ဦးဝင်းတင် ၈၄နှစ်ပြည့်နဲ့ ဖောင်ဒေးရှင်းအလှူပွဲ မြင်ကွင်း

March 14, 2014

 

ဦးဝင်းတင် ၈၄နှစ်ပြည့်နဲ့ ဖောင်ဒေးရှင်းအလှူပွဲ မြင်ကွင်း

ရန်နောင်(ဗိုလ်တထောင်) မိုးမခဓာတ်ပုံသတင်း၊ မတ် ၁၄၊ ၂၀၁၄

သတင်းစာဆရာကြီးဦးဝင်းတင် ဦးစီးတည်ထာင်ထားသော နိုင်ငံရေးအကျဉ်းသားများအားကူညီစောင့်ရှောက်ရေးနှင့် ဘဝတူစာနယ်ဇင်းသမားများနှင့် မိသားစုများအား တတ်နိုင်သမျှ ကူညီထောက်ပံ့ရေးအတွက် ဟံသာဝတီဦးဝင်းတင်ဖောင်ဒေးရှင်း၏ ထောက်ပံ့ငွေပေးအပ်ပွဲနှင့် အလှူရှင်များအားဂုဏ်ပြုပွဲကို ရန်ကုန်မြို့ ဗဟန်းမြို့နယ်ရှိ ရွှေဂုံတိုင်တော်ဝင်နှင်းဆီ (ငြိမ်းချမ်း ခန်းမ ) ၌  ၂၀၁၄ ခုနှစ် မတ်လ ၁၂ ရက် ဗုဒ္ဓဟူးနေ့ နေ့လည် ၃ နာရီတွင် ကျင်းပပြုလုပ်ခဲ့ပါသည် ။

 

အဆိုပါအခမ်းအနားတွင် သဘာပတိအဖြစ် နာယကကြီးဦးဝင်းတင် မှဆောင်ရွက်ခဲ့ပြီး အခမ်းအနားမှူးအဖြစ် အတွင်းရေးမှူး ဦးကျော်အောင်မှ ဆောင်ရွက်ခဲ့ပါသည် ။သဘာပတိ ဦးဝင်းတင်မှ အမှာစကားပြောကြားရာတွင် ကျန်းမာရေးအခြေအနေအရ ထိုင်ပြီးပြောရသည်ကို ခွင့်လွှတ်စေချင်ကြောင်း ၊ ယနေ့တွင်ပင် ဆေးရုံသို့တက်ရမည်ဖြစ်ကြောင်း ၊ လာလှူသူသမျှ ငွေကြေးများကိုလိုအပ်သည်သာသုံးစွဲပါကြောင်း ၊အလုပ်အမှုဆောင် များသည် စေတနာ့ဝန်ထမ်းများ သာဖြစ်ပါကြောင်း  ၊ငွေကြေးများကို စနစ်တကျသုံးစွဲသည့်အတွက်လည်း ယခုကဲ့သို့ နှစ်နှစ်ပြည့်မြောက်သည်အထိ အောင်မြင်ခဲ့သည်ဖြစ်ကြောင်း ၊ဖောင်ဒေးရှင်းတည်ထောင်ရန်အကြံပေးးခဲ့သော ဆရာမောင်ဝံသအားလည်း ကျေးဇူးအထူးတင်ရှိပါကြောင်း စသည်ဖြင့် ပြောကြားခဲ့ပါသည် ။

 ထို့နောက်  ၁၃ ကြိမ်မြောက် ထောက်ပံ့ငွေပေးအပ်ပွဲနှင့်ပတ်သက်၍ ရှေ့နေများကွန်ရက်မှ ဆရာဦးအောင်သိန်းမှ ရှင်းလင်းပြောကြားခဲ့ပြီး  ဦးထွန်းကြည် (နိုင်/ကျဉ်း ) မှရှင်းလင်းပြောကြားခဲ့သည် ။ ဆက်လက်၍ ထောက်ပံ့ငွေပေးအပ်ခြင်းများကိုပြုလုပ်ခဲ့ရာ လူပုဂ္ဂိုလ် (၄၀ )ဦးနှင့် အဖွဲ့အစည်း (၁) ခုတို့ အားထောက်ပံ့ငွေစုစုပေါင်း (၁၀၆ )သိန်းကိုပေးအပ်ခဲ့ပါသည်။

 

ဟံသာဝတီဦဝင်းတင်ဖောင်ဒေးရှင်းအနေဖြင့် ၁၂. ၃ .၂၀၁၃ နေ့တွင်ကျင်းပပြုလုပ်ခဲ့သည့် ပထမအကြိမ်ထောက်ပံ့ပေးအပ်ပွဲမှစ၍ နှစ်လတကြိမ်ပုံမှန်ထောက်ပံ့ပေးအပ်ခဲ့ရာ ပြီးခဲ့သည့် ၁၂.၁.၂၀၁၄ နေ့တွင် ကျင်းပပြုလုပ်ခဲ့သည့် (၁၂ )ကြိမ်မြောက်ထောက်ပံ့ငွေပေးအပ်ပွဲအထိ စုစုပေါင်း ( ၁၂ )ကြိမ်တွင် လက်ရှိနိုင်ငံရေားးများအကျဉ်းသား (၅၅ )ဦး ၊နိုင်ငံရေးအကျဉ်းသားဟောင်းနှင့် ဘဝတူစာနယ်ဇင်းသမား(၂၉၂ )ဦး စုစုပေါင်း ( ၃၄၇  )ဦးတို့အားထောက်ပံ့ငွေပေးအပ်ခဲ့ပြီးပေးအပ်ခဲ့ပြီး ဖြစ်ပါသည် ။ထောက်ပံ့ငွေပေါင်း ( ၁၀၁၃ )သိန်းရှိခဲ့ပြီး ယခု အကြီမ်နှင့်ပါဆိုလျှင် ထောက်ပံ့ငွေစုစုပေါင်း ( ၁၁၁၉ )သိန်း ရှိခဲ့ပါသည် ။

ထို့ပြင် နိုင်ငံရေးအကျဉ်းသားဟောင်းမိသာစုများအတွက် ပညာရေးထောက်ပံ့မှု ၊ကျန်းမာရေးစောင့်ရှောက်မှု နှင့် အလုပ်အကိုင်ရှာဖွေပေးရေးလုပ်ငန်းစဉ်များကိုလည်းပြည်တွင်းပရဟိတအလှူရှင်များနှင့်ပေါင်းကူးဆက်စပ်ကာ ဆောင်ရွက်ပေးလျက်ရှိရာ  ၃၀.၅.၂၀၁၃ နေ့တွင် (၂၅၇ )ဦးတို့အား ထောက်ပံ့ငွေ (၂၆၁.၅ )သိန်းကို ပထမစာသင်နှစ်ဝက်အတွက်၎င်း၊ (၅၉၁ )ဦးအား (၆၄၉ )သိန်းကို ဒုတိယစာသင်နှစ်ဝက်အတွက်၎င်း ထောက်ပံ့ပေးအပ်နိုင်ခဲ့ပါသည် ။

ဆက်လက်၍  နိုင်ငံရေးအကျဉ်းသားတို့၏ ဖြတ်သန်းမှုဖြစ်စဉ်များအား လေ့လာသုတေသနပြုလျက် စာတန်းပြုစုခြင်းအပါအဝင် နိုင်ငံရေးအကျဉ်းသားဟောင်းတို့၏ ရေရှည်ဘဝရပ်တည်ရေးလုပ်ငန်းစီမံချက်များရေးဆွဲချမှတ် အကောင်အထည်ဖော် ဆောင်ရွက်ခြင်းစသော လုပ်ငန်းများကိုလည်း အထူးအစီအစဉ်အဖြစ်ဆောင်ရွက်သွားမည်ဖြစ်ကြောင်းလည်း  ဦးထွန်းကြည်မှပြောကြားခဲ့ပါသည် ။

နိုင်ငံအတွက် မြန်မာ့လူ့အဖွဲ့အစည်းအတွက် မိမိတို့ဘဝများကို စွန့်လွှတ်အနစ်နာခံသူများကို ဟံသာဝတီဦးဝင်းတင်ဖောင်ဒေးရှင်းမှတဆင့် ပြန်လည်ထောက်ပံ့ကူညီနိုင်ရန်  စေတနာရှင်အလှူရှင်များအနေဖြင့် အလှူငွေများထည့်ဝင်လှူဒါန်းခြင်းဖြင့်ကူညီအားဖြည့်ပေးကြပါရန်လည်း အမှုဆောင်တစ်ဦးဖြစ်သူ ဦးကျော်အောင်မှပြောကြားခဲ့ပါသည် ။ ဟံသာဝတီဦးဝင်းတင် ဖောင်ဒေးရှင်းသို့အလှူငွေထည့်ဝင်ချင်သူများအနေဖြင့် ဦးဝင်းတင်ဖောင်ဒေးရှင်းရုံး ၊အမှတ် (၁၂၂ )၊၃လွှာ ၊ လမ်း (၅၀ ) ၊ ပုဇွန်တောင်မြို့နယ် ၊

ဒီလှိုင်းရုံး ၊အမှတ် (၃၆၁ ) ၊ပုလဲသီရိတိုက်ခန်း ၊နတ်မောက်ရပ်ကွက် ၊တာမွေမြို့နယ်သို့ ဆက်သွယ်လှူဒါန်းနိုင်ကြောင်း သိရှိရပါသည် ။

 

 

 

 

 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:Yan Naung (Bo Ta Htaung), ဓာတ်ပုံသတင်း

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)