ဇာနီကြီး – လူရည်ချွန်ဟောင်းများနှင့် ဖွဲ့စည်းပုံအခြေခံဥပဒေ တောင်ရောက် မြောက်ရောက်

May 16, 2014

လူရည်ချွန်ဟောင်းများနှင့် ဖွဲ့စည်းပုံအခြေခံဥပဒေ တောင်ရောက် မြောက်ရောက်

ဇာနီကြီး၊ မေ ၁၇၊ ၂၀၁၄

 

 ဒေါ်ယဉ်လတ် ခမြာ၊ ထိုင်းနိုင်ငံဥပဒေအရ ဝန်ကြီးချုပ်ရာထူးနဲ့မသင့်လျှော်တဲ့အတွက် ဥပဒေအရဖြုတ်ချခံလိုက်ရပါသည်။ သူနှင့်နီးစပ်သောဝန်ကြီး၉ပါးကိုပါ အနားယူစေလိုက်ပြီး၊ ကုန်သွယ်ရေးဝန်ကြီးကို ဝန်ကြီးချုပ်အဖြစ် တာဝန်ခန့်ထားလိုက်လေသည်ဟု သတင်းဖတ်ရပါသည်။ မြန်မာတော်တော်များများက ရုပ်ရည်၊ဝတ်စားဆင်ယင်မှု ဖက်ရှင်မယ် ထိုင်းဝန်ကြီးချုပ်ကို သနားဂရုနာဖြစ်ကြသည်။ စက်ချုပ်ဒီဇိုင်းလုပ်ဆောင်သူ အမျိုးသမီးတစ်ဦးက ဒေါ်အောင်ဆန်းစုကြည်နှင့်ဒေါ်ယဉ်လတ်တို့ ၂ယောက်တွဲပုံကို ပြရင်၊ ဒေါ်အောင်ဆန်းစုကြည်ဝတ်ဆင်သော အကျီ င်္ပန်းရောင်နှင့် ထမီခရမ်းရောင် ဒီဇိုင်းမှာ မိမိတို့စက်ချုပ်ဆိုင်မှဖြစ်ကြောင်း ဂုဏ်ယူစွာ ပြောကြားသည်ကို နားထောင်ရသည်။ ဒေါ်ယဉ်လတ် ၆လခန့် ကြံ့ကြံ့ခံနိုင်အောင် ပြုလုပ်ထားသော ထိုင်းနိုင်ငံ ဖွဲ့စည်းပုံအခြေခံဥပဒေ၊ အမျိုးသမီးဒေါ်ယဉ်လတ်ကို ဖြုတ်ချနိုင်သော ထိုင်းနိုင်ငံ၏ ဖွဲ့စည်းပုံအခြေခံဥပဒေသည် စိတ်ဝင်စားစရာကောင်းသည်။ တစ်ခါက ၁၉၈၈ အရေးအခင်းကြီးတွင် နာမည်ကျော် မြန်မာ့ဥပဒေပညာရှင်ကြီးက ဖွဲ့စည်းပုံအခြေခံဥပဒေဆိုတာ အုပ်ချုပ်သူများက မကြိုက်ရင် စက္ကူစုတ်ဖြစ်သွားတာပဲ ဟူသော စကားကို ကြားခဲ့ဖူးသည်။

မ.ဆ.လ အစိုးရလက်ထက်တွင် ကောင်းတာတွေ ဘာလုပ်ခဲ့သလဲ၊ လက်ချိုးရေတွက်နိုင်သည်။ လူရည်ချွန် စီမံကိန်းသည် ပညာတတ်လူငယ်များကို ဘက်စုံဖွံ့ဖြိုးအောင် ပျိုးထောင်ခဲ့သော စီမံကိန်းဖြစ်သည်။ လောလောဆယ် မြန်မာနိုင်ငံတွင် တက္ကသိုလ်များ ဘော်လုံးဖလားကို ဘွဲ့မရခဲ့သူကိုင်ဆောင်သဖြင့် ဝေဖန်ပြောဆိုပြီး ရာထူးမှနှုတ်ထွက်သွားသူ ရှိသည်။ လာဘ်စားခြင်း ဆိုသည့်စကားလုံးကို လွှတ်တော်တွင် ရဲရဲဝံ့ဝံ့ပြောဆိုသွားသော အမျိုးသမီးလွှတ်တော်အမတ်ကို လွှတ်တော်ဥက္ကဌက အပြောအဆိုသတိပေးခဲ့သည်။ ထိုအမျိုးသမီးက လွှတ်တော်အမတ် နောက်တခါ မလုပ်ချင်ဟုပင် စိတ်ပျက်စွာ၊ သတင်းထောက်များအား ပြောကြားခဲ့သည်။ 

 

Action Aid Myanmar အဖွဲ့အစည်းမှလည်း လွှတ်တော်အမတ်များနှင့် မြန်မာပြည် ရသုံးမှန်းချေ ၂၀၁၃-၁၄ ဘတ်ဂျတ်စကားဝိုင်းကို ကျင်းပရာတွင် ကာကွယ်ရေးစစ်အသုံးစရိတ်သည် အရှေ့တောင်အာရှနိုင်ငံများတွင် ၂၁% ဖြင့် အများဆုံးသုံးနေခြင်းမှာ ပြည်တွင်းစစ်ကြောင့်ဖြစ်ကြောင်း၊ ဒုတိယအများဆုံး ကမ္ဘောဒီးယားက ၁၄.၁%၊ တတိယ ထိုင်း၊ ဖိလစ်ပိုင်၊ မလေးရှား တို့က ၁၃%၊ အင်ဒိုနီးရှားက ၄% ..စသဖြင့် စစ်အသုံးစရိတ်ရှိသည်ဟု နှိုင်းယှဉ်ဖော်ပြသည်။ ဆိုလိုသည်မှာ စစ်တပ်အာဏာ အလွန်ရှိနေသောမြန်မာနိုင်ငံဖြစ်သည် ဟုဖော်ပြထားသည်။ လက်နက်ရောင်းချသော ရုရှား၊ တရုပ်နိုင်ငံများ မြန်မာပြည်မှလက်နက်ရောင်းရငွေ မြောက်များစွာရရှိနေသည်။ အရည်သွေးမြင့်သော ဥရောပနှင့်အမေရိကန်လက်နက်များမှာ ဈေးကြီးသဖြင့် မြန်မာအစိုးရ မဝယ်နိုင်သေးပါ။

 လူရည်ချွန်စီမံကိန်းကို ၁၉၆၄ခု စတင်ခဲ့ပြီး၊ ပညာချွန် ၇တန်းမှ ၁၀တန်း၊ တက္ကသိုလ်ကောလိပ်များ၊ ဆရာအတတ်သင်၊ ဂျီတီအိုင်များမှာ ထူးခွန်သူများမှ ရွေးချယ်ပြီး၊ ငပလီ၊ အင်းလေး၊ ရန်ကုန်မြို့များသို့ အပမ်းဖြေ၊ လေ့လာခရီးစေလွှတ်ခဲ့သည်။ ထိုခေတ်ကာလက စံပြလုပ်သားဟူသော စက်ရုံအလုပ်ရုံ၊ အလုပ်သမားများကိုလည်း မောင်းမကန်၊ ကျိုက်ခမီ၊ စက်စဲ စသည့် ပင်လယ်ကမ်းခြေများသို့ အပမ်းဖြေစေလွှတ်ခဲ့သည်။

လူရည်ချွန်ဟောင်းများအဖွဲ့

၂၀၁၃ တွင် လူရည်ချွန်ဟောင်းများက အင်တာနက်၊ မိုဘိုင်းဖုန်း ဈေးချိုလာချိန်တွင် ခေတ်စားနေလာသော ဖေ့စ်ဘုတ်မှ လူရည်ခွန်အဖွဲ့ကို စတင်စည်းရုံးရင်း၊ ယခုအခါ အဖွဲ့ဝင် ၃၀၀ ကျော် ဖြစ်လာသည်။ လူရည်ချွန်ဟောင်းများသည် ၁၉၈၈တွင် ၁၃နှစ် အငယ်ဆုံးသူပင်လျှင် ယခုအခါ ၄၈နှစ်အရွယ်ဖြစ်နေလေပြီ။ ၁၉၆၄တွင် ၁၆နှစ်အရွယ်လူရည်ချွန်ကြီးသည် ယခုအခါ ၆၆နှစ်အရွယ် အငြိမ်းစားဖြစ်နေလေပြီ။ ထိုလူရည်ချွန်ဟောင်းများ၏ အဓိက တာဝန်သည် ..

၁။ လူရည်ချွန် အသစ်ကလေးများကို စံပြနမူနာ စာရိတ္တကောင်းများပြသရန်ဖြစ်သည်ဟု ရိုးသားစွာ ခံယူပါသည်။

၂။ ထုံးစံအတိုင်း အလျင်းသင့်သလို လူရည်ချွန်ဟောင်းကြီးများ တွေ့ဆုံကြရန်ဖြစ်သည်။ တွေ့ဆုံပွဲများလည်း မကြာခဏကျင်းပပြီး ၂၀၁၄ မတ်လတွင် လူရည်ချွန်ဟောင်းများအဖွဲ့ကို အောင်မြင်စွာ ဖွဲ့စည်းပြီး၊ အသင်းအဖွဲ့ပုံစံအဖြစ် စတင်နေပြီဖြစ်သည်။ ပထမဆုံး အသင်းဥက္ကဌကို ဒေါက်တာတင်မျိုးဝင်းအား ရွေးချယ်သည်ဟု သိရသည်။

၃။ လူရည်ချွန်စီမံကိန်းကို နိုင်ငံတော်မှ ၂၀၁၃တွင် ပြန်လည်စတင်ခဲ့ပါသည်။ ယခု ၂၀၁၄တွင် ဒုတိယအကြိမ်အဖြစ် လူရည်ချွန်လေးများစွာကို ရွှင်လန်းစွာတွေ့မြင်ရသည်။ အနာဂါတ်မြန်မာပြည်အတွက် လူငယ်သွေးသစ်တစ်ခု အသစ်တဖန်မွေးဖွားခဲ့ပြီဖြစ်သည်။

တခါကလူရည်ချွန်စခန်း

ငယ်စဉ်က လူရည်ခွန်စခန်းဝင်အဖြစ် ရန်ကုန်မြို့မြန်မာ့အသံမြက်ခင်းပြင်တွင် လူရည်ချွန်များနှင့် ဌာနဆိုင်ရာလူကြီးများ ၅ဦးစီ၊ ၁၀ယောက်တစ်ပွဲ စားပွဲဝိုင်းကြီးများဖြင့် ညစာ၊ စာသောက်ခဲ့ဖူးပါသည်။ ထိုစဉ်က နယ်မြိ့၊ ဒေသကောလိပ်ကျောင်းသား ကျွန်ပ်နှင့် အခြားကောလိပ်တစ်ခုက လူရည်ချွန်၎ခါရ သူငယ်ချင်း၂ယောက်ကြား၊ မြန်မာအသံလွှင့်ဌာန ညွန်ကြားရေးမှုးချုပ် ရှိသည်။ ဗိုလ်မှုးကြီးတစ်ဦးဖြစ်ပြီး အရပ်ဝတ်ဖြင့် ညစာစားပွဲလာကြသည်။ မိမိကလည်း လူရည်ချွန်တစ်ကြိမ်ထဲ ရသဖြင့် တံဆိပ်တစ်ခုတည်းတပ်ထားစဉ် အခြားသူများက ထပ်ကွမ်းတံဆိပ်များစွာ တပ်ဆင်ထားကြသည်။ စကားစမည်ပြောရင်း ဗိုလ်မှုးကြီးက ကျွန်ုပ်ရင်ဘတ်တွင် တပ်ထားသော ၁၀ကြိမ်သွေးလှုရှင်တံဆိပ်ကို စိတ်ဝင်စားပြီး၊ ကျန်လူရည်ချွန်များကို မင်းတို့လည်း လူတွေအကျိုးပြုဖို့ သူ့လိုသွေးလှုနိုင်ရင်လှုကြပါ ပြောသည်။ ကျွန်ုပ်လည်း တော်တော်ပျော်သွားသည်။ ထုံးစံအတိုင်း ရန်ကုန်တွင်လည်း တန်းစီပြီး ရှောက်လည်ရသည်။ ငပလီကို ဖော်ကာဂျတ်လေယဉ်စီးပြီး မုံရွာမြို့မှ တောသားတစ်ဦး ရောက်သွားသည်။ သံတွဲ၊ စစ်တွေ၊ ငပလီ မြို့ရွာများကို အထူးဧည့်သည်တော်များအဖြစ် ရောက်သွားခဲ့သည်။ ညတိုင်း မီးပုံပွဲများ၊ ဥာဏ်စမ်းပွဲများ၊ စကားရည်လုပွဲများ၊ သဲသောင်ပြင်တွင် ခရုလိုက်ကောက်ခြင်း.. အလွန်ပျော်ခဲ့သည်။ ထိုစဉ်က သူငယ်ချင်းများကို အောက်မေ့ရသည်။ ကွယ်လွန်သွားပြီဖြစ်သော သူငယ်ချင်းများ အနှစ်၃၀ကျော်ခဲ့ပါပြီ။

မ.ဆ.လ ခေတ်တွင် နွေကျောင်းပိတ်လျှင် လူငယ်ပီပီ၊ အဝေးဒေသများသို့ လုပ်အားပေးခရီးများထွက်ခဲ့သည်။ ဝင်းသိုမြို့နယ် အ.သုံး.လုံး စာတတ်မြောက်ရေး ၁၉၇၉၊ နှစ်စဉ်ကျင်းပသော တက္ကသိုလ်ကောလိပ်ပေါင်းစုံ ပြေးခုန်ပစ်ပြိုင်ပွဲများ၊ အိမ်မဲမြို့နယ် တစ်လ အ.သုံး.လုံး စာတတ်မြောက်ရေး ၁၉၈၁၊ ပျော်ဘွယ် ရန်ကုန်-မန္တလေးလမ်းဖောက်စခန်း၊ ၁၉၈၃ စသဖြင့် အောက်မေ့ဘွယ်ရာ လူငယ်ဘဝဖြစ်ခဲ့သည်။ လမ်းစဉ်လူငယ် ဟုခေါ်သော တစ်ပါတီစနစ်အုပ်ချုပ်ရေးစနစ်၏ လူငယ်လှုပ်ရှားမှု၊ ခေါင်းဆောင်သင်တန်း၊ မွမ်းမံသင်တန်း စသည့် ပါတီသင်တန်းများစွာလည်း ရှိသည်။ မည်သို့ပင်ဖြစ်စေ ထိုခေတ်ကာလက လူငယ်များသည် ယခုခေတ်ကဲ့သို့ ထိုင်း၊ မလေးရှား၊ စင်ကာပူနိုင်ငံများသို့ ထွက်ပြီး ပိုက်ဆံအတွက် ကုန်းရုန်းလုပ်ကိုင်နေစရာမလိုပါ။ တစ်တိုင်းပြည်လုံး စားဝတ်နေရေးအတွက် ယခုခေတ်လောက် မပူပင်ရပါ။ လူတိုင်းနီးပါး ၁၀တန်းရောက်သည်ထိ ပညာသင်နိုင်ကြသည်။ ယခုခေတ်တွင် မြို့ပေါ်ရှိ လဘက်ရည်ဆိုင်၊ စားသောက်ဆိုင်များတွင် ကလေးအလုပ်သမားများစွာ လုပ်နေသည်ကို စိတ်ပျက်စွာမြင်ရသည်။ ဥပက္ခာတရား မြဲမြံစွာထားပြီး မြန်မာ့ပြုပြင်ပြောင်းလဲရေးကို ကြိုဆိုရပါသည်။ မှတပါး အခြားမရှိပြီ….။

လူရည်ချွန်ဟောင်းများစကားဝိုင်း (အခြေခံဥပဒေ) ဆိုလို့ …

၁၉၈၈ ဒီမိုကရေစီအရေးအခင်းကြီးကို အင်အားသုံးခြေမှုန်းပြီးနောက် မြန်မာစစ်အာဏာရှင်များ၏ န.အ.ဖ အစိုးရက နိုင်ငံကို အကျင့်စာရိတ္တအပျက်ပြားဆုံးအခြေနေသို့ ရောက်ရှိစေခဲ့သည်။ မ.ဆ.လ ခေတ်က ၂၆နှစ်အတွင်း အာရှထိပ်တန်းမြန်မာနိုင်ငံကို ကမ္ဘာ့အဆင်းရဲဆုံး LDC နိုင်ငံသို့ရောက်စေခဲ့သည်။ န.အ.ဖ အစိုးရက မြန်မာနိုင်ငံကို CPI Corruptive Index ကမ္ဘာအကျင့်စာရိတ္တအပျက်ဆုံး ပြုတ်ပြုတ်ပြုန်းစေခဲ့သည်။ ယခု အစိုးရသစ်က ၃နှစ်အတွင်း အံ့မခန်း လုပ်ဆောင်သွားနိုင်ခဲ့သည်။ ကား၊လမ်း၊တယ်လီဖုန်းများကို လျှင်မြန်စွာ ပြုပြင်ပြောင်းလဲသော်လည်း ခရိုနီစနစ်ကြောင့် အစိုးရနှင့်ငွေရှင်များပေါင်းပြီး အိမ်ခြံမြေ ကမ္ဘာ့ဈေးအကြီးဆုံးနိုင်ငံ ဖြစ်သွားစေသည်။ ပြုပြင်လျှင်ရသော်လည်း မပြုပြင်ချင်ပါ။ လွှတ်တော်ဥက္ကဌကြီးကိုယ်တိုင် အခြေခံဥပဒေသည် ရာထူးမှဆင်းပေးသွားသော စစ်အာဏာရှင်များ၏ အသက်အိုးအိမ်၊စည်းစိမ်ကို ကာကွယ်ရန်ရေးဆွဲထားသည်ဟု ဝန်ခံပြောဆိုရသည်။

လူရည်ချွန်ဟောင်းများသည် ပုံမှန် စိတ်ဝင်စားဘွယ် နိုင်ငံအကျိုးပြု စကားဝိုင်းများကို လုပ်ဆောင်ရန်အတွက်၊ မေလ၄ရက် ၂၀၁၄တွင် ပုံမှန်တွေ့ဆုံပွဲကို သတင်းစာကြော်ငြာတပ်ပြီး လိပ်ခုံးဆေး(၁)သို့ ဖိတ်ခေါ်ခဲ့သည်။ အသက်၅၀ကျော်ချိန် လောကုတ္တရာ အားထုတ်လိုသောကြောင့် တနင်္ဂနွေနေ့ဘုရားရှိခိုးပွဲရှိသဖြင့် မသွားဖြစ်ခဲ့ပါ။ ဖိတ်ကြားသော လူရည်ချွန်ဟောင်း မိတ်ဆွေများကို အထူးကျေးဇူးတင်ပါသည်။

 

 ပြည်ပသို့ နှစ်ပေါင်း ၂၀ကျော် သွားရောက်နေထိုင်ခဲ့သော်လည်း နိုင်ငံခြားသားခံယူခွင့်ရှိသော်လည်း မြန်မာနိုင်ငံသား ဖြစ်နေဆဲ၊ နှစ်ပေါင်း၂၀ကျော် မြန်မာသံရုံးသို့ တစ်နှစ်လျှင် အခွန်ငွေ ဒေါ်လာ၁၅၀ (ယခုခေတ်ကျပ်တသိန်း၊ တစ်နှစ် ၁၂သိန်း) အခွန်ဆောင်ပြီး မြန်မာနိုင်ငံကူးလက်မှတ်ကို ထိမ်းသိမ်းခဲ့သည်။ မြန်မာပြည်ကြီးလည်း စစ်အာဏာရှင်စနစ်မှ မပြောင်းတော့ဟု ထင်ခဲ့သည်။ ၁၉၈၅ အင်ဂျင်နီယာဘွဲ့ရပြီး၊ ၅နှစ် အစိုးရပြန်ထမ်းဝင်အရာရှိဘဝမှ မိသားစုလိုက် နိုင်ငံခြားသို့ သွားရောက်လုပ်ကိုင်ခဲ့ရသည်။ ၂နှစ်လောက်ပဲလုပ်ပြီး စုဆောင်းပြီးရင် မြန်မာပြည်ပြန်လာမယ်..ဟူသော အသက်၂၉နှစ်အရွယ်လူငယ်တစ်ဦး၊ အနှစ်၂၀ကျော် ကြာသွားပါသည်။ မမျှော်လင့်ပဲ ၂၀၀၇ သံဃာအရေးခင်း၊ ၂၀၀၈ နာဂစ်မုန်တိုင်းအပြီး၊ ၂၀၁၁တွင် ရွေးကောက်ခံ ဒီမိုကရေစီအစိုးရတက်လာချိန် အံ့သြဝမ်းမြောက်မိသည်။ မြန်မာပြည်ပြန်လည်း အခြေချဖို့ အခွင့်လမ်းများစွာ ရှိလာခဲ့သည်။ နှစ်ပေါင်း ၂၀ကျော် တစ်လ ဒေါ်လာ၁၅၀ (၂၀၀၇နောက်ပိုင်း တစ်လ ဒေါ်လာ၁၂၀ ပြောင်းလဲ ကောက်ခံသော) ဝင်ငွေခွန်လည်း အခြားနိုင်ငံသားများနည်းတူ ပေးစရာမလိုတော့ပါ။ 

 

၃နှစ်အကြာတွင် နိုင်ငံခြားသား ကမ္ဘာလှည့်ခရီးသည်များ ၂သန်းအထိ လာရောက်ကြပြီး၊ တဖြေးဖြေး ပညာတတ်များ အခြေအနေကောင်းလာသည်။ ပညာတတ်များအတွက် အလုပ်ကိုင်ပေါလာသည်။
သို့သော် ဆင်းရဲမွဲတေသူများအဖို့ ဘာမှမထူးခြားလာသေးပါ။ လယ်မြေသိမ်းခံပြသနာများစွာ တက်ကြွလှုပ်ရှားသူများကို ဖမ်းဆီး၊ တရားစီရင်နေစဉ်၊ ရန်ကုန်မြို့လယ်ခေါင်း မြို့တော်ခမ်းမရှေ့ ၁၉၉၁ခု စစ်တပ်မှသိမ်းသွားသော သင်္ကန်းကျွန်းမြို့နယ်၊ မိချောင်းကန်ရွာသား မိန်းမအများစု လူ၂၀၀ခန့်က ဆန္ဒပြနေကြသည်။ ပန်းခြံဘေးတွင် ဝါးတဲများထိုးပြီး ဆိုင်းဘုတ်တင်၊ တီရှပ်အနီဝတ်ပြီး တနေ့၃ကြိမ် ဒို့အရေးအော်ဟစ်နေသည်မှာ ယခု ရက်ပေါင်း၅၀ရှိလေပြီ။ မည်သို့ဖြေရှင်းမည်မသိ။ ပြည်သူလူထုကလည်း စိတ်မလှုပ်ရှားတော့။ ယခင်၁၀နှစ်ကျော်က မြို့တော်ခမ်းမရှေ့ ဒို့အရေးပင်မအော်ပဲ အစိုးရဆန့်ကျင်စာတန်းကိုင်ရပ်နေသူ စိုက်ပျိုးရေးတက္ကသိုလ်ပါမောက္ခချုပ်ဟောင် ဒေါက်တာဆလိုင်းထွန်းသန်းကို ဖမ်းဆီး၊ ထောင်၇နှစ်ချခဲ့သော အချိန်ကာများနှင့် တခြားစီဖြစ်နေလေပြီ။

ရွာများတွင် ဈေးချိုသောနေရောင်ခြည်စွမ်းအင်သုံး လျှပ်စစ်မီးလင်းလာကြသည်။ ကားလမ်းများ ကောင်းလာကြသည်။ ကားမျိုးစုံ တင်သွင်းခွင့်ရရှိသောကြောင့် ကားခဈေးချိုလာသည်။ တယ်လီဖုန်းတစ်လုံး ပြင်ပပေါက်ဈေး ကျပ်၅သောင်းထိ ကျဆင်းလာသည်။ အသက်ကြီးသူများ ပင်စင်ငွေ တစ်လကျပ်၅သောင်းအထက် ရလာသောကြောင့် လူကြီးများ အစိုးရသစ်ကို အလွန်ကျေးဇူးတင်ကြသည်။ အတိုက်အခံများလည်း ထောင်မှလွတ်လာပြီး၊ အတိုက်ခံပါတီကြီးပင်လျင် လွှတ်တော်တွင် ၁၀% အမတ်များရရှိ ပါဝင်နေသည်။ အထူးသဖြင့် မီဒီယာလွတ်လပ်ခွင့်ကြောင့် ကြောက်ရွံ့မှုမှ လွတ်ကင်းလာသည်။

လူရည်ချွန် စကားဝိုင်းတွင် အခြေခံဥပဒေပြုပြင်ပြောင်းလဲရန် ဆွေးနွေးကြသည်ဟု သိရသည်။ ကျွန်ုပ်လည်း ခရိုနီစီးပွားရေးစနစ်မှလွတ်မြောက်ရန် အခြေခံဥပဒေပြောင်းဖို့လိုသည်ဟု ခံယူသည်။ ဗဟိုခွင့်ပြုမိန့်ကို ယူနေရသော ဖွဲ့စည်းပုံ၊ ဗဟိုမှခန့်မှ ပြည်နယ်ဝန်ကြီးများအလုပ်ရသော ဗဟိုဦးစီးစနစ်ဖွဲ့စည်းပုံ၊ စစ်ရေးအမြင်ရှိသူသာလျှင် သမ္မတဖြစ်နိုင်သော ဖွဲ့စည်းပုံ၊ စစ်တပ် ကာချုပ်၊ ဒု-ကာချုပ်၊ ပြည်ထဲရေး၊ နယ်စပ်ရေး အရေးပါနေရာအားလုံး စစ်တပ်က ခန့်ထားခြင်း စသည်တို့သည် စစ်အာဏာရှင်များက အလုံးစုံချုပ်ကိုင်ထားသည်။ ပုဂ္ဂလိကမီဒီယာကို ခွင့်ပြုထားပြီး၊ တရုပ်စတိုင် အုပ်ချုပ်ရေးဖြစ်နေပါသည်။

ထိုင်းနိုင်ငံနှင့်မြန်မာနိုင်ငံအုပ်ချုပ်ပုံများ

မြန်မာသည် တရုပ်၊ အိန္နိယ၊ ဂျပန်၊ကိုးရီးယား၊ EU နှင့် အမေရိကန်စသည့် ချမ်းသာသည့်နိုင်ငံများဖြင့် အထူးဆက်သွယ်လာသည်။ မြန်မာ့နိုင်ငံရေးပြုပြင်ပြောင်းလဲမှု ကျေနပ်ဖွယ်ရာများကြောင့် နိုင်ငံတကာမှာ ပိတ်ဆို့မှုအားလုံးနီးပါးလည်း ဖယ်ရှားလိုက်ပြီး ဖြစ်သည်။ အခက်အခဲကြီးတစ်ခုမှာ လက်ရှိနိုင်ငံတော်အာဏာကို အတိုက်အခံများ ၉၀% အနိုင်ရလျှင်ပင် လွှဲမပေးမည့် စစ်တပ်ဦးစားပေးထားသော ဖွဲ့စည်းပုံအခြေခံဥပဒေရှိနေသည်။
နေပြည်တော်တွင် POLICE ရဲကားများစွာ တန်းစီလှည့်လည်နေသည်။ စစ်တပ်ခေါင်းဆောင်များကို နိုင်ငံတကာမှာ စနစ်တကျ သင်တန်းပေးကာ အရည်သွေးမြင့်မားသော ပြည်သူ့ရဲတပ်ဖွဲ့ကို အမြန်ဆုံးထူထောင်နေပါသည်။ ရဲတပ်ဖွဲ့၏ စွမ်းအင်ကို အရှေ့တောင်အာရှပွဲကြီး ထိမ်းသိမ်းမှုဖြင့် ပြသသွားသည်။ ရဲဝန်ထမ်းများ အဂတိလိုက်စားမှု များစွာရှိနေသော်လည်း သာမန်ကိစ္စများတွင် ရဲဝန်ထမ်းများ အမှန်အတိုင်းလုပ်ဆောင်ရသည်။ ရဲမှုးကြီးတစ်ယောက်၏ သားဖြစ်သူ ကားမောင်းကြမ်းမှုကြောင့် အဖမ်းခံရသောအခါ ရဲတပ်ဖွဲ့မှ သူတို့ရဲမှုးကြီးထံ ဖုန်းဆက်အကြောင်းကြားသောအခါ ရဲမှုးကြီးက ဥပဒေအတိုင်း ဖမ်းလိုက်ပါ .. ဟု ပြောလိုက်သောကြောင့် ရဲမှုးကြီး၏ သားဆိုးလည်း အဖမ်းခံလိုက်ရသည်။ ထိုအခါ ကျန်လူကြီးသားသမီးများလည်း သိပ်မကြမ်းရဲတော့ပါ။ သို့သော် ငွေပေးပြီးလုပ်ချင်တာလုပ်ရသော ခေတ်ဖြစ်သောကြောင့် အာဏာ၊ ငွေရှိသူများ အခွင့်လမ်း ပိုပြီးကောင်းလာကြသည်။

လူအများသည် ၂၀၁၅ ရွေးကောက်ပွဲကို အထူးစိတ်ဝင်စားကြသည်။ အစိုးရသစ်ကလည်း စိတ်ဝင်စားဖွယ်လုပ်ထားသည်။ ၂၀၁၄ ဒီဇင်ဘာတွင် ကြားဖြတ်ရွေးကောက်ပွဲလုပ်ပြီး အတိုက်အခံကို စမ်းသပ်ဦးမည်။ ထိုင်းနိုင်ငံတွင် အာဏာပိုင်များက ရွေးကောက်ခံပြီး တက်လာသော အတိုက်အခံအုပ်စုကို ဥပဒေပြုရေးသို့ ဝင်လာခွင့် လုံးဝမပြုပါ။ သက်ဆင်ဝန်ကြီးချုပ်သက်တမ်း၂ကြိမ်မပြည်မီ ဥပဒေဖြင့် စစ်အာဏာသိမ်းသည်။ ရွေးကောက်ပွဲထပ်လုပ်ရာတွင် သက်ဆင်၏ညီမ ဒေါ်ယဉ်လတ် အနိုင်ရသော်လည်း ၂နှစ်ခန့်သာ အခုပ်ချုပ်နိုင်သည်။ ယခု ဖယ်ရှားခံလိုက်ရပြီဖြစ်သည်။

မြန်မာပြည်တွင် ၂၀၁၅ ရွေးကောက်ပွဲ၊ အတိုက်အခံက ၉၀% ဖြင့် အနိုင်ရဖို့ မဖြစ်နိုင်တော့ပါ။ အာဏာရပါတီကို လူကြိုက်များလာပြီဖြစ်သည်။ ငွေရှင်၊ ခရိုနီများက လယ်သမား၊ ဆင်းရဲသားများထံမှ မဲရအောင်လုပ်သည့်နည်းများစွာ အသုံးချမည်။ နောက်ဆုံး အထက်လွှတ်တော်၊ အောက်လွှတ်တော် ၂ရပ်စလုံး အတိုက်အခံ အနိုင်ရရှိပြီး၊ ဒုသမ္မတ၂ဦး အတိုက်ခံပါတီမှ တက်လာလျှင်ပင်၊ စစ်တပ်ထောက်ခံသော ဒု-သမ္မတ သည်သာလျှင် နိုင်ငံတော်သမ္မတအဖြစ် အရွေးခံရမည်ဖြစ်သည်။ သမ္မတရွေးချယ်ရေးအဖွဲ့ ကာ/လုံ ၁၁ဦးနှင့် လွှတ်တော်လက်ရှိနာယကများသည် စစ်တပ်ထောက်ခံသူတစ်ဦးကိုသာ သမ္မတအဖြစ် ရွေးချယ်တော့မယ်။ ဥပမာ လက်ရှိသမ္မတဦးသိန်းစိန်၊ ဦးရွှေမန်း၊ ဦးမင်းအောင်လှိုင် သို့မဟုတ် လက်ရှိ ဒု-သမ္မတဦးဥာဏ်ထွန်း…တို့သာ ဖြစ်နိုင်ချေရှိသည်။ စစ်ရေးအမြင်ရှိသော ၂၀၁၅ သမ္မတသည် ဝန်ကြီး၃၂ပါးကို သူကြိုက်ရာရွေးချယ်မည်။ ယခု သမ္မတဦးသိန်းစိန်အစိုးရကဲ့သို့ အတိုက်အခံ ဝန်ကြီးတစ်ဦးမျှ မပါပဲ ဖြစ်နိုင်သည်။ သို့မဟုတ် ဦးရွှေမန်းပြောသကဲ့သို့ ညွန်ပေါင်းအစိုးရလဲဖြစ်နိုင်သည်။

ဦးနှောက်ဖြင့် စဉ်းစားကြည့်သော လက်ရှိဖွဲ့စည်းပုံအခြေခံဥပဒေအရ ဖြစ်နိုင်သော ၂၀၁၅ အစိုးရသစ်ပုံစံ ဖြစ်သည်။ လက်ရှိ မလေးရှားနိုင်ငံ အဖြစ်အပျက်၊ ထိုင်းနိုင်ငံအဖြစ်အပျက်များကို ကြည့်ပါက အာဏာရှိသူကို ရွေးကောက်ပွဲနိုင်ဖို့ လုံးဝမလွယ်ပါ။ သို့သော် မမျှော်လင့်တာတွေ များစွာဖြစ်နိုင်ကြောင်း၊ အာဏာရှိသူက အာဏာသုံးပြီး ရွေးကောက်ပွဲအနိုင်ယူလေ့ရှိကြောင်း လူတိုင်းအသိပင်ဖြစ်သည်။ ကိုးရီးယား၊ အင်ဒိုနီးရှား ခေါင်းဆောင်များကဲ့သို့ စိတ်သဘောကောင်းလာလျှင်၊ ၂၀၁၅ ရွေးကောက်ပွဲ မတိုင်မှီ အခြေခံဥပဒေပြောင်းသွားနိုင်သည်။ အတိုက်အခံများလည်း အာဏာရနိုင်ပါသည်။

ကျွန်ုပ်အဖို့ အစိုးရသစ်သည် အတိုက်ခံပါတီလား၊ အာဏာရပါတီလား၊ သိပ်စိတ်မဝင်စားပါ။ သကြားမင်းနှင့် နတ်ကောင်းနတ်မြတ်များက (Holy Spirits) လက်ရှိအစိုးရမင်း၊ ဝန်ကြီး၊ စစ်ဗိုလ်ချုပ်များ၏ စိတ်ဝိညာဉ်ကို ပြုပြင်ပြောင်းလဲပါစေ..ဟု ဘုရာထံ အကြိမ်ကြိမ်ဆုတောင်းပါမည်။ နိုင်ငံတွင် ခရိုနီစနစ်မှ အမြန်ဆုံးလွတ်မြောက်ပြီး၊ ထိုင်း၊မလေးရှားရောက် မြန်မာများ အမြန်ဆုံးပြန်လာနိုင်သော အလုပ်ကိုင်များပေါ်လာပါစေ…ဟု ဘုရာထံ အကြိမ်ကြိမ်ဆုတောင်းလျှက်ရှိပါကြောင်း။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ခေတ်ပြိုင်အတွေ့အကြုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ကြပါစေ …

မိုးမခ လစဉ်ထုတ်မဂ္ဂဇင်း သြဂတ်စ် ၂၀၁၇ ထွက်ပြီ

မိုးမခမှာ ကြော်ငြာပါ

မိုးမခကို အိမ်အရောက် ပို့ပေးမည်

Help MoeMaKa

မိုးမခမာတိကာစဉ်

မိုးမခနဲ့ ပတ်သက်သမျှ

မိုးမခ ဇူလိုင် ထွက်ပါပြီ …

By

မိုးမခ ဇူလိုင် ထွက်ပါပြီ … (မိုးမခ) ဇူလိုင် ၁၈၊ ၂၀၁၇ မိုးမခ...

Read more »

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ

By

မိုးမခမဂ္ဂဇင်း ဇွန်လထုတ် အသစ် ဝန်ဇင်းမှာ ဝယ်ယူနိုင်ပါပြီ (မိုးမခစာအုပ်စင်) ဇွန် ၉၊ ၂၀၁၇...

Read more »

မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ

By

    မိုးမခ မဂ္ဂဇင်း မေလထုတ် အသစ် ဝန်ဇင်းတွင် ရပြီ (မိုးမခ) မေ...

Read more »

စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့် ကြမ်းကြမ်းတမ်းတမ်း ဘဝလမ်းများ” စာအုပ်

By

  စိုးလွင် (၂၁၁) (ဝမ်ခ) ရဲ့ “ဝမ်ခ (ဟောင်း) တိုက်ပွဲ နှင့်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

ကဏ္ဍများအလိုက်

Maung Swan Yi Myanmar Now ကချင် ကမ်လူဝေး ကာတွန်း Joker ကာတွန်း OKKW ကာတွန်း ကိုခေတ် ကာတွန်း ဇာနည်ဇော်ဝင်း ကာတွန်း ညီပုချေ ကာတွန်း ညီထွေး ကာတွန်း မိုးသွင် ကာတွန်း သွန်းခ ကာတွန်း ဆွေသား ကာတွန်း ရွှေဗိုလ် ကာတွန်း ရွှေလူ ခက်ဦး စိုးနေလင်း ဆန်ဖရန် ဇင်လင်း ဇာနီကြီး ထက်ခေါင်လင်း (Myanmar Now) ထင်အောင် ဒီလူည နရီမင်း မင်းကိုနိုင် မာမာအေး မိုးသွင် ရခိုင် လင်းခါး လင်းသက်ငြိမ် သွန်းခ အင်တာဗျူး အရှင်စန္ဒိမာ (မွန်စိန်တောရ) အိချယ်ရီအောင် (Myanmar Now) ဦးကိုနီ ကျော်မောင် (တိုင်းတာရေး) ဆောင်းဖြူ နေ၀န်းနီ (မန္တလေး) မောင်စိုးချိန် မောင်ဥက္ကလာ မောင်မောင်လတ် (ရွှေအင်းလေးစာပေ) သောင်းပြောင်းထွေလာ ပြည်တွင်းစစ် ၂၁ ရာစု ပင်လုံ ဖြိုးသီဟချို (Myanmar Now)
ကဏ္ဍများအလိုက် မာတိကာစဉ်