fbpx

ကျနော် အမျိုးသားရေး ဝါဒီ

March 4, 2014

ကျနော် အမျိုးသားရေး ဝါဒီ

ငြိမ်းချမ်းအေး

မတ်လ ၃၊ ၂၀၁၄
 
 

အခု နှစ်ပိုင်း ဗမာပြည်မှာ အမျိုးသားရေးဝါဒ အကြောင်းက လူပြောများ လာတယ်၊ လိုသူ၊ မလိုသူ၊ အမျိုးမျိုး ပြောကြ၊ ဆိုကြတယ်။  တချို့ကလည်း အမျိုးသားရေးဝါဒီ မဖြစ်ရင်ဘဲ နူတော့မလို၊ တချို့ကျလည်း အမျိုးသားရေးဝါဒ တံဆိပ်ကပ်ခံရရင် နူသလောက် ခံယူကြတယ်။

ဒီလို အမျိုးသားရေးဝါဒ ဆက်စပ် ပြောဆိုမှုတွေ၊ အငြင်းပွားမှုတွေ၊ လှုပ်ရှားမှုတွေ များပြားလာခြင်းဟာ အာဏာ နိုင်ငံရေး ပယောဂ ကြောင့်က အဓိက ပါပဲ။  ပါတီနိုင်ငံရေး မလုပ်ပါဘူး၊ အမျိုးသား နိုင်ငံရေး ပဲ လုပ်ပါမယ် ဆိုသူတွေရဲ့ ပါးစပ်တွေက ဒီလို အသံတွေ ပိုကြားရတတ်တယ်။  ဘယ်လို အကြောင်းပြချက် ကောင်းတွေ ပေးပေး၊ ဒီ အမျိုးသား နိုင်ငံရေး ရည်မှန်းချက် က အတွင်း သဘောမှာ အာဏာနိုင်ငံရေး၊ အုပ်စု နိုင်ငံရေး၊ စစ်အုပ်စု ရှင်သန်ရေးမှာပဲ အဆုံးသတ်တာပါပဲ။

လက်ရှိ မျက်မြင်ပါပဲ၊ အမျိုးသားရေးဝါဒ ခေါင်းစဉ်တပ်ပြီး သမ္မတ အရည်အချင်း သတ်မှတ်မှု ၅၉ (စ) ကို ဆက်လက် ဆုပ်ကိုင်လိုသူ စစ်အုပ်စု လော်ဘီတွေ အများကြီး ရှိနေတယ် ဆိုတာ။  အမျိုးသားရေး အမြင် သက်သက်နဲ့သာ ကြည့်ဆိုတာပါ အတွင်တွင် ပြောနေကြပေမယ့် တကယ်တော့ ဒေါ်အောင်ဆန်းစုကြည် လို ဂုဏ်သရေရှိ အမျိုးသမီးကြီး တဦးရဲ့ ကြီးမားကျယ်ပြန့်တဲ့ နိုင်ငံရေးသြဇာ နဲ့ လူထု ထောက်ခံမှုကို မလိုလား၊ မနှစ်လိုနိုင်ခြင်းက အဓိကပါပဲ။  ဒါနဲ့ပဲ လူ့သဘာဝ အိမ်ထောင်၊ သားမွေး၊ လွတ်လပ်စွာ ရွေးချယ်ခဲ့မှု ကို လာ ခလုတ်တိုက် ခုတုံးလုပ်နေကြတာပါ။  ဗိုလ်ချုပ်ဟောင်းများ အခု ရွေးကောက်ပွဲ အတွက် နယ်လှည့်ရင် ဒီလို သဘော ကိုပဲ ဇောင်းပေး ဆိုနေကြတယ်ပဲ မဟုတ်လား။

ဒီလိုသဘောကြောင့် သူ့ကျွန် ဘဝ ကိုလိုနီခေတ်မှာ လွတ်လပ်ရေးလှုပ်ရှားမှု လိုအပ်ချက်အရ လှုပ်ရှား တည်ရှိလာခဲ့ရတဲ့ အမျိုးသားရေး လှုပ်ရှားမှု အနှစ် သဘောဟာ မျက်မှောက်ခေတ် နိုင်ငံရေးမှာ တလွဲ အသုံးချခံ ဖြစ်နေရတယ်။  အမျိုးသားရေး၊ ဘာသာ၊ သာသနာ အရေး အသံဟစ်ရင် လူကြည်ညို၊ ထောက်ခံမှုများလေ့ရှိခြင်းကို နိုင်ငံရေးသမား (ဆိုသူများ)၊ နိုင်ငံရေး သမား အဝတ်ခြုံသူ ဗိုလ်ချုပ်ကြီးများ ကောင်းကောင်း အသုံးချ နေကြတယ်။  အမျိုးသားရေးဝါဒ ဟာ နိုင်ငံရေးသမား တချို့ အတွက် သတ်ကွင်း ဖြစ်လာနေသလို၊ တချို့အတွက်ကျ စားကျက် ဖြစ်နေတယ်။

ဒီလို နောက်ခံမှာ အမျိုးသားရေးဝါဒ ကို ထောက်ခံသူ၊ ဆန့်ကျင်သူ၊ ကြားနေသူ အားလုံး ယေဘုယျ ပြောဆို၊ ပြုမူ၊ ကျင့်ကြံ၊ ယူဆ၊ ယုံမှတ် နေကြတဲ့ အမျိုးသားရေး အယူအဆ အများစု ဟာ မူလ အမျိုးသားရေးဝါဒ နိုင်ငံရေး သီအိုရီ သဘောတွေ နဲ့ မတူ ကွဲပြား နားလည်နေမှုတွေ ရှိနေတာ သတိထားမိတယ်။

အမျိုးသားရေးဝါဒ စကားလုံး အခြေခံခဲ့ရာ “Nationalism” အင်္ဂလိပ်စကားလုံးကို အဓိပ္ပာယ် ဖွင့်ပါက မိမိ မွေးဖွားကြီးပြင်းရာ တိုင်းပြည် ကို ချစ်မြတ်နိုးခြင်း၊ မိမိ တိုင်းပြည်ကို နိုင်ငံရေး၊ အုပ်ချုပ်ရေး၊ စီးပွားရေး အရ အမှီအခို ကင်းကင်း၊ မိမိဘာသာ ရပ်တည်စေလိုခြင်း၊ တနည်းအားဖြင့် ဘယ်နိုင်ငံ သြဇာခံ၊ ဘယ်သူ့ လက်အောက်ခံ မှ မဟုတ်ဘဲ လွတ်လပ်စွာ ရပ်တည်စေလိုခြင်း ဆိုတာ ရတယ်။  ဒီ ဖွင့်ဆိုချက်ပါ မိမိ နိုင်ငံကို ချစ်ခြင်း၊ မိမိနိုင်ငံ ကို သူတပါး ကျွန် မဖြစ်စေလိုခြင်းမှာ အတွေးအခေါ်ပိုင်းအရ ကျဉ်းမြောင်း အစွန်းရောက်ခြင်းမျိုး၊ ဒါမှမဟုတ် သီလကျင့်ဝတ် ပိုင်းဆိုင်ရာ အရ မှားယွင်းခြင်းမျိုး မရှိပါ။  ဒီ အနှစ် သဘော မှာ အသားအရောင်၊ လူမျိုး တမျိုး၊ ဘာသာ တခု ကို အခြေမခံ၊ လူမျိုး-ဘာသာစုံပါ တိုင်းပြည် ကိုသာ အခြေခံတယ်။

ဒီ “Nationalism” ကို မှ ထပ်မံ အသေးစိတ် အမျိုးအစားခွဲရင် လူမျိုးရေး အခြေခံ သဘောပါတဲ့ အမျိုးသားရေးဝါဒ Ethnic Nationalism ဆိုတာ ရှိမယ်။  ဒီသဘောမှာ ဘုံတူညီတဲ့ ဘာသာ စကား၊ ယဉ်ကျေးမှု ဓလေ့ စရိုက်၊ လူမှု-စီးပွား နောက်ခံဘဝ၊ ကိုးကွယ်ယုံကြည်မှု၊ ဆင်းသက်လာရာ လူမျိုးအနွယ်၊ အုပ်စု စတဲ့ အချက်တွေနဲ့ Nationalism ကို အဓိပ္ပာယ် ဖွင့်ဆိုတယ်။  ဘာသာစကားတူ၊ ယုံကြည်မှုတူ၊ လူမျိုးတူ အုပ်စုရဲ့ တပြည်ထောင် အပေါ် အခြေခံတယ် ဆိုသော်ငြားလည်း အခြား ဘုံတူညီနေတဲ့ အချက်တွေကိုလည်း ထည့်သွင်း စဉ်းစားနိုင်တယ်။  သဘောက အသားအရောင်၊ လူမျိုး အခြေခံ အပေါ်ယံ လက္ခဏာ (Phenomenon) တွေထက်၊ လူမျိုးစု တစု ဗဟိုပြု ဝိသေသလက္ခဏာ (Specific Character) တွေထက် ကမ္ဘာ့ နေရာ ပထဝီဝင် ဒေသတခု က လူအများ (လူမျိုးစုများ) ယေဘုယျ မျှဝေ တည်ရှိနေတဲ့ လက္ခဏာ (Common Character) ကို ဆိုလိုတယ်။  ဒါကို မူတည်ပြီး လူမျိုး အုပ်စုတွေရဲ့ (ဒေသရဲ့) သွင်ပြင် လက္ခဏာ Identity တည်ရှိမှုတွေ၊ ဓလေ့ တွေ၊ ယုံကြည်မှုတွေကို သတ်မှတ်တယ်။

လူမျိုး (Ethnicity) ကို အဓိပ္ပာယ် သတ်မှတ်ရာမှာ ရှေးအကျဆုံး လို့ ယူဆလေ့ရှိတဲ့ ခေါမ သမိုင်းပညာရှင် Herodotus (5th BCE) ရဲ့ ဖွင့်ဆိုချက်မှာ သွေးတူ၊ စကားတူ၊ ဘာသာတူ အပြင် ဓလေ့ထုံးစံတူ၊ အလေ့အထ၊ ယုံကြည်မှု၊ ဘဝ နေထိုင်မှု ဟန်ပန် ပုံစံ တူ ဆိုတဲ့ အချက်တွေ ပါ ပါတယ်။

ပထဝီဝင် ဒေသတခုရဲ့ ဘာသာစကား၊ လူမျိုး၊ ကိုးကွယ်မှု မတူကြတဲ့ လူမျိုးစုတွေမှာ ဓလေ့ထုံးချင်း၊ ယဉ်ကျေးမှုချင်း ဆက်စပ်နေတာတွေလည်း အများကြီး ရှိတယ်။

သဘောကို ရှင်းအောင် အကျယ် ဆိုရရင် အရှေ့တောင် အာရှ၊ တောင် အာရှ၊ အရှေ့အာရှ တခုလုံးမှာ မတူကွဲပြားတဲ့ လူမျိုးစုတွေ နေထိုင်နေကြပေမယ့် ဘုံတူညီတဲ့ ဓလေ့၊ ထုံးစံ၊ ဘဝနေထိုင်မှု ဟန်ပန်တွေ၊ အယူသီးမှုတွေ အနည်းအများ မျှဝေ တည်ရှိနေတယ်။  မဇ္စ္ဈိမတိုင်း အိန္ဒူ မြစ်ဝှမ်း၊ ဟိမဝန္တာ ဒေသ၊ ဂင်္ဂါ မြစ်ဝှမ်း တလျှောက် က ဗြာဟ္မဏဝါဒ၊ ဟိန္ဒူဝါဒ၊ ဗုဒ္ဓဝါဒ၊ စိန ဒေသ က တာအိုဝါဒ၊ ကွန်ဖြူးရှပ်ဝါဒ၊ အရှေ့အလယ်ပိုင်း ပင်လယ်ကွေ့ ဒေသ အာရပ် တို့ရဲ့ အစ္စလာမ်ဝါဒ စတဲ့ အယူဝါဒစုံ ရဲ့ ရာဇဝင်၊ ဇာတ်တော်၊ ပုံပြင်၊ နီတိ၊ ကျင့်ဝတ် အသိ၊ ဓလေ့ထုံးတမ်း၊ ယုံကြည်မှု အစုစု ဟာ အာရှတိုက် တခုလုံးကို ယေဘုယျ မျှဝေ သက်ရောက်နေတယ်။

ဝတ်စားဆင်ယင်မှု ဓလေ့ကို ကြည့်ရင် အိန္ဒိယ၊ ဗမာ၊ မလေး၊ အင်ဒို၊ ခမာ၊ ထိုင်း အစရှိတဲ့ ဒေသ အသီးသီးမှာ သက်ဆိုင်ရာ ဒေသ ဘာသာ စကားအလိုက် အခေါ်အဝေါ် အမျိုးမျိုး ကွဲပြား ကြပေမယ့် ပုံစံဒီဇိုင်းမှာတော့ တူညီတဲ့ ပုဆိုး၊ လုံခြည် အဝတ်ပတ် ဝတ်ဆင်မှု ရှိကြတယ်။

ရှေးဟောင်း ဟိန္ဒူ စာပေ လာ ရာမာယဏ ဇာတ်တော် ပါ ရာမ၊ လက္ခဏ၊ သီတာ၊ ဒဿ၊ ဟနုမာ အစရှိတဲ့ ဇာတ်ကောင်တွေဟာ အရှေ့တောင်အာရှ တခုလုံးက လူမျိုးစုံ နဲ့ ရင်းနှီးတယ်။  ဗုဒ္ဓ၊ ဂျိန်း၊ ဆစ်(ခ်) ဘာသာ အသီးသီးမှာလည်း ရာမာယဏ ဗားရှင်း အကွဲတွေ တူညီ ရှိတယ်။  ဗမာ၊ ထိုင်း၊ အင်ဒို၊ ဗီယက်နမ်၊ လာအို၊ ကမ္ဘောဒီးယား အစရှိတဲ့ မတူညီကွဲပြားတဲ့ တိုင်းပြည် အသီးသီးမှာလည်း တင်ဆက်ပုံ ကွဲပေမယ့် ကျောရိုး တူညီတဲ့ ရာမာယဏ ဇာတ်တော်ဘွဲ့ စာပေ၊ သဘင်၊ ဂီတ၊ ရုပ်ရှင် အနုပညာ ပစ္စည်း အသီးသီး ရှိကြတယ်၊ ဒီဇာတ်တော် ကနေ ထုတ်နှုတ်ယူတဲ့ ဓလေ့ထုံးစံ၊ အကျင့်၊ အကြံ၊ အတွေးအခေါ်၊ ကျင့်ဝတ်သီလ တွေ တူညီမျှဝေ တည်ရှိနေကြတယ်။

အိန္ဒိယ ယဉ်ကျေးမှု သက်ရောက်ရာ အရှေ့တောင်အာရှ တခုလုံး ဟာ ဟိမဝန္တာ၊ ဂင်္ဂါ၊ ယမုံနာ၊ သူရဿတီ စတာတွေနဲ့ အကျွမ်းတဝင် ရှိကြတယ်။  ဟိန္ဒူ ဓလေ့ ကပဲ လာတဲ့ သင်္ကြန်ရေကစားခြင်းလိုမျိုးကလည်း အလားတူပဲ အရှေ့တောင် အာရှ နိုင်ငံအများစုကို သက်ရောက်တယ်။  ဒေသတွင်းရဲ့ ကြိုက်တဲ့ ရိုးရာ ဓလေ့ဖြစ်ဖြစ်၊ ကျင့်ဝတ် နီတိ ဖြစ်ဖြစ် ရဲ့ မူလကို စစ်ရင် မဇ္စ္ဈိမ (သို့မဟုတ်) စိန မြစ်ဖျားခံရသာ အများစု ဖြစ်တယ်။

ဒီလို ဒေသဆိုင်ရာ မျှဝေ တူညီတဲ့ အနုပညာ၊ ရိုးရာ အစဉ်အလာ ယုံကြည်မှု၊ ဓလေ့၊ ဘာသာဗေဒ နောက်ခံ သဘောကြောင့် အင်္ဂလိပ်၊ ပြင်သစ်၊ ဒတ်ခ်ျ စတဲ့ အနောက်နိုင်ငံတွေရဲ့ ကိုလိုနီကျွန်ပြုမှုကို တော်လှန်တဲ့ နိုင်ငံရေးဖြစ်စဉ် သမိုင်းတွေဟာ အိန္ဒိယ၊ ဗမာ၊ အင်ဒိုချိုင်းနား အားလုံး တူညီ ဆက်နွယ် ရောယှက်နေခဲ့တယ်။  တနည်းအားဖြင့် တောင်အာရှ၊ အရှေ့တောင်အာရှ ရဲ့ အမျိုးသားရေး လှုပ်ရှားမှု ကြီးဟာ ပထမ ကမ္ဘာစစ်၊ ဒုတိယကမ္ဘာစစ် မတိုင်မီ နဲ့ အပြီးမှာ အတူတူ မွေးဖွား၊ ကြီးပြင်းလာခဲ့ရတယ်လို့ ဆိုနိုင်တယ်။

ဒီလို သဘောကြောင့် ဗမာပြည် ရဲ့ အမျိုးသားရေးဝါဒီ၊ အမျိုးသားခေါင်းဆောင်ကြီး ဗိုလ်ချုပ် အောင်ဆန်း နဲ့ အိန္ဒိယ ရဲ့ အမျိုးသားရေး ခေါင်းဆောင် နေရူး တို့ ဟာ တသွေးတသားတည်း ရှိခဲ့၊ ရင်းနှီးခဲ့၊ တိုင်ပင် နှီးနှောခဲ့ကြတယ်။  အိန္ဒိယ အမျိုးသားရေး လှုပ်ရှားမှု နဲ့ ဗမာ့ အမျိုးသားရေး နဲ့ က ဆက်စပ်နေခဲ့တယ်။  ဂန္ဒီကြီး ဟာ ဗမာပြည် အတွက်လည်း မဟတ္တမ ဖြစ်တယ်။  အင်ဒိုချိုင်းနား မှာ ပြင်သစ်ကို ဆန့်ကျင်နေတဲ့ ခေါင်းဆောင်ကြီး ဟိုချီမင်း ရဲ့ အရေး၊ ဗီယက်နမ်ပြည် လွတ်မြောက်ရေး ဟာလည်း ဗမာ၊ အိန္ဒိယ အရေးလည်း မည်တယ်။  ဖီလစ်ပိုင် နယ်ချဲ့တော်လှန်ရေးသမားကြီး ဟိုဆေးရီဇော် ဟာ အာရှတိုက်ရဲ့ စံနမူနာပြုစရာ အမျိုးသားရေး သူရဲကောင်းကြီး ဖြစ်ခဲ့တယ်။

ဆိုလိုချင်တာက ဒေသဆိုင်ရာ သဘော အားလုံးဟာ ဆက်နွယ်နေခဲ့တယ်။

ဗမာ ပြည် တခုတည်း ကွက်ကြည့်ရင်လည်း ဗမာပြည်မှာ လူမျိုးစုံ၊ ဘာသာစုံ၊ အယူဝါဒစုံ၊ စကားစုံ သူတွေ မှီတင်းနေထိုင်နေတာ မှန်ပေသိ၊ အတွေးအခေါ်၊ အယူဝါဒ၊ ဓလေ့ စရိုက်၊ ဝတ်စားဆင်ယင်မှု၊ အစားအသောက် ပုံစံ၊ အယူသီးမှု၊ လက်ခံယုံကြည်မှု၊ စကားပုံ၊ ပုံပြင်၊ နီတိ အစရှိတဲ့ အကြောင်း၊ သဘောတွေမှာ ဘုံတူညီ မျှဝေ တည်ရှိနေတာတွေ အများကြီး ရှိတယ်။

အထက်မှာ အကျယ် ရှင်းခဲ့ခြင်း သဘော အနှစ်က လူမျိုးရေး အခြေခံ “Ethnic Nationalism” ဆိုစေဦး၊ အမျိုးသားရေးဝါဒ ဟာ တသွေးတည်း၊ လူမျိုး တမျိုးတည်း၊ ဘာသာ တခုတည်း လုံးလုံး အဓိပ္ပာယ်ပေါက် မဆိုလိုဘူး ဆိုတာပါ။  Nationalism ရဲ့ မူလ ဖွင့်ဆိုချက်ဟာ တိုင်းပြည် ကို အခြေခံတယ်၊ ဒုတိယ လူမျိုး (Ethnicity) သဘော ပါ Racial Nationalism မှာလည်း လူမျိုး တမျိုးတည်း သဘောက အဓိက မကျဘဲ ဘုံတူညီတဲ့ အခြား အချက်အလက်တွေပါတယ် ထည့်သွင်းစဉ်းစားနိုင်တယ် ဆိုတာကို မြင်စေချင်တာပါ။

Nationalism မှာ အခြား ဒဿနိကဗေဒ၊ လူမှုဗေဒ၊ နိုင်ငံရေးဗေဒ အဓိပ္ပာယ်ဖွင့်ဆိုမှုတွေ အသီးသီး ရှိသေးပေမယ့် ဆိုခဲ့တဲ့ သဘော က Nationalism ရဲ့ အနှစ်သာရပဲ ဖြစ်တယ်။

ပြင်းထန်၊ အစွန်းရောက် ကျဉ်းမြောင်းတဲ့ လူမျိုးရေး သန့်စင်မှု အသားပေး၊ တဘာသာ၊ တလူမျိုး ဗဟိုပြု “Ultranationalism” ဟာ မူလ Nationalism သဘော နဲ့ လုံးလုံး ကွဲပြားတယ်။  ဒါကြောင့် ဗမာပြည်ရဲ့ အမျိုးသားရေးဝါဒီကြီးများဖြစ်တဲ့ သခင်နု၊ သခင် အောင်ဆန်း အစရှိတဲ့ စံပြ မြန်မာ ခေါင်းဆာင်းကြီးများဟာ အစွန်းရောက် အမျိုးသားရေးဝါဒ ကျင့်သုံးတဲ့ ဂျပန် ဖက်ဆစ် စနစ် ကို ဆန့်ကျင်တော်လှန် နောက်ဆုံးမှာ ဒီမိုကရေစီ ဘက်တော်သားတွေ ဖြစ်ခဲ့တာပေါ့။

ဒီလို စစ်မှန်တဲ့ အမျိုးသားရေးဝါဒမျိုး ဟာ လူမျိုး တမျိုး၊ ဘာသာ တဘာသာ ရဲ့ ယဉ်ကျေးမှု၊ ဓလေ့၊ ထုံး ကို ဗဟိုပြု အခြေခံ ကျင့်ကြံ၊ ပြုမူ၊ ဆက်ဆံ၊ ပုံဖော်တတ်တဲ့ မျိုးမြင့်စိတ်နေဝါဒ (Ethnocentrism) နဲ့လည်း အပုံကြီး ကွာတယ်။  ဒါကြောင့် အမျိုးသားရေးဝါဒီ၊ ဗုဒ္ဓဘာသာ အစစ်ကြီး ဗိုလ်ချုပ်အောင်ဆန်း ဟာ နိုင်ငံတော်ဘာသာ အဖြစ် ဗုဒ္ဓဘာသာ ပြဋ္ဌာန်းလိုမှု အပေါ် ခါးခါးသီး ကန့်ကွက်ခဲ့တာပေါ့။  ဦးနု ဟာ သူ့ဘာသာ ဘာသာရေး ကိုင်းရှိုင်းလို့ ဗုဒ္ဓဘာသာ ကိစ္စရပ်တွေ အသားပေး လုပ်ချင်လုပ်မယ် (နိုင်ငံရေး ရည်ရွက်ချက်၊ ဘာသာရေး ကို ခုတုံးလုပ်မှု လို့လည်း စွပ်စွဲခံရတယ်)၊ ဒါပေမယ့် ဦးနုကို နိုင်ငံရေး အရ ဆန့်ကျင်၊ အမြင်မတူသူများ တခြား အကြောင်းအရာစုံနဲ့ ပြစ်တင် ဝေဖန်နိုင်ပေမယ့် ဘယ်သူ့မှ ဦးနု ကို လူမျိုးရေးခွဲခြားသူကြီး၊ ဘာသာရေး အစွန်းရောက်ကြီးလို့တော့ မဆိုနိုင်ဘူး။  ဘာကြောင့်ဆို ဦးနုက စစ်မှန်တဲ့ အမျိုးသားရေးဝါဒီ တယောက်သာ ဖြစ်ပြီး မျိုးမြင့်စိတ်နေဝါဒ စွဲကပ်နေသူမှ မဟုတ်ခဲ့တာကိုး။

ဒီလို ကျယ်ပြန့်တဲ့၊ လူမျိုး တမျိုး၊ ဘာသာ တခု ကွက်ကွက်ကလေး ကို မကြည့်ဘဲ၊ တိုင်းပြည် ရှိ လူမျိုးစုံ၊ ဘာသာစုံ ကို အခြေခံတဲ့၊ ဒေသဆိုင်ရာ အကျိုး၊ နိုင်ငံတကာအနံ့ အပြည့်ရှိတဲ့ အမျိုးသားရေးဝါဒ မျိုးကို စာရေးသူ ကျနော်ဟာ နှစ်နှစ်ကာကာ ယုံကြည်တယ်။  နှလုံးသား တမိုက်တထွာ၊ အမြင် မျက်တောင် တမွှေးနဲ့ ပြင်းထန်စွန်းရောက် အမျိုးသားရေးဝါဒမျိုး၊ မျိုးမြင့်စိတ်နေဝါဒ မျိုးကို ပြင်းပြင်းထန်ထန် ဆန့်ကျင် ရှုတ်ချတယ်။

ဒီလို သဘော အမျိုးသားရေးဝါဒီ စာရေးသူ ဟာ မွေးဖွားကြီးပြင်းရာ ဗမာပြည် အရေး ကို လိုလားတယ်၊ ဗမာပြည် တည်ရှိရာ အရှေ့တောင်အာရှ အရေးကို စိတ်ဝင်စားတယ်၊ အရှေ့တောင်အာရှ တည်ရာ အာရှတိုက် အရေးကို အရေးတယူရှိတယ်၊ အာရှတိုက် တည်ရှိရာ ကမ္ဘာကြီး အရေးဟာ စာရေးသူ အရေးလည်း ဖြစ်တယ်။  အမေရိကန် ကျူးလွန်ခဲ့တဲ့ ဗီယက်နမ် စစ် သမိုင်း သဘော ကို ဆန့်ကျင်တယ်၊ ပါလက်စတိုင်းဒေသ လွတ်မြောက်မှုကို လိုလားတယ်၊ တိဗက်ဒေသ ဟာ တိဗက်လူမျိုးအတွက်ပဲ ဖြစ်ရမယ် ဆိုတာကို ယုံကြည်တယ်၊ အလားတူပဲ ဗမာပြည်က ၊ ကရင် အစရှိတဲ့ လူမျိုးစု တော်လှန်ရေးတွေကို ထောက်ခံအားပေးတယ်။

စစ်မှန်တဲ့ အမျိုးသားရေးဝါဒီ တယောက်က တမျိုး၊ တဘာသာ တည်း သီးသန့် ပြောဆို ဆွေးနွေးမှုမျိုး၊ အမြင်မျိုး၊ ကျဉ်းမြောင်းမှုမျိုး ဘာအကြောင်းပြချက်နဲ့မှ မလုပ်အပ်ဘူး။

အခု ဗမာ့ နိုင်ငံရေး ဖြစ်စဉ်မှာ ဖြစ်ပေါ်နေတဲ့ ဒေါ်အောင်ဆန်းစုကြည်၊ ဒီမိုကရေစီ ဘက်တော်သားများ နဲ့ ပြည်သူလူထု အများစု ရဲ့ ၂၀၁၅ ရွေးကောက်ပွဲ အောင်ပွဲ ပန်းတိုင် ရည်မှန်းချက် နဲ့ အလားအလာ ကို ကြောက်လန့် တုန်လှုပ် မှုကြောင့် စစ်အုပ်စု နဲ့ နောက်မြီးဆွဲများ အောက်လမ်းနည်းများသုံး၊ အစွန်းရောက် အမျိုးသားရေး မှိုင်းလုံးတွေ တိုက်၊ တို့မီး ရှို့မီး တွေ လုပ်၊ မရှိတဲ့ မီးကို ပွားအောင်လုပ်၊ ဘာသာ-လူမျိုးကွဲ လူနည်းစုဝင်တွေကို ပစ်မှတ်ထား တိုက်ခိုက် အစရှိတဲ့ အမျိုးသားရေးဝါဒ ကို တလွဲအသုံးချနေသူ အမျိုးသားရေးဝါဒီ ဆိုသူများ အတွက် နိဂုံးချုပ် မေးခွန်း နှစ်ခု မေးချင်တယ်။

အမျိုးသားရေးဝါဒ မှာ နိုင်ငံရေးအရ ဆိုရင် လူမျိုးစု အသီးသီး ရဲ့ အမှီအခိုကင်း ရပ်တည်ခွင့်၊ ကိုယ့်ကြမ္မာ ကိုယ် ဖန်တီးခွင့်၊ ကိုယ်ပိုင်အုပ်ချုပ်ခွင့်၊ လွတ်လပ်ခွင့်၊ နှစ်သက်ရာ ကိုးကွယ်ယုံကြည်ခွင့် ကို အပြည့်အဝ ထောက်ခံအားပေးရတယ်။  မိမိလူမျိုး၊ နိုင်ငံ ကို ဘယ်သူ့သြဇာခံ မှ မဖြစ်စေချင်တဲ့ အမျိုးသားရေးဝါဒီ တယောက်ဟာ တခြား လူမျိုးစုငယ်တွေကိုလည်း မဖိနှိပ်အပ်ရာဘူး။  အခု အမျိုးသားရေးဝါဒီ ခံယူသူများ ကရင့်တော်လှန်ရေး၊ ကချင့်တော်လှန်ရေး၊ လူနည်းစု အခွင့်အရေး၊ ဘာသာရေး နှိပ်ကွပ်မှု ဆန့်ကျင်မှုတွေကို ဘယ်လို သဘောထား ခံယူပါသလဲ။

အမျိုးသားရေးဝါဒမှာ စီးပွားရေး စနစ်အရ ဆိုရင် အရင်းရှင် စနစ်ဆိုး နိုင်ငံပေါင်းစုံ က ကော်ပိုရေးရှင်းကြီးတွေ၊ လုပ်ငန်းစုကြီးတွေ၊ ငွေကြေးအဖွဲ့အစည်းကြီးတွေရဲ့ ဖိနှိပ် ချုပ်ခြယ်၊ ခေါင်းပုံဖြတ်၊ အဓမ္မကျင့်မှုတွေကို အပြင်းအထန် ဆန့်ကျင်ရတယ်။  အခု အမျိုးသားရေးဝါဒီ ခံယူသူများ ဝမ်ပေါင် + စစ်တပ်ဦးပိုင် ရဲ့ လက်ပန်းတောင်းတောင် ကြေးနီစီမံကိန်း ကို ဘယ်လို မြင်ပါသလဲ။

ကရင်၊ ကချင် ခရစ်ယာန် မဟုတ်တဲ့ စာရေးသူ ကျနော် အမျိုးသားရေးဝါဒီ ကတော့ လူမျိုးစု တော်လှန်ရေး တွေကို ထောက်ခံတယ်၊ လူနည်းစု အားလုံး သာတူညီမျှတဲ့ ဖက်ဒရယ် ပြည်ထောင်စု စစ်စစ်မူကို လိုလားတယ်၊ မွတ်ဆလင် မဟုတ်တဲ့ စာရေးသူ ကျနော် အမျိုးသားရေးဝါဒီ ဟာ လူမျိုး၊ ဘာသာ၊ အသားအရောင် ကို အခြေပြုပြီး ခွဲခြား၊ ပြောဆို ပြုမူ ဆက်ဆံနေတာတွေကို ပြင်းပြင်းထန်ထန် ဆန့်ကျင်တယ်။

အရင်းရှင် ပညာရေးစနစ်ကို အရင်းရှင် နိုင်ငံမှာ သင်ကြားလာခဲ့တဲ့ စာရေးသူ ကျနော် အမျိုးသားရေးဝါဒီ ဟာ လူမျိုး-ဘာသာ ကို အခြေမခံဘဲ နိုင်ငံတကာက လူမျိုးစုံ-ဘာသစုံ ရဲ့ အရင်းရှင် ကုမ္ပဏီကြီးများ ကမ္ဘာ့ အလုပ်သမား၊ လူတန်းစား အသီးသီး ကို ဂုတ်သွေးစုပ်နေမှုတွေကို သဲသဲမဲမဲ ဆန့်ကျင်တယ်၊ ဝေါလမ်းမ က ဝံပုလွေကြီးများကို ဆန့်ကျင်ရေး “Occupy Movement” တွေကို သောင်းသောင်းဖြဖြ ထောက်ခံခဲ့တယ်၊ နိုင်ငံခြားရင်းနှီးမြှုပ်နှံ့မှု တွေမှာ ဒေသဆိုင်ရာ လူထု ဆန္ဒ နဲ့ ဖွံ့ဖြိုးတိုးတက်မှု ကသာ အခရာ ပဓာန ဖြစ်ကြောင်း စွဲစွဲမြဲမြဲ ယုံကြည်တယ်။  အလားတူပဲ လက်ပန်းတောင်းတောင် ဒေသခံတွေနဲ့ တသွေး၊ တသံတည်း ဖြစ်ကြောင်း ပြနိုင်ဖို့၊ စိတ်ဓာတ်ပိုင်းဆိုင်ရာ အားပေးရာ၊ အားပေးကြောင်း “ဦးပိုင်လူများ မမြင်ချင်” ဆောင်းပါး ရေးခဲ့တယ်။

ဆိုတော့ အခု အမျိုးသားရေးဝါဒ အကြောင်း နေရာတကာ မှာ ပြောဟောနေသူများ၊ အမျိုးသားရေးဝါဒီ အဖြစ် ခံယူထားသူများကို အထက် မှာ ဆိုခဲ့တဲ့ မေးခွန်းနှစ်ခု ကို အရင် ဖြေစေချင်တယ်။  နိုင်ငံရေး အောက်လမ်းနည်း၊ အလိုတော်ရိ နိုင်ငံရေး အကျင့်အကြံ စစ်အုပ်စု ဒူးမနာသားများ အဖြစ် ကောင်းမွန်ပြည့်ဝ အဓိပ္ပာယ် ရှိလှတဲ့ “အမျိုးသားရေးဝါဒ” ကို တလွဲအသုံးချ၊ ဓားစာခံ မလုပ်ဖို့ တောင်းပန်ချင်တယ်။

ငြိမ်းချမ်းအေး

၀၃၊ မတ်၊ ၂၀၁၄

 

(ဆောင်းပါး နှင့် ပတ်သက်၍ ဝေဖန်၊ အကြံပြုလိုသူများ nyeinchanaye81@gmail.com သို့ စာရေးဆက်သွယ်နိုင်သည်။)

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သူတို့အာဘော်, ငြိမ်းချမ်းအေး

One Response to ကျနော် အမျိုးသားရေး ဝါဒီ

  1. Thet Naing on March 5, 2014 at 5:08 am

    သိပ်ကောင်းတယ်ဗျာ။ လှိုက်လှိုက်လှဲလှဲ ကြိုဆိုပါဆယ်။ ဒါပေမဲ့ ၉၆၉၊ အမျိုးဘာသာ သာသနာလှုပ်ရှားမှုတွေက ပြည်တွင်းကနေ ပြည်ပအထိပါ ကူးစက်လာနေတာဟာ ဘယ်ဆီနေမှန်းမသိသေးတဲ့ ဒီမိုကရေစီခြေလှမ်းတွေက ရှေ့တစ်လှမ်း နောက်နှစ်လမ်းဖြစ်လာနေတာ တော်တော်ဝမ်းနည်းစရာပါဗျာ။ ကျနော်တော့ အကဲဆတ်လွန်းလို့လား မသိဘူး။ ၉၆၉၊ အမိ်ျုးဘာသာ သာသနာ၊ အမျိုးသားရေးအမြင်၊ ကိုယ့်နိုင်ငံနဲ့ ကိုက်ညီတာကို လုပ်ရမယ်စတဲ့ စကားလုံးတွေကြားရင်ကိုပဲ နာမခံသာတော့ဘူး။ အခုအဲဒီစကားတွေကို စစ်အုပ်စုက ပြောစရာမလိုတော့လောက်အောင်ကို ဖြစ်နေကြပြီ။ ဘုန်းကြီးကျောင်းတစ်ကျောင်းမှာဆိုရင် “မြန်မာစစ်လျင် ဘာသာချစ်သည်” လို့ ရေးထားတာကိုတွေ့ရတော့ သြော်…..ကုသိုလ်ရေးထဲမှာ အကုသိုလ်တွေ ပါနေပါရော့လားဆိုပြီး စိတ်မသက်မသာ ဖြစ်ခဲ့ရတယ်။ စုံစမ်းကြည့်တော့ ကျောင်းထိုင်ဆရာတော်ကိုယ်တိုင် ရေးထားတာဆိုပဲ။ တရား တရား………ဓမ္မ ဓမ္မ…….ဆင်ခြင်နိုင်ကြပါစေခင်ဗျာ။

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)