Tu Maung Nyo – ကာချူပ်ကန်တော့ပွဲ ဘာအဓိပ္ပါယ်ရှိသလဲ

April 2, 2014

ကာချုပ်ကန်တော့ပွဲ ဘာအဓိပ္ပါယ်ရှိသလဲ 
တူမောင်ညို 
ဧပြီ ၂၊ ၂၀၁၄

မတ် ၂၇ ရက်နေ့မှာ ကာချုပ် ဗိုလ်မင်းအောင်လှိုင်က အငြိမ်းစားဗိုလ်ချုပ်ဟောင်းတွေကို ကန်တော့ပွဲလုပ်ခဲ့တယ်။

ဗိုလ်သန်းရွှေကို အရင်ကန်တော့ပြီးမှ ဒီပွဲဆက်လုပ်ကြတာဖြစ်လိမ့်မယ်။  ကာချုပ်ဗိုလ်မင်းအောင်လှိုင်ဟာ ဗိုလ်သန်းရွှေ ခန့်တဲ့ ကာချုပ်ဖြစ် ပါတယ်။

ဒီပွဲက ကန့်လန့်ကာနောက်ကွယ်မှ ဗိုလ်သန်းရွှေရဲ့ဝှက်ထားတဲ့လက်ကို ဖော်ပြနေတာဖြစ်ပြီး၊ ဒီလိုပွဲမျိုးကို ဗိုလ်သန်းရွှေ ခွင့်မပြုဘဲ၊ သူတို့မ လုပ်ဝံ့ဘူး။ ဒီကန်တော့ပွဲက “ဗိုလ်နေဝင်း – ဗိုလ်သန်းရွှေစစ်အုပ်စု” ကို သိဒ္ဓိတင်တဲ့ပွဲဖြစ်လည်းဖြစ်တယ်။ ဒါ့အပြင် ယနေ့စစ်အုပ်စုသစ်ရဲ့ ရပ်တည်ချက်နဲ့ သဘောထားကိုဖော်ပြနေတယ်။

အကန်တော့ခံသူဗိုလ်ဟောင်းအများစုဟာ (နဝတ) ဖျက်သိမ်းပြီး (၁၉၉၇ နိုဝင်ဘာ ၁၅ ရက်နေ့) မှာ အသစ်ပြန်ဖွဲ့တဲ့ (နအဖ) အဖွဲ့ဝင် ထိပ်သီးတွေဖြစ်နေတာတွေ့ရတယ်။

ဒါကြောင့် ဒီပွဲရဲ့အနှစ်သာရနဲ့ အဓိပ္ပါယ်က ယခု အမတ်ချုပ်လုပ်နေတဲ့ ဗိုလ်ရွှေမန်း၊ သမ္မတလုပ်နေတဲ့ ဗိုလ်သိန်းစိန်၊ ဒုတိယ သမ္မတအဖြစ်မှအနားယူသွားတဲ့ ဗိုလ်တင်အောင်မြင့်ဦးတို့ကို ဗိုလ်မင်းအောင်လှိုင်ကွပ်ကဲတဲ့ တာဝန်ထမ်းဆောင်ဆဲ စစ်ဗိုလ်ထိပ်သီးများ က သစ္စာခံကြတဲ့ ပွဲသာဖြစ်တယ်။ (ကန်တော့ခံတဲ့အထဲ ဗိုလ်ရွှေမန်း၊ ဗိုလ်သိန်းစိန်၊ ဗိုလ်တင်အောင်မြင့်ဦး တို့ ဗြောင်မပါဝင်သော်လည်း)

ဗိုလ်နေဝင်း(မဆလ)ခေတ် စစ်ဗိုလ်တစ်ဦးဖြစ်တဲ့ ဗိုလ်ချုပ်သူရစောဖြူကို သီးခြားထည့်ထားတာကတော့ သွေးနဲ့မီးခိုးမတိတ် နိုင်တဲ့ ပြည်နယ်က ရခိုင်တိုင်းရင်းသားတွေကို  လှည့်စား၊ ချနင်းဖို့ ဖြစ်မယ်လို့ ယူဆပါတယ်။

၁၉၈၈ စက်တင်ဘာလ ၁၈ ရက်နေ့ အာဏာသိမ်းတဲ့ (နဝတ) အဖွဲ့ထဲကဆိုလို့ ဗိုလ်မောင်မောင်ခင်(ကာချုပ်/ရေ)၊ ဗိုလ်အေး သောင်၊ ဗိုလ်မျိုးညွန့်၊ ဗိုလ်ထွန်းကြည်တို့ (၄) ဦးသာပါဝင်တယ်။ ဗိုလ်မျိုးညွန့်၊ ဗိုလ်ထွန်းကြည် တို့ ၂ ဦးကတော့ (နအဖ) အဖြစ်ပြန်လည် ဖွဲ့တဲ့အခါ “အကြံပေးအဖွဲ့” အဖြစ် အကျင့်ပျက်လာဘ်စားမှုတွေနဲ့ ဘေးပို့ခံရတဲ့ (နဝတ) အဖွဲ့ဝင် ဒုတိယဗိုလ်ချုပ်ကြီးဟောင်း (၁၃) ဦးထဲကဖြစ်တယ်။ (အကြံပေးအဖွဲ့ ကစုစုပေါင်း ၁၄ ဦးဖြစ်တယ်။ အဲဒီထဲမှာ ၁၄ ယောက်မြောက်က ဗိုလ်ချုပ်စိုးမြင့် ဖြစ်တယ်။ ကျန်တဲ့ သူတွေက မူလ(နဝတ)အဖွဲ့ဝင်ဒုတိယ ဗိုလ်ချုပ်ကြီးတွေဖြစ်တယ်၊ ဗိုလ်ထွန်းကြည်က ဗိုလ်ခင်ညွန့်ထောက်လှမ်းရေးအပေါ် အစာမကြေ ပါဘူး။ ထောက်လှမ်းရေး အပေါ်မကျေ နပ်ချက်တွေကို ဗိုလ်ထွန်းကြည်က သူ့စာအုပ် (နှစ် ၅၀ ကျော် ကိုယ်တွေ့များ – ပထမတွဲ) မှာ ဖွင့်ချထားပါတယ်။ (ဒုတိယတွဲက တော့ ဗိုလ်သန်းရွှေက တားမြစ်ထားလေသလားမသိ၊ ယခုထိထွက်မလာသေးပါ )

ဒီလို (နဝတ)ထဲက ဗိုလ်ချုပ်တချို့ပါတာကို ကြည့်ပြီး တာဝန်ထမ်းဆောင်ဆဲ ကာချုပ်ဗိုလ်မင်းအောင်လှိုင်တို့က ဗိုလ်နေဝင်း၊ ဗိုလ်သန်းရွှေတို့အာဏာမာန်ယစ်ပြီး၊အာဃာတနဲ့အကြမ်းဖက်ဖိနှိပ်ခဲ့တာတွေကိုပြည်ဖုံးကာချလိုက်ပြီ၊ စစ်အုပ်စုတွင်းဂိုဏ်းတိုက်ပွဲတွေကို သင်ပုန်းချေ လိုက်ကြပြီး၊  စည်းလုံးညီညွတ်တဲ့စစ်တပ်သမိုင်း အစပြုတာဖြစ်တယ်လို့ အကဲမဖြတ်သင့်ပါဘူး။ မယူဆသင့်ပါဘူး။

ဗိုလ်ချုပ်အောင်ဆန်း ဓါတ်ပုံချိတ်ရတာက ဗိုလ်ချုပ်အောင်ဆန်းရဲ့တောက်ပြောင်တဲ့သမိုင်းကို ဖျောက်ဖျက်ဖို့ကြိုးစားပေမယ့် မရခဲ့ဘူး။ ဒါ့အပြင် ဒီလိုဗိုလ်ချုပ်အောင်ဆန်းဓါတ်ပုံ ချိတ်လိုက်ခြင်းအားဖြင့် စစ်တပ်ထဲက တပ်ဗိုလ်တပ်သားအများစုကို လှည့်စားဖို့နဲ့ စစ်တပ်တစ် ခုလုံးကို စစ်အုပ်စုက ဂုတ်ခွစီးပြီး တစ်လက်ကိုင်လက်ထားတဲ့အချက်ကို ဖုံးကွယ်ဖို့အတွက် ပိုပြီးအကျိုးရှိလို့ချိတ်ရတာပါ။ သူတို့ တကယ် တန်း ချိတ်ဆွဲထားလိုတဲ့ ဓါတ်ပုံ ၂ ပုံက ဗိုလ်နေဝင်းနဲ့ ဗိုလ်သန်းရွှေတို့ပုံပဲဖြစ်ပါတယ်။ သဘောမှန်၊ သဘောရိုး၊  သဘောဖြောင့် သူတို့မှာ ရှိတယ်ဆိုရင်ဖြင့် ကာချုပ်အားလုံးရဲ့ ဓါတ်ပုံတွေကို ချိတ်ရမှာမဟုတ်လား။

ဗိုလ်စန်းယု၊ ဗိုလ်တင်ဦး၊ ဗိုလ်ကျော်ထင်၊ ဗိုလ်စောမောင် စတဲ့ ကာချုပ်တွေဟာ ဗိုလ်နေဝင်း ထားရာနေ၊ စေရာသွားခဲ့ကြရပြီး၊ ဗိုလ်နေဝင်းစိတ်ကြိုက်ခန့်ထားတဲ့ကာချုပ်တွေသာဖြစ်ပါတယ်။

ဒီချုပ်က နာယကကြီး ဗိုလ်ချုပ်ကြီးဟောင်း သူရဦးတင်ဦးဟာ (ဗိုလ်ချုပ်စမစ်ဒွန်းမှ ဗိုလ်မင်းအောင်လှိုင်ထိ ကာချုပ် ၈ ဦးအနက်) စတုတ္တ မြောက် ကာချုပ်ဖြစ်ပါတယ်။ သူ့ဓါတ်ပုံဘာကြောင့်မချိတ်သလဲ။ ဗိုလ်နေဝင်းကို အံတုလို့၊ ဒီချုပ်ပါတီထဲဝင်သွားလို့ဖြစ်ပါတယ်။  ဦးတင်ဦး ဟာ ၁၉၇၄ မှ ၁၉၇၆ ထိ ကာချုပ်လုပ်ခဲ့သူဖြစ်ပါတယ်။ ဒီလို ကာချုပ်ဟောင်းကြီးဦးတင်ဦး အား  ဗိုလ်လှဆွေလို မလောက်လေးမလောက်စားက သရော်မော်ကားပြောဝံ့တာဟာ  အထက်က ပြောခိုင်းသူရှိလို့ပါ။

ကာချုပ်(ဟောင်း)ဗိုလ်စောမောင် ဓါတ်ပုံကို သူတုိ့ မချိတ်ဝံ့တာက ၁၉၉၀ ပြည့်ရွေးကောက်ပွဲရလဒ်နဲ့သက်ဆိုင်ပါတယ်။ ဗိုလ်စောမောင်ဓါတ်ပုံချိတ်လိုက်တာနဲ့ “၁၉၉၀ပြည့်ရွေးကောက်ပွဲနဲ့ရွေးကောက်ပွဲရလဒ်”ကို မဖြစ်မနေ အသိအမှတ်ပြုရတော့မှာပါ။ သူတို့အနေနဲ့ “၁၉၉၀ ပြည့်ရွေးကောက်ပွဲရလဒ်”ကို ပယ်ဖျက်နိုင်ခဲ့သော်လည်း ဗိုလ်စောမောင်ဓါတ်ပုံကိုတော့ သူတို့ မချိတ်ဝံ့ပါဘူး။ ဗိုလ်စောမောင်စကားက “စစ်တပ်က စစ်တန်းလျားပြန်မယ်” ဆိုတဲ့ စကားလေ။

(နဝတ-နအဖ) မိုက်ဖော်ဆိုးဘက် အကန့်တော့ခံစာရင်းထဲမှာ ဗိုလ်ခင်ညွန့်ကို မပါမဖြစ်ထည့်ရမှာပေါ့။ ဒါပေမယ့် ဗိုလ်ခင်ညွန့်ကို စစ်အုပ်စု က ငယ်စာရင်းမှ ဖယ်ထုတ်ထားပါတယ်။ “၈၈ ဒီမိုကရေစီအရေးတော်ပုံ” ကာလနဲ့ နောက်ပိုင်းအကြမ်းဖက်ဖိနှိပ်မှုတွေနဲ့ ပတ်သက်ပြီး ဗိုလ်ခင်ညွန့်နဲ့ ထောက်လှမ်းအရေးအဖွဲ့အပေါ် တစ်ဖက်သတ်အပြစ်ပုံချနေပါတယ်။ တကယ်တော့ ဒီလိုအကြမ်းဖက် ဖိနှိပ်မှု မှန်သမျှ ကို ဗိုလ်နေဝင်း – ဗိုလ်စောမောင် – ဗိုလ်သန်းရွှေ – ဗိုလ်ခင်ညွန့်တို့ တစ်ကျိတ်ထဲ တစ်ဉာဏ်ထဲ အကွက်ချပြီးလုပ်ခဲ့ကြတာပါ။  ဗိုလ်နေဝင်း – ဗိုလ်စောမောင် – ဗိုလ်သန်းရွှေတို့က တိုက်ရိုက်အမိန့်ပေးတာဖြစ်ပြီး ဗိုလ်ခင်ညွန့်နဲ့ထောက်လှန်ရေးအဖွဲ့က လက်တွေ့ အကောင်အထည် ဖော်ကြတာဖြစ်ပါတယ်။ ဗိုလ်လှဆွေ၏ အောက်ပါစကားက ဝန်ခံနေပါတယ်။

“မြန်မာထောက်လှမ်းရေးအကြီးအကဲဟောင်း ဦးခင်ညွန့်သည် ယခင် တပ်မတော် အကြီးအကဲက ခိုင်းတာနည်းနည်း၊ သူအပို လုပ်မိတာ များများဖြစ်ခဲ့သည်ဟု ဝန်ခံပြောကြားလိုက်ကြောင်း”

ဗိုလ်လှဆွေသည် အထက်ပါစကားများကို အထက်က ခိုင်း၍ ပြောနေ၊ ရေးနေခြင်းဖြစ်ပါတယ်။

ဒါကြောင့် ဒီပွဲဟာ ဗိုလ်နေဝင်း-ဗိုလ်သန်းရွှေ စစ်အုပ်စုအား ဗိုလ်ရွှေမန်း-ဗိုလ်သိန်းစိန်တို့ကဲ့သို့ (နအဖ) မူလအဖွဲ့ဝင်များ [ဒုဗိုလ်ချုပ်ကြီး ကျော်သန်း(ကာချုပ်-လေ)၊ ဒုဗိုလ်ချုပ်ကြီးညွန့်သိန်း(ကာချုပ်-ရေ)၊ ဒုဗိုလ်ချုပ်ကြီး ကျော်ဝင်း(မပခတိုင်းမှူး)၊ ဒုဗိုလ်ချုပ် ကြီး ရဲမြင့်(လပခ တိုင်းမှူး)၊ ဒုဗိုလ်ချုပ်ကြီး ခင်မောင်သန်း(ရကတတိုင်းမှူး)၊ ဒုဗိုလ်ချုပ်ကြီး တင်အေး(တပခတိုင်းမှူးတိုင်းမှူး)] ကို အမှူးထားပြီး ကာချုပ် ဗိုလ်မင်းအောင်လှိုင် ကွပ်ကဲတဲ့ စစ်အုပ်စုသစ်က သစ္စာခံတဲ့ပွဲ၊ သြဇာခံတဲ့ပွဲသာဖြစ်ပါကြောင်း။

ညွန်း
– နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ အမိန့်အမှတ် (၁/၈၈) ၊ ၁၉၈၈ ခုနှစ်၊ စက်တင်ဘာလ ၁၈ ရက် 
– နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ကြေညာချက်အမှတ်  (၁/၉၇)၁၉၉၇ ခုနှစ်၊ နိုဝင်ဘာလ ၁၅ ရက် 
– နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ကြေညာချက်အမှတ်  (၃/၉၇)၁၉၉၇ ခုနှစ်၊ နိုဝင်ဘာလ ၁၅ ရက် 


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

Twitter: moemaka


%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ

By

မိုးမခ သြဂုတ်လ ၂၀၁၈၊ တွဲ ၅ မှတ် ၄ ထွက်ပြီ (မိုးမခ)...

Read more »

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ

By

မိုးမခ ဇူလိုင် ၂၀၁၈ – အတွဲ ၅၊ အမှတ် ၃ တကယ်ထွက်ပြီ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်