ကိုစိန်ဝင်း မရေးဖြစ်တဲ့ ဆောင်းပါး (ဟံသာဝတီ ဦးဝင်းတင်)

April 21, 2014

ကိုစိန်ဝင်း မရေးဖြစ်တဲ့ ဆောင်းပါး (ဟံသာဝတီ ဦးဝင်းတင်)

  ဦးဝင်းတင် (၁၉၃၀-၂၀၁၄) ကဏ္ဍအတွက်   မိုးမခပြန်လည်ဆန်းသစ်ခြင်း

ဧပြီ ၂၁၊ ၂၀၁၄

ကိုစိန်ဝင်း မရေးဖြစ်တဲ့ ဆောင်းပါး

Bombard the Headquarters

ဟံသာဝတီ ဦးဝင်းတင်

 

(၁)

အိပ်ရာပေါ်မှာ ပက်လက် လှဲနေရာက ကိုစိန်ဝင်း စကားထန်ထန် တစ်ခွန်း လှမ်းပြောတယ်။

 

ထုံးစံအတိုင်း သူ့အိပ်ရာဘေးက ကုလားထိုင်မှာ ကျွန်တော် ထိုင် နေတယ်။ ထုံးစံအတိုင်း ကျွန်တော်နဲ့အတူ ကိုမိုးသူ ပါလာတယ်။ ကိုမောင်မောင်ခင် ပါလာတယ်။ သူတို့လည်း  ကုလားထိုင်တစ်လုံးစီမှာ ကိုယ်စီ ထိုင်လို့။

 

 ၂၀၁၀ နှစ်ဆန်းပိုင်းလောက်  ချိန်ပေါ့။ ရာသီကလည်း ပွက်လောရိုက် ပူနေတယ်။ ထုံးစံအတိုင်း ကိုစိန်ဝင်းက အမောဆိုက် နေရှာတာပါပဲ။ သူ့ဆီလာရတာ ကျွန်တော်တို့လည်း အမောဆိုက်ကြရတာပါပဲ။ လှေကားထောင်ထောင် နေလောင်လောင်၊ အမယ်လေး … မောလိုက်တာ။ ပူပေမယ့် လောင်ပေမယ့် ကျွန်တော်တို့ သုံးယောက်ကတော့ ကိုစိန်ဝင်းဆီ နှစ်ပတ် တစ်ရက်လောက် ပုံမှန် အရောက်လာကြတယ်။ သူက အမြဲမောပြီး အမြဲဖောက်နေတော့ ကျွန်တော်တို့လည်း သူ့ဆီ အလာမြဲပြီး အမြဲ လာနေကြတာပေါ့။

 

အဲဒီနေ့က ကျွန်တော်တို့ အမောမှပြေမယ် မကြံရသေး။ သူက အမောစကား ပြောလာတယ်။ သူ့စကားက ကျွန်တော်အဖို့ ရင်ဆို့စရာ အမောစကား ဖြစ်နေတယ်။ ကျွန်တော် ရင်မောနေတဲ့ကိစ္စကို သူကလည်း ရင်မောမောနဲ့ ပြောချလိုက်တာကိုး။

 

ကိုစိန်ဝင်းရဲ့ စကားက …

 

“ကိုဝင်းတင်ရေ … ဘွန်ဘတ်သီဟက်ကွာတား ရေးတော့မယ်ဗျာ”

 

ကျွန်တော် ဘာမှ ပြန်မပြောဘူး။ တစ်အောင့်လောက် ငိုင်နေမိတယ်။ တစ်လံတောင်မကွာတဲ့ ကိုစိန်ဝင်း မျက်နှာကို ငေးကြည့်နေမိတယ်။ ကိုစိန်ဝင်း စကားက ယတိပြတ်စကား။ သူ ဒီလိုအသံနဲ့ ဒီလိုစကား ပြော လာရင် ပြင်ခိုင်း၊ ပြောင်းခိုင်းလို့ မရတော့ဘူး။ ဒီလူက စကားတစ်ခွန်းမာရင် ခေါင်းဆယ်ဆ မာတတ်တဲ့သူ။ ကျွန်တော် သိတာပေါ့။

 

(၂)

သူပြောတဲ့ “ဘွန်ဘတ်” ဆိုတာက တရုတ် ကွန်မြူနစ်ခေါင်းဆောင်ကြီး မော်စီတုန်း သုံးသွားတဲ့ စကားလုံးလေ။ အားလုံး ကြားဖူးကြပါတယ်။ Bombard the Headquarters ပေါ့။ တရုတ် ကွန်မြူနစ်ပါတီအပေါ် နှလုံးနာနာနဲ့ ယဉ်ကျေးမှုတော်လှန်ရေး အကြိုကာလမှာ မော်စီတုန်း ကြုံးဝါးသွားတဲ့ တိုက်ပွဲခေါ်သံ စကားလေ။

 

အဲဒီအချိန်က တရုတ် ကွန်မြူနစ်ပါတီအတွင်းမှာ ကတ္တီပါဂိုဏ်းတွေ ပေါ်နေကြပြီ။ အချင်းချင်း ကတ္တီပါ လက်သီးပုန်းတွေ “ကစ်” နေကြပြီ။ မော်စီတုန်းက သံမဏိလက်ရုန်း တန်းလိုက်တယ်။ သူ့တိုက်ပွဲခေါ်သံက

“ပါတီဌာနချုပ်ကို ဗုံးခွင်းကြ”

 

အဲဒီရက်ပိုင်းက အဲဒီစကားကို ကိုစိန်ဝင်း တတွတ်တွတ် ပြောနေခဲ့တယ်။ ကျွန်တော် အထပ်ထပ် ကြားနေခဲ့တယ်။ တရုတ် ကွန်မြူနစ်ပါတီ အကြောင်း သူ ပြောတာမဟုတ်ဘူး။ ဗမာ ဒီချုပ်အကြောင်း ပြောနေတာ။ ကျွန်တော်က ဒီချုပ်က လူလေ။ ဒီချုပ်အကြောင်း ကျွန်တော့်ကို ပြောတာ ပေါ့။

 

“ကိုဝင်းတင်ရေ … မော်စီတုန်း ပြောသလိုပဲ NLD ဌာနချုပ် ဗုံးခွင်း မှ ဖြစ်တော့မယ် ထင်တယ်၊ ကျွန်တော်တော့ ဆောင်းပါး ရေးတော့မယ်ဗျာ၊ ဒီတိုင်းဆို NLD မြေလျှိုးလိမ့်မဗျို့၊ မိုးပျံလမ်း မမြင်တော့ဘူး”

 

ကိုစိန်ဝင်း စကားက ပစ်မှတ်နဲ့ သိပ်အလှမ်းမကွာပါဘူး။ ကျွန်တော် သိတာပေါ့။ NLD ဒီချုပ်ခွင်မှာ အရေးတော်ပုံတပ်သားအဖြစ်နဲ့ရော၊ လူ့ငရဲသား အဖြစ်နဲ့ပါ နှစ်ပေါင်း ၂၀ ကျော် ပတ်သက် စပ်ယှက်ခဲ့တဲ့သူပဲ။ ကို စိန်ဝင်း ခံစားတာအောက် မလျော့တဲ့ ပြင်းပြနာကျင်မှု အတိုင်းအတာနဲ့ ခံစားနေရသူပဲလေ။

 

“အေးပေါ့လေ၊ ဆော်ရုံမက၊ ပလော်ရုံမက တီးချင်သပဆိုလည်း တီးပေရော့ပေါ့” လို့ ကျွန်တော် ပြောလိုက်ချင်တာပေါ့။ လျှာကို ယားနေ တာပဲလေ။

 

ကျွန်တော့်ရင်ထဲမှာ “သိ” နေတာလေး တစ်ခုရှိတယ်။ NLD ဗုံးခွင်း စရာ မလိုဘူး။ ကျုံးသွင်းမခံရဖို့ပဲ လိုတယ်။ တကယ့်အရေးကြုံကာလ ရောက်လာမယ်။ NLD နောက်ဆုံးပြောမယ့်စကား ဘာလဲဆိုတာ ကျွန်တော် သိနေတယ်။

 

“လှေခွက်ချည်းကျန် အလံမလှဲဘူးကွ” ဆိုတဲ့စကား ရှိတယ်။ ဒါက ဂန္ထဝင်စကား၊ ရှေးစကား၊ သမားရိုးကျစကား။ ဒီနေ့ သို့မဟုတ် မနက်ဖြန် သန်ဘက် NLD ပြောရတော့မယ့် စကားက တစ်မျိုး။ မတူဘူး။ ပိုမာတယ်။ ပိုထန်တယ်။ “လှေခွက်မကျန်တောင် အလံမလှဲဘူးကွ” စိတ်ဓာတ် မွေးကြဟေ့။ တိုက်ပွဲခေါ်သံ ဟစ်ကြဟေ့။ နောက်ဆုံးတိုက်ပွဲ နွှဲကြဟေ့။ ဒီချုပ်တစ်ခေတ် ဒီရေမြင့်သစ်လိမ့်မယ်ဟေ့။

 

ကျွန်တော့်ရင်ထဲမှာရှိတဲ့ အတ္တနောမတိ၊ ဒီအသိနဲ့ ကျွန်တော် ကို စိန်ဝင်းရဲ့ လွတ်လပ်စွာ ရေးသားခွင့်ကို ပိတ်တားလိုက်တယ်။

 

“ထားလိုက်ပါဦးဗျာ”

 

ကိုစိန်ဝင်းက ဘာမှပြန်မပြောဘူး။ ဘာမှလည်း ပြန်မမေးဘူး။

 

“ဘွန်ဘတ်” ဆောင်းပါးလည်း သူ ရေးမသွားဘူး။

(၃)

ကျွန်တော့် ရေးဖော်ရေးဖက်တစ်ယောက်အပေါ်မှာရော၊ သတင်း စာဆရာ တစ်ယောက်အပေါ်မှာရော၊ လွတ်လပ်စွာ ရေးသားခွင့်အပေါ်မှာပါ ပြစ်မှား ကျူးလွန်ခဲ့တာပါကလား။

 

ဒီနေ့ ကိုစိန်ဝင်းတစ်ယောက် ယေရှုသခင်လို ရှင်ပြန်ထမြောက်လာပြီး …

 

“ဟေ့ … ကိုဝင်းတင်၊ ဟို ဘွန်ဘတ်ဆောင်းပါး မှတ်မိရဲ့မဟုတ် လား၊ ဒီချုပ်တွေ၊ ဒီပြုတ်တွေတော့ အသာထားလိုက်၊ ခင်ဗျားက ဒီငုတ် တုတ် ဖြစ်နေသေးတယ်၊ ခင်ဗျားအတွက်ပဲ ဘွန်ဘတ်ဆောင်းပါး ရေးရ တော့မယ် ထင်တယ်၊ ဘယ့်နှယ်လဲ၊ ဟဲ … ဟဲ … ဟဲ …” လို့ မေးတယ် ဆိုပါတော့။

 

ကျွန်တော် ဘယ်လို ဖြေသလဲ။

 

ကိုစိန်ဝင်းရဲ့ လွတ်လပ်စွာ ရေးသားခွင့်ကို ကျွန်တော် ပိတ်ပင် တားမြစ်ခဲ့တုန်းက ကျွန်တော် သိနေတယ်ဆိုတဲ့ စကားကို ကျွန်တော် မှတ်မိ နေသေးတယ်။ မမှတ်မိဘဲ နေမလား။ ၂၀၁၀၊ စက်တင်ဘာ ၂၇ ရက်၊ နာယကကြီး ဦးတင်ဦးအိမ်မှာ ကျင်းပတဲ့ ဒီချုပ် နှစ်ပတ်လည် အခမ်းအနား မှာ အဲဒီစကား ကျွန်တော် တစ်ဝကြီး ပြောခဲ့တယ်လေ။ စာအုပ်ကလေး တောင် ပုံနှိပ်ထုတ်ဝေခဲ့သေးတာပဲ။

 

ကျွန်တော် ဖြေလိုက်တဲ့ စကားကတော့ …

 

“ရေးချင်သလိုသာ ရေးပေတော့ ကိုစိန်ဝင်းရေ၊ ကျွန်တော်လည်း သေတွင်းသေဝ ရောက်နေပြီဗျာ၊ ဓားတုံးတုံးနဲ့ ခရမ်းပိန်ပိန် တွေ့နေပြီဗျာ၊ ကြောင် ခံတွင်းပျက်နေလို့သာ ဆက်ရက် တောင်ပံကျိုး မသေမပျောက်

ကျန်နေတာဗျို့၊ ကျွန်တော်ကတော့ ဒီငုတ်တုတ်ပဲပေါ့ဗျာ”

 

ကျွန်တော် ကိုစိန်ဝင်းကို ပြုံးတောင် မပြလိုက်ဘူး။ “မချိလို့ ပေါ်တဲ့ သွားတောင် ရယ်သလား မေးကြပြန်တယ်” ဆိုစကား ရှိမဟုတ်လား။ တော်ကြာ ကျွန်တော့်ရဲ့ မချိသွားပြုံးကို ကိုစိန်ဝင်း မြင်ပြီး ရယ်တယ်ထင် သွားမှာ စိုးလို့။

 

ဟံသာဝတီ ဦးဝင်းတင် (ဆရာ ဦးဝင်းတင်၏ ယခုဆောင်းပါးကို ဆရာလူထုစိန်ဝင်း ကွယ်လွန်ခြင်း တစ်နှစ်ပြည့် အမှတ်တရ စာအုပ်မှာ ဖော်ပြခဲ့ပါတယ်)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:U Win Tin, ဟံသာဝတီ ဦးဝင်းတင်, ဦးဝင်းတင်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်