ရွှေကူမေနှင်း – ၁၉၉၀ လွှတ်တော်ကိုယ်စားလှယ်များအဖွဲ့ ဖွဲ့လိုက်ပြီ

March 29, 2014

၁၉၉၀ လွှတ်တော်ကိုယ်စားလှယ်များအဖွဲ့ ဖွဲ့လိုက်ပြီ 

 ရွှေကူမေနှင်း ( မြန်မာသံတော်ဆင့် အပတ်စဉ်သတင်းစာ၊ မတ် ၂၉ ၊ )

 ၉၀ ကိုယ်စားလှယ်ထဲမှ အချို့က ၂၀၁၀ နှင့် ၂၀၁၂ ရွေးကောက်ပွဲဖြင့် ရွေးချယ်ခံရပြီး လက်ရှိ လွှတ်တော်ထဲ ရောက်နေကြသည် … လွှတ်တော်ထဲရောက် ၉၀ များကိုလည်း ဖိတ်သည် လွှတ်တော်ထဲမှ ၉၀ လူများ လာနိုင်ဖို့ လွှတ်တော် နားရက်၌ စည်းဝေးပြုလုပ်ရန် အရေးတယူ စဉ်းစားဆုံးဖြတ်ခဲ့ကြ … လက်တွေ့၌ ၉၀ ကိုယ်စားလှယ် များဆိုသည်ကို သူတို့မေ့သွားခြင်း ဖြစ်ချင်လည်း ဖြစ်မည် …

၁၉၉၀ လွှတ်တော်ကိုယ်စားလှယ်များ အဖွဲ့ကို ဦးခွန်ထွန်းဦးအား ဥက္ကဋ္ဌတင်ပြီး ဖွဲ့စည်းလိုက်ပြီဖြစ်ပါသည်။ မတ်လ ၂၂ ရက်နေ့၊ တော်ဝင်နှင်း ဆီ၊ သီရိခန်းမတွင် ပြုလုပ်သော ၁၉၉၀ ရွေးချယ်ခံ ကိုယ်စားလှယ်များ တွေ့ဆုံပွဲ ၌ အထက်ပါအဖွဲ့ကို အောင်မြင်စွာ ဖွဲ့ စည်းခဲ့ခြင်းဖြစ်၏။ သမိုင်းမှတ်တိုင် တစ်ခု ဖြစ်သဖြင့် နောင်လာနောက်သားများ အမှတ်မမှား စေရန်အတွက် အဖွဲ့ဖြစ်ပေါ်ပုံ၊ ဖွဲ့စည်းပုံ နှင့် ရည်ရွယ်ချက်များကို တင်ပြရန်လိုမည် ဟု ယူဆပါသည်။ ဤစာရေးသူမှာ ကိုယ် တိုင် စတင်တည် ထောင်သူ (Founder) ဖြစ်၍ တင်ပြရန် တာဝန်ရှိသည်ဟုလည်း ခံယူပါသည်။

သမိုင်းအစမှာ
၂၀၁၂ နောက်ပိုင်း သမ္မတဦးသိန်းစိန်က ပြည်ပရောက် မြန်မာနိုင်ငံသားများ တိုင်းပြည်အကျိုး ဆောင်ရွက် နိုင်ရန် အတွက် ပြန်လာကြပါရန် ဖိတ်ခေါ်ခဲ့ရာ ပထမဦးဆုံး ရောက်လာသူကား ဦးပီတာ လင်းပင် ဖြစ်၏။ ဦးပီတာလင်းပင်ကား ၁၉၉၀ ရွေးကောက်ပွဲတွင် ပြင်ဦးလွင် အမှတ် (၂) မဲဆန်္ဒနယ်မှ ရွေးချယ်ခံရ သော လွှတ်တော် ကိုယ်စားလှယ်ဖြစ်သည်။ ပါတီမရှိ။ တစ်သီးပုဂ္ဂလဖြစ်ပါ၏။…

ဦးပီတာလင်းပင် ပြန်ရောက်လာသော အခါ ဦးဝင်းခက်မွေးနေ့ပွဲနှင့် ကြုံကြိုက်ရာ ကျွန်မနှင့် ဆုံရသည်။ တွေ့ လျှင်တွေ့ချင်း သူက ““ဟေ့ … တို့ ၉၀ တွေ အဖွဲ့ဖွဲ့ရ အောင်”” ဟု တရင်းတနှီးဆိုရာ ““အိုကေ၊ လုပ်ကြ မယ်””ဟု ကျွန်မက စိတ်အားထက် သန်စွာ ပြန်ပြောခဲ့၏။ (ကျွန်မတို့သည် ကျောင်းနေစဉ် ငယ်က တည်းက “ကင်း ထောက်တပ်ဖွဲ့”များ လုပ်ခဲ့ကြသဖြင့် သဘောထားတူနေတာ ဖြစ်နိုင်သည်) သို့ သော် ချက်ချင်း အကောင်အထည်မဖော် ဖြစ်ပါ။ ၉၀ … ကိုယ်စားလှယ် ၄၀၀ ကျော်အနက် နှစ်ပေါင်း ၂၀ အတွင်း အများအပြား ကွယ်လွန်သွားခဲ့ကြပြီ။ နာမကျန်းဖြစ်ပြီးလဲနေသူတွေ ရှိသည်။ ပြည်ပရောက်သွား သူတွေရှိသည်။ ဘယ် လောက်ကျန်သေးသနည်းဟု ကျွန်မတို့ မသိရ။ ကျန်သလောက်နှင့်အဖွဲ့ဖွဲ့ကြမည် ဟု ဆုံးဖြတ်ပြီး ဂျာနယ်တွင် ရေးသားခဲ့ ၏။ ထိုမီဒီယာ အစွမ်းကြောင့် ၉၀ကိုယ်စား လှယ်များ ဆက်သွယ်လာကြသည်။ ရန်ကုန်နှင့် လက် လှမ်းမီရာ လူများ စု စည်းပြီး ဖွဲ့စည်းရေးကော်မတီဖွဲ့ရန် စိုင်းပြင်းကြသည်။ အဆိုပါ ဖွဲ့စည်းရေးကော်မတီတွင် အဖွဲ့ဝင် ၁၄ ဦးပါဝင်နိုင်ခဲ့ပါ သည်။ ရန်ကုန်မှ ၁၁ ဦး၊ မော်လမြိုင်၊ ပုသိမ်၊ တောင်တွင်းကြီးမှ တစ်ဦးစီဖြစ်၏။

ယခုစုစည်းမိသမျှ လက်ကျန်လူများ မှာ ““လာရာ”” ချင်းမတူကြပါ။ ““လားရာ”” ချင်းကားတူ၏။ ထို့ကြောင့် သဘောကွဲလွဲ မှု အများအပြားကို ကြိတ်ချေပြီး လားရာ သို့ ဦးတည်ရသည်။ ““ဘာလုပ်ကြမှာလဲ”” ဟူသော မေးခွန်းများအတွက် တစ်သံ တည်းထွက်နိုင်ရန်၊ ကော်မတီ၏ ပြောရေး ဆိုခွင့် ပုဂ်္ဂိုလ်နှစ်ဦးရွေးချယ်ရာ စတင် သူ ဦးပီတာလင်းပင်နှင့် ကျွန်မတို့ကို တာဝန်ပေးခဲ့၏။


ပြင်ဆင်ချိန် ၃ လမျှကြာပြီး အစည်း အဝေးပေါင်း ၁၀ ကြိမ်လုပ်ခဲ့ရသည်။ အဓိကကျသော လက်ရှိ အသက်ရှင် နေသော ကိုယ်စားလှယ်များစာရင်းကို ပြုစုရသည်။ ကွယ်လွန်သူများ၏ မိသားစုများ ကိုလည်း ဖိတ်ကြားရမည်။ စုံညီဖိတ်ကြား ပြီး ရောက်ရှိလာသူများနှင့် အဖွဲ့ဖွဲ့ရမည် ဖြစ်ရာ လူဦးရေကို မခန့်မှန်းနိုင်ခဲ့ပါ။ ၉၀ ကိုယ်စား လှယ်ထဲမှ အချို့က ၂၀၁၀ နှင့် ၂၀၁၂ ရွေးကောက်ပွဲဖြင့် ရွေးချယ်ခံရပြီး လက်ရှိလွှတ်တော်ထဲ ရောက်နေ ကြသည်။ ကျွန်မတို့က ၉၀ …ဖြစ်လျှင် အားလုံး ဖိတ်မည်။ ပါတီမရွေး။ ၉၀ ဖြစ်ရန်သာ လိုသည်။ ထို့ကြောင့် လွှတ်တော်ထဲရောက် ၉၀ များကိုလည်း ဖိတ်သည်။ လွှတ်တော် ထဲမှ ၉၀ လူများလာနိုင်ဖို့ လွှတ်တော် နားရက်၌ စည်းဝေးပြုလုပ်ရန် အရေးတယူ စဉ်းစားဆုံးဖြတ်ခဲ့ကြသည်။

(လက်တွေ့၌ … ဦးသန်းဝင်း NLD နှင့် ဦးစိုးဝင်း NDF တို့သာ ရောက်လာ ကြ၏) ဦးသိန်းညွန့်က ဖြစ်မြောက် ရေး အစည်းအဝေးသို့လာပြီး အလှူငွေထည့် ၀င်သည်။ ဂျာနယ်ဆောင်းပါးလည်း ရေး ပေးသည်)NDF မှ ဦးခင်မောင်ဆွေနှင့် Dr. သန်းငြိမ်းလည်း လာရောက်အားပေးပါ သည်။

အဖွဲ့ဖြစ်မြောက်ရေး ကော်မတီသည် အဓိကကျသော ဘဏ္ဍာရှာဖွေရေးတွင် ခိုင်မာသော ဆုံးဖြတ်ချက်တစ်ခုကိုလည်း ချခဲ့ပါသည်။ လိုအပ်သော ငွေကြေး အတွက် မိမိတို့ ၁၄ ဦးက တတ်နိုင်သမျှ စိုက်ထုတ်ရန်နှင့် ရင်းနှီးသူများထံသာ အလှူခံရန်ဖြစ်၏။ အစိုးရနှင့် နိုင်ငံခြား အထောက်အပံ့ လုံးဝ (လုံးဝ)မယူရန် ဖြစ်ပေသည်။
နောက်တစ်ချက်အရေးကြီးသည်မှာ ယခု ၉၀ အဖွဲ့သည် မည်သည့်နိုင်ငံရေး ပါတီနှင့်မျှ မပတ်သက် ဟူသော အချက် ဖြစ်၏။ ၉၀ ရွေးကောက်ခံများချည်း သီး သန့်ဖြစ်လျက် မွန်၊ ရခိုင်၊ ရှမ်း၊ မြန်မာ စသော တိုင်းရင်း သားများ စုစည်းထား မိလျက်သား ဖြစ်နေသည်။ တစ်ခုတော့ ရှိသည်။ မိမိတို့ ၁၄ ဦးတွင် လက်ရှိအဖွဲ့ ချုပ်၌ တာဝန်ထမ်းနေသူတစ်ဦးပါနေ သည်။ ၉၀ … ကိုယ်စားလှယ်ဖြစ်ပြီး လုပ်ရည်ကိုင်ရည် အတွေ့အကြုံရှိသဖြင့် အစည်းအဝေး၌ အခမ်းအနားပြင်ဆင်ရေး တာဝန်ပေးခဲ့၏။ သူကလည်း တာဝန်ကျေ ၏။ သူ့တာဝန်အတွက် နီးစပ်ရာမှ အကူ အညီယူခဲ့၏။

ဤတွင် အခန်းထဲ၌ပင်နီ ၀တ်၊ တံဆိပ်တတ်လူများကို တွေ့မြင်ကြ ရာ အချို့က ဤတွေ့ဆုံပွဲကို ဗဟိုက ဦးစီးကျင်းပပေးသည်ဟု ထင်မြင်သွားကြ လေသည်။ မဟုတ်ကြောင်း ရှင်းပြရ၏။ (သူတို့အတွက်လည်း မိမိတို့ကြောင့် တာဝန်မရှိစေချင်။ သူတို့ကြောင့်လည်း မိမိတို့အဖို့ မလွတ်မ လပ်မဖြစ်စေ ချင်ပေ။ မိမိတို့အဖွဲ့သည် ““သီးခြားလွတ်လပ်သော အဖွဲ့”” တစ်ဖွဲ့သာဖြစ်ပါသည်)

ဤသို့ဖြင့် ကျွန်မတို့ ကြိုးပမ်းတည် ဆောက်ခဲ့သောအဖွဲ့သည် မျှော်မှန်းထား သည်ထက်ပင် ပြီးမြောက် အောင် မြင်ခဲ့ပါပြီ။ ကျွန်မတို့မမှန်းဆနိုင်ခဲ့သော လက် ကျန်လူဦးရေကိုလည်း အနီးစပ်ဆုံး ရရှိခဲ့ ပါပြီ။ အခမ်း အနားသို့ ကိုယ်တိုင်တက် ရောက်သူ ၉၀ ကိုယ်စားလှယ် ၁၂၇ ဦး တိတိ စာရင်းဝင်ခဲ့ပါသည်။
ဤအခမ်းအနားတွင် ကျန်ရစ်သူ မိသားစုများကိုပါ ဖိတ်ကြားပြီး၊ ဂုဏ်ပြု လွှာ ပေးအပ်ရာ မျက်ရည်စမ်းစမ်းနှင့် ကျန်ရစ်သူများ အချင်းချင်း အားပေးအား ယူလုပ်ကြရသည်။ တွေ့ဆုံစကားပြောခြင်း သည် ““နားလည်မှု””ကို ဖြစ်ပေါ်စေ၏။ ကျွန်မတို့အားလုံး နားလည်ကြရသည်။ အထူးသဖြင့် အဖွဲ့ CEC ထဲတွင် ရှမ်း၊ မွန်၊ ရခိုင် စသည့် တိုင်းရင်းသား ၉၀ ကိုယ်စားလှယ်များ ပါဝင်တာဝန်ယူကြသဖြင့် ၀မ်းမြောက်ပီတိဖြစ်ရသည်။ ပြည်ထောင်စု စိတ်ဓာတ် ပို၍ခိုင်မာလာသည်။

တစ်ခုတော့ ၀မ်းနည်းစရာကောင်း လေမလားမသိ။ အခြားမဟုတ်ပါ။ သံ တမန်ရုံးများကို ဖိတ်ကြားခဲ့ရာ၊ အင်ဒိုနီးရှားနှင့် ပြင်သစ်သံရုံးမှ တာဝန်ခံများသာ လာရောက်ခဲ့ကြခြင်းဖြစ်၏။ ဖိတ်စာ မရောက်ခြင်းဖြစ်ကောင်း ဖြစ်မည်။ (မအားမလပ်စရာတော့ မရှိပါ) ၉၀ ကိုယ်စားလှယ် များဆိုသည်ကို သူတို့မေ့သွားခြင်း ဖြစ် ချင်လည်း ဖြစ်မည်။ ၀မ်းသာစရာတစ်ခု ကား ကျွန်မတို့၏ ဖောက်သည်ဟောင်း ကြီး ၈၈ သတင်းဆရာကြီး ““လယ်ရီ ရေဂင်”” ရောက်လာခြင်းဖြစ်၏။ လယ်ရီ က ကျွန်မအပါအ၀င် လူပုဂိ်္ဂုလ်အများ အပြားနှင့် စကားပြော သွား သည်။ အထူးသဖြင့် ခေါင်းဖြူစွယ်ကျိုး၊ လေဖြတ်၍ လမ်းတွဲလျှောက်နေရသော ၉၀ ကိုယ်စား လှယ်များကို သူ အထူးစိတ်ဝင်စားသည်။ အယူအဆအမျိုးမျိုး၊ ခံစားချက်အမျိုးမျိုး ကို သူ ရေးမှတ်သွားသည်။ သူ့အဖို့တော့ ဆောင်းပါးတွေ တစ်ထမ်းတစ်ပိုးရသွားခဲ့ ပေမည်။

အဖွဲ့နှင့် ပတ်သက်၍ သဘောထားများ၊ ရှေ့လုပ်ငန်းစဉ်များကို သတင်းသမား အများသိလိုကြ၏။ ကျွန်မတို့က ယနေ့မှ မွေးဖွားရခြင်းဖြစ်၏။ လုပ်ငန်းအတိအကျ ကို ဆွေးနွေးတိုင်ပင်ပြီးမှသာ ပြောနိုင်လိမ့် မည်။ အကျိုးပြု လုပ်ငန်းများလုပ်မည်ဟု သာမန်ပြောလျှင် NGO လားဟုမေးကြ သည်။ NGO ရိုးရိုးမဟုတ်တာတော့ သေ ချာသည်။ နိုင်ငံရေးပါတီလားဟုမေးကြ ၏။ နိုင်ငံရေးပါတီမဟုတ်တာလည်း သေ ချာသည်။ ၂၀၁၅ မှာရွေး ကောက်ပွဲဝင်မှာ လားဟု မေးကြ၏။ အဖွဲ့အနေနှင့် လုံးဝ (လုံးဝ)၀င်မည်မဟုတ်ပါ။ တစ်ဦးချင်းဆန္ဒ အလျောက် တော့ ၀င်ခွင့်ရှိ၏။ အဖွဲ့၏ အလုပ်မဟုတ်။

(ကျွန်မကို မေးလျှင်တော့ လက်ပိုက် လိုက်ပြီး မိန့်မိန့်ကြီးပြုံးလျက် ““ကိုယ်က ရွေးချယ်ခံရပြီးသားလေ၊ ဘာလို့ ထပ်ဝင်ရ မှာလဲ””ဟု ရယ်စရာလုပ်ပစ်လေ့ရှိပါ၏။ အမှန်မှာလည်း ကျွန်မအနေနှင့် ပါတီနိုင်ငံ ရေး၏ ဖိစီးမှု ဒဏ်ကို မခံနိုင်ပါ။ လွတ်လပ် သော စာရေးဆရာဘ၀၊ လွတ်လပ်သော စတုတ်္ထမဏ္ဍိုင်သည်သာ ကျွန်မ မွေ့ လျော်သော အရပ်ဖြစ်ပါ၏) ယခု ၉၀ အဖွဲ့မှာ တာဝန်မကုန်၍လည်းကောင်း၊ သံယောဇဉ် ရှိ၍လည်းကောင်း မဖြစ်မနေ ၀င်လုပ်ရာ ၌ အခြားတာဝန်များ မယူဘဲ ကျွန်မ ကျွမ်း ကျင်သော ““နိုင်ငံတကာဆက်ဆံရေးမှူး”” တာဝန်ကိုသာ ယူထားပါသည်။

ယနေ့ အခမ်းအနားအပြီးတွင် အဖွဲ့ ၀င်များသို့ ထုတ်ပြန်သော ““အဖွဲ့၏ သဘောထားလုပ်ငန်းစဉ်”” (မူကြမ်း) ကို အောက်တွင် ပူးတွဲဖော်ပြအပ် ပါသည်။ နောင်ဆက်လက်၍ ဖြည့်စွက်ထည့်သွင်း ကြမည်ဖြစ်၏။ သေချာ ည်မှာ ၉၀ အဖွဲ့ သည် မြန်မာ့နိုင်ငံရေးတွင် သိက္ခာရှိရှိ၊ နိုင်ငံရေးသိဒိ်္ဓအပြည့်အ၀နှင့် ပါဝင်လှုပ်ရှား သွားကြ မည်ဖြစ်ပါသည်။

 အဖွဲ့၏သဘောထားလုပ်ငန်းစဉ်များ

–  ၁၉၉၀ ခုနှစ်၊ ပြည်သူ့လွှတ်တော် ကိုယ်စားလှယ်များအဖွဲ့ ဖွဲ့စည်းရန်။

-၁၉၉၀ ခုနှစ်၊ ပါတီစုံအထွေထွေ ရွေးကောက်ပွဲတွင် ရွေးကောက်ခံခဲ့ရသော ပြည်သူ့လွှတ်တော်ကိုယ်စားလှယ်များ (မည်သည့်ပါတီဝင်မဆို၊ တစ်သီးပုဂ္ဂလမဆို) ဖြင့် ဖွဲ့စည်းရန်။

– နိုင်ငံရေးပါတီတစ်ရပ်မဟုတ်၊ အဖွဲ့အနေနှင့် ရွေးကောက်ပွဲများတွင် ၀င် ရောက်ယှဉ်ပြိုင်မည်မဟုတ်။ (တစ်ဦးတစ်ယောက်ချင်း ဆန္ဒအလျောက် ရွေးကောက်ပွဲဝင်ခွင့်ရှိသည်)

– အကြမ်းမဖက် ငြိမ်းချမ်းသော နည်းလမ်းများဖြင့် လုပ်ငန်းဆောင်ရွက် ရန်။

– နိုင်ငံရေး (သို့မဟုတ်) မွန်မြတ် သည့် လုပ်ငန်းတာဝန်အကြောင်း နောင် မျိုးဆက်သစ်များသို့ လက်ဆင့်ကမ်းရန်။

– နိုင်ငံရေးလုပ်ငန်းစဉ်များ၊ ပြည် တွင်း ငြိမ်းချမ်းရေးလုပ်ငန်းစဉ်များ၊ သဘာဝ ပတ်ဝန်းကျင်စောင့်ရှောက်ကာ ကွယ်ရေး၊ တရားဥပဒေစိုးမိုးရေးနှင့် ပညာ ရေးလုပ်ငန်းများ လုပ်ဆောင်ရန်။

– ကိုယ်စားလှယ်များနှင့် မိသားစု များ၏ လူမှုအထောက်အကူပြုလုပ်ငန်းများ ဆောင်ရွက်ရန်။

– နိုင်ငံတကာပါလီမန်များနှင့် ဆက် သွယ်၍ နိုင်ငံတကာ ငြိမ်းချမ်းရေးကိစ္စများ တွင် ပူးပေါင်းပါဝင်ရန်။

– အဖွဲ့ဝင်များ၏ မ,တည်ထည့်ဝင်ငွေ များနှင့် အခြားပြင်ပအလှူငွေများဖြင့် လုပ်ငန်းလည်ပတ်ရန်။

– အကျိုးအမြတ်ယူသော စီးပွားရေး လုပ်ငန်းများ လုပ်ကိုင်မည်မဟုတ်။

– နိုင်ငံတော်နှင့် အောက်ခြေပြည်သူ့ ဘ၀ သာယာဝပြောရေး သုတေသန လုပ်ငန်းများ ဆောင်ရွက်ရန်၊ ပြည်သူသို့ ထုတ်ပြန်ရန်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း စက်တင်ဘာ ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်