဝန်က အနားယူသင့်ပါတယ်၊

 

ကျန်းမာရေးအခြေအနေ မကောင်းပဲ၊ လွှတ်တော်အစည်းအဝေးတွေ မှန်မှန်မတက်နိုင်ပဲ၊ မဲဆန္ဒရှင်ပြည်သူများကို အမှန်တကယ်ကိုယ်စားမပြုနိုင်ပဲ လွှတ်တော်ကိုယ်စားလှယ်တာဝန်ကို ဆက်လက်ထမ်းဆောင်နေဖို့ မသင့်ပါ၊ လွှတ်တော်အကြီးအကဲများကလည်း ကျန်းမာရေးအကြောင်းပြချက်နဲ့ ရက်ပေါင်းများစွာ အစည်းအဝေးတက်ဖို့ ပျက်ကွက်တဲ့ လွှတ်တော်ကိုယ်စားလှယ်များရဲ့ ဆေးကုသမှုမှတ်တမ်းတွေကို စစ်ဆေးကြည့်ရှူပြီး တာဝန်များကို ကျေပွန်စွာ ထမ်းဆောင်နိုင်မည့် အခြေအနေမရှိတဲ့ လွှတ်တော်ကိုယ်စားလှယ်များကို တာဝန်မှအနားယူဖို့ တိုက်တွန်းသင့်ပါတယ်၊

 

# လွှတ်တော် အချိန်စာရင်းမရှိခြင်း

 

လွှတ်တော်ကိုယ်စားလှယ်များ အစည်းအဝေးမတက်နိုင်၊ ပျက်ကွက်ရခြင်းမှာ လွှတ်တော်အကြီးအကဲများက လွှတ်တော်ရဲ့ တစ်နှစ်တာ အချိန်စာရင်းကို ကြိုတင်ထုတ်ပြန်နိုင်ခြင်း မရှိတာလည်း အကြောင်းတစ်ခု ဖြစ်ပါလိမ့်မယ်၊ နိုင်ငံတကာက လွှတ်တော်တွေမှာ နှစ်တစ်နှစ်စာအတွက် လွှတ်တော်လုပ်ငန်းခွင် အချိန်စာရင်းကို ကြိုတင်ထုတ်ပြန်လေ့ ရှိကြပါတယ်၊ အဲဒီ အချိန်စာရင်းကို လွှတ်တော် လူများစုခေါင်းဆောင်နဲ့ လူနည်းစုခေါင်းဆောင်တို့ ညှိနှိုင်းတိုင်ပင်ပြီး နှစ်တစ်နှစ်အတွင်း မြို့တော်က ပါလီမန်အဆောက်အအုံမှာ အစည်းအဝေးများကျင်းပမည့် နေ့ရက်များ၊ သက်ဆိုင်ရာမဲဆန္ဒနယ်မြေမှာ ရုံးထိုင်ဆောင်ရွက်ရမည့် အချိန်ကာလများနဲ့ လွှတ်တော်ကိုယ်စားလှယ်များ အနားယူခွင့်ရှိတဲ့ ကာလများကို အတိအကျ ဖော်ပြထားပါတယ်၊ လွှတ်တော်ကိုယ်စားလှယ်တွေဟာ ဒီအချိန်စာရင်းကို လေ့လာပြီး သူတို့ရဲ့ တစ်နှစ်တာအချိန်ကာလများကို သင့်တော်စွာ စီမံခန့်ခွဲနိုင်ကြပါတယ်၊

 

မြန်မာနိုင်ငံမှာတော့ လွှတ်တော်အစည်းအဝေးများ ကျင်းပရေးဟာ လွှတ်တော်ဥက္ကဋ္ဌ နှစ်ယောက်ရဲ့ အဆုံးအဖြတ်ပဲ ဖြစ်ပါတယ်၊ သူတို့ စချင်တဲ့ အချိန်မှာ စပြီး သူတို့ ဆုံးချင်တဲ့အချိန်မှာ ဆုံးလို့ရပါတယ်၊ အစည်းအဝေးမစခင် (၂၁) ရက် ကြိုတင်အကြောင်းကြားဖို့ပဲ လိုအပ်ပါတယ်၊ (၂၁) ရက်ကြိုတင်အကြောင်းကြားလို့ နေပြည်တော်ကို အရောက်လာရမည့်နေ့၊ အစည်းအဝေးစမည့်နေ့ကို ကြိုသိရပေမည့် တစ်ကြိမ်မှာ အစည်းအဝေး ဘယ်နှစ်ရက်ကျင်းပမယ်၊ အချိန်ကာလ ဘယ်လောက်ကြာမယ်၊ ဒီတစ်ရက်အစည်းအဝေးပြီးရင် နောက်အစည်းအဝေးကို ဘယ်နေ့မှာ ကျင်းပမယ်၊ ဘယ်နေ့မှာ ပြီးဆုံးလို့ ဘယ်အချိန် အိမ်ပြန်လို့ရမယ် ဆိုတာကို လွှတ်တော်ကိုယ်စားလှယ်များ ကြိုတင်မသိကြရပါ၊ လွှတ်တော်ရဲ့ တစ်နှစ်စာအချိန်စာရင်းကို စနစ်တကျ ကြိုတင်ရေးဆွဲပြီး ကြိုတင်ထုတ်ပြန်ပေးရင်ဖြင့် လွှတ်တော်ကိုယ်စားလှယ်များရဲ့ အချိန်စီမံခန့်ခွဲမှုတိုးတက်လာပြီး အစည်းအဝေးပျက်ကွက်မှုကို လျှော့ချနိုင်လိမ့်မယ်လို့ ယုံကြည်ပါတယ်၊

 

#အခြားတာဝန်များ ရှိနေခြင်း

 

အချို့လွှတ်တော်ကိုယ်စားလှယ်များ အစည်းအဝေးတက်ဖို့ ပျက်ကွက်တာဟာ သူတို့ရဲ့ ကိုယ်ပိုင်လုပ်ငန်းများကို လုပ်ဆောင်နေရလို့လည်း ဖြစ်နိုင်ပါတယ်၊ လွှတ်တော်ကိုယ်စားလှယ်ဆိုတာ အချိန်ပြည့်အလုပ်ပါ၊ အစိုးရဋ္ဌာနတွေက အဆင့်မြင့်ဆုံး အရာရှိများဖြစ်ကြတဲ့ ညွှန်ကြားရေးမှူးချုပ်နဲ့ ဦးဆောင်ညွှန်ကြားရေးမှူး တွေရဲ့ လစာက ကျပ် နှစ်သိန်းသုံးသောင်း ကနေ ကျပ် နှစ်သိန်းလေးသောင်း အထိသာ ရှိပြီး ပြည်ထောင်စုလွှတ်တော်ကိုယ်စားလှယ် တစ်ယောက်ရဲ့ လစာက ကျပ် သုံးသိန်းဖြစ်ပါတယ်၊ အစည်းအဝေးတက်တဲ့ နေ့များအတွက် တစ်ရက်ကို ကျပ် တစ်သောင်း ရပါသေးတယ်၊ လစာကိုလည်း ကျပ် ခြောက်သိန်း အထိ တိုးမြှင့်ဖို့ စီစဉ်နေတာ ကြားရပါတယ်၊ နိုင်ငံ့ဝန်ထမ်းများလိုပဲ အချိန်ပြည့်တာဝန်ရှိတဲ့ လွှတ်တော်ကိုယ်စားလှယ်များကို အခြားအလုပ်များ မရှိစေရလို့ ကန့်သတ်တားမြစ်ထားတာ မရှိတဲ့အတွက် အချို့ကိုယ်စားလှယ်များအဖို့ ရှေ့နေ့၊ ဆရာဝန်၊ ကိုယ်ပိုင်ကျောင်းပိုင်ရှင်၊ စီးပွါးရေးလုပ်ငန်းပိုင်ရှင်၊ သတ္တုတွင်းပိုင်ရှင်၊ ဟိုတယ်လုပ်ငန်းရှင်၊ ပြည်သူ့စစ်ခေါင်းဆောင်စတဲ့ ကိုယ်ပိုင်လုပ်ငန်းများ ရှိနေပြီး လွှတ်တော်ကိုယ်စားလှယ်တာဝန်ကို သူတို့ရဲ့ အချိန်ပိုင်းအလုပ်လို သဘောထားနေတာ တွေ့ရပါတယ်၊ သူတို့ရဲ့ ကိုယ်ပိုင်လုပ်ငန်းများအတွက် လိုအပ်တယ်ဆိုရင် လွှတ်တော်အစည်းအဝေးများကို ခွင့်တိုင်ပျက်ကွက်ပါလိမ့်မယ်၊

 

ဒီလို ပျက်ကွက်တာကို တားမြစ်နိုင်ဖို့ လွှတ်တော်ကိုယ်စားလှယ်များသည် လွှတ်တော်တာဝန်မှအပ အခြားအလုပ်တာဝန်များ မရှိစေရလို့ ပြဋ္ဌန်းဖို့ လိုအပ်ပါတယ်၊ မဲဆန္ဒရှင်ပြည်သူများကလည်း ကိုယ်စားလှယ်လောင်းတစ်ယောက်ကို မဲမပေးခင် မိမိတို့မဲဆန္ဒနယ်မြေကို လွှတ်တော်သက်တမ်းအတွင်း အချိန်ပြည့် ကိုယ်စားပြုဆောင်ရွက်နိုင်သူ ဟုတ်၊ မဟုတ် မေးခွန်းထုတ်ဖို့လိုအပ်ပါတယ်၊ ကိုယ်စားလှယ်လောင်းတစ်ဦးဟာလည်း လွှတ်တော်ကိုယ်စားလှယ်တာဝန်ကို အချိန်ပြည့်မထမ်းဆောင်နိုင်ဖူးဆိုရင် အစကတည်းက ရွေးကောက်ပွဲမဝင်သင့်ပါ၊

 

# ပါတီအရေး ဆောင်ရွက်ခြင်း

 

အချို့ကိုယ်စားလှယ်များ ပျက်ကွက်တာဟာ သက်ဆိုင်ရာပါတီရဲ့ အရေးကိစ္စများကို ဆောင်ရွက်ဖို့ ပျက်ကွက်တာ ဖြစ်နိုင်ပါတယ်၊ လွှတ်တော်အကြီးအကဲများက လွှတ်တော်အစည်းအဝေးကျင်းပနေချိန်မှာ ပါတီလုပ်ငန်းများကို ဆောင်ရွက်ဖို့ လွှတ်တော်အစည်းအဝေး  “ရက်ပေါင်းများစွာ” မတက်နိုင်ကြသူတွေကို စုံစမ်းစစ်ဆေးပြီး အရေးယူသင့်ပါတယ်၊

 

# မဲဆန္ဒရှင်များ၏ လတ်တလော ပြဿနာကို ဖြေရှင်းခြင်း

 

တစ်ခါတစ်ရံမှာ လွှတ်တော်ကိုယ်စားလှယ်တစ်ယောက်ဟာ လွှတ်တော်အစည်းအဝေးကျင်းပနေစဉ်မှာပဲ သက်ဆိုင်ရာ မဲဆန္ဒနယ်က မဲဆန္ဒရှင်ပြည်သူများရဲ့ လတ်တလော ပြဿနာကို ဖြေရှင်းပေးဖို့ သက်ဆိုင်ရာမဲဆန္ဒနယ်ကို ခရီးထွက်ရတာမျိုး ရှိနိုင်ပါတယ်၊ ဒီလို အခြေအနေမျိုးကို တစ်ခါတစ်ရံမှာ ခွင့်ပြုသင့်ပေမည့် ရက်ပေါင်းများစွာ ပျက်ကွက်မယ်ဆိုရင်တော့ ခွင့်မပြုသင့်ပါ၊ တကယ်လို့ အဲဒီလွှတ်တော်ကိုယ်စားလှယ်များမှာ ကိုယ်ပိုင်ရုံးအဖွဲ့နဲ့အထောက်အကူပြုဝန်ထမ်းများ ရှိမယ်ဆိုရင် လွှတ်တော်အစည်းအဝေးများကို ကိုယ်တိုင်တက်ပြီး ဒေသဆိုင်ရာပြဿနာများကို ကိုယ်စားလှယ်လွှတ် ဖြေရှင်းနိုင်မှာပါ၊

 

# ပြည်ပခရီးစဉ်များ

 

လွှတ်တော်ကိုယ်စားလှယ်တစ်ဦးဟာ ပြည်ပက အဖွဲ့အစည်းများ၊ မိတ်ဆွေများက သီးခြားဖိတ်ကြားလို့ ပြည်ပနိုင်ငံများကို ခရီးထွက်ရတာ ရှိနိုင်ပါတယ်၊ လွှတ်တော်အစည်းအဝေးကျင်းပစဉ်အချိန်များမှာ အဲဒီလို ကိုယ်ရေးကိုယ်တာ ကိစ္စနဲ့ ပြည်ပခရီးထွက်တာကို ရက်တိုအတွက်သာ ခွင့်ပြုသင့်ပြီး လွှတ်တော်အစည်းအဝေး ရက်ပေါင်းများစွာ ပျက်ကွက်မည့် ခရီးစဉ်မျိုးဆိုရင်တော့ ခွင့်မပြုသင့်ပါ၊ လွှတ်တော်လုပ်ငန်းခွင်ရဲ့ တစ်နှစ်တာအချိန်စာရင်းကို ကြိုတင်ထုတ်ပြန်ထားမယ်ဆိုရင်တော့ ကိုယ်ရေးကိုယ်တာကိစ္စနဲ့ ပြည်ပခရီးထွက်ချင်သူ လွှတ်တော်ကိုယ်စားလှယ်များအတွက် သူတို့ ခရီးထွက်တဲ့ အချိန်ကို လွှတ်တော်အစည်းအဝေးများနဲ့ မတိုက်ဆိုင်အောင် စီစဉ်နိုင်မှာပါ၊

 

# စိတ်ကောက်ကြသူများ

 

လွှတ်တော်ကိုယ်စားလှယ်များဟာ လွှတ်တော်အစည်းအဝေးတစ်ခုမှာ သူတို့တင်သွင်းချင်တဲ့ ကြယ်ပွင့်ပြမေးခွန်းတွေ၊ ကြယ်ပွင့်မပြမေးခွန်းတွေ၊ အဆိုတွေကို လွှတ်တော်အစည်းအဝေးမစခင် ကြိုတင် တင်သွင်းရပါတယ်၊ အစည်းအဝေးမစခင်မှာပဲ လွှတ်တော်အကြီးအကဲများက စစ်ဆေးပြီး အစည်းအဝေးကျင်းပမည့် အချိန်အတိုင်းအတာနဲ့ နှိုင်းယှဉ်လို့ မြောက်များစွာသော မေးခွန်းများ၊ အဆိုများကို တင်သွင်းခွင့် မပြုပါ၊ ဒီလိုနဲ့ အစည်းအဝေးကာလ တလျှောက်လုံးမှာ ဘာတစ်ခုမှ မေးမြန်းခွင့်၊ အဆိုပြုခွင့် မရကြတဲ့ လွှတ်တော်ကိုယ်စားလှယ်တွေ ရှိကြပါတယ်၊ မနေနိုင်လို့ အစည်းအဝေးမှာ အစီအစဉ်မှာ မပါပဲ ဇွတ်ကြီး ကြားဖြတ်တင်ပြတော့လည်း လွှတ်တော်ဥက္ကဋ္ဌများက ဆူပူကြိမ်းမောင်းတာ ခံရတတ်ပါတယ်၊ ဒါကြောင့်မို့ အချို့လွှတ်တော်ကိုယ်စားလှယ်များက ဘာမှ ပြောခွင့်၊ ဆိုခွင့်မရတဲ့ အတူတူ အစည်းအဝေးလုံးဝမတက်တော့ဘူး ဆိုပြီး စိတ်ကောက်ပြီး ခွင့်တိုင်လို့ နေပြည်တော်ကို ရောက်မလာကြတာမျိုးလည်း ရှိတယ်လို့လည်း ကြားသိရပါတယ်၊

 

အံ့ဩစရာပါ၊ မိမိကို ရွေးချယ်တာဝန်ပေးလိုက်တဲ့ မဲဆန္ဒရှင်ပြည်သူများရဲ့ အကျိုးစီးပွါးကို မိမိရဲ့ နေအိမ်ထဲကနေ ဆောင်ရွက်လို့ မရပါ၊ ဥပဒေပြုလွှတ်တော်ရဲ့ အစီအစဉ်တွေမှာ ချို့ယွင်းချက်တွေ၊ မတရားမှုတွေရှိတယ်ဆိုရင် လွှတ်တော်ထဲမှာပဲ ပြုပြင်နိုင်အောင် ကြိုးစားရမှာပါ၊ လွှတ်တော်အကြီးအကဲများကလည်း လွှတ်တော်ကိုယ်စားလှယ်များကို သူတို့ရဲ့ မဲဆန္ဒနယ်မြေနဲ့ တိုက်ရိုက်သက်ဆိုင်တဲ့ မေးခွန်းတွေကို သက်ဆိုင်ရာဝန်ကြီးဋ္ဌာနများကို တိုက်ရိုက်မေးခွင့်ပြုရင် အစည်းအဝေးကျင်းပတဲ့ အချိန်အတော်များများကို မေးခွန်းများမေးမြန်းခြင်း၊ ဖြေကြားခြင်းနဲ့ ကုန်ဆုံးနေရတဲ့အခြေအနေမျိုးကနေ ရုန်းထွက်နိုင်ပြီး ဥပဒေကြမ်းတွေကို ပိုပြီးဆွေးနွေးနိုင်၊ အတည်ပြုနိုင်မှာပါ၊ သေချာတာကတော့ စိတ်ကောက်ပြီး အိမ်ထဲထိုင်နေရုံနဲ့ အပြောင်းအလဲကို မဖန်တီးနိုင်ပါ၊

 

# ပြည်သူများရဲ့ ဆုံးရှုံးမှု

 

ပြည်သူတွေ ရွေးချယ်တင်မြှောက်ထားတဲ့ လွှတ်တော်ကိုယ်စားလှယ်များက ဥပဒေပြုတာဝန်များကို ကျေကျေပွန်ပွန်မထမ်းဆောင်နိုင်ပဲ အကြောင်းအမျိုးမျိုးနဲ့ လွှတ်တော်အစည်းအဝေးများကို ရက်ပေါင်းများစွာ ပျက်ကွက်နေမယ်ဆိုရင် အဓိကနစ်နာဆုံးရှုံးရမှာက မဲဆန္ဒရှင်ပြည်သူများပဲ ဖြစ်ပါလိမ့်မယ်၊ ဒါကြောင့်မို့ လွှတ်တော်ကိုယ်စားလှယ်များဟာ လွှတ်တော်အစည်းအဝေးများ မပျက်ကွက်အောင် ကြိုးစားသင့်ပြီး လွှတ်တော်အကြီးအကဲများကလည်း လွှတ်တော်ကိုယ်စားလှယ်တွေ အစည်းအဝေးမှန်မှန်တက်နိုင်ဖို့ လိုအပ်တဲ့ အစီအစဉ်တွေ (တစ်နှစ်စာအချိန်စာရင်း၊ အထောက်အကူပြုဝန်ထမ်းများ၊ ကျန်းမာရေးစောင့်ရှောက်မှု) ဆောင်ရွက်ပေးသင့်ပါတယ်၊ နာတာရှည်ရောဂါကြောင့် တာဝန်ကို ထိထိရောက်ရောက်မထမ်းဆောင်နိုင်တော့တဲ့ ကိုယ်စားလှယ်များရှိရင်လည်း တာဝန်သိသိ နှုတ်ထွက်ပေးသင့်ပါတယ်၊

 

သိပ်မကြာခင်မှာ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ချက်တွေကို မဲခွဲဆုံးဖြတ်ရမည့် အချိန်ရောက်လာပါလိမ့်မယ်၊ အားလုံး သိတဲ့ အတိုင်း ဖွဲ့စည်းပုံပြင်ဆင်ချက်တွေဟာ အနည်းဆုံးအဆင့် (၇၅) ရာခိုင်နှုံးကျော်တဲ့ ထောက်ခံမဲရမှ အတည်ပြုနိုင်မှာပါ၊ အခုလက်ရှိအခြေအနေမှာ တပ်မတော်သားကိုယ်စားလှယ်များက (၁၆၆) ဦး၊ (၂၅) ရာခိုင်နှုံးအပြည့်ရှိပြီး၊ ရွေးကောက်ခံကိုယ်စားလှယ်များက အမျိုးသားလွှတ်တော်မှာ (၄) နေရာ၊ ပြည်သူ့လွှတ်တော်မှာ (၁၈) နေရာ၊ စုစုပေါင်း (၂၂) နေရာ လစ်လပ်နေလို့ (၄၇၆) ဦးပဲရှိပြီး (၇၂) ရာခိုင်နှုံးပဲ ရှိပါတယ်၊ တပ်မတော်သားကိုယ်စားလှယ်များကို အင်အားပြနိုင်ဖို့ (၇၅) ရာခိုင်နှုံးတောင် အပြည့်မရှိပါ၊ အဲဒီမှာမှ အခုလိုမျိုး အစည်းအဝေးတိုင်းမှာ အမျိုးသားလွှတ်တော်မှာ ကိုယ်စားလှယ် (၆၀) လောက်၊ ပြည်သူ့လွှတ်တော်မှာ ကိုယ်စားလှယ် (၁၀၀) လောက် ဆက်လက် ပျက်ကွက်နေမယ်ဆိုရင် တပ်မတော်သားကိုယ်စားလှယ်များရဲ့ အခန်းကဏ္ဏဟာ ပိုပြီးကြီးမားလာပါလိမ့်မယ်၊

 

တပ်မတော်သားကိုယ်စားလှယ်များက ရွေးကောက်ခံကိုယ်စားလှယ်များအပေါ် အထင်အမြင်သေးလာလိမ့်မယ်၊ လေးစားမှုလျော့နည်းလာလိမ့်မယ် ထင်ပါတယ်၊ရွေးကောက်ခံကိုယ်စားလှယ်များမှာလည်း သက်ဆိုင်ရာ ပါတီရဲ့ သဘောထားကို အခြေပြုပြီး ပြင်ဆင်ချက်အားလုံးကို တညီတညွတ်တည်း ထောက်ခံကြမှာ မဟုတ်ပါ၊ ရွေးကောက်ခံကိုယ်စားလှယ်များဘက်က (၇၅) ရာခိုင်နှုံးအပြည့် ထောက်ခံမဲပြနိုင်မှသာ တပ်မတော်သားကိုယ်စားလှယ်များရဲ့ လေးစားမှုနဲ့ ထောက်ခံမဲကို မျှော်လင့်နိုင်မှာပါ၊

 

လေးစားစွာ၊

 

အောင်ဒင်
ဖေဖော်ဝါရီ ၁၄၊ ၂၀၁၄


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး, အောင်ဒင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်