တူမောင်ညို – ပျော့ခွေပြောင်းနွဲ့မသွားစေဖို့သာ ဆုတောင်းနေပါမည်

May 3, 2014

ပျော့ခွေပြောင်းနွဲ့မသွားစေဖို့သာ ဆုတောင်းနေပါမည်
တူမောင်ညို
မေ ၃၊ ၂၀၁၄ ခုနှစ်
 

 

“ပြင်ဆင်ရေးထက် ပြည်လုံးကျွတ်ဆန္ဒခံယူရေးကို ဦးတည်သင့်ပြီ” ဟူသော ခေါင်းစဉ် ဖြင့် ဒေါက်တာ ရန်မျိုးသိမ်း ၏ဝေဖန် အကြံပြုချက်ကို ဖတ်ရသည်။ ယင်းသို့ရေးသားချက်ပေါ် ကျနော့်သဘောထားအမြင်ကို ရေးသားတင်ပြလိုက်ပါသည်။

ဒေါက်တာရန်၏ ဆောင်းပါးကိုဖတ်ပြီးနောက် အောက်ပါအချက် ၂ ရပ်ကို အထင်အရှားမြင်တွေ့ သဘောပေါက်စေပါသည်။

–    “၂၀၀၈အခြေခံဥပဒေ” လွှတ်တော်တွင်းပြင်ဆင်ရေး အလုပ်မဖြစ်နိုင်။
–    လာမည့် ၂၀၁၅ ရွေးကောက်ပွဲတွင် ဒီချုပ်ပါတီသည် “၁၉၉၀ ပြည့်ရွေးကောက်ပွဲ” မှာကဲ့သို့ တခဲနက်အနိုင်ရ နိုင်ဖွယ်မရှိ။

တစ်စုံတစ်ရာဝေဖန်မှုပါသော ဒေါက်တာရန်၏ စဉ်းစားနည်းမှာလက်တွေ့အလုပ်မဖြစ်နိုင်သော “၂၀၀၈ အခြေခံဥပဒေ ပြင်ဆင် ရေး” လတ်တလောကြိုးပမ်းနေမှုကို စွန့်လွှတ်ပြီး၊ ၂၀၁၅ ရွေးကောက်ပွဲလွန်ကာလသို့ ဦးတည်ထားသည့် စဉ်းစားမှု ဖြစ်ပါသည်။
ယင်းသို့ စဉ်းစားနည်း ကို ဒီချုပ်ပါတီက လက်ခံဖို့ ခဲယဉ်းလိမ့်မည်ဟု ထင်ပါသည်။

“၂၀၀၈အခြေခံဥပဒေ” လွှတ်တော်တွင်းပြင်ဆင်ရေး အလုပ်မဖြစ်နိုင် ဟူသည့်အချက်နှင့်စပ်လျဉ်းပြီး ဒေါက်တာရန်နှင့် ကျနော့် အကြားဘာမျှ ကွဲလွဲစရာမရှိပါ၊ အပြည့်အဝ သဘောတူပါသည်။

ဒီချုပ်ပါတီကတော့ သူတို့လက်သုံးစဉ်းစားနည်းအတိုင်း “သင်ယူရန်ခက်ခဲသောသူများ၊ ညှိနှိုင်းဆွေးနွေးရန်ခက်ခဲသူများ၊ ခေါင်းမာသူများ”၏ “ဟင့်အင်း” ကို “ခန္တီစ တရားနှင့်အညီ” ဆက်လက်ကျော်ဖြတ်နေလိမ့်ဦးမည်ဟု ထင်ပါသည်။ သို့တည်းမဟုတ် ပေါက်တဲ့နဖူး မထူးဘူး ဆိုပြီး ဆက်စခန်းသွားမည့်ပုံလည်းရှိပါသည်။

သို့သော်လည်း လွှတ်တော်တွင်းပြင်ဆင်ရေး အလုပ်မဖြစ်နိုင်သည်ကိုမူ ဒီချုပ်ပါတီအမတ်များ၊ ဒီချုပ်ပါတီခေါင်းဆောင်ပိုင်းက အတွေ့အကြုံအရသိပြီးဖြစ်ပါသည်။ ၈၈ငြိမ်း/ပွင့်များနှင့်ပူးတွဲကြေညာချက်ထုတ်ခြင်းက လွှတ်တော်ပြင်ပ လှုပ်ရှားမှုကို မျှော်မှန်းလေ သလောဟု တွေးကြည့်စရာဖြစ်သော်လည်း၊  လွှတ်တော်တွင်း/လွှတ်တော်ပ ဒီမိုပါတီများ/တိုင်းရင်းသားပါတီများနှင့် မညှိနှိုင်း/မတိုင်ပင် သည့်ကိစ္စ ကတော့ ထူးဆန်းနေပါသည်။

နည်းကုန်လုပ်ကြည့်ခြင်း၊လမ်းကုန်သွားကြည့်ခြင်းကို ကျနော်လည်းနှစ်သက်ပါသည်။ လမ်းဆုံးလျှင်ရွာတွေ့မည်ဆိုသည့်စကား လည်းရှိသည်မဟုတ်ပါလား။ ထို့အပြင် နောက်လာနောက်သားများအတွက် အတွေ့အကြုံနှင့်သင်ခန်းစာရရှိမည်ဖြစ်သဖြင့် အကျိုးရှိသည် ဟု လည်းမြင်မိပါသည်။

အောက်ပါအချက်များနှင့်ပတ်သက်၍မူ ဒေါက်တာရန်နှင့်ကျနော် ကွဲလွဲပါသည်။

“လူထုခေါင်းဆောင်က အဆိုပြုသော်လည်း မလှုပ်၊ နိုင်ငံရေးခေါင်းဆောင်များက အဆိုပြုသော်လည်း မလှုပ်၊ အရပ်ဘက်လူမှု အဖွဲ့အစည်းများက အဆိုပြုသော်လည်း မလှုပ်၊ ပြည်သူများလမ်းမပေါ်ထွက် ဆန္ဒထုတ်ဖော်သော်လည်း မလှုပ်” ဟု ဒေါက်တာရန်က သုံးသပ်ထားပါသည်။

ကျနော်မြင်သည်က လှုပ်လောက်အောင် အင်အား မစိုက်ထုတ်နိုင်သေးသဖြင့် မလှုပ်ခြင်းသာဖြစ်ပါလိမ့်မည်။

လူထုခေါင်းဆောင်၊ နိုင်ငံရေးခေါင်ဆောင်၊ အရပ်ဘက်လူမှုအဖွဲ့အစည်းများသည် ကျစ်လစ်ခိုင်မာသည့် လူထုအင်အားမပါဘဲ တစ်ဦးကောင်း၊တစ်ဖွဲ့ကောင်းအဆိုပြုနေကြသဖြင့် မလှုပ်ခြင်းလည်းဖြစ်ပါလိမ့်မည်။

ပြည်သူများ လမ်းမပေါ်ထွက် ဆန္ဒထုတ်ဖော်နေသည်ဆိုသည့် အချက်မှာလည်း ပြန့်ကြဲနေပြီး၊ တစ်ခုချင်းလက္ခဏာ/ဒေသ လက္ခဏာဆောင်နေပါသည်။ သို့ပါ၍ ထိရောက်သည့် ပမာဏနှင့် အင်အားမစုဖွဲ့နိုင်ပဲရှိနေပါသည်။ ရေကို ၁၀၀ ဒီဂရီစင်တီဂရိတ်အထိ အပူမပေးသမျှ ဆူပွက်မလာနိုင်သကဲ့သို့ပင်။ ယင်းသို့ထိရောက်သည့်ပမာဏနှင့် အင်အားစုဖွဲ့လာပြီဆိုလျှင်  မလှုပ်ဘဲနေ၍မရ။ ထိပ်လန့် တုန်လှုပ်၍ပင်လာပါလိမ့်မည်။

တစ်ခုသာအကြံပြုလိုပါသည်။ စစ်တပ်ကို ခါးပိုက်ဆောင်တပ်သဖွယ်ချုပ်ကိုင်ထားသူများ၊ နိုင်ငံရေး၊စီးပွားရေး အပေါ်စီးယူ ထားသူများ၊ ရာစုဝက်နီးပါးအာဏာ/ဘဏ္ဍာလွှမ်းမိုးချုပ်ကိုင်ထားသူများကို ရင်ဆိုင်ယှဉ်ပြိုင်ရာတွင် ပြည်သူလူထုအကျိုးကိုအစဉ်ရပ်တည် ရှေ့ရှုပါမည် ဆိုသည့် အကြင်အတိုက်အခံပါတီသည် ပြည်သူလူထုစွမ်းအားကို အဓိကအားကိုးအားထားပြုဖို့လိုပါသည်။

ပြည်သူလူထု အင်အားကို အဓိကအားကိုးအားထားမပြုသမျှ အားနည်းနေလိမ့်မည်။ အုပ်စိုးသူများ၏ ပြုသမျှကို နုမြဲနုနေရပေ လိမ့်မည်။ အုပ်စိုးသူများနှင့်တန်းတူရည်တူစကားပြောညှိနှိုင်းဖို့ဆိုလျှင် အုပ်စိုးခံများဘက်မှ ပြည်သူလူထုစွမ်းအားဆိုသည့် အင်အားလို အပ်ပါသည်။ အဓမ္မဝါဒီများ၊ စစ်အာဏာရှင်များ၊ ဖိနှိပ်အုပ်စိုးသူများကို ဆန့်ကျင်တွန်းလှန်ရာတွင် တရားသောနည်းလမ်း တစ်ခုတည်း သက်သက်ဖြင့်အနိုင်မရှိနိုင်၊ ပြည်သူလူထုအင်အားဖြင့် အကြပ်ကိုင်ဖို့ လိုအပ်ပါသည်။

ဒေါက်တာရန်သည် လောလောဆယ်အားဖြင့် လွှတ်တော်တွင်းအရေးဆိုမှုကို “အလွန်အမင်းခဲယဉ်းလျက်ရှိသည်” ဟု သုံးသပ် နေသော်ငြားလည်း “၂၀၁၅ ခုနှစ် ရွေးကောက်ပွဲအလွန် လွှတ်တော်တွင် ဒီချုပ်၊ တိုင်းရင်းသားပါတီများ နှင့် ဒီမိုပါတီများအများစု နေရာ ရမည်” ဟူသော စိတ်ကူးတွက်ကိန်းဖြင့်  “၉၂ ဒသမ ၄၈ ရာခိုင်နှုန်းလူထုထောက်ခံသည်” ဆိုသော အချက်ကို ပြန်လည်ဆန်းစစ် ရန် အတွက် “၂၀၀၈ခုနှစ် ဖွဲ့စည်းပုံအခြေခံဥပဒေကို ပြည်လုံးကျွတ်ဆန္ဒခံယူရေး ပြန်လည်ကျင်းပနိုင်ရေး” နည်းလမ်းကို လွှတ်တော်တင်ရန် အဆိုပြုထားပြန်ပါသည်။

“နိုင်ငံတော်ဖွဲ့စည်းပုံ အခြေခံဥပဒေကို ထိန်းသိမ်းကာကွယ်စောင့်ရှောက်ပြီး၊နိုင်ငံတော်၏ ဥပဒေများကိုလည်း လိုက်နာပါမည် ”ဟု ကျမ်းသစ္စာကျိန်ဆိုပြီး  လွှတ်တော်တွင်းဝင်ရသည်မှာ “ပြည်သူ့ဆန္ဒနှင့် မဟာမိတ်များ၏ ဆန္ဒအရ” ဟူ၍ ဒီချုပ်ပါတီဥက္ကဋ္ဌ ကိုယ်တိုင် ပြောခဲ့ဖူးသည်။

ယခုအခါ ဒီချုပ်ပါတီနှင့် ၈၈ ငြိမ်း/ပွင့်တို့ပူးတွဲ၍  လွှတ်တော်ပြင်ပလှုပ်ရှားမှုဖြစ်သော “၂၀၀၈အခြေခံဥပဒေ ပုဒ်မ ၄၃၆ ပြင် ဆင်နိုင်ရန် ပြည် သူလူထုလက်မှတ်ရေးထိုးဆန္ဒဖော်ထုတ်ရေးဟောပြောပွဲ” ခြေလှမ်းကို မကြာခင် စတင်ပေတော့မည်။

သို့ဖြင့် မြန်မာ့နိုင်ငံရေးကြိုးဝိုင်းအတွင်း “ပုဒ်မ ၄၃၆ ထိန်းသိမ်းကာကွယ်စောင့်ရှောက်လိုသူများ” နှင့် “ပုဒ်မ ၄၃၆ ပြင်ဆင်လို သူများ” ရင်ဆိုင်တွေ့ကြပေတော့မည်။ “ပုဒ်မ ၄၃၆ ပြင်ဆင်လိုသူများ” ပျော့ခွေပြောင်းနွဲ့မသွားစေဖို့သာ ဆုတောင်းနေပါမည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
No tags for this post.

Related posts

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:တူမောင်ညို, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments