ဒေါက်တာဓမ္မပိယ – ပညာရေးမူဝါဒများ ခေတ်စနစ်နှင့်အညီ ပြုပြင်ပြောင်းလဲနိုင်ရေးအတွက် ပညာရေးဝန်ကြီးသို့ အိတ်ဖွင့်ပေးစာ

June 10, 2014

ပညာရေးမူဝါဒများ ခေတ်စနစ်နှင့်အညီ ပြုပြင်ပြောင်းလဲနိုင်ရေးအတွက် ပညာရေးဝန်ကြီးသို့ အိတ်ဖွင့်ပေးစာ

ဒေါက်တာဓမ္မပိယ (ITBMU) ၊ ဇွန် ၉၊ ၂၀၁၄

(Photo – ၂၀၁၄၊ ဇွန်လဆန်း၊ ၁၀တန်း အောင်စာရင်းထွက်သည့်နေ့ မြင်ကွင်း၊ မိုးမခ)

တိုင်းပြည်ခေါင်းဆောင်များနှင့် ပြည်သူလူထုအကြား ခရီးအကွာအဝေးက နီးနီးလေး … ။ ဆိုလိုတာက ခေါင်းဆောင်များသည် ပြည်သူ ပြည်သားများဖြစ်ကြတယ်။ ပြည်သူ ပြည်သားများသည်လည်း ခေါင်ဆောင် ဖြစ်မည့်သူများဖြစ်ကြတယ်။ ပြည်သူက ခေါင်းဆောင်၊ ခေါင်းဆောင်က ပြည်သူ ဖြစ်လာနိုင်တဲ့ ဒီလိုခေတ် အခါမျိုးမှာ … ။ ပြည်သူ ပြည်သားများနှင့် တိုင်းပြည်ခေါင်းဆောင်များကို တစ်သားထဲ ထားရှိတဲ့ ဒီမိုကရေစီစနစ် အောက်မှာ ပြည်သူများရဲ့ အခက်အခဲကို အစိုးရက နားမထောင်လျှင် တိုင်းပြည်နစ်နာမယ်။ အစိုးရအခက်အခဲ ကို ပြည်သူ ပြည်သားများက နားမထောင်လျှင်လည်း တိုင်းပြည်နစ်နာမယ်။ တိုင်းပြည်နစ်နာလျှင် ပြည်သူ ပြည်သားတွေ နစ်နာမယ်။ ဒါဟာ အမှန်တရားပဲ။

ဒီလိုအခြေအနေမျိုးရှိနေတော့ ပြည်သူ့သားသမီးများရဲ့ ပညာရေးအခက်အခဲနှင့်ဆိုင်သော ပြည့်သူ့ အသံကို ပညာရေးဝန်ကြီးအမှူးပြုသော ပညာရေးဝန်ထမ်းများက နားမထောင်ခဲ့လျှင် တိုင်းပြည်လည်းမွဲ၊ ပြည်သူ ပြည်သားများလည်း ပိုမိုဆင်းရဲသွားနိုင်တဲ့ အကြောင်းတရားများ ရှိနေခြင်းကြောင့် ပညာရေးဝန်ကြီးနှင့် ပညာရေးဝန်ကြီးဌာနသို့ ဤအိတ်ဖွင့်ပေးစာကို ပေးပို့ခြင်းဖြစ်တယ်။ နိုင်ငံတော်အစိုးရက ပညာရေးမူဝါဒများ ခေတ်စနစ်နှင့်အညီ ပြုပြင်ပြောင်းလဲနိုင်ရန် ပညာရေးဝန်ထမ်းများအား ယုံကြည်လို့ ပညာရေးဆိုင်ရာ ရာထူးများကို အပ်နှံထားခြင်းဖြစ်တယ်။ ထိုကြောင့် ထိုရာထူးများနှင့် ထိုက်တန်သော လုပ်ဆောင်ချက်များကို အရည်အချင်းရှိရှိ ဆောင်ရွက်နိုင်ရန် ဤစာကို ရေးသားရခြင်းဖြစ်တယ်။ (ပညာရေးဝန်ထမ်းများ ဖတ်ရှုလိမ့် မည်ဟု မျှော်လင့်မိပါ၏။)

ပညာရေးမူဝါဒများကို တိုင်းပြည်အတွက် ပြဋ္ဌာန်းပေးတော့မည်ဆိုလျှင် ဦးစွာပထမ နိုင်ငံတကာရဲ့ ပညာရေးစနစ်၊ မြန်မာနိုင်ငံရဲ့ ပညာရေးစနစ်များရဲ့ အားနည်းချက်၊ အားသာချက်များကို သုတေသန ပြုသင့် တယ်။ ပညာရေးစနစ် မှန်ကန်တဲ့ တိုင်းပြည်များရဲ့ သမိုင်းကြောင်းများနှင့် ပညာရေးစနစ် မမှန်ကန်တဲ့ တိုင်းပြည် များရဲ့ သမိုင်းကြောင်းများကို လေ့လာသင့်တယ်။ ထိုပညာရေးစနစ်တို့ရဲ့ အားနည်းချက်၊ အားသာချက်များကို သုတေသနပြုပြီးတဲ့အခါ ၀န်ထမ်းများရဲ့အသံကို ဒုတိယအဆင့်အနေနှင့် နားထောင်သင့်တယ်။ သူ့တို့ရဲ့ အသံများဟာလည်း ပညာရေးပေါ်လစီများကို ရေးဆွဲကြတဲ့အခါမှာ များစွာအထောက်အကူဖြစ်စေနိုင်တယ်။ သို့သော် ပညာရေးဝန်ထမ်းတို့ရဲ့ အသံဟာ ပညာရေးပေါ်လစီများကို ရေးဆွဲနိုင်ဖို့အတွက် ဖိုင်နယ်အဆင့် မဟုတ်သေးဘူးဆိုတာကိုတော့ အကြီးအကဲများ သဘောပေါက်ထားနိုင်ကြဖို့ပါ။

အဘယ်ကြောင့်ဆိုသော် ပညာရေးဝန်ထမ်းတို့၏အသံသည် အမှန်တရားပင် ဖြစ်ငြားသော်လည်း ပြည်သူများ၏ သားသမီးတွေရဲ့ ပညာရေးအခက်အခဲကို ထင်ဟပ်စေသော တင်ပြမှုမျိုး မပါဝင်နိုင်သေးပါ။  အသစ်ပြဋ္ဌာန်းပေးမည်ဖြစ်သော ပညာရေးမူဝါဒရဲ့ အားနည်းချက်၊ အားသာချက်များကို ထောက်ပြရဲတဲ့ ဝေဖန် ဆွေးနွေးမှုမျိုးတွေကို ပညာရေးဝန်ထမ်းများသည် ၀န်ကြီးများရှေ့၌ ပြုလုပ်ရဲမည်မဟုတ်ပါ။ ထို့ကြောင့် ခေါက်ရိုးကျိုးနေပြီဖြစ်တဲ့ အထက်အောက်ဆက်ဆံ ဆွေးနွေးရေး၌ ပွင့်လင်းမြင်သာသော အနေအထားမျိုး မပါဝင်နိုင်ပါ။ အထက်ကပြောရင် နားထောင်၊ အောက်လက်ငယ်သားဆိုတာ အမိန့်အတိုင်းလုပ်၊ ဒါဟာ ၀န်ထမ်းကောင်းတို့ရဲ့စံလို့ အများက သတ်မှတ်ထားလေတော့ ပညာရေးနှင့်ဆိုင်တဲ့အခက်အခဲ၊ ကျောင်းသား မိဘများနှင့်ဆိုင်တဲ့ပြဿနာ၊ ဒါတွေကို ပွင့်ပွင့်လင်းလင်း တင်ပြရဲကြမည်မဟုတ်ပါ။ ဒီအချက်ကို လျစ်လျူရှုထား ခြင်းကိုက ပြုပြင်ပြောင်းလဲရေးမှာ အခက်အခဲ၊ အကျပ်အတည်းများကို ဖြေရှင်းနိုင်ရန် ပိုမို ခက်ခဲနေခြင်းပါ။

ခေတ်စနစ်နှင့်အညီ ပြုပြင်ပြောင်းလဲရန် နိုင်ငံတော်မှ ညွှန်ကြားထားပြီးဖြစ်သော်လည်း ကိုယ်တိုင် ကလည်း ပြုပြင်ပြောင်းလဲရေး၌ စိတ်အင်အားက မပါ၊ ပညာရှင်များနှင့် အကျေအလည် ဆွေးနွေးနိုင်ဖို့ ဆိုတာ မျိုးကြတော့လည်း စိတ်ခွန်အားက နည်းနေလေတော့ မိမိတို့ရဲ့အစွမ်းကို စနစ်တကျ မထုတ်နိုင်တော့ သည့်အဆုံး ̏ရှေးထုံးကိုလည်း မပယ်နှင့် ဈေုးသုံးကိုလည်း မလွယ်နှင့်…̋ ဆိုတဲ့ စကားပုံကို လက်သုံးပြုပြီး မဆလအစိုးရ လက်ထက်က ပြဋ္ဌာန်းပေးခဲ့တဲ့ ပညာရေးမူဝါဒကြီးကိုပင် သုတေသနပြုခြင်းကြောင့် ရလာခဲ့တဲ့ ခေတ်သစ်စနစ် တစ်ခုအသွင် ဖန်တီးပြီး  ̏လေးတန်းနှင့် ၈ တန်းကို အစိုးရစစ် ပြန်လုပ်မယ်̋  ဆိုတဲ့ ပညာရေးမဟာဗြူဟာကြီး ထွက်ပေါ်လာခဲ့တယ်။ အသစ်ပြောင်းလဲမည်ဖြစ်သော ဒီပညာရေးမူဝါဒကြီးကို ပညာရှင်များအား ချပြမည်ဆိုလျှင် ၉၉.၉% ရာခိုင်နှုန်းသော ပညာရှင်များအတွက် ဘယ်လိုနည်းနဲ့မှ လက်ခံနိုင်စရာ အကြောင်းမရှိပါ။ အချိန်မနှောင်းသေးခင် အချိန်မီ ပြန်လည်စဉ်းစားနိုင်ကြဖို့ပါ။

နိုင်ငံတော်မှ ခန့်အပ်ထားသောပညာရှင်များက ̏လေးတန်းနှင့် ၈ တန်းကို အစိုးရစစ် ပြန်လုပ်ရခြင်း̋ အတွက် အကြောင်းပြထားသည်မှာ – ̏ဒီပညာရေးစနစ်ကို ပြန်လည်ကျင့်သုံးရခြင်းမှာ – ပညာရေး အခြေခိုင် စေဖို့နှင့် စာသင်ကျောင်းတွေရဲ့ အရည်အသွေး၊ ဆရာဆရာမတွေရဲ့ အရည်အသွေးကို စိစစ်နိုင်အောင် အခုလို လုပ်ဆောင်ရတာဖြစ်တယ်̋ လို့ အခြေခံ ပညာဦးစီးဌာနမှ ညွှန်ကြားရေးမှူးချုပ်က ပြောဆိုထားခြင်းဖြစ်တယ်။ ̏ခုတ်ရာတစ်ခြား၊ ရှရာတစ်ခြား̋ ဖြစ်နေခြင်းပါ။

ပြောကြားလိုသည်မှာ – သင်ကြားနည်းစနစ်တွေ၊ မူဝါဒတွေ မပြောင်းလဲဘဲ မဆလအစိုးရ လက်ထက်က ပညာရေးမူကို ပြန်အစကောက်နေမည်ဆိုလျှင် မြန်မာနိုင်ငံရဲ့ ပညာရေးအဆင့်အတန်းသည် လက်ရှိအနေထားထက် မတိုးတက်ပဲ ယခုအခြေအနေထက် နောက်သို့ပင် တစ်လှမ်း ဆုတ်သွားနိုင်ခြင်းပါ။ အကယ်၍သာ ခေတ်နှင့် မလျှော်ညီတော့တဲ့ ဒီပညာရေးစနစ်ကို ပြန်လည် ကျင့်သုံးနိုင်ရေးအတွက် ပညာရေး ၀န်ကြီးဌာနမှ ဌာနတွင်း စည်းဝေးများခေါ်ယူခြင်း၊ ပညာရှင်များကို ဖိတ်၍ ဆွေးနွေးပွဲများကို ပြုလုပ်ပေး နေရခြင်းမျိုး ဖြစ်နေခဲ့မည်ဆိုလျှင်၊ ဒီရှေးဟောင်းစနစ်ကို ပြန်လည်ကျင့်သုံးနိုင်ဖို့ အတွက်လောက်ဆိုလျှင် တိုင်းပြည်ရဲ့အခွန်ဘဏ္ဍာတွေကို အကုန်အကျခံပြီး၊ ပညာရှင်တွေ စိတ်ပင်ပမ်း၊ ကိုယ်ပင်ပမ်းခံပြီး ပညာရေးအတွက် ဆွေးနွေးပွဲတွေ၊ ဆီမီနာတွေ ဆက်လက်လုပ်ဆောင်ပေးနေစရာပင် လိုမည်မထင်တော့ပါ။ ပြောလိုရင်းက – ̏ကြိုက်သလိုသာ လုပ်ကြပေတော့̋ လို့ (Do it whatever you want to do) ပညာရှင်အသိုင်းအ၀ိုင်းက ပြောလာနိုင်ခြင်းပါ။ အဘယ့်ကြောင့်ဆိုသော် ထိုစနစ်အတွက် မူစနစ်တွေ ရှိနေပြီး ဖြစ်လို့ပါ။

̏မူလတန်းအဆင့် လေးတန်းနှင့် အလယ်တန်းအဆင့် ၈ တန်းတို့ဟာ အခြေခိုင်ဖို့ လိုအပ်တဲ့အတွက် အခုလို စာမေးပွဲစစ်တဲ့စနစ်ကို ပြောင်းခြင်းအားဖြင့် ကျောင်းသူ ကျောင်းသားတွေ ဘက်ကလည်း ပိုမိုကြိုးစား သင်ယူလာမှာဖြစ်သလို၊ ဆရာ ဆရာမတွေအပိုင်းကလည်း အားကြိုးမန်တက် သင်ကြားပေးလာကြမယ်၊ ကလေးတွေ ပညာတတ်မြောက်မှု တိုးတက်လာမယ်̋ လို့ အခြေခံပညာ ဦးစီးဌာန လက်ထောက်ညွှန်ကြား ရေးမှူးက ပြောဆိုပြန်တယ်။ တစ်ချိန်က တိုင်းပြည်ရဲ့ ပညာရေးစနစ်ကြီး ညံ့ဖျင်းလို့ ပြည်သူအများစု မြောင်းတဲ့ရောက်ခဲ့ရသည်ကို အမှတ်ရတော်မူကြပါ။ ဒီတစ်ခါ ဒီပညာရေးစနစ်ကို ဒီအတိုင်းဆက်သွားခဲ့ မည်ဆိုလျှင် မြန်မာနိုင်ငံရဲ့ပြည်သူအများစုသည် မြောင်းထဲလောက်တွင် မကတော့ပဲ ချောင်းထဲ မြစ်ထဲထိပါ မျှောပါသွားနိုင်ပြီး ဘယ်လိုမှ ပြန်ပြီး အဖတ်ဆယ်လို့ မရနိုင်တော့တဲ့ အဖြစ်ဆိုးတွေနှင့် ကြုံတွေ့ သွားနိုင်ခြင်းပါ။ တိုင်းပြည်ခေါင်းဆောင်များက ပညာသင်ကြားခွင့် အခွင့်အလမ်းကို အလေးထားပြီး အထောက်အပံ့ ပေးနေပါလျှက် ပညာသင်ပြီး ကျွန်ဘ၀ရောက်ရမည့်အရေးကို ဘယ်ပြည်သူ၊ ဘယ်ပြည်သားကမှ လက်ခံနိုင် မည်မဟုတ်ပါ။  ဤအရေးသည် ပညာရှင်များ အရေးဖြစ်လို့ ထိပ်ပိုင်းပညာရှင်ကြီးများနှင့်သာ ဆွေးနွေးတိုင်ပင်၍ ညှိနှိုင်းကြပါလို့သာ တိုက်တွန်းလိုပါ၏။

သုတေသနလုပ်ငန်းများကို ပြုလုပ်တဲ့အခါမှာ သုတေသနသဘောတရားကို ပညာရှင်များ နားလည် ထားသင့်ခြင်းပါ။ သုတေသန ပြုလုပ်ရခြင်း၏ အကျိုးကျေးဇူးမှာ အရင့်အရင်က ရှာဖွေမတွေ့ရှိသေးသော သို့မဟုတ် သတိမမူ၍ မတွေ့ရှိသေးသော အချက်အလက်တို့ကို တွေ့ရှိအောင် သုတေသနပြုရခြင်းမျိုးပါ။ လူတိုင်း သုတေသန မပြုလုပ်နိုင်ပါ။ စနစ်တစ်ကျ သုတေသန ပြုလုပ်ခြင်းမျိုးဆိုတာ တိုးတက်မှု၊ သို့မဟုတ် ဆုတ်ယုတ်မှုအပိုင်းကို တွေ့မြင်နိုင်ခြင်း၊ တင်ပြတဲ့အခါ စနစ်တကျ တင်ပြနိုင်ခြင်း၊ မိမိရဲ့အတွေးအမြင်ကို အခြေမခံပဲ ဖြစ်စဉ်ကို အလေးထားဖေါ်ပြခြင်း၊ အကြောက်တရားကြောင့်ဖြစ်စေ၊ တစ်ဖက်ဖက်ကို အကျိုးပြုလို၍ဖြစ်စေ ဖေါ်ပြထားခြင်းမျိုး လုံးဝကင်းစင်ခြင်းစတဲ့ ဒီအချက်အလက်တွေကို အခြေခံပြုပြီး ရေးသားတင်ပြထားသော သုတေသန စာတမ်းမျိုးသည်သာ စံထားလောက်သော သုတေသနစာတမ်း မျိုးဖြစ်လာနိုင်ခြင်းပါ။

̏လက်ရှိပညာရေးကောင်စီက ပြုထားသော သုတေသနစာတမ်း၏ အနှစ်ချုပ်မှာ – ̏၁၉၉၈ ခုနှစ်နောက်ပိုင်း ပညာရေးစနစ်အရ သင်ကြားခံရတဲ့ ကလေးတွေနှင့် အဲဒီမတိုင်ခင် ၄ တန်းနှင့် ၈တန်း အစိုးရစစ် စာမေးပွဲတွေရှိစဉ်အချိန်က သင်ကြား ခံခဲ့ကြသူတွေရဲ့ ပညာတတ်မြောက်မှုကို နှိုင်းယှဉ်ရင် ကွာခြားတဲ့အတွက် အရင်တုန်းက ပုံစံအတိုင်း စာမေးပွဲစနစ်ကို လုပ်ကြမှာ ဖြစ်တယ်̋လို့ လက်ထောက် ညွှန်ကြားရေးမှူးက ပြောဆိုတင်ပြထားခြင်းပါ။ သုတေသနလို့ပြောရင် တချို့လူများက အမှန်တရားလို့ ယူဆထားတတ်ကြတယ်။ ကိုယ်တိုင်က သုတေသနပြုခြင်းဆိုင်ရာ လုပ်ငန်ပိုင်းကို မကျွမ်းကျင်သူမျိုး ဖြစ်နေမည်ဆိုလျှင် ဒီလိုပဲ ယူဆတတ်ကြခြင်းပါ။

ဥပမာတစ်ခုကို ထုတ်ပြရမည်ဆိုလျှင် – ၁၉၈၈ ခုနှစ်နောက်ပိုင်း မြန်မာနိုင်ငံရဲ့ပညာရေးကို အားမရနိုင် ကြတော့တဲ့ ပြည်သူ၊ ပြည်သားများရဲ့ သားသမီးတွေဟာ ကိုယ်ချစ်တဲ့နိုင်ငံကို ပညာရေးအတွက် စွန့်ခွာခဲ့ကြပြီး၊ ပညာရေး စနစ်ကောင်းမွန်တဲ့ အာရှနိုင်ငံများ၊ အမေရိကန် အင်္ဂလန် သြစတေးလျား ကနေဒါစသော အနောက်နိုင်ငံများသို့ သွားရောက်ပြီး ပညာများကို သင်ယူခဲ့ကြရတယ်။ ယခုအခါ ထိုသူများသည် အမိနိုင်ငံသို့ တစ်ချို့ တစ်ဝက် ပြန်လည်ရောက်ရှိလာကြပြီး၊ မြန်မာနိုင်ငံသို့ လာရောက်ရင်းနှီးမြှုပ်နှံကြသော နိုင်ငံခြား ကုမ္ပဏီကြီးများ၊ မြန်မာနိုင်ငံ၌ အရေးပါသော အစိုးရ၀န်ကြီးဌာနများ၊ ခေတ်စနစ်နှင့်အညီ မြှင့်တင်ထားသော တက္ကသိုလ်ကြီးများနှင့် ဆီမီနာများ၊ နိုင်ငံတကာဆွေးနွေးပွဲများ၌ ရှေးတန်းမှ ပါဝင်ဆောင်ရွက်နေသည် မျက်ဝါးထင်ထင် တွေ့မြင်နိုင်ခြင်းပါ။

နိုင်ငံခြားမှာ ပညာသင်ယူခဲ့သူများ ထိပ်တန်းနေရာများမှာ ရောက်နေခြင်းသည် သူတို့တော်၍ချည်း မဟုတ်ပါ။ ကောင်းမွန်တဲ့ပညာရေးစနစ်များနှင့် သင်ယူခဲ့ရတဲ့ ပညာရပ်များကြောင့် သူတို့ ပေးဆပ်ခဲ့ရတဲ့ အချိန်နှင့် ပညာရေးအတွက် ကုန်ကျခဲ့ရတဲ့ ငွေးကြေးဓနများအတွက် ထိုက်တန်တဲ့ အကျိုးခံစားမှုများကို ရရှိနိုင်ခဲ့ခြင်းပါ။ အလုပ်ခွင်များမှာလည် ထိပ်တန်းနေရာများသို့ ရောက်ရှိနေကြခြင်းပါ။ ဤနေရာ၌ ပြောကြားလိုသည်မှာ စာရေးသူသည် ပညာရေးဝန်ထမ်းများနှင့် ဒီဘိတ် (Debate) လုပ် နေခြင်းမျိုးမဟုတ်ပဲ  သုတေသနပြုတဲ့အခါ အားနည်းချက် အားသာချက်များကို ရှာဖွေတွေ့ရှိနိုင်ရန် အကြံပြုခြင်းမျှသာ ဖြစ်ခြင်းပါ။

ထိုကြောင့် နောက်ဆုံးအနေနှင့် အကြံပြုလိုသည်မှာ – ပညာရေးမူဝါဒများနှင့် ပတ်သက်ပြီး ခေတ်စနစ်နှင့်အညီ ပြုပြင်ပြောင်းလဲလိုတယ်ဆိုလျှင် (၁) အရေအတွက်မများသော ပြည်တွင်း ပြည်ပနိုင်ငံများ၌ ပညာသင်ကြားဖူးသော ပညာရှင်များ၊ သို့မဟုတ် ပညာရေးဆိုင်ရာ ညီလာခံများသို့ တက်ရောက်ဖူးသော ပါမောက္ခဟောင်းပညာရှင်များနှင့် ထပ်မံတွေ့ဆုံခြင်း၊ (၂) ပညာရေးဆိုင်ရာ ၀န်ထမ်းများသည် (၀န်ကြီးများ အပါအ၀င်) တိုင်းပြည်အတွက် အကျိုးလိုလားသောစိတ်ဖြင့် ပညာရှင်များ၏ အသံကို နားထောင်ခြင်း၊ လက်ရှိ ပညာရေးအခြေအနေကို သုးံသပ်စေခြင်း၊  (၃) ပညာရေးအတွက် ဆွေးနွေးကြတဲ့အခါ ပညာရှင်များ အပြန် အလှန် ချစ်ကြည် ရင်းနှီးသော အပြန်အလှန် ယုံကြည်လေးစားသော စိတ်ထားများဖြင့် တိုင်းကျိုး ပြည်ကျိုး အတွက် (ပေးဆပ်လိုသောစိတ်ထားဖြင့်) စုပေါင်း အလုပ်လုပ်ကြခြင်းနှင့် (၄) တိုင်းပြည်နှင့်လူမျိုးအတွက် မိမိသန္တာန်၌ မထားသင့်သော အာဃာတနှင့် မန်မာနများကို ခ၀ါချထားခြင်းများကို ပြုလုပ်ကြရမည်ဖြစ်ခြင်းပါ။

ဤသို့ပြုလုပ်ပေးကြမည်ဆိုလျှင် တိုင်းပြည်၏အနာဂတ်သမိုင်းသည် ကောင်းဖို့ ဖြစ်လာမည်ဖြစ်ပြီး၊ မိမိတို့သည် ပညာရေးဆိုင်ရာ ခေတ်သမိုင်းကို တိုင်းပြည်အတွက် စေတနာနှင့် ပညာရေး ပြုပြင် ပြောင်းလဲ ရေးလုပ်ငန်းများ၌ ကိုယ်ကျိုးမဖက် တိုင်းပြည်နှင့်လူမျိုးအတွက် ပေးဆပ်ခဲ့ကြသူများအနေဖြင့် သမိုင်းစာ မျက်နှာများပေါ်မှာ သမိုင်းအဆက်ဆက် ထင်ကျန်နေရစ်ခဲ့မှာပါ။ တိုင်းပြည်နှင့် လူမျိုးအတွက် အရေးကြီးသော အခန်းကဏ္ဍ၌ ပါဝင်နေသော ပညာရေးစနစ် ပြုပြင်ပြောင်းလဲရေးကိစ္စမို့  ဤ၍ဤမျှသော အချိန်ကိုပေးပြီး ဤစာကို ရေးသားခဲ့ခြင်းဖြစ်၍ အကယ်၍များ စိတ်ဘ၀င် မတွေ့ခဲ့လျှင် နားလည်ပေးနိုင်ဖို့ ကြိုတင်စကား ဆိုထားလိုခြင်းပါ။ ပညာရေးဆိုင်ရာ ပညာရှင်များသည် ပညာရေးဆိုင်ရာ ကိစ္စရပ်များ၌ အခွင့်အခါသင့်လာပါက နိုင်ငံတော်အတွက် ပါဝင်ဆွေးနွေးနိုင်ကြရန် စောင့်စားနေခဲ့ကြသည်မှာ သုံးနှစ်သုံးမိုးပင်မက ကြာမြင့်နေ ခဲ့ပြီဖြစ်ကြောင်း ပညာရေးဝန်ကြီးများနှင့် ပညာရေးဆိုင်ရာဝန်ထမ်းများ သိရှိနိုင်ရန် ဤအိတ်ဖွင့်ပေးစာကို ရေးသားပေးပို့ရခြင်းပါ။ ချမ်းသာစွာ အိပ်စက်နိုင်ကြပါစေ။

ဒေါက်တာဓမ္မပိယ (ITBMU)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles
No tags for this post.

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အတွေးအမြင်, ဝေဖန်ရေးရာ, ဒေါက်တာဓမ္မပီယ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

http://moemaka.com/archives/57845

မိုးမခမှာ ကြော်ငြာပါ

Help MoeMaKa

မိုးမခမာတိကာစဉ်

%d bloggers like this:

ကြော်ငြာရန် …

မိုးမခနဲ့ ပတ်သက်သမျှ

ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ

By

  ရခိုင်ပြည်မြောက်ပိုင်းအရေး မိုးမခဆောင်းပါးများ ထွက်ပါပြီ (မိုးမခ) နိုဝင်ဘာ ၁၅၊ ၂၀၁၇ ယခုစာအုပ်မှာ...

Read more »

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ

By

မိုးမခမဂ္ဂဇင်း နောက်ဆုံးထုတ်ကို WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခထုတ် မောင်စွမ်းရည်စာအုပ် WE မှာ ဝယ်ပါ

By

မိုးမခထုတ် မောင်စွမ်းရည်စာအုပ် WE မှာ ဝယ်ပါ (မိုးမခ) စက်တင်ဘာ ၂၀၊ ၂၀၁၇...

Read more »

မိုးမခ သြဂတ်စ် ထွက်ပြီ

By

မိုးမခ သြဂတ်စ် ထွက်ပြီ သြဂတ်စ် ၁၅၊ ၂၀၁၇ ပြည်တွင်း ပြည်ပ ကလောင်ရှင်တွေရဲ့...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Recent Comments

ကဏ္ဍများအလိုက်

ကဏ္ဍများအလိုက် မာတိကာစဉ်